पुणे:राष्ट्रवादी काँग्रेस पार्टीच्या वतीने देशाची आर्थिक राजधानी असलेल्या मुंबईत यंदाच्या ६५ व्या महाराष्ट्र दिनानिमित्त १ मे ते ४ मे दरम्यान “गौरवशाली महाराष्ट्र महोत्सवाचे “ भव्य आयोजन करण्यात आले आहे.
या महोत्सवाच्या निमित्ताने संपूर्ण राज्यातून काढण्यात येणाऱ्या मंगल कलश रथयात्रेचा शुभारंभ कोल्हापूर येथून झाला असून २९ तारखेला सायंकाळी पुणे शहरात येणाऱ्या या रथयात्रेचे स्वागत करण्यासाठी राष्ट्रवादी काँग्रेस पार्टीचे प्रमुख नेते, शहर व विधानसभा तसेच महिला,युवक,युवती, विद्यार्थी सेलसह सर्वच सेलच्या पदाधिकारी यांची नियोजन बैठक पक्ष कार्यालय गुप्ते मंगल कार्यालय येथे पार पडली.
सासवडवरून येणाऱ्या रथाचा हडपसर येथे साने गुरुजी भवन येथून शुभारंभ करण्यात येणार असून क्रांतीसुर्य महात्मा ज्योतीबा फुले व सावित्री माई फुले यांच्या वाड्यात त्यांना अभिवादन करून नंतर राजमाता जिजाऊ मासाहेब व छत्रपती शिवाजी महाराज यांच्या पदस्पर्शाने पावन लालमहाल येथे आगमन होईल तसेच शनिवारवाडा येथून ही केसरीवाड्या पर्यंत भव्य मिरवणूक काढण्यात येणार आहे.
महाराष्ट्राच्या प्रत्येक भागातील महापुरुषांच्या वास्तव्याने समृद्ध झालेल्या, त्यांच्या महान कार्यांनी प्रेरित अशा प्रदेशांतील माती विशेष नद्या आणि संगमस्थळांहून आणलेले पाणी या मंगल कलशांमध्ये एकत्रित करण्यात येणार असून महाराष्ट्र दिनानिमित्त मुंबई येथे आणले जाणार आहे.

