पुणे-मेट्रोने प्रवास करणा-या नागरिकांचा प्रवास सोईचा व्हावा यासाठी वाहतुकीच्या विविध पर्यायांचा एकमेकांशी समन्वय साधण्याच्या कामी आणखी एक पाऊल पुढे पडले आहे. सिंगापूरच्या ‘टेमासेक फाऊंडेशन इंटरनॅशनल’ (टीएफआय) आणि ‘सिंगापूर कोऑपरेशन एंटरप्राईज’ (एससीई) या संस्थांसह महामेट्रो आणि पुणे महापालिकेने एक करार केला आहे. सिंगापूरच्या या संस्थांनी पुण्यात तीन दिवसांच्या कार्यशाळेचेही आयोजन केले असून त्याचे उद्घाटन आज यशदा येथे करण्यात आले.

महामेट्रोचे व्यवस्थापकीय संचालक ब्रिजेश दीक्षित, पुणे महापालिकेच्या अतिरिक्त आयुक्त प्रेरणा देशभ्रतार आणि ‘एससीई’चे प्रमुख कार्यकारी अधिकारी काँग वाय मून यांनी या करारावर आज स्वाक्ष-या केल्या. या कराराअंतर्गत येत्या वेगवेगळ्या पातळ्यांवर मनुष्यबळाचे प्रशिक्षण करणे प्रस्तावित आहे.

सिंगापूरचे कौन्सल जनरल अजित सिंग, ‘सिंगापूर इंटरनॅशनल एंटरप्राईज’चे केंद्र संचालक गो केंग फांग, महामेट्रोचे कार्यकारी संचालक रामनाथ सुब्रह्मण्यम, सिंगापूर येथील भू वाहतूक प्राधिकरणच्या सिस्टीम इंटरफेसचे संचालक हो कुम फाट, ‘एसएमआरटी इंटरनॅशनल’चे महाव्यवस्थापक मार्क एनजी, ‘एसएमआरटी ट्रेन्स’चे संचालक (कन्ट्रोल ऑपरेशन) येओ सिऊ वाह आदी यावेळी उपस्थित होते.

सिंगापूर येथील ‘टेमासेक फाऊंडेशन इटरनॅशनल’ ही संस्था आशिया खंडातील क्षमतावृद्धी उपक्रमांना आर्थिक साहाय्य करते, तर ‘सिंगापूर कोऑपरेशन एंटरप्राईज’ ही सिंगापूर सरकारची संस्था इतर देशांमध्ये होणा-या सार्वजनिक क्षेत्रातील प्रकल्पांबरोबर भागीदारी करू शकते. या दोन संस्थांनी ‘पुण्यातील नागरी वाहतूक आणि वाहतुकीसाठी विविध पर्यायांचा एकत्रितपणे वापर’ या विषयावर क्षमतावृद्धी कार्यक्रमाचा प्रस्ताव सादर केला आहे.

महामेट्रो कॉर्पोरेशन, पुणे व पिंपरी-चिंचवड महापालिका, ‘पुणे महानगर विभागीय विकास प्राधिकरण’ (पीएमआरडीए), ‘पुणे महानगर परिवहन महामंडळ’ (पीएमपीएमएल) आणि त्यांच्याशी संलग्न संस्थांमधील १०० अधिका-यांना या कार्यक्रमाचा फायदा होणार आहे. पुणे मेट्रो प्रकल्पात वाहतुकीच्या विविध साधनांचा एकत्रितपणे वापर हा महत्त्वाचा मुद्दा असल्यामुळे या कार्यक्रमात महामेट्रोची महत्त्वाची भूमिका आहे. मेट्रोने प्रवास करणा-या नागरिकांना सोईचे व्हावे यासाठी मेट्रोचा बस,रेल्वे आणि वाहतुकीच्या इतर साधनांशी समन्वय साधला जाईल अशी आखणी करण्यात येणार आहे.

