व्यक्तीमत्त्वाची चिरंतन छाप उमटवण्यासाठी सौंदर्यवर्धन करणे हा एखाद्याच्या दैनंदिन कार्यक्रमातील अविभाज्य भाग असतो आणि ते काम ‘ट्रुफिट अँड हिल’ (टी अँड एच) या लक्झुरियस बार्बरशॉप ब्रँडइतके उत्कृष्ट कुणीच करत नाही. ब्रिटनमधील महान राजांची सेवा केल्यानंतर ‘टी अँड एच’ तीच अजोड सेवा आणि आतिथ्य भारतभर व जगभर पुरवत आहे. भारतात हा ब्रँड ‘लॉइड्स लक्झरीज प्रायव्हेट लिमिटेड’चे कृष्णा गुप्ता व इस्तयाक अन्सारी यांनी सन २०१३ मध्ये भारत, नेपाळ, म्यानमार, भूतान, श्रीलंका, बांगलादेश व व्हिएतनाम या देशांसाठीची मास्टर फ्रँचायसी लायसन्सेस प्राप्त करुन आणला. त्यानंतर प्रथमच ‘ट्रुफिट अँड हिल’ ग्लोबलच्या कार्यकारी संचालक जोआना ब्राऊटिन या केटी व ॲलिस ब्राऊटिन यांच्या समवेत भारताच्या दौऱ्यावर आल्या असून ‘टी अँड एच’ ब्रँडचा भारतात व जगात विस्तार करण्याची योजना त्यांनी आखली आहे.

यानिमित्त बोलताना इस्तयाक अन्सारी म्हणाले, भारतातील सौंदर्यवर्धन बाजारपेठेने पुरूषांच्या गरजांकडे बराच काळ दुर्लक्ष केल्याने ती मोठ्या संधींपासून दूर राहिली आहे. सुंदर दिसणे हे केवळ स्त्रियांचेच अधिकारक्षेत्र राहिले नसून आता पुरूष व महिला दोघेही आरशापुढे उभे राहून सौंदर्यवर्धन करतात. शहरी मध्यमवर्गीय लोकसंख्येतील वाढ आणि लहान शहरांमधील सुधारित वितरण चॅनल्स हेसुद्धा सन २०२० पर्यंत या क्षेत्राच्या प्रगतीला मोठी चालना देण्याची अपेक्षा आहे. यातून ‘टी अँड एच’ ब्रँडला आपली सर्वोत्तम सौंदर्य निगा उत्पादने व सेवा भारतातील विविध शहरांत वाढवण्याच्या भरपूर संधी आहेत. जोआना ब्राऊटिन यांचे भारतात स्वागत करताना आम्हाला आनंद होत आहे. त्या आता ‘टी अँड एच’साठी प्रगतीच्या संधी शोधणार असून पुरूषांच्या सौंदर्यवर्धन बाजारपेठेत विस्ताराची व्यूहरचना आखत आहेत.

जोआना ब्राऊटिन यांनी ‘ट्रुफिट अँड हिल’मध्ये कॉर्पोरेट रि-पोझिशनिंग प्रक्रिया सुरू करण्यात महत्त्वाची भूमिका बजावली आहे. या प्रक्रियेअंतर्गत त्यांनी या ब्रँडच्या विपणन व्यूहरचनेत क्रांतिकारी बदल घडवले, कंपनीची प्रतिमा व ब्रँडच्या स्थितीकडे लक्ष पुरवले, तसेच उत्पादन संच आणि उत्पादनाचे पॅकेजिंग व सादरीकरण करण्याच्या शैलीचीही मोठ्या प्रमाणात फेररचना केली. या प्रक्रियेच्या यशातून ब्रँडची प्रचंड विश्वसनीयता निर्माण झाली, ज्याची लाभदायक फळे आजही ‘ट्रुफिट अँड हिल’ला मिळत आहेत. ‘ट्रुफिट अँड हिल’ ही जगातील पुरूष सौंदर्यवर्धन क्षेत्रातील आघाडीच्या कंपन्यांपैकी एक बनली असून त्यातूनच तिचा युनायटेड किंग्डम (युके) व आंतरराष्ट्रीय बाजारपेठा दोन्हींत झपाट्याने विस्तार झाला आहे. आजघडीला ‘टी अँड एच’ची उत्पादने जगभर विकली जातात आणि ‘टी अँड एच’च्या बार्बरशॉप्सची संख्याही सातत्याने वाढत चालली आहे. ही आऊटलेट्स लंडन, कॅनडा, अमेरिका, मलेशिया, थायलंड, सिंगापूर, भारत, ऑस्ट्रेलिया, रशिया, अझरबैजान, तसेच पश्चिम आशिया व दक्षिण कोरियामध्ये आहेत आणि लवकरच युरोपमध्येही आणखी स्टोअर्स उघडली जाणार आहेत.

