भाषणे, प्रस्तावनांची जागतिक नोंद झाल्याबद्दल गौरव-मनोहर कोलते मैत्र संघातर्फे कार्यक्रमाचे आयोजन

पुणे : उत्तम लेखणी आणि वाणी हे डॉ. श्रीपाल सबनीस यांचे वैशिष्ट्य असून ते जनसामन्यांमध्ये सुप्रसिद्ध आहेत. आतापर्यंत झालेल्या संमेलनाध्यक्षांकडून साहित्य क्षेत्रात जे कार्य झाले नाही ते कार्य गेल्या आठ वर्षांत डॉ. सबनीस यांच्याकडून झाले आहे. यामुळेच ते जनसामान्यांसह असामान्य व्यक्तीमत्त्वांचेही आवडते लेखक व वक्ते आहेत, असे गौरवोद्गार सिंबायोसिसचे संस्थापक डॉ. शां. ब. मुजुमदार यांनी काढले.

प्रसिद्ध साहित्यिक डॉ. श्रीपाल सबनीस यांच्या संमेलनाध्यक्ष पदावरील विविधांगी कर्तृत्वाची नोंद जागतिक पातळीवर ‌‘हाय रेंज वर्ल्ड रेकॉडॅस्‌‍‌’ या संस्थेने घेतली आहे. डॉ. सबनीस यांनी संमेलनाध्यक्ष हे पद भूषविल्यानंतर गेल्या 8 वर्षांतील 1648 भाषणांची व 507 प्रस्तावनांची नोंद घेऊन ‌‘वर्ल्ड रेकॉर्ड‌’ म्हणून मान्यता दिली आहे. या विश्वविक्रमाबद्दल मनोहर कोलते मैत्र संघ, पुणे संस्थेतर्फे त्यांचा सत्कार आज (दि. 24) डॉ. मुजुमदार यांच्या हस्ते झाला. त्या वेळी डॉ. मुजुमदार बोलत होते. महाराष्ट्र साहित्य परिषदेच्या डॉ. माधवराव पटवर्धन सभागृहात कार्यक्रमाचे आयोजन करण्यात आले होते. हैद्राबाद येथील हाय रेंज वर्ल्ड रेकॉर्डस्‌‍ या संस्थेतर्फे मिळालेले मानपत्र, मानचिन्ह, पदक मान्यवरांच्या हस्ते डॉ. सबनीस यांना प्रदान करण्यात आले. भारती विद्यापीठ अभिमत विश्वविद्यालयाचे कुलपती डॉ. शिवाजीराव कदम, माजी आमदार दीपक पायगुडे, समीक्षक डॉ. केशव देशमुख, मनोहर कोलते उपस्थित होते.

डॉ. शां. ब. मुजुमदार पुढे म्हणाले, केवळ आठ वर्षांत मोठ्या संख्येने दिलेली भाषणे आणि विविध जाती-धर्माच्या लेखकांच्या पुस्तकांसाठी प्रस्तावना लिहिणे हे सोपे कार्य नाही. प्रस्तावना लिहिताना पुस्तकाचे सखोल वाचन, लेखकाची मानसिकता ओळखणे, त्याला काय सांगायचे आहे हे समजून घेणे आवश्यक असते. डॉ. श्रीपाल सबनीस यांनी लिहिलेल्या प्रस्तावना इतक्या उत्तम असतात की, मूळ पुस्तक वाचण्याची आवश्यकताही भासू नये. त्यांच्या या कार्याची जागतिक स्तरावर दखल घेतली गेली याचा मनस्वी आनंद आहे.

डॉ. शिवाजीराव कदम म्हणाले, डॉ. सबनीस हे हरहुन्नरी व्यक्तीमत्त्व असून साहित्य क्षेत्रातील त्यांचा व्यासंग सखोल आहे. वैचारिक व्यासपीठ उभे करणाऱ्या साहित्यिक प्रस्तावना त्यांनी अभ्यासपूर्ण पद्धतीने लिहिल्या आहेत. उत्तम लेखक व वक्ते म्हणून संपूर्ण महाराष्ट्रात ध्येयाने प्रेरित होऊन नवलेखकांना प्रोत्साहन देण्याचे कार्य डॉ. सबनीस करत आहेत.

कार्यक्रमाच्या आयोजनाविषयी प्रास्ताविकात मनोहर कोलते यांनी माहिती विशद केली. गिर्यारोहक स्मिता घुगे यांच्या सहकार्यामुळे विक्रमाची नोंद करणे शक्य झाल्याचे त्यांनी सांगितले. डॉ. सबनीस हे साहित्य क्षेत्रातील महान कर्मयोगी, निष्ठावान, अभ्यासू व्यक्तीमत्त्व असल्याचे गौरवोद्गार दीपक पायगुडे यांनी काढले. डॉ. केशव देशमुख यांनी डॉ. सबनीस यांच्या साहित्यिक कार्याचा आढावा घेतला. ह. भ. प. विजय बोथरे-पाटील यांनी मनोगत व्यक्त केले.
कार्यक्रमाचे सूत्रसंचालन भगवान थिटे यांनी केले तर आभार शैलेद्र भालेराव यांनी मानले.

समस्यांचे जलदगतीने निराकरणासाठी नोडल अधिकारी नेमण्याची सूचना

पुणे-हवामान विभागाने यंदा ११७ टक्के पाऊस होणार असल्याचा अंदाज वर्तविला आहे. त्यामुळे पूर्वीचे अनुभव पाहता; ज्या दिवशी अतिरिक्त पाऊस होईल, त्या दिवशी कोथरुडसह शहरात कुठेही पाणी साचणार नाही, ते प्रवाहित होईल; याची दक्षता घ्या, अशा सूचना नामदार चंद्रकांतदादा पाटील यांनी दिल्या. तसेच, पावसमुळे निर्माण होणाऱ्या समस्या जलदगतीने सोडविण्यासाठी कोथरुड मतदारसंघात एक नोडल अधिकारी नेमावा, अशी सूचना ना. पाटील यांनी यावेळी दिली.

