पुणे-महात्मा जोतिराव फुले आणि सावित्रीबाई फुले यांनी पहिली मुलींची शाळा भिडे वाड्यात सुरु केली होती. यामुळे भिडे वाड्याला ऐतिहासिक आणि सामाजिक वारसा प्राप्त झाला आहे. म्हणूनच भिडे वाडा राष्ट्रीय स्मारक झाले पाहिजे, या मागणीसाठी राष्ट्रीय स्मारक समितीच्या वतीने करण्यात आली. यावेळी फुलेवाडा ते भिडेवाडा मशाल मोर्चा काढण्यात आला.

या महामशाल मोर्चामध्ये महात्मा फुले वसतिगृह कार्यकारी मंडळाचे अध्यक्ष दिपक जगताप, माजी आमदार कमलताई ढोले- पाटील, महामशाल मोर्चाचे मुख्य समन्वयक कल्याण जाधव, रघुनाथ ढोक तसेच युवा माळी संघाच्या महिला अध्यक्षा आणि ओबीसी महासभेच्या महिला अध्यक्षा सुनीता भगत, युवा माळी संघाच्या चिटणीस वृषाली शिंदे, अमर हजारे, छाया भगत, सतीश गायकवाड, अरुण हरकळ, देवरा जाळे आदी मान्यवरांसह फुले विचारांचे समर्थक मोठ्या संख्येने सहभागी झाले होते.

यावेळी बोलतानामाजी आमदार कमलताई ढोले- पाटील म्हणाल्या की, महात्मा फुले आणि सावित्रीबाई फुले यांनी मुलींच्या शिक्षणासाठी १८४८ साली भिडे वाडा येथे मुलींची पहिली शाळा, म्हणजे भिडेवाडा राष्ट्रीय स्मारक व्हावे म्हणून अखंड महाराष्ट्रातच नव्हे तर बाहेरच्या राज्यातही ‘सावित्रीबाई फुले राष्ट्रीय स्मारक संघर्ष समिती’च्या वतीने मागील दोन वर्षांपासून सातत्यपूर्ण आंदोलन आणि उपोषण करून सरकारचे लक्ष वेधून घेण्यासाठी प्रयत्न केले जात आहेत. या शाळेचे राष्ट्रीय स्मारक व्हावे, या मागणीसाठी अनेक व्यक्ती आणि संस्था विविध मार्गांनी प्रयत्न करीत आहेत. मात्र, शासकीय पातळीवर या मागण्यांना कोणत्याच प्रकारचा प्रतिसाद मिळालेला नाही. शासनाने यासाठी भरघोस तरतूद करून भिडेवाडा हे राष्ट्रीय स्मारक घोषित करून ते जतन करावे, अशी आमची मागणी आहे.

पुणे : भिडे वाड्याचे राष्ट्रीय स्मारक करावे या मागणीसाठी गंज पेठेतील महात्मा फुले वाड्यापासून बुधवार पेठेतील भिडे वाड्यापर्यंत मशाल माेर्चा काढण्यात आला हाेता. या माेर्चात सामाजिक कार्यकर्त्या तृप्ती देसाई या देखील सहभागी झाल्या हाेत्या. माेर्चा दगडुशेठ हलवाई गणपती मंदिराजवळ आल्यानंतर तृप्ती देसाई आणि त्यांच्या कार्यकर्त्यांनी रास्ताराेकाे करण्याचा प्रयत्न केला. त्यावेळी पाेलिसांनी त्यांना ताब्यात घेऊन समज देत साेडून दिले.

पुण्यातील भिडे वाड्यात महात्मा फुले यांनी पहिली मुलींची शाळा सुरु केली. या वाड्याचे राष्ट्रीय स्मारक करावे अशी मागणी करत आज सावित्रीबाई फुले राष्ट्रीय स्मारक संघर्ष समिती आणि युवा माळी संघाच्यावतीने माेर्चा काढण्यात आला. गंजपेठेतील फुले वाड्यापासून भिडेवाड्यापर्यंत महामशाल माेर्चा काढण्यात आला. फुले विचारांच्या हजारो समर्थकांनी या महामशाल मोर्चामध्ये सहभागी होऊन आपली मागणी मांडली. या माेर्चात तृप्ती देसाई देखील सहभागी झाल्या हाेत्या. मशाल माेर्चा दगडूशेठ हलवाई गणपती मंदिराजवळ आल्यानंतर तृप्ती देसाई आणि त्यांच्या कार्यकर्त्यांनी रस्ताराेकाे करण्याचा प्रयत्न केला. ही बाब लक्षात येताच फरासखाना पाेलिसांनी तृप्ती देसाई यांना ताब्यात घेतले. त्यांना समज देऊन नंतर साेडण्यात आले.

दरम्यान या महामशाल मोर्चामध्ये महात्मा फुले वसतिगृह कार्यकारी मंडळाचे अध्यक्ष दिपक जगताप, माजी आमदार कमलताई ढोले- पाटील, महामशाल मोर्चाचे मुख्य समन्वयक कल्याण जाधव, तसेच युवा माळी संघाच्या महिला अध्यक्षा आणि ओबीसी महासभेच्या महिला अध्यक्षा सुनीता भगत, युवा माळी संघाच्या चिटणीस वृषाली शिंदे, अमर हजारे, छाया भगत, सतीश गायकवाड, अरुण हरकळ, देवरा जाळे आदी मान्यवरांसह फुले विचारांचे समर्थक मोठ्या संख्येने सहभागी झाले होते.

