मुंबई–मुख्यमंत्री सौर कृषिपंप योजनेत मार्च २०१९ अखेरपर्यन्त ५० हजार शेतकऱ्यांना वीजजोडणी देण्याचे महावितरणचे उद्दीष्ट असून या योजनेस राज्यातील शेतकऱ्यांकडून भरघोस प्रतिसाद मिळत असून महावितरणने पोर्टल सुरु केल्यानंतर केवळ पंधरा दिवसात सौर कृषिपंपाच्या वीजजोडणीसाठी सुमारे २८ हजार शेतकऱ्यांचे अर्ज प्राप्त झाले आहेत.

शाश्‍वत जलस्त्रोत उपलब्ध असलेल्या शेतकऱ्यांना पारंपारिक वीजजोडणी मिळण्यात अडचणी आहेत. अशा शेतकऱ्यांना प्राधान्याने सौर कृषिपंप देण्यात येणार आहेत. महावितरणच्या पोर्टलवरून अर्ज केलेल्या २६ हजार शेतकऱ्यांपैकी २ हजार शेतकऱ्यांच्या शेतजमिनीचा सर्व्हे करण्यात आलेला असून २ हजार २९३ शेतकऱ्यांचे अर्ज मंजूर करण्यात आलेले आहेत. याशिवाय अर्ज भरतांना काही त्रुटी असलेल्या ४१९ अर्ज सध्या नामंजूर करण्यात आले असून या शेतकऱ्यांनी अर्जातील माहिती दुरूस्त करून आपले अर्ज पुन्हा महावितरणच्या पोर्टलवरून भरावेत.

योजनेच्या प्रभावी अंमलबजावणीसाठी महावितरणने या योजनेच्या संदर्भात शेतकऱ्यांकडून वारंवार विचारण्यात येणारे प्रश्न व त्यांची उत्तरे असलेली मार्गदर्शन पुस्तिका व व्हॉट्स ॲप अशा माध्यमांचा वापर करण्यात येत असून क्षेत्रीयस्तरावरील सर्व कर्मचारी व अभियंते सोशल माध्यमांद्वारे शेतकऱ्यांसोबत संवाद साधत असल्यामुळे शेतकऱ्यांकडून या योजनेला चांगला प्रतिसाद मिळत आहे.

शेतकऱ्यांना कृषिपंपाकरिता वीजजोडणी घेण्यासाठी महावितरणच्या वेबसाईटवर स्वतंत्र पोर्टल उपलब्ध करून देण्यात आले असून त्याचा लाभ घेत दि. २ फेब्रुवारी २०१९ पर्यन्त राज्यातील सुमारे २८ हजार शेतकऱ्यांनी सौर कृषिपंपासाठी अर्ज केले आहेत. विशेषत: मराठवाड्यातील शेतकऱ्यांकडून या योजनेला मोठा प्रतिसाद मिळत असून मागील पंधरा दिवसात १६ हजार ९६० शेतकऱ्यांनी आपले अर्ज या पोर्टलवरून भरले आहेत. तरी या योजनेचा लाभ जास्तीत जास्त शेतकऱ्यांनी घ्यावा, असे आवाहन महावितरणने केले आहे.

पुणे,  दिनांक 5 : मतदारांचे पत्ता बदल तसेच नवीन मतदारांची नोंदणी याबाबत नागरिकांना मार्गदर्शन करुन एकही मतदार  मतदानापासून वंचित राहणार नाही याची दक्षता घ्यावी, अशा सूचना विभागीय आयुक्त डॉ.दिपक म्हैसेकर यांनी दिल्या.

            जुन्या जिल्हा परिषदेच्या इमारतीमध्ये असलेल्या हडपसर व पर्वती विधानसभा मतदारसंघाच्या कार्यालयास आज विभागीय आयुक्तांनी भेट देवून लोकसभा निवडणूक 2019 च्या मतदार यादीबाबत आढावा घेवून सूचना केल्या.

            मतदार यादीमध्ये नाव समाविष्ट करण्यासाठी असलेल्या फॉर्म नं.6 बाबत मतदारांना योग्य रितीने मार्गदर्शन करावे. मतदारांचा पत्ता बदलला असल्यास त्याबाबत त्याची नोंद घेण्याबरोबरच एकही मतदार मतदानापासून वंचित राहणार नाही याची योग्य ती काळजी घ्यावी, अशा सूचना यावेळी विभागीय आयुक्तांनी केल्या.

            उपजिल्हाधिकारी भारत वाघमारे, तहसिलदार कल्पना ढवळे, नायब तहसिलदार रोहिणी घाडगे, प्रशांत कसबे बैठकीस उपस्थित होते. यावेळी डॉ. म्हैसेकर यांनी नागरिकांशी संवाद साधून मतदार यादी बाबत त्यांना मार्गदर्शन केले.