कोथरुड मतदारसंघातील पावसाळापूर्व कामांचा आढावा ना. चंद्रकांतदादा पाटील यांनी आज घेतला. यावेळी महापालिकेचे अतिरिक्त आयुक्त पृथ्वीराज बी., ओमप्रकाश दिवटे, दिनेश गोमारे, आपत्ती व्यवस्थापनचे उपायुक्त गणेश सोनुने, आशा राऊत, कर विभागाचे अविनाश संकपाळ यांच्या सह महापालिकेचे इतर अधिकारी, तीनही प्रभागातील विविध विभागांचे अधिकारी, भाजप कोथरूड मध्य मंडल अध्यक्ष निलेश कोंढाळकर, दक्षिण मंडल अध्यक्ष कुलदीप सावळेकर यांच्या सह सर्व माजी नगरसेवक आणि पदाधिकारी उपस्थित होते.

बैठकीच्या सुरुवातीला अतिरिक्त आयुक्त पृथ्वीराज बी यांनी पुणे शहरासह कोथरूड मतदारसंघातील पावसाळी पूर्व कामांची माहिती ना. पाटील यांना दिली. यात प्रामुख्याने पाणी वाहून नेणाऱ्या शहरातील २०१ मुख्य नाले असून; त्यापैकी १५ नाले हे कोथरुड मतदारसंघात असल्याची माहिती दिली. ह्या नाल्यांची सफाई ८० टक्के पूर्ण झाली असून उर्वरित काम जलदगतीने पूर्ण केले जात असल्याचे त्यांनी स्पष्ट केले. त्यावर नामदार पाटील यांनी नाराजी व्यक्त केली. तसेच, पुणे शहरासह मतदारसंघातील नाले सफाईची कामे जलदगतीने पूर्ण करावीत, अशा सूचना दिल्या. तसेच,मतदारसंघातील नागरिकांच्या समस्या सोडविण्यासाठी १०० स्वयंसेवक नेमावी. त्यासोबतच, महापालिकेच्या माध्यमातून झालेल्या पावसाळा पूर्व कामांची पाहणी २४ तासांत अहवाल सादर करावा, अशा सूचना कोथरुड मधील सर्व माजी नगरसेवकांना केल्या.

यावेळी क्षेत्रीय कार्यालयांना कोणतेही अधिकार नसल्याने, दरवेळी अधिकाऱ्यांना कामांसाठी मुख्यालयात जावे लागते, त्यामुळे अनेक नागरी समस्या दीर्घकाळ रेंगाळतात, असा मुद्दा बैठकीत मांडला गेला. त्यावर नामदार पाटील यांनीही हा प्रश्न सुटला पाहिजे; अशी अपेक्षा व्यक्त केली. त्यावर अतिरिक्त आयुक्त पृथ्वीराज बी. यांनी अधिकारांचे विकेंद्रीकरण करुन क्षेत्रीय कार्यालयांना निधी उपलब्ध करून देण्यास सकारात्मकता दर्शविली. तसेच, पावसाळ्यात अनेक भागात दुषित पाणी पुरवठ्याची समस्या मांडण्यात आली. ही गंभीर बाब असल्याने त्याचेही नियोजन करण्याची सूचना ना. पाटील यांनी यावेळी केली. दरम्यान, या बैठकीत वीजपुरवठा खंडित होणे, झाडांच्या फांद्या वेळेत काढणे यांसह इतर विषयांवर सविस्तर चर्चा झाली.