पुणे – प्राचीन काळापासून कृषिविज्ञान, आहारशास्त्र, संगीतशास्त्र, भाषाशास्त्र, ध्वनीशास्त्र, सं‘याशास्त्र, परमाणू उर्जा याबाबतीत आपण अन्य देशांच्या तुलनेत खूपच प्रगती केली होती. आपल्या देशातील प्रयोगात्मक विज्ञानाचा स्तर समृृध्द होता. वेदविज्ञानाच्या अभ्यासातून निर्माण होणार्‍या चेतनेतून विज्ञाननिष्ठ नवे वैश्‍विक जीवन निर्माण होईल, असा विश्‍वास माजी केंद्रीय मंत्री खासदार डॉ. मुरली मनोहर जोशी यांनी व्यक्त केला.
विज्ञान भारती, डेक्कन कॉलेज अभिमत विद्यापीठ यांच्या वतीने डेक्कन कॉलेजमध्ये आयोजित करण्यात आलेल्या तिसर्‍या ‘विश्‍व वेद विज्ञान संमेलना’चे उद्घाटन करताना डॉ. जोशी बोलत होते. चिन्मय मिशनचे माजी प्रमुख स्वामी तेजोमयानंद, विज्ञान भारतीचे अध्यक्ष डॉ. विजय भटकर, संघटनमंत्री डॉ. जयंत सहस्रबुध्दे, डेक्कन कॉलेज अभिमत विद्यापीठाचे कुलपती डॉ. अरविंद जामखेडकर, कुलगुरु डॉ. वंदन शिंदे, विज्ञान भारतीचे संस्थापक प्रा. के. आय. वासू, रा. स्व. संघाचे प्रचारक प्रा. सुरेश सोनी व्यासपीठावर उपस्थित होते.
स्वामी तेजोमयानंद म्हणाले, ‘धर्म माणसाला भौतिक प्रगती व आध्यात्मिक मुक्तीकडे घेऊन जातो. वेदांमध्ये मानवाचे भले करणारे जीवन जगण्याची पध्दती सांगितली आहे. परंतु त्याचे वाचन न करताच त्यावर टीका केली जाते. वेदांमध्ये सांगितलेले ज्ञान समजून घेतले पाहिजे.’
संस्कृतचा सगळ्यात मोठा शब्दकोष निर्माण करण्याचे काम डेक्कन कॉलेजने हाती घेतले असल्याची माहिती डॉ. भटकर यांनी यावेळी दिली. ते पुढे म्हणाले, ‘भाषा, व्याकरण, वाक्यांची रचना उच्च शिक्षणात शिकविण्याची गरज आहे. नवीन पीढीला प्रेरणा देणे हा या परिषदेचा मु‘य उद्देश आहे.’
प्रा. सोनी म्हणाले, ‘मानवाच्या विकासासाठी अध्यात्म आणि विज्ञान यांची सांगड घातली पाहिजे. त्यासाठी वैदिक विज्ञानाचा सखोल अभ्यास करण्याची आवश्यकता आहे.’
स्थापत्य विज्ञान आणि स्वास्थ्य विज्ञानावर या संमेलनात चर्चा होणार आहे. वेदविज्ञान सृष्टी हे प्रदर्शन शनिवार ता. १३ जानेवारीपर्यंत सकाळी ९ ते रात्री ८ पर्यंत सर्वांसाठी खुले राहणार आहे. अशी माहिती डॉ. सहस्रबुध्दे यांनी यावेळी दिली. अरुण तिवारी यांच्या ‘गीतारहस्य – आधुनिक काळात अर्थबोधन’ या विषयावरील ग‘ंथाचे प्रकाशन करण्यात आले. गिरीश जोशी यांनी सूत्रसंचालन केले.
प्रा. रामनाथ झा, डॉ. संपदानंद मिश्रा, डॉ. पेरी भास्कर राव (संस्कृत), डॉ. अँड्रस ङ्ग‘ॅड्यू, राजेश भूतकर, प्रा. जी. एस. मूर्ती (विज्ञान व तंत्रज्ञान) डॉ. अनिल राजवंशी, डॉ. मधुसूदन पेन्ना, डॉ. रजतकुमार प्रधान (योगा व मनाची चेतना) प्रा. एस. आर. वाळिंबे, प्रा. के. सी. मल्होत्रा, डॉ. गणेश महाबला (पुरातत्व व मानवशास्त्र) प्रा. जी. बी. देगलूरकर व कैलाश राव (आर्किटेक्चर) डॉ. सुनीता सिंग सेनगुप्ता, डॉ. कृष्णा कुमार, डॉ. एस. आर. कृष्णामूर्ती, अरुण वाखुलू (वेद व व्यवस्थापन) प्रा. पी. आर. मुकुंदा (वेद व इलेक्टॉनिक्स) डॉ. एस. एल. चौधरी, प्रा. मदन थनगवलेयू, डॉ. के. के. क्षीरसागर (कृषि व गोविज्ञान) ऍड शंकर निकम, ऍड भास्कर आव्हाड (मनुष्यस्वभाव व सामाजिक शास्त्र) आणि डॉ. आर. डी. लेले, डॉ. मुकुंद भोले व डॉ. रमा जयसुंदर (आरोग्य) यांनी आज झालेल्या विविध विषयांच्या चर्चासत्रांमध्ये सहभाग घेतला.

