पुणे: ‘रक्तदान करा आणि पुलवामा येथील हुतात्म्यांना अभिवादन करा’, या घोष वाक्यानुसार एमआयटी एनसीसी ट्रुपतर्फे आयोजित केलेल्या ‘सहारा ब्लड डोनेशन ड्राइव्ह’ या रक्तदान शिबिरात ३१२ रक्तदात्यांनी रक्तदान करून हुतात्म्यांना अभिवादन केले.
कोथरूड येथील एमआयटी वर्ल्ड पीस युनिव्हर्सिटीच्या संत ज्ञानेश्‍वर सभागृहात आयोजित केेलेल्या या शिबिराचे उद्घाटन एमआयटी वर्ल्ड पीस युनिव्हर्सिटीचे संस्थापक अध्यक्ष प्रा.डॉ.विश्‍वनाथ दा. कराड यांनी केले. यावेळी एमआयटी वर्ल्ड पीस युनिव्हर्सिटीचे कार्याध्यक्ष प्रा. राहुल विश्‍वनाथ कराड व माईर्स एमआयटीचे कुलसचिव श्री. सु.वा.उर्फ नाना कुलकर्णी हे उपस्थित होते.
या शिबिरात दीनानाथ मंगेशकर, आचार्य अनंत ऋषी व सह्याद्री ब्लड बँकचे डॉक्टर्स व कर्मचार्‍यांनी विशेष मदत करून ३१२ युनिट ब्लड जमा केले. या रक्तदान शिबिरात विद्यार्थी, विद्यार्थींनी, शिक्षक आणि शिक्षकोत्तर कर्मचारी यांनी रक्तदान केले.
यावेळी शिबिराचे आयोजन करणारे स्न्वड्रन लीडर प्रा. डॉ. संजय देशमुख, कॅडेड ओंकार येनपुरे, व्हॉलेंटियर रजत सुरी, एनसीसीचे कॅडेडस व व्हॉलेंटियर्स ेउपस्थित होते.

पुणे :- लहान वयात विद्यार्थ्यांना प्रयोगाची संधी देत जर या विषयांची गोडी लावली, तर त्यातून पुढच्या पिढीतील शास्त्रज्ञ तयार होऊ शकतात.अशी भावना माहिती गोयल गंगा इंटरनैशनल स्कुलच्या संचालिका सोनू गुप्ता यांनी दिली

त्या पुढे म्हणाल्या कि, आजच्या विज्ञान दिनाचे औचित्याने  लहान मुलांमध्ये विज्ञानाविषयी कुतुहल वाढावे व त्यांना त्या वयापासूनच या विषयांची गोडी लागावी या उद्देशाने गोयल गंगा फौंडेशनच्या वतीने बावधन मधील गंगा लेजंड येथे जीजीआयएस अथ(प्री प्रायमरी स्कूल) मध्ये  विज्ञान प्रदर्शनाचे आयोजन करण्यात आले होते.

आजही विज्ञान आणि पर्यावरण विषयांकडे विद्यार्थ्यांचा ओढा असला तरी लहान मुलांना समजेल आणि त्यांना करून पाहता येईल,अशा प्रयोगांच्या माध्यमातून विज्ञान शिकवण्याचे प्रयत्न अजून कमीच पडतात.म्हणूनच यावेळी शिक्षकांच्या मार्गदर्शनाखाली मुलांनी वेगवेगळे प्रयोग सादर केले.

आपल्या रोजच्या आयुष्यात घडणाऱ्या जसे कि, कचऱ्याचे विघटन कसे होते ,जलशुद्धिकरण कसे होते, ढग कसे तयार होतात,गुरुत्वाकर्षण काय असते अशा काही गोष्टींची माहिती शिक्षकांनी चिमुकल्यांना दिली. या प्रदर्शनामध्ये पालकांनी देखील मुलांसोबत सहभाग घेतला.

भारती भागवाणी म्हणाल्या कि, विद्यार्थ्यांनी आपल्या दैनंदिन आयुष्यात विज्ञानाचा वापर करून समस्या कशा सोडवायला शिकावे ज्यामुळे येणाऱ्या २१ व्या शतकातील वेगवान जगाला सामोरे  जाण्यासाठी ते स्वत:ला तयार करू शकतात.

