पुणे – सैनिका विषयी कृतज्ञता…तुमच्यासाठी घरोघरी विविध सण,उत्सव साजरे होत असताना देशाच्या सीमेवर लढणाऱ्या जवानांना मात्र, कुठलाही सण नाही की,उत्सव नाही, देशाची सुरक्षा करणे हेच एकमेव ध्येय त्यांच्यासमोर असल्यामुळे रक्षाबंधन असो, भाऊबीज असो की,इतर सण अशा उत्सवांची ते आतुरतेने वाट पाहात असतात.म्हणून डॉ.नंदकिशोर एकबोटे आणि समृद्धी एकबोटे यांनी रक्षाबंधनानिमित्त पुणे शहरातील माता भगिनींनी,मॉडर्न हायस्कूल शिवाजीनगर,दीनदयाळ उपाध्याय पतपेढी, योग विद्या धाम संस्था,आधार मूक बधिर विद्यालय, विविध सामाजिक आणि शैक्षणिक संस्थांनी सीमेवरील सैनिकांना राखी पाठवून सैनिको हो तुमच्यासाठी अशी भावना व्यक्त करतात.आम्ही तुमच्या सोबत आहोत हे दाखवून देत विद्यार्थ्यानी व सामाजिक संस्थांनी देशाच्या सीमेवर लढणाऱ्या सैनिकांसाठी रेशीम धाग्याच्या अतिशय आकर्षक, सुबक अशा 15 हजारांहून अधिक राख्या तयार करून शिवाजीनगर येथील पोस्टऑफिस मधून पाठवल्या.डॉ.नंदकिशोर एकबोटे म्हणाले की,आम्ही 26 जुलै हा विजय दिवस म्हणून साजरा केला.आणि रक्षाबंधन असो की, दिवाळी,अशा उत्सवांना सीमेवर देशाचे रक्षण करीत असलेले सैनिक घरी परत येऊ शकत नाही.त्यामुळे देशवासियांकडून त्यांना राख्या किंवा आपल्याकडील पत्र मिळाले की सैनिकांना खूप आनंद होत असतो.सैनिकांची अनेक पत्र मी जतन केले आहेत.केवळ एका संस्थेतर्फे हा कार्यक्रम साजरा होऊ नये.तर देशभर हा उपक्रम केला गेला पाहिजे. यातून सीमेवर असणाऱ्या बाहादूर सैनिकांचे मनोबल वाढते आणि विद्यार्थ्यांमध्ये देशभावना निर्माण होते. पोस्ट सर्विसच्या माध्यमातून सीमेवरील सैनिकांपर्यंत या राख्या पोहचविल्या जाणार असल्याचे डॉ.एकबोटेनी सांगितले.माजी सुभेदार ज्ञानेश्वर शिंदे,मॉडर्न हायस्कूल शिवाजीनगरचे शिक्षक व शिक्षकेत्तर कर्मचाऱ्यांचे सहकार्य लाभले.

पुणे  – राज्याच्या विविध भागांत दमदार पावसामुळे धरणांच्या साठ्यात लक्षणीय वाढ होत असून पश्चिम महाराष्ट्र, नाशिक परिसरात अनेक धरणे ओसंडली आहेत.खडकवासला धरणातून सध्या अकरा वाजल्यापासून 35574 cusecs इतका विसर्ग चालू असून धरण क्षेत्रामध्ये मोठ्या प्रमाणात पाऊस चालू असल्यामुळे व पानशेत आणि वरसगाव धरणे शंभर टक्के भरली असल्यामुळे त्या दोन्ही धरणातून अनुक्रमे 12936 व 9035 असा विसर्ग चालू असून पावसाचा जोर धरण क्षेत्रामध्ये वाढलेला असल्यामुळे दुपारी तीन वाजता खडकवासला धरणातून एकूण 41756 cusecs इतका विसर्ग मुठा नदीपात्रात सोडण्यात येणार आहे.चासकमान धरण परिसरात व भिमाशकर भागात अतिवृष्टी चालू असून गेल्या २४ तासात ३०० मीमी पावसाची नोंद झालेली आहे. आवक मोठ्या प्रमाणात आहे.चासकमान धरणातून दि.४.८.१९ आज सकाळी १०.३० वा. २६४७५ क्युसेक्स वरून ४५६३० क्युसेक्स विसर्ग वाढवणेत आला आहे येरवडा येथील शांती नगर ,भारत नगर ,इंदिरा नगर येथील अनुक्रमे २५० /७५/२०० कुटुंबांचे स्थलांतर करण्यात आले असल्याची माहिती महापालिकेचे संजय मोरे यांनी दिली .कळस,विश्रांतवाडी ,येरवडा येथील महापालिका शाळेत त्यांची व्यवस्था करण्यात आली आहे.

