पुणे, दि. 23 : डेक्कनमधील महावितरणच्या स्विचिंग स्टेशनमध्ये आग लागून इनकमिंगच्या दोन व आऊटगोईंगच्या आठ अशा 11 केव्ही क्षमतेच्या एकूण 10 वीजवाहिन्या सोमवारी (दि. 23) दुपारी 2 वाजता जळाल्याने जंगली महाराज रोड, डेक्कन परिसर, फर्ग्युसन कॉलेज रोड परिसरातील वीजपुरवठा विस्कळीत झाला. रात्री उशिरापर्यंत या सर्व वाहिन्या बदलण्याचे काम पूर्ण होणार आहे.

दरम्यान या आगीमुळे वीज खंडित झालेल्या सुमारे 3500 पैकी 1500 वीजग्राहकांना पर्यायी व्यवस्थेतून टप्प्याटप्प्याने वीजपुरवठा करण्यात आला. परंतु विजेच्या वाढत्या मागणीमुळे भारव्यवस्थापन शक्य न झाल्याने उर्वरित वीजग्राहकांसाठी पर्यायी व्यवस्थेतून वीजपुरवठा उपलब्ध होऊ शकला नाही.

याबाबत माहिती अशी, की डेक्कनमधील बीएमसीसी रोडवरील इन्स्टीट्यूट ऑफ मॅनेजमेंट डेव्हलपमेंट अ‍ॅण्ड रिसर्च (आयएमडीआर) स्विचिंग स्टेशनला आज दुपारी 2 वाजता आग लागली. यामध्ये 11 केव्ही क्षमतेच्या 2 इनकमिंग व 8 आऊटगोईग अशा एकूण 10 वीजवाहिन्या जळाल्याने जंगली महाराज रोड, डेक्कन, आपटे रोड, एफसी रोड, शिरोळे रोड, बीएमसीसी रोड आदी परिसरातील सुमारे 3500 वीजग्राहकांचा वीजपुरवठा खंडित झाला. दुपारी 5 वाजेपर्यंत टप्पाटप्प्याने सुमारे 1500 वीजग्राहकांना पर्यायी व्यवस्थेतून वीजपुरवठा करण्यात आला. मात्र उन्हामुळे विजेची मागणी वाढलेली असल्याने भारव्यवस्थापन शक्य झाले नाही. परिणामी उर्वरित सुमारे दोन हजार वीजग्राहकांना पर्यायी व्यवस्थेतून वीजपुरवठा उपलब्ध करून देणे शक्य झाले नाही.

प्राथमिक अंदाजानुसार स्विचिंग स्टेशनमधील या आगीत महावितरणचे सुमारे 6 लाख रुपयांचे नुकसान झाले आहे. आगीचे कारणही अद्याप समजू शकले नाही. महावितरणकडून या आगीत जळालेल्या सर्व वीजवाहिन्या बदलण्याचे काम ताबडतोब सुरु करण्यात आले. आज रात्री 10 वाजेपर्यंत जळालेल्या वीजवाहिन्या बदलण्याचे काम पूर्ण होणार आहे. वीजग्राहकांनी या कालावधीत सहकार्य करावे असे आवाहन महावितरणकडून करण्यात आले आहे.

खासदार काकडेंच्या पुण्यातील भीम फेस्टिव्हलला भेटी

पुणे, दि. 22 एप्रिल : डॉ. बाबासाहेब आंबेडकर जयंतीच्या निमित्ताने पुणे शहर व परिसरात सुरु असलेल्या भीम फेस्टिव्हलला खासदार संजय काकडे यांनी भेटी देण्यास सुरुवात केली आहेत. दांडेकर पूल येथील भीम फेस्टिव्हलला नुकतीच भेट दिल्यानंतर त्यांनी आज विमाननगर येथील भीम फेस्टिव्हलला भेट दिली. कार्यकर्त्यांच्या आग्रहास्तव त्यांनी गाण्याच्या तालावर ठेका धरला. खासदार काकडे यांनी ठेका धरताच उपस्थित कार्यकर्त्यांनी एकच जल्लोष केला.