पुणे-अमेरिकन नागरिकांना सायबर गुन्ह्यातील डिजीटल अरेस्टची भिती दाखवुन मिलियन्स यु.एस. डॉलर ला गंडा घालणारी खराडी येथील कॉल सेंटर कंपनीवर छापा टाकुन पुणे पोलीसांची धडाकेबाज कारवाई केली आहे.हे कल सेंटर चालविणाऱ्या गुजरात आणि राजस्थानच्या ५ जणांना अटक केली आहे. यांच्याकडे १११ पुरुष व १२ महिला कामाला ठेवण्यात आल्याचे निदर्शनास आले आहे.
प्राईड आयकॉन खराडी मुंढवा रोड पुणे या बिल्डिंगमध्ये ०९ व्या मजल्यावर मैग्नेटेल बीपीएस अॅण्ड कन्सल्टंस एलएलपी हे अनाधिकृत कॉल सेंटर सुरु असुन या कॉल सेंटरमध्ये अमेरिकन नागरीकांना त्यांचे अॅमेझॉन खात्याचा गैरवापर झाला असुन त्यातुन ड्रग्जची तस्करी झाल्याचे सांगुन त्यांना डिजीटल अटकेची भिती दाखवुन त्यांची फसवणुक करण्याकरीता बोगसकॉल सेंटर चालविले जात आहे. अशी गुप्त बातमी मिळाल्याने वरिष्ठांच्या पुर्व परवानगीने सायबर पोलीस ठाणे, पुणे शहर व गुन्हे शाखा, पुणे कडील पोलीस अधिकारी व स्टाफ असे तात्काळ मैग्नेटेल बीपीएस अॅण्ड कन्सल्टंस एलएलपी, प्राईड आयकॉन, ०९ वा मजला, खराडी, मुंढवा रोड, पुणे या ठिकाणी येवुन सदर कॉल सेंटर बाबत खात्री करुन शिताफिने मैग्नेटेल बीपीएस अॅण्ड कन्सल्टंस एलएलपी येथे मध्यरात्री छापा टाकला असता सदरचे कॉल सेंटर हे विनापरवाना चालवत असुन तेथे अनधिकृत कॉल सेंटर चालु असल्याचे निदर्शनास आले.
सदर अनधिकृत कॉल सेंटर मैग्नेटेल बीपीएस अॅण्ड कन्सल्टंस एलएलपी ची तपासणी केली असता आरोपी १) सरजितसिंग गिरावत सिंग शेखावत, सध्या रा. खराडी, पुणे मुळ रा. झुंझुना, राजस्थान २) अभिषेक अजयकुमार पांडे, सध्या रा. खराडी, पुणे मुळ रा. अहमदाबाद, गुजरात ३) श्रीमय परेश शहा, सध्या राखराडी, पुणे मुळ रा अहमदाबाद, गुजरात, ४) लक्ष्मण अमरसिंग शेखावत, सध्या राखराडी, पुणे मुळ रा. अहमदाबाद, गुजरात, ५) अॅरोन अरुमन खिश्चन, सध्या राखराडी, पुणे मुळ रा अहमदाबाद, गुजरात हे सायंकाळी ०६.०० वा ते पहाटे ०२.०० वा पर्यत अमेरिकन वेळेनुसार कॉल सेंटर चालवत असुन कॉल सेंटरमध्ये १११ पुरुष व १२ महिला काम करत असल्याचे निदर्शनास आले. त्यांचेकडील लॅपटॉपची पाहणी केली असता कॉलसेंटर मध्ये वरिल आरोपी व कर्मचारी हे लॅपटॉपमध्ये अनेक संशयास्पद अॅप्लीकेशनचा, व्हिपीएन सॉफ्टवेअर चा वापर करुन कॉलर माईकव्दारे अमेरिकन नागरीकांना त्यांचे मोबाईल क्रमांकावर संपर्क करुन अॅमेझॉन अकाउंटचा बेकायदेशिर वापर होत असुन त्यामधुन ड्रग तस्करी केली जात असुन तेथील नागरिकांना डिजीटल अरेस्टची भिती दाखवुन त्यांना गिफ्ट कार्ड विकत घेण्यास भाग पाडुन ते गिफ्ट कार्ड आरोपी स्वतःच्या आर्थिक फायद्यासाठी वापरत असल्याचे निष्पन्न झाले. याकरीता त्यांचेकडे अमेरिकन नागरिकांच्या मोबाईल क्रमांकाचा लाखांच्या सख्येतील डेटा लॅपटॉपमध्ये मिळुन आलेला आहे.वरिल ५ आरोपी यांना पोलीसांनी शिताफिने ताब्यात घेतलेले असुन मैग्नेटेल बीपीएस अॅण्ड कन्सल्टंस एलएलपी, या अनधिकृत कॉल सेंटरमध्ये ९,६०,०००/- रु किं. एकुण ६४ लॅपटॉप, ४,१०,०००/- रु किंएकुण ४१ मोबाईल फोन, तसेच ४००० रु किं. एकुण ०४ राउटर, कॉल सेंटरमध्ये काम करणाऱ्या कर्मचा-यांची ओळखपत्र तसेच अमेरिकन नागरीकांना फसवणुक करण्यासाठी कर्मचा-यांना दिलेली इंग्रजीमधील संवादाची स्क्रिप्टची कागदपत्रे, इ. असा एकुण १३,७४,०००/- रु किं मुद्देमाल जप्त करण्यात आलेला आहे.
सदरबाबत सायबर पोलीस ठाणे, पुणे शहर गुन्हा रजिनं ५७/२०२५ भारतीय न्याय संहिता २०२३ चेकलम ३१६(२), ३१८(४),६१ (१), ३ (५) सह माहिती तंत्रज्ञान कायदा कलम ६६ (क), ६६ (ड) अन्वये गुन्हा दाखल करण्यात आला असुन यातील आरोपी यांचे आंतरराष्ट्रीय पातळीवर सायबर गुन्हे करण्याचे कनेक्शन तपासात निष्पन्न झाले असुन गुन्ह्याची व्याप्ती मोठ्या प्रमाणात असुन सदर गुन्ह्यात आरोपी यु.एस डॉलर ची फसवणुक रक्कम भारतीय बँकांचा वापरकरुन हवाला किंवा क्रिप्टो करन्सी मार्फत फिरवतात किंवा त्याची मोठ्या प्रमाणात आफरातफर करीत आहेत याबाबत तपास पथक गुन्ह्याचा तांत्रिक व क्लिष्ट सखोल तपास करीत आहे.
सदरची कारवाई पोलीस आयुक्त, पुणे शहर अमितेशकुमार,पोलीस सह आयुक्त रंजनकुमार, पोलीस उप आयुक्त, (गुन्हे) निखिल पिंगळे, मा. पोलीस उप आयुक्त (आर्थिक व सायबर), विवेक मासाळ सहा. पोलीस आयुक्त गुन्हे-१ गणेश इंगळे, वरिष्ठ पोलीस निरीक्षक स्वप्नाली शिंदे, सायबर पो. ठाणे, पुणे शहर, वरिष्ठ पोलीस निरीक्षक शब्बीर सय्यद, वरिष्ठ पोलीस निरीक्षक अजय वाघमारे, वरिष्ठ पोलीस निरीक्षक प्रताप मानकर, वरिष्ठ पोलीस निरीक्षक वाहीद पठाण, सहा. पोलीस निरीक्षक आशिष कवठेकर, पोलीस उप निरीक्षक, तुषार भोसले, पोलीस उपनिरीक्षक संतोष तानवडे, पोलीस उपनिरीक्षक राम दळवी, पोलीस उपनिरीक्षक वैभव मगदुम, सहा. पोलीस फौजदार कैलास चव्हाण, सहा. पोलीस फौजदार अविनाश इंगळे, पोलीस अंमलदार होले, वाघमारे, विजय पवार, बाळासाहेब सकटे, निलेश जाधव, हरीष मोरे, पोलीस अंमलदार विशाल इथापे, देविदास वांढरे, अमित जमदाडे, पो. अमंलदार ऋषिकेश व्यवहारे, निखीलजाधव, महिला पोलीस अंमलदार सीमा सुडीत, स्मिता हंबीर, जान्हवी मडेकर, पोलीस अंमलदार संदीप पवार, मांढरे, दिनेश मरकड, सचिन शिंदे, प्रविण रजपुत यांनी सदरची कामगिरी केली आहे.

