मेट्रोसिटी स्पोर्ट्स अँड हेल्थ क्लब, कोथरूड येथे सुरु असलेल्या या स्पर्धेत दुसऱ्या फेरीत 14 वर्षाखालील मुलांच्या गटात  प्रियांश प्रजापतीने दहाव्या मानांकित मानस गुप्ताचा 6-1 असा सहज पराभव करून अनपेक्षित निकाल नोंदविला.  विष्णू वाघेरेने आदित्य आडतेवर टायब्रेकमध्ये 6-5(5) असा विजय मिळवला. अव्वल मानांकित अर्जुन अभ्यंकर व दुसऱ्या मानांकित ईशान देगमवार यांनी अनुक्रमे शिवम बासू  व नचिकेत गोरे यांचा 6-0 अशा सारख्याच फरकाने पराभव करून तिसरी फेरी गाठली.

पुणे -मेघावी संस्थेतर्फे आयोजित ‘स्वर सुमन’ कार्यक्रमात यंदा प्रख्यात उपशास्त्रीय गायिका ध्रिती चटर्जी यांच्या उपशास्त्रीय गायनाचा बहारदार कार्यक्रम रविवार दिनांक २६ मे रोजी सायंकाळी  ५:३० वाजता ‘शकुंतला जगन्नाथ शेट्टी ऑडीटोरीयम’, कर्नाटक हायस्कूल, एरंडवणे येथे संपन्न होणार आहे. मुळच्या कलकत्ताच्या आणि आता पुण्यात स्थायिक झालेल्या ध्रिती चटर्जी या ठुमरी आणि दादरा सादर करणार आहेत. त्यांना उमेश पुरोहित (हार्मोनियम) आणि पंडित अरविंद कुमार आझाद (तबला) यांची वाद्य संगत लाभणार आहे.

या कार्यक्रमानंतर प्रख्यात सरोद वादक अनुपम जोशी यांचे सरोद वादन सादर होणार असून पंडित अरविंद कुमार आझाद हे तबल्याची साथ करतील. मेघावी संस्थेच्या या कार्यक्रमास प्रख्यात बासरी वादक पंडित केशव गिंडे प्रमुख पाहुणे म्हणून उपस्थित राहणार आहेत. कार्यक्रमाचे सूत्रसंचालन स्वाती पटवर्धन करणार असून हा कार्यक्रम सर्वांना विनामूल्य आहे. मेघावी संस्थेतर्फे सन २००६ पासून उपशास्त्रीय गायन आणि वाद्यसंगीत यांच्या प्रसारासाठी वर्षातून सहा विशेष कार्यक्रमांचे रसिकांसाठी मोफत आयोजन केले जाते.

