पुणे-१३ ऑक्टोबर रोजी संगीत क्षेत्रातील बेताज बादशहा किशोर कुमार यांची ३० वी पुण्यतिथी होती. या ३० व्या पुण्यतिथीचा योग साधत मध्य प्रदेश सरकारच्या वतीने एका अभिनव कार्यक्रमाचे आयोजन करण्यात आले होते. या कार्यक्रमासाठी पुण्यातील सुप्रसिद्ध गायक जितेंद्र भूरूक आणि नगर येथील प्रसिद्ध शिल्पकार प्रमोद कांबळे यांना किशोर कुमार यांच्या जन्मगावी म्हणजेच खांडवा येथे आमंत्रित करण्यात आले होते.

या कार्यक्रमाचे वैशिष्ट्य म्हणजे एकाच स्टेजवर किशोर कुमार यांचा पुतळा बनवणे आणि त्यांच्या गाण्यांचा कार्यक्रम असे दोन्ही उपक्रम एकाच वेळी आयोजित करण्यात आले होते. भारतात प्रथमच अशा प्रकारच्या अभिनव कार्यक्रमाचे आयोजन करण्यात आले होते.

या प्रसंगी किशोर कुमार यांचा पुतळा बनवून पूर्ण होईपर्यंत म्हणजेच सलग साडेपाच तास जितेंद्र भूरूक यांनी किशोर कुमार यांची विविध गाणी सादर केली. या कार्यक्रमात जितेंद्र भूरूक यांनी वेगवेगळ्या मूड्स मधली एकूण ६३ गाणी कोमल कनाकिया, गणेश मोरे, गफार मोमीन या साथीदारांच्या मदतीने गायली. तसेच या सादरीकरणात त्यांना पुण्यातील १२ वादकांच्या वाद्यवृंदाने साथ केली. कार्यक्रमाचे निवेदन पराग चौधरी यांनी केले.

या आगळ्या वेगळ्या कार्यक्रमाचे अजून एक महत्वाचे वैशिष्ट्य म्हणजे किशोर कुमार यांनी गायलेल्या गाण्यांचे ‘व्हिज्युअल्स’ पडद्यावर दाखवले जात असताना जितेंद्र भूरूक यांनी त्या गाण्यांशी ‘सिंक्रोनाइझ’ करून गाणी सादर केली. सर्व खांडवाकरांसाठी हा खूपच भन्नाट अनुभव होता. किशोर कुमारांच्या चाहत्यांनी  गाण्यांवर उत्स्फूर्त नृत्य करत उत्तम प्रतिसाद या कार्यक्रमाला दिला.

नगर येथील प्रसिद्ध शिल्पकार प्रमोद कांबळे यांनी किशोर कुमार यांचा पुतळा साकारला असून येत्या दोन ते तीन महिन्यात पुतळा पूर्ण होऊन त्याची स्थापना किशोर कुमार यांच्या हवेलीजवळील चौकात करण्यात येईल तसेच त्या चौकाचे नामकरण देखील करण्यात येईल.

पुणे :  शहराचा विकास योग्य पध्दतीने होण्याकरीता पीएमआरडीएने चांगले नियेाजन केलेले आहे. शेतक-यांचे नगररचना योजनेसंदर्भातील असलेले गैरसमज दुर करुन तसेच कोणीही जागेपासून वंचित राहणार नाही याची काळजी घेऊन, शेतक-यांनी संमती दिल्यानंतरच काम सुरु करण्यात येईल. सर्वांना समान न्याय मिळेल, असे प्रतिपादन पालकमंत्री गिरीश बापट यांनी केले.

पुणे महानगर प्रदेश विकास प्राधिकरण आयोजित  टि. पी. स्कीम कार्यशाळा, हांडे लॉन्स, हांडेवाडी येथे ते बोलत होते. या कार्यशाळेसाठी रिंगरोड क्षेत्रात येणा-या निंबाळकरवाडी, येवलेवाडी, पिसोळी, वडाचीवाडी, हांडेवाडी- औताडेवाडी, होळकरवाडी या गावातील संबधित जमिनधारकांना आमंत्रित करण्यात आले होते.

