उदयोन्मुख बॅटमिंटन खेळाडूंना प्रगती करण्यास व कौशल्ये वाढवण्यास मदत करण्यासाठी जेबीसी बूट कॅम्प या टेलर-मेड ट्युटोरिअल प्रोग्रॅमचे अनावरण

04 जुलै 2019: पीएनबी मेटलाइफ इंडिया इन्शुरन्स कंपनी लिमिटेड (“पीएनबी मेटलाइफ”) या भारतातील आघाडीच्या 10 खासगी लाइफ इन्शुरन्स कंपन्यांपैकी (आर्थिक वर्ष 2019) एक असणाऱ्या कंपनीने आज ज्युनिअर बॅडमिंटन चॅम्पिअनशिप (जेबीसी)-5 आणि जेबीसी बूट कॅम्प हा व्हर्च्युअल ट्युटोरिअल प्रोग्रॅम जाहीर केला. ब्रँड अम्बेसिडर व लोकप्रिय बॅडमिंटनपटू पी. व्ही. सिंधू आणि माजी नॅशनल चॅम्पिअन व प्रशिक्षक यू. विमल कुमार यांच्या उपस्थितीत या दोन्ही उपक्रमांची घोषणा करण्यात आली. उदयोन्मुख बॅडमिंटन खेळाडूंना मदत व्हावी, या हेतूने, दोन्ही बॅडमिंटन खेळाडू, तसेच पीएनबी मेटलाइफचे व्यवस्थापकीय संचालक व मुख्य कार्यकारी अधिकारी आशीष कुमार श्रीवास्तव यांनी जेबीसी `बूट कॅम्प’ या कस्टमाइज्ड यूट्युब चॅनलचे अनावरण केले.

या वर्षी, पीएनबी मेटलाइफने बॅडमिंटन खेळाला मुख्य प्रवाहामध्ये आणण्यासाठी विशेष प्रयत्न केले आहेत. उदयोन्मुख बॅडमिंटन खेळाडूंना प्रगती करण्यास व कौशल्ये विकसित करण्यास मदत करण्यासाठी पीएनबी मेटलाइफ जेबीसी बूट कॅम्पच्या माध्यमातून मार्गदर्शन करणार आहे. ट्युटोरिअल व्हीडिओंमध्ये तीन स्तर समाविष्ट असतील: बेसिक, इंटरमिजिएट व अॅडव्हान्स. त्यांच्या अभ्यासक्रमामध्ये खेळाचे नियम, मैदानाची मापे, विविध सर्व्ह, स्विंग्स, हालचाली व स्मॅशेस, फिटनेस अशा विषयांचा समावेश असेल. प्रेक्षकांना पी. व्ही. सिंधू. यू. विमल कुमार. विजय लॅन्सी व अनुप श्रीधर अशा नामवंत बॅडमिंटन खेळाडूंचे व दिग्गजांचे मार्गदर्शन मिळणार आहे. व्हर्च्युअल ट्युटोरिअलमुळे तरुण बॅडमिंटन खेळाडूंना कोणताही खर्च न करता, देशभरातून कोठूनही व्हर्च्युअल पद्धतीने देशातील मास्ट कोचेसशी जोडले जाता येईल. ही ट्युटोरिअल यूट्युब/पीएनबी मेटलाइफ जेबीसी बूट कॅम्प येथे पाहता येतील.

बॅडमिंटन असोसिएशन ऑफ इंडिया (बीएआय) मान्यताप्राप्त पीएनबी मेटलाइफ जेबीसी हा उपक्रम लहान वयात योग्य गुणवत्ता व खेळाडू जोपासून, बॅडमिंटन हा खेळ तळागाळापर्यंत नेतो. या स्पर्धेचा पाचवा हंगाम भारतातील 10 शहरांत खेळला जाणार आहे. आजच्या तरुण पिढीमध्ये निरोगी जीवनशैलीला उत्तेजन देण्यासाठी, ही स्पर्धा 5-17 वर्षे वयोगटातील मुलांसाठी खुली असून तिचे विभाजन 9, 11, 13, 15 व 17 वर्षांखालील श्रेणींमध्ये केले जाईल.