सदरप्रसंगी राष्ट्रवादी काँग्रेस पार्टी शहराध्यक्ष श्री. दीपक मानकर, कार्याध्यक्ष प्रदीप देशमुख, माजी महापौर सौ. राजलक्ष्मी भोसले, प्रदेश उपाध्यक्ष सुरेश घुले, प्रदेश प्रवक्ते महेश शिंदे, सौ. रुपाली पाटील-ठोंबरे, मा.विरोधी पक्षनेते दत्ता सागरे, मा.नगरसेवक बाबुराव चांदेरे, प्रमोद निम्हण, सांस्कृतिक प्रदेशाध्यक्ष बाबासाहेब पाटील,पश्चिम महाराष्ट्र युवक अध्यक्ष राकेश कामठे,विधानसभा अध्यक्ष हडपसर शंतनू जगदाळे, कसबा अजय दराडे, शिवाजीनगर अभिषेक बोके, खडकवासला ग्रामीण राजेंद्र पवार, महिला अध्यक्ष कसबा सुप्रिया कांबळे,पुणे कॅन्टोन्मेंट नीता गायकवाड,कोथरूड तेजल दुधाणे,शहर सेल अध्यक्ष युवक समीर चांदेरे, युवती पूजा झोळे, विद्यार्थी शुभम माताळे, सामाजिक न्याय सेल अध्यक्ष जयदेव इसवे, अल्पसंख्याक समीर शेख, सोशल मिडिया अध्यक्ष शितल मेदने, महिला बचत गट अश्विनी वाघ, सांस्कृतिक विजय राम कदम, फार्मसी विनोद काळोखे, ग्राहक सेल राजेंद्र घोलप. सेवादल अध्यक्ष श्रीमती शशिकला कुंभार, रोजगार अजित मुत्तीन, आयटी सेल मोहन मोरे, राष्ट्रवादी काँग्रेस पार्टी प्रदेश सरचिटणीस मारुती अवरगंड, युवक अंगद माने, विजय आंधळे, अल्पसंख्याक अब्दुल शेख, शहर सरचिटणीस शितल जौंजाळ, शलाका पाटील,सुनील खाटपे,रामदास कसबे, उपाध्यक्ष माणिक दुधाने, आनंद तांबे, महेश पाटील, मिलिंद वालवडकर, डिंपल इंगळे, संघटक सचिव भारत पंजाबी, चिटणीस शाम शेळके, पंडित जगताप, दिनेश परदेशी, दिनेश अर्दाळकर, विधानसभा कार्याध्यक्ष पुणे कॅन्टोन्मेंट गोरखनाथ भिकुले, कसबा राहुल पायगुडे, पर्वती रामदास गाडे, शिवाजीनगर बाळासाहेब आहेर, पदाधिकारी योगेश वराडे, शहर महिला कार्याध्यक्ष संगीता बराटे, गौरी जाधव, युवक कार्याध्यक्ष सुशांत ढमढेरे, अच्युत लांडगे,युवक उपाध्यक्ष गिरीश मानकर, आदित्य घुले, सागर चंदनशिवे, सुरज गायकवाड,युवती कार्याध्यक्ष नम्रता बोंदर, लावण्या शिंदे, सामाजिक न्याय कार्याध्यक्ष विक्रम मोरे,वैद्यकीय मदत कक्ष वंदना साळवी, महिला उपाध्यक्ष मनिषा किराड, पूनम पाटोळे,रोशन कुरेशी, संघटक सचिव प्रीती डोंगरे, चिटणीस सुनिता बडेकर, राधिका वाईकर,युवती उपाध्यक्ष स्नेहल कांबळे, रिना अडागळे, सांस्कृतिक कार्याध्यक्ष अशोक जाधव, आयटी सेल संजय खंडारे,युवक अध्यक्ष कसबा गजानन लोंढे, पुणे कॅन्टोन्मेंट प्रसाद चौगुले,विद्यार्थी अध्यक्ष कोथरूड अनिकेत मोकर, पुणे कॅन्टोन्मेंट सामाजिक न्याय अध्यक्ष अतुल जाधव, पुणे कॅन्टोन्मेंट युवती अध्यक्ष अर्चना वाघमारे, विधानसभा उपाध्यक्ष संतोष हत्ते, प्रतिक कोंडे,गणेश झांबरे, विजय चव्हाण, दिनकर रोडे, आशा दीक्षित, प्रदीप चोपडे, धनंजय जावळेकर, अभिषेक म्हस्के, ऋषिकेश राजगुरू, सनी किरवे,संजय चव्हाण,विनय बनसोडे,विकास हगवणे, स्वाती आवळे, गायत्री मानवतकर, गणेश पाटील,सुप्रिया साठे यांच्यासह आदी पदाधिकारी उपस्थित होते.

पुणे:रेल्वे हेल्थ युनिट, घोरपडी, पुणे येथे सुधारित वैद्यकीय सुविधांचे उद्घाटन राजेश कुमार वर्मा, विभागीय रेल्वे व्यवस्थापक, पुणे विभाग आणि स्वाती वर्मा, अध्यक्षा, महिला सामाजिक सेवा संघटना पुणे विभाग यांच्या हस्ते करण्यात आले. या सुविधांचा उद्देश रेल्वे कर्मचाऱ्यांसह त्यांच्या कुटुंबीयांसाठी आपत्कालीन वैद्यकीय सेवा आणि रुग्ण सुविधांमध्ये सुधारणा करणे आहे.या उन्नत सुविधांमध्ये कार्डियक डिफायब्रिलेटर, मल्टीपॅरा पेशन्ट मॉनिटर, मल्टीचॅनल ईसीजी मशीन, फाऊलर बेड्स, क्रॅश कार्ट, नेब्युलायझर आणि इतर आपत्कालीन उपकरणांचा समावेश आहे. याशिवाय रुग्णांसाठी आरओ वॉटर कूलर, जनरेटर सेट, लस आणि औषधांसाठी रेफ्रिजरेटरचीही सोय करण्यात आली आहे.