पुणे- एखाद्याची मुलाखत घेताना मुलाखतकाराच्या विचारात स्पष्टता, देहबोली आणि वाचणाबरोबरच
त्याने उत्तम श्रोता असणे आवश्यक आहे असे मत प्रसिध्द निवेदक व मुलाखतकार सुधीर गाडगीळ यांनी
व्यक्त केले. मराठी भाषा जपल्यामुळेच आपल्याला जगभरात फिरता आले असेही ते म्हणाले.
‘मराठी भाषा संवर्धन प्रतिष्ठान’तर्फे महाकवी कुसुमाग्रजांच्या जन्मदिनी (२७ फेब्रुवारी)यंदाचे ‘माध्यम
रत्न’पुरस्कार’ चैत्राली चांदोरकर (महाराष्ट्र टाईम्स ), हलिमाबी अब्दुल कुरेशी (बी.बी.सी.वर्ल्ड न्यूज –
मराठी) आणि दीपा भंडारे (आकाशवाणी) यांना सुधीर गाडगीळ यांच्या हस्ते प्रदान करण्यात आले त्यावेळी
ते बोलत होते.’पत्रकार भवन’नवी पेठ, पुणे येथे हा कार्यक्रम संपन्न झाला.. ५००० रुपये रोख, स्मृतीचिन्ह,
शाल व श्रीफळ असे पुरस्काराचे स्वरूप होते. यासोबतच ‘नाद-संवाद’ या प्रामुख्याने कलावंताच्या छोट्या
मुलाखतींवर आधारित तन्मयी मेहेंदळे यांच्या पुस्तकाचे प्रकाशनही संपन्न झाले. तिला देखील
प्रतिष्ठानतर्फे पाच हजार रुपये, शाल श्रीफळ देऊन गौरविले गेले. श्री महिला गृहोद्योग लिज्जत पापडचे
मुख्य कार्यकारी अधिकारी सुरेश कोते, ‘मराठी भाषा संवर्धन प्रतिष्ठान’चे अध्यक्ष प्रवीण प्र. वाळिंबे हे
मंचावर उपस्थित होते.
सुधीर गाडगीळ म्हणाले, मुलाखत घेणाऱ्याचे भान पक्के असावे लागते. त्यासाठी माणसे आणि पुस्तके
वाचावी लगतात. कधी संधी येईल हे सांगता येत नाही. २४ तास सतर्क राहणे ही बोलणाऱ्या माणसाने
लक्षात ठेवण्याची बाब आहे असे नमूद करून गाडगीळ म्हणाले, मुलाखत घेताना समोरच्याच्या मनातून
तुम्हाला काय काढून घ्यायचे आहे याची रूपरेषा तयार असायला हवी. माध्यमांच्या स्वरूपात झालेले बदल
आणि मुलाखत घेताना आलेला आक्रमकपणा यामुळे कदाचित जास्त प्रसिद्धी मिळत असेल परंतु संयम
व बोलण्यातील नम्रपणा हा मुलाखतकाराने ठेवलाच पाहिजे असेही ते म्हणाले. ज्याची मुलाखत घ्यायची
आहे त्याने काही कर्तुत्व केले आहे, आपण त्याला बोलावले आहे याचे भान आपले ठेवले पाहिजे. प्रश्न
विचारण्याच्या नादात मुलाखतकाराने अकारण आक्रमक होणे आवश्यक नाही. ज्याची मुलाखत घ्यायची तो
खोटे बोलत असेल, नाठाळपणे उत्तरे देत असेल तर त्याला खट्याळपणे प्रश्न विचारून त्याची जागा त्याला
दाखवून देता येते असे त्यांनी सांगितले. मी मराठी भाषा जपली. मराठी भाषेच्या माध्यमातून शांघाय,
अमेरिकेतील ५१ शहरे,युरोप असे जगभर मला फिरता आले. मराठी भाषा जपल्यामुळेच ही संधी
मिळाल्याचे गाडगीळ यांनी नमूद केले.

