महाराष्ट्राचे मानबिंदू हिंदुहृदयसम्राट बाळासाहेब ठाकरे यांचा जीवनपट ‘ठाकरे’ जागतिक पातळीवर गर्जण्यास सज्ज झालेला आहे तेव्हा स्वाभाविकतः महाराष्ट्राची आन बान शान असलेल्या, दिवसाच्या कोणत्याही वेळेला सर्वसामान्यांचे पोट भरेल आणि स्वस्तात मस्त तसाच चटपटीत अशा महाराष्ट्रातील लोकप्रिय शिव वडापावची चव राष्ट्रीय दर्शकांना चाखण्यास मिळणार आहे.

बाळासाहेब ठाकरेंसारख्या महाराष्ट्राच्या मातीतील रांगड्या व लोकप्रिय व्यक्तित्वाप्रमाणेच दशकानुदशके करोडोंच्या मनांवर व जिभेवर राज्य गाजवणारा शिव वडापावने चवखोरांवर टीका केलेली आहे. ठाकरे चित्रपटाच्या टिझर व ट्रेलर प्रक्षेपणादरम्यान स्टार्टर्स म्हणून वडापाव सर्व्ह करणाऱ्या निर्मात्यांच्या विचारशरणीस पाठिंबा देत ७२ निवडक कार्निवल सिनेमा थिएटरमध्ये त्यांनी शिव वाडा पाव ची निवड त्यांच्या एफ अँड बी ऑफरमध्ये केलेली आहे. अद्वितीय अशा पॅन-इंडिया मार्केटिंग पुढाकाने टेंट कार्ड्स, वेबसाइट बॅनर, सिनेमा स्लाइड्स आणि एसएमएस मोहिम याद्वारे उत्साहवर्धक महाराष्ट्रीयन पाककृतींना राष्ट्रीय प्रेक्षकांसमोर सादर केले जाईल.

‘ठाकरे’ चित्रपटासह कार्निवल सिनेमाज मध्ये शिव वडापावचा स्वाद चाखत प्रत्येक क्षणाचा आनंद घ्या. तसंही असे ऐकिवात आले आहे की, राष्ट्रीय प्रेक्षकांसमवेत आंतरराष्ट्रीय प्रेक्षकांना देखील ठाकरे चित्रपटाबरोबर झणझणीत मराठी मोळ्या वडापावचा स्वाद चाखण्यास मिळणार आहे.

संजय राऊत प्रस्तुत, राऊटर्स एंटरटेनमेंट एलएलपी, वायकॉम १८ मोशन पिक्चर्स आणि कार्निवल मोशन पिक्चर्स निर्मित ‘ठाकरे’ या चित्रपटात नवाजुद्दीन सिद्दीकी हिंदुहृदयसम्राट बाळासाहेब ठाकरेंच्या तर अभिनेत्री अमृता राव माँसाहेब मीनाताई ठाकरेंच्या प्रमुख भूमिकेत दिसून येणार आहेत. राष्ट्रीय आंतरराष्ट्रीय पुरस्कार विजेत्या तांत्रिक विभागाच्या टीमने ह्या चित्रपटाच्या अनुषंगाने काम केलेले आहे. दिग्दर्शक अभिजित पानसे यांनी या चित्रपटाचे दिग्दर्शन केलेले असून येत्या २५ जानेवारी २०१९ ला हा चित्रपट संपूर्ण जगभरात प्रदर्शित होणार आहे.

पुणे :- जिल्हा वार्षिक योजनेंतर्गत विविध विकास कामांना मंजूरी देण्यात येते. ही विकास कामे वेळेत पूर्ण करण्याचे निर्देश पालकमंत्री गिरीश बापट यांनी आज येथे अधिकाऱ्यांना दिले.