पुणे, दि. २४ मे २०२५: जुन्नर तालुक्यातील बोरी (बु.) येथील महावितरणच्या नवीन ३३/११ केव्ही उपकेंद्राची उभारणी येत्या सहा महिन्यांत पूर्ण करावी. बोरी बुद्रुक व शिरोली परिसरातील १२ गावांमधील प्रामुख्याने घरगुती, कृषिपंप व इतर ग्राहकांना या उपकेंद्रामुळे दर्जेदार व सुरळीत वीजपुरवठा मिळणार आहे. उपकेंद्रांची उभारणी वेळेत व दर्जेदार होईल याकडे महावितरणच्या अधिकाऱ्यांनी विशेष लक्ष द्यावे असे निर्देश राज्याचे उपमुख्यमंत्री व जिल्ह्याचे पालकमंत्री ना. श्री. अजित पवार यांनी शनिवारी (दि. २४) दिले.

महावितरणच्या मंचर विभाग अंतर्गत जुन्नर तालुक्यातील नवीन बोरी बुद्रुक येथील ३३/११ केव्ही उपकेंद्राचे भूमिपूजन ना. श्री. अजित पवार यांच्याहस्ते झाले. यावेळी ते बोलत होते. प्रमुख पाहुणे म्हणून पुणे गृहनिर्माण व क्षेत्र विकास मंडळाचे अध्यक्ष श्री. शिवाजीराव आढळराव पाटील, आमदार श्री. दिलीप वळसे पाटील, माजी आमदार श्री. अतुल बेनके, विघ्नहर कारखान्याचे अध्यक्ष श्री. सत्यशिल शेरकर, बोरी (बु)च्या सरपंच श्रीमती वनिताताई डेरे, जिल्हा परिषदेच्या माजी सदस्य श्रीमती आशाताई बुचके, श्री. पांडूरंग पवार उपस्थित होते. यावेळी जिल्हाधिकारी श्री. जितेंद्र डूडी, महावितरणचे प्रादेशिक संचालक श्री. भुजंग खंदारे, मुख्य अभियंता श्री. सुनील काकडे, अधीक्षक अभियंता श्री. युवराज जरग, कार्यकारी अभियंता श्री. शांताराम बांगर उपस्थित होते.

जुन्नर तालुक्यातील बोरी (बु) व परिसरातील गावे व वाड्या वस्त्यांना महावितरणच्या शिरोली येथील ३३/११ केव्ही उपकेंद्राद्वारे वीजपुरवठा करण्यात येतो. मात्र शिरोलीचे उपकेंद्र अतिभारित झाल्यामुळे वीजपुरवठा कमी दाबाने होतो व खंडित होण्याचे प्रमाण अधिक आहे. यावर उपाय म्हणून बोरी (बु.) येथे कृषी धोरण २०२० योजनेतून ९ कोटी ८६ लाख रुपये खर्चाचे नवीन ३३/११ केव्ही उपकेंद्र उभारण्यात येत आहे. या उपकेंद्रातून ११ केव्हीच्या ६ वीजवाहिन्या निघणार आहे. त्याद्वारे बोरी बुद्रुक, बोरी खुर्द, कोरडेमळा, माळवाडी, साईनगर गावठाण, शिंदेमळा, बोरी खुर्द गावठाण, वसईमळा तसेच वाड्यावस्त्यांना दर्जेदार व सुरळीत वीजपुरवठा होणार आहे.

सोबतच सध्या अतिभारित शिरोली उपकेंद्राचा वीजभार देखील कमी होणार आहे. त्याचा फायदा औरंगपुरा, निमगाव, सावा, शिरोली, सुलतानपूर आदी गावांना होणार आहे. या उपकेंद्रासाठी ३३ केव्ही व ११ केव्हीच्या २४ किलोमीटर उपरी तर ७ किलोमीटर भूमिगत नवीन वीजवाहिन्या टाकण्यात येतील. तसेच उपकेंद्रामध्ये ५ एमव्हीएचे दोन पॉवर ट्रान्सफॉर्मर लावण्यात येणार आहे.

उपमुख्यमंत्र्यांच्या हस्ते नारायणगाव पोलीस ठाण्याच्या नवीन इमारतीचे लोकार्पण

पुणे, दि.24: महाराष्ट्र पोलीस दलातील शूर कर्तव्यदक्ष पोलीस अधिकाऱ्यांनी महाराष्ट्र पोलीस दलाचा लौकिक वाढविला आहे, यामुळे पोलीस दलाचा एक गौरवशाली इतिहास आहे; यापुढेही अशाच पद्धतीने देशासह जागतिक पातळीवर पोलीस दलाचा लौकिक वाढविण्यासोबत पोलीस दलाचे सामर्थ्य सिद्ध करण्यासाठी चांगले काम करावे, असे प्रतिपादन राज्याचे उपमुख्यमंत्री तथा जिल्ह्याचे पालकमंत्री अजित पवार यांनी केले.

