पुणे- फेकू मोदी सरकारने जनतेचा विश्वासघात केला . आणि जीवनावश्यक वस्तूचे भाव वाढविले . गोरगरीब सामान्य जनता या सरकारच्या कारभाराला हैराण झाली आहे . त्यांच्या पक्षातले साधू आणि साध्वी वादग्रस्त विधान करून समाजामध्ये तेढ निर्माण करण्याचा प्रयत्न करीत आहे याशिवाय अन्य पक्षातील लोकांना खोट्या आरोपात अडकविण्याची मोहीम राबवून मुस्कटदाबी करू पाहण्याचा प्रयत्न मोडी सरकार करीत असल्याचा आरोप करीत यापुढे या सरकार विरोधात जोरदार आंदोलने करावी लागतील असा इशारा   राज्याचे माजी गृहराज्यमंत्री रमेश बागवे यांनी नाना पेठ मधील संत कबीर चौकात कॉंग्रेस पक्षाच्या पुणे कॅनटोन्मेन्ट विधानसभा मतदार संघाच्यावतीने आयोजित केलेल्या  आंदोलनातून दिला  .कॉंग्रेस पक्षाच्या अध्यक्षा सोनिया गांधी आणि उपाध्यक्ष राहुल गांधी यांच्यावर खोटे आरोप करून त्यांना बदनाम करण्याचा  प्रयत्न भाजप सरकारने केला तर कॉंग्रेस कार्यकर्ते त्याला सडेतोड उत्तर दिल्याशिवाय राहणार नाही ,असेही यावेळी त्यांनी सांगितले

  कॉंग्रेस पक्षाच्या अध्यक्षा सोनिया गांधी आणि उपाध्यक्ष राहुल गांधी यांच्या विरुद्ध भाजपचे नेते डॉ. सुब्रमन्यम स्वामी यांनी नेशनल हेरल्ड प्रकरणात भ्रष्ट्राचार झाला अशी तक्रार केली . यांच्या तक्रारीवर न्यायालयाने त्यांना न्यायालयात हजर राहण्याचे आदेश दिले . केंद्रसरकार सी. बी. आय. , ई. डी. या खात्यांच्या मार्फत अनेक विरोधी पक्षांच्या नेत्यांवर खोटे आरोप करून त्यांना कुठल्या न कुठल्या केसमध्ये अडकविण्याचा प्रयत्न केला जात आहे . या विरोधात  आज   कॉंग्रेस पक्षाच्या पुणे कॅनटोन्मेन्ट विधानसभा मतदार संघाच्यावतीने जाहीर आंदोलन केले .

  या आंदोलनामध्ये पुणे महापालिका विरोधी पक्ष नेते अरविंद शिंदे , नगरसेवक अविनाश बागवे , शिक्षण मंडळाचे उपाध्यक्ष नुरुदिन सोमजी , माजी उपाध्यक्ष संगीता तिवारी , नगरसेविका लता राजगुरू , नगरसेविका लक्ष्मी घोडके , नगरसेवक सुधीर जानजोत , स्थायी समिती माजी अध्यक्ष रशीद शेख , माजी महापौर रजनी त्रिभुवन , कॉंग्रेस सरचिटणीस रमेश अय्यर , वाल्मिक जगताप , विठ्ठल थोरात , युवक अध्यक्ष साहिल केदारी ,सुरेखा खंडागळे ,  ब्लोक अध्यक्ष असिफ शेख , बेबी युसुफ सय्यद , भगवान धुमाळ , राजेश शिंदे , प्रदीप परदेशी , संजय कवडे , सुजित यादव , सुनील घाडगे , रोहित अवचिते , दयानंद अडागळे , अरुण गायकवाड , क्लेमंट लाजरस , प्रगती कांबळे , मीरा शिंदे व असंख्य पदाधिकारी आणि कार्यकर्ते सहभागी झाले होते .

