हास्याचे डबल डोस देण्यासाठी महाराष्ट्राचे मनमुरादपणे मनोरंजन करणारा कॉमेडी शो ‘महाराष्ट्राची हास्य जत्रा-पर्व २’ ७ जानेवारीपासून प्रेक्षकांच्या भेटीस आला आहे. नवीन वर्षात हास्याच्या जत्रेने धमाकेदार एण्ट्री करत प्रेक्षकांना कॉमेडीची डबल ट्रिट देण्यासाठी हा कार्यक्रम चार दिवसांचा केला आहे. तसेच या कार्यक्रमाचे दोन फॉरमॅट आणि अभिनेते-दिग्दर्शक महेश कोठारे जजच्या भूमिकेत…या दोन्ही गोष्टी म्हणजे ‘फूल ऑन एंटरटेनमेंट’.

‘महाराष्ट्राची हास्य जत्रा- पर्व २’ या कार्यक्रमाच्या पहिल्या आठवड्यातील सुपर-डुपर स्किट्सने महाराष्ट्राला पोट धरुन हसवल्यानंतर हा कार्यक्रम दुस-या आठवड्यात ‘सेलिब्रेशन’ या थीममधून प्रेक्षकांना पुन्हा एकदा हसवायला सज्ज होणार आहे.

येत्या सोमवार आणि मंगळवारी ‘महाराष्ट्राची हास्य जत्रा- कॉमेडीचे जहागिरदार’ या फॉरमॅटमध्ये समीर चौघुले, विशाखा सुभेदार, प्रसाद खांडेकर, पॅडी कांबळे, अरुण कदम, अंशुमन विचारे आणि त्यांच्या सोबतीला ८ नवीन कॉमेडीयन्स ‘सेलिब्रेशन’ या थीमवर आधारित अफलातून स्किट सादर करणार आहेत. मग ते सेलिब्रेशन लग्नाच्या वाढदिवसाचेही असू शकते आणि ऑफिसमधील शेवटचा दिवस असल्याने बॉसला दिलेली सेंड ऑफ पार्टीपण असू शकते. सेलिब्रेशनचा आनंद कॉमेडीमुळे कसा द्विगुणीत होतं याचे उत्तम उदाहरण पाहण्यासाठी आणि जज महेश कोठारेंची सेलिब्रेशन स्किटला मिळणारी रिऍक्शन पाहण्यासाठी बघा ‘महाराष्ट्राची हास्य जत्रा- पर्व २’ सोनी मराठीवर.

यंदाच्या मोस्ट अवेटेड लकी चित्रपटाचे पहिले गाणे ‘कोपचा’ नुकतेच रिलीज झाले आहे. ह्या गाण्याव्दारे लकीच्या निर्मात्यांनी 1983मध्ये झळकलेल्या जीतेंद्र-श्रीदेवी स्टारर ‘हिम्मतवाला’ सिनेमाला ट्रिब्यूट दिले आहे. अमितराजने संगीत दिलेल्या ह्या गाण्याला डिस्को किंग बप्पी लाहिरी आणि पॉप क्वीन वैशाली सामंतने गायले आहे. तर अभय महाजन आणि दिप्ती सतीवर हे गाणे चित्रीत झाले आहे.आपल्या 45 वर्षांच्या चित्रपट कारकिर्दीत सुप्रसिध्द संगीतकार आणि गायक बप्पी लाहिरींनी गायलेले हे पहिले मराठी गाणे आहे.

ह्या गाण्याविषयी चित्रपटाचे निर्माते सुरज सिंग म्हणतात, “ माझी पिढी ऐंशीच्या दशकातल्या चित्रपटांवर वाढलीय. आमच्या पिढीचा बप्पीदांच्या गाण्याशी खास ऋणानुबंध आहेच. पण त्यासोबतच जीतेंद्रसरांसाठी माझ्या मनात एक खास जागा आहे. आणि म्हणूनच जीतूसर आणि त्यांच्या गोल्डन एराला समर्पित करणारे कोपचा गाणे आम्ही घेऊन आलो आहोत. मला पूर्ण विश्वास आहे, हे गाणे रसिकांच्या ओठांवर पटकन रूळेल.”

