पुणे : अगरवाल क्लब चॅरिटेबल ट्रस्ट, आर. एम. धारिवाल फाउंडेशन आणि गायत्री परिवार याच्या संयुक्त विद्यमाने विनामूल्य प्लास्टिक, कॉस्मेटिक्स व हॅन्ड सर्जरी शिबिर आयोजिले आहे. शिबिराचे हे नववे वर्ष असून, दि. २२  व २३ डिसेंबर २०१८ या दोन दिवशी शिरूर येथील मातोश्री मदनबाई धारिवाल हॉस्पिटल येथे हे शिबीर होणार आहे, अशी माहिती प्रसिद्ध हॅन्ड सर्जन डॉ. पंकज जिंदल, ट्रस्टचे अध्यक्ष सतीश नेवातीया यांनी पत्रकार परिषदेत दिली. यावेळी ट्रस्टचे सचिव अरुण सिंघल, खजिनदार संजय अगरवाल, प्रकल्प संचालक उमेश जालान, राजीव अगरवाल मदनबाई धारिवाल हॉस्पिटलचे प्रशासकीय अधिकारी डॉ. भूषण सोमवंशी आदी उपस्थित होते.

डॉ. पंकज जिंदल म्हणाले, “भाजल्यामुळे झालेल्या जखमा, जन्मतः असलेले हाताचे, पायाचे किंवा शरीराचे व्यंग, वाकडी बोटे, मस, चेहऱ्यावरील वाकडे व्रण, मुरुमांमुळे झालेले खड्डे, दुभंगलेले ओठ, वाकडे नाक आदी गोष्टींवर प्लास्टिक सर्जरी करण्यात येणार आहे. स्त्री व मुलींना प्राधान्य देण्यात येणार असून, गरजू रुग्णांनी या संधीचा लाभ घ्यावा. या सगळ्या शस्त्रक्रिया संपूर्णपणे मोफत असणार आहेत.”

डॉ. पंकज जिंदल म्हणाले, “देशात ७० लाख लोकांना भाजल्यामुळे मोठ्या जखमा झाल्या आहेत. जेणेकरुन त्यांना दैनंदिन काम करणेही शक्य होत नाही. अशा लोकांवर उपचार करुन त्यांना सन्मानाने जगता यावे, यासाठी आमचा प्रयत्न सुरु आहे. अनुभवी सर्जनकडून या शस्त्रक्रिया केल्या जात आहे. या शस्त्रक्रियांमुळे जीवन बदलून गेले आहे. पुढील काही वर्षात या लोकांपर्यंत पोहोचवून त्यांच्यावर उपचार केले जाणार आहेत. गावांमध्येही अनेक लोक अशा शस्त्रक्रियांपासून वंचित आहेत.”

सतीश नेवातीया म्हणाले, “डॉ. पंकज जिंदल यांनी आपल्या अनुभवी टीमसह सामाजिक भावनेतून हजारो रुग्णांवर अशा प्रकारच्या शस्त्रक्रिया करुन त्यांना नवी ओळख दिली आहे. गेल्या नऊ वर्षात शेकडो रुग्ण पुन्हा नव्याने सुरळीत आयुष्य जगू लागले आहेत. त्यामुळे या शिबिराचा गरजू रुग्णांनी लाभ घ्यावा. शिबीराचा लाभ घेऊ इच्छिणाऱ्या सर्व गरजू व्यक्तींनी १९ डिसेंबर २०१८ नावनोंदणी करणे आवश्यक आहे. अधिक माहितीसाठी ७५८८१४८८०५, ७०६६०२८११३, ९०११००७६६९ किंवा ०२१३८-२२५५९९, २२४५९९ या क्रमांकावर संपर्क साधावा.”

पुणे-भारतीय दलित कोब्राच्यावतीने पुणे स्टेशनजवळील डॉ. बाबासाहेब आंबेडकर पुतळ्यासमोर नागरिकांच्या विविध मागण्यासाठी बैठा सत्याग्रहास सुरवात करण्यात आली . हा बैठा सत्याग्रह सर्व जाती धर्माच्या मुलांना मोफत शिक्षण देण्यात यावे , दलित ओ बी सी मागास विद्यार्थ्यांना सर्वच शिक्षण मोफत देण्यात यावे , बेघरांना हक्काचा निवारा देण्यात यावा व इतर मागण्यांसाठी हा बैठा सत्याग्रहास सुरवात करण्यात आली . भारतीय दलित कोब्राचे कोब्राराजे ऍड. भाई विवेक चव्हाण यांच्या नेर्तृत्वाखाली या बैठा सत्याग्रह्यामध्ये मोठया संख्येने नागरिक सहभागी झाले . शुक्रवार २१ डिसेंबर २०१८ ते सोमवार  २४ डिसेंबर २०१८ पर्यंत हा बैठा सत्याग्रह  असणार आहे . या मागण्याचे निवेदन  शासनास दिल्याचे भारतीय दलित कोब्राचे कोब्राराजे ऍड. भाई विवेक चव्हाण यांनी सांगितले

