पुणे :एकीकडे विमानाने प्रवास करणाऱ्यांची संख्या झपाट्याने वाढत असताना सरकारी हस्तक्षेपामुळे ,उशिरा येणारी विमाने ,बंद पडणारी विमाने आणि तक्रारींचा पाऊस पडत असताना त्याकडे जाणून बुजून सरकरी व्यवस्थेकडून होणारा दुर्लक्षित कारभार यामुळे सध्याच्या काळात विमान प्रवास सुखाचाचं होईल याची शाश्वती राहिलेली नाही .थोडक्यात विमानाने प्रवास करणाऱ्यांना कोणी वाली राहिला नाही, त्यांच्या हक्काचे कोणाला सोयर सुटक राहिलेले नाही . अशा घटना वारंवार घडत आहेत आणि त्याकडे लक्ष मात्र कोणी देत नाही असे चित्र आहे .

अशीच एक घटना काल पुन्हा घडली आणि विमानतळावर घोषणाबाजी करण्याची वेळ प्रवाशांवर आली .पुण्यावरुन दुबईला जाणारे स्पाइस जेटचे SG51  विमान रविवारी रात्री ११ वाजता उड्डाण करणार होते. मात्र, तांत्रिक खराबीमुळे या विमानाचे उड्डाण रद्द करण्याता आले. त्यामुळे १८० प्रवासी रात्रभर विमानतळावर अडकून पडले. प्रशासनाकडून प्रवाश्यांसाठी काहीही व्यवस्था न केल्याने प्रवाशांना विमानतळावर झोपून रात्र काढावी लागली.

स्पाइस जेटचे SG51 हे विमान रविवारी रात्री ११ वाजता पुणे विमानतळावरुन दुबईसाठी उड्डाण घेणार होते. मात्र तांत्रिक बिघाड झाल्याने या विमानाचे उड्डाण तब्बल १२ तास लांबले. त्यामुळे विमानातून प्रवास करणाऱ्या प्रवाशांचे प्रचंड हाल झाले. त्यांना रात्रभर विमानतळावर ताटकळत रहावे लागले. प्रवाशांमध्ये लहान मुलांचाही समावेश आहे.

प्रशासनाकडून कोणतीही व्यवस्था न केल्याने त्यांना खाली झोपून रात्र काढावी लागली. या विमानाचे उड्डाण आज (सोमवारी) सकाळी साडेदहा वाजेपर्यंत झाले नव्हते. स्पाइस जेटच्या अधिकाऱ्यांकडून विमानाच्या उड्डाणाबाबत कोणतीही माहिती दिलेली नाही. दरम्यान, संतप्त प्रवाशांनी विमानतळावर घोषणा देत स्पाइस जेट प्रशासनाचा निषेध केला.

मुंबई-जनतेने मतदानासाठी घराबाहेर पडावे असे आवाहन करतानाच जर आपण मतदान केले नाही आणि फक्त समस्यांचा पाढाच वाचत राहिलो तर आपणच मूर्ख ठरु, असे मत ज्येष्ठ अभिनेते परेश रावल यांनी व्यक्त केले. मी निष्ठावान आणि प्रामाणिक माणसाला मतदान केले, असेही त्यांनी सांगितले.

लोकसभा निवडणुकीतील चौथ्या टप्प्यात देशभरातील ७१ जागांवर मतदान होत आहे. यात राज्यातील १७ जागांचा समावेश आहे. सोमवारी सकाळी अभिनेते परेश रावल आणि त्यांची पत्नी स्वरुप संपत यांनी विलेपार्ले येथील मतदान केंद्रावर मतदानाचा हक्क बजावला. मतदानानंतर परेश रावल यांनी मतदारांना प्रतिक्रिया दिली. परेश रावल म्हणाले, जनतेने मतदानासाठी घराबाहेर पडावे असे आवाहन करतानाच जर आपण मतदान केले नाही आणि फक्त समस्यांचा पाढाच वाचत राहिलो तर आपणच मूर्ख ठरु. मी निष्ठावान आणि प्रामाणिक माणसाला मतदान केले, असे त्यांनी सांगितले.

