पुणे-अखिल भारतीय सफाई मजदूर काँग्रेसच्यावतीने `विविध मागण्यासाठी पुणे महापालिकेच्या प्रवेशद्वारासमोर भव्य आंदोलन करण्यात आले . हे आंदोलन अखिल भारतीय सफाई मजदूर काँग्रेसचे राष्ट्रीय महामंत्री डॉ. पनीकर सुधाकर  दास ,   संघटनेचे पुणे महापालिका युनियन अध्यक्ष सतीश लालबिगे यांच्या नेर्तृत्वाखाली करण्यात आले . या आंदोलनात संभाजी देशमुख , जयंत मोडक , अनिल भिंगारदिवे , बाबा गोणेवार , दीपक देवकुळे , सूर्यकांत यादव , अजित मापारे , अमित भारवासी , शोभा सूर्यवंशी , रत्ना काळे , तेजस्विनी सडेकर , नितीन डसूळ , संजय भोसले व मोठ्या संख्येने कामगार वर्ग सहभागी झाले होते .

यामध्ये पुणे महापालिकेमधील बहूउदेशीय पथकामधील  कर्मचारी तसेच पुणे महापालिकेचे सफाई कर्मचारी यांच्या प्रलंबित प्रश्नासंदर्भात व वरिष्ठ अधिकाऱ्याच्या होणाऱ्या अपमानास्पद वागणुकीमुळे उच्च न्यायालय – औद्योगिक न्यायालय तसेच महाराष्ट्र शासन यांच्याकडे दिलेल्या तक्रारीवरून कर्मचाऱ्यांना कायमस्वरूपी करण्याचे २८ / १० / २०१४ रोजीचे उच्च न्यायालयाचे आदेश असूनदेखील आतापर्यंत आदेशाची अंमलबजावणी न करता माजी सैनिक कर्मचाऱ्यांनी वारंवार बदली करणे , कामाचे स्वरूप बदलणे अशी कामे  करत असत .

त्यासाठी उच्च न्यायालयाचे २८ / १० / २०१४  च्या आदेशाची अंमलबजावणी करून माजी सैनिक कर्मचाऱ्यांना तातडीने कायमस्वरुपी करण्यात यावे . , माजी सैनिक नियम १९८४ कलम ४ नुसार आरक्षित केलेले १५ टक्के आरक्षण जागा भरण्यात याव्यात . , किमान वेतन कायद्यानुसार बहुउद्देशीय पथकातील कर्मचारी बांधवाना कामावर लागल्यापासून वेतनातील फरकाची रक्कम देण्यात यावी . , ज्या कामासाठी माजी सैनिकांच्या नेमणूक केल्या आहेत तेच काम देण्यात यावे . , दर महिन्याचे मासिक वेतन १ ते १० तारखेपर्यंत देण्यात यावे . ,बहुउद्देशीय पथकामधील कर्मचाऱ्यांना अधिकाऱ्याकडून अपमानास्पद वागणूक केली जाते ती थांबवावी याबद्दल महाराष्ट्र शासनाचे माजी सैनिकांना सन्माननीय वागणूक देण्याबद्दल शासकीय परिपत्रक काढले आहे . , बहुउद्देशीय पथकामधील माजी सैनिक कर्मचारी याना भरती प्रक्रियेवेळी जो गणवेश दिला आहे त्यात बदल करू नये . , कर्मचारी कामावर आल्यापासून काम संपवून परत जाईपर्यंत त्यांचा अपघात किंवा आकस्मित दुर्देवी घटना घडल्यास त्याचा सर्व खर्च पुणे महानगरपालिकेने द्यावा . सफाई कामगार यांच्या वारसा हक्क व अनुकंपाची प्रलंबित प्रकरणे तातडीने निकाली काढावी , सफाई कर्मचाऱ्यांना राहण्याकरिता जागा उपलब्ध करून देणे , डॉ . बाबासाहेब आंबेडकर श्रम साफल्य योजनेतून पंचवीस वर्ष सेवा झालेल्या सेवकांची आत शिथिल करून १५ वर्ष करण्यात यावी , शासनाच्या धोरणात्मक निर्णयानुसार रिक्त पदाची भरती त्वरित सुरु करावी , रोजदारीत काम करत असलेल्या व ठेकेदारीत काम करत असलेल्या सर्व विभागातील कर्मचाऱ्यांना त्वरित कामावर कायम करावे , पर्वती व लष्कर जलकेंद्र येथील घाणीत काम करणाऱ्या कर्मचाऱ्यांना घाणभत्ता लागू करावा , सफाई कर्मचाऱ्याचे प्रश्न वेळोवेळी सोडविण्यासाठी व समजून घेण्यासाठी संघटनेला भाडे तत्वाच्या करारावर ऑफिस देण्यात यावे , घाणीत काम करणाऱ्या सेवकांच्या हजेरी कोठीवर जाऊन दर तीन महिन्यांनी आरोग्य तपासणी करण्यात यावी , २७ /२/ २०११ रोजीच्या सफाई कर्मचाऱ्यांची भरती जाणूनबुजून रद्द केली आहे ती त्वरित चालू करावी , १३० एम. एल. डी. भैरोबा पम्पिंग स्टेशन कामगारांना न्याय द्यावा . या मागण्या पुणे महापालिका आयुक्त कुणाल कुमार याना निवेदनाद्वारे देण्यात आल्या . आपल्या सर्व मागण्या ४८ तासाच्या आत सोडविण्याचे आश्वासन महापालिका आयुक्त कुणाल कुमार यांनी संघटनेच्या शिष्टमंडळाला दिले