मुंबई- अभिनेते रमेश भाटकर यांचे मुंबईत निधन झाले. एलिझाबेथ हॉस्पिटल(नेपेन्सी रोड) मुंबई येथे अखेरचा श्वास घेतला. कर्करोगानं आजारी असल्यानं त्यांच्यावर एलिझाबेथ रुग्णालयात उपचार सुरू होते. उपचारादरम्यान त्यांचं निधन झालं आहे. ते 70 वर्षांचे होते. ‘कमांडर’ आणि ‘हॅलो इन्स्पेक्टर’ या गाजलेल्या टीव्ही मालिकांमध्ये झळकलेले प्रसिद्ध अभिनेते रमेश भाटकर  गायक-संगीतकार वासूदेव भाटकर यांच्या घरी 3 ऑगस्ट 1949 मध्ये रमेश भाटकर यांचा जन्म झाला होता. 1977 मध्ये त्यांनी मराठी सिनेसृष्टीत पदार्पण केले. तीस वर्षांहून अधिक काळ ते अभिनय क्षेत्रात कार्यरत होते. वयाची 69 वर्षे पूर्ण केल्यानंतरही त्यांचा कामाचा उत्साह पूर्वीसारखाच कायम  असायचा. वयाची पासष्टी ओलांडल्यानंतरही त्यांच्या चेह-यावर म्हातारपणाच्या म्हणाव्या तितक्या खुणा दिसत नव्हत्या. काही दिवसांपूर्वीच ते ‘तू तिथे मी’ आणि ‘माझे पती सौभाग्यवती’ या मालिकेत दिसले होते.

रमेश भाटकर यांनी अनेक चित्रपट, मालिकांमध्ये काम केले असले तरी रंगभूमी हे त्यांचे पहिले प्रेम होते. त्यांनी रंगभूमीवरूनच त्यांच्या कारकिर्दीला सुरुवात केली. ‘अश्रूंची झाली फूले’ हे त्यांचे नाटक तर चांगलेच गाजले होते. तसेच त्यांची केव्हा तरी पहाटे, अखेर तू येशीलच, राहू केतू, मुक्ता यांसारखी अनेक नाटकं गाजली आहेत. १९७७ ला चांदोबा चांदोबा भागलास का या चित्रपटाद्वारे त्यांनी त्यांच्या मराठी चित्रपटसृष्टीतील कारकिर्दीला सुरुवात केली. त्यानंतर त्यांनी अष्टविनायक, दुनिया करी सलाम, आपली माणसं यांसारख्या अनेक चित्रपटांमध्ये काम केले. त्यांनी ९० हून अधिक मराठी चित्रपटांमध्ये काम केले असून अनेक हिंदी चित्रपटांमध्ये देखील ते महत्त्वाच्या भूमिकेत दिसले आहेत. रमेश भाटकर यांच्या पत्नी मृदूला भाटकर या हायकोर्टाच्या न्यायाधीश असून त्यांना एक मुलगा आहे.

मुंबई-येणारी निवडणूक मोदींसाठी नव्हे तर देशाच्या भवितव्यासाठी अत्यंत महत्वाची असून देशाच्या विकासाचा वेग पुढील दहा वर्षे कायम ठेवायचा असेल तर मोदींना पुन्हा पंतप्रधानपदी निवडून दिले पाहिजे असे आवाहन मुख्यमंत्री फडणवीस यांनी केला. मुख्यममत्री सांगीतले की, जंगलातली कितीही जनावरे एकत्र आली तरी ती सिंहाला हरवू शकत नाहीत. नरेंद्र मोदी वाघ आहे, आणि वाघाला कोणीही हरवू शकत नाही. असे सांगून ते म्हणाले की मोदी हे आज देशाचे वाघ आहेत. राज्यस्तरीय सीएम चषक स्पेर्धेचे समापन सोहळ्यावर मुंबईतील सोमैय्या मैदानात रविवारी सांयंकाळी पार पडलेल्या भारतीय जनता युवा मोर्चाचे युवा महासंगम मध्ये पारितोषिक वितरण करताना मुख्यमंत्री बोलत होते.