परेश रावल यांनी २०१४ मध्ये भाजपाच्या तिकीटावर लोकसभा निवडणूक लढवली होती. ते खासदार म्हणून निवडून देखील आले होते. मात्र, यंदाच्या निवडणुकीत परेश रावल यांनी निवडणूक लढवणार नाही, अशी भूमिका घेतली. यावरुन विरोधकांनी परेश रावल यांच्यावर प्रश्नांचा भडीमारही केला होता. मात्र, यासंदर्भात सोमवारी पत्रकारांनी प्रश्न विचारले असता परेश रावल यांनी उत्तर देण्यास नकार दिला.

“तू चाल पुढं तुला र गड्या भीती कोणाची तुला परवा बी कोणाची”

–उत्तर मुंबई लोकसभा मतदारसंघातील काँग्रेसच्या उमेदवार उर्मिला मातोंडकर यांनी वांद्रे येथील मतदान केंद्रावर मतदानाचा हक्क बजावला असून मतदानानंतर प्रतिक्रिया देताना उर्मिला मातोंडकर यांनी “तू चाल पुढं तुला र गड्या भीती कोणाची तुला परवा बी कोणाची”, असे सांगत भावना व्यक्त केल्या.

उत्तर मुंबईत काँग्रेसच्या उर्मिला मातोंडकर आणि भाजपाचे गोपाळ शेट्टी यांच्यात लढत आहे. सोमवारी उर्मिला मातोंडकर यांनी वांद्रे येथील मतदान केंद्रावर मतदानाचा हक्क बजावला. दरवेळी मी दुसऱ्यांसाठी मतदान करायचे. यंदा स्वत:साठी करतेय. त्यामुळे जबाबदारी वाढली आहे असे उर्मिला यांनी सांगितले. तू चाल पुढं तुला र गड्या भीती कोणाच परवा कोणाची, असे सांगत त्यांनी मतदारांनाही मतदान करण्याचे आवाहन केले. मतदारांनी मतदानासाठी घराबाहेर पडावे आणि आवर्जून मतदान करावे, आधी मतदान करा, मग सुट्टीचा आनंद घ्या, असे त्यांनी सांगितले.

जे मतदान करत नाही ते देशाचे गुन्हेगार-मनोहर जोशी 

–शिवसेना नेते मनोहर जोशी यांनी देखील मतदारांनी मोठ्या संख्येने मतदान करावे असे आवाहन केले आहे. जे मतदान करत नाही ते देशाचे गुन्हेगार असतात, असे मनोहर जोशी यांनी म्हटले आहे.

दरम्यान, राज्यात आतापर्यंत तीन टप्प्यांमध्ये ३१ मतदारसंघांमध्ये मतदान शांततेत पार पडले. शेवटच्या टप्प्यात होणाऱ्या मतदानासाठी निवडणूक यंत्रणा सज्ज आहे. मुंबईतील सहा लोकसभा मतदारसंघांसह ठाणे, कल्याण, भिवंडी, पालघर, मावळ, नंदुरबार, धुळे, दिंडोरी, नाशिक, शिरूर आणि शिर्डी अशा १७ मतदारसंघांत मतदान होणार आहे. त्यासाठी निवडणुकीत ३३ हजार ३१४ मतदान केंद्रे आहेत. एकूण एक कोटी ६६ लाख ३१ हजार पुरुष तर एक कोटी ४५ लाख ५९ हजार महिला मतदार मतदानाचा हक्क बजावणार असून, मुंबई उत्तर मतदारसंघात सर्वाधिक ३३२ तृतीयपंथी मतदार आहेत. मतदान प्रक्रिया पार पाडण्यासाठी तब्बल एक लाख ६६ हजार अधिकारी- कर्मचारी नियुक्त करण्यात आले आहेत.

राजीव सेतू एपी २५० रेस २ मध्ये १२ व्या स्थानावर, एआरआरसीच्या एका फेरीत पहिल्यांदाच सर्वाधिक १० गुणांची कमाई

• तांत्रिक कारणामुळे सेंथिल सेथिंलकडून रेस १ अपूर्ण

 बेंड मोटरस्पोर्ट पार्क, अडलेड  – इडिमेत्सु होंडा रेसिंग इंडिया या एफआयएम आशिया रोड रेसिंग चॅम्पियनशीप २०१९ (एआरआरसी) मधील एकमेव भारतीय संघाने – आशियातील सर्वात अवघड रोड रेस चॅम्पियनशीपमधील बेंड मोटरस्पोर्ट पार्कमधील ऑस्ट्रेलियन फेरीमधील आजच्या एपी २५० रेस २ मध्ये संमिश्र यश मिळवले.

