पुणे-३१व्या पुणे फेस्टिव्हल अंतर्गत बालगंधर्व रंगमंदिर येथे दि. ११ सप्टेंबर रोजी 'सुरेल संवाद' हा कार्यक्रम सादर झाला. रंजनी प्रस्तुत’सुरेल संवाद’ या अभिनव कार्यक्रमात सतार व व्हायोलीन या वाद्यांचा सहवादन व वाद्यवृंदातून तसेच नृत्यप्रस्तुतीतून शब्द स्वरलयीचा संवादात्मक आविष्कार सादर झाला. सतारवादक कलाकार जया जोग आणि व्हायोलीन वादक डॉ. नीलिमा राडकर यांच्यावाद्यवृंद आणि नृत्यरचनांचा यात समावेश होता.
कार्यक्रमाचा प्रारंभ जया जोग आणि नीलिमा राडकर यांच्या यमन रागातील सहवाद्नाने झाला. त्यानंतर या दोघींच्या शिष्या प्रज्ञा
मेने, मानसी दांडेकर व अवंती गोखले (सतार) आणि पल्लवी ताम्हणकर, मृदुला साठे व दीपा कुडतरकर (व्हायोलीन) वाद्यवृंदानी रचना सादर केली.
सुरुवातीला ‘तू बुद्धी दे’ ही प्रार्थना व नंतर नीलिमा राडकर यांनी स्वरबद्ध केलेली भूप रागातील ”भावतरंग’ ही रचना तसेच
लोकप्रिय ‘छेड सखी सरगम’ हे गीत व जया जोग यांनी स्वरबद्ध केलेली इंद्रधनू ही सुद्ध स्वरांची रचना सादर केली. तबल्याची साथ केदार तळणीकर व आशिष बागेवाडी यांनी केली. कार्यक्रमाचे सहज सुंदर निवेदन रंजना काळे यांचे होते.
कार्याक्रमाची सांगता नृत्यप्रस्तुतीने झाली. शर्वरी भिडे, ऐश्वर्या साने व भक्ती झळकी यांनी कथ्थक नृत्य सादर केले. सुरुवातीला
नीलिमा राडकर यांनी शब्दस्वरबद्ध केलेली व अतुल खांडेकर यांनी गायलेली हे अधिनायक ही गणेशवंदना व त्यानंतर जया जोग
यांनी सतारीवर प्रस्तुत केलेल्या काफी रागातील स्वरचित रचनेवर नृत्यप्रस्तुती सादर केले. या प्रसंगी पुणे फेस्टिव्हलचे अध्यक्ष
सुरेश कलमाडी यांचा हस्ते कलाकारांचा सत्कार करण्यात आला. या प्रसंगी सौ. मीरा कलमाडी, डॉ सतीश देसाई, मोहन टिल्लू,
श्रीकांत कांबळे याप्रसंगी उपस्थित होते.

पुणे : पीवायसी हिंदू जिमखाना यांच्या तर्फे दुसऱ्या पीवायसी गोल्डफिल्ड राजू भालेकर करंडक निमंत्रित १९ वर्षाखालील क्रिकेट स्पर्धेचे आयोजन करण्यात आले आहे. हि स्पर्धा पीवायसी हिंदू जिमखाना येथील क्रिकेट मैदानावर १५ सप्टेंबर २०१९ पासून प्रारंभ होत आहे. ही स्पर्धा महाराष्ट्र क्रिकेट संघटनेच्या मान्यतेखाली  होणार आहे.

