पुणे- कसबा विधानसभा मतदार संघातील मनसे च्या इच्छुक उमेदवार म्हणून ज्यांचे नाव घेतले जाते ,त्या मनसे च्या माजी नगरसेविका  अॅड.रुपाली ठोंबरे पाटील यांना आज पोलिसांनी सी आर पी सी १४४ (२) अन्वये नोटीस बजावून पुणे शहर पोलीस दलाच्या परिमंडल 1 च्या हद्दीत वास्तव्य आणि प्रवेश करण्यास मनाई करणारा हुकुम बजावला असल्याची माहिती खुद्द रुपाली पाटील यांनी दिली .या आदेशान्वये त्यांना दिनांक ११ तारखेला नोटीस बजावले पासून ते १३ तारखे पर्यंत या हद्दीत राहता येणार नाही या हद्दीच्या बाहेर राहावे लागणार आहे . गणेश विसर्जनाच्या आदल्या दिवशी हि नोटीस बजावल्याने राजकीय वर्तुळात हा चर्चेचा विषय होतो आहे . आणि या कारवाई चा धिक्कार करत रुपाली पाटील यांनी ,पालकमंत्री चंद्रकांत दादा पाटील यांनी हि सूड बुद्धीने केलेली कारवाई आहे असे म्हटले आहे .

या नोटिशीची प्रत आणि त्या सोबत रुपाली पाटील यांनी आपले म्हणणे माध्यमांकडे पाठविले आहे , हि नोटीस  त्यांना परिमंडल 1 च्या पोलीस उपायुक्त स्वप्ना गोरे यांच्या सहीने देण्यात आली आहे .ज्यात असे म्हटले आहे कि हिंजेवाडी,बिबवेवाडी,विश्राम बाग आणि खडक पोलीस ठाण्यात त्यांच्या विरुद्ध गुन्हे दाखल आहेत .२०१४ पासून आपणा नवनवीन पद्धतीने दहशत पसरवून गुन्हेगारी कृत्य करून सार्वजनिक शांतता भंग करीत आहात .पुणे शहरात २०१९ गणेशोत्सव सुरु आहे .विसर्जन मिरवणूक काळात आपल्या आक्रमक वागणुकीमुळे आणि वर्तणुकीमुळे कायदा सुव्यवस्थेस बाधा निर्माण होईल असे माझे मत झाल्याने आपण परिमंडल 1 च्या कार्यक्षेत्रात प्रवेश  करू नये अथवा वास्तव्य करू नये असा आदेश देण्यात येतो आहे .आदेशाचा भंग केल्यास कलम १८८ अन्वये आपल्याविरुद्ध कारवाई करण्यात येईल याची नोंद घ्यावी .

दरम्यान या नोटिशीला तीव्र आक्षेप घेत रुपाली पाटील यांनी पालकमंत्री चंद्रकांत दादा पाटील यांणी हि सूड बुद्धीने केलेली कारवी आहे असे म्हटले आहे . आपण कसबा विधानसभा लढविण्यास इच्छुक असून , गणपती मंडळांच्या मागण्यांसाठी , पत्रकार परिषद घेऊन , चंद्रकांत दादा यांनी मंडळाचे अध्यक्ष होवून पाहावे असे आव्हान दिले होते . आणि त्यांना मागण्यांचे निवेदन सादर केले होते . पालकमंत्री यांनी मागण्या मान्य केल्या आणि आपल्यावर कारवाईची नोटीस बजावली असे त्यांनी म्हटले आहे .दरम्यान पोलिसांनी याबाबत आपली कोणतीही भूमिका माध्यमांच्या  सर्व प्रतिनिधींपर्यंत पोहोचवली नव्हती

• नेमके रुपाली पाटील यांनी काय म्हटले आहे ते त्यांच्याच शब्दात पुढे वाचा ….

