पुणे – ऐतिहासिक महात्मा फुले मंडईतील मंदिरात शारदा – गजाननाची आरती करून आशिर्वाद घेऊन पुणे शहर
लोकसभा मतदारसंघातील काँग्रेस – राष्ट्रवादी काँग्रेस – पिपल्स रिपब्लीकन आघाडी, शेकाप आणि मित्र पक्षांच्या
महाआघाडीचे उमेदवार मोहन जोशी यांनी आज मंडई परिसर, सदाशिव पेठ, शुक्रवार पेठेतील नागरीकांशी संवाद
यात्रेव्दारे संवाद साधला. या संवाद यात्रेच्या मार्गावर अनेक गणेश मंडळ आहेत. प्रत्येक ठिकाणी थांबून मोहन जोशी
कार्यकर्त्यांची नावे घेत चौकशी करत कार्यकर्त्यांशी असलेला संपर्क अधिक भक्कम करतानाच यावेळी देश, महाराष्ट्र आणि
पुण्याला पुन्हा विकासाच्या मार्गावर आणण्यासाठी काँग्रेसला मतदान करण्याचे आवाहन करत होते. रणरणत्या उन्हात
फिरत संवाद साधणा-या या सर्वच कार्यकर्त्यांना अनेक ठिकाणी थंडगार पाणी देण्याचे काम मतदारांनी केलेले बघायला
मिळाले.
या संवादयात्रेत काँग्रेसचे ज्येष्ठ नेते माजी आमदार उल्हास पवार, राष्ट्रवादी काँग्रेसचे प्रवक्ते अंकूश काकडे, अखिल मंडई
मंडळाचे अध्यक्ष आणि राष्ट्रवादी काँग्रेसचे माजी अध्यक्ष आण्णा थोरात, डॉ. सतीश देसाई, युवक काँग्रसचे अखिल
भारतीय समन्वयक रोहित टिळक, राष्ट्रवादी काँग्रेसचे माजी अध्यक्ष रवींद्र माळवदकर, माजी नगरसेवक बुवा नलावडे,
महापालिकेतील काँग्रेसचे गटनेते अरविंद शिंदे, सदानंद शेट्टी, रवींद्र धंगेकर अजित दरेकर आदी नगरसेवक, संजय
बालगुडे, बाळासाहेब दाभेकर, विरेंद्र किराड, गोपाळ तिवारी, शिरीष मावळे, प्रदेश महिला काँग्रेसच्या माजी अध्यक्षा
कमल व्यवहारे, नीता रजपूत, काँग्रेसचे कसबा ब्लॉकचे अध्यक्ष प्रवीण करपे, राष्ट्रवादी काँग्रेसचे कसबा ब्लॉकचे अध्यक्ष
विनायक हणमगर, कार्याध्यक्ष गणेश नलावडे, अनिल सोंडकर, बाळासाहेब मारणे, जयसिंग भोसले, संजय पासलकर,
अशोक जाधव, राजेंद्र देशमुख, सतीश मोहळ, सुनील खाटपे, संजय मते, दीपक जगताप, विजय खराडे, रजनी पाचंगे,
मनसेच्या महिल अध्यक्ष ऍड रूपाली पाटील यांच्यासह मोठ्या संख्येने कार्यकर्ते आणि पक्षांचे पदाधिकारी या संवाद
यात्रेत सहभागी झाले होते.

