पुणे-पुण्यातील सनबर्न या फेस्टिव्हल विरोधात हायकोर्टात याचिका दाखल करण्यात आली आहे. ध्वनीप्रदूषणाचे नियम पाश्चिमात्य सणांनाही लागू करा, फक्त भारतीय सणांवरच बंधने का? अशी मागणी करत अमोल बालवडकर यांच्या वतीने दाखल करण्यात आलेल्या याचिकेवर बुधवारी सुनावणी झाली. सर्वोच्च न्यायालयाने रात्री 8 ते 10 या वेळेत लाऊडस्पीकर आणि फटाके उडवण्यास संमती दिली आहे. असं असूनही आंतरराष्ट्रीय म्युझिक फेस्टच्या नावाखाली ध्वनीप्रदूषणाचे सगळे नियम पायदळी तुडवले जातात. दुपारी तीन वाजल्यापासून मध्यरात्री उशिरापर्यंत डॉल्बी साऊंड आणि डीजे कानठळ्या बसवणाऱ्या आवाजात सुरु असतात असाही आरोप या याचिकेत करण्यात आला आहे.

वेळेची मर्यादा आणि डेसिबलची पातळी सांभाळून सण साजरे करण्याची मर्यादा फक्त भारतीय सण उत्सवांना का? सनबर्नलाही कायदा सारखाच आहे असा दावा याचिकाकर्त्यांच्या वतीने अॅड. अनुराग जैन यांनी कोर्टात केला. सुट्टीकालीन न्यायालयात न्या. भारती डांगरे यांच्या खंडपीठापुढे यावर सुनावणी झाली. शांतता क्षेत्र नसलं तरीही ध्वनी मर्यादा आणि पर्यावरणाचे नुकसान होणार नाही याची काळजी घेणं आवश्यक असल्याचं मत हायकोर्टानं मांडलं आहे. तसंच कार्यक्रमाचं आयोजन होत असलेल्या ठिकाणापासून लोकवस्ती किती दूर आहे? असा सवाल करत या याचिकेवरची सुनावणी शुक्रवारपर्यंत तहकूब केली आहे.

नव्या वर्षाच्या स्वागतासाठी 29 ते 31 डिसेंबर या कालावधीत पुण्यातल्या बावधन लवळे मध्ये असलेल्या ऑक्सफोर्ड गोल्फ क्लबवर यंदाचा सनबर्न फेस्टिव्हल रंगणार आहे. या कार्यक्रमाच्या ऐन तोंडावरच विरोधातली याचिका दाखल झाली आहे.

पुणे :कविताप्रेमींचा वार्षिक आनंदोत्सव असलेल्या १९ व्या काव्य सप्ताह ‘२०१८ चे दूरदर्शन चे ज्येष्ठ निर्माते अरुण काकतकर यांच्या हस्ते उदघाटन झाले .काव्य सप्ताह उपक्रमाच्या १९ व्या वर्षानिमित्त आयोजित काव्य संमेलनात ५० कवींनी सहभाग घेतला .आयोजक जेष्ठ कवी रमेश गोविंद वैद्य यांनी प्रास्ताविक केले . दीपाली दातार यांनी सूत्रसंचालन केले .स्काऊट सभागृह ,उद्यान प्रसाद समोर ,सदाशिव पेठ येथे २५ डिसेंबर २०१८,सायंकाळी ७ वाजता काव्य सप्ताह चे उदघाटन झाले .पहिल्या दिवशीच्या कवी संमेलनात अरुण काकतकर ,रमेश गोविंद वैद्य ,आश्लेषा महाजन ,आरुषी दाते ,सुधीर कुबळे ,बाळासाहेब कार्वे यांच्यासह ५० कवींनी कविता सादर केल्या . ब्रेल लिपीतील कविताही दिव्यचक्षु कवींनी सादर केल्या .हा काव्य सप्ताह २५ डिसेंबर ते ३१ डिसेंबर २०१८कालावधीत होणार असल्याची माहिती संयोजक रमेश गोविंद वैद्य यांनी दिली . ज्येष्ठ नागरिक संघाचे सदस्य राजेंद्र देशपांडे ,राजा नाईक ,सुरेंद्र गोखले ,दीपक बीडकर यांनी स्वागत केले