युवा महासंगमच्या मंचावर यावेळी मुख्यमंत्री फडणवीस सोबत मंचावर शिक्षण मंत्री विनोद तावडे, खासदार पूनम महाजन, ज्येष्ठ आमदार मंगलप्रभात लोढा, मुंबई भाजप अध्यक्ष आशिष शेलार, आमदार योगेश टिळेकर देखील उपस्थित होते. मुंबई भाजपा युवा मोर्चाचे अध्य़क्ष मोहित भारतीय यांच्याकडून सर्व मान्यवरांचे स्वागत करण्यात आले आणि मान्यवरांना तलवार भेट करण्यात आली. आपल्या स्वागत भषणात भारतीय म्हणाले की मुख्यमंत्री फडणवीस म्हणजे युवाशक्तीचे प्रतीक आहेत. सीएम चषक स्पर्धेसाठी आणि युवमहासंगमसाठी भाजपचे प्रदेश उपाध्यक्ष आणि ज्येष्ठ आमदार मंगलप्रभात लोढा यांनी विशेष मेहनत घेतली.

मुख्यमंत्री फडणवीस युवा महासंगममध्ये आलेल्या जवळपास 50 हजार युवकांचे स्वागत केले आणि सांगीतले की, नरेंद्र मोदी हे भाजपचे पंतप्रधानपदाचे उमेदवार आहेत,  पण विरोधकांकडे पंतप्रधानपदाचा उमेदवार नाही. बाकी सर्व नेते केवळ आपापल्या भागाचे नेते आहेत, पण मोदी देशात कुठेही गेले तरी लाखभर लोक सहज त्यांना ऐकण्यासाठी जमतात. आजवर अनेकदा देशात गरिबी हटाव ची घोषणा झाली पण गरिबी कधी हटली नाही असे सांगून मुख्यमंत्री म्हणाले की फक्त कांग्रेसी नेत्यांचे शिष्यांचीच गरिबी हटली. परंतु आज मोदींच्या प्रत्येक योजनेमुळे खरी गरिबी हटविण्याची सुरुवात झाली आहे. देशाच्या सुरक्षेसाठी, विकासासाठी मोदींना पुन्हा पंतप्रधान करणे अवश्यक आहे त्यासाठी सर्व भाजयुमो कार्यकर्त्यांनी कसून काम करावे असे आवाहनही त्यांनी केले. भाजयुमोचे प्रदेश अध्यक्ष योगेश टिळेकर यांना उद्देशून मुख्यमंत्री म्हणाले की बाज की उडान अभी बाकी है. रणांगणात गेल्यावर मोगलांचा खातमा करणारे मावळे मला समोर दिसत आहेत.

पुणे-लोकपालच्या आंदोलनामुळेच मोदी सरकार सत्तेवर आलं. मात्र सत्तेवर येताच त्यांना लोकपालचा विसर पडला. त्यांनी देशाशी गद्दारी केली, अशा शब्दांमध्ये ज्येष्ठ समाजसेवक अण्णा हजारेंनी मोदी सरकावर थेट तोफ डागली आहे. पाच वर्षांपूर्वी अरुण जेटली, सुषमा स्वराज लोकपालवर भरभरुन बोलत होते. मात्र आता ही सर्व मंडळी मूग गिळून गप्प आहेत, असे असं अण्णा हजारे म्हणाले. लोकपाल नियुक्तीच्या मागणीसाठी अण्णा हजारेंचं राळेगणसिद्धीत उपोषण सुरू आहे. या उपोषणाचा आज सहावा दिवस आहे.

गेल्या लोकसभा निवडणुकीपूर्वी लोकपाल आंदोलनामुळे देश ढवळून निघाला. त्यामुळेच केंद्रात भाजपाची सत्ता आली. मात्र आज पाच वर्ष होऊनही त्यांना अद्याप लोकपाल नेमता आलेला नाही. ही देशाशी गद्दारी आहे, अशा तिखट शब्दांमध्ये अण्णा मोदी सरकारवर बरसले. दिलेला शब्द न पाळण्यात काँग्रेसची डॉक्टरेट, तर भाजपा ग्रॅज्युएट असल्याचंही त्यांनी म्हटलं. गेल्या पाच वर्षांपासून सरकारकडून जनतेची दिशाभूल सुरू असल्याचा आरोपही त्यांनी केला. 

राज्य सरकार साफ खोटं बोलत आहे, माझ्या नव्वद टक्के मागण्या मान्य झाल्या असत्या तर मी कशाला उपोषणाला बसलो असतो? असा प्रश्न ज्येष्ठ समाजसेवक अण्णा हजारे यांनी उपस्थित केला आहे. कोणत्याही मागण्या मान्य झालेल्या नाहीत. या सरकारवर माझा विश्वास राहिलेला नाही. केंद्रातले मंत्री आणि मुख्यमंत्री मला भेटायला येणार असं मला कळवण्यात आलं. मी त्यांना कळवलं की तुम्ही येऊ नका कारण तुम्ही आलात की लोकांमध्ये संभ्रम निर्माण होतो. तुम्ही ठोस निर्णय घ्या, मागण्या किती मान्य केल्या ते लेखी द्या त्यानंतर आम्ही विचार करू तुमच्यावर आता आमचा विश्वास नाही असंही अण्णांनी म्हटलं आहे.