जिल्हा वार्षिक योजना 2019-20 च्या प्रारुप आराखडयाची छाननी करण्यासाठी जिल्हा नियोजन समितीच्या कार्यकारी समितीची बैठक जिल्हाधिकारी कार्यालयाच्या सभागृहात अन्न व नागरी पुरवठा मंत्री तथा पालकमंत्री गिरीश बापट यांच्या अध्यक्षतेखाली आज आयोजित करण्यात आली होती. या बैठकीत चालू आर्थिक वर्षासाठी मंजूर करण्यात आलेल्या विकास कामांचा आढावा घेताना ते बोलत होते. बैठकीला आमदार राहूल कुल, सदस्य शरद बुट्टे पाटील, ज्ञानेश्वर चवरे, जिल्हाधिकारी नवल किशोर राम, पिंपरी चिंचवड महानगरपालिकेचे आयुक्त श्रावण हर्डीकर, जिल्हा परिषदेचे मुख्य कार्यकारी अधिकारी सूरज मांढरे, सहायक जिल्हाधिकारी तथा आदिवासी विकास प्रकल्प अधिकारी आयुष प्रसाद, उपजिल्हाधिकारी उत्तम चव्हाण,  जिल्हा परिषदेचे अतिरिक्त मुख्य कार्यकारी अधिकारी नृसिंह मित्रगोत्री, जिल्हा नियोजन अधिकारी प्रमोद केंभावी उपस्थित होते.

पालकमंत्री गिरीश बापट यांनी 2018-19 या वर्षात जिल्हा नियोजन समितीने मंजूर केलेल्या विविध विकास कामांची सद्यस्थिती आणि त्यावर झालेल्या खर्चाचा आढावा घेतला. बैठकीत 2019-20 साठी प्रशासकीय विभागांनी योजनांच्या अंमलबजावणीबाबत केलेल्या सूचना, नवीन अंतर्भूत करण्यात आलेल्या योजना, केंद्र व राज्य पुरस्कृत योजनांसाठी प्राप्त झालेल्या निधीतून झालेला खर्च व अखर्चित निधी, नवीन बाबींवरील प्रस्ताव मंजूरीसाठी शासनाकडे पाठविण्याबाबत चर्चा करण्यात आली. समिती सदस्य तसेच लोकप्रतिनिधींनी विकास कामांच्या अंमलबजावणीमध्ये केलेल्या सूचनांची दखल घेण्याची सूचना पालकमंत्री गिरीश बापट यांनी बैठकीत केली.

जिल्हा नियोजन अधिकारी यांनी प्रास्ताविकात 2019-20 साठी तयार करण्यात आलेल्या प्रारुप आराखडयाची माहिती दिली. बैठकीला विविध विभागांचे अधिकारी उपस्थित होते.

पुणे  :- पुणे शहरातील घोरपडी येथील रेल्वे उड्डाणपूल तसेच  लुल्लानगर चौक उड्डाणपूलाचे काम  लवकरच मार्गी लागेल असा  विश्वास सामाज‍िक न्याय राज्यमंत्री  दिलीप कांबळे यांनी व्यक्त केला.

या दोन्ही उड्डाणपूलाच्या कामासंदर्भात आढावा घेण्यासाठी राज्यमंत्री  श्री. कांबळे यांनी आज पुणे येथील शासकीय विश्रामगृहात बैठक आयोजित केली होती. त्यानंतर ते बोलत होते.

उड्डाणपुलाच्या परिसरातील अतिक्रमण लवकरात लवकर काढावे तसेच भूसंपादनाच्या कार्यवाहीमध्ये पुणे महानगरपालिकेने समन्वयाची भूमिका पार पाडावी असे  निदेशही श्री कांबळे यांनी यावेळी अधिकाऱ्यांना दिले.