सुरेश कोते म्हणाले, संत ज्ञानेश्वर तुकाराम महाराज यांनी त्यांच्या विचारातून , भजनातून लोकांना विचार
दिले. पुढे वारकरी सांप्रदायाने मराठी भाषा जतन करण्याचे काम केले आहे. एकवेळ शिकलेल्या
माणसांकडून माणसांकडून मराठीचे जतन झाले नाही परंतु ग्रामीण भागातील जनतेचे वाचन कमी असले
तरी त्यांचे श्रवण जास्त असल्याने त्यांनी मराठी भाषेचे संगोपन केले. मराठी जगवायची असेल तर
जातीच्या आणि धर्माच्या पलीकडे जाऊन मराठीचे संगोपन व्हायला हवे असेही त्यांनी नमूद केले.
चैत्राली चांदोरकर म्हणाल्या, पुण्यातील माध्यमांमध्ये काम करणाऱ्या महिलांची संख्या ४० टक्केपेक्षा
जास्त आहे. ‘आयडब्ल्यूएमएफ’ या संस्थेने केलेल्या सर्वेक्षणात जगभरात माध्यमांमध्ये काम करणाऱ्या
महिलांचे प्रमाण हे ३३ टक्के आहे. युरोप, अमेरिका यासारख्या विकसित देशात हे प्रमाण २० टक्के आहे.
आपल्याकडे अजूनही संधी उपलब्ध असून हे प्रमाण ६० टक्क्यापर्यंत जाऊ शकते. मराठी माध्यमांमध्ये
तरुणींनी मोठ्या प्रमाणात यावे अशी अपेक्षा त्यांनी व्यक्त केली.
हलीमाबी कुरेशी म्हणाल्या, मराठी भाषेबद्दल बोलताना प्रमाण भाषा की बोली भाषा असा वाद निर्माण
होतो. मात्र, हा वाद नसून त्या दोघी बहिणी आहेत असा दृष्टीकोन असायला हवा. आपण ज्या भागात
राहतो, वावरतो ती भाषा आपल्याला येणे आवश्यक आहे असे सांगून पंढरपूरच्या वारीमुळे आपला
पत्रकारीतेते येण्याचा उद्देश सफल झाला असे त्या म्हणल्या. मराठी भाषा आपल्या विचाराने, लिहिण्याने
आणि बोलण्याने कशी समृध्द करता येईल याचा चिचार होणे आवश्यक आहे असेही त्यांनी नमूद केले.
दीपा भंडारी म्हणाल्या, मराठी भाषा समृद्धीच्या प्रवासामध्ये आपल्याला आकाशवाणी , वृत्तपत्रे या
माध्यमांचा उपयोग झाला. तसेच मराठीमुळे आत्मविश्वासातहे भर पडली. संत साहित्य आणि आधात्म्य
याचे खूप वाचन केल्यामुळे माझे मराठी लिखाण अधिक समृध्द होत गेले असे त्या म्हणाल्या.
तन्मयी मेहेंदळे मेहेंदळे म्हणाल्या, विविध माध्यमांमधून मला लिखाण करता आले त्याच्या निवडक ४२
मुलाखतींचे पुस्तक मला करता आले. प्रत्येकामध्ये एक लेखक दडलेला असतो. तो काही ना काही लिहू
शकतो या माझ्या आतापर्यंतच्या गुरुजनांनी दिलेल्या मार्गदर्शनामुळे हे माझे पहिले पुस्तक मी लिहू
शकले. आजोबा आणि आईवडिलांचे संस्कार यामुळे मराठी भाषा अधिक शुध्द स्वरूपात वापरण्याची सवय
मला जडली असे त्यांनी आवर्जून नमूद केले.
प्रारंभी कार्यक्रमाचे प्रास्ताविक करताना प्रवीण प्र.वाळिंबे म्हणाले, की गेली १९ वर्षे मराठी भाषा संवर्धनार्थ
अनेक उपक्रम राबवले जातात. साहित्य, कला, संस्कृतीप्रमाणेच विद्याना-तंत्रज्ञान, व्यापार आणि उद्योग
याच्यात मराठी भाषा रुजली पाहिजे,आर्थिक व्यवहाराची मारतही भाषा व्हायला पाहिजे असे सांगून नव्या
पिढीमध्ये मराठी भाषेची वाक्यरचना व शुद्धलेखन याबद्दल काहीसी अनास्था आहे याबद्दल त्यांनी खंत
व्यक्त केली. मात्र, मराठी भाषा कधी संपणार नाही असा विश्वासही त्यांनी व्यक्त केला.

