र्गोत्सवामध्ये “अमृतवर्षीणी”ला रसिकांची उत्स्फूर्त दाद…

शास्त्रीय कलांशी निगडीत प्रदर्शनाचा समारोप…

पुणे: शैलपुत्री, ब्रह्मचारिणी, चन्द्रघंटा, कूष्माण्डा, स्कंदमाता, कात्यायनी, कालरात्रि, महागौरी, सिद्धिदात्री हि नवदुर्गेची विविध रूपांची अनुभूती भरतनाट्यमद्वारे पुणेकरांनी घेता आली. बंगाली असोशिएशनतर्फे आयोजित दुर्गापुजेमधील ‘अमृतवर्षीणी’ या कार्यक्रमाला रसिकांची भरभरून दाद मिळाली. मृदंगम,तालम,वीणा,बासरी ,घटम आदि वाद्यांच्या साथसंगतीने परिसर दुमदुमून गेला.

पौराणिक देवीरुपी स्त्री ते नावीन्य देवीरुपी स्त्री यांच्यातील सुवर्णमध्य साधण्याचा प्रयत्न ‘अमृतवर्षीणी’ या कार्यक्रमात केला गेला. कार्यक्रमाची सुरुवात गणेशपर्णाने केली गेली, विविध सुगंधित फुलांची पुष्पांजलीची ओंजळ नवदुर्गेला अर्पण करत दुसरी रचना सादर करण्यात आली. चंडमुंड राक्षसांचा संहार करण्यासाठी महिषासुर मर्दिनीने जेंव्हा आपलं रौद्ररूप धारण केलं याची रचना हि आजही लोकांच्या हृदयात स्थान करून आहे. हि रचनादेखील भरतनाट्यमद्वारे सादर करण्यात आली. कार्यक्रमाची सांगता आईगिरी नंदिनी या प्रचलित रचनेने झाली.

बंगाली असोशिएशनतर्फे दरवर्षी बाणेर भागात दुर्गा पुजेबरोबर विविध कार्यक्रम आयोजित केले जातात. तीन दिवसाच्या महोत्सवामध्ये सई परांजपे प्रस्तूत ‘अमृतवर्षीणी कार्यक्रमाबरोबरच शास्त्रीय कलांशी निगडीत प्रदर्शनाचे आयोजन करण्यात आले होते. यामध्ये विविध आभुषणे, कपडे, दागिणे याबरोबरच शास्त्रीय कलेशी निगडीत इतर वस्तू देखील होत्या. दुर्गोत्सवामध्ये लेफ्टनंट जनरल तापस कुमार बंडोपाध्याय हे या कार्यक्रमाचे प्रमुख पाहुणे होते.

पुणे : भारतीय चित्रपट संगीताला आपल्या अवीट गोडीच्या गळयाने अजरामर गाण्यांची भेट देणारे महान पार्श्वगायक किशोर कुमार आणि गानसम्राज्ञी भरतरत्न लता मंगेशकर यांनी गायलेल्या गाण्यांच्या सादरीकरणाने पुणे नवरात्रौत्सव संगीतमय सूरांनी बहरला. पुणे नवरात्र महोत्सव समिती, फिनोलेक्स इंडस्ट्रीज आणि मुकुल माधव फौंडेशनतर्फे आयोजित २५ व्या पुणे नवरात्र महोत्सवात युवा गायक आणि कलाकारांनी जितेंद्र भुरुक प्रस्तुत ‘तुम आ गए हो’ हा कार्यक्रम सादर झाला. लता मंगेशकर यांच्या ९० वाढदिवसानिमित्त आणि किशोर कुमार यांच्या ९० व्या जयंतीनिमित्त गायकांनी त्यांच्या आठवणींना उजाळा दिला. पोलीस अधिकारी प्रदीप देशपांडे, प्रकाश गायकवाड यांच्यासह महोत्सवाचे संयोजक आबा बागूल, जयश्री बागूल, घनःश्याम सावंत, नंदकुमार बानगुडे, नंदकुमार कोंढाळकर, रमेश भंडारी, अमित बागुल, विकी खन्ना यांच्यासह इतर मान्यवर उपस्थित होते.

