पुणे : “देशाच्या सीमेवर लढताना जवान शहीद झाल्यानंतर समाजाच्या विविध स्तरांतून पाठिंबा, आधार मिळतो. कृतज्ञतेच्या भावनेतून अनेकजण पाठीशी उभे राहतात. परंतु, आयुष्याच्या अखेरपर्यंत स्वाभिमानाने जगण्यासाठी वीरपत्नींनी स्वावलंबी बनले पाहिजे. स्वाती महाडिक, गौरी महाडिक या तरुणीं पती शहीद झाल्यानंतर प्रशिक्षण घेऊन सैन्यात दाखल झाल्या, ही आपल्या सर्वांसाठी प्रेरणादायी गोष्ट आहे,” असे प्रतिपादन ब्रिगेडियर (निवृत्त) रघुनाथ जठार यांनी केले. घरातील कर्ता व्यक्ती गेल्यानंतर त्या कुटुंबावर कोसळलेल्या दुःखाचे सांत्वन आपण शब्दात करू शकत नाही, असेही त्यांनी नमूद केले.

जागतिक महिला दिनानिमित्त जाणीव संघटना व वंचित विकास संस्थेतर्फे पुणे जिल्ह्यातील वीरमाता, वीरपत्नी आणि वीरपित्यांचा सन्मान करण्यात आला. देशाच्या सीमेवर संरक्षण करताना वीरमरण आलेल्या सैनिकाप्रती व त्यांच्या कुटुंबीयांप्रती कृतज्ञता व्यक्त करण्याच्या भावनेतून हा सोहळा आयोजिला होता. काही दिवसांपूर्वीच शहीद झालेल्या मेजर शशिधरन नायर यांच्या पत्नी तृप्ती नायर, अबोली मोहोरकर, सोनाली सौरभ फराटे, भारत-चीन युद्धापासून आपल्या पतीच्या प्रतीक्षेत असलेल्या मालती जगताप यांच्यासह एकूण ५५ वीरमाता-वीरपत्नींचा सन्मान करण्यात आला. विजयकुमार मर्लेचा यांनी आपल्या मातोश्री कांताबाई यांच्या स्मृतिप्रीत्यर्थ मानचिन्ह दिली. या कार्यक्रमासाठी जयंत नातू यांनी सभागृह व अल्पोपहार उपलब्ध करून दिला.

कर्वे रस्त्यावरील अश्वमेध सभागृहात झालेल्या हृद्य सोहळ्याला जिल्हा सैनिक बोर्डाचे मेजर (निवृत्त) मिलिंद तुंगार, कॅप्टन (निवृत्त) सुरेश जाधव, ऍड. इंद्रजित सिंग गिल, वीरपत्नी अबोली मोहोरकर, वंचित विकास संस्थेचे अध्यक्ष विजयकुमार मर्लेचा, संचालिका मीनाताई कुर्लेकर, सुनिता जोगळेकर, कार्यकर्त्या मीनाक्षी नवले, देवयानी गोंगले, चैत्राली वाघ आदी उपस्थित होते. मानचिन्ह, शाल, श्रीफळ व पुष्प असे या सन्मानाचे स्वरुप होते. देशभक्तीपर गीतांची धून, शहीद जवानांविषयीच्या आठवणी यामुळे सभागृह भारावून गेले होते. अनेकींच्या डोळ्यांत आसवे दाटून आली होती. भावुक वातावरणात सन्मान स्वीकारताना अनेकींच्या डोळ्यांत अश्रू दाटून आल्याचे पाहून उपस्थितांचे मन हेलावून गेले. प्रत्येकजण आपल्यासोबत असल्याचा विश्वास या शहीदांच्या कुटुंबियांना देत होता.

अबोली मोहोरकर म्हणाल्या, “शहीद झाल्यानंतर कुटुंबियांना सहानुभूती देण्यासाठी अनेकजण भेटतात. पण कालांतराने हळूहळू ते कमी होते. सैनिकांविषयीच्या माहितीचा अभाव अजूनही दिसतो. आर्थिक मदतीची, सहानुभूतीची आम्हाला गरज नसते. परंतु, आपलेपणाचा भावनेने बोलणारे आणि सोबत राहणारे माणसे हवी असतात. ग्रामीण भागातील शहीदांच्या पत्नी, त्यांची मुले यांच्यासाठी काम करण्याची गरज आहे. संस्थेने त्यात पुढाकार घेतल्यास मोठे काम उभे राहू शकते.”