पुणे-मराठी भाषेतील पहिले वृत्तपत्र ‘दर्पण’ हे बाळशास्त्री जांभेकर यांनी ६ जानेवारी १८३२  रोजी सुरू केले. हा दिवस बाळशास्त्री जांभेकर यांचा जन्मदिनही आहे. या दिवसाचे औचित्य साधून महाराष्ट्रात पत्रकार दिन म्हणून साजरा होतो. त्यानिमित्ताने पुणे मीडिया वॉच व सिध्दार्थ वाचनालय व ग्रंथालय यांच्या संयुक्त विद्यमाने यंदाच्या वर्षी ” मराठी पत्रकार दिन ” सोहळा उत्साहात संपन्न झाला . यंदाच्या सोहळ्याचे चौदावे वर्ष होते  .

 नवी पेठमधील गांजवे चौकाजवळील पुणे श्रमिक पत्रकार भवनमध्ये येथे झालेल्या या  ” मराठी पत्रकार दिन ” सोहळ्याचे  उदघाटन  दर्पणकार  बाळशास्त्री जांभेकर  यांचे प्रतिमेस माजी आमदार मोहन जोशी यांच्याहस्ते करण्यात आले . या कार्यक्रमाच्या अध्यक्षस्थानी पुणे शहराचे उपमहापौर डॉ. सिद्धार्थ धेंडे ,पुणे मीडिया वॉचचे संचालक महेश जांभुळकर , सिध्दार्थ वाचनालय व ग्रंथालयचे कार्याध्यक्ष बापूसाहेब गानला , डॉ. भगवान यादव , मनजितसिंग विरदी , भीमराव पाटोळे , मंजिरी धाडगे , संगीता आठवले , प्रा. वाल्मिक जगताप , शिवानंद हूल्ल्याळकर , श्याम सहानी , फिरोज मुल्ला आदी मान्यवर उपस्थित होते .

पत्रकारिता क्षेत्रातील उल्लेखनीय कार्य करणाऱ्यामध्ये नामदेव ढसाळ पत्रकारिता पुरस्कार हा सुगावा प्रकाशनचे प्रकाशक व दै. बहुजन महराष्ट्र वृत्तपत्राचे संपादक विलास वाघ , बाळासाहेब ठाकरे प्रभावशाली व्यंगचित्रकार  पुरस्कार हा पुणे जिल्ह्याचे जिल्हा माहिती अधिकारी राजेंद्र सरग , पत्रकारिता जीवनगौरव पुरस्कार हा गेली ५० वर्षापासून दै . आज का आनंदचे व दै संध्यानंदचे संस्थापक संपादक श्याम अग्रवाल ,  उत्कृष्ट जनसंपर्क पुरस्कार हा गेली ३० वर्षांपासून जनसंपर्क क्षेत्रात कार्यरत असलेले ” अक्षरकला  ” या जनसंपर्क संस्थेचे संचालक  प्रविण वाळिंबे , उत्कृष्ट वृत्तपत्र छायाचित्रकार पुरस्कार दै. इंडियन एक्सप्रेसचे  वृत्तपत्र छायाचित्रकार आरुल होरायझन , उत्कृष्ट इलेट्रॉनिक माध्यम पुरस्कार माय मराठी वेब मीडियाचे संपादक शरद लोणकर , उत्कृष्ट उपसंपादक हा दै. पुण्यनगरीचे उपसंपादक अशोक बालगुडे , उत्कृष्ट गुन्हे वार्तांकन पुरस्कार हा  दै. पुणे मिररच्या पत्रकार अर्चना मोरे ,  प्रदीप रणपिसे राजकीय पत्रकारिता पुरस्कार हा दै आज का आनंदचे पत्रकार शैलेश काळे , उत्कृष्ट पत्रकारिता पुरस्कार दै. केसरीचे पत्रकार स्वप्नील पोरे , उत्कृष्ट क्रीडा पत्रकारिता पुरस्कार हा दै. सकाळ टाइम्सचे अश्व शर्यतीचे पत्रकार व पुणे रेसिंग जर्नालिस्ट असोसिएशनचे अध्यक्ष मुनीर सय्यद , उत्कृष्ट उपनगर वार्ताहर हा दै. लोकमतचे उपनगर वार्ताहर प्रमोद गव्हाणे ,सिटीझन जर्नालिस्ट पुरस्कार हा अनिल अगावणे  , ग्रामीण पत्रकारिता पुरस्कार हा सातारा जिल्ह्यातील फलटण तालुंक्यातील साप्ताहिक महामित्रचे संपादक दशरथ फुले , सार्वजनिक वृत्तपत्र वाचनालय पुरस्कार हा भवानी पेठमधील सापिका येथील हिंद बाल समाज मंडळ ट्रस्ट संचालित ज्योती वाचनालय , उत्कृष्ट वृत्तपत्र विक्रेता पुरस्कार हा वानवडी येथील श्रीगणेश न्यूज पेपर एजन्सीचे संचालक अतुल भुजबळ आदींचा सन्मान स्मृतिचिन्ह , शाल व पुष्पगुछ देउन सन्मानित करण्यात आले .