 या आंदोलनाचे नेतृत्व राज्याचे माजी गृहराज्यमंत्री रमेश बागवे यांनी केले .भाजपच्या दबावाला  कॉंग्रेस पक्ष बळी पडणार नाही . आणि कॉंग्रेसचे कार्यकर्ते रस्त्यावर उतरून या संघ परिवार आणि त्यांचे इतर संघटनेच्या विरुद्ध लढा देतील  . देशाच्या स्वांतत्र्यच्या लढाईमध्ये राष्ट्रीय स्वंयसेवक संघ आणि त्यांच्या मित्र परिवाराने कधीही भाग घेतला नाही . याउलट कॉंग्रेसचे अनेक कार्यकर्ते आणि देशभक्तांनी   स्वांतत्र्यच्या लढाईमध्ये भाग घेतला . व अनेकांनी आपले बलिदान दिले .  भाजप सरकारने डॉ बाबासाहेब आंबेडकर यांनी देशाला दिलेल्या घटनेचा गैरवापर करत आहे . कॉंग्रेस पक्षाने देशाची एकता आणि अखंडतेसाठी  झटले . स्वर्गीय इंदिरा गांधी आणि राजीव गांधी यांनी आपले बलिदान दिले हे देश विसरू शकणार नाही . यापुढे जर मोदी सरकारने कॉंग्रेस पक्षाच्या नेत्यांवर खोटे आरोप केला तर कॉंग्रेस पक्षांचे कार्यकर्ते उग्र आंदोलन करून त्यास सडेतोड उत्तर देईल .

पुणे : निगडी येथील सेंट उर्सुला शाळेत आज सकाळी विद्यार्थ्यांनी उर्जा बचतीची प्रतिज्ञा केली. महावितरणच्या वतीने राष्ट्रीय उर्जा संवर्धन सप्ताहानिमित्त या शाळेत कार्यक्रम आयोजित करण्यात आला होता.

कार्यक्रमाला अधीक्षक अभियंता श्री. महेंद्ग दिवाकर, कार्यकारी अभियंता श्री. धर्मराज पेठकर, अतिरिक्त कार्यकारी अभियंता श्री. रमेश जाधव, उपकार्यकारी अभियंता श्री. नवीन वैद्य, सहाय्यक अभियंता श्री. कल्याण जाधव, श्री. संतोष पाटणी आदींची उपस्थिती होती. सेंट उर्सुला शाळेतील विद्यार्थ्यांनी प्रार्थनेनंतर उर्जा बचतीची प्रतिज्ञा केली. यावेळी अधीक्षक अभियंता श्री. महेंद्ग दिवाकर, अभियंता श्री. संतोष पाटणी यांनी वीजबचतीबाबत विद्यार्थ्यांना मार्गदर्शन केले.

पुणे : माळवाडी, पॉप्युलरनगर परिसरात आज सकाळी यशोदीप विद्यालयातील विद्यार्थ्यांनी प्रभात फेरीद्वारे वीजबचतीसाठी नागरिकांचे प्रबोधन केले. प्रभात फेरीमधील वीजबचतीच्या घोषणा व फलके नागरिकांचे लक्ष वेधून घेत होते.

या प्रभात फेरीत यशोदीप विद्यालयातील सुमारे 800 विद्यार्थ्यांसह महावितरणचे मुख्य अभियंता श्री. रामराव मुंडे, महात्मा फुले विद्यानिकेतनचे संस्थापक व सचिव श्री. रतन माळी, अधीक्षक अभियंता श्री. महेंद्ग दिवाकर, कार्यकारी अभियंता श्री. ज्ञानदेव पडळकर, श्री. धर्मराज पेठकर, मुख्याध्यापक सौ. नीता गुंजीकर व सौ. मंगला जावळे तसेच महावितरणचे सुमारे 75 कर्मचारी अधिकारी सहभागी झाले होते.

महावितरणच्या वतीने राष्ट्रीय उर्जा संवर्धन सप्ताहानिमित्त महात्मा फुले विद्यानिकेतन संस्थेच्या सहकार्याने ही प्रभात फेरी आयोजित करण्यात आली होती. यावेळी विद्यार्थ्यांनी उर्जा बचतीची प्रतिज्ञा केली.