पश्चिम महाराष्ट्र, उत्तर महाराष्ट्र, विदर्भातील काही ठिकाणी संततधार सुरू असून आगामी तीन दिवस पावसाचा जोर टिकून राहील, असा अंदाज हवामान खात्याने व्यक्त केला आहे. किनारी प्रदेशात सोसाट्याचे वारे वाहतील आणि काही ठिकाणी अतिवृष्टी होईल, असा इशाराही देण्यात आला आहे.

खडकवासला, पानशेत धरण १०० टक्के भरल्याने पानशेतमधून मोठ्या प्रमाणावर नदीत विसर्ग सुरु झाला आहे. त्यामुळे खडकवासला धरणातून आज (रविवारी) सकाळी ११ वाजता ३५ हजार ५७४ क्युसेस पाणी सोडण्यात येणार आहे. यामुळे पुणे शहरात पूर परिस्थिती निर्माण होणार असून नदीलगतच्या अनेक भागात पाणी शिरण्याची दाट शक्यता आहे.

गेल्या काही दिवसांपासून खडकवासला धरणातून नियमितपणे मोठ्या प्रमाणावर पाणी नदीत सोडण्यात येत आहे. त्यामुळे आताच नदीपात्र ओसंडून वाहत आहे. शुक्रवारी आणि शनिवारी जोरदार पाऊस पडला असून रविवारी सकाळपासून पाऊस चालू असल्याने पानशेत व खडकवासला धरणात मोठ्या प्रमाणावर पाणी येत आहे. खडकवासला धरणातून पाणी सोडण्यात येणार असल्याने प्रशासनाने पुणेकरांना सावधानतेचा इशारा दिला आहे. प्रामुख्याने औंध, दापोडी, बोपोडी, येरवडा, हडपसर, शिवणे, उत्तमनागर, खिलरेवस्ती, सिंहगड रोड, शिवाजीनगर, जुना बाजार, ढोले-पाटील रोड आणि ओंकारेश्वर मंदिर परिसरातील नागरिकांनी दक्षता घ्यावी असे आवाहन करण्यात आले आहे. त्यांना सावधानतेचा इशारा दिला आहे.

दरम्यान, नाशिक व नगर जिल्ह्यात पडत असलेल्या संततधार पावसामुळे या भागातील धरणे भरू लागली असून या धरणांतून मोठ्या प्रमाणात पाण्याचा विसर्ग सुरू आहे. उद्यापर्यंत पाण्याचा वेग वाढवण्यात येणार असल्याने जिल्हा प्रशासनाने गोदाकाठच्या गावांना सतर्कतेचा इशारा दिला आहे.

 . ८३,७७३ क्युसेक वेगाने नांदुर मधमेश्वर पिकअप वेअरमधून गोदावरी नदीमध्ये विसर्ग { गंगापूर धरणातून सकाळी नऊपासून १७७४८ क्युसेक पाण्याच्या विसर्ग करण्यात अाल्याने गाेदावरीने नाशकात शनिवारी धाेक्याच्या पातळी गाठली. हे पाणी जायकवाडीच्या दिशेने

नगर : भंडारदराून प्रथमच प्रवरामध्ये साडेचार हजार क्युसेक वेगाने विसर्ग. हे पाणी कायगाव टोका येथे गोदावरी-प्रवरा संगमात दाखल होईल.

मुंबईला पाणीपुरवठा करणारे तानसा धरण ओव्हरफ्लो. सर्वच्या सर्व ३८ दरवाजे उघडले.

प.महाराष्ट्रात धरणे तुडुंब
पानशेत : धरण काठोकाठ भरल्याने आंबी नदीत विसर्ग सुरू.

कोयना : धरणाच्या पाणलोट क्षेत्रात तुफान पाऊस सुरू असल्याने धरणाचे सहा वक्र दरवाजे तीन फुटांनी उचलून सुमारे २० हजार क्यूसेकने विसर्ग.

खडकवासला,पानशेत पूर्ण भरले, वरसगाव, टेमघर : ही धरणेही भरण्याच्या वाटेवर. भामा आसखेडमधून आठ हजार क्यूसेकने भीमा नदीत पाणी सोडले.