सूत्रसंचालन करुणा पाटील यांनी तर आभार नीना वाडेकर यांनी मानले. कार्यक्रमास साहित्य, कला,
संस्कृती, नाट्य, चित्रपट, प्रकाशन अशा विविध क्षेत्रातील अनेक नामवंत उपस्थित होते.

लघु वृत्तपत्र बचाओ संघर्ष कृती समितीचा निर्णय

कराड – महाराष्ट्र शासनाच्या माहिती व जनसंपर्क महासंचालनालयाच्या नवीन संदेश प्रसार धोरणामुळे लघु वृत्तपत्रांचे अस्तित्व संपुष्टात येऊन अनेक मालक, संपादक आणि त्यांचे कर्मचारी बेरोजगार होतील म्हणून लघु वृत्तपत्र बचाओ संघर्ष कृती समितीने आंदोलनाची भूमिका अंगीकारली आहे. या संदर्भात लघु वृत्तपत्र बचाओ संघर्ष कृती समितीच्यावतीने शुक्रवार ८ मार्च २०१९ रोजी महसूल व बांधकाम मंत्री तथा कोल्हापूरचे पालकमंत्री ना. चंद्रकांत दादा पाटील यांच्या निवासस्थानासमोर सकाळी ११ ते सायंकाळी ५.०० वाजेपर्यंत ठिय्या (धरणे) आंदोलन करण्यात येणार असल्याची माहिती महाराष्ट्र लघु वृत्तपत्र बचाओ संघर्ष कृती समितीचे समन्वयक आप्पासाहेब पाटील यांनी दिली.

लघु वृत्तपत्र बचाओ संघर्ष कृती समितीने आपल्या मागण्यांचे निवेदन मुख्यमंत्री महोदय, महासंचालक माहिती व जनसंपर्क आदि सर्व संबंधितांना पाठविलेले आहे.कोकण व पश्चिम महाराष्ट्रातील कोल्हापूर, सांगली, सिंधुदूर्ग, पुणे, सातारा, सोलापूर, रत्नागिरी जिल्ह्यातील सर्व वृत्तपत्र मालक, प्रकाशक संपादकांनी शुक्रवार दि. ०८ मार्च २०१९ रोजी सकाळी ११ वाजता ठिय्या (धरणे) आंदोलनासाठी कोल्हापूर येथे उपस्थित राहावे असे आवाहन महाराष्ट्र लघु वृत्तपत्र बचाओ संघर्ष कृती समितीच्यावतीने आप्पासाहेब पाटील यांनी केलेले आहे. कोल्हापूर येथे होणाऱ्या या धरणे आंदोलनानंतर पुढील आंदोलनाची दिशा लघु वृत्तपत्र संपादक मालकांच्यावतीने मुंबई येथे उपोषणाचा मार्ग अवलंबिण्यात येणार आहे. असेही आप्पासाहेब पाटील यांनी यावेळी सांगितले.

