मुंबई, दि. 21 : राज्यात विधानसभा निवडणुकीसाठी शांततेत व सुरळीतपणे मतदान झाले असून सायंकाळी सहा वाजेपर्यंत अंदाजे 60.46 टक्के मतदान झाले. तसेच सातारा लोकसभा मतदारसंघाच्या पोटनिवडणुकीत अंदाजे 64.25 टक्के मतदान झाले असल्याची माहिती मुख्य निवडणूक अधिकारी बलदेव सिंह यांनी मंत्रालयात झालेल्या पत्रकार परिषदेत दिली. 

यावेळी अतिरिक्त मुख्य निवडणूक अधिकारी दिलीप शिंदे, सहमुख्य निवडणूक अधिकारी अनिल वळवी, शिरीष मोहोड आदी उपस्थित होते.  

राज्यातील विधानसभा मतदानाची आकडेवारी सांगताना श्री. सिंह म्हणाले की, या विधानसभा निवडणुकीत 288 मतदारसंघासाठी मतदारांनी उत्साहाने मतदान केले. मतदार यादीत नावे नसल्याची कोणतीही तक्रार आली नाही. 

राज्यात सर्वाधिक मतदान करवीर मतदारसंघात 83.20 टक्के झाले. त्याखालोखाल शाहूवाडी 80.19, कागल 80.13 टक्के, शिराळा 76.78 टक्के तर रत्नागिरी 75.59 टक्के मतदान झाले. सर्वात कमी मतदान कुलाबा विधानसभा मतदारसंघात 40.20 टक्के इतके झाले. तर उल्हासनगरमध्ये 41.20 टक्के, कल्याण पश्चिममध्ये 41.93 टक्के, अंबरनाथमध्ये 42.43 टक्के, वर्सोवा 42.66 टक्के आणि पुणे कँटोन्मेंटमध्ये 42.68 टक्के मतदान झाले.

जिल्हानिहाय टक्केवारी पुढील प्रमाणे

अहमदनगर 64.93 टक्के, अकोला 56.88 टक्के, अमरावती 59.33, औरंगाबाद 65.06, बीड 68.03, भंडारा 66.35, बुलढाणा 64.41, चंद्रपूर 63.42, धुळे 61.90, गडचिरोली 68.59, गोंदिया 64.06, हिंगोली 68.67, जळगाव 58.60, जालना 67.09, कोल्हापूर 73.62, लातूर 61.77, मुंबई शहर 48.63, मुंबई उपनगर 51.17, नागपूर 57.44, नांदेड 65.40, नंदुरबार 65.50, नाशिक 59.44, पालघर 59.32, परभणी 67.41, पुणे 57.74, रायगड 65.90, रत्नागिरी 58.59, सांगली 66.63, सातारा 66.60, सिंधुदुर्ग 64.57, सोलापूर 64.23, ठाणे 47.91, उस्मानाबाद 62.21, वर्धा 62.17, वाशिम 61.33 आणि यवतमाळ जिल्ह्यात 63.09 टक्के मतदान झाले.

इव्हीएम व व्हीव्हीपॅट मशिन

विधानसभा सार्वत्रिक निवडणूक 2019 साठी प्रत्यक्ष वापरात 1 लाख 12 हजार 328 बॅलट युनिट (बीयु), प्रत्येकी 96 हजार 661 इतक्या कंट्रोल युनिट (सीयु) आणि व्हीव्हीपॅट मशिन्स होत्या. तर राखीव 24 हजार 625 बीयु, 21 हजार 277 सीयु आणि 28 हजार 992 व्हीव्हीपॅट ठेवण्यात आल्या होत्या. त्यापैकी आज प्रत्यक्ष मतदानाचे दिवशी प्रारुप मतदान घेतले असता त्यात 3 हजार इव्हीएम- व्हीव्हीपॅट मशिन्स (522 बीयु, 949 सीयु आणि 1 हजार 974 व्हीव्हीपॅट) नादुरूस्त झाल्या. तर प्रत्यक्ष मतदानाच्या काळात सायंकाळी 5 वाजेपर्यंत त्यात 4 हजार 69 इव्हीएम- व्हीव्हीपॅट यंत्रे ज्यामध्ये 665 बीयु (0.59%), 596 सीयु (0.62%) आणि 3 हजार 437 व्हीव्हीपॅट (3.56%) नादुरुस्त झाल्या.