‘ट्रुफिट अँड हिल’विषयी

‘ट्रुफिट अँड हिल’च्या गौरवशाली इतिहासाला वर्ष १८०५ मध्ये म्हणजे हिज मॅजेस्टी किंग जॉर्ज तृतिय यांच्या राजवटीत प्रारंभ झाला. तेव्हापासून त्यांच्या ग्राहकवर्गात राजघराण्यातील पुरुषांचा आणि शाही पाहुण्यांचा समावेश झाला. ‘ट्रुफिट अँड हिल’चे केशकर्तनकार हिज रॉयल हायनेस, ड्यूक ऑफ एडिंबर्गचे राजपरवानापत्र बाळगतात. ‘ट्रुफिट अँड हिल’ने आपल्या ग्राहकांना सर्वोत्तम सौंदर्यवर्धन उत्पादने व सेवा पुरवल्या आहेत. त्यांच्या उच्चभ्रू ग्राहकवर्गात उद्योजक, संसद सदस्य, राजदूत व मुत्सद्दी व आमंत्रित नामवंतांचा समावेश आहे. ऑस्कर वाइल्ड, चार्ल्स डिकन्स, लॉर्ड बायरन, फ्रँक सिनात्रा, विन्स्टन चर्चिल, आल्फ्रेड हिचकॉक व लॉरेन्स ऑलिव्हिए ही या ग्राहकांतील काही प्रसिद्ध नावे होत. लंडनखेरीज ‘ट्रुफिट अँड हिल’ची लक्झुरियस बार्बरशॉप्स शिकागो, टोराँटो, बीजिंग, क्वालालुंपूर, सिंगापूर, बँकॉक, बाकू येथे आहेत, तर भारतातील ११ शहरांत १९ बार्बरशॉप्स आहेत.

‘ट्रुफिट अँड हिल’तर्फे दिल्या जाणाऱ्या उत्कृष्ट व आगळ्या सेवांमध्ये रॉयल शेव्ह अँड हेअरकट, क्लासिक शेव्ह अँड हेअरकट, अन्य हेअर ट्रिटमेंट्स, रॉयल मॅनिक्युअर अँड पेडिक्युअर, हेड मसाज, फेशियल्स आदींचा समावेश आहे, प्रत्येक भेटीत कॉम्प्लिमेंटरी वॅलेट सर्व्हिसेस, वाय-फाय, रिफ्रेशमेंट्स अशा सुविधांचा समावेश आहे. त्यांच्याकडे खास प्रसंग, व्यावसायिक बैठका अथवा निव्वळ आरामदायी अनुभूतीसाठी ‘रॉयल सूट’ नावाची खास व्हीआयपी रुमही सज्ज आहे.

ट्रुफिट अँड हिल ग्राहकांना उत्कृष्ट सौंदर्यवर्धन उत्पादने देते, ज्यात खास प्री-शेव्ह ऑइल, शेव्हिंग क्रिम, कलोन्स व आफ्टरशेव्हज्, बाथ अँड बॉडी प्रॉडक्ट्स, शॅम्पू व कंडिशनर, शेव्हिंग किट्स आदींचा समावेश आहे.