पुणे ग्रामीण पोलीस अधीक्षक कार्यालयाच्या अधिनस्त नारायणगाव पोलीस ठाणे नवीन इमारतीच्या लोकार्पण प्रसंगी ते बोलत होते. यावेळी म्हाडाच्या पुणे गृहनिर्माण व क्षेत्र विकास मंडळाचे सभापती शिवाजीराव आढळराव पाटील, आमदार दिलीप वळसे पाटील, माजी आमदार अतुल बेनके, जिल्हाधिकारी जितेंद्र डुडी, पोलीस अधीक्षक संदीप सिंह गिल्ल, अपर पोलीस अधीक्षक रमेश चोपडे, उप विभागीय अधिकारी गोविंद शिंदे, परिविक्षाधीन पोलीस उपअधीक्षक भाग्यश्री धीरबस्सी, उप विभागीय पोलीस अधिकारी रवींद्र चौधर आदी उपस्थित होते.

नागरिकांच्या अपेक्षापूर्ती करण्याकरीता काम करावे

श्री. पवार म्हणाले, पोलीस ही शासन व्यवस्थेतील महत्त्वाची संस्था असून शासनाचा दृश्य प्रतिनिधी म्हणून ते काम करीत असतात. पोलीस दलाकडून देण्यात येणाऱ्या वागणुकीवर समाजात पोलीस दलाची पर्यायाने शासनाची प्रतिमा निर्माण होत असते.

पोलीस ठाण्यात आल्यानंतर नागरिकांना चांगली सेवा मिळाली पाहिजे, समाजातील अपप्रवृत्तीस प्रतिबंध घालण्यासोबतच चुकीचे काम करणाऱ्यांना शासन झाले पाहिजे, त्यामध्ये राजकीय हस्तक्षेप नसला पाहिजे आणि कायदा सुव्यवस्था सुस्थितीत राहिली पाहिजे, अशी अपेक्षा नागरिकांची असते. त्यामुळे शासन म्हणून नागरिकांच्या अपेक्षापूर्ती करण्याकरीता काम स्वच्छ, पारदर्शक पद्धतीने काम करावे.

पोलीस दलाला पायाभूत सुविधा उपलब्ध करुन देणे राज्य शासनाची जबाबदारी

राज्यात 21 हजार कोटी रुपये सर्व जिल्ह्यांच्या जिल्हा नियोजन समितीला उपलब्ध करुन देण्यात आले आहे. यापैकी पोलीस दलाच्या पायाभूत सुविधांकरिता 600 कोटी रुपये मंजूर करण्यात आले आहे. यामध्ये राज्यात 1 हजार 400 कोटी रुपयाचा सर्वाधिक निधी पुणे जिल्ह्याला दिला असून यापैकी 42 कोटी रुपये जिल्हा पोलीस दलाकरिता मंजूर करण्यात आले. त्यामुळे पुणे व पिंपरी चिंचवड शहर आणि जिल्हा ग्रामीण दलाने एकत्रितरित्या समन्वयाने सायबर गुन्हे प्रतिबंधात्मक उपाययोजना, अँटी ड्रोन गन, सीसीटीव्ही कॅमेरे, वाहने अशाप्रकारे नागरिकांच्या सुरक्षितेतच्यादृष्टीने प्राधान्याने पोलीस दलासाठी आवश्यक असणाऱ्या बाबींवर भर देण्याचा सूचना दिल्या आहे.

राज्य शासनाच्या कार्यालयांच्या नूतनीकरणावर भर

राज्य शासनाच्या कार्यालयाच्या इमारतींचे नूतनीकरणावर भर देण्यात येत असून त्यानुसार सर्वत्र काम सुरु आहे. आज नारायणगाव पोलीस ठाण्याची 3 एकर जागेपैकी 10 गुंठ्यांत हे नवीन इमारतीचे काम झाले असून शहराच्या वैभवात भर पडली आहे. पोलीस अधिकारी व कर्मचाऱ्यांची सोय झाली आहे. तसेच नागरिकांच्या मनातील सुरक्षिततेची भावना आणखीन वाढेल. त्यामुळे पोलीस ठाण्याचा कारभार नागरिकांच्या अपेक्षा पूर्ण करण्यासोबतच त्यांचा विश्वास संपादन करणारा असावा.

पोलीस दलाकरिता निवास्थानाचे बांधकाम करण्यात येईल

पोलीस अधिकारी व कर्मचाऱ्यांना चांगल्या पद्धतीने सेवा देता यावी, त्यांच्या कुटुंबियाची सोय व्हावी याकरीता नारायणगाव पोलीस स्टेशन परिसरात 10 पोलीस अधिकारी व 100 अंमलदारांकरिता निवासस्थाने बांधकाम करण्यात येईल, असेही श्री. पवार म्हणाले.

श्री. गिल्ल म्हणाले, नारायणगाव पोलीस ठाण्याच्या हद्दीत एकूण 19 गावे असून या पोलीस ठाण्यांतर्गत निमगावसावा येथे दुरक्षेत्र आहे. या पोलीस ठाण्यांतर्गत 4 अधिकारी व 46 अंमलदार आहेत. पोलीस स्टेशनची इमारत जुनी झाल्याने नवीन इमारतीबाबत शासनास प्रस्ताव सादर करण्यात आला होता. त्यानुसार महाराष्ट्र राज्य पोलीस निर्माण व कल्याण महामंडळ मर्यादीत मुबंई यांच्याकडून पोलीस स्टेशन करीता 18 एप्रिल 2023 रोजी नवीन इमारत बांधकामास मंजूरी मिळावी. या इमारतीचे 5 कोटी 6 लाख रुपये खर्च करून 27 जानेवारी 2025 रोजी पूर्ण करण्यात आले आहे.