गाण्याविषयी बप्पी लाहिरी म्हणाले, “सत्तरच्या दशकाच्या सुरूवातीला मी हिंदी सिनेसृष्टीत पाऊल ठेवलं असलं तरीही, मला ओळख दिली ती एका मराठी दिग्दर्शकाच्या सिनेमाने. 1975ला आलेल्या राजा ठाकुर ह्यांच्या जख्मी सिनेमामूळे माझे करीयर ख-या अर्थाने सुरू झाले. आणि मी ‘लकी’ ठरलो.  मराठीत काम करण्याची खूप इच्छा असूनही सततच्या व्यस्ततेमूळे मी काम करू शकलो नाही.  संजय जाधव ह्यांच्या लकी सिनेमामूळे मी मराठीत गायक म्हणून पदार्पण करतोय. “

गायिका वैशाली सामंत म्हणाली, “लहानपणी मी बप्पीदांची गाणी खूप ऐकायचे. तेव्हा कोणी मला सांगितलं असतं की, मोठी झाल्यावर एक दिवस मी त्यांच्यासोबत एक डूएट गाईन. तर कधी विश्वासच बसला नसता. हे खरंच स्वप्नवत आहे. एवढ्या मोठ्या संगीतकार-गायकासोबत गाणं गायला मिळाणं, ही माझ्यासाठी अभिमानाची गोष्ट आहे. आणि हे स्वत:ला खूप लकी समजते, की मला संजयदादाच्या सिनेमात बप्पीदांसोबत हे एक एनर्जेटिक गाणं गाता आलं. “’बी लाइव्ह प्रोडक्शन्स’ आणि ‘ड्रिंमींग ट्वेंटीफोर7’ निर्मित, संजय कुकरेजा, सुरज सिंग आणि दिपक पांडुरंग राणे ह्यांची निर्मिती असलेला, अभय महाजन आणि दिप्ती सती स्टारर,  संजय जाधव दिग्दर्शित ‘लकी’ चित्रपट 7 फेब्रुवारी 2019ला  महाराष्ट्रातल्या सर्व सिनेमागृहांमध्ये झळकणार आहे.

पुणे : खेळामुळं माणूस तंदुरुस्त राहतो. पर्यायानं देश तंदुरुस्त राहतो. परंतु, आपला देश खेळामध्ये मागे आहे. खेळात प्रगती करण्यासाठी सर्व शाळांमध्ये खेळ बंधनकारक केला पाहिजे, असे मत राज्यसभा खासदार संजय काकडे यांनी आज व्यक्त केले.

पुणे महापालिकेने आयोजित केलेल्या आंतरशालीय क्रीडा स्पर्धेचा समारोप आणि खेलो इंडिया मध्ये राष्ट्रीय व राज्यस्तरीय स्पर्धेसाठी निवड झालेल्या खेळाडूंचा सत्कार खासदार संजय काकडे यांच्या हस्ते झाला. यावेळी ते बोलत होते. श्रीमती सावित्रीबाई गणपत पवार फाउंडेशनच्या वतीने या कार्यक्रमाचे आयोजन करण्यात आले होते. या कार्यक्रमास नगरसेवक शंकर पवार, क्रीडा अधिकारी राजेंद्र ढुमने, शाळेच्या मुख्याध्यापिका गिरीजा तरवडे, शाळा सुधार समितीच्या उपाध्यक्षा विनया बहुलीकर, सामाजिक कार्यकर्ते तुकाराम पवार आदी मान्यवर उपस्थित होते.

खेळामुळे आपण मानसिकदृष्ट्याही तंदुरुस्त राहतो. खेळातूनच उद्याचे नेतृत्व घडणार असल्याने खेळाकडे लक्ष द्यायला हवे. त्यादृष्टीकोनातून नियोजन व्हायला पाहिजे. यासंदर्भात आपण महापालिकेला लवकर पत्र पाठवणार आहोत, असेही खासदार काकडे म्हणाले.