पुणे : अशोक मिंडा ग्रुप आणि ‘स्पार्क मिंडा’च्या ‘स्पार्क मिंडा फाउंडेशन’तर्फे दिव्यांग व्यक्तींसाठी १२ दिवसांच्या ‘सक्षम’ या विशेष सक्षमीकरण शिबिराचे आयोजन करण्यात आले आहे. पुणे येथे १२ स्थानिक एनजीओंच्या सहकार्याने या शिबिराचे आयोजन करण्यात आले आहे.

‘स्पार्क मिंडा’, अशोक मिंडा ग्रुप हा समाजपयोगी कार्यासाठी चांगलाच ओळखला जातो. या संस्थेतर्फे कृत्रिम अवयवरोपण शिबिराचे आयोजन, पुण्यातील येरवडा तुरुंगातील कैद्यांसाठी वायर हार्नेस बेल्टची उभारणी, तसेच मुले-महिलांसाठी शैक्षणिक सुविधा पुरविल्या जातात. या संस्थेच्या कल्याणकारी समितीतर्फे २०१४ पासून समाजविधायक काम केले जाते. गेल्या २७ जानेवारी ते ७ फेब्रुवारी २०१९ या कालावधीत पुण्यातील चिंबोळी येथे वैद्यकीय मदत आणि सक्षमीकरणासाठी कृत्रिम अवयवरोपण शिबिराचे आयोजन करण्यात आले होते.

अशोक मिंडा ग्रुपच्या ‘स्पार्क मिंडा’तर्फे दिव्यांग व्यक्तींच्या मदतीसाठी ‘सक्षम’ या समाजविधायक कार्याची सुरुवात करण्यात आली. ‘सक्षम’तर्फे या ग्रुपतर्फे गरजूंना तंत्रज्ञानाची ओळख करून देणे, नोकरीवर असताना कामाचे प्रशिक्षण देणे, कामगारांना ५ ‘एस’ची ओळख आणि जीवनोपयोगी कौशल्यांची माहिती करून देणे तसेच दिव्यांग व्यक्तींना रोजगार मिळवून देण्याची कामे केली जातात. या शिबिरामध्ये दिव्यांगांना अवयवरोपणच्या मदतीबरोबरच कॅलिपर जोडणी, वॉकर्स, कोपऱ्याचे क्रचेस, तीनचाकी तसेच इतर सुविधा अवघ्या एका दिवसामध्ये पुरविल्या जातात.

कृत्रिम अवयवरोपण कार्यक्रमावेळी ‘अशोक मिंडा’ ग्रुपचे मुख्य कार्यकारी अधिकारी श्री. अशोक मिंडा म्हणाले, “सक्षम’सारखे आयोजित करण्याची गोष्ट आमच्या संस्थेसाठी अभिमानास्पद आहे. २०१५ मध्ये या शिबिराद्वारे जगभरातील पाचशे दिव्यांगांना विविध प्रकारच्या जोडणीचा लाभ घेता आला होता. मात्र अवघ्या तीन वर्षांमध्ये हा आकडा पाच हजारांपर्यंत वाढविण्यात आम्ही यशस्वी ठरलो आहोत. या शिबिराच्या आयोजनासाठी आमच्यावर टाकलेला विश्वास आणि मदतीसाठी आम्ही भगवान महावीर विकलांग सहाय्यता समितीचे (जयपूर फूट) आभारी आहोत.  या शिबिरामध्ये सहभागी होऊन समाजाच्या पुनरुथ्थानाला चालना दिल्याबद्दल आम्ही अनेक दिव्यांग व्यक्तींचेही आभारी आहोत. आम्हाला विश्वास आहे की अशाप्रकारच्या मदतीमुळे समाजपयोगी कार्याला भविष्यात आणखी बळकटी मिळेल.”