पुणे  :-बारीक होण्यासाठी उपाशी राहणे नव्हे तर आपल्या शरीराला आवश्यक पोषक घटकांची कमी होणार नाही याकडे लक्ष्य देणे गरजेचे आहे.राहुरीमधील महात्मा फुले कृषी विद्यापीठातील फूड सायन्स आणि टेक्नॉलॉजी विभागाचे प्रमुख  म्हणून काम  पाहणाऱ्या डॉ.यु. डी. चव्हाण यांनी असा सल्ला दिला. ‘मानवी आरोग्यासाठी पोषक अन्नधान्य‘या विषयावर ते बोलत होते.आपल्या रोजच्या आहारातून ‘पोषणमूल्य‘ किती प्रमाणात शरीरात जात आहेत याविषयीची माहिती सर्वांना व्हायला हवी त्यासाठी पोषणमुल्यांचे धडे देणे आवश्यक आहे. असे मत त्यांनी मांडले. स्कायरूट व्हेनचर्स एलएलपीने ”निरोगी आरोग्यासाठी आवश्यक पौष्टिक आहार”  या  व्हेनचर्स एलएलपीने ”निरोगी आरोग्यासाठी आवश्यक पौष्टिक आहार” या कार्यक्रमाचे  आयोजन केले होते. स्कायरूट व्हेनचर्सएलएलपीचे विश्वस्त अजय कंग्राळकर,संचालिका जयश्री चौधरी, इंडियन डायटरी असोसिएशनच्या पुणे विभागाच्या अध्यक्षा शिल्पा शिरोळे, अर्चना रायरीकर  तसेच अनेक न्यूट्रीशिनिस्ट आणिडायटिशियन्सही उपस्थित होते.यावेळी न्यूट्रीशियस पदार्थ वापरून त्यापासून वेगवेगळे स्वादिष्ट पदार्थ बनविण्याच्यास्पर्धेचे देखील आयोजन केले होते.

 चांगला पौष्टिक आहार प्रभावी औषधाप्रमाणेच असतो,शरीराचे कार्य नीट चालवायला त्याची मदत होते, तो योग्य प्रमाणात आणि योग्य वेळेत गेला नाही तर आपले आरोग्य बिघडते. यासाठी प्रक्रिया केलेले अन्न न खाता आपल्या मातीत उगवलेल्या पारंपारिक धान्यांचा समावेश आहारामध्ये करणे आवशयक आहे.अशा भावना सच हॉस्पिटॅलिटीच्या संचालिका कमलजित कौर यांनी व्यक्त केल्या.

 सिनियर न्यूट्रिशनिस्ट म्हणून कार्यरत असलेल्या  अंबिका नायर  म्हणाल्या कि,धान्यमोड आणण्याच्या प्रक्रियेने त्यातील क्षार आणि प्रथिनांचे प्रमाण वाढते. तसेच जीवनसत्वे आणि इतर पोषकतत्वेही यामध्ये असतात. मोडविलेले कडधान्य पचण्यासही हलके होते. मोडविलेल्या कडधान्याच्या सेवनाने शरीरामध्ये चरबी वाढत नाही.अन्य जीवनसत्वे व प्रथिने यामध्ये भरपूर मात्रेमध्ये असल्याने ह्याचे सेवन डोळे, त्वचा, केस यासर्वांच्याच आरोग्यासाठी लाभकारीआहे. मोडविलेल्या कडधान्याच्या सेवनाने शरीरातील कोलेस्टेरोलची मात्रा कमी होऊन धमन्यांमध्ये अडथळे दूर होतात याशिवाय शरीराची रोगप्रतिकारशक्ती वाढण्यासही मदत होते.

पुणे- गत लोकसभा निवडणुकीच्‍या वेळी इलेक्‍ट्रॉनिक व्‍होटींग मशिन्‍स (इव्‍हीएम) वापरण्‍याचा अनुभव असला तरी यंदाच्‍या यंत्रांमध्‍ये नवीन फीचर्स असल्‍यामुळे त्‍याबाबत माहिती घेवून त्‍यानुसार कार्यवाही करावी, असे अपर जिल्‍हाधिकारी तथा नोडल अधिकारी प्रशिक्षण डॉ. ज्‍योत्‍स्‍ना पडियार यांनी सांगितले.

जिल्‍हाधिकारी कार्यालयात मास्‍टर ट्रेनर्सना मतदान यंत्रांबाबत तसेच व्‍हीव्‍हीपॅट (वोटर व्‍हेरिफीएबल पेपर ऑडीट ट्रेल)  बाबत प्रशिक्षण देण्‍यात आले. यावेळी उपजिल्‍हाधिकारी विजयसिंह देशमुख, शिल्‍पा करमरकर आदी अधिकारी उपस्थित होते.