प्रकल्पबाधित लोकांचे प्रश्न सोडविण्यात येतील, शेतक-यापर्यंत या योजनेसंदर्भात योग्य माहिती पोहोचविली जाईल. प्रत्येक गोष्टीची कल्पना शेतक-यांना देऊनच या कामास सुरुवात केली जाईल. सर्वांच्या फायद्यासाठीच ही योजना असून यामुळे सर्व नागरिकांची सोय होणार आहे. लवकरच या परिसरात पीएमआरडीएचे कार्यालय सुरु करण्यात येईल. ज्यामुळे नागरिकांना नकाशाव्दारे अधिका-यांकडून थेट माहिती मिळू शकेल असेही श्री. बापट म्हणाले.

पाणी, गटारे, वीज तसेच गार्डन, शाळा, दवाखाने, बसस्टँड, पार्कींगची जागा, ओपनस्पेसच्या सर्व सुविधा पीएमआरडीएमार्फत पुरविल्या जातील. या योजनेमार्फत शेतक-यांचा आठपट फायदा होईल. रिंगरोड जवळील शेतक-यांना रिंगरोड लगतच जमिन मिळेल. शेतक-यांना चौकोनी आकाराचे भुखंड देण्यात येईल. प्रत्येक प्लॉटला रस्ता देण्यात येईल अशी माहिती पीएमआरडीएचे मुख्य कार्यकारी अधिकारी किरण गित्ते यांनी दिली.

या कार्यशाळेस पीएमआरडीएचे  नियोजनकार विजयकुमार गोस्वामी, पीएमआरडीएचे मुख्य अभियंता सुनिल वांढेकर, पंचायत समिती सदस्य जीवन घुले, संबधित गावांचे सरपंच तसेच जमिनधारक शेतकरी मोठया संख्येने उपस्थित होते.

पुणे-ज्यांच्यामुळे आपण मनोरंजनाची दिवाळी बाराही महिने साजरी करू शकतो अशा बॅकस्टेज कलाकार आणि तंत्रज्ञांना महाराष्ट्र नवनिर्माण चित्रपट कर्मचारी सेनेच्या वतीने फराळ साहित्य वाटप करण्यात आले. यावेळी साखर, रवा, बेसन इत्यादी फराळासाठी लागणाऱ्या साहित्यापासून ते सुगंधी तेल, उटणे आदी साहित्याचे वाटप करण्यात आले. दिवाळीच्या सुमुहूर्तावर प्रेक्षकांच्या सेवेत सदैव तत्पर असणाऱ्या परंतु कायमच पडद्यामागे राहणाऱ्या कर्मचाऱ्यांना विशेष भेट देण्याची मूळ संकल्पना महाराष्ट्र नवनिर्माण चित्रपट कर्मचारी सेनेचे उपाध्यक्ष रमेश परदेशी यांची असून अमेय खोपकर यांनी या कार्यक्रमासाठी मार्गदर्शन केले. यशवंतराव चव्हाण नाट्यगृह, बालगंधर्व, अण्णाभाऊ साठे नाट्यगृह, सिटीप्राईड कोथरूड,   महात्मा फुले सांस्कृतिक भवन या  ठिकाणी जाऊन १०० हून अधिक डोअर कीपर, सफाई कर्मचाऱ्यांना ही दिवाळी भेट देण्यात आली.

अभिनेते, लेखक, दिग्दर्शक प्रवीण तरडे, साहित्य परिषदेचे अध्यक्ष सुनील महाजन, म.न.से. चे किशोर शिंदे, यशवंतराव चव्हाण नाट्यगृहाचे प्रातिनिधी सत्यजित दांडेकर, मराठी चित्रपट महामंडळाच्या संचालिका आणि नृत्यदिग्दर्शिका निकिता मोघे, मनसे शहराध्यक्ष अजय शिंदे, मनसे उपाध्यक्ष रणजित शिरोळे, चित्रपट निर्माते पुनित बालन यांच्या हस्ते या दिवाळी भेटीचे वाटप करण्यात आले.याप्रसंगी महाराष्ट्र नवनिर्माण चित्रपट कर्मचारी सेनेचे शहराध्यक्ष सागर पाठक, मनसेचे पदाधिकारी आनंद कुंदूर, चेतन धोत्रे, प्रशांत गायकवाड, चिन्मय अभ्यंकर, प्रज्ञा राज,निनाद सूर्यवंशी, प्रशांत बोगम, कुशल शिंदे, आकाश क्षीरसागर, अजय देवपुंजे, गोकुळ दशवंत हे तसेच रोहित खडसे, गौतम एरवा, आशुतोष पवार, शुभम मेश्राम हे उपस्थित होते.

