पुणे- पंतप्रधान नरेंद्र मोदी आणि भाजपा लोकसभेची निवडणूक वैयक्तिक टीका टिप्पणी करून व्यक्तिकेंद्री करू पाहत आहेत. मात्र, कॉंग्रेस- राष्ट्रवादी कॉंग्रेस आणि मित्र पक्षांच्या कार्यकर्त्यांनी त्यांच्या या व्यक्तीकेन्द्री ‘ट्रॅप’मध्ये न अडकता ही निवडणूक मुद्द्यांवर आणावी असे आवाहन माजी मुख्यमंत्री पृथ्वीराज चव्हाण यांनी केले.

पुणे शहर लोकसभा मतदार संघासाठी कॉंग्रेस- राष्ट्रवादी कॉंग्रेस, शेकाप, स्वाभिमानी शेतकरी संघटना,रिपब्लिकन पीपल्स आघाडी व मित्र पक्षांच्या आघाडीचे पुणे शहर लोकसभा मतदार संघाचे उमेदवार माजी आमदार मोहन जोशी व बारामती लोकसभा मतदार संघाच्या उमेदवार सुप्रिया सुळे यांचे उमेदवारी अर्ज आज दाखल करण्यात आले. त्यानिमित्त आयोजित प्रचारसभेत चावाहन बोलत होते.

माजी उपमुख्यमंत्री व राष्ट्रवादीचे जेष्ठ नेते अजित पवार, माजी मंत्री हर्षवर्धन पाटील,अ. भा.काँग्रेस कमिटीच्या चिटणीस व महाराष्ट्राच्या सहप्रभारी सोनल पटेल, खासदार सुप्रिया सुळे, मोहन जोशी, खासदार वंदना चव्हाण,आमदार अनंत गाडगीळ, आमदार संग्राम थोपटे,  माजी मंत्री दिलीप वळसे पाटील, पुणे शहर काँग्रेसचे अध्यक्ष रमेश बागवे, पुणे शहर राष्ट्रवादी काँग्रेसचे अध्यक्ष चेतन तुपे,  कॉंग्रेसचे पुणे जिल्हाध्यक्ष संजय जगताप, जेष्ठ नेते उल्हासदादा पवार, डॉ. विश्वजित कदम, प्रवीण गायकवाड,  बाळासाहेब शिवरकर, बापू पठारे, प्रदीप गारटकर, दीप्ती चवधरी, कमल व्यवहारे, मोहनसिंग राजपाल,, अॅड. अभय छाजेड, अरविंद शिंदे, नगरसेवक आबा बागुल, वीरेंद्र किराड, रवींद्र धंगेकर,  डॉ.सतीश देसाई,सुषमाताई अंधारे, प्रकाश भालेराव, सचिन खरात, सागर अल्हाट,अमिरभाई शेख, अशोक मासाळ आदी यावेळी उपस्थित होते.