मीनाताई कुर्लेकर म्हणाल्या, देशासाठी बलिदान देणार्‍या सैनिकांच्या कुटुंबीयांबरोबर काम करण्यासाठी संस्था प्रयत्नशील आहे. यापुढे ज्या शहीदांच्या कुटुंबियांना न्याय मिळालेला नाही, अशांसाठी संस्था मदत करेल. आपल्या सगळ्यांसमवेत आम्ही आहोत. त्यामुळे आपण खचून जायचे नाही. तुम्ही आमच्यासाठी प्रेरणा आहेत. गौरी कुलकर्णी व मंजिरी तिक्का यांनी शहीदांच्या कुटुंबियांसाठी गायन सादर केले. श्रीराम ओक यांनी निवेदन केले. मीनाताई कुर्लेकर यांनी आभार मानले.

पुणे-दुसरे मुक्ता साळवे साहित्य संस्कृती संमेलन हे मानवमुक्तीचे संमेलन आहे . अलीकडच्या काळात समाजक्रांतीकारकांना जातवार विभागून घेण्याची पध्दत पडू लागली आहे . त्याला हे संम्मेलन  अपवाद आहे . असे मत दलित युवक आंदोलन आयोजित दुसरे मुक्ता साळवे साहित्य संस्कृती संमेलनाचे अध्यक्ष जेष्ठ लेखिका विचारवंत डॉ गेल ऑमवेट यांनी मांडले .

सदाशिव पेठमध्ये उद्यानप्रसाद कार्यालयात  दलित युवक आंदोलन आयोजित दुसरे मुक्ता साळवे साहित्य संस्कृती संमेलनात ते अध्यक्षस्थानी बोलत होते . यावेळी संमेलनाचे उदघाटन संविधानाचे पूजन नामवंत लेखिका पत्रकार प्रतिमा जोशी यांच्याहस्ते करण्यात आले . तसेच जातिव्यवस्थेची गुलामगिरीची साखळी तोडून संमेलनाचे उदघाटन केले .

दुसरे मुक्ता साळवे साहित्य संस्कृती संमेलनाचे अध्यक्ष जेष्ठ लेखिका विचारवंत डॉ गेल ऑमवेट यांनी सांगितले कि , आजचे साहित्य दोन प्रकारचे आहे . एक प्रकार सरळ सरळ प्रस्थापित साहित्याचा आहे . दुसरा प्रकार जग बदलण्याची स्वप्ने पाहणारा , जग बदलण्यासाठी चाललेल्या अनेक जणांच्या जीवनातल्या सुख दुःखाचा , नवनिर्मितीच्या सुंदरतेचा बाबतीत साहित्य निर्माण करणारा आहे . आजच्या काळात हा दुसरा प्रवाह निराशावादी पध्दतीने लिहिताना दिसतो . दुखातहि काही सुख मिळवली जाऊ शकतात . आनंदाचे प्रसंग असतात . दुःख संपविण्याची जिद्द असते . नवे जीवन मिळविण्याचा संघर्ष असतो . या सर्व जीवनाविषयी साहित्य आले पाहिजे . शोषित जनतेची नवनिर्माणाची आस कायम जिवंत असते , ती आली पाहिजे . साहित्यासाठी आजचा काळ कठीण आहे . या काळाला सामोरे गेले पाहिजे . स्वातंत्र्य , समता , मैत्री , करुणा यांच्या पायावर स्वयंप्रकाशित होऊन ठाम उभे राहिले पाहिजे . अंधारलेल्या काळात अंधाराची कविताही लिहिली जाऊ शकते . पण त्याबरोबर नव्या पहाटेची सुध्दा कविता लिहिली पाहिजे . नव्या युगाचे साहित्य लिहण्याची अपेक्षा त्यांनी व्यक्त केली .

या  दुसरे मुक्ता साळवे साहित्य संस्कृती संमेलनाचे प्रास्तविक दलित युवक आंदोलनाचे संस्थापक अध्यक्ष सचिन बगाडे यांनी केले तर स्वागतध्यक्ष शशिकांत घोडे यांनी सर्वांचे स्वागत केले . संमेलनास अन्य मान्यवर उपस्थित होते .

पूना गेस्ट हाऊसचे किशोर सरपोतदार , नगरसेविका पूजा आनंद, रचना पाटील, प्रा. गुंडे, शैलेंद्र पटेल ( वसुंधरा सामाजिक अभियान ),अजित कुमठेकर ,अर्जुन जगताप ,मुक्ता जगताप , अनंत घरत ( माय अर्थ फाऊंडेशन )तसेच विविध सामाजिक संस्थांचे प्रतिनिधी या अभिनव उपक्रमात सहभागी झाले. पुणेकरांनी मोबाईल कॅमेऱ्यात या उपक्रमाचे चित्रीकरण केले . ‘सोशल मीडियाद्वारे पुणेकरांनी जलबचतीचा हा संदेश व्हायरल करावा . होळी आणि धुळवडीला पाण्याची बचत करावी ‘असे आवाहन ‘पूना गेस्ट हाऊस ‘चे संचालक  किशोर सरपोतदार यांनी केले . कल्याणीनगर ,खराडी  ,विमान नगर या ठिकाणी हे जनजागृतीपर भरतनाट्यम सादरीकरण  रविवारी सकाळी होणार आहे .