पुणे-भारतीय जनता पार्टी, पर्वती विधानसभा मतदार संघ आयोजित सी एम चषक कला क्रिडा महोत्सवाचा यशस्वी आयुष्मान भारत क्रिकेट स्पर्धेच्या बक्षीस समारंभाने झाला. या कार्यक्रमाला प्रमुख पाहुणे म्हणून पुणे जिल्ह्याचे पालकमंत्री  गिरीष बापट आणि  सिने अभिनेते-दिग्दर्शक प्रविण तरडे उपस्थित होते. कार्यक्रमाचे अध्यक्षपद आमदार माधुरी मिसाळ आणि पुणे शहर भाजपा सरचिटणीस दीपक मिसाळ यांनी भूषविले.
दहा दिवस चाललेल्या या सी एम चषक कला क्रिडा महोत्सवाचा शेवट क्रिकेट स्पर्धांनी झाली. तीन दिवस चाललेल्या या क्रिकेट स्पर्धांचे आयोजक नगरसेवक महेश वाबळे आणि डेक्कन क्लबचे माजी अध्यक्ष अजय गुप्ते यांनी काम पहिले. त्यांना योगेश वाबळे आणि शैलेश देशपांडे यांनी सहआयोजक म्हणून सहकार्य केले. अतिशय रोमहर्षक झालेल्या या मालिकेमध्ये भूतान क्रिकेट क्लब यांनी विजेतेपद तर अभिनव ११ क्रिकेट क्लबने उपविजेतेपद पटकावले. त्याना चषक आणि रोख रक्कम देवून सन्मानित करण्यात आले. या बक्षिस समारंभाची प्रस्तावना करताना नगरसेवक महेश वाबळे म्हणाले. “ आमदार माधुरीताईनी या क्रिकेट स्पर्धेचे आयोजन करण्याची संधी आम्हाला दिल्याबद्दल मी आणि माझे सर्व कार्यकर्ते त्यांचे आभारी आहेत. सी एम चषक सारख्या देशातील सर्वात मोठ्या कला क्रिडा महोत्सवाचा भाग बनता आल्याबद्दल आम्हाला सर्वांनाच आनद होतोय.”
या कार्यक्रमाचे प्रमुख पाहुणे पालकमंत्री बापट म्हणाले. “ मुख्यमंत्र्यांची या स्पर्धाबाबत जी संकल्पना होती, ती महाराष्ट्रभर अत्यंत यशस्वी झाली आहे. तरुणांनी अधिक उत्साहाने या स्पर्धांमध्ये सहभाग घेतला. पर्वतीच्या आमदार आमच्या विधानसभेच्या सहकारी माधुरीताईनी सर्व क्रिडा स्पर्धांचे अतिशय उत्तम नियोजन केले आहे. संपूर्ण पश्चिम महाराष्ट्रात पर्वती मतदार संघाचे नियोजन अत्यंत कौतुकास्पद असल्याचे सांगून त्यांनी आमदार मिसाळ आणि सहकार्यांचे कौतुक केले.
मा. प्रवीण तरडे म्हणाले, “ तरुणांनी त्यांच्या उत्साहाचा वापर योग्य रित्या केल्यास देशाची प्रगती अत्यंत वेगाने होऊ शकते. जगातील सर्वात तरुण देश म्हणून भारताकडे पाहिले जाते. आणि ते का हे या मैदानी खेळ खेळणाऱ्या तरुणानाकडे पाहून कळते. तसेच प्रत्येक तरुणानी छत्रपती शिवाजी महाराज यांचा आदर्श डोळ्यासमोर ठेवून राष्ट्रनिर्मितीच्या कार्यात सहभागी व्हायला हवे.”
समारोपाचे भाषण करताना आमदार मिसाळ म्हणाल्या “पर्वती मतदार संघ नोंदणीमध्ये सुरवातीला शेवटच्या स्थानावर होता. परंतु जेव्हा स्पर्धांची तारीख नक्की करण्यात आली. त्यानंतर पर्वती मधील प्रत्येक नगरसेवक, पदाधिकार्यांनी अतिशय उत्साहाने आणि जबाबदारीने केलेल्या कष्टाने आज पर्वती पश्चिम महाराष्ट्रात पहिल्या पाच मध्ये आणि संपूर्ण महाराष्ट्रात पहिल्या सत्तर क्रमांकावर आहे. मुख्य संयोजक म्हणून आखलेल्या कार्यक्रम पत्रिकेची सर्व सहकाऱ्यांकडून काटेकोर अंमलबजावणी झाल्यानेच आज पर्वती पुन्हा अग्रस्थानी आहे.”
याप्रसंगी मान्यवरांसह युवा मोर्चा अध्यक्ष दीपक पोटे, पुणे शहर विस्तारक योगेश बाचल, नगरसेवक आनंद रिठे, रघुनाथ गौडा, मानसी देशपांडे, मंजुषा नागपुरे, सरस्वती शेंडगे, रुपाली धावडे, मनीषा वाबळे, मनोज देशपांडे, विश्वास ननावरे, हरीश परदेशी, प्रशांत दिवेकर, योगेश वाबळे, शैलेश देशपांडे, जितेंद्र पोळेकर, प्रसाद शहाडे, मंगेश शहाणे यांच्यासह अनेक पदाधिकारी व कार्यकर्ते उपस्थित होते.