पुणे-
दैनंदिन जीवनातील विविध घटनांवर आधारित किस्से व त्याचे सादरीकरण, विविध राशींच्या स्वभाव गुणांचे
विनोदी किस्से, मिमिक्रीतून राजकीय नेते, अभिनेते यांच्या आवाजातून विनोदी किस्से व हास्यषटकाराणे
हास्योत्सव एकपात्रींचा हा कार्यक्रम रंगला.कार्यक्रमाचे सूत्रसंचालक मकरंद टिल्लू यांनी, हास्य्योगाद्वारे
जगण्यासाठी हसा आणि हसण्यासाठी’ जगा हा संदेश दिला.
पुणे फेस्टिवल अंतर्गत बालगंधर्व रंगमंच येथे हसायदान फाउंडेशनच्या वतीने हास्योत्सव एकपात्रींचा हा
कार्यक्रम आयोजित करण्यात आला होता. विश्वास पटवर्धन, दिलीप हल्याळ, योगेश सुपेकर, अभय देवरे,
वनराज कुमकर,कल्पना देशपांडे या कलाकारांनी या कार्यक्रमात भाग घेतला. सुत्रसंचालन मकरंद टिल्लू यांनी
केले. प्रारंभी पुणे फेस्टिवलचे अध्यक्ष सुरेश कलमाडी, फेस्टिवलचे उपाध्यक्ष कृष्णकुमार गोयल, डॉ. सतीश
देसाई, माजी पोलीस महासंचालक दैठणकर, अतिरिक्त पोलीस आयुक्त (ट्राफिक) सुरेंद्र देशमुख यांच्या हस्ते
कलाकरांचा सत्कार करण्यात आला. श्री दैठणकर यांचा कृष्णकुमार गोयल यांच्या हस्ते तर सुरेंद्र देशमुख यांचा
डॉ. सतीश देसाई यांच्या हस्ते यावेळी सन्मान करण्यात आला. मोहन टिल्लू व श्रीकांत कांबळे यावेळी
उपस्थित होते.
योगेश सुपेकर यांनी रामदास आठवले यांच्यापासून पंतप्रधान नरेंद्र मोदी या राजकीय नेत्यांचे, मराठी व हिंदी
अभिनेते यांच्या हुबेहूब आवाजातून विनोदी किस्से सादर केले. त्याला प्रेक्षकांनी टाळ्या आणि शिट्या वाजवून
प्रतिसाद दिला.
विश्वास पटवर्धन यांनी प्रत्येक राशीचे स्वभाव वैशिष्ट्ये विविध विनोदी किस्यांमधून उलगडले त्याला
रसिकांनी जोरदार टाळ्या वाजवून दाद दिली.
अभय देवरे आणि वनराज कुमकर यांनी पु. ल. देशपांडे यांच्या जन्मशताब्दीवर्षानिमित्त त्यांच्या अजरामर
साहित्याचे नाट्यमयरीत्या सादरीकरण केले. त्याला प्रेक्षकांनी उत्सुर्त प्रतिसाद दिला.
कल्पना देशपांडे यांनी ‘अस्सा नवरा’ या कार्यक्रमातून नवर्यांच्या विविध गुणांचे, स्वभाव वैशिष्ट्यांचे विनोदी
किस्से सादर केले. त्याला उपस्थित महिलांचा व पुरुषांचा उत्स्फूर्त प्रतिसाद मिळाला. हे किस्से ऐकताना पुरुष
आपल्याला त्यामध्ये स्वत:ला तर स्रिया आपल्या नवऱ्याला पडताळून पाहत होत्या. त्यामुळे सभागृहात एकाच
हास्यकल्लोळ उडाला.
दिलीप हल्याळ यांनी बालपण, तरुणपण आणि म्हातारपण या जीवनातील तीन अवस्थांवर सादर केलेले प्रसंग,
बालपण आणि तरुणपणातील किस्से आणि म्हातारपणातील एकटेपणावर प्रकाश टाकतानाच जगण्यासाठी
हसावे हसण्यासाठी जगावे हा संदेश देवून उपस्थितांची मने जिंकली.