शारदा गजाननाचे दर्शन घेतल्यावर मंडईतील कै. यशवंतराव चव्हाण यांच्या पुतळ्याला पुष्पराह अर्पण करून मोहन
जोशी यांनी मंडईतील व्यापारी, भाजीविक्रेते आणि भाजी खरेदीसाठी आलेले ग्राहक यांच्याशी संवाद साधून आपल्या
यात्रेचा प्रारंभ केला. शिदे आळीत प्रथम मंडळातर्फे नाना मारणे यांनी त्यांचे स्वागत केले. पुढे अकरा मारूत, सेवा मित्र
मंडळ, चिंचेची तालीम मंडळ, जोशी समाज मंडळ, सुभाषनगर, बाजीराव रोड, महाराणा प्रताप उद्यान, खजिना विहीर,
नागनाथ पार, शनिपार मंडळ, अप्पाबळवंत चौक, केसरीवाडा, मोदी गणपती, विजय टॉकीज चौक, खालकर तालीम,
अखिल टिळक रोड मंडळापासून अशोक विद्यालय येथे संवाद यात्रेची सांगता झाली.
आजच्या संवाद यात्रेत कोणतेही वाद्य नव्हते, चौकाचौकात फटाक्यांच्या माळा लावून यात्रेचे स्वागत
करण्यात येत होते. मात्र काँग्रेस, राष्ट्रवादी काँग्रेस आणि मित्र पक्षांच्या फडकणा-या झेंड्यांमुळे यावेळी  वातावरण मोहन जोशीमयझाले होते. उत्साही कार्यकर्त्यांच्या घोषणांमुळे पदयात्रेत उत्साह भरला जात होता. जशजशी संवादयात्रा पुढे सरकत
होती तसा उन्हाचा चटका वाढत असला तरीही कार्यकर्त्यांचा उत्साह कमी झाला नाही. अनेक चौकात मतदारांनी
स्वत:हून पुढे येऊन मोहन जोशी यांच्याशी संवाद साधल्याचे चित्र कार्यकर्त्यांचा उत्साह वाढवणारे होते.

पर्वती विधानसभा मतदार संघात पदयात्रा

मोहन जोशी यांच्या प्रचारार्थ सोमवारी सकाळी पर्वती विधानसभा मतदारसंघात भव्य प्रचार फेरी काढण्यात आली. काँग्रेस – राष्ट्रवादी काँग्रेस- आणि मित्र पक्षांचे झेंडे घेऊननिघालेल्या कार्यकर्त्यांनी ‘पुण्याची ख़ुशी – मोहन जोशी ‘ एकच वादा मोहन दादा ‘ ‘मोहन दादा आगेबढो हम तुम्हारे साथ है ‘या दिलेल्या विविध घोषणांनी हा परिसर दणाणून गेला होता .
अप्पर चौकातील तृप्ती हॉटेल पासून सुरु झालेली ही प्रचार फेरी व्ही आय टी कॉलेज – प्रियदर्शनी शाळा – गणेश नगर – अप्पर डेपो – पवन नगर – पद्मावती नगर – सरगम नगर -तुळजाभवानी नगर -अंबिका नगर -या मार्गाने जाऊन कामगार-नाका येथे या प्रचारफेरीचा समारोप करण्यात आला.

या प्रचार फेरीत नगरसेवक व माजी उपमहापौर आबा बागुल, प्रदेश काँग्रेसचे सरचिटणीस
अभय छाजेड ,शशिकला कुंभार, नितीन कदम ,सोनाली मारणे,सतीश पवार, जयकुमार ठोंबरे,  गोरख मरळ , सतीश गिले, नीता नेटके , ताई कसबे, रजिया बिल्लारे, टी. एस. पवार, धनंजयकांबळे , दीपक ओव्हाळ , मामा परदेशी, संतोष पाटोळे ,सुमन इंगवले , यांच्या सह शेकडो कार्यकर्ते सहभागी झाले होते .
कामगार नाका येथे झालेल्या जाहीर सभेत बोलताना नगरसेवक आबा बागुल म्हणाले की , कामगारांचे प्रश्न सोडविण्यासाठी तसेच पुण्याचा विकास करण्यासाठी काँग्रेसने या लोकसभा निवडणुकीत मोहन जोशी यांच्या सारख्या कार्यकर्त्यास उमेदवारी दिली आहे . काँग्रेस सत्तेवर आल्यावर काँग्रेसने घोषित केलेल्या आपल्या जाहीरनाम्यानुसार गरिबांच्या खात्यात वर्षाला ७२००० रुपये निश्चितच जमा होणार आहेत, मोदी सरकारच्या १५ लाखाच्या घोषणे सारखा तो भूलभुलैया नाही असेही त्यांनी
सांगितले .
या प्रसंगी अभय छाजेड म्हणाले , केंद्रातील मोदी सरकारने जनतेला खोटी आश्वासने दिली , अर्थव्यवस्था डबघाईला आणली , आज महागाईने सगळी जनता त्रस्त आहे अशावेळी काँग्रेस व राष्ट्रवादी काँग्रेस व मित्र पक्षांच्या आघाडीने मोहन जोशींसारखा उमदा उमेदवार दिला आहे त्यांना बहुमताने विजयी करा असे आवाहन त्यांनी शेवटी केले.