प्रभात फेरीनंतर आयोजित कार्यक्रमात मुख्य अभियंता श्री. रामराव मुंडे यांनी विद्यार्थ्यांशी प्रश्नोत्तराद्वारे संवाद साधला व वीजबचतीचे महत्व पटवून दिले. संस्थेचे सचिव श्री. माळी यांच्यासह सेवानिवृत्त अभियंता श्री. मनोहर कोलते यांनी प्रात्यक्षिकांसह वीजबचतीवर मार्गदर्शन केले. या विद्यालयातील नाजमा शेख हिने वीजबचतीवर वीजबचतीचे महत्व पटवून दिले. यावेळी नाजमा शेख हिचा मुख्य अभियंता श्री. मुंडे यांच्याहस्ते कौतुकपर गौरव करण्यात आला.

प्रभातफेरीमध्ये उपमुख्य औद्योगिक संबंध अधिकारी रामगोपाल अहिर, अतिरिक्त कार्यकारी अभियंता श्री. दत्तात्रय साळी, श्री. रमेश लोकरे, सेवानिवृत्त अभियंता श्री. मनोहर कोलते, सहाय्यक अभियंता दयासिंग मोहिते, धनंजय देशपांडे, अतुल देशपांडे, संजिवनी नारखेडे, सुनील जगताप, सचिन वीर आदींसह शिक्षकवृंद, विद्यार्थी व महावितरणचे अधिकारीस, कर्मचारी सहभागी झाले होते. कार्यक्रमाचे सूत्रसंचालन श्री. व्यकंटेश देशमुख यांनी केले तर श्री. ढालपे यांनी आभार मानले. आयोजनसाठी श्री. मनोहर कोलते, महावितरण, महात्मा फुले विद्या निकेतन संस्थेने पुढाकार घेतला

पुणे- शिक्षण क्षेत्रातही मोठ्ठ्या प्रमाणात स्थित्यंतरे आता अपेक्षित असून काही काळानंतर खडू आणि फळा इतिहासजमा होईल असे भाकीत शिक्षण तज्ञ पी ए इनामदार यांनी येथे केले .

महर्षीनगर येथील संत ज्ञानदेव आणि संत नामदेव प्रशालेत संगणक कक्षाचे उद्घाटन त्यांच्या हस्ते झाले यावेळी ते बोलत होते . शहर कॉंग्रेस चे अध्यक्ष अभय छाजेड , यांच्या पुढाकाराने येथे एम एस सी आय टी चा कोर्स पूर्णपणे शिकविला जाणार आहे . शिक्षण मंडळाचे उपाध्यक्ष नरुद्दीन सोमजी , तसेच अश्विनी राऊत,नारायण शिंदे मनीषा चोरबोले आदी मान्यवर यावेळी उपस्थित होते .

पुणे: धानोरे (ता. खेड) येथील लक्ष्मी ब्राईट स्टील या कारखान्यात 14,713 युनिटची म्हणजे 2 लाख 7 हजार 280 रुपयांची वीजचोरी महावितरणने उघडकीस आणली आहे. या प्रकरणी एका जणांविरुद्ध गुन्हा दाखल झाला आहे.

याबाबत माहिती अशी, की राजगुरुनगर विभाग अंतर्गत धानोरे (ता. खेड) येथील मेसर्स लक्ष्मी ब्राईट स्टील या कारखान्याला औद्योगिक वीजजोडणी देण्यात आलेली आहे. या कारखान्याची ही जागा भाडेतत्वावर घेण्यात आली आहे. या कारखान्यातील वीजवापरातील अनियमिततेवरून संशय निर्माण झाल्याने महावितरणच्या अभियंत्यांनी वीजमीटरच्या यंत्रणेची तपासणी केली. यात कारखान्यातील सीटी ऑपरेटेड वीजमीटरमध्ये फेरफार केल्याचे आढळून आले व 14,713 युनिटची म्हणजे 2 लाख 7 हजार 280 रुपयांची वीजचोरी झाल्याचे निदर्शनात आले.

मेसर्स लक्ष्मी ब्राईट स्टील कारखान्यातील वीजचोरी उघडकीस आणण्यासाठी मुख्य अभियंता श्री. रामराव मुंडे यांच्या नेतृत्वात अधीक्षक अभियंता श्री. सुनील पावडे, श्री. रमेश मलामे, कार्यकारी अभियंता श्री. मनीष ठाकरे, सुरेश वानखेडे, उपकार्यकारी अभियंता श्री. रामचंद्ग चव्हाण, सहाय्यक अभियंता जया केवलिया, कनिष्ठ अभियंता श्रीकांत हुमनाबादकर, तंत्रज्ञ विशाल सावैतुल, अशोक तांदळे आदींनी योगदान दिले.