वसईत मुसळधार पाऊस, पुरात १४ वर्षाचा मुलगा वाहून गेला. मोरी गावातील दुर्दैवी घटना.

डिंभे : धरण पूर्ण भरल्याने ५ हजार क्यूसेक विसर्ग चालू.

कसारा घाटात दरड कोसळली, नाशिक-मुंबई महामार्ग बंद.

 पुणे-माणगाव हायवेवर माले या गावाजवळ पुलावर पाणी आल्यामुळे प्रवासाकरिता व पर्यटकांकरिता हायवे पौड बंद

 पुणेः घोटावडे – अंबडवेट दरम्यानच्या पूल परिसरात मुळा नदी दुथडी भरून वाहू लागली.

पुणेः बाणेरची स्मशानभूमी पाण्याखाली, ज्युपिटर हॉस्पिटल, प्रथमेश पार्क, डीएसके गंधकोष सोसायटीत पाणी

-बोरघाटात दरड कोसळल्याने मुंबई-पुणे रेल्वेमार्ग बंद

-गरज असेल तरच घराबाहेर पडा, असे आवाहन प्रशासनाने मुंबई, ठाण्यातील लोकांना केले आहे.

जायकवाडीतील पाणीसाठा ११.५९%
पैठण – जायकवाडी धरणाच्या वरील भागात असलेल्या धरणांतून विसर्ग सुरू असल्याने शुक्रवारी रात्रीच्या माेजणीनुसार जायकवाडीतील पाणीसाठा ११.५९ टक्क्यांवर आला. नाशिक जिल्ह्यातून पाण्याची आवक सुरूच राहणार असल्याने जायकवाडीतील पाणीपातळी रविवार संध्याकाळपर्यंत चांगली वाढू शकेल.

गोदावरीकाठच्या गावांना सतर्कतेचा इशारा
औरंगाबाद – नाशिक जिल्ह्यातील धरण प्रकल्प क्षेत्रात सतत पाऊस चालू आहे. येत्या ३-४ दिवसांत आणखी पावसाची शक्यता पाहता जायकवाडी धरणात मोठ्या प्रमाणावर पाणी येत आहे. गोदावरी नदीलगत पूरस्थिती असल्याने गोदाकाठच्या गावांना प्रशासनाने सतर्कतेचा इशारा दिला. नदीपात्रात प्रवेश करू नये, जनावरांना मोकळे सोडू नये, असे आवाहन जिल्हाधिकारी उदय चौधरी यांनी केले.

मुंबई : पांडवकडा धबधब्यात ४ मुली बुडाल्या, ३ मृतदेह सापडले
मुंबई – नवी मुंबईतील खारघरजवळील पांडवकडा धबधब्यात एका कॉलेजमधील चार विद्यार्थिनी वाहून गेल्याची घटना शनिवारी घडली. पैकी तीन मुलींचे मृतदेह सापडले आहेत. चारही विद्यार्थिनी सहलीसाठी पांडवकडा धबधब्यावर आल्या होत्या. मात्र पाण्याचा अंदाज न आल्याने त्यात प्रवाहात वाहून गेल्या. सकाळी ११ वाजता ही घटना घडली. मृतांत चेंबूर येथील नेहा जैन (१९) हिचा समावेश आहे.

पुणे: मुंबईत सुरू असलेल्या मुसळधार पावसामुळे मुंबईची लोकल वाहतूक ठप्प झाल्याने पुणे- मुंबई इंटरसिटी एक्सप्रेस आणि पुणे-मुंबई इंद्रायणी एक्सप्रेस रद्द करण्यात आली आहे. तर काही एक्सप्रेसची सेवा तात्पुरती स्थगित करण्यात आल्याचं मध्य रेल्वेनं स्पष्ट केलं आहे.

पुणे : “चळवळीला पुढे नेण्यासह आपल्या परखड साहित्यातून चुकीच्या गोष्टींवर प्रहार करण्याची त्यांची शैली होती. त्यांचे लिखाण मार्मिक होते. पुस्तके हाच त्यांचा ध्यास होता आणि नव्या पिढीला साहित्य उपलब्ध व्हावे, यासाठी ग्रंथालय उभारण्याची त्यांची इच्छा होती. त्यासाठी माझ्या खासदार निधीतून रमाबाई आंबेडकर नगरात ग्रंथालय उभारण्यासाठी ४० लाखांचा निधीही मंजूर केला होता. मात्र, काही तांत्रिक अडचणींमुळे तो मिळण्यास विलंब झाला आणि राजा ढाले ग्रंथालय उभारण्याआधीच निघून गेले. त्यांच्या हयातीत ग्रंथालय उभारले असते, तर त्यांना फार आनंद झाला असता. आता त्यांचे ग्रंथालय उभारण्याचे अपुरे स्वप्न पूर्ण करून व त्यांचे चांगले स्मारक उभारून त्यांचा सन्मान करणार आहे,” असे प्रतिपादन केंद्रीय सामाजिक न्याय राज्यमंत्री रामदास आठवले यांनी केले.