पीएनबी मेटलाइफचे व्यवस्थापकीय संचालक व मुख्य कार्यकारी अधिकारी आशीष कुमार श्रीवास्तव यांनी सांगितले, “बॅडमिंटन हा भारतातील दुसऱ्या क्रमांकाचा सर्वाधिक खेळला जाणारा खेळ आहे आणि देशात या खेळामध्ये मोठ्या प्रमाणात गुणवत्ता उपलब्ध आहे. या खेळाडूंना योग्य प्रशिक्षण व सुविधा मिळाल्यास ते या क्षेत्रात चमकू शकतात. गेली चार वर्षे, आम्ही ज्युनिअर बॅडमिंटन चॅम्पिअनशिप्सद्वारे अशा तरुण खेळाडूंना पाठिंबा देत आहोत. स्पर्धेचे पाचवे पर्व हे आमच्या सातत्यपूर्ण प्रयत्नाचे प्रतिक आहे. स्पर्धेबरोबरच, जेबीसी बूट कॅम्पमुळे अनेक तरुण खेळाडूंना लाभ होईल, अशी अपेक्षा आहे.”

अगोदरच्या वर्षांतील चॅम्पिअनशिप्सना उत्स्फूर्त प्रतिसाद मिळाला आहे व सहभागींकडून उत्तम प्रतिक्रिया मिळाली आहे. जेबीसी-4 हे पर्व देशभरातील 8000+ उदयोन्मुख बॅडमिंटन खेळाडूंपर्यंत पोहोचले. सहभागींकडून पसंती आणि मागील काळात सायना नेहवाल, अश्विनी पोन्नप्पा, दिनेश खन्ना व प्रकाश पदुकोण यांच्याकडून आणि या वर्षी ब्रँड अम्बेसिडर पी. व्ही. सिंधू व नॅशनल चॅम्पिअन यू. विमल कुमार यांच्याकडून कौतुक मिळाल्यानंतर, जेबीसी 5 या यंदाच्या चॅम्पिअनशिपनेही सहभागींच्या संख्येत मोठी वाढ नोंदवली असून, देशाच्या कानाकोपऱ्यातून प्रवेशिका येत आहेत.

बॅडमिंटनपटू पी. व्ही. संधू यांनी सांगितले, “या खेळाने अलीकडच्या काळात मिळवलेले विजेतेपद व गौरव यामुळे हा खेळ घराघरात पोहोचला आहे. परंतु, अधिक गुणवान खेळाडू घडवण्यासाठी आणखी प्रयत्न होणे आवश्यक आहे. म्हणूनच, तळागाळापासून उत्तेजन देणे गरजेचे आहे. या खेळामध्ये उतरताना नव्या खेळाडूंसमोर येणारी सर्वात मोठी अडचण म्हणजे, योग्य प्रशिक्षण व मार्गदर्शन यांचा अभाव. जेबीसी बूट कॅम्पमुळे, तरुण बॅडमिंटन खेळाडूंना या खेळातील दिग्गजांकडून योग्य प्रशिक्षण व मार्गदर्शन मिळेल. गुणवान खेळाडूंसाठी पोषक वातावरण व व्यवस्था निर्माण करण्यासाठी व त्याद्वारे त्यांना व्यावसायिक खेळ म्हणून बॅडमिंटनची निवड करण्यास उत्तेजन देण्यासाठी पीएनबी मेटलाइफशी जोडलेली असल्याचा मला अतिशय आनंद होतो. या देशात या खेळातील गुणवत्तेची वानवा नाही, हे या खेळाच्या वाढत्या लोकप्रियतेवरून दिसून येते.”

योग्य व इच्छित व्यक्तींपर्यंत पोहोचण्यासाठी, जेबीसीने क्राय (चाइल्ड राइट्स अँड यू) बरोबर केलेला सहयोग विचारात घेता, एक प्रकल्प म्हणून जेसीबी अधिक महत्त्वाची ठरते. गेल्या चार वर्षांत, सीएसआर उपक्रमाचा भाग म्हणून, पीएनबी मेटलाइफ भारतातील गरजू विद्यार्थ्यांना प्रशिक्षण व मार्गदर्शन यासाठी वार्षिक शिष्यवृत्ती देत आहे. गेल्या चार वर्षांत, पीएनबी मेटलाइफने 56 गरजू विद्यार्थ्यांना शिष्यवृत्ती दिली आहे आणि भारतातील 375 गरजू विद्यार्थ्यांना प्रशिक्षण दिले आहे. यंदा, आगामी जेबीसीसाठी जवळजवळ 100 गरजू विद्यार्थ्यांना प्रशिक्षित केले जात असून, त्यापैकी 32 मुलांना बॅडमिंटन हा खेळ जोपासण्यासाठी वार्षिक शिष्यवृत्ती दिली जाणार आहे.