पुणे- पुणे लोकसभा मतदारसंघातील महायुतीचे उमेदवार गिरीश बापट यांनी प्रचाराचा पहिला टप्पा पूर्ण केला असून मतदारांचा प्रतिसाद उत्साहवर्धक असल्याची माहिती निवडणूक प्रमुख आमदार विजय काळे यांनी आज पत्रकार परिषदेत दिली.
बापट यांच्या निवडणुकीच्या नियोजनासाठी सहाही विधानसभा मतदारसंघात महायुतीच्या मेळाव्यांचे आयोजन करण्यात आले होते. उमेदवारी अर्ज दाखल केल्यानंतर बापट यांनी सर्व विधानसभा मतदारसंघांमध्ये प्रचार फेर्‍या पूर्ण केल्या आहेत. सर्व मतदारसंघातील विभागीय कार्यालये कार्यान्वित झाली असून, त्या मार्फत  प्रभागनिहाय प्रचाराचे नियोजन पूर्ण झाले आहे.
शहरात एकूण १९४४ बूथ असून १८०६ बूथप्रमुखांच्या नियुक्त्या पूर्ण झाल्या आहेत. ४१६ शक्तीकेद्रांपैकी ४०६ शक्तीकेंद्राच्या प्रमुखांच्या नियुक्त्या झाल्या आहेत. भाजप वॉर रूमच्या माध्यमातून पंचवीस हजार कार्यकर्त्यांची फौज प्रचारात उतरणार आहे. बूथप्रमुखांच्या माध्यमातून शासनाच्या योजना, पत्रक वाटप, मतदार स्लिप वाटप, मोबाईल ऍपद्वारे मतदार यादीतील नाव व केंद्राची माहिती देणे अशाप्रकारची कामांना या काळात प्राधान्य देण्यात येणार आहेत.
प्रचाराच्या दुसर्‍या टप्प्यात सर्व विधानसभा मतदारसंघातील प्रचाराच्या दुसर्‍या फेर्‍यांचे नियोजन करण्यात येणार आहे. या टप्प्यावर बापट यांच्या परिचय पत्रकांचे घरोघरी वाटप, शासनाच्या योजना पोहोचविणे, जाहीरनामा निर्मिती आदी कामे करण्यात येणार आहेत. केंद्र व प्रदेश पातळीवरील नेत्यांच्या सभा होणार आहेत. मुख्यमंत्री देवेंद्र फडणवीस उद्या (९ एप्रिल) सायंकाळी सहा वाजता चंदननगर भाजी मंडई, नगर रस्ता येथे आणि महात्मा फुले विद्यालय, नाना पेठ, क्वार्टर गेट येथे रात्री ८ वाजता जाहीर सभा घेणार आहेत. संरक्षणमंत्री निर्मला सितारामन यांची सभा १० एप्रिल रोजी सायंकाळी ६ वाजता नेहरू मेमोरिअल हॉल येथे आयोजित करण्यात आली आहे.
दुसर्‍या टप्प्यात महायुतीच्या वतीने २०० कोपरा सभांचे आयोजन करण्यात आले आहे. ११ एप्रिलपासून या सभांना प्रारंभ होणार आहे. त्यासाठी महायुतीच्या स्टार प्रचारक निश्‍चित करण्यात आले आहेत. त्यामध्ये खासदार अनिल शिरोळे, खासदार संजय काकडे, समाज कल्याण राज्यमंत्री दिलीप कांबळे, भाजपचे शहराध्यक्ष योगेश गोगावले, शिवसेनेचे शहर प्रमुख चंद्रकांत मोकाटे, आरपीआयचे अध्यक्ष अशोक कांबळे, आमदार माधुरी मिसाळ, विजय काळे, प्रा. मेधा कुलकर्णी, जगदीश मुळीक, महापौर मुक्ता टिळक, उपमहापौर डॉ. सिद्धार्थ धेंडे, स्थायी समिती अध्यक्ष सुनील कांबळे, सभागृहनेते श्रीनाथ भिमाले, शिवसेनेचे गटनेते संजय भोसले, प्रदेश चिटणीस धीरज घाटे, शाम देशपांडे, परशुराम वाडेकर, महिपाल वाघमारे, अशोक हरवाणळ, बाळा ओसवाल, प‘वी जावळे, विशाल धनावडे, पृथ्वीराज सुतार, डॉ. अमोल देवळेकर, संजय सोनावणे असे पन्नास स्टार प्रचारक शहरातील वस्ती व सोसायट्यांमध्ये प्रचार करणार आहेत.