चव्हाण म्हाणाले, पंतप्रधान नरेंद्र मोडी आणि भाजपा लोकसभेची निवडणूक वैयक्तिक टीका टिप्पणी करून व्यक्तिकेंद्री करू पाहत आहेत. परंतु त्यांना उत्तरे देण्याच्या भानगडीत पडू नका तर त्यांना प्रश्न विचारा. भाजपला जाहीरनामा घोषित करता येणार नाही कारण मागच्या जाहीरनाम्यात आश्वासन दिलेली एकाही गोष्टीची पूर्तता त्यांनी केलेली नाही. कॉंग्रेसच्या काळात बँकांचे राष्ट्रीयकरण करण्यात आले. २० कलमी कार्यक्रम राबविण्यात आला. दारिद्र्य निर्मुलानाकारीता साधने निर्माण करून देण्यात आली. शिक्षणाचा, माहितीचा, असे विविध अधिकाराचे कायदे करण्यात आले. युपीएच्या काळात १४ कोटी लोक दारिद्र्य रेषेच्या वरती आले. यंदाच्या निवडणुकीसाठी कॉंग्रेस पक्षाने आपल्या जाहीरनाम्यात २० टक्के गरीब जनतेला म्हणजे ५ कोटी कुटुंबाला वर्षाला सरसकट ७२,०००/- रुपये देण्याचे आश्वासन दिले आहे. ते कसे द्यायचे याचे सर्व गणित तयार आहे. देशाच्या सुरक्षेचा विषय महत्वाचा आहे. परंतु पुलवामा, सर्जिकल स्ट्राईक याबाबत प्रश्न विचारायला घाबरू नका. तो आपला अधिकार असल्याचे त्यांनी नमूद केले. महाराष्ट्र दुष्काळाच्या छायेत आहे. परंतु राज्यात जनावरांसाठी चाऱ्याची सोय नाही, पाणी नाही, छावण्या नाही याबाबत त्यांना जाब विचारा व निवडणूक मुद्द्यांवर आणा असे ते म्हणाले. २०१४च्या निवडणुकीत भाजपला ३४ टक्के मते पडली होत. ६५ टक्के लोकांनी त्यांच्या विरोधात मतदान केले होते. परंतु आघाडीच्या अंतर्गत मतभेदामुळे भाजप त्यातून सटकून गेला. परंतु यावेळी ते होणार नाही. २३ पक्षांची आघाडी झाली असून आता आपल्या मतांचे विभाजन होणार नाही. त्यामुळे भाजपला १७० पेक्षा जास्त जागा मिळणार नाहीत आणि मोदी पुन्हा पंतप्रधान होणार नाहीत असेही त्यांनी सांगितले.

अजित पवार यांनी आपल्या भाषणात भाजप व केंद्र सरकारवर सडकून टीका केली. ते म्हणाले, डॉ. मनमोहन सिंग हे कमी बोलतात अशी टीका त्यावेळी आताचे सत्ताधारी करीत होते. डॉ. मनमोहन सिंग हे कमी बोलत असतील पण ते मुद्द्यांच आणि कामाच बोलत असत. पंतप्रधान मोदी यांनी शेतकरी, तरुणाचा रोजगार, याबाबत पाच वर्षात काय कामे केली ही जनतेसमोर आणा असे आव्हान त्यांनी दिले.

पुणे शहरात पाणी प्रश्न गंभीर होऊन बसला असून त्यावर सत्ताधारी पक्षाकडून कोणत्याही प्रकारचे नियोजन केले जात नाही. शहराला आणि जिल्ह्याला पाणी पुरवठा करणारी धरणे कोरडी पडली आहेत.आम्ही सत्तेमध्ये असताना कधीही शहरी आणि ग्रामीण भागाला पाणी कमी पडू दिले नाही. मात्र आताचे सरकार पाण्याचे नियोजन करण्यात अपयशी ठरले आहे.

केंद्रात आणि राज्यात आमची सत्ता असताना. विरोधकांना कधीही वेठीस धरले नाही. पण आताचे सत्ताधारी सत्तेचा गैर वापर करून चौकशी लावण्याची भीती दाखवून  आणि संस्था वाचवण्यासाठी आर्थिक आमिषे दाखवून  तर काही व्यक्तिना पदे देऊन भाजपात घेतले जात आहे. त्यांच्याकडे गेले आहेत, त्यांच्या बरोबर मी काम केले आहे. त्यांची मला सर्व अंडी पिल्ले माहिती आहेत. जे गेले त्यांनी थोडी कळ काढली पाहिजे होती असेही ते म्हणाले.

२०१४ च्या निवडणुकीत पुण्यातून अनिल शिरोळे यांना पुणेकर नागरिकांनी प्रचंड मतांनी निवडून दिले.  त्यांनी पाच वर्षात काय केले याचे प्रगती पुस्तक काढले. मात्र, त्यांच्याच पक्षाने त्यांना नापास केले. त्यांचे तिकीट कापून पालकमंत्र्यांना तिकीट दिले. विद्यमान खासदारांचे तिकीट का कापले याचे उत्तर भाजपने द्यावे असे आव्हान त्यांनी दिले.

