पुणे- पीवायसी हिंदू जिमखाना क्लब आयोजित पाचव्या पीवायसी-ट्रूस्पेस बॅडमिंटन साखळी स्पर्धेत कॉमेट्स संघाने ईगल्स संघाचा 4-3 असा पराभव करून विजेतेपद संपादन केले.
पीवायसी क्लबच्या बॅडमिंटन कोर्टवर पार पडलेल्या या स्पर्धेत अंतिम फेरीच्या सामन्यात कॉमेट्सने ईगल्सचा 4-3(10-7 गुणांनी)असा पराभव केला. सामन्यात गोल्ड खुला दुहेरी गटात कॉमेट्सच्या सलोनी तपस्वी व सुदर्शन बिहानी यांना ईगल्सच्या आर्य देवधर व मिहीर पाळंदे यांनी 00-21, 01-21 असे पराभूत करून आघाडी घेतली. त्यानंतर सिल्व्हर खुला दुहेरीत कॉमेट्सच्या अतुल बिनीवाले व तुषार नगरकर यांनी ईगल्सच्या नितीन कोणकर व मकरंद चितळे यांचा 15-09, 15-12 असा तर गोल्ड मिश्र दुहेरीत कॉमेट्सच्या आदिती रोडे व अंकुश जाधव या जोडीने ईगल्सच्या दीपा खरे व अमित देवधर या जोडीचा 21-16, 21-16 असा पराभव करून संघाला आघाडी मिळवून दिली. सामन्यात पुनरागमन करत सिल्व्हर मिश्र दुहेरीत ईगल्सच्या गोपिका किंजवडेकर व मंदार विंझे यांनी कॉमेट्सच्या दिया मुथा व साहिल गुप्ता 15-01, 15-10 असा तर, सिल्व्हर खुला दुहेरीत ईगल्सच्या निनाद देशमुख व अजिंक्य मुठे यांनी कॉमेट्सच्या पराग चोपडा व जयदीप कुंटेयांचा 15-08, 15-09 असा पराभव करून संघाला बरोबरी साधून दिली. 49 वर्षांवरील गोल्ड दुहेरीत कॉमेट्सच्या राजेंद्र नाखरे व अनिल देडगे यांनी ईगल्सच्या हरीश गलानी व अविनाश भोसले या जोडीचा 21-19, 17-21, 11-09 असा तर, गोल्ड खुला दुहेरीत कॉमेट्सच्या तेजस चितळेने मिहीर केळकरच्या साथीत ईगल्सच्या संग्राम पाटील व मधुर इंगळहळीकर यांचा 21-17, 21-17 असा पराभव करून संघाला विजय मिळवून दिला.
3ऱ्या व 4थ्या क्रमांकासाठी झालेल्या लढतीत फाल्कन्स संघाने स्पुटनिक्स 4-1(12-1गुणांनी) असा पराभव करून तिसरा क्रमांक पटकावला. विजयी संघाकडून सिद्धार्थ निवसरकर व सुमेध शहा, विनीत रुकारी व अमर श्रॉफ, आदिती महाजन व रणजित पांडे, आनंद शहा व प्रविण गुजर यांनी अफलातून कामगिरी केली.
स्पर्धेतील विजेत्या संघाला करंडक व आकर्षक पारितोषिके देण्यात आली. स्पर्धेचे पारितोषिक वितरण माजी आंतरराष्ट्रीय बॅडमिंटनपटू मधुर बेझबोरा व ट्रूस्पेसचे मालक आश्विन त्रिमल यांच्या हस्ते करण्यात आले. यावेळी पीडीएमबीएचे उपाध्यक्ष गिरीश नातू, क्लबचे सचिव कुमार ताम्हाणे, क्लबच्या बॅडमिंटन विभागाचे सचिव शशांक हळबे, क्लबच्या व्यवस्थापकीय समितीचे सदस्य गिरीश करंबेळकर, सिद्धार्थ निवसरकर, बिपीन चोभे, अभिषेक ताम्हाणे, स्पर्धा संचालक वरूण खानवलकर, कपिल खरे आदी मान्यवर उपस्थित होते.
