पुणे-केंद्र सरकारने ‘जीएसटी’ लागू केला असला तरी त्यात सर्वसामान्य नागरिक होरपळत आहेत. जीएसटीच्या नावाखाली होणारी लूट म्हणजे एक प्रकारचा कर दहशतवाद आहे, अशा शब्दांत माजी केंद्रीय गृहमंत्री पी. चिंदबरम यांनी टीका केली आहे. पुणे श्रमिक पत्रकार संघात आयोजित वार्तालापात ते बोलत होते.

ते म्हणाले, बिस्किट, चॉकलेटसाठी वेगवेगळा कर, हे काय आहे. शेतकऱ्यांच्या प्रश्नांकडे सरकारचे दुर्लक्ष होत आहे. भाजपला शह देण्यासाठी २०१९ च्या निवडणुकीमध्ये काँग्रेस ताकदीने मैदानात उतरणार असल्याचे त्यांनी यावेळी सांगितले. सध्या भारत-चीन सीमाप्रश्न गंभीर झाला असून त्यावर अगोदर पंतप्रधान नरेंद्र मोदी यांनी तोंड उघडावे. सरकारने चीन प्रश्नावर आपली भुमिका जाहिर केल्यावर आम्ही बोलू. मात्र, हे सरकार काहीच करताना दिसत नाही, अशा शब्दांत त्यांनी मोदी सरकारवर आगपाखड केली.

चिंदबरम म्हणाले, भारत-पाक सीमेवर जवानावर प्रत्येक दिवशी हल्ले होत आहेत. त्यावर या सरकारने गांभीर्याने पाहण्याची गरज आहे. मात्र, तेथील परिस्थिती सोडवण्यात हे सरकार अपयशी ठरले आहे त्यामुळे तरुणाई हातात दगड घेऊन रस्त्यावर उतरली आहे. हे कशाचे लक्षण आहे, असा सवाल उपस्थित करून त्यांच्याशी सरकारने संवाद साधून परिस्थिती नियत्रंणात आणण्याची गरज व्यक्त केली. मात्र, या सरकारकडून काहीही होताना दिसत नसून आमच्या युपीए सरकारच्या काळात कधीही अशी परिस्थिती निर्माण झाली नव्हती. तसेच युपीएच्या काळात झुंडशाहीतून बळी गेल्याची एकही घटना घडली नसल्याचे त्यांनी सांगितले. काश्मीरमध्ये जोपर्यंत भाजप आणि पीडीपी हे युतीत आहेत, तोपर्यंत परिस्थिती सुधारणार नाही. अशा शब्दांत त्यांनी भाजप सरकारच्या कारभारावर निशाना साधला.

पुणे- लवकरच गाय ही राष्ट्रीय पशु म्हणून घोषित करावी म्हणजे गायीचे रक्षण राष्ट्रीय रक्षण होईल , गो हिंसा थांबवावी असे आवाहन डॉ सुब्रमण्यम स्वामी यांनी येथे केले .