मोहन जोशी म्हणाले, पुण्याच्या पालकमंत्र्यांनी पाच वर्षात पुणेकरांची घोर निराशा केली आहे. मी खरा सच्चा पुणेकर असून माझी पुण्याची बांधिलकी आहे. मागच्या खासदारांनी जेवढे काम केले त्यापेक्षा दुप्पट काम करून आपण दाखऊ.

सुप्रिया सुळे म्हणाल्या, युपीएचे सरकार सत्तेवर आले तर शेतकऱ्यांची सरसगट कर्जमाफी आम्ही करू. शासनाच्या ज्या योजना आहेत त्या सर्व योजनांची अंबलबजावणी बारामती ताकुक्यात झाली आहे. बारामती तालुका कुपोषणमुक्त केल्याशिवाय राहणार नाही असे त्यांनी सांगितले. पंतप्रधान मोदी आणि भाजप आम्ही ६० वर्षात काय केले असे विचारतात आता त्यांनी पाच वर्षात काय केले याचा हिशेब द्यावा, आम्ही निर्माण केल्या शिक्षण संस्थांमध्ये  आपण शिक्षण घेतले व लिहायला वाचायला शिकले असा उपरोधिक टोला त्यांनी लगावला. केंद्रातील सरकार हे फेकू सरकार आहे. या सरकारकडे पाच वर्षात काय केले याबाबत बोलण्यासारखे नसल्याने ते वैयक्तिक टीका करत आहेत. परंतु ही निवडणूक पवार कुटुंबाची नाही. ही निवडणूक महागाई, बेरोजगारी, महिलांची सुरक्षा याबाबत विचार करण्याची आहे असे त्यांनी सांगितले.

माजी मंत्री हर्षवर्धन पाटील, आमदार अनंत गाडगीळ, दिप्ती चवधरी, कमाल व्यवहारे, अॅड. अभय छाजेड, प्रवीण गायकवाड,  अरविंद शिंदे, महेश शिंदे, सुषमाताई अंधारे, प्रदीप गारटकर, अमीरभाई शेख, अशोक मासाळ, सागर आल्हाट, सचिन खरात, प्रकाश भालेराव यांचीही यावेळी भाषणे झाली. पुणे आणि बारामती लोकसभा मतदार संघातील हजारो कार्यकर्ते यावेळी उपस्थित होते.

पुणे- लोकसभा २०१९ ची निवडणूक ही हुकुमशाही विरुध्द लोकशाहीची निवडणूक आहे. संविधान, लोकशाही आणि मानवतेच्यादृष्टीने ही निवडणूक आहे. त्यामुळे कॉंग्रेस-राष्ट्रवादी आणि मित्र पक्षाच्या कार्यकर्त्याने आपण स्वत:च उमेदवार आहोत असे समजून एकदिलाने काम करून पुणे शहर, बारामती, शिरूर आणि मावळच्या जागा जिंकून केंद्रातील भाजप सरकारला सत्तेवरून खाली
खेचावे असे आवाहन कॉंग्रेस-राष्ट्रवादी कॉंग्रेस व मित्र पक्षांच्या नेत्यांनी केले. कॉंग्रेस आघाडीचे उमेदवार म्हणून मोहन जोशी यांचीनिवड झाल्याबद्दल कॉंग्रेस भवनात कार्यकर्त्यांनी जल्लोष केला .