अधिक माहिती देताना पीवायसी हिंदू जिमखानाचे अध्यक्ष डॉ सुधीर भाटे आणि पीवायसी हिंदू जिमखानाचे मानद सचिव आनंद परांजपे, पीवायसी हिंदू जिमखानाच्या क्रिकेट विभागाचे सचिव विनायक द्रविड आणि स्पर्धेचे प्रायोजक गोल्डफिल्ड प्रॉपर्टीजचे अनिल छाजेड यांनी सांगितले की, स्पर्धेत पीवायसी हिंदू जिमखाना, पूना क्लब, डेक्कन जिमखाना, केडन्स, क्लब ऑफ महाराष्ट्र, व्हेरॉक वेंगसरकर क्रिकेट अकादमी,  आर्यन्स, युनायटेड स्पोर्ट्स क्लब, अँबिशियस क्रिकेट क्लब, डीवाय पाटील क्रिकेट अकादमी, कंबाईन क्लबचा संघ  आणि एमसीएने निवड केलेले महाराष्ट्रातल्या ५ झोनमधले ५ संघ (उत्तर, पश्चिम, पूर्व, मध्य आणि दक्षिण विभाग) असे एकूण १६ संघ निमंत्रित करण्यात आले आहेत.  माजी महाराष्ट्राचे कर्णधार राजू भालेकर यांच्या स्मृतीप्रित्यर्थ क्लबच्या वतीने या स्पर्धेचे आयोजन करण्यात आले आहे. स्पर्धेला गोल्डफिल्ड प्रॉपर्टीज यांनी प्रायोजित केल्याने आम्ही त्यांचे आभार असल्याचे द्रविड यांनी सांगितले. या स्पर्धेचं वैशिष्ठ म्हणजे एकोणीस वर्षांखालील जिल्याहातील संघांना पुण्यातील क्लब मधील संघानंबरोबर खेळण्याची संधी उपलब्ध करून देणारी ही एकमेव स्पर्धा आहे.

तसेच, हि स्पर्धा एकदिवसीय स्वरूपाची ४५ षटकांची घेण्यात येणार असून यामुळे कुमार स्तरावर अधिक चुरशीची अशी स्पर्धा पाहायला मिळणार आहे. स्पर्धेतील सहभागी १६ संघांची चार  गटात विभागणी करण्यात आली असून हि स्पर्धा साखळी व बाद पद्धतीने खेळविण्यात येणार आहे. चारही गटानंमधल्या  सर्वोत्तम संघाना उपांत्य फेरीत प्रवेश मिळणार आहे.

अनिल छाजेड म्हणाले कि, क्रीडा क्षेत्रातील उपक्रमांशी जोडले जाणे हा एक आनंददायक अनुभव असतो. त्यातच जेव्हा असे उपक्रम गुणवान खेळाडूना लक्ष ठेवून केलेले असतात. पीवायसी येथे होणाऱ्या या स्पर्धेबाबतही असेच म्हणता येईल. या स्पर्धेसाठी सर्व सुविधा आणि क्रीडा साहित्य तर देणार आहोतच पण या स्पर्धेतून पुढे येणाऱ्या गुणवान खेळाडूंना त्यांच्या कारकिर्दीत सर्वोतोपरी मदत करणार आहोत. दरवर्षीप्रमाणे या स्पर्धेला गोल्डफिल्ड प्रॉपर्टीजला मुख्य प्रायोजकत्व म्हणून जोडले जाताना आनंद वाटत आहे.

ऑक्टोबरच्या पहिल्या आठवड्यात बीसीसीआयच्या वतीने १९ वर्षाखालील मुलांसाठी एकदिवसीय स्पर्धांना प्रारंभ होत असून या स्पर्धेमुळे आगामी मौसमासाठी सर्व खेळाडूंना तयारी करण्यास मदत मिळणार आहे. स्पर्धेतील विजेत्यांना राजू भालेकर करंडक अशी पारितोषिके देण्यात येणार आहे. याशिवाय सर्वोत्कृष्ट फलंदाज, गोलंदाज आणि मालिकावीर यांनादेखील आकर्षक पारितोषिके देण्यात येणार आहे.