येरवडा   मध्यवर्ती  कारागृहातील पुरुष बंदीचे कौशल्य प्रशिक्षण वर्गाचा समारोप.

पुणे  :  कौशल्य प्रशिक्षणाद्वारे  आयुष्य सुखकर आणि यशस्वी होण्यास   नक्कीच मदत होते, यासाठी बंदी पुनर्वसनासाठी कौशल्य प्रशिक्षण हा अधिक योग्य पर्याय आहे असे मत, येरवडा  मध्यवर्ती कारागृहाचे अधिक्षक यु. टी.पवार यांनी व्यक्त केले.  बंदी पुनर्वसन प्रकल्पाअंतर्गत  टाटा  ट्रस्ट व यशस्वी एकेडमी फॉर स्किल्स यांच्या  संयुक्त  उपक्रमाद्वारे  हाऊसकिपींगचे  कौशल्य प्रशिक्षण देण्यात आले. या प्रशिक्षणवर्गाच्या  समारोप कार्यक्रमात प्रशस्तीपत्र प्रदान करताना ते बोलत  होते.

यावेळी बोलताना  ते पुढे म्हणाले  की, कारागृह  ही  कैदयांची फक्त  शिक्षा  भोगण्याची  जागा  नसून त्यांच्यात  सुधारणा  घडवून आणण्याची त्यांना  नवी संधी देण्याची पूनर्वसनाची जागा आहे.  कैद्यांना त्यांची  चूक सुधारण्याची आणि नव्याने आयुष्य सुरु करण्याची संधी मिळाली पाहिजे, या हेतूने येरवडा मध्यवर्ती कारागृहात अनेक उपक्रम राबविण्यात येतात. शिक्षा संपवून बाहेर पडल्यानंतर त्यांना सन्मानाने जगता  यावे,उदरनिर्वाहाचे साधन सहज उपलब्ध व्हावे याकरिता  कौशल्य प्रशिक्षणाच्या माध्यमातून कैद्यांचे पुनर्वसन करण्याचा प्रयत्न सुरु असल्याचे त्यांनी सांगितले.

यावेळी त्यांच्या हस्ते सर्व सहभागी कैदयांना  प्रशिक्षण पूर्ण केल्याचे प्रमाणपत्र प्रदान करण्यात आले.

तर याप्रसंगी उपस्थित यशस्वी एकेडमी फॉर स्किल्सच्या  संचालिका  स्मिता धुमाळ यांनी आपल्या  मनोगतात सांगितले कि, सध्याच्या शहरीकरणाच्या काळात मॉल, चित्रपटगृहे, निवासी  व व्यापारी संकुले, रुग्णालये, हॉटेल्स  इत्यादीमधून मोठ्या प्रमाणात हाऊसकिपिंगसाठीच्या  कुशल मनुष्यबळाची गरज असते, अशावेळी   कैदयांना  या क्षेत्राचे प्रशिक्षण दिल्याने त्यांनाही सहजगत्या रोजगारसंधी उपलब्ध होऊ शकते.यावेळी प्रातिनिधिक स्वरूपात एका कैद्याने आपले मनोगतही  व्यक्त  केले.

याप्रसंगी प्रशिक्षण वर्गातील कैद्यांनी  कारागृह आवारातील फुलांचा वापर करून बनवलेले पुष्पगुच्छ पाहून उपस्थितांनी आनंद  व्यक्त केला. यावेळी  ‘यशस्वी’ संस्थेचे प्रशिक्षक  रविराज पाठक, टाटा  ट्रस्टचे  सामाजिक कार्यकर्ता अशोक  जाधव, मीनाक्षी  बडवाईक, कृष्णा  पाडवी  यांचाही  गुलाबपुष्प देऊन सत्कार करण्यात आला.

कार्य्रक्रमाचे प्रास्ताविक व सूत्रसंचालन योगेश रांगणेकर यांनी तर आभार प्रदर्शन अंगद गव्हाणे यांनी केले.