 १२ व्या स्थान मिळवत आतापर्यंतची सर्वोत्तम कामगिरी करणाऱ्या राजीव यांनी चांगली सुरुवात केली आणि रेसच्या बहुतांश काळात ते आघाडीच्या समूहासोबत होते. पाचव्या लॅपपर्यंत त्यांनी ११ वे स्थान राखले. सहाव्या लॅपमध्ये मागील चाकाचे ट्रॅक्शन सैलावल्यामुळे त्यांनी १ पोझिशन गमावली, मात्र तरीही सावरत त्यांनी चौकटीच्या झेंड्यापाशी १९:४३:६३६ रेस संपवत १२ वे स्थान मिळवले.

 बेंड मोटरस्पोर्ट पार्कमध्ये दुसऱ्या फेरीत राजीव यांनी एकूण १० गुण मिळवत (एकाच फेरीतील त्यांची ही पहिलीच दुहेरी आकड्यांची कमाई आहे) संपूर्ण चॅम्पियनशीपमध्ये १२ वे स्थान कायम राखले. या फेरीत राजीव यांनी आपला जुना सर्वोत्तम विक्रम तोडत ऑस्ट्रेलियामध्ये २:०९:२५४ ची नवी, सर्वात वेगवान लॅप वेळ नोंदवली.

दरम्यान पहिल्याच लॅपमध्ये बाइकमध्ये तांत्रिक बिघाड झाल्यामुळे सेंथिल आज एपी २५० रेस २ पूर्ण करू शकले नाहीत व ते पिटपाशी परतले.

आघाडीवर जपानीरायडर एकि अयोशी यांनी पहिला विजय मिळवला. त्यानंतर थायलंडमधील मुकलाडा सारापुछ (दुसरा क्रमांक) आणि तत्चकोर्न बुआस्री (तिसरा क्रमांक) या होंडाच्या जोडीने शेवटपर्यंत कडवी झुंज दिली.

यासह इडिमित्सु होंडा रेसिंग इंडिया एपी २५० क्लासच्या आघाडीच्या सात संघामध्ये मजबूत स्थानावर आहे.

आजच्या क्वालिफायरबद्दल श्री. प्रभ नागाराज, उपाध्यक्ष – ब्रँड अँड कम्युनिकेशन्स, होंडा मोटरसायकल अँड स्कूटर इंडिया प्रा. लि. म्हणाले, ‘आम्ही आज आणखी चांगली कामगिरी करू शकलो असतो. राजीव यांचे रायडिंग आज खूपच दमदार होते. त्यांना त्यांच्या उंच बाजूची किंमत चुकवावी लागली, पण त्यांनी वेळीच दमदार पुनरागमन करत एक रायडर या नात्याने आपण किती प्रगती केली आहे हे दर्शवत पहिल्या दहांत स्थान मिळवण्यासाठी पात्र असल्याचे दाखवले. दुर्देवाने तांत्रिक अडचणीमुळे सेंथिल त्यांची रेस पूर्ण करू शकले नाहीत. मला खात्री आहे, की संघाचा पूर्ण पाठिंबा आणि रायडिंग मार्गदर्शक व माजी- जीपी रायडर श्री. कोयामा यांची मदत असल्यामुळे पहिल्या दहांतील स्थान ही केवळ सुरुवात आहे. होंडाच्या भारतीय संघासाठी थायलंडमधील फेरी दमदार असेल, कारण राजीव आणि सेथिंल या दोघांनाही तेथील ट्रॅक परिचयाचा आहे.’