पुणे-“ भविष्यात छत्रपती शिवाजी महाराजांसारखा राष्ट्रनायक बनवायचा असेल तर या देशाला समर्थ स्वामी रामदास यांचे साहित्याचे वाचन करणे गरजेचे आहे. तसेच, भारत हा विश्‍वगुरू आहे फक्त आम्हाला त्याचे सामर्थ्य प्रकट करण्याची गरज आहे. त्यासाठी देशातील प्रत्येकाला सशक्त बनने गरजेचे आहे.” असे विचार स्वामी गोविंददेव गिरी यांनी व्यक्त केले.
एमआयटी वर्ल्ड पीस युनिव्हर्सिटी व कॉन्टिनेन्टल प्रकाशन यांच्या संयुक्त विद्यमाने प्रा. नारायण गुणे लिखित ‘विश्‍वगुरू भारत’ व प्राचार्य प्रभाकर नानकर लिखित ‘मनुष्यबळ व्यवस्थापन व दासबोध’ या ग्रंथांचे प्रकाशन मान्यवरांच्या हस्ते झाले. यावेळी प्रमुख पाहुणे म्हणून ते बोलत होते. अध्यक्षस्थानी एमआयटी वर्ल्ड पीस युनिवहर्सिटीचे संस्थापक अध्यक्ष प्रा.डॉ. विश्‍वनाथ दा. कराड हे होते.
यावेळी एमआयटी वर्ल्ड पीस युनिवर्सिटीचे कार्याध्यक्ष राहुल विश्‍वनाथ कराड, कुलगुरू. डॉ. एस. परशूरामन, नागपूर विद्यापीठाचे माजी कुलगुरू डॉ. एस.एम.पठाण, लेखक प्रा. नारायण गुणे, लेखक प्राचार्य प्रभाकर नानकर, डॉ. रामभाऊ रईच, अरूण आंबेकर, संस्कृतचे गाढे अभ्यासक पं. वसंतराव गाडगीळ व प्रा.मिलिंद पात्रे उपस्थित होते.
स्वामी गोविंददेव गिरी म्हणाले,“भारताला विश्‍व गुरू बनण्याची गरज नाही कारण प्राचीन काळापासूनच तो आहेच. या देशात भारतीय संस्कृती, परंपरा ही सशक्त असल्याने या देशात कोणताही विचार बाहेरून आलेला नाही. आमच्या येथे वेदांपासून ज्ञान चालत आलेले आहे. फक्त आम्हाला ते व्यक्त करता आलेले नाही. त्यामुळे या देशाला जागविण्यासाठी समर्थ रामदास स्वामींना समजणे गरजेचे आहे.”
“आमच्या देशाची ऋषी परंपरा, आचार्य परंपरा संपूर्ण जगाला आव्हान करीत आहे. जगातील प्रत्येक व्यक्तीची आंतरिक चेतना जागविण्याचे कार्य स्वामी विवेकानंद यांनी केले. शिकागो येथील त्यांच्या भाषणानंतर भारताकडे पाहण्याचा जगाचा दृष्टीकोन बदलेला आहे. २१व्या शतकात भारत विश्‍वगुरू होणार या संकल्पाचा शुभारंभ आज एमआयटी वर्ल्ड पीस युनिव्हर्सिटीत होत आहे. ही विश्‍वगुरू होण्याची ही सुरूवात आहे.”
प्रा.डॉ.विश्‍वनाथ दा. कराड म्हणाले,“ भारतीय संस्कृती ही वैष्णव परंपरा असून राम हे भारतीय संस्कृतीचे स्वरूप आहे. ७३० वर्षापूर्वी ज्ञानेश्‍वरांनी ज्ञान, विज्ञानाचा संदेश संपूर्ण मानवजातीला दिला होता. त्याचेच उच्चारण स्वामी विवेकानंदांनी वैदिक शिक्षण प्रणालीच्या माध्यामातून समाजाला दिला आहे. २१व्या शतकात भारत हा ज्ञानाचे दालन व विश्‍वगुरू म्हणून उदयास म्हणून येईल.”
प्रभाकर नानकर म्हणाले,“ दासबोध हे भारतीय व्यवस्थापन शास्त्राचे जनक आहे. १७ व्या शतकात खचलेल्या भारतीय समाजाला बळ देण्यासाठी समर्थांनी दासबोधाच्या माध्यमातून प्रबोधन केले. त्यांनी मनुष्य घडविण्याचे कार्य केले. त्यांच्याच वापर आज संपूर्ण जागतीक व्यवस्थापन शास्त्रात वापरल्या जाते. प्रत्येकाचा, घराघरातला, कुटुंबातील, समाजातील व देशाच्या व्यवस्थापनेचा खजिना यात आहे.”
प्रा.नारायण गुणे म्हणाले,“ या पुस्तकाची संकल्पना एक दिवस एक पान एक विचार अशी आहे.भारताचे दूरदर्शी ध्येय काय आहे. विश्‍वगुरू म्हणून भारत कसा उदयास येई शकतो आणि कोणत्या उपयांनी ते प्रत्यक्षात आणू शकतो हे नमूद केले आहे. यात स्वामी विवेकानंदांचे ३६५ विचारांचा समावेश आहे.”
पं. वसंतराव गाडगीळ यांनी प्रास्ताविक केले. अर्पिता वैशंपायन यांचे गीत गायन झाले. तसेच, आसावरी गुणे करमरकर यांनी सरस्वती वंदना केली.
प्रा.गौतम बापट यांनी सुत्रसंचालन केले. प्रा.मिलिंद पात्रे यांनी आभार मानले.