भीम आर्मीचा मोहन जोशी यांना पाठिंबा
पुणे- सहाशे कलाकारांनी भाजपला मतदान केले नाही तरी भाजपला काही फरक पडत नाही. सहा कोटी
कलाकार भाजपला मतदान करतील हे भाजपाचे राष्ट्रीय प्रवक्ते शहनवाझ हुसेन यांचे वक्तव्य हे उत्तुंग
व्यक्तिमत्व असलेल्या कलावंतांना न जुमाणणारे व त्यांच्या विकृत मनोवृत्तीचे लक्षण आहे अशी टीका
कोंग्रेसचे जेष्ठ नेते उल्हास पवार यांनी केली.
पुणे शहर लोकसभा मतदार संघाचे कॉंग्रेस- राष्ट्रवादी कॉंग्रेस व मित्रपक्षांच्या आघाडीचे उमेदवार
मोहन जोशी यांच्या प्रचारार्थ आयोजित पत्रकार परिषदेत पवार बोलत होते. यावेळी विरेन्द्र किराड, हे
उपस्थित होते. देशातील सहाशे कलाकार एकत्र येत त्यांनी भाजपाच्या विरोधात मतदान करा असे
आवाहन केले आहे. यात ज्येष्ठ दिग्दर्शक अमोल पालेकर यांच्याबरोबरच अभिनेते नसरुद्दीन शहा
यांचा सहभाग आहे. या सहाशे कलाकारांची मते विरोधात गेली तरी भाजपाला फरक पडत नसून
भाजपाच्या बाजूने सहा कोटी कलाकार उभे राहतील अशी टीका भाजपाचे राष्ट्रीय प्रवक्ते शहनवाझ
हुसेन यांनी शनिवारी पुण्यात आयोजित पत्रकार परिषदेत केली होती. त्यांच्या या वक्तव्याचा उल्हास
पवार यांनी समाचार घेत त्यांचा निषेध विकत केला.
पवार म्हणाले, शहनवाझ हुसेन यांचे वक्तव्य हे अत्यंत निंदनीय आहे. एखाद्याने आपले मत व्यक्त
केले तर त्याला सामाजिक उत्तर देणे अपेक्षित आहे. एवढ्या उत्तुंग आणि नामवंत कलाकारांचा, तुम्ही
आमच्या बाजूला नसाल तर आम्ही तुम्हाला जुमानणार नाही असे वक्तव्य करणे म्हणजे या
कलाकारांचा अपमान आहे. भारतीय संविधानाने या देशातील प्रत्येक नागरिकाला आपले मत
मांडण्याचा अधिकार दिला आहे. या ६०० कलाकारांनी त्यांचे मत व्यक्त केले आहे. तो त्यांचा मूलभूत
अधिकार आहे. असे असताना या कलावंतांना जुमानत नाही अशा आशयाचे ६०० कलाकारांनी मते दिले
नाही तर फरक पडत नाही असे वक्तव्य म्हणजे विकृत मनोवृत्तीचे लक्षण आहे असे ते म्हणाले.
भीम आर्मीचा मोहन जोशी यांना पाठिंबा
भीम आर्मीचे पुणे जिल्हा प्रमुख दत्ता पोळ यांनी मोहन जोशी यांना संघटनेच्या वतीने पाठिंबा व्यक्त
केला आहे. देशातील वातावरण असंतोषाचे असून संविधान पायदळी तुडविले जात आहे. जाती धर्माच्या
नावाने देश तोडण्याची भूमिका प्रस्थापित सरकारची आहे. त्यांची धोरणे जनता विरोधी असून
सर्वसामान्यांची पिळवणूक करून जनतेला गुलाम करण्याचे धोरण मोदी व त्यांच्या सहकार्‍यांचे आहे.
त्यामुळे संविधान सर्वस्व मानून, संविधनांचे रक्षण व्हावे व लोकशाही अबाधित राहावी या भूमिकेतून