पुणे शहर लोकसभा मतदार संघासाठी कॉंग्रेस- राष्ट्रवादी कॉंग्रेस, शेकाप, स्वाभिमानी शेतकरी संघटना,रिपब्लिकन पीपल्स आघाडी व
मित्र पक्षांच्या आघाडीचा उमेदवार म्हणून माजी आमदार मोहन जोशी यांची सोमवारी रात्री उशिरा उमेदवारी जाहीर झाली.
त्यानिमित्त मंगळवारी दुपारी कॉंग्रेस भवन येथे आघाडीच्या कार्यकर्त्यांचा मेळावा आयोजित करण्यात आला होता. माजी
उपमुख्यमंत्री व राष्ट्रवादीचे जेष्ठ नेते अजित पवार, माजी मंत्री हर्षवर्धन पाटील,अ. भा.काँग्रेस कमिटीच्या चिटणीस व
महाराष्ट्राच्या सहप्रभारी सोनल पटेल, खासदार वंदना चव्हाण, आमदार अनंत गाडगीळ, आमदार संग्राम थोपटे, पुणे शहर काँग्रेसचे अध्यक्ष रमेश बागवे, पुणे शहर राष्ट्रवादी काँग्रेसचे अध्यक्ष चेतन तुपे, पिंपरी-चिंचवड शहर काँग्रेसचे अध्यक्ष
सचिन साठे, राष्ट्रवादी काँग्रेसचे अध्यक्ष संजोग वाघीरे, कॉंग्रेसचे पुणे जिल्हाध्यक्ष संजय जगताप, जेष्ठ नेते उल्हास पवार,माजी खासदार अशोक मोहोळ, नाना नवले, बाळासाहेब शिवरकर, श्रीकांत शिरोळे, प्रदीप गारटकर, दिलीप बराटे, दीप्ती
चवधरी, कमल व्यवहारे, मोहनसिंग राजपाल, अॅड. अभय छाजेड, अरविंद शिंदे, डॉ.सतीश देसाई, यावेळी उपस्थित होते.
अजित पवार म्हणाले, कार्यकर्त्यांचा उत्साह हा निवडणुकीचे वारे दर्शवणारा आहे. हा उत्साह तीन आठवडे असाच टिकवला पाहिजे. पुढे पुढे तो वाढत गेला पाहिजे. प्रत्येक कार्यकर्त्याने जीव झोकून देऊन काम केले तर त्याचा परिणाम आगामो विधानसभा निवडणुकांमध्ये दिसेल. महाराष्ट्राची सत्ता पुन्हा कोणाच्या हातात द्यायची हा निर्णय ठरवणारी ही लोकसभेची निवडणूक आहे.
पंतप्रधान नरेंद्र मोदी यांनी वर्धा येथील जाहीर सभेत पवार कुटुंबीयांबद्दल केलेल्या विधानाचा समाचार घेत अजित पवार म्हणाले,
पंडित नेहरूंपासून डॉ. मनमोहनसिंगांपर्यंत अनेक पंतप्रधान मी पाहिले. परंतु मोदींसारखे पंतप्रधान मी पाहिले नाही. पंतप्रधानांनी
देशातील बेरोजगारी, शेतकऱ्यांच्या आत्महत्या यासाठी काय केले, मुलींवर होणारे अत्याचार त्यांचे संरक्षण, कामगारांचे प्रश्न, महागाई, इंधनाच्या वाढत्या किमती याबाबत बोलणे अपेक्षित असताना ते पवारांच्या कुटुंबाबद्दल बोलले. पवार कुटुंब त्यांचे बघण्यासाठी समर्थ आहेत. पवार साहेब आमचे काल, आज आणि उद्याही दैवतच असेल असे त्यांनी स्पष्ट केले. दरवर्षी २ कोटी रोजगार असे पाच वर्षात १० कोटी रोजगार दिले का? दुष्काळाने महारष्ट्र होरपळत असताना चार्यांच्या छावण्या, पाण्याचे टँकर याबाबत बोलण्याऐवजी पवार घराण्याबद्दल बोलता मात्र, पंतप्रधान मोदींचा आदर ठेवून जर त्यांना तुमच्या कुटुंबाबद्दल काय? असे
म्हटले तर? असं सवाल त्यांनी केला.डॉ. बाबासाहेबांनी आपल्याला संविधान, कायदा आपल्या हातात दिला. त्याचा आदर आपण करायला पाहिजे. त्यासाठी ही निवडणूक महत्वाची असून चारही मतदार संघात जिथे ज्या पक्षाचा उमेदवार असेल त्या पक्षाच्या पदाधिकाऱ्यांनी दुसर्या मित्र पक्षाच्या पदाधिकारी व कार्यकर्त्यांचा सन्मान ठेवा, राष्ट्रवादी कॉंग्रेसचा कुठलाही कार्यकर्ता कुठेही कमी पडणार नाही, रुसणार नाही,फुगणार नाही व कुठलीही वेगळी अपेक्षा करणार नाही अशी ग्वाही त्यांनी दिली.