प्रारुप मतदानाच्या वेळी तसेच प्रत्यक्ष मतदानाच्या वेळी नादुरुस्त झालेली इव्हीएम व्हीव्हीपॅट त्वरीत दुरुस्त करण्यात / बदलण्यात आल्या. त्यामुळे मतदानप्रक्रियेवर कोणताही विपरीत परिणाम झालेला नाही.

इव्हीएम संदर्भात भारतीय राष्ट्रीय काँग्रेस पक्षाच्या 152, शिवसेना 89 व इतर 120 अशा एकूण 361 तक्रारी प्राप्त झाल्या आहेत. प्राप्त तक्रारी संबंधीत जिल्हाधिकारी कार्यालयास कार्यवाहीसाठी त्वरीत पाठविण्यात आलेल्या आहेत.

मतदानाची वैशिष्ट्ये :-

महाराष्ट्रात झालेल्या मतदानाची वैशिष्ट्ये थोडक्यात पुढीलप्रमाणे आहेत :-

⦁ पुणे जिल्ह्यातील 215-कसबापेठ मतदारसंघामध्ये, भारत निवडणूक आयोगाच्या निर्देशानुसार पथदर्शी प्रकल्प (पायलट प्रोजेक्ट) म्हणून प्रथमच ‘बार कोडींग’चा वापर करण्यात आला.

⦁ दिव्यांग व ज्येष्ठ नागरिकांच्या सेवेसाठी एकूण 5 हजार 435 इतकी मतदान केंद्रे वरच्या मजल्यावरुन तळ मजल्यावर स्थलांतरित करण्यात आली. त्यामुळे दिव्यांग व ज्येष्ठ नागरिकांना मतदान करण्यामध्ये कोणतीही अडचण निर्माण झाली नाही.

⦁ अतिवृष्टी झाल्यामुळे 259-कराड उत्तर मतदारसंघातील मतदान केंद्र क्र. 31 या केंद्राचे स्थलांतर मतदानाच्या आदल्यादिवशी करण्यात आले.

⦁ काल दिनांक 20 ऑक्टोबर रोजी दिवसा व रात्री महाराष्ट्राच्या मराठवाडा, विदर्भ व पश्चिम महाराष्ट्र या भागात पाऊस झाला. उस्मानाबाद, लातूर, जालना, परभणी आणि सातारा येथे मुसळधार पाऊस झाल्याने काही ठिकाणी पोलिंग पार्टीच्या दळणवळणामध्ये अडचण निर्माण झाली होती. मात्र पोलिंग पार्टी वेळेवर कर्तव्याच्या ठिकाणी दाखल झाल्या आणि मतदान सुरळीतपणे पार पाडण्यात आले.

⦁ रायगड व पालघर जिल्ह्यामध्ये रुग्णालयातील रुग्णांसाठी रुग्णवाहिकेची सुविधा उपलब्ध करण्यात आली होती.

⦁ विशेषत: शहरी भागांमध्ये मतदारांनी तसेच सेलेब्रिटीजनी अतिशय उत्साहामध्ये भाग घेऊन मतदान केले.

⦁ शहरी भागांमध्ये, सुट्टयांचे दिवस असूनही, मतदानाचे प्रमाण चांगले राहिले आहे.

आदर्श आचारसंहिता (एमसीसी) :-

आदर्श आचारसंहितेची प्रभावी अंमलबजावणी करण्यासाठी आणि बेकायदेशीर आर्थिक व्यवहारांवर संनियंत्रण ठेवण्यासाठी मोठ्या प्रमाणावर एफएसटी (1567), एसएसटी (1660), व्हीएसटी (1092) इतकी पथके नेमण्यात आली होती. या व्यतिरिक्त दक्ष नागरिकांना आचारसंहिता भंगाची प्रकरणे नोंदविण्यासाठी आयोगाने सी- व्हिजिल हे अँड्रॉईड ॲप उपलब्ध करुन दिले होते.