सर्वानुमते मोहन जोशी यांना पाठिंबा देत असल्याचे दत्ता पोळ यांनी प्रसिद्धीस दिलेल्या पत्रकात
म्हटले आहे.
प्रियंका गांधी यांना ‘रोड शो’साठी विनंती
कोंग्रेस पक्षाच्या सरचिटणीस प्रियंका गांधी यांनी कोंगेस-राष्ट्रवादी कोंग्रेस आणि मित्र पक्षांच्या
आघाडीच्या उमेदवारांच्या प्रचारार्थ पुण्यामध्ये रोड शो करावा अशी विनंती त्यांना केली असल्याची
माहिती उल्हास पवार यांनी दिली. आघाडीचे राष्ट्रीय आणि प्रदेश स्तरावरचे नेतेही प्रचारला येणार
असल्याचे उल्हास पवार यांनी संगितले. राज ठाकरे हे त्यांची भूमिका त्यांच्या जाहीर सभांमधून मांडत
आहेत. त्यांनी त्यांच्या स्वेछेने त्यांचे दौरे आयोजित केले आहेत. त्यामुळे त्यात हस्तक्षेप करता येणार
नाही. मात्र, त्यांनी पुण्यामध्ये जाहीर सभा घेतल्यास आम्हाला आनंदच होईल असे पवार यांनी नमूद
केले.

पुणे–राष्ट्रीय मजदूर काँग्रेसच्या (इंटक) रविवारी सायंकाळी काँग्रेस भवनात झालेल्या भव्य मेळाव्यात काँग्रेस- राष्ट्रवादी काँग्रेस आणि मित्र पक्ष आघाडीच्या पुणे शहर आणि जिल्ह्यातील सर्व चारही उमेदवारांना प्रचंड मतांनी विजयी करण्याचा निर्धार व्यक्त करण्यात आला. या मेळाव्यास विविध क्षेत्रातील कामगार संघटनांचे प्रतिनिधी फार मोठ्या संख्येने उपस्थित होते. याप्रसंगी व्यासपीठावर महाराष्ट्र काँग्रेसच्या सहप्रभारी सोनल पटेल, शहर काँग्रेसचे अध्यक्ष रमेश बागवे, इंटक पुणे शहर व जिल्ह्याचे अध्यक्ष व या मेळाव्याचे संयोजक कैलास कदम, पुणे लोकसभा मतदारसंघातील काँग्रेस आघाडीचे उमेदवार मोहन जोशी माजी आमदार दीप्ती चवधरी, राष्ट्रवादीचे गोपालकृष्ण गुनाळे, शहर काँग्रेसच्या उपाध्यक्ष शलाका पाटील, इंटकचे कायदेशीर सल्लागार फैयाज शेख व अन्य कामगार संघटनांचे पदाधिकारी उपस्थित होते.