या सुविधा टाटा ब्लूस्कोप स्टील प्रायव्हेट लिमिटेड यांनी त्यांच्या सामाजिक दायित्व उपक्रमांतर्गत दिल्या आहेत. या नवीन सुविधांमुळे रुग्णांना  इथे अधिक दर्जेदार आरोग्य सेवा मोठ्या प्रमाणात उपलब्ध होणार आहेत.

पुणे – पहलगाम मधील दहशतवादी हल्ल्याच्या निषेधार्थ पुण्यात कॅंप भागात प्रदेश महिला काँग्रेसच्यावतीने ‘कॅंडल मार्च’ काढण्यात आला.

कॅंडल मार्च कॅंप भागातील डॉ.बाबासाहेब आंबेडकर पुतळ्यापासून सायंकाळी काढण्यात आला. कॅंडल मार्चचे नेतृत्व प्रदेश महिला काँग्रेस सरचिटणीस स्वाती शिंदे,अनिता मकवाना यांनी केले.या कॅंडल मार्च मध्ये संगीता अशोक पवार,प्रियांका,रणपिसे,
ॲड.राजश्री अडसुळ,ज्योती चंदेलवाल,अंजली सोलापुरे,शिवानी माने,ॲड.रेश्मा शिकिलगार,रेखा जैन,व अनेक महिला पदाधिकारी, कार्यकर्त्या सहभागी झाल्या होत्या.

दहशतवादी हल्ल्यात निष्पाप नागरिकांचा बळी गेला. त्यांना महिला काँग्रेसच्यावतीने आम्ही श्रद्धांजली वहात आहोत आणि या संकटाचा प्रतिकार करण्यासाठी सर्व देश एकजुटीने उभा राहील,असे स्वाती शिंदे यांनी यावेळी बोलताना सांगितले.

माजी गृहराज्यमंत्री रमेश बागवे आपल्या भाषणात म्हणाले की लोकसभेतील विरोधी पक्षनेते राहुल गांधी यांनी पहलगामला जावून जखमींची भेट घेतली. तसेच दिल्लीतील सर्व पक्षीय बैठकीत राहुल गांधींनी आणि पक्षाध्यक्ष मल्लिकार्जुन खरगे यांनी देशाच्या ऐक्याला महत्त्व दिले. त्यांच्या या भूमिकेचे सर्वत्र स्वागत होत आहे,

पहेलगाम येथील दहशतवादी हल्ल्याच्या पार्श्वभूमीवर विश्व हिंदू परिषद बजरंग दल पुणे महानगरचे आंदोलन

पुणे : ‘उठ हिंदू जागा हो,  हिंदुत्वाचा धागा हो’… पश्चिम बंगाल की दंगाईओ से हम लढेंगे हम लढेंगे..पुरा भारत क्या चाहता है, बदला..बदला.. बदला अशा घोषणा देत विश्व हिंदू परिषद बजरंग दल पुणे महानगर यांच्यावतीने ‘बदला घ्या आंदोलन’ करण्यात आले. डेक्कन गुडलक चौक येथे  काश्मीरध्ये हिंदूंवर झालेल्या क्रूर हल्ल्याच्या विरोधात हे आंदोलन करण्यात आले.

यावेळी विश्व हिंदू परिषद केंद्रीय मंत्री दादा वेदक, प्रांतमंत्री किशोर चव्हाण, प्रांत संयोजक नितीन महाजन, प्रांत संयोजिका प्रिया रसाळ, सोनाली नाथ, विभाग मंत्री धनंजय गायकवाड, केतन घोडके, जिल्हा मंत्री शुभम मुळूक, विजय कांबळे, साईनाथ कदम, नाना क्षीरसागर, शार्दुल ठाकूर, दीपक पटेलिया, महेंद्रसिंह चौहान, जिल्हा संयोजक विक्रम घुंगरूवाले, दत्ता तोंडे, राजू कुडले, विनायक देसाई, आकाश दुबे, आशिष दुसाणे, आशा टेकवडे, ईशानी खिरे, सुरेखा कवडे, शोभा श्रीगोंदेकर, आरती भारती, मुस्कान वर्मा, समृद्धी सराफ यावेळी उपस्थित होते.

