पुणे- सावित्रीबाई फुले पुणे विद्यापीठ व कर्वे समाज सेवा संस्थेच्या प्रथम वर्ष समाजकार्याच्या राष्ट्रीय सेवा योजनेच्या विद्यार्थ्यांनी मुळशी तालुक्यातील लवार्डे या गावी नुकत्याच पार पडलेल्या विशेष राष्ट्रीय सेवा योजना शिबिरादरम्यान उल्लेखनीय कामगिरी करीत पी आर ए व सर्वेक्षणाच्या आधारे गावचा कृती आराखडा व विकास आराखडा बनविण्याची किमया करून दाखविली आहे. तसेच विद्यार्थ्यांच्या प्रयत्न व मार्गदर्शनामुळे गावच्या इतिहासामध्ये प्रथमच आदिवासी महिलांनी ग्रामसभेमध्ये सहभाग घेऊन त्यांच्या समस्यांबद्दल मते नोंदविण्याचे धाडस दाखविले आहे.

सावित्रीबाई फुले पुणे विद्यापीठ व कर्वे समाज सेवा संस्थेच्या संयुक्त विद्यमाने लवासा रस्त्यावरील लवार्डे गावी राष्ट्रीय सेवा योजने च्या विशेष ७ दिवसीय निवासी शिबिराचे आयोजन संस्थेचे संचालक डॉ दीपक वलोकर व सावित्रीबाई फुले पुणे विद्यापीठाच्या राष्ट्रीय सेवा योजना विभागाचे संचालक डॉ. प्रभाकर देसाई यांच्या मार्गदर्शनाखाली कार्यक्रम अधिकारी प्रा. डॉ. महेश ठाकूर व प्रा. चेतन दिवाण यांनी केले होते त्यादरम्यान समाजकार्याच्या विद्यार्थ्यांनी ही किमया करून गावकर्यांची वाहवा मिळविली आहे. 

शिबिरार्थी विद्यार्थ्यांनी शिबीर कालावधीमध्ये मशाल फेरी, प्रभात फेरी, शिवार फेरी, मूल्य साखळी, गाव सामाजिक नकाशा, संसाधन नकाशा, महिला , तरुण, शेतकरी व विद्यार्थी बैठका, सर्वेक्षण आणि पी. आर. ए. आदी व्यावसायिक पद्धतींचा अवलंब करीत संपूर्ण गावच्या समस्यांचा व उपलब्ध संसाधनांचा सखोल अभ्यास व आढावा घेऊन शिबिराच्या सांगता समारोप समारंभावेळी आयोजित ग्रामसभेमध्ये ग्रामस्थ व पदाधिकाऱ्यासमोर गावचा कृती आराखडा व विकास आराखडा सादर केला.ग्रामस्थांनी या उपक्रमाला भरभरून दाद दिली व ग्रामसभेमध्ये सक्रीय सहभाग नांदवून विद्यार्थ्यांनी बनविलेला गाव विकास आराखडा जाणून घेतला. 

कर्वे समाज सेवा संस्थेचे संचालक दीपक वलोकर, जि. प. सदस्य सागर काटकर, जि. प. सदस्य अंजलीताई कांबळे, मुळशी पंचायत समितीचे माजी सभापती महादेव कोंढरे आदी मान्यवरांनी शिबिरार्थी विद्यार्थांना शुभेच्छा दिल्या तसेच शिबीर समारोपावेळी आयोजित ग्रामसभेस सरपंच सौ. अस्मिता मारणे, उपसरपंच बाळासाहेब शिंदे, ग्रामसेवक श्री अडसूळ, माजी सरपंच सौ सुतार, माजी उपसरपंच अशोक चौले, प्रगतशील शेतकरी दगडू मारणे, व विलास मारणे, माजी सरपंच नामदेव चौले व वसंत काटकर तसेच बहुतांशी ग्रामस्थांनी उपस्थित राहून विद्यार्थ्यांच्या उपक्रमांचा गौरव केला.