व्याख्यानामध्ये ” बदलते तंत्रज्ञानांचे माध्यमासमोरील आव्हाने ” या विषयावर सावित्रीबाई फुले पुणे विद्यापीठाचे संज्ञापन व वृत्तपत्रविदया विभागाचे सहाय्यक प्राध्यापक संजय विष्णू तांबट यांनी सांगितलॆ कि , सामाजिक माध्यमांमुळे प्रिंट मीडियावर परिणाम झाला . बदलती माध्यमे रूपे व वाचकांची गरज समन्वय  साधून वृत्तपत्रांनी बदल स्वीकारला पाहिजे हि काळाची गरज आहे . नव्वदच्या दशकामध्ये वाचकांना वृत्तपत्र , साप्तहिक व मासिके माध्यमे फक्त उपलब्ध होती मात्र इलेक्ट्रॉनिक माध्यमे आल्यानंतर वाचकांचा कल बदलला मात्र प्रिंट मीडियाचे महत्व अबाधित राहिले . विस्तृत स्वरूपात माहिती हि आज देखील वृत्तपत्रातच दिली जात आहे ., मात्र सोशल मीडियावर आज प्रत्येक जण बातमी देऊ लागला आहे . त्यामुळे वृत्तपत्रांच्या वाचकांवर मोठा परिणाम झाला .

पुणे शहराचे उपमहापौर डॉ. सिद्धार्थ धेंडे  यांनी आपले अध्यक्षस्थानी बोलताना  सांगितले कि ,  एकेकाळी वृत्तपत्रावर कोणती बातमी घायची हे ठरले जायचे मात्र अलीकडे गुन्हेगारीच्या बातम्या सर्रास पहिल्या पानावर दिल्या जात आहे . वाजवीपेक्षा त्याला जास्त महत्व दिले जात आहे . कोणत्याही सेलिब्रिटींच्या वैयक्तिक जीवनाची बातमी तिखट मीठ लावून झळकाविले जाते . अशा बातम्यांना प्राधान्य दिले जाऊ नये . सामाजिक विषयांना व  नागरि समस्यांना  वर्तमानपत्रात जागा दिली पाहिजे . वाचकांची अभिरुची सांभाळण्यासाठी वृत्तपत्रांनी नवीन माहिती दिली पाहिजे . सोशल मीडियावरील येणाऱ्या बातमीच्या पुढील बातमी काय आहे हे वृत्तपत्रांनी सांगितले पाहिजे .