विराट हिंदुस्थान संगम आणि इस्कॉन पुणे यांच्या संयुक्त विद्यमाने कात्रज कोंढवा रोडवरील इस्कॉन मंदिराच्या प्रांगणात डॉ सुब्रमण्यम स्वामींच्या उपस्थितीत गो विज्ञान परिषद आयोजित करण्यात आलेली होती.
या परिषदेसाठी पुणे आणि परिसरातील ७००हुन अधिक गो प्रेमींनी उपस्थिती लावली.
भारतीय देशी गायींचे संगोपन,जतन, अध्यात्मिक व वैज्ञानिक महत्त्व ,सेंद्रिय शेती तसेच विविध व्याधींवर उपयोग , उपचार तसेच गायींचे ग्रामीण उत्थानासाठीचे महत्व या विषयांवर चर्चा झाली.
परिषदेत प्रख्यात लेखक श्री सहदेव दास, गुजरातचे प्रसिद्ध गोपालक श्री गोपाळ सुतारिया, भाजपच्या प्रवक्त्या सुश्री श्वेता शालिनी, डॉ अभिषेक कुकेमनी, श्री संदीप संघवी  या प्रभूतींनी मार्गदर्शन केले.
परिषदेची सुरुवात श्रीरूप गोस्वामींच्या हस्ते गो पूजनाने झाली. डॉ स्वामी यांनी आपल्या भाषणात पाश्चात्य देश आपल्या योगांचं जसा अनुकरण करत आहेत तसेच लवकरच भारतीय वंशाच्या गो रक्षणाचा देखील कित्ता गिरवतील असे म्हणाले किंबहुना आपण आपल्या संस्कृतीचे म्हणजे आपल्याच देशी भारतीय गायींचे रक्षण करण्यात जी कमतरता दाखवत आहोत त्यावर प्रहार केला. आधीच्या सरकाराने  हेतुपुरस्सर  केलेल्या भारतीय गो वंशाचा अतोनात नुकसान याबद्दल तीव्र नाराजी व्यक्त केली.
या पुढे तरी किमान गो हत्या विषयात कडक कायदे करण्यासंबंधी सूचना केल्या , तसेच याचा पाठपुरावा करून मार्गी लावण्याचे सूतोवाच केले.

भारतीय गाय एक साधारण प्राणी नसून भारतीय संस्कृतीचे आणि मनुष्यजातीचे मूळ प्रतीक असून याचे संरक्षण हे जातीयवादी नसून मनुष्यवाद असल्याचे सांगितले. गौहत्याबंदी ही हिंदुत्ववादी च्या रक्षणासाठी नव्हे तर आरोग्यदायी जीवनशैलीसाठी उपयुक्त आहे. जसे मोर हा राष्ट्रीय पक्षी आहे तसेच गाय हा राष्ट्रीय पशु घोषित करण्याची मागणी त्यांनी केली ह्या मुळे मग ही राष्ट्रीय संरक्षणाची जबाबदारी होईल .
कार्यक्रमात डॉ स्वामींच्या हस्ते श्री प्रमोद जगताप – गोपालन , श्री मिलिंद एकबोटे -गो रक्षण , पुणे पंजरापोलचे श्री बोथरा आणि श्री रांका- गो संवर्धन, डॉ माने –  गो चिकित्सा यांनी या विषयांत केलेल्या कार्याबद्दल स्मृतिचिन्ह देऊन सत्कार करण्यात आला.
कार्यक्रमाचे सूत्रसंचालन श्री संजय भोसले यांनी केले. इस्कॉन मंदिराचे उपाध्यक्ष श्री गुरुचरण प्रभू , डॉ जनार्दन चितोडे -सेक्रेटरी गो विज्ञान परिषद , प्रसाद कारखानीस -इस्कॉन चे प्रवक्ते तसेच  विराट हिंदुस्थान संगम चे जनरल सेक्रेटरी जगदीश शेट्टी , प्रदेश अध्यक्ष् डॉ अजय संख्ये , सुश्री राजलक्ष्मी जोशी, श्री राजीव हरसोरा, पुणे विभाग प्रमुख मिलिंद भावसार, शंतनू नंदगुडे इतर उपस्थित होते.

पुणे- दक्षिण भारतांतील सर्वात लोकप्रिय आणि बहुप्रतिष्ठित रॅली मारूती सुझुकी दक्षिण डेअर या रॅलीच्या 9व्या मालिकेत अल्टीमेट कार्स गटात टीम मारूती सुझुकीच्या सुरेश राणा आणि आश्‍विन नाईक यांनी अव्वल क्रमांक पटकावत विजेतेपद संपादन केले. तर, अल्टीमेट बाईक्स गटात टी नटराज याने विजेतेपद पटकावले.