प्रा. डॉ. महेश ठाकूर, प्रा. चेतन दिवाण, रुपेश पवार, श्याम खोंड यांनी शिबिरार्थी विद्यार्थ्यांना शिबिर व शिबीर उपक्रमांसंबंधी प्रशिक्षण व पी. आर. ए. तसेच सर्वेक्षणासाठी व्यावसायिक मार्गदर्शन केले. 

पुणे : अगरवाल क्लब चॅरिटेबल ट्रस्ट, आर. एम. धारिवाल फाउंडेशन आणि गायत्री परिवार याच्या संयुक्त विद्यमाने विनामूल्य प्लास्टिक, कॉस्मेटिक्स व हॅन्ड सर्जरी शिबिर आयोजिले आहे. शिबिराचे हे नववे वर्ष असून, दि. २२  व २३ डिसेंबर २०१८ या दोन दिवशी शिरूर येथील मातोश्री मदनबाई धारिवाल हॉस्पिटल येथे हे शिबीर होणार आहे, अशी माहिती प्रसिद्ध हॅन्ड सर्जन डॉ. पंकज जिंदल, ट्रस्टचे अध्यक्ष सतीश नेवातीया यांनी पत्रकार परिषदेत दिली. यावेळी ट्रस्टचे सचिव अरुण सिंघल, खजिनदार संजय अगरवाल, प्रकल्प संचालक उमेश जालान, राजीव अगरवाल मदनबाई धारिवाल हॉस्पिटलचे प्रशासकीय अधिकारी डॉ. भूषण सोमवंशी आदी उपस्थित होते.

डॉ. पंकज जिंदल म्हणाले, “भाजल्यामुळे झालेल्या जखमा, जन्मतः असलेले हाताचे, पायाचे किंवा शरीराचे व्यंग, वाकडी बोटे, मस, चेहऱ्यावरील वाकडे व्रण, मुरुमांमुळे झालेले खड्डे, दुभंगलेले ओठ, वाकडे नाक आदी गोष्टींवर प्लास्टिक सर्जरी करण्यात येणार आहे. स्त्री व मुलींना प्राधान्य देण्यात येणार असून, गरजू रुग्णांनी या संधीचा लाभ घ्यावा. या सगळ्या शस्त्रक्रिया संपूर्णपणे मोफत असणार आहेत.”

डॉ. पंकज जिंदल म्हणाले, “देशात ७० लाख लोकांना भाजल्यामुळे मोठ्या जखमा झाल्या आहेत. जेणेकरुन त्यांना दैनंदिन काम करणेही शक्य होत नाही. अशा लोकांवर उपचार करुन त्यांना सन्मानाने जगता यावे, यासाठी आमचा प्रयत्न सुरु आहे. अनुभवी सर्जनकडून या शस्त्रक्रिया केल्या जात आहे. या शस्त्रक्रियांमुळे जीवन बदलून गेले आहे. पुढील काही वर्षात या लोकांपर्यंत पोहोचवून त्यांच्यावर उपचार केले जाणार आहेत. गावांमध्येही अनेक लोक अशा शस्त्रक्रियांपासून वंचित आहेत.”

सतीश नेवातीया म्हणाले, “डॉ. पंकज जिंदल यांनी आपल्या अनुभवी टीमसह सामाजिक भावनेतून हजारो रुग्णांवर अशा प्रकारच्या शस्त्रक्रिया करुन त्यांना नवी ओळख दिली आहे. गेल्या नऊ वर्षात शेकडो रुग्ण पुन्हा नव्याने सुरळीत आयुष्य जगू लागले आहेत. त्यामुळे या शिबिराचा गरजू रुग्णांनी लाभ घ्यावा. शिबीराचा लाभ घेऊ इच्छिणाऱ्या सर्व गरजू व्यक्तींनी १९ डिसेंबर २०१८ नावनोंदणी करणे आवश्यक आहे. अधिक माहितीसाठी ७५८८१४८८०५, ७०६६०२८११३, ९०११००७६६९ किंवा ०२१३८-२२५५९९, २२४५९९ या क्रमांकावर संपर्क साधावा.”