बारा मती – ईडी चौकशीनंतर मनसे अध्यक्ष राज ठाकरे यांचे बोलणे कमी झाले, असे धक्कादायक विधान माजी उपमुख्यमंत्री आणि राष्ट्रवादीचे नेते अजित पवार यांनी केले आहे. बारामतीतील सोमेश्वर येथील एका कार्यक्रमात ते बोलत होते. विरोधी पक्षाच्या नेत्यांना सत्ताधारी पक्ष पैशांची आणि विविध चौकश्यांची भीती दाखवत असल्याचा आरोप त्यांनी यावेळी केला. 22 ऑगस्ट रोजी ईडीने राज ठाकरे यांची साडेआठ तास चौकशी केली होती. यावेळी ईडीच्या प्रश्नांना राज यांनी काय उत्तरे दिली ते अजूनही गुलदस्त्यात आहे. दरम्यान चौकशीत मला जे काही सांगायचे आहे ते मी त्यांना सांगितले आहे. अशा कितीही चौकशा केल्या तरी माझं तोंड बंद राहणार नाही अशी पहिली प्रतिक्रिया राज ठाकरे यांनी दिली होती. मात्र त्यांच्या या प्रतिक्रियेवर अजित पवार यांनी टोला लगावला आहे. ईडीकडून चौकशी झाल्यानंतर राज ठाकरे यांचे बोलणे कमी झाले असल्याचे म्हणत त्यांनी खळबळ उडवून दिली आहे.

पुणे- महापालिकेच्या मुख्य इमारतीत आणि शहरातील महापालिकेच्या अन्य ठिकाणी असलेल्या कार्यालयात वर्षानुवर्षे काम करणाऱ्या सुमारे १५० कंत्राटी कामगारांना या महिनाभरात महापालिकेने डच्चू दिला असून याबाबत मोठी गोपनीयता पाळण्यात आल्याचे दिसून आले आहे . यातील अनेक कामगार ५ ते १० वर्षांपासून पालिकेच्या सेवेत होते असे दिसून आले आहे .

कंत्राटी पद्धतीवर कामगार घ्यायचे आणि त्यांच्या कंत्राटी कंपन्यांची नावे वर्ष ,सहा महिन्यांनी बदलत राहायचे आणि तेच कामगार कामावर ठेवायचे या पद्धतीने गेली १० वर्षापासून महापालिकेत असंख्य कामगार काम करत असल्याचे स्पष्ट चित्र आहे.असे सुमारे 200 कामगार काम करत होते असे सांगण्यात येते आहे, यातील 100कामगारांना गेल्या चाळीस दिवसात डच्चू देण्यात आला आहे . यामध्ये महापालिकेच्या विविध वास्तूत लिफ्टमन म्हणून काम करणारे पूर्वी सुमारे ७० कामगार होते आता केवळ ३५ लिफ्टमन उरले आहेत . महापालिका भवनात केवळ महापौरांसाठी स्पेशल लिफ्ट ठेवून त्यावर लिफ्टमन ठेवण्यात आला आहे आणि आयुक्त कार्यालयात नेणाऱ्या लिफ्ट वर लिफ्ट मन ठेवण्यात आला आहे. पालिकेच्या मुख्य भवनात असलेले अन्य लिफ्टमन घरी पाठविण्यात आल्याचे वृत्त आहे. मध्यंतरी पावसात एका  लिफ्ट मधून धो धो पावसाची गळती झाली होती हि बाब मुख्य सभेत  उपस्थित केली गेली नाही . सुरक्षा कर्मचारी या वर्गातील कर्मचाऱ्यांची मोठी कपात करण्यात आली आहे. सातत्याने ठेका पद्धतीवर बदल करून येथे कामगार पिळवणूक मोठ्या प्रमाणावर होत असताना येथे वर्गण्या गोळा करणारी कर्मचारी नेते मंडळी  देखील कामगार हिता ऐवजी स्वहित जपत असल्याचा आरोप होतो आहे. महापालिकेची क्षेत्रीय कार्यालये ,रुग्णालये ,कोठ्या अशा अनेक ठिकाणी कामगार हिताची गळचेपी होता असून तरुण वर्ग यात भरडला जातो आहे पण याकडे ना लोकप्रतिनिधी लक्ष देत ना अधिकारी ,ना कामगार नेते लक्ष देतात अशी स्थिती असल्याने गरजू ,कंत्राटी तरुणाई ला कोणी वाली उरला नसल्याचे  दिसते आहे .मान्य पदांवर भरती करायची नाही त्या जागा रिक्त ठेवायच्या त्या भरण्याबाबत काहीही कार्यवाही करायची नाही आणि एखाद्या ठेकेदाराशी संगनमत करून त्यामार्फत कामगार नेमणूक दाखवायची आणि या ठेकेदाराच्या कंपनीचे नाव सातत्याने बदलत ठेवून तेच कामगार विविध कंत्राटदारामार्फत पालिकेचे काम करत असल्याचे दाखवायचे हि पद्धत आता रूढ होत चालली आहे.