याप्रसंगी बोलताना महाराष्ट्र काँग्रेसच्या सहप्रभारी सोनल पटेल म्हणाल्या की, ‘जुमले की सरकार’ म्हणून ओळखल्या जाणाऱ्या मोदी सरकारच्या राजवटीत कामगारांचे कोणतेही प्रश्न सोडविण्यात आले नाहीत मात्र काँग्रेसने नेहमीच कामगार हिताचे धोरणे राबविली आहेत त्यामुळे या निवडणुकीत काँग्रेस उमेदवारांना विजयी करणे हे प्रत्येक कामगारांचे कर्तव्य आहे.
शहर काँग्रेसचे अध्यक्ष रमेश बागवे म्हणाले, मोदी सरकारचे धोरण कामगारविरोधी व उद्योगपतीधार्जिणे होते त्यामुळे कामगारांचे फार नुकसान झाले. नोटबंदीच्या निर्णयामुळे हजारो कामगारांच्या नोकऱ्या गेल्या. एकीकडे महागाई तर दुसरीकडे बेकारी यामुळे कायदा व सुव्यस्थेची स्थिती बिघडली. त्यासाठी आता सरकार बदलण्याची वेळ आली आहे. कामगारांनी एकजुटीने काँग्रेस आघाडीच्या उमेदवारांच्या उभे राहून त्यांना विजयी करावे असे आवाहन त्यांनी केले.
पुणे लोकसभा मतदारसंघातील काँग्रेस आघाडीचे उमेदवार मोहन जोशी म्हणाले, मीही सुरुवातीला एक गिरणी कामगार होतो. कामगारावर अन्याय झाल्यास त्यासाठी आंदोलन करणारा करणारा कार्यकर्ता होतो. त्यामुळे या निवडणुकीत मी निवडून आल्यास कामगारांचा एक लोकप्रतिनिधी म्हणून कामगारांचे सर्व प्रश्न सोडविण्यासाठी मी कटिबद्ध आहे असे त्यांनी आश्वासन दिले.
इंटक पुणे शहर व जिल्ह्याचे अध्यक्ष व या मेळाव्याचे संयोजक कैलास कदम यांनी इंटकचे कामाचा आढावा घेऊन सांगितले की, देशाला आर्थिक महासत्तेकडे घेऊन जाण्याची कामगार शक्तीची ताकद आहे मात्र गेल्या पाच वर्षात मोदी सरकारने कामगारांचे कोणतेच प्रश्न सोडविले नाहीत उलट त्यांचे जिणे हराम केले त्यामुळे हे सरकार आता खाली खेचण्याची गरज निर्माण झाली आहे त्यासाठी सर्व कामगारांनी काँग्रेस आणि आघाडीच्या पाठीशी उभे राहण्याची गरज आहे.
याप्रसंगी शहर काँग्रेसच्या उपाध्यक्ष शलाका पाटील, राष्ट्रवादीचे गोपालकृष्ण गुनाळे, नासिरुद्दीन इनामदार, रफिक शेख आदींची भाषणे झाली. श्री मनोहर गाडेकर यांनी सूत्रसंचालन केले. अनिल आवटी यांनी आभार मानले.