पुणे  :‘‘शेतीला पाणी व वीज देणे ही शासनाची कायदेशीर जबाबदारी आहे. उत्‍पादनावर आधारीत बाजार भावाचा कायदा करणे, बँकांनी शेतकऱ्यांना कर्ज देणे हे कायदेशीर आहे. सध्या शेतकरी प्रतिकुल परिस्‍थितून वाटचाल करीत असल्‍याने आत्‍महत्‍या करीत आहेत. आत्‍महत्‍या करने हा त्‍यावरील उपाय नसून शासन व शेतकऱ्यांने मिळून प्रश्न सोडवावेत. असे मत ज्‍येष्ठ कृषी तज्ञ डॉ. बुधाजीराव मुळीक यांनी व्‍यक्‍त केले.
विश्वशांती केंद्र (आळंदी), माईर्स एमआयटी, पुणेतर्फे मानवतातीर्थ रामेश्वर (रुई), येथे उभारण्यात आलेल्‍या ‘तथागत भगवान गौतम बुद्ध विहार व भारतरत्न डॉ. बाबासाहेब आंबेडकर विश्वशांती स्मृतिभवन’ येथे‘तथागत गौतम बुद्ध जयंती’साजरी करण्यात आली. त्‍यावेळी डॉ. बुधाजीराव मुळीक बोलत होते.
यावेळी ज्येष्ठ कृषीतज्ञ डॉ. बुधाजीराव मुळीक आणि दलित इंडियन चेंबर ऑफ कॉमर्स अ‍ॅण्ड इंडस्ट्री (DICCI)चे संस्थापक अध्यक्ष पद्मश्री डॉ. मिलिंद कांबळे यांना विश्वशांती केंद्र (आळंदी), माईर्स एमआयटी, पुणेचे संस्थापक अध्यक्ष प्रा. डॉ. विश्वनाथ दा. कराड यांच्‍या हस्‍ते ‘तथागत गौतम बुध्द पंचशील विश्वशांती पुरस्‍कारा’ने सन्‍मानित करण्यात आले. सन्‍मानपत्र, स्‍मृतीचिन्‍ह आणि घोंगडी हे पुरस्‍काराचे स्‍वरूप होते.
या प्रसंगी माजी खासदार गोपाळराव पाटील, नागपूर विद्यापीठाचे माजी कुलगुरू डॉ. एस.एन.पठाण, थोर साहित्यिक व लेखक प्रा.रतनलाल सोनग्रा, ज्येष्ठ दलित नेते मोहनराव माने व लातूर जिल्हा परिषदेच्या समाजकल्याण विभागाचे सभापती संजय दोरवे हे सन्माननीय पाहुणे म्हणून उपस्थित होते.
यावेळी सौ. सीमा मिंलिंद कांबळे, शेतीनिष्ठ कर्मयोगी, ह.भ.प. तुळशीराम दा. कराड, प्रगतीशील शेतकरी काशीराम दा. कराड, विनायक पाटील, एमआयएमएसआर वैद्यकीय महाविद्यालयाचे कार्यकारी संचालक रमेशअप्पा कराड, सरपंच सौ. सुधामती नारायण कराड आणि उपसरपंच कमाल राजेखाँ पटेल हे उपस्‍थित होते.
डॉ. बुधाजीराव मुळीक म्‍हणाले,‘‘शेतकऱ्यांच्‍या आधारावर सर्वांचे चांगले चालते पण शेतकऱ्यांचे वाईट होते. त्‍यामुळे बुध्द पोर्णिमेच्‍या निमित्‍त शासनाने शेतकऱ्यांसाठी चांगला कायदा करावा अशी मागणीही त्‍यांनी केले. तसेच भगवान गौतम बुध्दांनी जीवनातील पाच तत्‍वे सांगितले, ते म्‍हणजे चोरी करणार नाही, व्‍याभिचार करणार नाही, असत्‍य बोलणार नाही, मद्य पान करणार नाही आणि प्राणी हिंसा करणार नाही. याचे पालन सर्वांनी केल्‍यास समाजात विश्वशांती निर्माण होईल.
शासनावर अवलंबून राहू नका. जे काही दयावयाचे आहे ते कायद्याने दया. जगात शांती पाहिजे असेल तर पोटात दाना हवा, त्‍यासाठी काम दया.
जगात सर्वांना माहिती आहे की शेती फायदेशीर नाही. शेतकऱ्यांचे उत्‍पन्नाचे नुकसान झाले त्‍याची भर कायद्याने दयावी. शेतकऱ्यापेक्षा शेतमजूर व माथाडी कामगार सुखी आहेत. शेतकऱ्याचा माल कोणी घ्यावा तसा कायदा करने गरजेचे आहे.’’
डॉ. मिलिंद कांबळे म्‍हणाले,‘‘डायलॉग, डिबेट आणि डिक्‍सशन या त्रिसूत्रीच्‍या आधारे डिक्‍की कार्य करीत आहे. देशाच्‍या आर्थिक क्षेत्रात आम्‍ही भागीदार बनून नोकरी मागणारे नाही तर नोकरी देणारे युवक बनविणे हे आमचे लक्ष आहे. त्‍याच माध्यमातून भारताला सुदृढ करावयाचे आहे. गरीब, दरिद्र व दुर्बल व्‍यक्‍तीवरच अन्‍याय व अत्‍याचार होत होतात, याचे कारण त्‍यांच्‍याकडे द्रव्‍य नाही. त्‍यामुळे आम्‍ही आर्थिक लोकशाही प्रस्‍थापित व्‍हावे हा धागा धरून सामाजिक आणि वित्तिय समावेशन होण्याचे कार्य करण्यासाठी डिक्‍कीची स्‍थापना झाली. याच्‍या माध्यमातून आज २ हजार उद्योजकांना वेंडर व सप्‍लायर म्‍हणून जोडले. डिक्‍कीच्‍या माध्यमातून आम्‍ही युवकांना वेगळा मार्ग दाखविला. आत्‍मविश्वास व कामाच्‍या प्रति निष्ठा असेल तर आर्थिक विकास होईल. तुच तुझ्या जीवनाचा शिल्‍पकार हो हे सूत्र युवकांनी सैदव लक्षात ठेवावे.
रामेश्वर येथील राममंदिरात बुध्दम शरणम गच्‍छामीची धुन ऐकणे ही इतिहासातील मोठी घटना आहे. डॉ. आंबेडकर यांनी नासिकमध्ये काळाराम मंदिरात प्रवेश मिळविण्यासाठी केलेल्‍या आंदोलनाची आठवण झाली. या ठिकाणीतील राम मंदिरातील घटनाने स्‍पष्ट जाणवले की येथील लोकांनी दलितांना स्‍विकारले . या जिल्‍ह्यातील इतिहासात ही घटना लिहिली जाईल.’’
प्रा.डॉ. विनश्वनाथ दा. कराड म्‍हणाले, ‘‘छोट्या गावात दोन मोठ्या लोकांचा सत्‍कार होणे अभिमानस्‍पद आहे. ही भूमि साधू संतांची आहे. संपूर्ण जगात भगवान गौतम बुध्द आणि महात्‍मा गांधी यांची शांतीदूत म्‍हणून ओळख आहे. वसुधैव कुटुम्‍बकम ही संकल्‍पना भारताने दिली आहे जी संपूर्ण विश्वाची धारणा आहे. १८९७ साली स्‍वामी विवेकानंद यांनी सांगितले की २१वे शतक भारत मातेचे असेल. या शतकात संपूर्ण जगाला सुख, शांती, समाधान आणि ज्ञानाचा मार्ग भारत दाखविले. परंतू या देशाला जो जाती पातीचा शाप लागला आहे, त्‍यासाठी भगवान गौतम बुध्दांचा संदेश आचरणात आणावा.’’
प्रा.डॉ. रतनलाल सोनग्रा म्‍हणाले,‘‘भगवान बुध्द हे शेतकरी होते त्‍यांनी मना मनाची मशागत केली. प्रत्‍येक मानवाच्‍या मनामध्ये विविध विचारांची स्‍पर्धा निर्माण होत असते. अशावेळेस बुध्दाच्‍या चरणी सर्व अर्पण करने हेच खरे ज्ञान आहे. येथे भगवान गौतम बुध्द आणि डॉ. बाबासाहेब आंबेडकरांच्‍या नावाने जे स्‍मृती भवन निर्माण केले आहे. ते जगातील आश्चर्य आहे. हे स्‍मृतीभवन पहायला लाखों पर्यटक येतील तेव्‍हाच खऱ्या दृष्टीने हे मानवतीर्थ म्‍हणून उदयास येईल.’’
सुरुवातीला गोविंद जाधव व शेषराव कांबळे बुध्द वंदना सादर केली.
डॉ. एस.एन.पठाण यांनी प्रस्‍ताविक केले. प्रा.डॉ. मिलिंद पांडे यांनी सूत्रसंचालन केले. हणमंत गजधने यांनी आभार मानले.