पुणे-हिंजवडी पोलीस ठाण्याचे वरिष्ठ पोलीस निरीक्षक यशवंत गवारी यांनी आपल्या पदाचा गैरवापर करीत जमीन बळकाविण्यासाठी ‘लँड माफियां’ ची एजंट म्हणून मदत केली, असा आरोप करत त्यांचे निलंबन करावे, या मागणीसाठी हिंजवडीतील साखरे कुटुंबियांसह ग्रामस्थांनी पोलीस आयुक्तालयासमोर ठिय्या आंदोलन शुक्रवारी केले.
भाजपचे नगरसेवक नांनी शहर सुधारणा समिती चे अध्यक्ष  अमोल बालवडकर यांच्या नेतृत्वाखाली दीड तास चिंचवड येथे पोलीस आयुक्तालयाच्या मुख्य प्रवेशद्वारात हे ठिय्या आंदोलन करण्यात आले. भ्रष्ट पोलीस अधिकाऱ्यांचा निषेध असो, एजंट पीआयचे निलंबन करा, मांडोली अधिकाऱ्यांचे निलंबन करा, पिंपरी-चिंचवड पोलिसांचा निषेध, आमच्याकडे जमीन बळकावून मिळेल (संपर्क हिंजवडी पोलीस ठाणे) अशा आशयाचे फलक घेतलेल्या तरुणांनी घोषणाबाजी केली. सह पोलीस आयुक्त प्रकाश मुत्याल यांच्याकडे याबाबतच्या मागणीचे निवेदन देण्यात आले. त्यांनी कारवाई करण्याचे आश्वासन दिले.

हिंजवडी येथे दि. १८ सप्टेंबर रोजी हिंजवडीचे वरिष्ठ पोलीस निरीक्षक यशवंत गवारे यांनी आपल्या अधिकाराचा गैरवापर करून जमीन बळकाविण्यासाठी लँड माफियांना त्यांचा एजंट म्हणून मदत केली. तसेच विक्रम साखरे कुटुंबीयांवर गुन्हा दाखल करून अटक करण्याची धमकी दिली. पोलीस खात्यातील गुंडगिरीचे हे उदाहरण आहे. त्यामुळे संबंधित प्रकरणाची चौकशी होऊन पीआय गवारे यांच्यावर निलंबनाची कारवाई व्हावी, असे निवेदनात नमूद केले आहे.

सुनील माने यांच्या संयोजनातून साधला विद्यार्थ्यांशी संवाद

पुणे : शाळेतून थकले-भागलेले चेहरे सभागृहात येऊन शांत बसले होते खरे. पण इथे कोण येणारं आहे?, आपल्याशी काय बोलणार आहेत? याबाबत असणारी प्रचंड उत्सुकता त्यांच्या डोळ्यांत दिसत होती. इतक्यात ‘ ते ‘ आले. आपला सगळा व्याप बाजूला ठेवत त्यांनी मुलांशी मनमोकळा संवाद साधला. अगदी हलक्या फुलक्या टीप्स देत त्यांनी यशस्वी आयुष्याचा कानमंत्र दिला. आणि यात रमलेल्या विद्यार्थ्यांना ‘ बापट ‘ मास्तरांची शाळा कधी संपली हे कळालेसुद्धा नाही.

पंतप्रधान श्री नरेंद्र  मोदी यांच्या वाढदिवसानिमित्त सेवा सप्ताहांतर्गत भारतीय जनता पक्षाचे सदस्य व कॅटलिस्ट फाऊंडेशनचे अध्यक्ष सुनील माने यांच्या संयोजनातून झालेल्या कार्यक्रमात ते बोलत होते. संसदेच्या अंदाज समितीचे अध्यक्ष खासदार गिरीश बापट यांनी या माध्यमातून विद्यार्थ्यांशी अनौपचारिक संवाद साधला.  बुद्ध भूषण समाज मंडळ, बोपोडी येथे हा कार्यक्रम झाला. यावेळी विद्यार्थ्यांना प्रेरणा देण्यासाठी थोर व्यक्तिमत्वांची चरित्र  व शालोपयोगी साहित्य भेट देण्यात आले. यावेळी नगरसेवक विजय शेवाळे, प्रकाश ढोरे, सुनीता वाडेकर, परशुराम वाडेकर, राजश्री कांबळे, उषा शेलार, उमेश कांबळे, काका कांबळे, अण्णा आठवले, नाना शेलार आदी मान्यवर उपस्थित होते.