या मागण्या पूर्ण न झाल्यास यापुढे  ” अर्ध नग्न आमरण उपोषण आंदोलन ” करण्याचा इशारा अखिल भारतीय सफाई मजदूर काँग्रेस संघटनेचे पुणे महापालिका युनियन अध्यक्ष सतीश लालबिगे यांनी दिला आहे .

पुणे-दीनानाथ मंगेशकर रुग्णालयास डी.पी. रस्त्यावरून प्रवेश मिळावा तसेच विकास योजनेतील प्रस्तावित रस्ता कायम करावा, अशी मागणी प्रभाग क्रमांक 13 च्या नगरसेविका मंजुश्री खर्डेकर यांनी मुख्यमंत्र्यांकडे पत्राद्वारे केली आहे.

पुण्यातील दीनानाथ मंगेशकर रुग्णालयाचा विस्तार प्रचंड वाढला असून या रुग्णालयात रोज हजारो वाहन आणि नागरिक ये जा करीत असतात. या रुग्णालयास एकच प्रवेशद्वार असून तेथील रस्ता अरुंद आहे. शेजारीच सेवासदन शाळा असून तेथे येणारे विद्यार्थी/पालक, तसेच तेथील मोठे गृहप्रकल्प संकुल /हिमाली व अन्य सोसायटीच्या रहिवाशांना प्रचंड त्रासाला सामोरे जावे लागते. येथे होणाऱ्या वाहतूक कोंडीमधे रुग्णवाहिका देखील अडकून पडतात तसेच छोटे मोठे अपघातही घडत असतात, असे नगरसेविका मंजुश्री यांनी पत्रात नमुद केले आहे.

तसेच या सगळ्यावर कायमस्वरूपी तोडगा म्हणजे रुग्णालयास मागील बाजुने प्रवेश उपलब्ध करून देणे. प्रस्तावित डी. पी. मध्ये ई पी आर (Excluded portion roads) सदर रस्ता हा डी पी रस्त्यावरून (म्हात्रे पूल ते राजाराम पूल या रस्त्यावरून मल्टी स्पाईस हॉटेल शेजारून) आखलेला आहे. तरी सदर रस्ता ई पी आर मध्ये कायम करावा व तदनंतर तेथील भूसंपादन त्वरित पूर्ण करून रस्ता प्रत्यक्षात यावा, अशी मागणी मंजुश्री यांनी पत्रातून केली आहे.