वर्धा येथे झालेल्या पंतप्रधान मोदींच्या सभेला ३५ हजार संख्या होती. ही गर्दी २ लाखावरून ३५ हजारावर आळी आहे. २०१४ ला ऊन होते आणि आता ऊन आहे. मात्र हवा बदलती आहे हे लक्षात घ्या आणि जीव ओतून काम करा विजय आपलाच आहे असे आवाहन पवार यांनी केले.
हर्षवर्धन पाटील म्हणाले, २०१९ ची लोकसभेची निवडणूक ही ही केवळ उमेदवारापुरती, देशासाठी अथवा महाराष्ट्रासाठी नसून
प्रत्येकाच्या प्रपंचाकरीता अस्तित्वाची लढाई आहे. सर्व मित्र पक्षांच्या कार्यकर्त्यांनी किंतु परंतु मनात न ठेवता एकदिलाने काम करून
पुन्हा एकदा सत्ता खेचून आणा असे आवाहन त्यांनी केले.
सोनाल पटेल म्हणाल्या, आपल्याला देशात कॉंग्रेस आघाडीची सत्ता आणण्यासाठी महाराष्ट्रातील जास्तीत जास्त जागा जिंकून
आणायच्या आहेत. केंद्रातील सध्याचे सरकार घालवण्यासाठी सर्वांनी एकदिलाने काम करावे असे आवाहन त्यांनी केले.
उल्हास पवार म्हणाले, लोकशाही, संविधानाच्या दृष्टीने २०१९ ची निवडणूक अतिटतीची आहे. मोहन जोशी यांना आपण अगदी सामान्य कार्यकर्ता असल्यापासून पाहत आहोत. त्यांना तिकीट म्हणजे सामान्य कार्यकर्त्याला तिकीट असे असल्याने आपण
स्वत; निवडणुकीसाठी उभे आहोत या भावानेने सर्वांनी काम करावे. कुठल्याही अफवांवर विश्वास ठेवू नका एकदिलाने काम करा असे
आवाहन त्यांनी केले.
चेतन तुपे म्हणाले, मोहन जोशी यांना तिकीट मिळाले ही आनंदाची बाबा आहे. हुकुमशाही विरुध्द लोकशाही अशी ही लढाई
असल्याने राष्ट्रवादीचे कार्यकर्ते एकदिलाने काम करतील.
मोहन जोशी म्हणाले, २०१९ ची निवडणूक ही ऐतिहासिक निवडणूक आहे. देशाला डॉ. बाबासाहेब आंबेडकरांनी घटना दिली.
संविधान संपविण्याचे काम सध्याच्या केंद्रातील सरकारने चालवले आहे. त्याबाबत निर्णय घेण्याची ही निवडणूक आहे. पुणे,
बारामती, मावळ आणि शिरूर ही चारही जागा आपल्याला जिंकायच्या असून त्यासाठी सर्वांनी एकत्र येवून काम करावे असे आवाहन
त्यांनी केले.

पुणे- पुणे लोकसभा मतदारसंघातील भाजप, सेना, आरपीआय (ए), रासप व शिवसंग‘ाम महायुतीचे उमेदवार गिरीश बापट आणि बारामती लोकसभा मतदारसंघातील महायुतीच्या उमेदवार कांचनताई कुल यांनी मिरवणुकीने जाऊन आज आपले उमेदवारी अर्ज दाखल केले. श्री. बापट यांनी जिल्हाधिकारी नवलकिशोर राम यांच्याकडे दुपारी बारा वाजता उमेदवारी अर्ज सादर केला.

