पुणे, ता. २६ ः वाणिज्य, विज्ञान, कला या ज्ञान शाखांमुळे लौकिक जगात जगण्याचे शिक्षण मिळते. अलौकिक जग साध्य करण्यासाठी वाडमयाची गरज असते. त्यासाठी पुस्तक हा श्‍वासाचा भाग व्हावा अशा प्रकारचे वातावरण निर्माण करण्यासाठी प्रयत्न केले पाहिजेत असे मत साहित्यिक प्रविण दवणे यांनी व्यक्त केले.
डेक्कन एज्युकेशन सोसायटीच्या बृहन महाराष्ट्र वाणिज्य महाविद्यालयात (बीएमसीसी) आयोजित केलेल्या दोन दिवसांच्या ग‘ंथ प्रदर्शनाचे उद्घाटन करताना श्री. दवणे विद्यार्थ्यांशी संवाद साधत होते. सोसायटीचे उपाध्यक्ष महेश आठवले, प्राचार्य डॉ. चंद्रकांत रावळ, उपप्राचार्य डॉ. सुरेश वाघमारे, डॉ. आशीष पुराणीक, व्ही. व्ही. घाणेकर, संजय साळवे, प्रशांत साठे व्यासपीठावर उपस्थित होते.
श्री. दवणे पुढे म्हणाले, ‘ त्याला मन, स्पंदन, ङ्गुफ्ङ्गस, श्‍वास अशी जीवंतपणाची लक्षणे पुस्तकात असतात. उद्याची प्रेरणा देण्याचे सामर्थ्य पुस्तकांमध्ये असते. पुस्तक वाचनाने मनाचे पोषण होते. वाचनामुळे भविष्यातील कल्पना वर्तमानात कळतात. त्यामुळे भविष्य सुकर होते. म्हणून वाचनाचे महत्त्व आहे. विद्यार्थ्यांनी वाचनात गोडी निर्माण करण्यासाठी प्रयत्न आावश्यक आहेत.’
प्रदर्शनात विविध विषयांची व प्रकाशनांची पाच हजारहून अधिक पुस्तके मांडण्यात आली आहेत. उद्या संध्याकाळी पाच वाजेपर्यंत प्रदर्शन सर्वांसाठी विनामूल्य खुले राहील. प्रदर्शनाचे हे चोविसावे वर्ष आहे.

नवी दिल्ली – पुण्यात बुधवारी मुसळधार पाऊस झाला असून, अनेकांचे नुकसान झाले आहे. पुणेकरांना यातून सावरण्यासाठी तात्काळ मदत देवू असे आश्वासन मुख्यमंत्री देवेंद्र फडणीस यांनी दिले.

काय म्हणाले मुख्यमंत्री ?

पुण्यात बुधवारी रात्रभर मुसळधार पाऊस झाला आहे. पुणेकरांना सर्वोतोपरी मदत करण्यात येत आहे. काही जण वाहून गेले आहेत. मी सतत जिल्हाधिकारी आणि नियंत्रण कक्षाच्या संपर्कात आहे. एनडीआरफच्या 2 तुकड्या तेथे पाठवण्यात आल्या असून आतापर्यंत 15 हजार लोकांना सुरक्षितस्थळी स्थलांतरित करण्यात आले आहे. बारामतीतील कऱ्हा नदीलाही पूर आला आहे. प्रशासनातर्फे सर्वोतोपरी मदत करण्यात येईल. परिस्थिती नियंत्रणात असून राज्य सरकार बारकाईने नजर ठेवून आहे.

पावसामुळे पुण्यात मोठे नुकसान

पुणे शहर व उपनगरांत बुधवारी रात्री मुसळधार पाऊस झाला. पुण्यातील कात्रज, सिंहगड रोड आणि परिसरात पावसामुळे मोठ्या प्रमाणावर नुकसान झाले आहे. तसेच रस्त्यांना नदीचे स्वरुप आले होते. या पाण्यात अनेक गाड्या वाहून गेल्या आहेत. तर विविध ठिकाणी 11 जणांचा मृत्यू झाला आहे.