पुणे : विद्युत अपघात टाळण्यासाठी विजेची घरगुती उपकरणे किंवा सार्वजनिक वीजयंत्रणांपासून सर्तक व सावध राहण्याचा संदेश देण्यासाठी विद्युत सुरक्षा सप्ताहाला गुरुवारी (दि. 11) सुरवात झाली. यावेळी पथनाट्य सादर करण्यात आले व प्रभात फेरी काढून विद्युत सुरक्षेचा जागर करण्यात आला.

राज्य शासनाच्या उद्योग, उर्जा व कामगार विभागाकडून आयोजित जिल्ह्यातील विद्युत सुरक्षा सप्ताहाचे उद्‌घाटन आज शनिवारवाडा येथे झाले. या कार्यक्रमात जिल्हा विद्युत निरीक्षक श्री. एन. आय. पाटील, महावितरणचे अधीक्षक अभियंता श्री. सुंदर लटपटे, महेंद्ग दिवाकर, इलेक्ट्रिकल कॉन्ट्रक्टर असोशिएशनचे (इकॅम) अध्यक्ष श्री. सुनील गायकवाड, उपाध्यक्ष श्री. मारूती माळी, सचिव श्री. अमर पाटील, इकॅम महासमितीचे उपाध्यक्ष श्री. वामन भुरे, सहाय्यक विद्युत निरीक्षक श्री. डी. टी. थोरात, श्री. शकील सुतार, श्री. श्रीकांत डेकाटे, ‘कमिन्स’चे श्री. शैलेश हत्ती, लिफ्ट कॉन्ट्रॅक्टर असोशिएशनचे सचिव श्री. विठ्ठल सूर्यवंशी यांची उपस्थिती होती.

विद्युत यंत्रणेत काम करताना वीज दिसत नसल्याने जाणते, अजाणतेने झालेली चूक ही जिवावर बेतू शकते. त्यामुळे विद्युत यंत्रणेतील अपघाताचे धोके टाळण्यासाठी स्वतःच्या सुरक्षेबाबत सतर्कता किंवा सावधगिरी बाळगणे यास सर्वोच्च प्राधान्य देणे आवश्यक आहे. विद्युत अपघातातील जीवहानीमुळे कुटुंब उद्‌ध्वस्त होते व कर्मचारी गमावल्याने कंपनीचे तसेच कुटुंबियाचे भरून न येणारे नुकसान होते. विद्युत यंत्रणेपासून सावधानता न बाळगल्याने नागरिकांनाही अनेक कारणांमुळे वीज अपघात होतात. त्यामुळे वीज कर्मचारी असो किंवा सर्वसामान्य नागरिक या सर्वांनी विद्युत यंत्रणेपासून सतर्क राहण्याची काळजी घेतली पाहिजे, असे आवाहन यावेळी प्रमुख वक्त्यांनी केले.