खासदार संजय काकडे यांनी आज विमाननगर येथील भीम फेस्टिव्हलला भेट दिली. याप्रसंगी आमदार जगदीश मुळीक, नगरसेवक राहुल भंडारी, नगरसेवक शंकर पवार, ओंकार कदम आदी मान्यवर आणि हजारो कार्यकर्ते व नागरिक उपस्थित होते. यावेळी त्यांनी आंबेडकरांच्या पुतळ्यास अभिवादन केले.

पुणे-रिपब्लिकन संघर्ष दल महाराष्ट्र प्रदेश या सामाजिक संघटनेच्यावतीने कटुआ येथील असिफा , उनाव व साताऱ्यातील अमरावती चव्हाण या ७० वर्षीय दलित महिलेला पेट्रोल टाकून जाळून हत्या झालेल्या अन्यायाचा तसेच भारतातील लहान मुलीवर वाढत असलेले बलात्कार खुनाच्या घटनेचा निषेध करण्यासाठी डॉ. बाबासाहेब आंबेडकर भवन येथे जागर मेळावा घेऊन मालधक्का चौकात शासन सरकारचे लक्ष वेधून घेण्यासाठी मोठ्या प्रमाणात निषेध करून निदर्शने करण्यात आली .

रिपब्लिकन संघर्ष दल महाराष्ट्र प्रदेश या सामाजिक संघटनेचे संस्थापक अध्यक्ष संजय भिमाले यांच्या नेर्तृत्वात जागर मेळावा व निषेध करण्यात आला . यावेळी महापालिका स्थायी समिती माजी अध्यक्ष सदानंद शेट्टी , भीमछावा संघटनेचे संस्थापक अध्यक्ष शाम गायकवाड , लष्कर ए भीमा संघटनेचे पश्चिम महाराष्ट्र सरचिटणीस धनंजय सोनवणे , लष्कर भीमा संघटनेचे पुणे शहर अध्यक्ष विनोद साळवे , भारिपचे नागेश भोसले , विलास चौरे समाज सेवा प्रतिष्ठानचे अध्यक्ष बाळासाहेब चौरे , , भीमछावा संघटनेचे महिलाध्यक्षा निर्मल गायकवाड , नरेश जगताप , सूरज पाटोळे , अभिषेक शिकोत्रे , अनिल कांबळे , अनिल कांबळे , रिपब्लिकन संघर्ष दलाचे पुणे शहर अध्यक्ष नितीन बालकी  , पुणे शहर सरचिटणीस विनायक बंडी , किरण पारधे , पुणे महिलाध्यक्षा जाहिदा शेख , सरचिटणीस मिना साळवी , निर्मला पारधे , लता माकर , मनिषा वाघमारे , कविता जगताप आदी पदाधिकारी व मोठ्या संख्येने उपस्थित होते .

खासदार काकडेंची भीम फेस्टिव्हलला भेट

पुणे : बाबासाहेबांचे संपूर्ण आयुष्य क्रांतिकारी होते. जगातील अनेक देशांच्या राज्यघटनांचा अभ्यास करून त्यांनी भारताची राज्यघटना तयार केली. ही जगातील सर्वोत्तम राज्यघटना मानली जाते. त्यांच्यामुळे करोडो माणसांच्या जीवनात बदल झाला. जोपर्यंत पृथ्वीतलावर मनुष्य असेल तोपर्यंत संपूर्ण विश्वाला त्यांचे जीवन व त्यांचे विचार मार्गदर्शक ठरतील, अशा शब्दांत राज्यसभेचे खासदार व भाजपाचे सहयोगी सदस्य संजय काकडे यांनी डॉ. बाबासाहेब आंबेडकर यांच्याप्रती आपल्या भावना व्यक्त केल्या.