श्री. अशोक मिंडा यांच्या या भूमिकेला पाठिंबा देत ‘स्पार्क मिंडा फाउंडेशन’च्या श्रीमती सारिका मिंडा म्हणाल्या, “आमचे पुण्याशी जोडलेले नाते हे खूप जुने असून ते सर्वज्ञातही आहे. येरवडामध्ये प्रॉडक्शन युनिटची स्थापना करून चिंबोळी येथे ‘सक्षम-दिव्यांग सक्षमीकरण केंद्रा’ची स्थापना करून आम्ही दिव्यांगाना एक चांगले आयुष्य जगण्याची संधी उपलब्ध करून दिली आहे.

“समाजामध्ये टाकलेल्या व्यक्तींच्या आयुष्याला नवीन दिशा, अर्थ मिळवून देणे आणि त्यांना आर्थिक पाठबळ देण्यासाठी ‘स्पार्क मिंडा’तर्फे काम सुरू आहे. आम्हाला हे सांगताना आनंद होतो की, गेल्या १२ दिवसांमध्ये पुणे आणि परिसरामधील एक हजाराहून अधिक दिव्यांगांना अवयव जोडणीचा लाभ मिळवून दिला आहे. ‘जयपूर फुट’ हे आमच्या प्रत्येक शिबिराचा एक अविभाज्य भाग आहे. समाजविधायक अशाप्रकारच्या भागीदाऱ्या या आयुष्यात एकदाच होतात.”

या कार्यक्रमाचे प्रमुख पाहुणे म्हणून उपस्थित असलेले ‘बजाज ऑटो लि.’चे वरिष्ठ उपाध्यक्ष (पर्चेस विभाग) श्री. डी. व्ही. रंगनाथ म्हणाले, “दिव्यांग व्यक्तींचे आयुष्य आनंदी बनविण्यासाठी ‘अशोक मिंडा’ ग्रुपतर्फे करण्यात येणाऱ्या प्रयत्नांचे मी कौतुक करतो.”

‘स्पार्क मिंडा’, ‘अशोका मिंडा ग्रुप’ गेल्या काही दशकांपासून समाजविधायक कार्य करीत आहे. एक जबाबदार व्यक्ती, संस्था या नात्याने ही कंपनी लोक, प्लॅनेट आणि नफा या त्रिसूत्रीशी संबंधित आहे. पर्यावरणपूरकता तसेच समाजाच्या काळजीला या संस्थेत अधिक प्राधान्य आहे. विविध विकासाची उद्दिष्ट साधण्याचे लक्ष्य ठेवून २०१३ पासून कंपनी कायद्याअंतर्गत काम करणाऱ्या या संस्थेने शिक्षण, आयुष्यमान उंचावणे, आरोग्य, पर्यावरण, महिला सक्षमीकरण आदींना प्राधान्य दिले आहे. ‘सीएसआर’ प्रकल्पांच्या अंमलबजावणीसाठी या संस्थेने ‘स्पार्क मिंडा फाउंडेशन’ची स्थापना केली. ही कंपनी मिंडा कार्पोरेशन लि.ची १०० टक्के उपकंपनी आहे.

स्पार्क मिंडा, अशोक मिंडा ग्रुप :

‘स्पार्क मिंडा’ आणि ‘अशोक मिंडा’ या संस्था वाहननिर्मिती उद्योगात कार्यरत आहे. या संस्थेचे मुख्यालय नवी दिल्ली-गुरगांव येथे आहे. श्री. एस. एल. मिंदा यांनी १९५८ मध्ये या संस्थेची स्थापना केली असून त्यांचा ६० वर्षांचा वारसा पुढे घेऊन या कंपनीची सध्या वाटचाल सुरू आहे. सुरक्षा, चालकांसाठी सूचना आणि टेलिमॅटिक्स या तीन गटांमध्ये या संस्थेकडून वाहनांना लागणाऱ्या विविध पार्टसची निर्मिती करण्यात येते. या संस्थेकडून दोनचाकी, चार चाकी वाहने, ट्रॅक्टर आणि विविध वाहनांसाठी युरोप, अमेरिका, चीन आणि इतर आशियाई देशांसाठी काम केले जाते. या  संस्थेचे एकूण ३३ प्लॅंट्स आहेत.