काँग्रेस -राष्ट्रवादी काँग्रेस -मित्र पक्ष आणि आघाडीचे उमेदवार मोहन जोजही यांच्या प्रचारार्थ रविवारी मोटार सायकल रॅलीचे आयोजन करण्यात आले होते. दांडेकर पूल -पानमळा -सिंहगड रस्ता -राजाराम पूल- हिंगणे खुर्द – जनता वसाहत -पर्वती गाव – लक्ष्मीनगर -सारंग सोसायटी- सहकारनगर -अरण्येश्वर- दाते स्टॉप -ट्रेझरपार्क सहकारनगर पोलीस स्टेशन या मार्गाने गेलेल्या या रॅलीचा चव्हाण नगर तीन हत्ती चौक इथे समारोप झाला. शंभरहून अधिक मोटारसायकलींसह कार्यकर्ते काँग्रेस व मित्रपक्षांच्या झेंड्यासह या रॅलीत सहभागी झाले होते. उमेदवार मोहन जोशी या रॅलीत सहभागी झाले तेंव्हा कार्यकर्त्यांनी जल्लोष केला. अभय छाजेड यांनी या रॅलीचे आयोजन केले होते.

पुणे-रविवारचा सुट्टीचा दिवस , त्यातच सकाळपासून जाणवणारा असह्य असा उकाडा पण याचा कोणताही परिणाम कार्यकर्त्याच्या उत्साहावर अजिबात झाला नाही .वडगावशेरी विधानसभा मतदार संघातील रविवारी सकाळी आयोजित केलेल्या महायुतीचे उमेदवार गिरीश बापट यांच्या प्रचारफेरीला उत्स्फूर्त प्रतिसाद पुणेकरांकडून मिळाला.

सुमारे चार तासाच्या प्रचारफेरीत उमेदवार श्री बापट यांनी प्रभाग क्र . १ , २ आणि ६ हा सारा भाग प्रचाराने पिंजून काढला. मोठ्या रस्त्यांबरोबर लहान रस्त्यावरून निघालेल्या प्रचारफेरीचे नागरिकांनी जोरदार पणे स्वागत केले. ठिकठिकाणी उत्साही कार्यकर्त्यांनी फटाके फोडले ,तर अनेक भागात नागरिकांनी रस्त्याच्या दुतर्फा उभे राहून उत्स्फूर्तेपणाने श्री बापट यांना शुभेच्छा दिल्या . आणि श्री बापट यांनीही पुणेकरांच्या शुभेच्छाचा हात उंचावून स्वीकार केला. अनेक सुवासिनींनी श्री.बापट याना औक्षण करून आशिर्वाद दिले.

वडगावशेरी विधानसभा मतदार संघ हा अतिशय मोठा असा मतदारसंघ होय. या मतदारसंघातील विश्रांतवाडी येथून सुरु झालेली प्रचारफेरी ,टिंगरेनगर, धानोरी, भैरवनगर, प्रतीकनगर, शांतीनगर , महाराष्ट्र हौसिंग बोर्ड , आणि तेथून येरवडा येथील पर्णकुटी चौक येथे समारोप झाला . श्री बापट यांनी सर्व कार्यकर्त्याच्या भेटी घेतल्या . आणि प्रचारफेरीची सांगता केली. प्रचार फेरीतील जीपमध्ये श्री बापट यांच्या समवेत वडगाव विधानसभा मतदार संघाचे आमदार जगदीश मुळीक ,उपमहापौर सिद्धार्थ धेंडे तसेच अन्य नगरसेवक सहभागी झाले होते.

या प्रचारफेरीमध्ये नगरसेवक योगेश मुळीक , गोपाळ चिंतल , संदीप जराड , राहुल भंडारी, बापू कर्णे गुरुजी, संजय भोसले , सुनील टिंगरे, नाना सांगडे , किरण जठार, अविनाश साळवे. शीतल सावंत , सुनीता गलांडे, श्वेता शिंदे, आदींचा यामध्ये समावेश होता. प्रचारफेरीमध्ये महायुतीमधील विविध घटक पक्षाचे कार्यकर्ते मोठ्या संख्येने सहभागी झाले होते. बहुतांशी कार्यकर्ते दुचाकीसह प्रचारफेरीत सहभागी झाले होते. अनेकांच्या दुचाकीवर पक्षाचे झेंडे फडकत होते. ” बापट याना मत म्हणजे विकासाला मत ” , ” पुण्याची ताकद , गिरीश बापट ” या घोषणांनी सारा परिसर निनादून गेला होता.