यामध्ये सोलार पॉवर जनरेशन, वर्षा जलसंधारण (रेन वॉटर हार्वेस्टिंग) स्वतंत्र पाण्याची टाकी, फर्निचर व इतर सर्व सुविधांसह सुसज्ज इमारत आहे. नवीन इमारतीमध्ये अभ्यंगत कक्ष, भव्य बैठक कक्ष, हिरकणी कक्ष, विश्रांती कक्ष पोलीस ग्रंथालय, पोलीस कवायत मैदान, रनिंग ट्रॅक, हॉलीबॉल मैदान, जनसेवा केंद्र, महिला मदत केंद्राची निर्मिती केली असून महिला व वृद्धाच्या मदतीकरिता निर्भया पथक, भरोसा सेल, महिला दक्ष संमती, जेष्ठ नागरीक मदत केंद्र आदी कार्यरत आहेत.

मुख्यमंत्री यांच्या निर्देशानुसार 100 दिवस कृती आराखडाअंतर्गत पुणे विभागातून नारायणगाव पोलीस यांनी प्रथम कंमाक मिळविला आहे तसेच स्मार्ट ए प्लसप्लस आयएसओ मानांकन प्राप्त झाले आहे.

नारायणगाव पोलीस ठाण्यापासून जवळच मंचर पारगाव, आळेफाटा, जुन्नर, ओतूर ही पोलीस ठाणी असून नारायणगाव पोलीस ठाणे परिसरात 10 पोलीस अधिकारी व 100 अंमलदाराकरिता निवासस्थाने बांधकाम करण्यास मान्यता मिळण्याची मागणी श्री. गिल्ल यांनी केली.

यावेळी माजी जिल्हा परिषद सदस्या आशा बुचके, कृषी विज्ञान केंद्राचे अध्यक्ष कृषीरत्न अनिल मेहर,

नारायणगावचे सहायक पोलीस निरीक्षक महादेव शेलार, कृषी उत्पन्न बाजार समितीचे सभापती संजय काळे यांच्यासह परिसरातील विविध क्षेत्रातील मान्यवर उपस्थित होते.

 वेल्हासह ४१ गावांचा विळखा सुरू आहे

पुणे, दि. २४ मे २०२५ : कामथडी ते पाबे (ता. राजगड, जि. पुणे) सुमारे ४० किलोमीटर लांब ३३ केव्ही पाबे वीजवाहिनी तारा शुक्रवार (दि. २३) शनिवार ११.३० च्या स्थानिक तुटल्या. ४१ गावे, वाड्या वस्त्य ६ हजार ग्राहकांचे वाटा खंडित झाले. मात्र भर पावसात महाअभियंता व विरतेच्या जंगलातील चिखल तुडवत, कोल्ह्यां चा संकटे अनेक धोके पत्करत रात्रीभर वीजयंत्रणेचे काम केले. खूप मतदान (२४) सकाळच्या अनुभव वेल्हा, पाबे वाजे घर आदींसह ४१ गावे आणि वाड्यावस्त्यांचा वीज लाभ सुरळीत

खाली अशी की, महावित नसरापूर उपविभाग अंतर्गत पाबे ३३ केव्ही वीजवाहिनीद्वारे राजगड (वेल्हे माहिती) महिलांच्या पाबे ३३ केव्ही उपेंद्रांला लाभ लाभ दिला. या उपकेंद्र संच चार वीजांद्वारे वेल्हा गाव, पाबे, दापोडी, विंभूळ, वाजेघर, पाल आदींसह सुमारे ६ हजार वस्त्ये, व्यावसायिक व शेतीपंपांना गाव गावे होते. मात्र, ४० किलोमीटरची चौकी आणि पूर्णतः जंगलात पाबे वीजवाहिनीमध्ये (दि. ११. २३) शनिवार ३० च्या घटना बिघाड झाल्या. या सर्व ग्राहकांचा वीज खंडित झाला.

महावितरणकडून पुढीलच बिघाड शोधण्याचे काम सुरू झाले. सातारा समुद्रतळारण येथील निबिड जंगल वादळ वाऱ्यासह मुसळधार पावसाने चार वीज खाबांवरील तारा तुटले लोक आले. ज्या ठिकाणी वीजतारा तुटल्या त्या ठिकाणी जाणे जास्त धोक्याचे व जिकरीचे होते. भाताच्या खाड्यात आणि जंगलातले निसर चिखल चालणे स्वस्थ बसले होते. मात्र उपकार्यकारी अभियंता श्री. नवनाथ घाटूळे, वेल्हाचे अधिकारी कनिष्ठ अभियंता सचिन कुलकर्णी मुजावर, सूर्यकांतवीर, गणेश, राहुल भुरूक, रवी कातुरडे, नीलेश शेंडकर, गणेश गायके, अमोल डांगे, चेतन चोरगे, अमोल भोरे या १० तंत्रज्ञ समुच्चयांचा निर्णय घेतला. थेट या १२ प्रकाशदूतांनी भर पावसात जंगलातून पायदळ सामुग्री नेत मोबाइल, साधनाच्या उजेडात तुटलेल्या जोडण्याचे काम १२.१५ मध्यरात्री सुरू केले. रानडुक्क कोल्ह्यांचे वावर व सर्व सावध होते. प्रधान तंत्रज्ञ समीर मुजावर कोल्हे सैनिकांच्या तयारीत असताना दोन-ती सहकाऱ्यांनी आरडाओरड केली. कोल्ह्यांच्या तोंडावर प्रकाशझोत टाकला. ते कोल्हे पाऊन गेले.

पाबे वीजेच्या तुटलेल्या तारा जोडण्याचे ० टक्के काम तास पूर्ण सहकार्य किरकोळ यात आली आणि पाबे ३३ केव्ही उपकेंद्राचा मुलगा मिळाला. त्यानंतर या उपेंद्र चार वीजेद्वारे १०.१५ च्या सर्वेच ६ हजार शेतकरी, व्यावसायिक व शेतीपंपांचे शेतकरी शेतकरी . तत्पर ग्राहक सेवेसाठी प्रतिकूल नैसर्गिक परिस्थितीशी झुंज वीज वीज अनुभव सुरळीत प्रकाशदूतांचे पुणे परिमंडलाचे मुख्य अभियंता श्री. सुनील काकडे यांनी कौतुक केले आहे.