पुणे, ऑगस्ट २०१७: भारतातील सर्वात मोठी सर्कीट असलेली एक, १०के इंन टेन रन पुण्यात १० सप्टेंबर २०१७ रोजी सुरू होईल आणि त्यानंतर इंदोर, भुवनेश्वर, हैदराबाद, चेन्नई, बेंगळुरू, मुंबई, बडोदा, दिल्ली आणि ११ फेब्रुवारीला २०१८ गोवा मध्ये संपन्न होईल. प्रख्यात खेळाडू धनराज पिल्ले (पद्मश्री, ऑलिंपियन, खेलरत्न पुरस्कार), प्रल्हाद सावंत (महाराष्ट्र ऍथलेटिक्स असोसिएशनचे सरचिटणीस) आणि पुणेरी पलटन संघ (सध्या अस्तित्त्वात असलेल्या सर्वोत्तम संघांपैकी एक संघ) प्रो कबड्डी लीग) – दीपक हुडा (कॅप्टन), धर्मराज चेरलाथान (व्हाइस कॅप्टन), संदीप नरवाल आणि गिरीश मारुती एरकीन हे या कार्यक्रमाला उपस्थित होते.

ऍथली इव्हेंट मॅनेजमेंटने अॅथलेटिक्स फेडरेशन ऑफ इंडिया, क्रीडा व युवक कल्याण मंत्रालय, महाराष्ट्र सरकारच्या सहकार्याने देशाच्या दहा शहरांमध्ये १० सप्टेंबर २०१७ ते फेब्रुवारी २०१८ दरम्यान पहिली आवृत्ती आयोजित केली जाईल.

याप्रसंगी बोलताना अँडी इव्हेंट मॅनेजमेंटचे संस्थापक आणि संचालक माजी मेकॅनिजेश आनंद मेनेन्झेस म्हणाले, “10 के उपक्रम चालवून आम्ही जनतेपर्यंत मोठ्या प्रमाणात पोहोचू, आणि हरित, स्वच्छ व आरोग्यदायी भारत हा उपक्रम राबवणार आहोत. इंडियन ओलम्पियन असोसिएशन (माजी ऑलिम्पियन संघटना) यांच्या पाठिंब्याने आम्ही माजी आणि सध्याच्या ऑलिंपियन खेळाडूंना एकत्रितरित्या तयार केलेल्या पैशाचा एक भाग दान करणार आहोत. केवळ विद्यमान खेळाडूंना प्रोत्साहनच देत नाही तर भविष्यातील ऑलिम्पियनही तयार करण्यास प्रोत्साहन देणार आहोत. ”

उपविजेत्यासाठी तीन वर्ग आहेत – 10 किमी, 5 किमी आणि अनुक्रमे 2 किलोमीटर. हौशी आणि उच्चभ्रू धावपटू 10 किमी चालक नोंदणीसाठी नोंदणी करू शकतील परंतु महत्वाकांक्षी मुलं स्वतः 2 किमी फ्युचर चॅम्पियन्स धाव साठी नोंदणी करु शकतात. धावपटूंमध्ये अधिक उत्साह निर्माण करण्यासाठी या कार्यक्रमात 5 किमीचा मॅन रन देखील आयोजित केला जाईल.

१० के तत्त्वप्रणाली चालविणा-या सहकार्यावर प्रतिक्रिया देताना पुणेरी पलटनचे सीईओ कैलाश कंडडल म्हणाले, “१०के इंन टेन सिटी या कार्यक्रमात जोडणे आमच्या साठी गर्वाची गोष्ट आहे. फिटनेस खेळामध्ये अतिशय महत्त्वाची भूमिका बजावते. कबड्डी आणि धावणे ही तग धरण्याची क्षमता वाढवून उत्तम फिटनेस व्यवस्था विकसित करण्याचा सर्वोत्तम व्यायाम आहे. आम्ही एंडि इव्हेंट मॅनेजमेंटच्या या हरित , स्वच आणि स्वस्थ भारत या विषयी जागरुकता निर्माण करण्यासाठी अभिनंदन करू इच्छितो. भविष्यातही, पुनरी पलटन आणि आमच्या संपूर्ण टीम अशा उत्कृष्ट पुढाकारांना पाठिंबा देत राहील ज्यामुळे क्रीडाक्षेत्राला प्रोत्साहन मिळेल आणि क्रीडापटू म्हणून क्रीडाजगतासाठी या देशाच्या तरुणांना प्रोत्साहन मिळेल. ”