माध्यम प्रमाणिकरण व संनियंत्रण समिती (एमसीएमसी) :- 

राजकीय पक्षांच्या  व उमेदवारांच्या जाहिराती प्रमाणिकरण करण्यासाठी अतिरिक्त मुख्य निवडणूक अधिकारी, महाराष्ट्र राज्य यांच्या अध्यक्षतेखाली तर जिल्हास्तरावर उपजिल्हा निवडणूक अधिकारी यांच्या अध्यक्षतेखाली  माध्यम प्रमाणिकरण व संनियंत्रण समिती (मीडिया सर्टिफिकेशन अँण्ड मॉनिटरिंग कमिटी) स्थापन करण्यात आली आहे. अतिरिक्त मुख्य निवडणूक अधिकारी  यांच्या अध्यक्षतेखालील  समिती समोर ऑडीओ, व्हिडीओ व पोस्टरसाठी आतापर्यंत पुढीलप्रमाणे विविध राजकीय पक्षाकडून  विनंती प्राप्त झाली आहे.

वरील दोन्ही समितीच्या निर्णयाविरुद्ध अपिल करण्याकरिता  मुख्य निवडणूक अधिकारी, महाराष्ट्र यांच्या अध्यक्षतेखाली समिती गठीत करण्यात आली आहे. या समिती समोर आजच एक पेड न्यूज संदर्भातील अपील दाखल झाले आहे. त्यावर अद्याप निर्णय झालेला नाही. एकच अपील प्राप्त झाले आहे हे पाहता वरील दोन्ही समित्यांनी त्यांची कर्तव्ये व जबाबदाऱ्या चांगल्या प्रकारे पार पाडल्या आहेत, असे स्पष्ट होत आहे.

सोशल मिडिया मॉनिटरिंग

पोलीस विभागाच्या सायबर शाखेअंतर्गत स्थापन करण्यात आलेल्या समितीमार्फत सोशल मिडियाचे निवडणूक आदर्श आचारसंहितेच्या दृष्टीने मॉनिटरिंग करण्यात आले.

जप्तीची प्रकरणे (सीझर्स) :-

आतापर्यंत आयकर विभाग, अबकारी विभाग, पोलीस यांनी एकूण रुपये सदुसष्ट कोटी बावन्न लाख (67.52) इतकी रोख रक्कम, रुपये चौप्पन्न कोटी पन्नास लाख (54.50) रकमेचे सोने, रुपये तेवीस कोटी एकवीस लाख (23.21) रकमेचे मद्य व रुपये वीस कोटी पंच्याहत्तर लाख (20.75) मादक पदार्थ, याप्रमाणे एकूण रुपये एकशे पासष्ट कोटी नव्यान्नव लाख (165.99) इतक्या रकमेचा मुद्देमाल जप्त केला आहे. आचार संहितेच्या उलंघनाबाबत 2124 गुन्हे दाखल करण्यात आले आहेत. तसेच याव्यतिरिक्त Prohibition Act, Food & Drugs Act या कायद्याखाली 11506  इतके गुन्हे दाखल करण्यात आले आहेत.

मतदार यादी :-

सन 2019 या वर्षी होणारी निवडणूक विचारात घेऊन जानेवारी, 2018 पासून मतदार यादी शुद्ध व अद्ययावत (Pure & Update) करण्यासाठी विशेष प्रयत्न करण्यात आले आहेत.  मतदारांमध्ये जागृती निर्माण करणे आणि त्यांचा सहभाग वाढविणे याकरिता ‘स्वीप’अंतर्गत विविध उपक्रम हाती घेण्यात आले. त्याचा खुप चांगला परिणाम झाला. व लोकसभा सार्वत्रिक निवडणूक 2019 (8,85,65,547) च्या तुलनेत विधानसभा निवडणूक – 2019 मध्ये मतदारांची संख्या 8,98,39,600 इतकी झाली. म्हणजेच मतदारांची संख्या 2,74,053 ने वाढली.