पीएनबी मेटलाइफचे चीफ मार्केटिंग ऑफिसर निपुण कौशल म्हणाले, “एक स्पर्धा म्हणून जेबीसी हे बॅडमिंटनप्रेमींसाठी एक सर्वात मोठे वार्षिक राष्ट्रीय खुले व्यासपीठ बनले आहे, यात शंकाच नाही. या खेळाची गुणवत्ता असणाऱ्या, परंतु ती साध्य करण्यासठी साधनांची कमतरता असणाऱ्या मुलांना मदत करण्यासाठी जेबीसी हे प्रभावी माध्यम ठरले आहे. ही स्पर्धा लहान वयात योग्य गुणवत्ता जोपासण्यासाठी मदत करते, त्यामुळे मुलांच्या प्रगतीला आणि जागतिक स्तरावर कामगिरी करण्याची क्षमता विकसित करण्याला चालना मिळते.”

स्वतंत्र नोंदणी लिंकद्वारे जेबीसीसाठी ऑनलाइन नोंदणी करता येऊ शकते. तसेच, 200 हून अधिक मायक्रो-कम्युनिटीज व 6,000 मम ब्लॉगर्स यांच्यामार्फतही नोंदणी करता येऊ शकते. नोंदणी करण्यासाठी इच्छुकांनी (+919172530523) या टोल-फ्री क्रमांकावर संपर्क करावा. तसेच, भारतभरातील इच्छुकांना सहभागी करून घेण्यासाठी, शाळा, क्रीडा अकादमी व बॅडमिंटन संघटनाही सहभागी होणार आहेत.

पुणे :’ईव्हीएम ‘ हॅकिंग मुळे देश, लोकशाही गिळंकृत झाली असल्याचा सूर ‘ ईव्हीएम चे सत्य’ कार्यक्रमात उमटला.

ईव्हीएम विरोधी राष्ट्रीय जनआंदोलन’च्या ‘ ईव्हीएम चे सत्य’ या जाहीर कार्यक्रमास बुधवारी चांगला प्रतिसाद मिळाला.माजी न्या.बी.जी. कोळसे – पाटील हे कार्यक्रमाच्या अध्यक्षपदी होते. बुधवार,दि. ३ जुलै २०१९ रोजी संध्याकाळी ५ ते ८ या वेळात पंडित जवाहरलाल नेहरू सांस्कृतिक भवन व कलादालन, घोले रोड, पुणे येथे हा कार्यक्रम झाला.

अनुपम सराफ, विद्यूत, धनंजय शिंदे, फ़िरोज़ मिठीबोरवाला, रवि भिलाने, संतोष शिंदे, नगरसेवक अविनाश बागवे, श्वेता होनराव व्यासपीठावर उपस्थित होते.

अॅड. अभय छाजेड, दत्ता बहिरट, , रूपाली ठोंबरे-पाटील यांनी अनुभव कथन केले.प्रश्र्नोत्तरेही झाली. माहिती -तंत्रज्ञान तज्ज्ञ धनंजय माने यांनी ईव्हीएम हॅकिंग बद्दल माहितीचे सादरीकरण केले.

‘ ईव्हीएम हे उद्योगपती ,ब्राहमण वर्चस्ववादी आणि संघाने आणलेली व्यवस्था आहे. या देशात माणसं मॅनेज होतात, तर मशीन का होत नसेल ? म्हणून ईव्हीएम व्यवस्थेविरोधात लढण्याची गरज आहे ‘ , असे उद्गार न्या.बी.जी. कोळसे – पाटील यांनी काढले.

ते म्हणाले, ‘कोणतेही सरकार देशात असले तरी संघाचेच वर्चस्व राहिलेले आहे. मोदी -शहा यांच्या विरोधात न्या. कृष्णा अय्यर तसेच न्या.सावंत यांनी कारवाईची शिफारस केलेली असताना ती झाली नाही.बाबरी प्रकरण झाले नसते, तर गोध्रा झाले नसते, गोध्रा झाले नसते, तर २००२ चा हिंसाचार झाला नसता.

धनंजय शिंदे म्हणाले, ‘ईव्हीएम द्वारे मतांची चोरी होत असल्याचा आरोप त्यांनी केला. संशय असल्याने प्रगत देशातही ईव्हीएम चा वापर थांबवला आहे. पण, भारतीय निवडणूक आयोग ईव्हीएम ला चिकटून आहे.जेव्हा उमेदवाराची नावे, चिन्हे मशीनमध्ये भरली जातात, त्याच क्षणी घोटाळा केला जातो. हॅकेथॉन स्पर्धत परदेशी कंपन्यांना का प्रवेश दिला नाही ? मतदानावर आक्षेप चुकला तर मतदारालाच शिक्षा होण्याची भीती आयोगाने घातलेली आहे.
.
फिरोज मिठीबोरवाला म्हणाले, ‘ इलेक्ट्रॉनिक व्होट मॅनेजमेंटच्या जोरावर केंद्र सरकार निवडून आली आहे. सर्व यंत्रणा नियंत्रित करून १०० जागांचा घोटाळा मोदी सरकारने केला आहे. पुलवामा आणि एअर स्ट्राईकवर २३ राजकीय पक्षांना ठामपणे शंका घेता आली नाही, हे मोठे अपयश ठरले.ईव्हीएम विरोधी लढाईत देशपातळीवर चांगला प्रतिसाद मिळत आहे. ‘