उपोषण करू नका असं राज ठाकरेंनी सांगितलेली गोष्ट ऐकणार का? त्यावर अण्णा यांनी नाही म्हटलं आहे. परमेश्वर माझ्या पाठिशी आहे. मी आणखी पाच दिवस तरी उपोषण करू शकतो आणि मागण्या मान्य होत नाहीत तोपर्यंत मी उपोषण करणारच असंही अण्णा हजारेंनी म्हटलं आहे. राज ठाकरेंनी भेट घेतली, माझ्या प्रकृतीची चिंता व्यक्त केली त्याचं बरं वाटलं मात्र मी माझं उपोषण मागण्या मान्य होईपर्यंत मागे घेणार नाही. लोकपाल, लोकायुक्तांच्या मागणीमुळे जे आंदोलन उभं राहिलं होतं त्यामुळे मोदी सरकार सत्तेत आलं. सत्तेत आल्यावर आता मात्र लोकपाल आणि लोकायुक्त यांचा सोयीस्कर विसर मोदी सरकारला पडला. मोदी देश हुकूमशाहीकडे घेऊन जात आहेत असाही आरोप अण्णा हजारेंनी केला. मोदी सरकार आणि फडणवीस सरकार जनतेची दिशाभूल करत आहेत असाही आरोप पत्रकारांशी बोलताना केला.

2013 मध्ये भाजपाने तुमचा वापर केला असं राज ठाकरे म्हटले, त्याबद्दल काय सांगाल? असं विचारताच अण्णा म्हटले की राज ठाकरे म्हटले ते सत्य आहे सगळ्या देशालाच हे माहित आहे. त्यावेळी लोकपालच्या आंदोलनामुळे भाजपाची सत्ता आली मात्र आत्ता त्यांना माझा आणि आंदोलनाचा विसर पडला. भाजपा असो आप असो कोणीही लोकपाल, लोकायुक्त यांच्यावर शब्दही काढत नाहीत हे दुर्दैवी आहे असंही अण्णा हजारे म्हटले आहे. तसंच सत्ता बदलून परिवर्तन होणार नाही व्यवस्था बदलली पाहिजे असंही मत यावेळी अण्णा हजारेंनी व्यक्त केलं. मुख्यमंत्री देवेंद्र फडणवीस हे चांगलं काम करणारे मुख्यमंत्री आहेत असं वाटलं होतं मात्र त्यांनी वारंवार शब्द देऊनही तो पाळला नाही त्यामुळे आता त्यांच्यावर माझा विश्वास राहिला नाही असंही अण्णा म्हटले आहेत.

मुंबई. ( विशेष प्रतिनिधी ) – महाराष्ट्र राज्य कंत्राटी कर्मचारी महासंघाच्या शिष्टमंडळाने जीएसटी आयुक्त, जीएसटी विशेष आयुक्त तथा वित्त मंत्री सुधीर मुनगंटीवार यांची भेट घेतली असता जीएसटी भवन मधील कंत्राटी कर्मचारी यांना मागील 3 महिन्याचा पगार नुकताच देण्यात आला आहे.

महासंघाचे मंत्रालयीन सचिव शाहरुख मुलाणी यांच्या नेतृत्वाखाली करिश्मा श्रीधनकार, प्रिती चव्हाण, प्रशांत झावरे, सुकन्या कीर या शिष्टमंडळाने भेट घेतली होती. दरम्यान वित्त मंत्री सुधीर मुनगंटीवार यांनी सदर प्रकरणाची गंभीर दाखल घेत जीएसटी आयुक्त यांना कंत्राटी कर्मचारी यांचे पगार तात्काळ देण्याचे सूचना दिल्या होत्या. जीएसटी आयुक्त यांनी ठेकेदाराला कर्मचाऱ्यांचे पगार तात्काळ देण्याचे लेखी आदेश दिले. परंतू, ठेकेदाराने 80 % पगार देण्याचे आश्वासहीत केला असता कर्मचारी यांनी दि. 29 जानेवारी रोजी काम बंद आंदोलन केला असता. नुकताच 100 % पगार देण्यात आला आहे. यावेळी जीएसटी भवन मधील कर्मचारी यांनी महाराष्ट्र राज्य कंत्राटी कर्मचारी महासंघाचे मंत्रालयीन सचिव शाहरुख मुलाणी यांचे विशेष आभार व्यक्त केले आहे.