गेल्या २ वर्षापूर्वी माय मराठी ने मिळकत कर विभागात काही तरुण अनधिकृत रित्या काम करत असल्याचे प्रकरण चव्हाट्यावर आणले होते .त्यावेळी संबधित एका तरुणावर पोलिसात गुन्हा दखल करण्यात आला तर दुसऱ्या तरुणाला आसरा देण्यात आला. या सर्व प्रकार मागे काही लोकप्रतिनिधी आणि अधिकारी यांचे संगनमत असल्याचे समजते आहे .अशा पद्धतीने सुमारे २०० कामगार कोणतेही नियुक्तीपत्र नसताना ,ओळखपत्र नसताना महापालिकेत काम करत असल्याचे स्पष्ट होवून देखील याकडे  दुर्लक्ष  करून मौन पाळत हे विषय मागे टाकण्यात आले होते .त्यानंतर कंत्राटी पद्धतीला प्राधान्य देण्यात आले पण त्यात अशा पद्धतीची पिळवणूक सर्रास होते आहे .आज ना उद्या आपण महापालिकेच्या सेवेत घेतले जावू या आशेने अवघ्या ७ ते ९ हजार रुपये पगारावर गरजू तरुणाई ची फसवणूक होताना दिसत असूनही सारे कसे मौन धरण करीत आहेत हे गूढ आहे .

पुणे-केंद्र सरकारच्या चूकीच्या धोरणामुळे देशभर आर्थिक मंदीचे वातावरण निर्माण झाले आहे.
आर्थिक मंदीमुळे अनेक उद्योगधंदे आणि सेवा ठप्प झाल्या आहेत. त्याचा विपरीत परिणाम
महाराष्ट्रातील युवक, शेतकरी, शेतमजुर तसेच समाजातील गरीब, मागास, अल्पसंख्यांक आणि
दारिद्रय रेषेखालील लोकांना सहन करावा लागत आहे. या आर्थिक मंदी, बेरोजगारी, महागाई,
शेतकरी आत्महत्या, वाढती गुन्हेगारी, ठप्प झालेले उद्योगधंदे याच्या निषेधार्थ पुणे शहर जिल्हा
काँग्रेस कमिटीच्या वतीने सरकारचे लक्ष वेधण्यासाठी आज जिल्हाधिकारी कार्यालय येथे आंदोलन
करण्यात आले. यावेळी बोलताना शहराध्यक्ष रमेश बागवे म्हणाले की, केंद्र सरकारच्या चूकीच्या
आर्थिक धोरणामुळे देशात मंदीची परिस्थती निर्माण झाली आहे. युपीए सरकारच्या कार्यकाळात
सन २०१० ते २०११ मध्ये १०.८% असलेला जीडीपी २०१९ मध्ये विद्यमान सरकारच्या
काळात ५% पर्यंत घसरला आहे. देशातील सुमारे १९ लाख कंपन्यांना वर्षभरामध्ये टाळे लागले
असून त्यापैकी सर्वाधिक १.९२ लाख कंपन्या महाराष्ट्रातील आहेत. जागतिक बँकेच्या
अहवालानुसार भारतीय अर्थव्‍यवस्थेची ५ व्‍या स्थानावरून ७ व्‍या स्थानावर घसरण झाली
आहे. वाहन क्षेत्रात २ लाख नोकऱ्यांवर गदा आली आहे व १० लाख रोजगारावर कुऱ्हाड कोसळली
आहे. महाराष्ट्रावर सुमारे ५ लाख कोटीचे कर्ज आहे. भारताच्या बेरोजगारीने ४५ वर्षांचा उच्चांक
मोडला आहे. मंदीमुळे जीवनावश्यक वस्तूंच्या किंमती सर्वसामान्यांच्या आवाक्याबाहेर गेल्या
आहेत. उद्योगक्षेत्राप्रमाणेच शेती क्षेत्रावर देखील मंदीचा परिणाम झाला आहे. मराठवाड्यामध्ये
अपुरा पाऊस झाला आहे व या भागातील पिके पावसा अभावी करपून गेली आहेत. स्वामीनाथन
आयोगाची अमंलबजावणी, शेती मालाला दिड पट हमी भाव, संपूर्ण कर्जमाफी आणि शेतकऱ्यांसाठी
पेन्शन आदी कारणांसाठी राज्यातील शेतकऱ्यांनी जूनमध्ये संप केला होता. मात्र सरकारने
शेतकऱ्यांच्या मागण्यांना जाणीवपूर्वक बगल दिली आहे. राज्यात दिवसेंदिवस गुन्हेगारी वाढत
आहे. गृहखाते मुख्यमंत्र्यांकडे असताना सुध्दा गुन्हे रोखण्यात ते अपयशी ठरले. सरकारने
अर्थव्‍यवस्थेला लागलेली उतरती कळा थांबविण्यासाठीतातडीने पाऊल उचलावे अन्यथा जनतेच्या