या वीजचोरीप्रकरणी मेसर्स लक्ष्मी ब्राईट स्टील कारखान्याच्या मालक अनुपमा संजय दरक विरुद्ध मंगळवारी (दि. 15) रास्तापेठ (पुणे) येथील महावितरण पोलीस ठाण्यात भारतीय विद्युत कायदा 2003 नुसार कलम 135 अन्वये गुन्हा दाखल झाला आहे.

पुणे : ‘पापा हो या मम्मा हो, या मम्मा की अम्मा हो, सबको हम सिखायेंगे, बिजली हम बचायेंगे’, या गाण्यावर ताल धरीत ससाणेनगरमधील ज्ञानप्रबोधिनी शाळा व कनिष्ठ महाविद्यालयातील विद्यार्थ्यांनी वीजबचतीची गुरुवारी (दि. 17) प्रतिज्ञा केली. सोबतच विद्यार्थ्यांनी आपल्या वर्गमित्रांना वीजबचतीची आवश्यकता व फायदे याबाबत माहितीही दिली.

निमित्त होते महावितरणच्या वतीने राष्ट्रीय उर्जा संवर्धन सप्ताहात आयोजित केलेल्या कार्यक्रमाचे. ज्ञानप्रबोधिनीच्या प्राथमिक, माध्यमिक व कनिष्ठ महाविद्यालयाच्या विद्यार्थ्यांनी सकाळी साडेसात वाजता प्रार्थनेनंतर उर्जा बचतीची प्रतिज्ञा केली. यावेळी मुख्य अभियंता श्री. रामराव मुंडे, अधीक्षक अभियंता श्री. सुंदर लटपटे, महात्मा फुले विद्या निकेतन संस्थेचे संस्थापक व सचिव श्री. रतन माळी, कार्यकारी अभियंता श्री. दिनेश अग्रवाल, मुख्याध्यापक मेघना पतके आदींची प्रमुख उपस्थिती होती.

यावेळी मुख्य अभियंता श्री. मुंडे यांनी विद्यार्थ्यांशी संवाद साधला व वीजबचतीचे महत्व पटवून दिले. प्रमुख पाहुण्यांसह सेवानिवृत्त अभियंता श्री. मनोहर कोलते यांनी प्रात्यक्षिकांसह वीजबचतीवर मार्गदर्शन केले. तसेच कनिष्ठ महाविद्यालयातील शिवानी कट्टीमनी, शितल किर्तने या विद्यार्थींनींनी अतिशय मुद्देसुद व सुंदर मनोगतातून वीजबचतीचा संदेश दिला. या दोघींसह शाळेतील गुणवंत विद्यार्थ्यांना श्री. मनोहर कोलते यांनी कौतुक स्वरुपात एलईडी बल्ब भेट दिला. कार्यक्रमात विद्यार्थ्यांच्या हाती असलेले वीजबचतीचे संदेश फलक लक्ष वेधून घेत होते.

कार्यक्रमाला मुख्याध्यापक श्री. अजिनाथ चव्हाण, श्री. अरविंद कन्हेरे, नारायण दर्शिले, महावितरणचे उपमुख्य औद्योगिक संबंध अधिकारी रामगोपाल अहिर, जनसंपर्क अधिकारी श्री. निशिकांत राऊत, सहाय्यक अभियंता श्री. प्रमोद सुरवसे आदींसह शिक्षकवृंद, विद्यार्थी मोठ्या संख्येने उपस्थित होते. कार्यक्रमाचे सूत्रसंचालन श्री. शिवाजी ओव्हाळ, रेशमा सातपुते यांनी केले.  वीजबचतीचा संदेश देणार्‍या व लोकप्रिय झालेल्या ‘सबको हम सिखायेंगे, बिजली हम बचायेंगे’ या गाण्याने कार्यक्रमाची सांगता झाली.