आशिया- पॅसिफिक प्रदेशात आक्रमक विस्तार करण्याच्या जिवोदॉनच्या विकास महत्त्वाकांक्षेसाठी ६० दशलक्ष स्विस फ्रँकची गुंतवणूक

• या सुविधेद्वारे कंपनीच्या पर्यावरणसंदर्भातील कार्यवाही योजनेसाठी महत्त्वाचे योगदान

पुणे–स्वाद आणि सुगंध क्षेत्रातील जागतिक आघाडीची कंपनी जिवोदॉनने आज पुणे, भारतात नव्या फ्लेवर्स उत्पादन सुविधेचे अधिकृत उद्घाटन केल्याचे जाहीर केले. या अत्याधुनिक कारखान्यासाठी ६० दशलक्ष स्विस फ्रँकची गुंतवणूक करण्यात आली आहे आणि ते आशिया- पॅसिफिक भागातील विकास क्षमतेचा लाभ घेण्याचे निदर्शक आहे.

स्वाद आणि चवीसंदर्भात उच्च दर्जाची उत्पादने वितरित करण्याच्या हेतूने आराखडा करण्यात आलेली ही उत्पादन सुविधा ४० हजार चौरस फुटांच्या प्रशस्त जागेत वसलेली असून त्यामुळे जिवोदॉनला खाद्यपदार्थ, पेय आणि आरोग्यसेवा क्षेत्रातील ग्राहकांच्या वाढत्या मागण्या पूर्ण करणे शक्य होईल. नवी सुविधा कंपनीच्या सध्या दमण येथे कार्यरत असलेल्या कारखान्यासाठी पूरक असून आता द्रव मिश्रण, पावडर मिश्रण, इमल्शन्स, प्रोसेस फ्लेवर्स, स्प्रे ड्राइंगची कंपनीची क्षमता भारत, नेपाळ व बांग्लादेशातील बाजारपेठांसाठी आणखी मजबूती आणणार आहे. जिवोदॉनया च्या नव्या सुविधेच्या ठिकाणी सुमारे २०० लोकांना रोजगार उपलब्ध होणार आहे.

जिवोदॉनचे मुख्य कार्यकारी अधिकारी जिलस अँड्रीयर म्हणाले, ‘पुण्यात जागतिक दर्जाची स्वाद उत्पादन सुविधा सुरू करताना आम्हाला आनंद होत आहे व ही सुविधा जिवोदॉनच्या भारताशी असलेल्या दीघकालीन बांधिलकी आणि वारशाचे तसेच आशिया- पॅसिफिकसारख्या उच्च विकास क्षमता असलेल्या बाजारपेठेवर धोरणात्मकपणे लक्ष केंद्रित करण्याचे ताजे उदाहरण आहे. आमचा नवा कारखाना जिवोदॉनला आपल्या ग्राहकांबरोबर आणखी जवळून काम करत विविध प्रकारची उत्पादने आणि वैविध्यपूर्ण भारतीय बाजारपेठेसाठी चवीचे असामान्य अनुभव देणे शक्य करेल.’

नवी उत्पादन सुविधा कंपनीची पहिली शून्य द्रवकचरा तयार करणारी सुविधा असून येथे सर्व सांडपाणी त्यावरील प्रक्रियेनंतर शुद्ध करून त्याचा फेरवापर केला जाईल. यामुळे पर्यायाने जिवोदॉनच्या पर्यावरणविषयक कार्यवाही योजनेसाठी महत्त्वाचे योगदान दिले जाणार आहे. कार्बन उत्सर्जन कमी करण्यासाठी संपूर्ण सुविधेमध्ये प्रभावी एलईडी लायटिंग तंत्रज्ञान वापरण्यात आले आहे तसेच सौर पॅनेल्सचा समावेश करण्याचे काम सुरू असून त्यामुळे जिवोदॉनचे १०० टक्के अक्षय उर्जा वापरण्याचे उद्दिष्ट पूर्ण करण्यासाठी महत्त्वाचे योगदान मिळेल. स्थानिक पर्यावरणाचे जतन करण्यासाठी ११०० झाडेही लावण्यात आली आहेत.