विद्यार्थ्यांशी हितगुज साधताना बापट म्हणाले की, आई वडिलांचा आदर करा, वेळेचे नियोजन करा, नियमित व्यायाम करा, अभ्यासासोबत अवांतर वाचन ही करा, सर्वांशी प्रेमाने बोला, सदैव प्रमाणिकपणाची कास धरा या आज छोट्या-छोट्या वाटणाऱ्या गोष्टी तुम्हाला आयुष्यात एक यशस्वी व्यक्ती बनवतील. प्रत्येकाला आपल्या कष्टाने व कर्तृत्वाने पुढे जाता येते. देश व समाज याकरिता आपले आयुष्य उपयोगी पडले पाहिजे हे ध्येय असावे. यासाठी वेळेचे नियोजन अत्यंत आवश्यक आहे. असा मौलिक सल्लाही त्यांनी यावेळी विद्यार्थ्यांना दिला.

माने म्हणाले की, तरुण संपत्तीचा आपण योग्य वापर करून घेतल्यास २०२० मध्ये देश महासत्ता होईल, असे स्वप्न भारतरत्न एपीजे अब्दुल कलाम यांनी पहिले होते. देशाचे पंतप्रधान नरेंद्र मोदी हेच स्वप्न घेऊन कार्यरत आहेत. या प्रेरणेतून, भविष्यात उज्ज्वल पिढी घडवून देश महासत्ता व्हायचा असेल तर शालेय वयापासून विद्यार्थ्यांवर संस्कार करणे आवश्यक आहे.

विधायक उपक्रमातून सेवा सप्ताह साजरा
देशभर उत्साहात सुरु असलेल्या सेवा सप्ताहाच्या निमित्ताने सुनील माने यांनी विविध उपक्रमांच्या माध्यमातून सक्रीय सहभाग घेतला. यामध्ये अन्नदान, ‘स्वच्छ’ संस्थेच्या सभासदांना स्वच्छता साहित्याचे वाटप, दैनंदिन पाणी बचतीच्या माहितीपत्रकाचे तसेच विद्यार्थ्यांना उपयुक्त साहित्याचे वाटप आदी विधायक उपक्रमांचा समावेश होता.

पुणे : “धरणांमुळे पूर येत नाहीत, ही वस्तुस्थिती आपण समजून घ्यायला हवी. धरणे ही पाणी अडवण्यासाठी बनवण्यात येतात. त्यामुळे आपल्याला दैनंदिन जीवनात आणि शेतीसाठी पाणी मिळते. अनेक पर्यावरणप्रेमी धरण बांधणीसाठी विरोध करतात. परंतु धरणच बांधली गेली नाहीत तर आपल्याला वर्षभर पाणी पुरवठा कोठून होणार? त्यामुळे धरणे बंधने गरजेचे आहे,” असे प्रतिपादन राज्याचे माजी मुख्य अभियंता आणि धरण सुरक्षा समितीचे सदस्य डॉ. दीपक मोडक यांनी केले.

मराठी विज्ञान परिषद पुणे विभाग, दि इन्स्टिट्यूशन ऑफ इंजिनिअर्स आणि रोटरी क्लब ऑफ पुणे रॉयलच्या वतीने आयोजित व्याख्यानात ‘धरणांद्वारे पूर नियंत्रण – मिथक आणि सत्य’ या विषयावर डॉ. दीपक मोडक बोलत होते. शिवाजीनगर येथील दि इन्स्टिट्यूशन ऑफ इंजिनिअर्सच्या सभागृहात झालेल्या या व्याख्यानावेळी विज्ञान परिषदेचे अध्यक्ष विनय र. र., दि इन्स्टिट्यूशन ऑफ इंजिनिअर्सचे प्रा. राजेंद्र सराफ उपस्थित होते.

डॉ. दीपक मोडक म्हणाले, “यंदा सगळीकडे एकदाच पाऊस पडल्यामुळे अनेक धरणातून पाणी सोडावे लागले आणि पूर परिस्थिती निर्माण झाली. अनेकांनी नदीपात्रात माती, राडारोडा, अवैध बांधकाम केल्यामुळे नदीचे पात्र अरुंद होत आहे. त्यामुळे वाहणाऱ्या पाण्याला अडथळे निर्माण होत आहेत. त्यातून पात्रातील पाणी बाहेर येते व पूर परिस्थिती निर्माण होते. तसेच नदीच्या पात्राच्या शेजारी ऊस शेती मोठ्या प्रमाणात केली जाते यामुळेही पाण्याला अडथळा होतो. बंधारे किंवा पूल बांधताना नदी प्रवाहाला अडथळा होऊ नये याची काळजी घेतली पाहिजे. धरणाची उंची वाढवुन त्यामागे काही काळासाठी तरी पुरशोषण क्षमता निर्माण करता येत का याचा अभ्यास करायला हवा.”

प्रास्ताविकामध्ये प्रा. राजेंद्र सराफ म्हणाले, ब्रिटीश काळापासून पाण्याला महत्त्व दिले गेले आहे. त्या काळातही अनेक धरणे बांधली गेली आहेत. लोकसंख्या मोठ्या प्रमाणात वाढत असल्यामुळे पाण्याची गरज वाढली आहे. त्यामुळे आपल्या जीवनात धरणे महत्वाची भूमिका बजावतात. सूत्रसंचलन विनय र. र. यांनी केले. शोभा नाहार यांनी आभार मानले.