पुणे मनपा स्थायी समितीच्या बैठकीत ठराव मंजूर ; नगरसेवक हेमंत रासने यांच्या प्रयत्नांना यश

पुणे : गणेशोत्सवासाठी केवळ महाराष्ट्रातून नव्हे, तर देशाच्या कानाकोप-यातून किंबहुना परदेशातूनही नागरिक पुण्यामध्ये मोठया प्रमाणात येतात. त्यामुळे शहरात विविध ठिकाणी गणेशोत्सव मंडळांकडून स्वागत कमानी व रनिंग मंडप उभारण्यात येतात. यासाठी पुणे महापालिकेकडून आकारण्यात येणारे शुल्क माफ करण्यात आले आहे. तसेच रनिंग मंडपांवरील जाहिरातींचे शुल्क देखील घेण्यात येणार नसल्याचा ठराव स्थायी समितीच्या बैठकीत बुधवारी मान्य करण्यात आला.

ठरावाला सूचक नगरसेवक हेमंत रासने आणि अनुमोदन नगरसेवक दीपक पोटे यांनी दिले. गणेश मंडळांच्या स्वागत कमानी व रनिंग मंडपासाठीचे शुल्क माफ करावे, यासाठी पुणे मनपा स्थायी समिती सदस्य व नगरसेवक हेमंत रासने यांनी यापूर्वी अनेकदा मागणी केली होती.
मंगळवारी झालेल्या बैठकीत हा ठराव दाखल करण्यात आला होता. त्यावर बुधवारी चर्चा करुन ठराव स्थायी समितीत मान्य करण्यात आला. त्यामुळे प्रशासनाने त्वरीत याची अंमलबजावणी करावी, अशी विनंती हेमंत रासने यांनी केली आहे.

हेमंत रासने म्हणाले, पुणे शहरातील गणेशोत्सव हा नागरिकांचा उत्सव असून नागरिक स्वयंस्फूर्तीने आणि समर्पित भावनेने हा उत्सव साजरा करतात. यामध्ये कोणाचाही स्वार्थ नसतो. उत्सवात गणेश मंडळांच्या कार्यकर्त्यांचा फार मोलाचा वाटा असतो. त्यामुळे मंडळांतर्फे उभारण्यात येणा-या कमानी व रनिंग मंडपांकरीता मनपातर्फे आकारण्यात येणारे शुल्क माफ करावे, अशी मागणी मी यापूर्वी केली होती. त्याला यश आले असून स्थायी समितीमध्ये हा ठराव मंजूर झाला असून सर्वसाधारण सभा देखील मान्यता देईल, त्यामुळे यंदाच्या गणेशोत्सवात प्रशासनाने याची अंमलबजावणी करावी, अशी विनंती देखील त्यांनी केली.

 पुणे, 28 ऑगस्ट 2019: पीएमडीटीएच्या वार्षिक दिनाच्या निमित्ताने पुणे जिल्ह्यांतील उत्कृष्ट टेनिस खेळाडू म्हणून कुमार राष्ट्रीय टेनिसपटू मानस धामणे आणि ऋतुजा चाफळकर यांना पीएमडीटीए-अरुण वाकणकर मेमोरियल पुरस्कार आणि अरुण साने मेमोरियल शिष्यवृत्ती प्रदान करण्यात आली. या पुरस्काराचे वितरण पीवायसी हिंदू जिमखाना येथील टेनिस कोर्टवर करण्यात आले.

यावेळी पुण्यातील माजी आंतरराष्ट्रीय डेव्हिस कप प्रशिक्षक नंदन बाळ, डेव्हिस कूपर गौरव नाटेकर, संदीप किर्तने, नितीन किर्तने, अर्जुन कढे, फेड कप खेळाडू राधिका तुळपुळे-कानिटकर, अंकिता रैना आणि ऋतुजा भोसले यांना पुणे मेट्रोपॉलिटन जिल्हा टेनिस संघटना( पीएमडीटीए)चे सभासदत्व प्रदान करण्यात आले.

पीएमडीटीए-अरुण वाकणकर मेमोरियल वार्षिक पुरस्काराचे वितरण पीएमडीटीएचे अध्यक्ष किशोर पाटील, एमएसएलटीएचे मानद सचिव व पीएमडीटीएचे उपाध्यक्ष सुंदर अय्यर, पीवायसी हिंदू जिमखानाचे अध्यक्ष डॉ सुधीर भाटे, क्लबचे मानद सचिव आनंद परांजपे, पीएमडीटीएचे मानद सचिव अभिषेक ताम्हाणे, भारताची अव्वल महिला टेनिसपटू अंकिता रैना, एमएसएलटीएचे उपाध्यक्ष प्रशांत सुतार, नंदन बाळ, अपर्णा वाकणकर आणि आशा साने यांच्या हस्ते प्रदान करण्यात आले.