पुणे: गुजरात , राजस्थान येथून पुण्यात कापड वाहतुकीच्या नावाखाली प्रतिबंधित गुटखा, पानमसाला आणि सिगारेटची तस्करी होत असल्याचा प्रकार समोर आला आहे. गुन्हे शाखेच्या पथकाने कारवाई करीत हा प्रकार उघडकीस आणला आहे.
याप्रकरणी फुरसुंगी पोलिस ठाण्यात 6 जणांविरुद्ध गुन्हा दाखल करण्यात आला आहे. तसेच गुटख्यासह टेम्पो, कंटेनर असा सुमारे एक कोटी १३ लाखांचा मुद्देमाल जप्त करण्यात आला आहे. ही कारवाई गुन्हे शाखेच्या पथकाकडून ऊरुळी देवाची येथील मंतरवाडी फाट्यावर करण्यात आली.

याप्रकरणी अजिनाथ बबन धुमाळ (वय ३१, चालक, रा. केशवनगर, मांजरी बुद्रुक), मदनसिंग चित्तो राम (वय ३८, चालक, रा. जम्मू काश्मीर), राधेशाम बाबुलाल वर्मा (रा. मंतरवाडी), मिथुन नवले (रा. गणेश पेठ), दौलतराम जांगिड (रा. मंतरवाडी) आणि निखिल अगरवाल (महाराष्ट्र फ्राईट कॅरिअर्स प्रा. लि. व चंद्राई वेअर हाऊस या गोडाऊनचे मालक) यांच्याविरोधात गुन्हा दाखल करण्यात आला आहे. याबाबत पोलीस हवालदार पृथ्वीराज किसन पांडुळे ( गुन्हे शाखा 5) यांनी फुरसुंगी पोलीस ठाण्यात तक्रार दिली आहे.

पोलिसांनी दिलेल्या माहितीनुसार, मंतरवाडी-कात्रज रस्त्यावर मोठ्या प्रमाणात कपड्याचे गोडाऊन्स आहेत. कपड्याचे व्यापारी गुजरात, तसेच राजस्थानमधून कापड आणून मंतरवाडी-कात्रज रस्त्यावरील गोडाऊन्समध्ये ठेवतात. मात्र कापड विक्रीच्या नावाखाली प्रतिबंधित गुटखा, पानमसाला आणि सिगारेटची तस्करी होत आहे. अशी माहिती पोलिसांना खबऱ्याकडून मिळाली. त्यानंतर मिळालेल्या माहितीनुसार, गुन्हे शाखेच्या पथकाने सोमवारी (१९ मे) साडेसहा वाजण्याच्या सुमारास मंतरवाडी-कात्रज रस्त्यावर उरुळी देवाची येथील एका हॉटेलच्या मागे छापा टाकून प्रतिबंधित गुटखा, पानमसाल्याची वाहतूक करणारा चालक धुमाळ याला टेम्पोसह अटक केली.

दरम्यान, तपासात कापडाच्या बॉक्समध्ये प्रतिबंधित गुटखा, पानमसाला असल्याचे पोलिसांना आढळून आले. तसेच अधिक तपासात या टेम्पोचा मालक आरोपी नवले असल्याचे समोर आले. चालकाकडे याबाबत चौकशी केली असता त्याच्याकडून मिळालेल्या माहितीनुसार, मंतरवाडी-कात्रज रस्त्यावरील पाण्याच्या टाकीजवळ छापा टाकत गुन्हे शाखेच्या पथकाने एक कंटेनर चालकासह ताब्यात घेतला आहे. मदनसिंग असं चालकाचं नाव आहे.

जप्त केलेल्या कंटेनरमधून प्रतिबंध केलेला पानमसाला, तंबाखू आणि सिगारेटची अवैधरीत्या बेकायदेशीर वाहतूक होत असल्याचे समोर आले. आरोपी निखिल अगरवालने तपासात सांगितल्यानुसार, चालक मदनसिंग याने दिल्लीवरुन प्रतिबंधित गुटखा आणि सिगारेटची कंटेनरमधून वाहतूक केल्याचे समोर आले.

दरम्यान, पोलिसांनी चंद्राई वेअर हाऊस नावाच्या गोडाऊनवर छापा टाकून ‘आरसीबी फॉर एक्सपोर्ट’ नावाचा प्रतिबंधित गुटखा गुन्हे शाखेने जप्त केला आहे.

गुन्हे शाखा 5 च्या कारवाईत पोलिसांनी 2 चालक, वाहनांचे मालक तसेच गोडाऊनचा व्यवस्थापक आणि मालक यांच्याविरुद्ध गुन्हा दाखल केला आहे. कारवाई करून पोलिसांनी 1 कोटी १३ लाख ७२ हजार ७५० रुपयांचा मुद्देमाल जप्त केला. पुढील तपास गुन्हे शाखेकडून करण्यात येत आहे.

पुणे (दि.२३) : शंभर दिवसांची कार्यालयीन सुधारणा मोहिमेमध्ये पुणे महानगर प्रदेश विकास प्राधिकरणाने तृतीय क्रमांक मिळवला. या कामगिरीबद्दल महानगर आयुक्त डॉ. योगेश म्हसे यांना मुख्यमंत्री देवेंद्र फडणवीस व उपमुख्यमंत्री एकनाथ श‍िंदे, उपमुख्यमंत्री अज‍ित पवार यांच्या हस्ते गौरव‍िण्यात आले होते. या विशेष मोहिमेमध्ये सर्व अधिकारी व कर्मचाऱ्यांनी घेतलेल्या मेहनतीमुळे पीएमआरडीएचे नाव राज्यस्तरावर पोहोचल्याने संबंधितांचा सत्कार ग.दि. माडगूळकर सभागृहात शुक्रवारी महानगर आयुक्त, अतिरिक्त महानगर आण‍ि मुख्य दक्षता अधिकारी तथा पोलीस अधीक्षक यांच्या हस्ते करण्यात आला.