पुणे: महापालिकेच्या  चतुर्थ श्रेणीच्या कर्मचाऱ्यांना लिपिक टंकलेखक ३ या पदावर पदोन्नती देण्यासाठी पात्र  झालेल्या २६७ कर्मचाऱ्यांचे  प्रशिक्षण झाले,परीक्षा झाल्या  आणि या परीक्षांचा निकाल जाहीर करून नेमणूक करण्याच्या प्रक्रियेला प्रलंबित ठेऊन अर्जाच्या छननतच अपात्र असलेल्याना आता पदोन्नती च्या प्रक्रियेत  सामावून घेण्याची मोहीम वेगाने सुरु करण्याचा  अजब गजब प्रकार महापालिकेत चालू असल्याचा आरोप होतो आहे. पीएमसी एम्प्लॉईज युनियनने या प्रकरणी घोटाळे होत असल्याचा संशय व्यक्त केला आहे.चतुर्थश्रेणी कर्मचाऱ्यांमधून तृतीय श्रेणीत घेण्यासाठी म्हणून घेतलेल्या परीक्षेचा निकाल जाहीर न करता थेट यादीच जाहीर करून त्यात अपात्र उमेदवारांची नावे घुसडण्याचा प्रकार झाला असल्याचे युनियनचे म्हणणे आहे.

हि आहे अपात्र ठरलेल्या कर्मचाऱ्यांची यादी …

महापालिकेत चतुर्थ श्रेणी कर्मचाऱ्यांमध्ये सुशिक्षित असलेल्या कर्मचाऱ्यांची संख्या बरीच मोठी आहे. वारसा हक्काने नोकरी मिळत असल्याने शिक्षण असूनही नोकरीची संधी मिळाली की ते लगेच नोकरी स्विकारतात. त्यानंतर मग वरच्या वर्गात येण्यासाठी प्रयत्न करतात. खात्यातंर्गत परीक्षा घेऊन अशा उमेदवारांना तृतीय श्रेणीत टंकलेखक किंवा कारकून म्हणून सामावून घेतले जाते. त्यासाठी त्यांची सेवेची ५ वर्षे पुर्ण झाली असल्याचे बंधन घालण्यात येते. त्याशिवाय किमान १० वी उत्तीर्ण वगैरे अटीही असतात.

डिसेंबर २०१६ मध्ये महापालिकेने चतुर्थ श्रेणी कर्मचाऱ्यांच्या मधून अर्ज मागविले . या अर्जांची छाननी जानेवारी 2018 ला पूर्ण झाली आणि त्यात २६७ जण पात्र ठरले ,आणि ११७ जण अपात्र ठरले .
२६७ पात्र उमेदवारांना शिवाजी दौंडकर या अधिकाऱ्याच्या अधिपत्याखाली प्रशिक्षण देण्यात आले त्यानंतर  त्यांची २२ जुलै २०१८ रोजी परिक्षा घेतली. त्याचा निकाल अजूनही जाहीर करण्यात आलेला नाही. मात्र परीक्षेस बसता न आलेल्या, कागदपत्र अपुर्ण असल्यामुळे अपात्र ठरलेल्या अशा ११७ जणांची एक यादी १२ डिसेंबर २०१८ ला प्रसिद्ध केली. त्यांना १५ डिसेंबरपर्यंत कागदपत्रे आणून देण्यास सांगण्यात आले.
या यादीवर काहीजणांना आक्षेप घेतला. त्यानंतर प्रशासनाने १३ डिसेंबरला एक शुद्धीपत्रक काढले. त्यानंतर ते शुद्धीपत्रक १४ डिसेंबरला लागलीच रद्द केले. १५ डिसेंबरला एक परिपत्रक काढले. त्यात ४३ जणांची यादी प्रसिद्ध केली. यातच पुन्हा ५ वर्षांचे सेवाकाल पुर्ण झाला नसलेली नावे घुसडण्यात आली. त्यांना प्रशिक्षण देणार असल्याचेही जाहीर करण्यात आले. १७ डिसेंबर ते १९ डिसेंबरदरम्यान हे १३ तासांचे प्रशिक्षण सत्र पुर्णही झाले.
सेवाकाल पुर्ण करत नसलेल्या, अपात्र असलेल्या उमेदवारांना यादीत बसवण्यासाठी म्हणून हा सर्व उपदव्याप करण्यात आला असल्याचे युनियनचे म्हणणे आहे. काही नगरसेवक तसेच प्रशासनातील अधिकाऱ्यांनीच हा खटाटोप केला असल्याची चर्चा आहे. मात्र त्यामुळे पदवीधर असलेल्या व तरीही चतुर्थ श्रेणीतच काम करावे लागत असणाऱ्या पात्र उमेदवारांवर अन्याय होत आहे. केवळ ५ वषार्चा सेवाकाल पुर्ण होत नसल्याने ते अपात्र समजले गेले आहेत, मात्र ज्यांचा वशिला आहे ते असा सेवाकाल पुर्ण झाला नसतानाही पात्र समजून तृतीय श्रेणीत जाणार आहेत.
युनियनचे अध्यक्ष बापू पवार व सरचिटणीस चंद्रकांत शितोळे यांनी याबाबत आयुक्त सौरव राव यांना पत्र पाठवले आहे. त्यात त्यांनी या सर्व प्रक्रियेची माहिती दिली असून संबधित खातेप्रमुखांना आदेश देऊन पात्र उमेदवारांवर होत असलेला अन्याय त्वरीत दूर करण्याची मागणी केली आहे.