प्रसिध्द गायक जितेंद्र भुरुक यांच्यासह रश्मी मुखर्जी यांनी किशोर कुमार आणि लता मंगेशकर यांच्या द्वंद्व गीते गाऊन कार्यक्रमाला ‘चार चाँद’ लावले. नितीन शिंदे (तबला, जेंबे), किरण एकबोटे (ढोलक), दिनेश पांडे (साईड ऱ्हिदम), अभिजित भदे (ऑक्टोपॅड), बाबा खान (सॅक्सोफोन), निलेश देशपांडे (बासरी), विशाल थेलकर (गिटार), मिहिर भडकमकर (सिंथेसायझर), बिशाल रायकर (बेस गिटार) यांनी गायकांना अप्रतिम सुरेल साथसंगत केली. रत्ना दहिवेलकर यांनी कार्यक्रमाचे निवेदन केले. ‘हम दोनो दो प्रेमी’, ‘आपकी आखो मे कुछ’, ‘तेरे चेहरे से’, ‘गुम है किसी के प्यार मे’, ‘शोखियो मे घोला जाए’, ‘तेरे बिना जिंदगी से कोई’ अशा अजरामर गीतांचा नजराना रसिकांसमोर पेश करत गायक आणि वादकांनी आपल्या अप्रतिम अदाकारीने कार्यक्रमात रंगत आणली. आबा बागुल यांनी स्वतः ‘सलामे इश्क’ हे गाणे गात उपस्थितांची मने जिंकली.

पुणे : “वस्तू आणि सेवा कर (जीएसटी) आपल्या सगळ्यांच्या सोयीसाठीच आणलेला आहे. त्यामध्ये सुधारणेला जरुर वाव असून, त्यासाठी जीएसटी कौन्सिल नियमित बैठक घेऊन ‘जीएसटी’ला ‘गुड अँड सिम्पल टॅक्स’ बनवण्यासाठी प्रयत्नशील आहे. गेल्या दोन वर्षात चार्टर्ड अकाउंटंट अनेक महत्वाच्या सेवा पुरवीत आहेत. या सर्वांमुळे ‘जीएसटी’मुळे कर संकलनात मोठी वाढ झाली आहे,” असे प्रतिपादन ‘सीजीएसटी’च्याप्रधान मुख्य आयुक्त कृष्णा मिश्रा यांनी केले.

दि इन्स्टिट्यूट ऑफ चार्टर्ड अकाउंटंट्स ऑफ इंडियाच्या (आयसीएआय) वतीने ‘जीएसटी’वर आयोजित दोन दिवसीय राष्ट्रीय परिषदेच्या उद्घाटनप्रसंगी त्या बोलत होत्या. कोथरूड येथील एमआयटीच्या स्वामी विवेकानंद सभागृहात झालेल्या या कार्यक्रमावेळी ‘सीजीएसटी’चे आयुक्त राजीव कपूर, ‘आयसीएआय’चे राष्ट्रीय उपाध्यक्ष सीए अतुल गुप्ता, केंद्रीय समितीचे सदस्य सीए चंद्रशेखर चितळे, पुणे शाखेच्या अध्यक्षा सीए ऋता चितळे, ‘आयसीएआय’चे सीए सुशीलकुमार गोयल, सीए राजेंद्र कुमार, सीए यशवंत कासार, सीए आनंद जाखोटिया, सीए समीर लड्डा, सीए अभिषेक धामणे, सीए काशिनाथ पठारे, यशवंत कासार आदी मान्यवर उपस्थित होते.

सीजीएसटी कमिशनर राजीव कपूर म्हणाले, “ऑनलाईन जीएसटी भरण्यात तक्रारी येत आहेत. त्यांना त्वरित मदत करणे गरजेचे आहे. ‘सब का विश्वास’ अंतर्गत अभियान सुरु आहे. त्याला नागरिकांचा चांगला प्रतिसाद मिळत आहे. जीएसटी समाजाने काहीजणांना अवघड असल्याने अनेक अडचणी जाणवतात. मात्र, त्या समजून सांगतानाच सोडविण्याचाही प्रयत्न केला जात आहे. जीएसटी भरणा करून करदात्यांनी सरकारला सहकार्य केले पाहिजे. बोगस जीएसटी बिल काढण्याचे प्रमाण वाढत आहेत, त्यांना पकडणे सहज शक्य आहे. प्रत्येकाला एकाच छत्राखाली घेऊन येणे खूप कठीण आहे, त्यामुळे थोडा वेळ लागेल परंतु सर्व काही सुरळीत होईल.”

अतुल गुप्ता म्हणाले, “सीए हा देशाच्या विकासात, तसेच सामाजिक आणि आर्थिक सुधारणांमध्ये मध्यस्थ म्हणून सीएची भूमिका महत्वाची आहे. सीएची गुणवत्ता अबाधित करण्यासाठी ‘आयसीएआय’कडून सतत उपक्रम राबविण्यात येतात. डिजिटल हब, युडीआयएन यासारखे व्यासपीठ उभारले आहेत. सीए आणि विद्यार्थ्यांना मार्गदर्शनासाठी नवीन तंत्रज्ञानाचा मेळ घालत अभ्यासक्रम अद्ययावत केला जात आहे. नियमित मार्गदर्शन सत्र, कार्यशाळा घेऊन सीए अधिकाधिक प्रगल्भ होईल, यावर भर दिला जात आहे. सीएचे काम, सेवा स्वयंचलीत आणि चांगली करण्यासाठी ‘आयसीएआय’ प्रयत्नशील आहे.”