  दै . आज का आनंदचे व दै संध्यानंदचे संस्थापक संपादक श्याम अग्रवाल यांनी  पत्रकारिता जीवनगौरव पुरस्कार स्वीकारल्यानंतर आपले मनोगत व्यक्त करताना सांगितले कि , आज का आनंद सुरुवातीला १५ पैशाला  पेपर विकला जात होता आज हा पेपर सात रुपयांना विकला जात आहे . वृत्तपत्र चालविताना मोठी कसरत करावी लागत आहे . २४ तास यंत्रणा राबविल्यानंतर वृत्तपत्र तयार होते . वाचकांची गरज भागविण्यासाठी नवनवीन उपक्रम वृत्तपत्रे राबवितात.  आर्थिक गणिते जुळविताना कसरत करावी लागते. त्यासाठी संघर्ष करावा लागतो . वर्तमानपत्रे हि समाजाची गरज आहे , आजही आपलयाकडे छापील शब्दाला  मोठी किंमत आहे , त्यासाठी वर्तमानपत्र कायमस्वरूपी टिकवून राहतील .

 दै. पुण्यनगरीचे उपसंपादक अशोक बालगुडे यांनी उत्कृष्ट उपसंपादक पुरस्कार स्वीकारल्यानंतर सांगितले कि , इलेक्ट्रॉनिक मीडिया आला तरी देखील प्रिंट मीडिया  आपली विश्वासहर्ता  कायम  टिकवून आहे . त्यामुळे आजही वृत्तपत्र वाचक दूर गेलेला नाही कारण नळावरील   पाणी भरणारी महिला पाणी येणार नसल्याची  माहिती हि पेपरमध्ये छापून आली आहे का ? असे विचारते हि विश्वासहर्ता  वृत्तपत्रांनी कायम टिकवून ठेवल्यामुळे  वृत्तपत्राचे महत्व अबाधित राहील त्यात शंका नाही , असा विश्वास बालगुडे यांनी व्यक्त केला .

या कार्यक्रमाचे प्रास्ताविक व उपस्थितांचे स्वागत पुणे मीडिया वॉचचे संचालक महेश जांभुळकर यांनी केले तर सूत्रसंचालन विकास भांबुरे यांनी केले  तर आभार सिध्दार्थ वाचनालय व ग्रंथालयचे ग्रंथपाल दिलीप भिकुले यांनी मानले . कार्यक्रम यशस्वी करण्यासाठी शंकर जोग , प्रशांत फुले ,संतोष गायकवाड , नितीन बाल्की व भारती अंकलेल्लू आदींनी विशेष परिश्रम घेतले .

या कार्य्रक्रमाचे आयोजन पुणे मीडिया वॉचचे संचालक महेश जांभुळकर व सिध्दार्थ वाचनालय व ग्रंथालयचे कार्याध्यक्ष बापूसाहेब गानला यांनी केले होते .

पुणे : दि इन्स्टिट्यूशन ऑफ चार्टर्ड अकाउंटंट्स ऑफ इंडियाच्या (आयसीएआय) कमिटीवर पुण्यातील सीए चंद्रशेखर चितळे यांची सेंट्रल कौंसिल मेंबर म्हणून, तर सीए आनंद जाखोटिया, सीए अरुण आनंदागिरी व सीए यशवंत कासार यांची ‘रिजनल कौन्सिल मेंबर’ म्हणून निवड झाली आहे. पुणे शाखेतुन एक सीसीएम आणि तीन आरसीएम निवडून येण्याची ही पहिलीच वेळ असून, पुण्यासाठी ही आनंदाची बाब आहे.२४ व्या सेंट्रल कौन्सिलसाठी व २३ व्या रिजनल कौन्सिलसाठीची निवडणूक गेल्या महिन्यात झाली. त्यात पुण्यातून निवडून आलेले ‘सीसीएम’ चंद्रशेखर चितळे आणि ‘आरसीएम’ आनंद जाखोटिया, अरुण आनंदागिरी व यशवंत कासार यांचा पुणे आयसीएआयच्या वतीने सत्कार करण्यात आला. यावेळी व्यवस्थापकीय समितीच्या सदस्या सीए रेखा धामणकर, सचिव सीए राजेश अगरवाल, सीए सचिन परकाळे, पुणे आयसीएआयचे खजिनदार सीए अभिषेक धामणे आदी उपस्थित होते.