स्पर्धेचा सविस्तर निकाल: अंतिम फेरी:
कॉमेट्स विजयी विरुद्ध ईगल्स 4-3(10-7 गुणांनी) गोल्ड खुला दुहेरी गट : सलोनी तपस्वी व सुदर्शन बिहानी पराभूत विरुद्ध आर्य देवधर व मिहीर पाळंदे 00-21, 01-21; सिल्व्हर खुला दुहेरी ःअतुल बिनीवाले व तुषार नगरकर विजयी विरुद्ध नितीन कोणकर व मकरंद चितळे 15-09, 15-12; गोल्ड मिश्र दुहेरी ः आदिती रोडे व अंकुश जाधव विजयी विरुद्ध दीपा खरे व अमित देवधर 21-16, 21-16; सिल्व्हर मिश्र दुहेरी ः दिया मुथा व साहिल गुप्ता पराभूत विरुद्ध गोपिका किंजवडेकर व मंदार विंझे 01-15, 10-15;सिल्व्हर खुला दुहेरी ःपराग चोपडा व जयदीप कुंटे पराभूत विरुद्ध निनाद देशमुख व अजिंक्य मुठे 08-15, 09-15; 49 वर्षांवरील गोल्ड दुहेरी ः राजेंद्र नाखरे व अनिल देडगे विजयी विरुद्ध हरीश गलानी व अविनाश भोसले21-19, 17-21, 11-09;गोल्ड खुला दुहेरी ः तेजस चितळे व मिहीर केळकर विजयी विरुद्ध संग्राम पाटील व मधुर इंगळहळीकर 21-17, 21-17);
3ऱ्या व 4थ्या क्रमांकासाठी: फाल्कन्स विजयी विरुद्ध स्पुटनिक्स 4-1(12-1गुणांनी) गोल्ड खुला दुहेरी गट : सिद्धार्थ निवसरकर व सुमेध शहा वि.वि. अंकित दामले व बिपिन देव 21-16, 21-15; सिल्व्हर खुला दुहेरी ः विनीत रुकारी व अमर श्रॉफ वि.वि.नीलेश केळकर व अमोल मेहेंदळे 11-15, 15-10, 11-4;गोल्ड मिश्र दुहेरी ः आदिती महाजन व रणजित पांडे वि.वि.अनिश राणे व सारा नवरे 21-07, 21-10; सिल्व्हर मिश्र दुहेरी ःमेघना रानडे व आशुतोष सोमण पराभूत विरुद्ध दीप्ती सरदेसाई व श्रीधर चिपळुणकर 07-15, 05-15;सिल्व्हर खुला दुहेरी ः आनंद शहा व प्रविण गुजर वि.वि.प्रीती सप्रे व विश्वेश कटककर 15-11, 15-04).
इतर पारितोषिके:
प्लेअर ऑफ द टूर्नामेंट: आर्य देवधर(ईगल्स);
49 वर्षांवरील सर्वोत्कृष्ट खेळाडू: बिपीन देव(स्पुटनिक्स);
सर्वोत्कृष्ट महिला खेळाडू(गोल्ड): आदिती महाजन(फाल्कन्स);
सर्वोत्कृष्ट महिला खेळाडू(सिल्वर): गोपिका किंजवडेकर(ईगल्स);
सर्वोत्कृष्ट खेळाडू(गोल्ड):सुमेध शहा(फाल्कन्स);
सर्वोत्कृष्ट खेळाडू(सिल्वर):अजिंक्य मुठे(ईगल्स);
मोस्ट प्रॉमिसिंग प्लेअर: मिहीर पाळंदे;
प्लेअर ऑफ द फायनल: राजेंद्र नाखरे व अनिल देडगे