पुणे  : पुणे-सातारा महामार्गावरील  खेड शिवापूर टोल नाक्यावर वाहने तपासताना राजगड पोलिसांनी मोटारीतून बिबट्याच्या बछड्यांची तस्करी करणा-या तिघांना  राजगड पोलीसांनी सोमवारी जेरबंद केले. त्यांच्याकडून बिबट्याचे दोन बछडे ताब्यात घेण्यात आले आहे. या बछड्यांची तपासणी करून त्यांना कात्रज वनउद्यानात पाठविण्यात आले आहे. पोलिसांनी दिलेल्या माहितीनुसार, मुन्ना हबिब सय्यद (वय ३१,  रा.कवठेयमाई ता.शिरूर जि.पुणे), इराफास मेहबूब शेख (वय ३२ रा.वडगांव बुद्रुक, खडी मशीन शेजारी), आयास बक्षुलखान पठाण (वय ४० रा. घोरपडी पेठ  पुणे) या तिघांना पोलिसांनी अटक केली आहे.
सोमवारी सकाळी राजगड पोलीस ठाण्याचे वाहतूक पोलीस खेड शिवापूर टोलनाक्यावर वाहनांची तपासणी करत होते. यावेळी एका मोटार पोलीसांना संशयास्पद आढळली. त्यांनी मोटारीची तपासणी केली असता गाडीच्या मागच्या बाजला दोन खोकी झाकून ठेवल्याचे दिसले. पोलीसांनी त्याची तपासणी केली असता प्राण्यांकरिता वापरण्यात येणा-या प्लास्टिक बकेट मध्ये बिबट्याची दोन बछडे आढळून आली. पोलीसांनी तिघांना ताब्यात घेतले. तसेच याची माहिती  नसरापूर येथील वनविभागाचे अधिकारी एस. यु जाधवर यांना दिली. त्यांनी घटनास्थळी येत यातील एक बछडा नर आणि एक बछडा मादी जातीचा असल्याचे सांगितले.
राजगड  पोलीस ठाण्याचे सहायक पोलीस निरीक्षक दत्तात्रय दराडे  यांच्या मार्गदर्शनाखाली  हवालदार अंबादास बुरटे, सचिन कदम आणि मनोज निंबाळकर यांच्या पथकाने ही कारवाई  केली. पुढील तपास सहायक फौजदार समीर कदम करत आहेत.