सुनील माने यांच्यातर्फे झालेल्या व्याख्यानात
लेफ्टनंट जनरल डॉ. शेकटकर यांचा गर्भित इशारा
पुणे : कलम ३७० हटवून काश्मीरचा विशेष दर्जा काढून घेतल्याने पाकिस्तानचे धाबे दणाणले आहेत. सर्वार्थाने भारतापुढे कमजोर असणाऱ्या पाकिस्तानकडून आता अणू बॉम्बच्या पोकळ धमक्या दिल्या जात आहेत. परंतु, हा विचारही त्यांच्यासाठी घातक ठरेल. त्यांनी ही चूक केल्यास त्यांचे अस्तित्व नकाशातून नष्ट होईल. पाकिस्तानचा भूभाग शोधण्यासाठी पुन्हा एखाद्या वास्को द गामाला याव लागेल, असे ठणकावत लेफ्टनंट जनरल (निवृत्त) डॉ. डी. बी शेकटकर यांनी पाकिस्तानला गर्भित इशारा दिला.
भारतीय जनता पक्षाचे सदस्य, कॅटलिस्ट फाउंडेशनचे अध्यक्ष सुनील माने यांच्यातर्फे त्यांचे ‘कलम ३७०, काश्मीर आणि आपण’ या विषयावर व्याख्यान ठेवले होते. यावेळी ते बोलत होते. संसदेच्या अंदाज समितीचे अध्यक्ष खासदार गिरीशजी बापट यांच्या अध्यक्षतेखाली हा कार्यक्रम पार पडला. इतिहास संशोधक पांडुरंग बलकवडे, आमदार योगेश टिळेकर, नगरसेवक अजय खेडेकर, अमोल बालवडकर, दीपक पोटे, किरण दगडे पाटील, व्हीजन नेक्स्ट फाउंडेशनचे प्रमुख डॉ. अंबरीश दरक, सामजिक कार्यकर्ते दत्ताजी गायकवाड, विनोद सातव उपस्थित होते. डॉ. शेकटकर यांनी समर्पक दाखले देत अत्यंत विस्ताराने काश्मीर विषय आपल्या व्याख्यानातून मांडला. दुसरे महायुद्ध, पाक व्याप्त काश्मीर, चीनची कटकारस्थाने, भारताची मवाळ भूमिका, फोफावलेला आंतकवाद, आर्थिक, राजकीय, सामाजिक समीकरणे अशा चौफेर संदर्भातून त्यांनी अत्यंत नेमक्या शब्दांत काश्मीर प्रश्नाचे विश्लेषण केले.
शेकटकर म्हणाले की, पाक व्याप्त काश्मीर हा भारताचाच अविभाज्य घटक आहे. भारताच्या लष्करी सामर्थ्याच्या विरुद्ध १० पाकिस्तान उभे राहिले तरी ते बेचीराख होतील. पाक व्याप्त काश्मीरचा प्रश्न चिघळत ठेवण्यात चीनचा असणारा धूर्त हेतूही अनेकदा जगासमोर आला आहे. परंतु, काश्मीरची एक इंचही जमीन पाकिस्तानला मिळू देता कामा नये. एक घाव दोन तुकडे करण्याची आता खरी वेळ आली आहे. हा प्रश्न तडीस नेण्याचे सामर्थ्य आपल्या देशात असून याविषयी कोणाचीच मध्यस्थी आम्हाला नको.
यावेळी बापट म्हणाले, घटनाकार डॉ. बाबासाहेब आंबेडकरांचा कलम ३७०ला विरोध होता. संसदेमध्ये हे कलम रद्द करण्याचा निर्णय घेतला त्या क्षणाचा मी साक्षीदार होतो. हा अनुभव अत्यंत रोमांचकारक व स्फूर्तीदायक होता. हे कलम रद्द करण्याच्या बाजूने ३७० मते पडली हा एक योगायोग म्हणावा लागेल. दोन्ही सभागृहात झालेले मतदान हे भाजपच्या खासदारांपेक्षा जास्त होते. यावरून पक्षापेक्षा देशहिताला संसदेमध्ये प्राधान्य दिले जाते हे सिद्ध झाले. आंतरराष्ट्रीय प्रश्नावर आजची तरुण पिढी फार अलिप्तपणे पाहत आहे याची खंत वाटते. जर या परिस्थितीत बदल झाला नाही तर आंतकवाद आपल्या दारात येईल. याचे गांभीर्य समजवण्यासाठी डॉ. शेकटकर यांनी पुस्तक लिहून हा प्रश्न घरोघरी पोहोचवावा.
सुनील माने यांनी आपल्या प्रास्ताविकातून डॉ. शेकटकर यांचा परिचय करून दिला. ते म्हणाले, ‘पत्रकारिता क्षेत्रात काम करत असताना त्यांची कार्यपद्धती जवळून अनुभवता आली. त्याचे शैक्षणिक आणि लष्करातील कर्तुत्व अफाट आणि असीम आहे. त्यांच्यासमवेत   थिंक टॅंक  संकल्पनेवर काम कारायला मिळाले हे माझे भाग्य समजतो.’  या व्याख्यानास तरुणांची उपस्थिती लक्षणीय होती. जयेश कासट यांनी आभार मानले.

 ७० वर्षे गेली आता ७० महिने तरी द्यायला हवेत: डॉ. शेकटकर
डॉ. शेकटकर यांच्या व्याख्यानाने प्रभावित झालेल्या तरुणांचा कार्यक्रम संपल्यावर त्यांच्याभोवती एकच घोळका जमला. राष्ट्रभक्तीने प्रेरित झालेल्या प्रत्येक तरुणाच्या मनातील एकच प्रश्न सातत्याने पुढे येत होता, “सर आता पाक व्याप्त काश्मीर प्रश्न कधी मार्गी लागणार? यावेळी या प्रश्नाचे स्मितहस्याने स्वागत करत डॉ. शेकटकर म्हणाले, तुमचा प्रश्न रास्त आहे. तुम्हा तरुण पिढीकडून राष्ट्राविषयी हीच तळमळ मला अपेक्षित आहे. पण कलम ३७० रद्द करायला ७० वर्षे जावी लागली. तर किमान ७० महिने तरी आपण पाक व्याप्त काश्मीर प्रश्न सोडविण्यासाठी द्यायला हवे.