ऑस्ट्रेलियन फेरीमध्ये १० गुण मिळवल्यानंतर आणि थायलंडच्या चँग आंतरराष्ट्रीय सर्किटमधील तिसऱ्या फेरीसाठी उत्सुक असलेले राजीव सेतू म्हणाले, ‘आज सुरुवातीलाच बरीच कसरत करावी लागली. कालनंतर, मी शांत राहिलो आणि आतापर्यंतची सर्वोत्तम लॅप वेळ – २.०९ सेकंद नोंदवली व ती पाच लॅपसाठी कायम राखली. मात्र लॅप ५ मधील उंच बाजूने मला मागे ढकलले आणि माझ्यापुढे असलेल्या रायडरबरोबर मी राहू शकलो नाही हे निराशाजनक आहे. मात्र, सकारात्मक गोष्ट अशी, की मी मधले अंतर कमी केले आहे आणि मी सातत्याने लीडरपेक्षा दोन सेकंदांपेक्षाही कमी काळ मागे आहे. ऑस्ट्रेलियातील फेरी आणि आघाडीच्या दहामध्ये प्रवेश मिळवणे माझ्यासाठी चांगले होते. थायलंड टॅलेंट कप सीझन रायडिंग केल्यामुळे पुढील फेरीतील चँग सर्किट (थायलंड) माझ्यासाठी दुसरे घर आहे. अर्थातच चँगमध्ये सरप्राइजही असेल.’

दरम्यान आजचा दिवस सेंथिल कुमार यांच्यासाठी चांगला ठरला नाही, मात्र चँग फेरीत ते पुनरागमन करण्याचे नियोजन करत आहेत. ‘मलेशियातील एआरआरसी पर्दापणाशी तुलना करता, माझे रेस कौशल्य एकंदरीत सुधारले आहे, मग ती माझी देहबोली असो, बाइक हाताळणी असो किंवा ऑस्ट्रेलियातील वादळी आणि ओलसर टरॅमकवरील तांत्रिक बदल समजून घेणं असो… आज मी सुरुवातीला अतिशय स्थिर होतो आणि पहिल्या १५ मध्ये प्रवेशही केला होता, मात्र पाचव्या आणि सहाव्या वळणादरम्यान माझ्या बाइकमध्ये अचानक तांत्रिक अडचण निर्माण झाली आणि मला वेळेआधीच रेसमधून बाहेर पडावे लागले. आता मी सर्व लक्ष चँगवर केंद्रित केले आहे. मला खात्री आहे, की गेल्या वर्षातल्या थायलंड टॅलेंट कप अनुभवामुळे हा ट्रॅक परिचयाचा असून अधिकृत हंगाम प्री- टेस्टिंगसाठई सीबीआर २५० आरआर रायडिंग केल्याचा आघाडीच्या १५ मध्ये परत एकदा स्थान मिळवण्यासाठी फायद्याचे ठरेल.’

इडिमित्सू होंडा रेसिंग इंडिया @ एपी २५० क्लास एफआयएम आशिया रोड रेसिंग चॅम्पियनशीप २०१९

 एफआयएम आशिया रोड रेसिंग चॅम्पियनशीप २०१९ बद्दल

एफआयएम आशिया रोड रेसिंग चॅम्पियनशीप (एआरआरसी) ही आशियातील सर्वात स्पर्धात्मक मोटरसायकल रोड रेसिंग स्पर्धा असून सध्या तिचे २४ वे वर्ष सुरू आहे. २०१९ च्या हंगामात पाच देशांत (मलेशिया *, २ ऑस्ट्रेलिया, थायलंड * २, जपान आणि दक्षिण कोरिया) सात फेऱ्या होणार आहेत. मलेशियातील सीपांग सर्किट येथे झालेल्या पहिल्या फेरीनंतर बेंड मोटरसायकल पार्क ऑस्ट्रेलियाची फेरी झाली आहे. यानंतर थायलंडच्या चँग आंतरराष्ट्रीय सर्किट येथे तिसरी फेरी होणार आहे.

 २०१९ एआरआरसीमध्ये चार क्लासचा समावेश आहे – नव्याने समाविष्ट करण्यात आलेली एशिया सुपरबाइक १००० (एएसबी १०००), सुपरस्पोर्ट्स ६०० (एसएस६००), एशिया प्रॉडक्शन २५० (एपी२५०) आणि अंडरबोन क्लास (यूबी १५०)

या स्पर्धेत एकमेव भारतीय संघाचे प्रतिनिधीत्व करणाऱ्या इडिमित्सु होंडा रेसिंग इंडियाच्या दोन रायडर्सनी म्हणजेच राजीव सेतू आणि नव्याने दाखल झालेल्या सेथिंल कुमार यांनी सीबीआर२५०आरआरवरून लढत दिली.