राज्याचे महसुल मंत्री चंद्रकांत पाटील, शिवसेनेच्या उपनेत्या आमदार डॉ. नीलम गोर्‍हे, दुग्धविकास मंत्री महादेव जानकर, शिवसंग‘ामचे अध्यक्ष आमदार विनायक मेटे, समाजकल्याण राज्यमंत्री दिलीप कांबळे, जलसंपदा राज्यमंत्री विजय शिवतारे, शिवसेनेचे संपर्क प्रमुख बाळा कदम, भाजपचे शहराध्यक्ष योगेश गोगावले, शिवसेनेचे शहर प्रमुख चंद्रकांत मोकाटे, महादेव बाबर, आरपीआयचे शहराध्यक्ष अशोक कांबळे, शिवसंग‘ामचे शहराध्यक्ष भरत लगड, रासपचे शहराध्यक्ष सनी रायकर, खासदार अनिल शिरोळे, खासदार संजय काकडे, आमदार माधुरी मिसाळ, राहुल कुल, भीमराव तापकीर, विजय काळे, प्रा. मेधा कुलकर्णी, योगेश टिळेकर, जगदीश मुळीक, महेश लांडगे, महापौर मुक्ता टिळक, उपमहापौर डॉ. सिद्धार्थ धेंडे, स्थायी समितीचे अध्यक्ष सुनील कांबळे, सभागृह नेता श्रीनाथ भिमाले यांची प्रमुख उपस्थिती होती.

मिरवणुक सुरू होण्यापूर्वी गिरीश बापट यांनी प्रमुख नेत्यांसह पुण्याचे ग‘ामदैवत कसबा गणपतीचे दर्शन घेतले. कसबा गणपती मंदिरापासून सुरू झालेल्या मिरवणुकीचा ङ्गडके हौद चौक, दारूवाला पूल मार्गे नरपतगिरी चौकात समारोप झाला. महायुतीचे दहा हजारहून अधिक कार्यकर्ते मिरवणुकीत सहभागी झाले होते. सर्व आमदार, नगरसेवक जथ्या जथ्याने मिरवणुकीत सामील होत होते. शिवसेना, रिपब्लिकन पार्टी ऑङ्ग इंडिया (ए), रासप, शिवसंग‘ाम, लोकजनशक्ती पार्टी, पतित पावन संघटना, हिंदू एकता आंदोलन आणि विविध दलित संघटनांच्या कार्यकर्त्यांची सं‘या लक्षणीय होती.

मिरवणुकीच्या मार्गावर ठिकठिकाणी शुभेच्छा देणार्‍या रांगोळ्या काढण्यात आल्या होत्या. ध्वनिक्षेपकावर प्रचाराची गाणी लावून स्वागत करण्यात येत होते. महिलांनी ठिकठिकाणी औक्षण केले. ङ्गटाक्यांची आतषबाजी, ढोल-ताशांचा गजर, बँड पथकावरील देेशभक्तीपर गाणी आणि कार्यकर्त्यांनी दिलेल्या जयघोषाच्या घोषणांनी परिसर दुमदुमुन गेला होता. मैं भी हूं चौकीदार, ङ्गिर एक बार मोदी सरकार, पुण्याची ताकद गिरीश बापट या घोषणा कार्यकर्ते उत्स्ङ्गूर्तपणे देत होते. महिला कार्यकर्त्या आणि युवकांचा मोठा सहभाग होता. मै भी हूं चौकीदार टोप्या घातलेले कार्यकर्ते लक्षवेधत होते. आरपीआयचे कार्यकर्ते झेंडे घेऊन मोठ्या सं‘येने मिरवणुकीत सहभागी झाले होते. उन्हाची तीव‘ता लक्षात घेऊन कार्यकर्त्यांना पाणी व ताक वाटपाची व्यवस्था करण्यात आली होती. सकाळी सव्वा अकराच्या सुमाराला मिरवणुकीत नरपतगिरी चौकात पोहोचली. या ठिकाणी मिरवणुकीचे जाहीर सभेत रूपांतर झाले. यावेळी महायुतीचे दहा हजारहून अधिक कार्यकर्ते उपस्थित होते.