पुणे – पुण्याची आईटी प्रोफेशनल श्वेता शाह ने आपली पहिली कादंबरी ‘ “आई वीयर द स्माइल यू गेव’”शहरातील फिनिक्स सिटी च्या क्राॅसवर्ड मध्ये लांच केली. ही कादबंरी मैत्री, प्रेम आणि कर्तव्य यांच्या दुखांतावर आधारित आहे. ही कादबंरी पुरूष प्रधान पात्र्याच्या वास्तविक जीवनात घड़लेल्या घटनांपासून प्रेरणा घेवून रचलेली आहे. फिल्म निर्माते आणि सामाजिक कार्यकर्ते युवराज शाह या प्रसंगी प्रमुख पाहुणे या नात्यानं उपस्थित होते. ब्ल्यू रोज पब्लिशर्स  द्वारे प्रकाशित ही कादंबरी अमेजान, फ्लिमकार्ट,,शाप क्लूज,,बुक अड्डा(सपना आनलाइन),ब्ल्यू रोज पब्लिशर्स सकट भारताच्या सर्व मोठ्या आफलाइन स्टोर्स मध्‍ये उपलब्ध आहे.

श्वेतामध्ये लेखन प्रतिभा नैसर्गिक आहे. ती म्हणते कि लिखाण हे तिच्या जीन्स मध्‍ये आहे. ह्याची प्रेरणा तिला तिच्या वडिलांकडून मिळाली आहे. श्वेता सध्या लवकरच येणार्या आपल्या दुसर्या कादंबरी वर काम करते आहे. काम्युटर शास्त्राचा अभ्यास केलेली श्वेता जर्मन भाषेची तज्ञ्न पण आहे. शिवाय ती गेली 8 वर्षे आईटी क्षेत्रात काम करते आहे. या दर्म्यान तिला तिच्या प्रोजेक्ट्स साठी‍ न केवळ भारतात पण भारताच्या बाहेर जर्मनी आणि फिलिपाइंस मध्ये देखील अनेक पुरस्कार प्राप्त झाले आहेत. विशेष म्हणजे श्वेता चांगली  रेकी मास्टर टीचर सुद्धा आहे.

या प्रसंगी बोलताना फिल्म निर्माते आणि सामाजिक कार्यकर्ते युवराज म्हणाले ‘श्वेताची कादंबरी वाचणें हे तरूणपीढि साठी नक्कीच प्रेरणादायक असणार आहे. ही कादंबरी न केवळ आम्हाला प्रेम, कुटुंब आणि मैत्रीचं सौंदर्य पटवते त्या बरोबरच देशाबद्दल आदर आणि कर्तव्यभावनाचं महत्व ही शिकविते. मी या सफल पु‍स्तकामार्फत युवा पीढीचे मनोरंजन आणि त्यांना आपले नैतिक मूल्य शिकविण्या साठी श्वेताचे अभिनंदन करतो.

आपल्या कादंबरी बद्दल बोलतानां श्वेता म्हणाली कि माझी कादंबरी ‘आय ‘वीयर द स्माइल यू गेव “ या पुस्तकातल्या पुरूष पात्र्याच्या जीवनातील वास्तविक घटनांपासून प्रेरणाघेवून रचलेली आहे. ही तीन पात्रांमधील प्रेम आणि मैत्रीतून उद्भवलेल्या संघर्षाची कथा आहे. श्वेता पुढे म्हणाली ‘अजीत ची अ‍दितीवर आसक्ति आणि सुमी वर त्याच्या प्रेमातून ही कथा आकार घेते. अजीत वडिलांसमोर स्वत: ल्या सिद्ध करण्यासाठी सैन्यात जातो. स्वत:च्या प्रेमाला बाजूला ठेवून तो आपला परिवार, कर्तव्य आणि देशाप्रेमाला प्राधान्य देतो. या कथेचा शेवट एका दुखांतात होतो, जेव्हां ही तिन्हीं पात्रं वर्षाभरानंतर एकत्र येतात आणि ते आपल्या प्रेमाला नेहमी साठी दुसरं रूप देतात.