डॉ. पडियार म्‍हणाल्‍या, 2014 च्‍या लोकसभा निवडणुकीच्‍या वेळी असलेल्‍या मतदान यंत्रासोबत व्‍हीव्‍हीपॅट नव्‍हते. त्‍यामुळे मतदान यंत्रांच्‍या जोडणीचा क्रम योग्‍य पध्‍दतीने लक्षात घेणे आवश्‍यक आहे. मतदान यंत्रांची काळजीपूर्वक हाताळणी, जोडणीचा क्रम न चुकवणे, दिलेल्‍या आदर्श सूचनांचे पालन करणे याबाबत त्‍यांनी सूचना दिल्‍या. मतदान यंत्रांच्‍या जोडणीबाबत पुरेसा सराव करण्‍यात यावा, असेही त्‍या म्‍हणाल्या.

विजयसिंह देशमुख यांनीही यावेळी मार्गदर्शन केले. ते म्‍हणाले, लोकसभा निवडणुकीबाबत सर्वांनीच कटीबध्‍द असणे गरजेचे आहे. मतदान यंत्रांबाबत मनात कोणताही प्रश्‍न, शंका न ठेवता, त्‍याचे निरसन करुन घ्‍यावे. सेक्‍टर ऑफीसर्सना मास्‍टर ट्रेनर्स प्रशिक्षण देणार असल्‍यामुळे त्‍यांनी आपले प्रशिक्षण काळजीपूर्वक पूर्ण करायला हवे, असे ते म्‍हणाले.

पुणे- मतदार यादीत नाव समाविष्‍ट करण्‍यासाठी आलेला एकही अर्ज प्रलंबित राहता कामा नये, अशा स्‍पष्‍ट सूचना जिल्‍हाधिकारी नवल किशोर राम यांनी दिल्‍या. आगामी लोकसभा निवडणुकांच्‍या पार्श्‍वभूमीवर आयोजित बैठकीत ते बोलत होते. यावेळी अपर जिल्‍हाधिकारी रमेश काळे, पुणे महानगर प्रदेश विकास प्राधीकरणच्‍या (पीएमआरडीए) अतिरिक्‍त आयुक्‍त डॉ. कविता द्विवेदी, उप जिल्‍हा निवडणूक अधिकारी मोनिका सिंह यांची प्रमुख उपस्थिती होती.

जिल्‍हाधिकारी राम म्‍हणाले, लोकसभेसाठी मतदार म्‍हणून ऑनलाईन तसेच ऑफलाइन अर्ज दाखल झाले आहेत. या अर्जांची तपासणी करुन त्‍यावर योग्‍य ती कार्यवाही करण्‍यात यावी. एकही पात्र मतदार मतदानापासून वंचित राहता कामा नये. आलेल्‍या प्रत्येक अर्जावर कार्यवाही झाली पाहिजे, असे स्‍पष्‍ट करुन जिल्‍हाधिकारी राम यांनी त्‍याबाबत नियमित आढावा घेण्‍यात येईल, असे सांगितले. मतदार यादीचा कार्यक्रम कालबध्‍द असल्याने नियोजनबध्‍द आणि गतीने काम करण्‍यात यावे, त्यासाठी स्‍वतंत्र कक्ष स्‍थापन करुन दररोज आढावा घ्‍यावा, अशा सूचना त्‍यांनी संबंधितांना केल्‍या.

बैठकीत जिल्‍हा निवडणूक नियोजन आराखडा,स्‍वीप कार्यक्रम (मतदार जागृती कार्यक्रम), वाहन आराखडा, दिव्‍यांगासाठीच्‍या सुविधा, निवडणूक खर्च व्‍यवस्‍थापन याबाबतचा आढावा घेण्‍यात आला.  सी-व्‍हीजील अॅप यावेळी महत्‍त्‍वाचे ठरणार असून याबाबत  दक्ष राहण्‍याच्‍या सूचना देण्‍यात आल्‍या. जिल्‍हाधिकारी कार्यालयात झालेल्‍या बैठकीस सहायक निवडणूक निर्णय अधिकारी, सहायक मतदार नोंदणी अधिकारी उपस्थित होते.