अनुपम सराफ म्हणाले, ‘ ईव्हीएम ही हातचलाखीची जादू आहे. निवडून आलेल्या उमेदवाराला मिळालेली मते ही जनतेने दिलेली मतेच आहेत, हे ठामपणे निवडणूक आयोग सांगू शकत नाही.व्हीव्हीपॅट हे व्होटर डिस्प्ले आहे, व्होटर व्हेरीफाइड स्लीप नव्हे. पाच व्हीव्ही पॅट मॅनेज करणे खूप सोपे आहे. मतदार याद्या कायद्याप्रमाणे तयार होत नाहीत. हे एक प्रकारे बूथ कॅप्चरिंग आहे.आधार नंबर व्होटरला जोडणे हाही भ्रष्टाचार आहे. जनधन खाती उघडणे हा थेट सबसिडीने प्रभावित करणे शक्य होते. सोयीचे मतदार प्रभावित करणे शक्य होते.

अभय छाजेड म्हणाले, ‘ पोलिंग एजंट, काऊटिंग एजंट ना २०१४ मeये ईव्हीएम विषयी जागरुकता नव्हती. मात्र, तेव्हापासून ईव्हीएम घोटाळा सुरु झाला होता. माझ्या निवडणुकीत उच्च न्यायालयात ईव्हीएम विरोधात धाव घेतली. मात्र, उपयोग झाला नाही.माहिती अधिकारात मशीन निर्मितीची माहिती मिळू शकत नाही. दुसरीकडे वातावरण निर्मिती केली जाते. समर्थन करणारा बुध्दीवादी वर्ग तयार ठेवला जातो. तरीही ,ईव्हीएम टॅंपरिंग कसे होते, याचा कायदेशीर शोध घेतला पाहिजे. मतदाराला आपले मत कोठे गेले, ते व्हीव्ही पॅट स्लीप द्वारे कळले पाहिजे.

रुपाली ठोंबरे – पाटील म्हणाल्या, ‘ २०१२ साली मी २१०० मतांनी निवडून आले होते. २०१७ ला १४ हजार हून अधिक मते मिळाली , पण नवख्या उमेदवाराला २५ हजार मते मिळाली. मोदी सरकार खरंच लोकप्रिय आहे तर त्यांनी बैलेट पेपरवर निवडून येऊन दाखवावे. लोकशाही जगवायची असेल तर निवडणुकांना बॅलेट पेपरवर आणावे लागेल.

दत्ता बहिरट म्हणाले, ‘ माझ्या निवडणुकीत छाननीपासून निवडणूक निर्णय अधिकाऱ्यावर दबाव होता. मतदानावेळी मतदान भलतीकडेच जात होते. न्यायलयातही तारखा पुढे पुढे जातात. निकाल लागत नाहीत. ‘

. संतोष शिंदे म्हणाले, ‘ ईव्हीएम ऐवजी बॅलट पेपरवर महाराष्ट्र विधानसभा निवडणूक घेण्यासाठी आंदोलन झाले पाहिजे.

रिपब्लिकन युवा मोर्चाचे राहुल डंबाळे म्हणाले, ‘ निवडणूक आयोग हा सत्ताधाऱ्यांचे संघटन असल्याप्रमाणे वागत आहे. संसदीय लोकशाही संपण्याचा धोका आहे. ‘

रवी भिलाने म्हणाले, ‘ सर्व समाज या सरकारच्या विरोधाात आहे. फक्त, ईव्हीएम यांच्या सोबत आहे. हा देशाला गिळून टाकणारा घोटाळा आहे. त्या विरोधात उभे राहिले पाहिजे.

जांबुवंत मनोहर यांनी प्रास्ताविक केले. संदीप बर्वे यांनी सूत्रसंचालन केले.