किशोर चव्हाण म्हणाले,  आपल्या देशाला पाकिस्तान बरोबरच देशाच्या आतील गद्दारांकडून सुद्धा धोका आहे. सीमेवरील शत्रूंशी भारतीय जवान लढतील आणि देशाच्या आतील शत्रूंशी बजरंग दलाचे कार्यकर्ते सामना करतील. त्याचबरोबर कोंढवा भागात वास्तव्य असणारे बांगलादेशी नागरिक अनधिकृत व्यवसाय याविषयी प्रशासनाने लवकरात लवकर कारवाई करावी अन्यथा विश्व हिंदू परिषद बजरंग दल या संदर्भात मोठे आंदोलन करेल. तसेच फर्ग्युसन कॉलेज रस्ता या परिसरात रात्री नऊ नंतर चालणारे अनधिकृत व्यवसाय पोलीस प्रशासनाने त्वरित बंद करावेत, अशी मागणी यावेळी  करण्यात आली.

आर्ट मॅजिकच्या वतीने बालगंधर्व कलादालन येथे आयोजन : विनामूल्य प्रवेश

पुणे : ‘आर्ट मॅजिक’ १८  वे चित्रकला प्रदर्शन दिनांक २९ आणि ३० एप्रिल रोजी बालगंधर्व कलादालन येथे होणार आहे. प्रदर्शनाचे उद्घाटन मंगळवार, दिनांक २९ एप्रिल रोजी सायंकाळी ५.४५ वाजता होणार असून उद्घाटनाला ज्येष्ठ  चित्रकार अल्हाद नाईक, सायली दामले उपस्थित राहणार आहेत.

आर्ट मॅजिकच्या संस्थापिका महालक्ष्मी पवार, अंबादास पवार यांनी प्रदर्शनाचे आयोजन केले आहे.  यावर्षी या कला प्रदर्शनात अ‍ॅक्रिलिक पेंटिंग, पोर्ट्रेट, वॉटर कलर पेंटिंग, पेंन्सिल स्केचिंग अशा विविध माध्यमातून कलाकारांनी त्यांच्या प्रतिभेला मुक्तपणे मांडले आहे. वय ५ वर्षे ते ६५ वर्षे या वयोगटातील विद्यार्थ्यांच्या कलाकृती प्रदर्शनात पहायला मिळणार आहेत. या प्रदर्शनात तब्बल ७५ कलाकार सहभागी झाले आहेत.

प्रदर्शनाचे संयोजन संयोजन अनुजा जोशी, ऋचा पोतदार, सार्थक चव्हाण, सिया पांडे, श्लोका धुमाळ, निल पायगुडे यांनी केले आहे. महालक्ष्मी पवार या मुलांना कला शिकवण्यासोबतच त्यांना नॅशनल व इंटरनॅशनल पातळीवर काम करायला शिकवतात व आंतरराष्ट्रीय स्पर्धांमध्ये सहभागी करतात. 

द मॅस्ट्रो पेंटर व्हि.एस. गायतोंडे इंटरनॅशनल अॅवाॅर्ड ने महालक्ष्मी पवार यांना सन्मानित करण्यात आले आहे. आर्ट मॅजिक संस्थेला राष्ट्रीय आंतरराष्ट्रीय स्तरावर गौरविण्यात आले आहे. दिनांक २९ आणि  ३० एप्रिल रोजी सकाळी ११  ते रात्री ८ या वेळेत पुणेकरांना विनामूल्य प्रदर्शन पाहता येणार आहे. तरी कलाप्रेमींनी मोठ्या संख्येने सहभागी व्हावे, असे आवाहन आयोजकांतर्फे करण्यात आले आहे.

केंद्रीय मंत्री जयप्रकाश नड्डा, केंद्रीय राज्यमंत्री मुरलीधर मोहोळ व राज्यसभा सदस्य मेधा कुलकर्णी यांची उपस्थिती

पुणे, 26 एप्रिल 2025

आज 15व्या रोजगार मेळाव्यामध्ये देशातील 51 हजाराहून अधिक तरुणांना केंद्र सरकारच्या विविध विभागांकडून नियुक्ती पत्र देण्यात आली. पुण्यात ‘यशदा’ येथे केंद्रीय वस्तू व सेवा कर आयुक्तालय, पुणे- 1 यांच्यातर्फे या रोजगार मेळ्याचे आयोजन करण्यात आले होते.