पुणे  :- पानशेत पुरग्रस्त वसाहतीतील विशेषता पर्वती दर्शन, शिवदर्शन, दत्तवाडी, एरंडवणा, हेल्थ कॅम्प, जनवाडी, भवानी पेठ येथील नागरीकांनी महसुल मंत्री यांच्या दि.15 जुन 2018 च्या बैठकीत दिलेल्या निर्देशाचे अनुषंगाने तसेच पुनवर्सन प्राधिकरणाचे उपाध्यक्ष माधव भंडारी यांच्या दि.7 डिसेंबर 2018 च्या बैठकीत दिलेल्या निर्देशाचे अनुषंगाने पानशेत पुरग्रस्त वसाहतीतील नागरीकांच्या मिळकत पत्रिकांमध्ये शासनाकडील अनुदानीत आदेशामधील क्षेत्रापेक्षा कमी क्षेत्राची नोंद झाली आहे अशा मिळकत पत्रिकेवरील संबधीतांनी जिल्हा अधिक्षक भुमिअभिलेख पुणे यांच्या कार्यालयातअर्ज सादर केल्यास दुरुस्तीची कार्यवाही अवलंबणेत येईल, संपर्कासाठी जिल्हा अधिक्षक भुमि अभिलेख, पुणे बंगला नं.1, एअरपोर्ट रोड,समता नगर, बदामी चौक, येरवडा, पोस्ट ऑफिसच्या मागे, येरवडा पुणे, इमेल आयडी dslr.pu_mh@gov.in, dslr_pune@yahoo.in ,दुरध्वनी क्र.०२०-२६६८४६५८ वर संपर्क साधावा, असे आवाहन जिल्हा अधिक्षक भुमि अभिलेख राजेंद्र गोळे यांनी केले.

महात्मा फुले मागासवर्ग विकास महामंडळातर्फे व्यवसाय प्रशिक्षण

महात्मा फुले मागासवर्ग विकास महामंडळ (मर्या.) जिल्हा कार्यालय पुणे मार्फत चालू अर्थिक वर्षात अनुसूचित जातीतील महार, नव बौध्द, बुरुड,भंगी, हिन्दु-खाटीक इत्यादी जातीतील पात्र उमेदवारास टु व्हीलर सर्व्हिस सेंटर, ब्युटी पार्लर, डिप्लोमा, जी.एस.टी, संगणक प्रशिक्षण, फेब्रिकेशन/ वेल्डीग, वाहन चालक मोबाईल रिपेंरींग, फॅशन डिझायनिंग, नेफ्रीजेटर ॲड ऐअर कंडीन्शर रिपेंरीग, मोटार रिवायडींग, रिटेल मॅनेजमेंट इत्यादी व्यवसायाचे प्रशिक्षण दिले जाणार आहे.  या व्यवसाय प्रशिक्षणासाठी जातीचा दाखला, उत्पन्नाचा दाखला, रेशनिंग कार्ड, शाळा सोडल्याचा दाखला, इत्यादीसह जिल्हा कार्यालय, 424 मंगळवार पेठ, लडकत पेट्रोल पंपाजवळ पुणे. दुरध्वनी क्र.020-26121295 येथे संपर्क साधावा, असे आवाहन जिल्हा व्यवस्थापक श्रीकांत बनसोडे यांनी केले आहे.

पुणे-युग फाउंडेशनच्यावतीने वानवडी़  भैरोबानाला येथील विठ्ठलराव शिवरकर माध्य. व  उच्च माध्य. विद्यालयातील विद्यार्थिनींना ३६०० सॅनिटरी नॅपकिनचे  वाटप  करुन जागृती अभियान राबविण्यात आले.