ह्याच प्रसंगी ‘चैम्प रीडर्स एसोसिएशन’ के संस्थापक सागर आझाद म्हणाले ‘ आमची संस्था नवोदित लेखकांना साहित्य क्षेत्रात पुढे आणण्याचं काम जोमाने करते आहे. श्वेता आणि तिच्या पहिल्या कादंबरी चा परिचय देताना  आम्हाला तेवढाच आनंद होत आहे. वाचक  तिच्या चित्त वेधक कथेस आणि कल्पक लेखन शैली ला नक्कीच प्रतिसाद देतील.

पुणे,दि. 13: दैनंदिन धकाधकीच्या जीवनात अंड्याचा आहारात समावेश असणे खूप आवश्यक आहे.अंडयांचा आहारात समावेश केल्यास आपण बऱ्याच आजारांपासून प्रतिबंध होऊ शकतो. यासाठी अंड्याविषयी जनजागृती,व्यापक प्रसिद्धी आवश्यक आहे. अंड्याचे महत्व शेतकऱ्यांना समजल्यास शेती व्यवसायाला पूरक असा कुक्कुटपालन व्यवसाय वाढेल.  या व्यवसायाकडे युवकांनी गांभीर्यानी पाहिल्यास युवक उद्योजक म्हणून पुढे येऊ शकतात, असे प्रतिपादन पशुसंवर्धन, दुग्धव्यवसाय व मत्स्यविकास मंत्री महादेव जानकर यांनी केले. जागतिक अंडी दिनानिमित्त मानवी आहारातील अंडयाचे पोषणमूल्य नागरिकांपर्यत पोहोचविणे, कुक्कूट पालन व्यवसायास चालना मिळावी व ग्रामीण भागात रोजगार निमिर्तीस चालना मिळावी यासाठी पशुसंवर्धन आयुक्तालय यांच्यातर्फे बालगंधर्व रंगमंदिर,पुणे येथे कार्यक्रम आयोजित करण्यात आला होता, या कार्यक्रमात ते बोलत होते.

आरोग्याच्या दृष्टीने अंड्याचे महत्व अनन्यसाधारण आहे. आजच्या काळात महिलांची शारीरिक स्थिती अवघड आहे.यासाठी महिलांनी दैनंदिन आहारात अंड्याचा समावेश करावा.अंडी उत्पादन घराघरांत व्हावे याकरिता शासनामार्फत विविध योजना राबविण्यात येत आहेत.या योजनांची अंमलबजावणी झाली तर शेतकऱ्यांवर आत्महत्येची वेळ येणार नाही. एक सजग नागरिक म्हणून युवकांनी या मोहिमेचा प्रसार करावा अशी अपेक्षा पालकमंत्री मंत्री गिरीश बापट यांनी व्यक्त केली.

जिल्हा ग्रामीण विकास यंत्रणा  तालुका समन्वयक शिल्पा ब्राह्मणे यांनी शिरूर तालुक्यातील स्वयंसहायता बचत महिला बचत गटामार्फत सुरु असलेल्या अंडी उत्पादन व्यवसायाच्या उल्लेखनीय उपक्रमाबद्दल  माहिती दिली. आहारतज्ञ् डॉ. गीता धर्मती यांनी आहारातील अंड्याचे महत्व त्यातील महत्वाचे घटक याविषयी माहिती दिली. तसेच अंड्याविषयी असणारे गैरसमज याबद्दल शंकानिरसन केले. यावेळी उपस्थितांना उकडलेली अंडी वाटप करण्यात आली. कार्यक्रमाचे प्रास्ताविक पशुसंवर्धन आयुक्त कांतीलाल उमाप यांनी केले.आभारप्रदर्शन अतिरिक्त आयुक्त डॉ. डी. एम. चव्हाण यांनी  तर सूत्रसंचालन आशिष जरद यांनी केले.

यावेळी केंद्रीय कुक्कुट अनुसंधान केंद्राच्या निर्देशक भारती सिंह, कृषी पशुसंवर्धन व दुग्धव्यवसाय विकास विभागाचे सचिव विकास देशमुख,जिल्हा परिषदेचे मुख्य कार्यकारी अधिकारी दौलत देसाई,मार्केट यार्ड कमिटीचे चेअरमन दिलीप खैरे,सहआयुक्त डॉ. गजानन राणे, वेंकीज इंडियाचे व्यवस्थापक विजय तिजारे   विद्यार्थी, नागरिक, तसेच विविध विभागातील अधिकारी मोठया संख्येने उपस्थित होते.