पुणे-बँक ऑफ महाराष्‍ट्रच्या पुणे पूर्व अंचल कार्यालयातर्फे दिनांक 16 मार्च, 2019 रोजी लोणी काळभोर येथे स्वयं सहाय्यता समूह आणि शेतकर्‍यांसाठी शेतकरी संपर्क अभियानाचे आयोजन करण्यात आले होते ज्यात आसपासच्या परिसरातील बँकेचे सुमारे 1200 ते 1400 ग्राहक सामील झाले होते. या कार्यक्रमाचा मुख्य उद्देश शेतकर्‍यांना मार्गदर्शन करून त्यांना बँकेच्या विविध कृषी कर्ज योजनांची माहिती देणे आणि त्यांच्यात जागरूकता आणणे हे होते. हा कार्यक्रम लोणी काळभोर येथील जिजाऊ गार्डन येथे करण्यात आला होता.

यावेळी बँक ऑफ महाराष्‍ट्रचे कार्यकारी संचालक श्री हेमन्‍त टम्‍टा यांच्या हस्ते 168 लाभार्थीना रुपये 10कोटी रकमेची कर्ज मंजूरी पत्रे वितरित केली गेली. शेतकर्‍यांशिवाय बँक लघु उद्योग आणि स्वयं सहाय्यता समुहानादेखील कर्ज मंजूर करते जे राज्याच्या आर्थिक विकासामध्ये महत्‍वपूर्ण भूमिका निभावातात.

यावेळी बँक ऑफ महाराष्‍ट्रचे कार्यकारी संचालक श्री हेमन्‍त टम्टा म्हणाले की, “महाराष्‍ट्र राज्याचीअर्थव्‍यवस्‍था ही प्रामुख्याने कृषी क्षेत्र तसेच सेवा आणि उद्योग क्षेत्रावर अवलंबित आहे. राज्याच्या एकूणजीडीपीमधील जवळपास 11% सहभाग कृषी क्षेत्रातुन येतो आणि राज्याच्या अर्थव्‍यवस्थेच्या विकासामध्येअभिन्‍न भूमिकेचा दृष्टिकोन राखणारी ही बँक असल्या कारणाने आम्ही शेतकरी आणि स्वयं सहाय्यता समूहयांना आपल्या सेवा अधिक संवेदनशीलतेने देण्याचा करण्याचा निर्णय घेतला आहे.”

श्री टम्टा पुढे म्हणाले की, या शेतकरी संपर्क अभियानाच्या माध्यमातून विविध कर्ज योजनांवर शेतकरी आणि स्वयं सहाय्यता समूह यांना शिक्षित करण्याचे आमचे ध्येय आहे. आम्ही उत्तम कृषी तसेचव्‍यवसाय पद्धतींवर त्यांना अधिक शिक्षित करणे आणि आर्थिक तज्ञांबरोबर चर्चा करण्यासाठी त्यांना व्यासपीठ देण्यासाठी आम्ही कार्यरत आहोत. आम्ही  महाराष्‍ट्र राज्यातील शेतकर्‍यांच्या प्रगती आणि समृद्धीच्या कार्यात उत्‍प्रेरकाची भूमिका निभावण्यासाठी तत्पर आहोत.”

या कार्यक्रमामध्ये यशस्वी ग्राहकांचा त्यांच्या उल्‍लेखनीय कार्याबद्दल गौरव करून सम्‍मानित करण्यात आले.

पुणे– जिल्‍ह्यातील निवडणूक निर्णय अधिकारी आणि सहायक निवडणूक निर्णय अधिकारी यांना आज इव्‍हीएम-व्‍हीव्‍हीपॅट हाताळणीचे प्रशिक्षण समन्‍वय अधिकारी डॉ. ज्‍योत्‍स्‍ना पडियार यांनी आज दिले. जिल्‍हाधिकारी कार्यालयात झालेल्‍या या प्रशिक्षणास मावळच्‍या निवडणूक निर्णय अधिकारी कविता द्विवेदी, शिरुरचे रमेश काळे यांच्‍यासह इतर अधिकारी उपस्थित होते. डॉ. पडियार यांनी इलेक्‍ट्रॉनिक व्‍होटींग मशीन, कंट्रोल युनिट, व्‍हीव्‍हीपॅट यांच्‍या जोडणीचे प्रात्‍यक्षिक करुन घेतले तसेच शंकांचे निरसन केले.