विद्युत सुरक्षा सप्ताहाचे उद्‌घाटन झाल्यानंतर महावितरण, विद्युत निरीक्षक विभाग, इकॅम व औद्योगिक कंपन्या यांच्या संयुक्तपणे सकाळी 9 वाजता विद्युत सुरक्षा रॅली काढण्यात आली. शनिवारवाडा, आप्पा बळवंत चौक, मंडई व बाजीराव रोड परिसरात जनजागृती करीत निघालेल्या या रॅलीच्या माध्यमातून विद्युत सुरक्षेबाबत प्रबोधन करण्यात आले. पथनाट्याद्वारेही वीजसुरक्षेचा संदेश देण्यात आला. तसेच माहिती पत्रक, माहिती पुस्तिकांचे नागिरकांना वितरण करण्यात आले. या रॅलीत महावितरणचे कार्यकारी अभियंता सर्वश्री किशोर गोर्डे, पराग बापट, दीपक लहामगे, उपमुख्य औद्योगिक संबंध अधिकारी श्री. रामगोपाल अहिर, अभियंते, अधिकारी, कर्मचारी तसेच विविध कंपन्या व संघटनांचे सदस्य सहभागी झाले होते.

पुणे: स्पेक्ट्रम, अ लेडीज स्टडी ऑर्गनायझेशन यांच्या तर्फे 3 किमी 3 किमी विशेष व वंचित मुलांच्या आणि अपंग (पॅराप्लेजिक) जवानांच्या व्हील चेअर मॅरेथॉन शर्यतीचे  आयोजन करण्यात आहे. हि शर्यत 13 जानेवारी 2018 रोजी सकाळी 7.30 ते 9 .30 या वेळेत पॅराप्लेज सेंटर, रेंज हिल्स येथे होणार आहे.

पुणे – प्रत्येकामध्ये एक छोटा कलाकार लपलेला असतो, या कलाकाराला व्यक्त होण्यासाठी संधी उपलब्ध झाली पाहिजे असे मत राज्याच्या महिला बालकल्याण मंत्री पंकजा मुंडे यांनी व्यक्त केले.
संगीत, नृत्य, चित्रकला, शिल्पकला, मातीकाम, ओरोगामी, सिरॅमिक आणि बारा बलुतेदारांच्या कौशल्यांना एका छताखाली कलात्मक व्यासपीठ उपलब्ध व्हावे या उद्देशाने सेनापती बापट रस्त्यावर ‘झागा’ या दालनाचे उद्घाटन करताना श्रीमती मुंडे बोलत होत्या. पालकमंत्री गिरीश बापट, आमदार माधुरी मिसाळ, माजी नगरसेवक दीपक मिसाळ, झागाच्या संचालिका तीर्था मिसाळ यांची प्रमुख उपस्थिती होती.
श्रीमती मुंडे पुढे म्हणाल्या, ‘झागा ही आगळीवेगळी कल्पना आहे. वेगवेगळ्या कलाकृतींना एका ठिकाणी व्यासपीठ उपलब्ध होणार आहे. त्यामुळे विविध क्षेत्रातील कलाकारांना त्यांची कला सादर करता येणार आहे, कला व कल्पकतेला वाव मिळणार आहे. व्यवसायाच्या संधी उपलब्ध होणार आहेत.’
तीर्था मिसाळ म्हणाल्या, ‘शास्त्रीय संगीतापासून पॉप संगीतापर्यंत, भरतनाट्यापासून आधुनिक बेली डान्सपर्यंत आणि पारंपरिक वाद्यांपासून आधुनिक वाद्याचे सादरीकरण या ठिकाणी अनुभवता येणार आहे. हौशी चित्रकार, शिल्पकार, मातीकाम, ओरोगामी, वारली, मधुबनी आदी कलाकारांना आणि बारा बलुतेदारांना प्रदर्शने भरविता येणार आहेत.’
आमदार मिसाळ म्हणाल्या, ‘दिव्यांग व मतीमंद विद्यार्थ्यांना त्यांची कला सादर करण्यासाठी विशेष संधी देण्यात येणार आहे. प्रदर्शने, सादरीकरण, प्रात्यक्षिके, कार्यशाळा, परिसंवाद, प्रशिक्षण आणि कौशल्यवर्धनाचे उपक‘मांंतून युवा व होतकरू कलाकारांना आपली कला समृध्द करता येणार आहे.’