संपूर्णपणे नव्या मार्गाचे आव्हान स्वीकारणाऱ्या नव्या रॅलीतील स्पर्धकांना चित्रदुर्ग आणि बेळगाव या दक्षिण भारतातही आव्हानात्मक निसर्गाचा अनुभव मिळाला. त्यांनंतर प्रथमच पश्चिम भारतात कोल्हापूर मार्गे प्रवेश करताना त्यांनी पुणे येथे अंतिम रेषा ओलांडली.  त्याआधी गेल्या रविवारी बंगळूर येथे सुरु झालेल्या सहा दिवसीय या रॅलीत 180 स्पर्धकांनी 2000किलोमीटरचे अंतर कापून अजिंक्यपदासाठी आपले कौशल्य पणाला लावले.

या रॅलीच्या यशाबाबद्दल बोलताना मारुती सुझुकीच्या विपणन विभागाचे कार्यकारी उपाध्यक्ष तरुण दुर्ग म्हणाले कि, गेल्या 9 वर्षापासून दक्षिण डेअर रॅलीने भरघोस यश मिळवले असून दक्षिण भारतात पाय रोवले आहेत. देशातल्या सर्वाधिक अंतराच्या रॅलीत सर्वाधिक स्पर्धकांचा सहभाग हा त्याचा पुरावा आहे. तसेच रॅलीच्या विविध ठिकाणी मिळालेला प्रतिसाद हा या स्पर्धेच्या लोकप्रियतेची पावती आहे.

स्पर्धेत अल्टीमेट कार्स गटात टीम मारूती सुझुकीच्या सुरेश राणा व आश्‍विन नाईक यांनी ग्रँड विटारा ब्रेझा कार चालवत 10तास 11 मिनिटे 26 सेकंद वेळ नोंदवत प्रथम क्रमांक पटकावला. तर, सम्राट यादव व एस.एन.निझामी यांनी दुसरा व संदीप शर्मा व करण आर्या यांनी तिसरा क्रमांक पटकावला. यावेळी विजेतेपदानंतर आनंद व्यक्त करतांना सुरेश राणा याने सांगितले कि, मारुती सुझुकी दक्षिण डेअर रॅलीचे आमचे सलग दुसरे विजेतेपद आहे. नव्या आणि आव्हानात्मक मार्गाने जाताना वाहनाबरोबर सामंजस्य राखणे अतिशय महत्वाचे असते. यावर्षी नव्याने सहभागी होणाऱ्यांसाठी हि रॅली अधिक आव्हानात्मक होती.

अल्टीमेट बाईक्स गटात टी नटराज याने 6तास 12 मिनिटे 38 सेकंद वेळ नोंदवत अव्वल क्रमांक पटकावला. अब्दुल वाहिद व संजय कुमार यांनी अनुक्रमे दुसरा व तिसरा क्रमांक पटकावला. एन्ड्युरन्स कार्स(टीएसडी)गटात सुबीर रॉय व निरव मेहता यांनी स्विफ्ट गाडी चालवत प्रथम क्रमांक पटकावत विजेतेपद संपादन केले. कार्तिक मारूती व शंकर एस आनंदने एस क्रॉस गाडी चालवत दुसरा क्रमांक पटकावला.   रघु नंदन व प्रकाश एम यांनी तिसरा क्रमांक पटकवला.

स्पर्धेचा सविस्तर निकालः प्रथम, व्दितीय व तृतीय या क्रमानुसारः

अल्टीमेट कार्स्ः 1. सुरेश राणा व आश्‍विन नाईक(10ः11ः26से); 2. सम्राट यादव व एस.एन.निझामी(10ः14ः52से), 3. संदीप शर्मा व करण आर्या(10ः24ः17से);

अल्टीमेट बाईक्स्ः 1. टी नटराज(06ः12ः38से), 2. अब्दुल वाहिद(06ः15ः37से), 3.संजय कुमार(06ः26ः53से);

एन्ड्युरन्स कार्स्(टीएसडी)ः 1.सुबीर रॉय व निरव मेहता(00ः12ः20से), 2.कार्तिक मारूती व शंकर एस आनंद(00ः12ः45से); 3. रघु नंदन व प्रकाश एम(00ः12ः49से);