पुणे -शहराची वाढती वाहतूक हि समस्या मोठी जटील झाली असून शिस्तप्रिय म्हणून ख्याती असलेल्या ख्रिस्ती   समाजाने वाहतूक जनजागृतीसाठी मदत करावी . आसे आवाहन वाहतूक नियंत्रण शाखेच्या  पुणे शहर पोलीस उपायुक्त तेजस्वी सातपुते यांनी येथे केले .त्या ख्रिस्त जन्मोत्सवानिमित्त एम्प्रेस गार्डन येथे ख्रिस्त ऐक्य संघटतर्फे मेळावा कार्यक्रमात त्या बोलत होत्या .  यावेळी विविध क्षेत्रातील मान्यवरांचा संघटनेतर्फे सन्मान करण्यात आला . या मेळाव्यास शिपिंग कार्पोरेशन ऑफ इंडियाचे अध्यक्ष माजी खासदार प्रदीप रावत , माजी आमदार मोहन जोशी , परिमंडळ चारचे सहाय्यक आयुक्त देविदास पाटील , वानवडी विभागाचे वाहतूक पोलीस निरीक्षक राजेंद्र विभांडीक , महाराष्ट्र प्रदेश काँग्रेस कमिटीचे सरचिटणीस अभय छाजेड ,फिनिक्स बहुद्देशीय संस्थेचे  सचिव संभाजी बालवडकर ,व सनराईज इंटरनॅशनल स्कुलचे अध्यक्ष शरद बालवडकर आदी मान्यवर उपस्थित होते .   सत्कार्थींमध्ये प्रामुख्याने दत्तवाडी येथे नुकत्याच घडलेल्या कालवा फुटीच्या घटनेत अनेकाचे प्राण वाचविणाऱ्या महिला पोलीस हवालदार नीलम गायकवाड , पेन्टथलॉन गेम २००८मध्ये भारताला सुवर्ण पदक मिळवून देणारे अजिंक्य बालवडकर , सामाजिक कार्यकर्ते मनजितसिंग विरदी , प्रकाश पी परब , शॉर्ट फिल्म फेस्टिव्हल २००८ मध्ये पुरस्कार प्राप्त रेखाब जे लोंढे , सामाजिक कार्यकर्ते प्रशांत मते , नगरसेविका अश्विनी लांडगे ,माजी नगरसेवक  दीपक उर्फ बाबा मिसाळ , नगरसेवक वनराज आंदेकर , राजाभाऊ चव्हाण व राष्ट्रीय बॉक्सिंग खेळाडू तनुश्री बेंगळे आदी मान्यवरांचा सन्मानचिन्ह , पुष्पगुछ व शाल देउन मान्यवर पाहुण्याच्या हस्ते सन्मान करण्यात आला .

 यावेळी ख्रिस्ती समाज बांधव मोठ्या संख्येने उपस्थित होते .या मेळाव्याचे संयोजन ख्रिस्त ऐक्य संघटनेचे अध्यक्ष राजेश राठोड , उपाध्यक्ष राजन नायर , सचिव मोझेस कलकोटी , खजिनदार अनिल भालशंकर , संपर्कप्रमुख राजेंद्र शिंदे , प्रसिध्दीप्रमुख सुहास जाधव, पास्टर सुधीर चव्हाण ,ऍड  रविंद्र शिंदे , सुशील बेंगळे व मनोज परदेशी आदींनी केले . प्रास्ताविक राजेश राठोड यांनी केले तर सूत्रसंचालन मोझेस कलकोटी यांनी केले तर आभार राजन नायर यांनी मानले . 

पुणे-केंद्रीय सामाजिक न्याय  राज्यमंत्री रामदास आठवले यांच्या वाढदिवसानिमित्त भवानी पेठ काशेवाडीमध्ये रिपब्लिकन पार्टी ऑफ इंडिया आठवले गटाच्या पुणे कॅन्टोन्मेंट विधानसभा मतदार संघातर्फे ” आठवले चषक कॅरम स्पर्धेचे  ” उदघाटन करण्यात आले . या कॅरम स्पर्धेचे उदघाटन रिपब्लिकन पार्टी ऑफ इंडिया आठवले गटाचे राष्ट्रीय कोषाध्यक्ष एम. डी. शेवाळे यांच्या हस्ते फीत कापून करण्यात आले . या कॅरम स्पर्धेचे आयोजन रिपब्लिकन पार्टी ऑफ इंडिया आठवले गटाच्या पुणे कॅन्टोन्मेंट विधानसभा मतदार संघाचे अध्यक्ष संदीप धांडोरे व पुणे शहर वरिष्ठ उपाध्यक्ष लियाकत शेख यांनी केले होते . या कॅरम स्पर्धेमध्ये ९६ कॅरम खेळाडूंनी सहभाग घेतला . यावेळी प्रमुख पंच म्हणून उमेश चव्हाण ,मनिष चव्हाण व राजू वानखेडे यांनी काम पाहिले . तर सहाय्यक पंच म्हणून रणजित लांडगे , विनोद लोंढे यांनी काम पाहिले .