जिवोदॉनच्या फ्लेवर्स विभागाच्या आशिया- पॅसिफिक क्षेत्राच्या व्यावसायिक प्रमुख मोनिला कोठारी यांनी भारतीय बाजारपेठेचे वाढते महत्त्व अधोरेखित केले. त्या म्हणाल्या, ‘गेल्या काही वर्षांत भारतातील खाद्यपदार्थ आणि पेय उद्योगक्षेत्रात प्रचंड मोठी वाढ झाली आहे आणि या बाजारपेठेत आम्ही सातत्यपूर्ण विकास पाहिला आहे. हे वेगवान रुपांतरण लक्षात घेता, आम्हाला या बाजारपेठांच्या गरजा पुरवण्यासाठी चपळ असणे आवश्यक असून भारतातील नवी उत्पादन सुविधा त्या हेतूने आरेखित करण्यात आली आहे.’

रांजणगाव, पुणे, महाराष्ट्र येथे झालेल्या उद्घाटनपर समारंभासाठी जिवोदॉनचे उच्च व्यवस्थापन अधिकारी उपस्थित होते व त्यात मुख्य कार्यकारी अधिकारी जिलस अँड्रीयर आणि अध्यक्ष, फ्लेवर्स विभाग, लुई डीअमिको तसेच इतर मान्यवर आणि प्रादेशिक व्यवस्थापन सदस्यांचा समावेश होता.

जिवोदॉनबद्दल

जिवोदॉनही स्वाद आणि सुगंध क्षेत्रातील जागतिक आघाडीची कंपनी आहे. खाद्यपदार्थ, पेय, ग्राहक उत्पादने आणि सुगंध भागिदारांच्या मदतीने जिवोदॉनजगभरातील ग्राहकांना आनंदित करणाऱ्या चवी आणि सुगंध तयार करते. ग्राहकाची पसंत जाणून घेण्याची तळमळ आणि सातत्याने नाविन्यनिर्मितीचा ध्यास यांमुळे जिवोदॉनअसामान्य स्वाद आणि सुगंध तयार करते, जे ग्राहकांना मोहित करते. कंपनीने २०१८ मध्ये ५.५ अब्ज स्विस फ्रँकची विक्री पूर्ण केली आहे. स्वित्झर्लंडमध्ये मुख्यालय असलेल्या या कंपनीचे १४५ ठिकाणी स्थानिक अस्तित्व असून जगभरात सुमारे १३,६०० कर्मचारी आहेत.

 जिवोदॉन फ्लेवर्सबद्दल

स्थानिक चवींबद्दलचे जिवोदॉनचे सर्वसमावेशक ज्ञान, विस्तृत जागतिक नेटवर्क आणि धोरणात्मक अंतर्गत माहिती यामुळे ग्राहक कुठेही असले, तरी त्यांच्याबरोबर जास्त जवळून काम करता येते. उत्पादन निर्मितीबाबत गरजेनुसार उत्पादन तयार करण्याचा दृष्टीकोन ठेवल्यामुळे फ्लेवर्स विभाग हे ज्ञान, नाविन्य, सर्जनशीलता यांच्यासह ग्राहकांना ताज्या, अभिनव संकल्पना व उत्पादने पुरवते. जिवोदॉनदीर्घकाळ टिकणारे स्वाद आणि चवीचे अनुभव तयार करते, जे पेय, गोड आणि नमकीन पदार्थ व नाश्ता अशा विविध क्षेत्रांत ग्राहकांच्या भावनांना स्पर्श करते.