पुणे : एमआयटी वर्ल्ड पीस युनिव्हर्सिटी आणि विश्‍वशांती केंद्र (आळंदी), माईर्स एमआयटी, पुणे, भारततर्फे कर्नाटकमधील उडुपी येथील पेजावर मठाचे ज्ञानमठाधिपती प.पू.श्री श्री विश्‍वेशतीर्थ स्वामी यांना आध्यात्मिक, शैक्षणिक व सामाजिक क्षेत्रात उल्लेखनीय कार्य केल्याबद्दल ‘तत्त्वज्ञ संत श्री ज्ञानेश्‍वर ज्ञान-ब्रह्मर्षि’ पुरस्कार जाहीर करण्यात आलेला आहे.
भारताचे थोर सुपुत्र स्वामी विवेकांनंद यांच्या जयंतीचे औचित्य साधून शनिवार दि. १२ जानेवारी २०१९ रोजी सकाळी ११.१५ वाजता विश्‍वराजबाग, लोणी काळभोर, पुणे येथील जगातील सर्वात मोठा घुमट असलेल्या तत्त्वज्ञ संत श्री ज्ञानेश्‍वर माऊली विश्‍व शांती प्रार्थना सभागृहात हा ‘तत्त्वज्ञ संत श्री ज्ञानेश्‍वर ज्ञान-ब्रह्मर्षि’ पुरस्कार प्रदान समारंभ होणार आहे.
या समारंभासाठी संतवृत्तीचे थोर शास्त्रज्ञ व नालंदा विद्यापीठाचे कुलपती पद्मभूषण डॉ. विजय भटकर हे प्रमुख पाहुणे म्हणून उपस्थित राहणार आहेत. अध्यात्माचे अभ्यासक व कीर्तनकार शांतीब्रह्म ह.भ.प.श्री मारुती महाराज कुर्‍हेकर हे सन्माननीय पाहुणे म्हणून उपस्थित राहणार आहेत.
प.पू.श्री श्री विश्‍वेशतीर्थ स्वामीजींनी गेली अनेक वर्षे सामाजिक, शैक्षणिक व आध्यात्मिक क्षेत्रात कार्य करीत आहेत. भारतीय संस्कृती, परंपरा आणि तत्वज्ञानाचे मूर्तिमंत प्रतीक, एक ऋषितुल्य व्यक्तिमत्त्व, संतस्वरूप व ज्ञानस्वरूप विभूती म्हणून त्यांची ओळख आहे. विश्‍वशांती व विश्‍वकल्याणाचे कार्य त्यांनी आयुष्यभर केले आहे.
स्वामींजींनी सुरू केलेल्या अखिल भारत मध्य महामंडळ एबीएमएम सेंटरने गरीब विद्यार्थ्यांना मदत केली आहे. त्यांनी गरजू विद्यार्थ्यांसाठी कर्नाटमधील बेंगळुरू, हुबळी, धारवाड अशा ठिकाणी वसतीगृहे सुरू केली आहेत. त्यांना राष्ट्रसेवक म्हणून ओळखले जाते. ते एक महान समाजसुधारक आहेत.
प.पू.श्री श्री विश्‍वेशतीर्थ स्वामी यांनी आयुष्यभर केलेल्या कार्याची दखल घेऊन त्यांना ‘तत्त्वज्ञ संत श्री ज्ञानेश्‍वर ज्ञान-ब्रह्मर्षि’ पुरस्कार प्रदान करण्यात येणार आहे.
अशी माहिती एमआयटी वर्ल्ड पीस युनिव्हर्सिटीचे संस्थापक अध्यक्ष प्रा. डॉ. विश्‍वनाथ दा. कराड यांनी दिली.