पुणे :- पुणे जिल्हयामधील मावळ व शिरुर लोकसभा मतदारसंघातील मतमोजणी बालेवाडी येथील छत्रपती शिवाजी महाराज क्रीडासंकुलामध्ये दि.23 मे 2019 रोजी होणार आहे.  या दिवशी करण्यात येणा-या वाहतुकीचे नियमनाची तयारी पोलीस विभागाकडून करण्यात आली आहे. त्याविषयी राजकीय पक्षांच्या उमेदवार आणि त्यांच्या प्रतिनिधींना  तसेच प्रसार माध्यमांच्या प्रतिनिधींना माहिती देण्याकरीता बैठकीचे आयोजन करण्यात आले होते.

           या बैठकीला पिंपरी-चिंचवड महानगरपालिकेचे अति.आयुक्त दिलीप गावडे,            उप जिल्हाधिकारी संदीप निचित, पिंपरी-चिंचवड परिमंडल-2 च्या पोलीस उपायुक्त नम्रता पाटील, सहायक पोलीस आयुक्त  (प्रशासन) श्रीधर जाधव, वरिष्ठ पोलीस निरीक्षक यशवंत गवारी, पोलीस निरीक्षक ( वाहतूक) किशोर म्हसवडे आदी अधिकारी उपस्थित होते.

          यावेळी पोलीस प्रशासनाकडून उपस्थित राजकीय पक्षांचे उमेदवार व त्यांच्या प्रतिनिधींना मतमोजणीच्या दिवसाची वाहतुकीविषयी माहिती देताना कोणत्या राजकीय पक्षांच्या कार्यकर्त्यांना कोणत्या ठिकाणी आपली वाहने पार्क करता येईल याबाबतची माहिती देवून   मतमोजणीकरीता उपस्थित राहणा-या सर्वच अधिकारी, कर्मचारी, उमेदवार, त्यांचे प्रतिनिधी व मतमोजणी प्रतिनिधींच्या वाहनांना  ओळखपत्र पाहून मुख्य दरवाज्यातून सकाळी 7 वाजेपर्यंतच प्रवेश देण्यात येणार आहे, असे सांगण्यात आले. तसेच ओळखपत्राशिवाय आत सोडले जाणार नाही व एकदा आत सोडल्यानंतर बाहेर जाताना त्याचे ओळखपत्र जमा करण्यात येवून पुन्हा त्यांना आत सोडले जाणार नाही.तसेच मतमोजणी केंद्रात कोणालाही मोबाईल नेण्यास बंदी असल्याची   माहिती  यावेळी देण्यात आली.

पुणे- “इतिहासात अनेक महान व्यक्तिमत्वे आज विस्मृतीत जाऊ पाहत आहेत. महाराजा यशवंतराव होळकर त्यापैकीच एक. वाचनाची सवय कमी होत असल्याच्या काळात श्राव्य माध्यमातून जगभरातील उत्तमोत्तम साहित्य जगभरातील श्रोत्यांना उपलब्ध करुन देण्याचा वीडा स्टोरीटेलने उचलला आहे. मराठीचे दालनही समृद्ध होत असून आता यशवंतराव होळकरांवरील कादंबरी श्राव्य माध्यमात आल्याने हे विलक्षण व्यक्तिमत्व जगभर पोहोचेल.” असा विश्वास स्टोरीटेलचे भारतातील मुख्य कार्यकारी अधिकारी श्री. योगेश दशरथ म्हणाले. ते आद्य स्वातंत्र्य सेनानी महाराजा यशवंतराव यशवंतराव होळकरांच्या वादळी जीवनावर आधारित “झंझावात” या ध्वनीपुस्तकाचे प्रकाशन करतांना बोलत होते. याप्रसंगी लेखक संजय सोनवणी, प्रसिद्ध कवी संतोष देशपांडे आणि आदिम हिंदू महासंघाचे कार्याध्यक्ष सतीश पानपत्ते उपस्थित होते. आदिम हिंदू महासंघातर्फे हा प्रकाशन समारंभ आयोजित करण्यात आला होता.