याप्रसंगी विशेष अतिथी म्हणून केंद्रीय आरोग्य व कुटुंब कल्याण तसेच रसायने व खते मंत्री जयप्रकाश नड्डा, केंद्रीय सहकार व नागरी उड्डाण राज्यमंत्री मुरलीधर मोहोळ व राज्यसभा सदस्य मेधा कुलकर्णी उपस्थित होते.

तसेच केंद्रीय वस्तू व सेवा कर आयुक्तालय, पुणे- 1 चे प्रमुख आयुक्त मयंक कुमार व प्रधान आयुक्त मिहीर कुमार हे देखील व्यासपीठावर उपस्थित होते.

पंतप्रधान नरेंद्र मोदी यांनी याप्रसंगी सर्वांना संबोधित केले. “जेव्हा युवा राष्ट्र उभारणीत सहभागी होतात तेव्हा राष्ट्राचा विकास वेगाने होतो, जगातही तो आपला ठसा उमटवतो. आज, भारतातील तरुण आपल्या कठोर परिश्रम, नवोपक्रमाद्वारे जगाला आपली क्षमता दाखवत आहेत.”, असे उद्गार पंतप्रधान मोदी यांनी यावेळी काढले.

“सरकारने विविध मंत्रालय, विभागांना कालबद्ध रीतीने कार्यालयातील रिकाम्या जागा भरण्यासाठी प्रेरित केले, ज्यामुळे सातत्याने पदे भरली जात आहेत.”, असे केंद्रीय मंत्री नड्डा यांनी नमूद केले. पुढे बोलताना नवनियुक्त कर्मचाऱ्यांना उद्देशून ते म्हणाले, “सरकारी नोकरीकडे नागरिकांची सेवा करण्याची जबाबदारी या दृष्टीकोनातून पहा.”

“युवकांना केंद्रबिंदू मानून केंद्र सरकारने अनेक योजना आणल्या ज्यातून तरुणांना सक्षम केले जात आहे. 10 वर्षात देशामध्ये विविध क्षेत्रात सुमारे 17 कोटी 19 लाख नोकरीच्या संधी तयार झाल्या.”, अशी माहिती केंद्रीय सहकार व नागरी उड्डाण राज्यमंत्री मुरलीधर मोहोळ यांनी यानिमित्ताने दिली.

आज वस्तू व सेवा कर आयुक्तालय, भारतीय रेल्वे, बँका, आरोग्य मंत्रालय, आयकर विभाग, विविध बँका, CRPF, EPFO, BRO, Defense Estate, FCI, CGHS अशा विविध विभागातील सुमारे दोनशे नव्या कर्मचाऱ्यांना नियुक्ती पत्रे देण्यात आली. यापैकी प्रातिनिधिक स्वरूपात 92 नव नियुक्त कर्मचारी प्रत्यक्ष उपस्थित होते.

ज्यामध्ये दृष्टी बाधित महिला कर्मचारी व्हॅलेंटिना विनायक कांडलकर व दिव्यांग श्रेयांश शर्मा यांचा देखील समावेश होता.

याप्रसंगी पहलगाम येथील दुःखद घटनेत प्राण गमावलेल्या नागरिकांना श्रद्धांजली वाहण्यात आली.

पुणे, दि.२६: जम्मू काश्मीरमधील पहेलगाम येथे झालेल्या दहशतवादी हल्ल्यात मृत्यूमुखी पडलेल्या कौस्तुभ गणबोटे आणि संतोष जगदाळे या पर्यटकांच्या घरी जाऊन मुख्यमंत्री देवेंद्र फडणवीस यांनी त्यांच्या कुटुंबियांचे सांत्वन केले. आतापर्यंत ज्याप्रमाणे आपण खंबीर राहिले त्याचप्रमाणेच यापुढेही खंबीर राहावे, राज्य शासन आपल्या दुःखात सहभागी असून आपल्या पाठीशी आहे, अशा शब्दात मुख्यमंत्री श्री. फडणवीस यांनी त्यांना धीर दिला.