दीपक हुडा, कॅप्टन, पुणेरी पलटन म्हणाले, “आरोग्य आणि फिटनेस बद्दल जागरुकता निर्माण करणे हा एक उत्तम उपक्रम आहे. आरोग्याबद्दल जागरुक असणे अत्यंत महत्वपूर्ण आहे. आपल्या कबड्डी खेळाडूंसाठी फिटनेस ही तीन महिन्यांच्या हंगामासाठी टिकून राहण्याची गुरुकिल्ली आहे. खेळाडू म्हणून एक नम्र पार्श्वभूमी आहे, मला हे अतिशय आनंद होत आहे की जागरुकता निर्माण करण्यासह, हा कार्यक्रम ऑलिंपियन संघटनेद्वारे ऑलिंपियन आणि त्यांच्या अकादमीसाठी देखील निधी उपलब्ध करून देणार आहेत. ”

या उपक्रमामागील महत्त्वाचा संदेश हरित आणि तंदुरुस्त भारतासाठी आहे. आपले माननीय पंतप्रधान श्री. नरेंद्र मोदी यांच्या स्वच्छ व हरित भारत स्वप्नाच्या दिशेने आहे. देशाचे जागरूक नागरिक म्हणून आपण पर्यावरणासाठी काम केले पाहिजे. समाजातील सर्व नागरिकांना बालकांना या उपक्रमात सहभागी होण्याचे आवाहन मी करतो. मी स्वत:यात सामील होईन असे क्रीडा आणि युवक कल्याण मंत्री विनोद तावडे म्हणाले.

वित्त नियोजन आणि वन मंत्री सुधीर मुंगटीवार म्हणाले भारतामध्ये जगाच्या तुलनेत सर्वात जास्त युवकांची संख्या आहे. जर आपल्याकडे एक सशक्त राष्ट्र असेल तर मजबूत भारत उदयास येईल. आपल्या माननीय पंतप्रधानांच्या सक्षम नेतृत्वाखाली आपण स्वच्छ भारत बनण्याच्या मार्गावर आहोत. त्यामुळे आपण ग्रीन इंडियाच्या दिशेने देखील काम केले पाहिजे. स्वच्छ शहर आणि ग्रीन सिटीचे स्वप्न साकार करू या आणि पुढाकारासाठी एकत्र येऊ या! या संधीचा लाभ सर्वाना मिळावा म्हणून आयोजक सर्वोत्तम प्रयत्न करतील अशी इच्छा आहे.

अॅथलेटीक्स फेडरेशन ऑफ इंडियाचे अध्यक्ष अदिले सुमारीवाल्ला म्हणाले की भारतात पहिल्यांदाच कुणी क्रीडापटू आणि ऑलिम्पिक खेळाडूंसाठी दानधर्म करत आहे. आम्ही इतर सदकारणासाठी दान केले आहे. क्रीडापटूंसाठी दानधर्म करणे खूप चांगली गोष्ट आहे. आम्हाला याचे कौतुक वाटते. तसेच निरोगी जीवन व हरितकरणाला चालना देणे ही काळाची गरज आहे. २ किमीची फ्युचर चॅम्पियन्स रन निश्चितपणे लहान मुलांना प्रेरणा देईल. मी प्रत्येकाला या उपक्रमात सामील होण्यासाठी आवाहन करतो.

धावपटूंना शहरातील नयनरम्य देखावे दिसावेत हा 10के इंटेनसीटी रनचा उद्देश आहे. रहिवाशांमध्ये हरित सुदृढ भारताबद्दल जनजागृती या माध्यामतून पसरविण्यात येईल. आजपासून १०के इंटेनसीटी रनच्या प्रवेशाला सुरुवात होत असून प्रत्येक शहरामध्ये रनच्या आठवडाभर आधीपासून अर्ज दाखल करता येतील. शहरांमधील 10के इंटेनसीटी रनच्या विजेत्यांकरिता एकूण रु. 50 लाखांची बक्षिसे ठेवण्यात आली आहेत.