– जिल्हाधिकारी नवल किशोर राम

पुणे, दि.26 : काल झालेल्या अतिवृष्टीच्या पार्श्वभूमीवर जिल्ह्यात कोणत्याही प्रकारची अनुचित घटना घडू नये तसेच अतिवृष्टीमुळे आपत्त्कालीन परिस्थिती निर्माण झालेली असल्याने त्याचा परिणाम शालेय विद्यार्थी यांच्यावर होऊ नये याकरिता पुणे जिल्ह्यातील पुणे शहर, हवेली, पुरंदर, भोर आणि बारामती या तालुक्यातील सर्व प्राथमिक, माध्यमिक, उच्च माध्यमिक शाळा व महाविद्यालये यांना गुरुवारी दि. 26 सप्टेंबर, 2019 रोजी सुट्टी घोषित करण्यात आली आहे. जिल्हाधिकारी नवल किशोर राम यांनी ही माहिती दिली.

पुणे : “स्थानिक उद्योगांना जागतिक बाजारपेठ उपलब्ध करून देण्यासाठी ग्लोबल इंडिया बिझनेस फोरम (जीआयबीएफ) एक चांगले व्यासपीठ आहे. या व्यासपीठाचा उपयोग करून घेऊन आपल्या उद्योगांच्या कक्षा विस्तारत जागतिक व्यापार करण्यावर उद्योजकांनी भर द्यायला हवा,” असे प्रतिपादन श्रीमंत छत्रपती शाहू महाराज यांनी केले.
ग्लोबल इंडिया बिझनेस फोरमच्या वतीने उल्लेखनीय कामगिरी करणाऱ्या उद्योजकांचा ‘बिझनेस एक्सलन्स पुरस्कार’ देऊन सन्मान करण्यात आला. शाल, स्मृतिचिन्ह व मानपत्र असे पुरस्काराचे स्वरूप होते. यावेळी ‘जीआयबीएफ’चे अध्यक्ष डॉ. जितेंद्र जोशी, अफगाणिस्तान कौन्सिल जनरल नदीम शेरीफी, इराकचे कौन्सिल जनरल ए. एम. अलीखानी, इथोपियाचे कौन्सिल जनरल दमेके अम्बुली  उपस्थित होते.
शाहू महाराज म्हणाले, “इराण, अफगाण यांचे भारताशी जुने व्यापारी संबंध आहेत. अनेक मुस्लिम राजांनी स्वातंत्र्यानंतर हे संबंध आणखी वृद्धिंगत केले. ग्लोबल इंडिया बिझनेस फोरमच्या माध्यमातून राज्यातील उद्योजकांना जागतिक बाजारपेठेत चांगली संधी आहे. याचा स्थानिक उद्योजकांनी लाभ घ्यावा.”

नदीम शेरीफी म्हणाले, ”अफगाणिस्तान व भारताचे व्यापार व उद्योगातील योगदान मोठे आहे. फोरमचे जगातील आणि देशातील व्यापारी संघटनेशी सामंजस्य करार आहेत. त्याचा फायदा सर्वच उद्योजक, व्यावसायिकांना मोठ्या प्रमाणात होतो. अफगाणातील ड्रायफ्रूट भारताकडून आयात केले जातात, तर अफगानकडून मसाल्यांची आयात होते.”

ए. एम. अलीखानी यांनी भारत सध्या अन्य देशांशी व्यापारविषयक करार करण्यात आघाडीवर आहे. त्यांचा फायदा स्थानिक उद्योजकांना होणार असल्याचे सांगितले. दमेके अम्बुली यांनीही ग्लोबल फोरमचा उद्योगांनी लाभ घेण्याचे आवाहन केले.

डॉ. जितेंद्र जोशी प्रास्ताविकात म्हणाले, मेक इन इंडिया, स्किल डेवलपमेंट अभियानामुळे भारतासह परदेशातील कंपन्यांना व्यवसायाच्या संधी उपलब्ध झाल्या. ऑटोमोबाईल, अभियांत्रिकी, केमिकल, औषध, इलेक्ट्रॉनिक, अवजड उद्योगांतील, क्षेत्रांना जागतिक पातळीवर नेण्याचा मानस आहे. फोरमचे ३७ देशांमध्ये ५३ हजार सभासद असल्याने जागतिक बाजारपेठेत भागीदारीत व्यवसाय करण्याची संधी या निमित्ताने मिळणार आहे.