शासनातर्फे नुकतीच १०० दिवसांची कार्यालयीन सुधारणा मोहीम राबवण्यात आली. यात उत्कृष्ट कामगिरीच्या आधारे पीएमआरडीएला राज्य स्तरावर तिसरा क्रमांकाचा पुरस्कार मिळाला. सर्व अधिकारी कर्मचाऱ्यांसह इतर संस्थांच्या सामूहिक प्रयत्नामुळेच पीएमआरडीएला हे यश मिळाल्याचे महानगर आयुक्त डॉ. योगेश म्हसे आण‍ि अतिरिक्त महानगर आयुक्त दीपक सिंगला यांनी आपल्या मनोगतात स्पष्ट केले. या सर्वांचा गौरव व्हावा, या उद्देशाने हा कार्यक्रम घेण्यात आला. यावेळी मुख्य दक्षता अधिकारी तथा पोलीस अधीक्षक अमोल तांबे, विकास परवानगी व नियोजन विभागाचे संचालक सुनील मरळे, मुख्य अभ‍ियंता र‍िनाज पठाण, प्रशासन विभागाच्या सह आयुक्त पूनम मेहता, मुख्य अग्निशमन अधिकारी देवेंद्र पोटफोडे यांच्यासह वर‍िष्ठ अधिकारी, कर्मचारी आणि विविध संस्थांचे पदाधिकारी उपस्थित होते.

विभागाअंतर्गत स्पर्धेतील यश
या विशेष मोहिमेअंतर्गत पीएमआरडीए कार्यालयातील विभागअंतर्गत स्पर्धा घेत अनुक्रमे प्रथम, द्वितीय आणि तृतीय क्रमांक काढण्यात आले. यात अनाधिकृत बांधकाम व निर्मूलन विभागाने प्रथम, जमीन व मालमत्ता विभाग द्वितीय आणि अभियांत्रिकी विभाग यांनी तृतीय क्रमांक मिळवला. यासह बांधकाम क्षेत्रातील संघटना, पीएमआरडीएअंतर्गत कार्यरत असलेल्या विविध खाजगी एजन्सीच्या पदाधिकारी व कर्मचाऱ्यांना यावेळी महानगर आयुक्त डॉ. योगेश म्हसे, अतिरिक्त महानगर आयुक्त दीपक सिंगला यांच्या हस्ते प्रमाणपत्र देऊन गौरवण्यात आले.

पुणे -पुण्याचे खासदार आणि केंद्रीय मंत्री मुरलीधर मोहोळ यांच्या खासदार जनसंपर्क सेवा अभियानाचा दुसरा टप्पा सुरू असून या दुसऱ्या टप्प्यात दुसरे अभियान कसबा विधानसभा मतदारसंघात रविवारी, दि. २५ मे, २०२५ रोजी सकाळी १० वाजता राबविण्यात येत आहे. शुक्रवार पेठेतील साठे कॉलनीमधील श्री शिवाजी मराठा सोसायटी या ठिकाणी हे अभियान होणार असून यात नागरिकांनी आपल्या समस्या, प्रश्न आणि नव्या कल्पना घेऊन सहभागी व्हावे, असे आवाहन केंद्रीय मंत्री मुरलीधर मोहोळ केले आहे.

खासदार म्हणून विजयी झाल्यानंतर मोहोळ यांनी विधानसभा निहाय खासदार जनसंपर्क सेवा अभियान अर्थात जनता दरबार सुरू केले असून या माध्यमातून नागरिकांचे प्रश्न, नागरी समस्या, प्रलंबित विषय आणि नव्या कल्पना समजून घेण्याचा प्रयत्न केला जात आहे. या अभियानाचा पहिला टप्पा पूर्ण होऊन दुसरा टप्पा सुरू झाला असून कोथरूडनंतर आता कसबा विधानसभा मतदारसंघातील नागरिकांना त्यांच्या समस्या मांडण्याची संधी मिळणार आहे. मोहोळ यांना भेटण्यासाठी सकाळी दहा वाजता प्रत्यक्ष नोंदणी सुरु होणार आहे. तर त्यानंतर टोकन नंबरद्वारे मोहोळ हे थेट नागरिकांना भेटतील. समस्या मांडण्यासोबतच नागरिकांना केंद्र आणि राज्य सरकारच्या लोककल्याणकारी योजनांची माहितीही उपलब्ध होणार आहे. शिवाय महापालिका प्रशासन, पोलिस प्रशासन आणि शासनाच्या विविध विभागांचे स्टॉल्स येथे उपलब्ध करून देण्यात येणार आहेत.

याबाबत माहिती देताना केंद्रीय मंत्री मोहोळ म्हणाले, ‘माझ्याकडे केंद्रीय मंत्रिपदाची जबाबदारी असली तरी खासदार या नात्याने पुणेकरांचे प्रश्न समजून घेणे आणि ते सोडविणे हे माझे कर्तव्यच आहे. आजवर झालेल्या ७ अभियानांना नागरिकांचा उत्तम प्रतिसाद मिळाला असून कसबा विधानसभा नागरिकांनीही आपले प्रश्न आणि समस्या घेऊन अभियानात सहभागी व्हावे, असे आवाहन करतो. आजवर आलेल्या प्रश्नांची सोडवणूक करण्यात चांगले यश मिळाले आहे. शिवाय या अभियानावर नागरिकांच्या प्रतिक्रियाही समाधानकारक आहेत.’