श्री. योगेश दशरथ पुढे म्हणाले की, जगभरातील श्रुत परंपरा पुरातन आहे. गोष्टी, आख्याने ऐकतच पुर्वी लोक मोठे व्हायचे. आज धकाधकीच्या जीवना श्राव्य माध्यमाला पुन्हा महत्व येवू लागले आहे. स्टोरीटेलने अशा सर्वच श्रोत्यांसाठी लक्षावधी पुस्तके आता ऐकण्यासाठी उपलब्ध करुन दिली आहे. साहित्य संस्कृतीला यामुळे आता एक वेगळे वळण मिळाले आहे.

लेखक संजय सोनवणी म्हणाले की शून्यातुन स्वत: एक राज्य निर्माण करत राज्याभिषेक करुन घेत नंतर इंग्रजांना भारतातून हाकलण्यासाठी एकहाती लढा उभारणा-या यशवंतरावांचे जीवनच एक महाकाव्य आहे. महाराष्ट्रात जन्म घेतलेल्या या महावीराबद्दल मात्र क्वचितच कोणाला माहिते असते. त्यांचे जीवन लिहिणे आणि ध्वनीमुद्रित कर्णे हाच एक थरारक अनुभव होती. प्रत्येकाने ते ऐकलेच पाहिजे.

श्री. सतीश पानपत्ते यांनी सूत्र संचालन केले.

पुणे: उन्हाळयात पाण्याची मागणी वाढलेली असतानाच; नगर रस्ता परिसरात सातत्याने कमी दाबाने पाणी येत आहे. त्यामुळे नागरिकांना पिण्यासाठी पाणीही मिळत नाहीत. याबाबत प्रशासनाला वारंवार पत्र देऊन तसेच तातडीनं इतर पर्यायाद्वारे नागरिकांना पाणी देण्याची विनंती करूनही काहीच फरक पडत नाही. त्यामुळे नगर रस्ता परिसरातील राष्ट्रवादी कॉंग्रेसच्या नगरसेवकांनी येत्या 28 मे पासून महापालिके समोर आमरण उपोषण करण्याचा इशारा महापालिका आयुक्तांना दिला आहे. माजी आमदार बापूसाहेब पठारे यांच्या नेतृत्वाखाली हे उपोषण करण्यात येणार असल्याने नगरसेवक महेंद्र पठारे यांनी पत्रकारांशी बोलताना सांगितले. पठारे म्हणाले की, गेल्या काही वर्षात वडगावशेरी विधानसभा मतदारसंघातील पाण्याची स्थिती गंभीर बनली आहे. चंदननगर, खराडी, साईनाथनगर, वडगावशेरी, विमाननगर, लोहगाव परिसरातील नागरिकांना पिण्यासाठी पाणी मिळत नाही. अचानक दोन दोन दिवस पाणी पुरवठा विस्कळीत होतो. तर येणाऱ्या पाण्याचा दाब प्रचंड कमी असतो. त्यामुळे नागरिकांना पाण्यासाठी तासंतास घालवावे लागतात. याबाबत अनेकदा मोर्चा, आंदोलनही केली असून मुख्यसभेत सर्वपक्षीय नगरसेवकांनी आवाज उठविला आहे. या नंतर काही दिवस पाणी पुरवठा सुरळीत होतो.

मात्र, त्यानंतर पुन्हा पाण्यासाठी टॅंकरचा नागरिकांना पाण्याचा आधार घ्यावा लागतो. त्यामुळे एका बाजूला मिळकतकरात पाणीपट्टी भरूनही दुसऱ्या बाजूला टॅंकरसाठीही पैसे मोजावे लागतात. त्यामुळे पाण्यासाठी नागरीकांना प्रचंड मनस्ताप सहन करावा लागत असून प्रशासनाने तातडीनं पाणीपुरवठा सुरळीत करावा या मागणीसाठी आता आमरण उपोषण करण्याचा निर्णय घेतला असून याबाबत महापालिका आयुक्तांना माहीती देण्यात आल्याचे पठारे यांनी स्पष्ट केले.