राज्यघटनेचे शिल्पकार महामानव डॉ. बाबासाहेब आंबेडकर यांच्या 127 व्या जयंतीनिमित्त खासदार संजय काकडे यांनी दांडेकर पूल (सिंहगड रस्ता) येथील अखिल भिमज्योत सेवा संघाच्या वतीने आयोजित भीम फेस्टिव्हलला गुरुवारी सायंकाळी भेट दिली. यावेळी त्यांनी बाबासाहेबांना अभिवादन केले.

याप्रसंगी नगरसेवक शंकर पवार, नगरसेवक राजाभाऊ बराटे, नगरसेवक परशुराम वाडेकर, अखिल भिमज्योत सेवा संघाचे अध्यक्ष तानाजी ताकपेरे व उत्सव प्रमुख हृषिकेश ओव्हाळ आदी मान्यवर आणि बाबासाहेबांवर प्रेम करणारे हजारो नागरिक उपस्थित होते.

खासदार काकडे हे गरीब कार्यकर्त्यांचे वाली!
खासदार संजय नाना काकडे हे गरीब कार्यकर्त्याला कधीही न विसरणारे नेते आहेत. त्यांनी आजपर्यंत हजारो गरीब कार्यकर्त्यांना पाठबळ दिले आहे. त्यांचा हात ज्या कार्यकर्त्याच्या डोक्यावर असतो त्याचे सोनेच होते. शक्यतो राजकारणातील नेते गरीब कार्यकर्त्यांकडे दुर्लक्ष करतात पण, खासदार संजय काकडे म्हणजे गरीब कार्यकर्त्यांचा वाली आहेत, असे नगरसेवक परशुराम वाडेकर यांनी यावेळी सांगितले.

पुणे–कठूआ प्रकरणात बळी पडलेल्या निरागस असीफाला मार्केटयार्ड भागातील विविध सामाजिक संघटना व पथारी व्यावसायिक यांच्यावतीने  मेणबत्त्या पेटवून भावपूर्ण आदरांजली अर्पण केली. मार्केट यार्डच्या मुख्य प्रवेशद्वाराजवळ आयोजित केलेल्या श्रध्दांजलीपर कार्यक्रमात मोठ्या संख्येने पथारी व्यावसायिक  सहभागी झाले होते . तसेच कठूआ व उन्नव बलात्कार  प्रकरणातील क्रूरकर्म्यांना तत्काळ फाशी द्यावी . भाजपच्या आमदार व मंत्र्यानी आरोपीच्या बाजून समर्थन केले असून लोकशाहीला हि  घटना कलंक आहे . त्याचा निषेध करीत आहोत , असे महाराष्ट्र प्रदेश राष्ट्रवादी काँग्रेस पार्टीचे लीगल सेलचे प्रदेशअध्यक्ष ऍड भगवानराव साळुंके यांनी सांगितले .

यावेळी दलित पॅंथर पथारी व्यवसायिक पुणे शहर अध्यक्षा बबिता खान ,गौतम शिंदे , सुषमा मंडलिक , पौर्णिमा प्रसाद , प्रेमा शेट्टी , अझहर बागवान , असिफ खान , नवनाथ चाबुकस्वार  व मार्केटयार्ड मधील पथारी व्यावसायिक , हमाल मोठ्या संख्येने सहभागी झाले होते .

दलित पँथर मार्केटयार्ड पथारी विभाग  ,  राष्ट्रवादी तिरंगा युवा प्रतिष्ठान , महाराष्ट्र प्रदेश राष्ट्रवादी काँग्रेस पार्टीचे लीगल सेल ,  बागवान सोशल ग्रुप , वॉरियर ग्रुप आदी सामाजिक संस्थेचे कार्यकर्ते मोठ्या संख्येने सहभागी झाले होते .