यावेळी गणबोटे यांच्या गंगानगर कोंढवा येथील घरी नगरविकास राज्यमंत्री माधुरी मिसाळ, आमदार योगेश टिळेकर, सुनील कांबळे, माजी मंत्री हर्षवर्धन पाटील, कौस्तुभ गणबोटे यांच्या पत्नी संगीता गणबोटे, मुलगा तुषार, कुणाल, स्नुषा कोमल गणबोटे उपस्थित होते. जगदाळे यांच्या कर्वेनगर येथील निवासस्थानी राज्यमंत्री माधुरी मिसाळ, आमदार भीमराव तापकीर, सुनील कांबळे, स्व. संतोष जगदाळे यांच्या पत्नी प्रगती जगदाळे, मुलगी आशावरी जगदाळे आदी कुटुंबातील सदस्य उपस्थित होते.

यावेळी गणबोटे यांच्या पत्नी आणि मुलांनी तसेच जगदाळे यांच्या पत्नी आणि मुलगी यांनी घडलेल्या घटनेबाबत सविस्तर माहिती सांगितली.

धरणातील गाळ काढण्याच्या दृष्टीने गाळाचे सर्वेक्षण करावे – मंत्री राधाकृष्ण विखे- पाटील

पुणे, दि.२६: गाळ साचल्यामुळे धरणातील पाणी साठवण क्षमता कमी होते. त्यामुळे पानशेत व वरसगाव धरणातील गाळाच्या प्रमाणाचे सर्वेक्षण करून गाळ काढण्याच्या अनुषंगाने पुढील कार्यवाही करावी, असे निर्देश जलसंपदा मंत्री (गोदावरी व कृष्णा खोरे विकास महामंडळ) राधाकृष्ण विखे- पाटील यांनी दिले.

पानशेत व वरसगाव धरणांच्या पाहणी प्रसंगी त्यांनी अधिकाऱ्यांना निर्देश दिले. यावेळी आमदार राहुल कुल, महाराष्ट्र कृष्णा खोरे विकास महामंडळाचे कार्यकारी संचालक अतुल कपोले, मुख्य अभियंता हनुमंत गुणाले, अधीक्षक अभियंता पृथ्वीराज फाळके, जलसंपदा यांत्रिकी विभागाचे अधीक्षक अभियंता प्रकाश भोसले, पानशेत व वरसगाव प्रकल्पाचे उपअभियंता मोहन भदाणे, पानशेत प्रकल्पाचे शाखाधिकारी अनुराग मारके आदी उपस्थित होते.

पानशेत व वरसगाव धरणासाठी संपादित जमिनीचा फेरआढावा घेऊन अतिरिक्त संपादित जमिनीचा अहवाल सादर करावा, अशा सूचना देऊन मंत्री श्री. विखे- पाटील म्हणाले, पानशेत व वरसगाव येथील महानिर्मिती कंपनीमार्फत कार्यान्वित असलेले जलविद्युत निर्मिती प्रकल्पाबाबत नव्याने अभ्यास करून अतिरिक्त क्षमता वाढविण्यात येईल किंवा कसे याबाबत पाहणी करावी. वरसगाव धरणाची गळती कमी करण्याच्या उपाययोजनेबाबत सविस्तर अंदाजपत्रक करून कार्यवाही करावी, असेही ते म्हणाले.

यावेळी मंत्री श्री. विखे- पाटील यांनी वीर बाजी पासलकर यांच्या पुतळ्याचे दर्शन घेतले. वीर बाजी पासलकर यांच्या पुतळ्याचे, परिसराचा सुशोभीकरणाचा आराखडा करून त्याचे उत्कृष्ट काम करावे, अशाही सूचना त्यांनी दिल्या.

श्री. कपोले, श्री. गुणाले यांनी या धरण प्रकल्पांच्या बाबत त्यांचे बांधकामाचे वर्ष, बांधकामाचा प्रकार, साठवण क्षमता, जलविद्युत निर्मिती प्रकल्पांची वीजनिर्मिती क्षमता आदींच्या अनुषंगाने माहिती दिली. तसेच पानशेत मधील गाळ काढण्याचे काम नाम फाउंडेशनच्या माध्यमातून सुरू असल्याचे सांगितले. दोन लाख घन मीटर गाळ काढण्याचे नियोजन असल्याचे यावेळी सांगण्यात आले.
0000