तसेच, याशिवाय जिल्ह्यांतील 2018च्या यादीत विविध वयोगटात अव्वल क्रमांक पटकावलेल्या नमिश हूड, तेज ओक, प्रिशा शिंदे, पार्थ देवरूखकर, श्रावणी देशमुख, आर्यन कोटस्थाने, अवंती राळे यांना याप्रसंगी अरुण वाकणकर मेमोरियल पदक आणि शिष्यवृत्ती देऊन सत्कार करण्यात आला. तसेच, याप्रसंगी नुकत्याच पार पडलेल्या पीएमडीटीए जुनियर टेनिस लीग स्पर्धेतील विजेत्या विपार स्पिडिंग चिताज संघाला करंडक प्रदान करण्यात आला.

जिल्ह्यांतील २०१८ची खेळाडूंची वार्षिक मानांकन यादी खालीलप्रमाणे:  

8 वर्षाखालील मिश्र गट-1. नमिश हुड, 2. रित्सा कोंदकर, 3. आर्यन किर्तने, 4. निरज जोरवेकर, 5. सुजय देशमुख

10 वर्षाखालील मुले- 1. तेज ओक, 2. अमोघ दामले, 3. सुर्या काकडे, राज दर्डा, 5. सक्षम भन्साली

10 वर्षाखालील मुली- 1. प्रिशा शिंदे, 2. मृणाल शेळके, 3. हृितीका कापले, 4. मेहेक कपुर, 5. काव्या देशमुख

12 वर्षाखालील मुले- 1. पार्थ देवरूखकर, 2. अर्जुन किर्तने, 3. श्लोक गांधी, 4. केयुर म्हेत्रे, 5. अर्णव पापरकर

12 वर्षाखालीली मुली- 1. श्रावणी देशमुख, 2. अलिना शेख, 3. सिमरन छेत्री, 4. रितीका मोरे, 5. सानिका लुकतुके

14 वर्षाखालील मुले- 1. आर्यन कोठस्थाने, 2. इशा देगमवार, 3. आर्यन हुड, 4. निशित रहाणे, 5. अनमोल नागपुरे

14 वर्षाखालील मुली- 1.अवंती राळे, 2. श्रावणी देशमुख, 3. कश्यपी महाजन, 4. इशीका राजपुत, 5. याशिका बक्षी

पुणे दि.28 : शासनाव्दारे ‍विविध योजना राबविण्यात येत असून या योजनांची प्रभावी अंमलबजावणी करा, 
अशा सूचना जिल्हाधिकारी नवल किशोर राम यांनी आज अधिकाऱ्यांना दिल्या.

       जिल्हाधिकारी कार्यालयात झालेल्या या आढावा बैठकीला अपर जिल्हाधिकारी रमेश काळे,
 निवासी उपजिल्हाधिकारी डॉ.जयश्री कटारे, उपजिल्हाधिकारी विजयसिंह देशमुख यांच्यासह संबंधित 
विभागाचे प्रमुख अधिकारी  उपस्थित होते.

                  जिल्हाधिकारी नवल किशोर राम म्हणाले, की शासनाव्दारे प्रधानमंत्री किसान 
मानधन योजना व पी. एम.किसान, पूर परिस्थिती मदत वाटप, शासकीय वसूली, 7/12 संगणीकरण 
व स्कॅनिंग, प्रधानमंत्री जन आरोग्य योजना आदी योजना राबविण्यात येत असून या योजनांची माहिती 
पुणे जिल्हयातील सर्व तालुक्यांमध्ये जास्तीत जास्त लाभार्थ्यांपर्यंत पोहविण्यासाठी संबंधित विभागाच्या 
अधिकारी यांनी प्रयत्न करावेत. आतापर्यंत  राबविण्यात आलेल्या  योजनानिहाय आढावाही या बैठकीत 
घेण्यात आला. 

पुणे :

आर्थिक मागास असलेल्या आफ्रिकेतील मालवी देशातील विद्यार्थिनींसाठी आबेदा इनामदार वरिष्ठ महाविद्यालयाच्या राष्ट्रीय सेवा योजना विद्यार्थ्यांकडून आफ्रिकन देशाला सॅनिटरी पॅड्स रवाना करण्यात आली . सॅनिटरी पॅड्स  अभावी मुलींचे शाळेत येण्याचे प्रमाण या देशात कमी आहे .

आझम कॅम्पस येथे झालेल्या कार्यक्रमात ‘ग्लोबल फ्युचर्स नेटवर्क ‘ या आंतरराष्ट्रीय स्वयंसेवी संस्थेकडे हे पॅड्स सुपूर्द करण्यात आले . यूनायटेड नेशन्स चे प्रतिनिधी डॉ . निहाल मयूर हे कार्यक्रमाच्या अध्यक्षस्थानी होते .इशरत शेख,डॉ ज्योती सोनटक्के,सतीश खाडे यांनी मार्गदर्शन केले .

प्राचार्य डॉ शैला बूटवाला,मनसुरा मुलाणी ,शबाना शेख ,डॉ . राहुल मोरे ,उझ्मा सरखोत ,प्रा रईसा शेख ,तस्नीम सय्यद,तसेच  दरनान शेख ,अदनान परसा हे विद्यार्थी प्रतिनिधी उपस्थित होते .हा कार्यक्रम गुरुवारी झाला .