प्रास्ताविकात चंद्रशेखर चितळे यांनी ‘सनदी लेखापाल जीएसटीला अधिक सुलभ करण्यात महत्वाची भूमिका बजावत आहे. या प्रक्रियेत येणाऱ्या अडचणी लक्षात आणून देत योग्य त्या सुधारणा करण्यासाठी प्रयत्नशील आहे, अाणि सनदी लेखापालांते योगदान पंतप्रधान नरेंद्र मोदी यांनी देखील गौरविले आहे’ असे सांगितले. सीए ऋता चितळे व सीए अभिषेक धामणे यांनी परिषदेच्या आयोजनामागील भूमिका मांडली. सीए नेहा फडके, सीए ऐश्वर्या गुंदेचा, पूजा महेश्वरी, राजश्री सहल यांनी सूत्रसंचलन केले. सीए काशिनाथ पठारे यांनी आभार मानले.

पुणे : ऑक्टोबर सेवा सप्ताहानिमित्त तर्पण आय क्लिनिक व आरोग्यवर्धिनी चिकित्सालय यांच्या पुढाकारातून लायन्स क्लब ऑफ पुणे सेंट्रलतर्फे वाहतूक पोलीस आणि सामान्यांसाठी मोफत नेत्रतर्पण व नेत्रतपासणी शिबिर घेण्यात आले. रास्ता पेठेतील शेठ ताराचंद रामचंद धर्मार्थ आयुर्वेदिक रुग्णालयात झालेल्या या शिबिरात एकूण २०५ जणांनी नेत्रतर्पण केले. ३५ डॉक्‍टर्सच्या टीमने यामध्ये सहभाग घेतला.

पुणे : शहरासह जिल्ह्यातील 21 मतदारसंघात एकूण 444 उमेदवारांनी अर्ज दाखल केले होते. त्यापैकी 71 उमेदवारांचे अर्ज बाद ठरवण्यात आले. त्यामुळे जिल्ह्यात एकूण 373 उमेदवार निवडणुकीच्या रिंगणात असणार आहेत.

शहरातील आठ मतदारसंघात 208 उमेदवारांनी नामनिर्देशनपत्रे दाखल केली होती. त्यात 43 उमेदवारांचे अर्ज बाद ठरले आहेत. पुणे कॅन्टोन्मेंट मतदारसंघात सर्वाधिक 27 उमेदवारांचे अर्ज बाद ठरले आहेत.
पुणे कँटोन्मेंट विधानसभा मतदारसंघात सर्वाधिक 85 उमेदवारी दाखल झाले होते. त्यापैकी 58 अर्ज वैध झाले असून, 27 अर्ज अवैध ठरले आहेत, अशी माहिती पुणे कँटोन्मेंट मतदारसंघाच्या निवडणूक निर्णय अधिकारी नीता शिंदे यांनी दिली.

पुणे कँटोन्मेंट विधानसभा मतदारसंघात मुख्य राजकीय पक्षाचे उमेदवारांचे अर्ज वैध ठरले आहेत.त्यामध्ये  कॉग्रेस राष्ट्रवादी आघाडीचे रमेश बागवे,,भाजपचे सुनील कांबळे, वंचित बहुजन आघाडीचे लक्ष्मण आरडे, एमआयएमच्या हिना मोमीन, आम आदमी पार्टीचे खेमदेव सोनवणे, मनसेच्या मनिषा सरोदे, बहुजन मुक्ती पार्टीचे हुलगेश चलवादी यांच्यासह बंडखोरी केलेले काँग्रेसचे सदानंद शेट्टी, भाजपचे बंडखोर उमेदवार भरत वैरागे, शिवसेनेच्या बंडखोर पल्लवी जावळे यांच्यासह उर्वरित अपक्षांचे अर्ज वैध ठरले आहेत.
विधानसभा निवडणुकीसाठी कसबा पेठ मतदारसंघातील इच्छुक उमेदवार नरेंद्र पावटेकर या अपक्ष उमेदवाराचा अर्ज बाद ठरविण्यात आला त्यांचे वय 25 वर्षांपेक्षा कमी असल्यामुळे अर्ज बाद ठरविण्यात आल्याची माहिती निवडणूक निर्णय अधिकारी संतोषकुमार देशमुख यांनी दिली.

कसबा पेठ विधानसभा मतदारसंघात एकूण 15 उमेदवारांनी 19 अर्ज दाखल केले होते. त्यापैकी दोन उमेदवारांचे अर्ज नामंजूर झाले आहेत. त्यामुळे 13 उमेदवारांचे अर्ज वैध ठरले आहेत. बहुजन समाज पक्षाचे उमेदवार फैय्याज मुश्‍ताक सय्यद राज यांच्या एबी फॉर्मवर पांढऱ्या शाईने खाडाखोड आणि एकच प्रस्तावक असल्याच्या कारणास्तव तो अर्ज नामंजूर करण्यात आला