पुणे, दि. 10 : वीजबिलांचा तपशील व इतर माहिती वीजग्राहकांच्या मोबाईलवर ‘एसएमएस’द्वारे महावितरणकडून पाठविण्यात येत आहे. पुणे परिमंडलातील मोबाईल क्रमांकाची नोंदणी केलेल्या 21 लाख 77 हजार वीजग्राहकांना ही सेवा सुरु करण्यात आली आहे. दरम्यान, वीजग्राहकांनी मागणी केल्यास त्यांना मराठी भाषेतून ‘एसएमएस’ उपलब्ध होणार आहे.

पुणे परिमंडलात घरगुती, वाणिज्यिक व औद्योगिक वर्गवारीत 25 लाख 59 हजार वीजग्राहक आहेत. त्यापैकी 21 लाख 77 हजार वीजग्राहकांनी त्यांच्या मोबाईल क्रमांकाची नोंदणी महावितरणकडे केलेली आहे. तर 1 लाख 12 हजारांपैकी 67,755 कृषीपंपधारकांनी तसेच इतर 13752 पैकी 10457 वीजग्राहकांनी मोबाईल क्रमांकाची नोंदणी केलेली आहे.

सद्यस्थितीत ‘एसएमएस’द्वारे ग्राहक क्रमांक व बिलाची रक्कम, देय दिनांक आदींचा तपशील, मीटर रिडींग घेतल्याची तारीख व एकूण युनिटचा वापर, विविध कारणांमुळे मीटर रिडींग घेता न आल्यास ग्राहकांनी महावितरण मोबाईल अ‍ॅपद्वारे हे रिडींग पाठविण्याची विनंती तसेच तसेच तांत्रिक बिघाड किंवा नियोजित देखभाल व दुरुस्तीमुळे वाहिनीवरील बंद असलेला वीजपुरवठा पूर्ववत होण्याचा कालावधी वीजग्राहकांना ‘एसएमएस’द्वारे कळविण्यात येत आहे. याशिवाय आता ‘एसएमएस’द्वारे मिळालेल्या वीजबिलाच्या तपशिलावरून वीजग्राहकांना देयकाचा भरणा करणे शक्य झाले आहे. महावितरणच्या वीजबिल भरणा केंद्रात जाऊन ‘एसएमएस’ दाखवून वीजबिलाचा भरणा करण्याची सोय उपलब्ध झालेली आहे. विशेष म्हणजे मराठी भाषेतूनही ‘एसएमएस’ची सेवा महावितरणने सुरु केली आहे. ‘एसएमएस’ची भाषा बदलण्यासाठी मराठीसाठी MLANG (ग्राहक क्रमांक) 1 तर इंग्रजीसाठी MLANG (ग्राहक क्रमांक) 2 असे टाईप करून 9225592255 या क्रमांकावर ‘एसएमएस’ पाठवावा लागेल.

महावितरणच्या 9225592255 या क्रमांकावर ‘एसएमएस’द्वारे वीजग्राहकांना स्वतःचा इमेल आयडी किंवा मोबाईल क्रमांकाची नोंदणी करण्याची सोय आहे. वीजग्राहकांनी 9225592255 क्रमांकाला MREG (बारा अंकी ग्राहक क्रमांक)(वीजग्राहकाचा इमेल) अशी माहिती टाईप करून एसएमएस केल्यास इमेल आयडीची नोंदणी होईल. तसेच नोंदणी करावयाच्या मोबाईल क्रमांकावरून 9225592255 क्रमांकावर MREG (बारा अंकी ग्राहक क्रमांक) अशी माहिती टाईप करून ‘एसएमएस’ केल्यास मोबाईल क्रमांकाची नोंदणी होणार आहे. याशिवाय 24×7 सुरु असणाऱ्या कॉल सेंटरचे 1912 किंवा 18002003435 आणि 18002333435 हे टोल फ्री क्रमांक उपलब्ध आहे. व www.mahadiscom.in या संकेतस्थळावरून किंवा महावितरण मोबाईल अ‍ॅपवर मोबाईल क्रमांक नोंदणी करण्याची सोय उपलब्ध आहे. पुणे परिमंडलातील सर्व वर्गवारीतील ज्या वीजग्राहकांनी मोबाईल क्रमांकाची महावितरणकडे नोंदणी केलेली नाही त्यांनी नोंदणी करण्यास सहकार्य करावे व ग्राहकसेवेचा लाभ घ्यावा, असे आवाहन महावितरणने केले आहे.