  पुणे-जीएसटी ,हेल्मेट सक्ती , बेरोजगारी, महागाई … याने हैराण झालेल्या पुणेकरांनो सांभाळा … आता तुम्हाला घरात नळाने येणाऱ्या पाण्याच्या थेंबालाही पैसे मोजावे लागणार आहेत .ज्याचा प्रारंभ नुकताच गाजावाजा न करता १२ मीटर बसवून करण्यात आला आहे .समान पाणीपुरवठा योजनेच्या नावाने ..खऱ्या अर्थाने सर्वत्र समान पाणी पुरवठा होणार नसून ,जेवढे पैसे तेवढे पाणी या अर्थाने हा पाणीपुरवठा होणार आहे हे सर्वप्रथम पुणेकरांनो लक्षात घ्या .  आणि विशेष म्हणजे हा ऑगस्ट २०१६ चाच प्रस्ताव आहे जो आता मार्गी लागतो आहे.     

पाण्याचे मीटर (ऑटोमॅटिक मीटर रिडिंग) बसविण्यास सुरुवात करण्यात आली आहे. औंध येथील सारस्वत बँकेच्या पाणीजोडणीला मीटर बसविण्यात आले आहेत. आतापर्यंत १२ मीटर बसविण्यात आले असून, आणखी ५० मीटर या परिसरात बसविण्यात येणार आहे. विमाननगरमध्येही मीटर बसविण्यात येणार असल्याची माहिती पालिकेच्या पाणीपुरवठा विभागाचे प्रमुख व्ही. जी. कुलकर्णी यांनी दिली. समान पाणी पुरवठा योजनेतील बहुचर्चित मीटर बसविण्यास सुरुवात झाल्याने वापर होणाऱ्या प्रत्येक थेंबाचे ‘ऑडिट’ होणार आहे.

औंध-बाणेर-बालेवाडी येथे रस्त्यांची कामे करताना स्मार्ट सिटी कंपनीने समान पाणीपुरवठा योजनेनुसार पाइप टाकण्याची कामे सुरू केली आहेत. ड्रेनेज, स्ट्रॉम वॉटर आणि जलवाहिन्या टाकण्यात येत आहेत. त्यासाठी पालिका प्रशासन आणि संबंधित ठेकेदार कंपन्यांची मदत घेण्यात येत आहे. त्यानुसार सारस्वत बँकेच्या पाणीजोडाला मीटर बसविण्यात आले आहे. जलवाहिन्या टाकण्याचे काम झाले की, लगेचच व्यावसायिक नळजोडांना मीटर बसविण्याचे काम हाती घेण्यात येणार आहे, अशी माहिती कुलकर्णी यांनी दिली. समान पाणीपुरवठा योजनेंतर्गत जलवाहिन्या टाकण्यासाठी लोकप्रतिनिधींकडून रस्ता खोदाईला विलंब होत असला, तरी या खोदाई करण्यात येणार आहे. नगर रस्ता, विमाननगर परिसरात खोदाईची कामे हाती घेण्यात येणार आहेत. योजनेच्या कामाचे कार्यादेश देऊन आठ महिने उलटले तरी कामास सुरुवात न झाल्याने आश्चर्य व्यक्त होत आहे. ठेकेदार कंपन्यांकडून सर्वेक्षण सुरू असल्याचा दावा पालिका प्रशासन करत असले, तरी हे काम सुरू न करण्यास आतल्या गोटातील हालचाली कारणीभूत असल्याची चर्चाही होती.

स्मार्ट सिटी कंपनीने औंध-बाणेर-बालेवाडी परिसरात पाणी आणि ड्रेनेज लाइन बदलण्याची कामे हाती घेतली आहेत. नव्या जलवाहिनी समान पाणीपुरवठा योजनेंर्तगत टाकण्यात येत आहेत. त्यामुळे या परिसरात मीटर बसविण्याच्या कामास पुढील काळात वेग येईल, असे चित्र आहे. प्रशासनाकडून सुरुवातीला व्यावसायिक नळजोडांना मीटर बसविण्यात येणार आहेत. त्यानंतर घरगुती (सोसायट्यांना) मीटर बसविण्यास सुरुवात होणारआहे.