 या वेळी युग फाउंडेशनचे अध्यक्ष: कुणाल जेधे, संस्थापक: कणव चव्हाण व फाउंडेशनचे कार्यकर्ते प्रतीक्षा चरण,राहुल बालगोहिरे, गोपी कसोटे, परी हमदुले, विकास कसोटे, कैझ होडीवाला, मिस्बाह शरीफ, सिद्धांत सारवान तसेच विठ्ठलराव शिवरकर  विद्यालयाचे  मुख्याध्यापक  लघु वाघुले, दिपा व्यवहारे,नंदिनी   गायकवाड, दिपाली जाधव आदि मान्यवर उपस्थित होते

    युग फाऊंडेशनचे समनव्यक कनव चव्हाण यांनी सांगितले कि , युग फाऊंडेशन शाळांमध्ये मुलींमध्ये सेनेटरी नॅपकिन वापरण्याबाबत जागरुकता अभियान राबवित आहे . त्यासाठी शॉर्ट फिल्म दाखविण्यात येते . त्यामध्ये सेनेटरी नॅपकिन वापरण्याबाबतचे महत्व सांगण्यात आले . तसेच सेनेटरी नॅपकिनचे वाटप करण्यात येते.

विठ्ठलराव शिवरकर  विद्यालयाचे  मुख्याध्यापक  लघु वाघुले यांनी उपस्थित मान्यवरांचे स्वागत केले . तर कार्यक्रमाचे सुत्रसंचालन परी हमदुले यांनी केले तर आभार  युग फाउंडेशनचे अध्यक्ष कुणाल जेधे यांनी मानले .

अंजली कऱ्हाडकर  यांनी ‘जननी ‘कार्यक्रमा अंतर्गत साहित्यातील अनेक  व्यक्तिरेखा, स्वगते, नाट्यपदे, नाट्यछटा गाऊन व साभिनय सादर केल्या.

पुणे- सरकार कोणत्याही पक्षाचे असले तरी, राजकीय इच्छाशक्तीच्या अभावामुळे भारताला उत्पादन क्षेत्रात अपेक्षित प्रगती करण्यात मर्यादा येत असल्याचे मत व्यवस्थापन तज्ज्ञ कर्नल अशोक सोमण यांनी व्यक्त केले.
डेक्कन एज्युकेशन सोसायटी व पद्मावती प्रतिष्ठान यांच्या वतीने पद्मावती बनहट्टी यांच्या स्मरणार्थ आयोजित भारत उत्पादन क्षेत्रात हब होऊ शकतो का? या विषयावर सोमण बोलत होते. सोसायटीचे अध्यक्ष डॉ. शरद कुंटे, कार्यवाह डॉ. श्रीकृष्ण कानेटकर, पद्मावती प्रतिष्ठानच्या कौमुदी बनहट्टी यांची प्रमुख उपस्थिती होती.
सोमण पुढे म्हणाले, ‘उत्पादन क्षेत्रात चीनने मोठी प्रगती केली आहे. एकपक्षीय सत्ता, भारताच्या चार पट क्षेत्रङ्गळ, सरकारकडे जमिनीची मालकी, कार्यक्षमता, आंतरराष्ट्रीय दर्जाच्या दळणवळण व्यवस्था, मोठ्या प्रमाणात सबसिडी यामुळे चीनला हे यश शक्य झाले आहे. राजकीय इच्छाशक्ती, आधुनिक तंत्रज्ञान, दळणवळणाच्या सुविधा व कार्यकुशलता वाढविल्यास भारत उत्पादन क्षेत्राचे हब होऊ शकेल.’
सोमण पुढे म्हणाले, ‘कृषी, सेवा व उद्योग क्षेत्रात संतुलित विकास केल्यास अर्थव्यवस्था सक्षम होऊ शकते.’ १९७२ पासून दरवर्षी पद्मावती व्या‘यानाचे आयोजन करण्यात येत आहे.