या सभेत बोलताना गिरीश बापट म्हणाले, ‘आयुष्यभर घाम गाळणार्‍या महायुतीच्या कार्यकर्त्यांना मी सलाम करतो. कार्यकर्ता हा संघटनेचा आत्मा आहे. अशा कार्यकर्त्यांच्या जोरावरच पक्षाचा विचार जिवंत राहीला आहे. आमचा पक्ष सर्वसामान्य कार्यकर्त्यांचा पक्ष आहे. आमच्याकडे घराणेशाही नाही. गेल्या पन्नास वर्षांत कॉंग‘ेसला देशाचा विकास करता आला नाही. मात्र गेल्या पाच वर्षांत केंद्रातील व राज्यातील भाजप सरकारने विकासाचे अनेक प्रकल्प मार्गी लावले आहेत. त्यामुळे देशात चांगले वातावरण आहे. नरेंद्र मोदी पुन्हा देशाचे पंतप्रधान होणार आहे. आम्ही घराणेशाहीत जन्माला आलेले कार्यकर्ते नाहीत. आमच्या राष्ट्रीय स्वयंसेवक, कुटुंब आणि शिक्षकांचे चांगले संस्कार आहेत. देश, धर्म आणि समाजासाठी काम करणारे आम्ही कार्यकर्ते आहोत. पंधरा वर्षे महापालिकेत नगरसेवक, पंचवीस वर्षे आमदार अशी जनतेची सेवा करण्याची संधी मला मिळाली. आता मी लोकसभेत प्रतिनिधित्व करावे अशी सर्वांचीच इच्छा आहे. त्यामुळे मी या निवडणुकीस उभा राहात आहे. घरोघरी जाऊन विकासाची कामे मतदारांपर्यंत पोहोचवा. गहाळ राहू नका.’

कांचन कुल म्हणाल्या, ‘सर्वसामान्य जनता आणि महायुती आमच्या मागे खंबीरपणे उभी आहे. कार्यकर्त्यांची मोठी ङ्गळी कार्यरत आहे. कशाला कुणाची भिती पाठीशी आहे महायुती. त्यामुळे बारामतीत महायुतीचा विजय निश्‍चित आहे.’

चंद्रकांत पाटील म्हणाले, ‘पश्‍चिम महाराष्ट्रातील लोकसभेच्या दहाही जागा जिंकायच्या आहेत. त्याची सुरूवात पुणे आणि बारामतीपासून होणार आहे. या जागा नुसत्याच जिंकायच्या नसून प्रचंड मताधिक्याने जिंकायच्या आहेत. पुण्याची जागा देशातील सर्वाधिक मताधिक्याने निवडून आणायची आहे. महाराष्ट्रात आणि बारामतीत कांचनताईंच्या हस्ते परिवर्तन घडणार आहे.’

डॉ. नीलम गोर्‍हे म्हणाल्या, ‘पुणे तेथे काय उणे असे म्हटले जायचे परंतु आता पुणे तेथे राष्ट्रवादी व कॉंग‘ेस उणे असे म्हणावे लागणार आहे. दोन्ही उमेदवारांना लाखो मतांनी निवडून द्यायचा संकल्प करू या.’ महादेव जानकर म्हणाले, ‘बारामतीत महायुतीचा उमेदवार विजयी होणार आहे. देशातील परिवर्तनाची सुरूवात पुण्यापासून होणार आहे.’ विनायक मेटे म्हणाले, ‘महायुतीची वज‘मूठ अभेद्य आहे. देशाला व राज्याला पुढे नेण्याचे काम पूर्ण करण्यासाठी बापट व कुल यांना निवडून द्या.’ विजय शिवतारे म्हणाले, ‘महाराष्ट्रातील परिवर्तन बारामतीपासून होणार आहे. सेल्ङ्गीताई ग‘ीत बसणार आहेत आणि कांचनताई दि‘ीत जाणार आहेत.’

खासदार अनिल शिरोळे, संजय काकडे, समाजकल्याण राज्यमंत्री दिलीप कांबळे, महापौर मुक्ता टिळक, शिवसेनेचे संपर्कप्रमुख, बाळा कदम, भाजपचे शहराध्यक्ष योगेश गोगावले, शिवसेना शहर प्रमुख चंद्रकांत मोकाटे, आरपीआयचे शहराध्यक्ष अशोक कांबळे यांची ही भाषणे झाली. निवडणूक प्रमुख आमदार विजय काळे यांनी प्रास्ताविक व सूत्रसंचालन केले.