हिताकरीता तीव्र आंदोलन काँग्रेस पक्षातर्फे करण्यातयेईल.’’
आमदार अनंतराव गाडगीळ, मोहन जोशी, ॲड. अभय छाजेड यांचीही भाषणे झाली.
त्यानंतर काँग्रेस पक्षाचे शिष्ट मंडळाने जिल्हाधिकारी मा. नवल किशोर राम यांना भेटून निवेदन
सादर केले.
यावेळी नगरसेवक मनीष आनंद, अविनाश बागवे, रफिक शेख, रमेश अय्यर, महिला
अध्यक्षा सोनाली मारणे, रजनी त्रिभुवन, साहिल केदारी, सुजित यादव, राजेंद्र शिरसाट, यासीन
शेख, प्रशांत सुरसे, गोपाळ पायगुडे, संजय कवडे, चेतन आगरवाल, सचिन आडेकर, सुनिल घाडगे,
प्रदिप परदेशी, रमेश सोनकांबळे, रमेश सकट, अशोक लांडगे, बाबा नायडू, शिलार रतनगिरी,
नारायण पाटोळे, लुकस नायडू, लतेंद्र भिंगारे, राजू गायकवाड, विनय ढेरे, संतोष डोके, रणजित
गायकवाड, कल्पना भोसले, मंदा जाधाव, वैशाली पारखी, शितल जाधत, अलका मोरे, सुरेखा
जाधव, शर्वरी गोतारणे, रजिया बल्लारी, ज्योती अरवेन, छाया जाधव, नंदा ढावरे, मीरा शिंदे, दुर्गा
देशमुख, ललिता जगताप, रूपाली गायकवाड, संगीता क्षिरसागर व इतर पदाधिकारी व कार्यकर्ते
मोठ्या संख्येने उपस्थित होते.

पुणे-महापालिकेचे लोगो असलेले टी शर्ट बाजारात उपलब्ध या हेडिंग ची बातमी फ़ोटो सह मायमराठी ने 4 सप्टेंबर रोजी प्रसिद्ध केल्यावर संबधित कापड व्यापाऱ्या वर कारवाई करून पालिकेच्या भवानी पेठ क्षत्रीय कार्यालयाने हे टी शर्ट जप्त केले आहेत. अशी माहिती जनसंपर्क प्रमुख संजय मोरे यांनी कळवली आहे.भवानी पेठ क्षेत्रीय अधिकारी सोमनाथ बनकर यांनी ही कारवाई केली.

एका जागरूक पुणेकराने हि बाब फ़ोटो काढून निदर्शनास आणून दिली होती, आणि या टी शर्ट वर लोगो पालिकेचा असल्याने ते कोणी घालून पालिकेचे कर्मचारी असल्याचे भासवू शकतात याकडे लक्ष वेधित सुरक्षेचा प्रश्न उपस्थित केला होता.

उ