जाम्बुवन्त मनोहर, डॉ सुरेश बेरी, दिलिप सिंग विश्वकर्मा, रुपाली पाटील, क्षितिज यामिनी श्याम, प्रशांत कनोजिया, नागेश भोसले, समिर गांधी, सुकेश पासलकर, सुभाष कारंडे व सहकारी यांनी आयोजन केले . माजी आमदार मोहन जोशी यांनीही सभागृहात येऊन वक्त्यांची भेट घेतली

नवे तिकीट दर ८ जुलै लागू
मुंबई:
मुंबई-पुणे मार्गावर धावणारी, एसटीची प्रतिष्ठीत सेवा म्हणून नावलौकीक असलेल्या शिवनेरी व अश्वमेध या बसेसच्या तिकीट दरात ८० ते १२० रुपयां पर्यंत भरगोस कपात करण्यात आल्याची घोषणा परिवहन मंत्री, व एसटी महामंडळाचे अध्यक्ष श्री. दिवाकर रावते यांनी केली. कमी झालेले नवे तिकीट दर येत्या सोमवार पासून, म्हणजे ८ जुलै पासून लागू होणार आहेत.
गेली १५ वर्षे मुंबई-पुणे मार्गावर अत्यंत लोकप्रिय असलेली एसटीची “शिवनेरी” हि बस सेवा या मार्गावरील कोणत्याही दळणवळण सेवेपेक्षा किफायतशीर, सुरक्षित व आरामदायी आहे. सध्या महाराष्ट्रातील वेगवेगळ्या ७ मार्गावर शिवनेरीच्या दिवसभरात ४३५ फेऱ्या केल्या जातात, याद्वारे दरमहा सुमारे दीड लाख प्रवाशांना दर्जेदार सेवा दिली जात आहे. या प्रतिष्ठीत बस सेवेची लोकप्रियता लक्षात घेऊन, हि प्रतिष्टीत सेवा सर्वसामान्य लोकांच्यापर्यंत पोहोचवून जास्तीतजास्त प्रवासी संख्या वाढवणे, हा तिकीट दर कमी करण्याचा उद्देश असल्याचे श्री. रावते यांनी स्पष्ट केले. मागील काही काळात मुंबई-पुणे मार्गावर कमी दरात चालणाऱ्या ओला,उबेर सारख्या टॅक्सी सेवेमुळे शिवनेरीच्या प्रवासी संख्येवर प्रतिकूल परिणाम झाला आहे. तिकीट दर कमी केल्यामुळे हा प्रवाशी वर्ग सुद्धा शिवनेरीकडे वळेल .
एसटी महामंडळाच्या वाहतूक विभागाने सध्या प्रवाशांना या मार्गावर उपलब्ध असलेल्या वाहतूक व्यवस्थेचा विचार करून स्पर्धात्मक तिकीट दर कपातीचा प्रस्ताव सादर केला. त्यानुसार लवचिक भाडेवाढ अथवा कपातीच्या संदर्भात एसटी महामंडळाला राज्य परिवहन प्राधिकरणाने दिलेल्या विशेष अधिकारानुसार हि दर कपात करण्यात आली आहे. येत्या सोमवार पासून कमी झालेले नविन तिकीट दर लागू होतील अशी माहिती एसटी प्रशासनाकडून देण्यात आली.

मुंबई : ‘मैने प्यार किया’ चित्रपटातून घराघरात पोहचलेली अभिनेत्री भाग्यश्रीचा पती हिमालय दासानीला मुंबई पोलिसांनी अटक केली आहे. जुगाराचा अड्डा चालवल्याप्रकरणी ही कारवाई करण्यात आल्याची प्राथमिक माहिती पुढे येत आहे. दरम्यान हिमालयची जामिनावर मुक्तता करण्यात आली आहे.

गेल्या महिन्यापासून पोलीस दासानीच्या मागावर होते. गेल्या महिन्यात धाड टाकून पोलिसांनी जुगार अड्डा उद्ध्वस्त केला होता. त्यात १५ जणांना अटक करण्यात आली होती. याच प्रकरणात आता दासानीला अटक करण्यात आली आहे. अंधेरीतील आंबोली पोलिसांनी मंगळवारी ही कारवाई केली. दासानीला न्यायालयात हजर करण्यात आले असता जामीन मंजूर झाला आहे.

दरम्यान, ‘मैने प्यार किया’ चित्रपट प्रदर्शित झाल्यानंतर १९९० मध्ये हिमालय आणि भाग्यश्री विवाहबद्ध झाले. त्यानंतर लगेचच भाग्यश्रीने बॉलिवूडला रामराम ठोकला होता. दासानी बांधकाम व्यवसायात असल्याचे सांगितले जाते.