दिव्यांग मतदार :-

भारत निवडणूक आयोगाने यावेळी दिव्यांग मतदारांसाठी ‘सुलभ निवडणूका’ (Accessible Elections) हे घोषवाक्य जाहीर केले होते. याअंतर्गत दिव्यांग मतदारांची जास्तीत जास्त नोंदणी करण्यासाठी आणि त्यांना मतदान करणे सुलभ व्हावे याकरिता मोठ्या प्रमाणात प्रयत्न करण्यात आले होते. त्याचे चांगले फलित म्हणून लोकसभा सार्वत्रिक निवडणूक 2019 मध्ये 3,09,233 इतके दिव्यांग मतदार होते परंतू यावेळी सुमारे तीन लाख शहाण्णव हजार सहाशे त्र्याहत्तर (3,96,673) इतक्या दिव्यांग व्यक्तींची मतदार म्हणून नोंदणी करण्यात आली आहे. म्हणजेच सुमारे 90 हजार नवीन दिव्यांग  मतदारांची नोंदणी करण्यात आली आहे.

मतदान केंद्र :

यावेळी एकूण शहाण्णव हजार सहाशे ऐकसष्ठ (96,661) इतक्या मतदान केंद्रांवर मतदान घेण्यात आले. सन 2014 च्या तुलनेत यावेळी मतदान केंद्रांच्या संख्येमध्ये एकूण आठ हजार एकशे एकसष्ठ (8,161) इतकी वाढ झाली आहे. तसेच आताच्या विधानसभा सार्वत्रिक निवडणूकीच्या मतदान केंद्रांमध्ये सखी मतदान केंद्र-352, आदर्श मतदान केंद्र-288 दिव्यांग मतदान केंद्र-106 व वेब कास्टिंग-10013 याही मतदान केंद्रांचा समावेश करण्यात आला आहे.

निवडणूक कर्मचारी :-

       संपूर्ण निवडणूक प्रक्रिया पार पाडण्याकरिता सुमारे सात लाख पन्नास हजार (7,49,374) इतक्या कर्मचाऱ्यांची नियुक्ती करण्यात आली होती. तसेच कायदा व सुव्यवस्था राखण्यासाठी सुमारे एक लाख चार हजार (1,04,000) इतक्या पोलीसांची नियुक्ती करण्यात आली होती. याप्रमाणे सुमारे साडे आठ लाख (8,50,000) इतके कर्मचारी या  निवडणूकीसाठी नियुक्त करण्यात आले होते.

        गडचिरोली जिल्ह्यामध्ये 69-अहेरी या मतदार संघासाठी नियुक्त करण्यात आलेले एक पोलीस अधिकारी श्री. बापू पांडू गावडे (वय 45 वर्षे ) यांची तब्येत बिघडल्यामुळे त्यांना हेलिकॉप्टरने चंद्रपूर येथील शासकीय इस्पितळात दाखल करण्यात आले होते. पंरतु उपचारादरम्यान दुपारी 1-30 वाजता मृत्यू झाला. तसेच कोल्हापूर जिल्ह्यातील करवीर मतदारसंघात निवडणूक कर्तव्यावर असलेले शिक्षक श्री. सर्जेराव भोसले यांचा ह्रदयविकाराच्या तीव्र झटक्याने मृत्यू झाला.

       तसेच ठाणे येथील नुतन शाळा, रामबाग या ठिकाणी बंदोबस्तावर नेमण्यात आलेल्या श्री. जयराम तरे (बक्कल नंबर 5352) वय 48 वर्षे यांना ह्रदयविकाराच्या झटका आल्यामुळे त्यांना वेळीच इस्पितळामध्ये दाखल करण्यत आले. आता त्यांच्या जीवावरील धोका टळलेला आहे.

सातारा-कोयना विभागातील मळे , कोळने , पाथरपुंज या तीन गावातील मतदारांनी आपल्या  मागणीसाठी मतदानावर बहिष्कार टाकला. यामुळे येथे मतदान झालेच नाही.

कोयना विभागातील कामरगाव , रासाटी , नवजा , कोयनानगर , गोवारे , हुंबरळी , देशमुखवाडी , हेळवाक , भराडवाडी येथे चांगले मतदान झाले. मळे , कोळने , पाथरपुंज या चांदोली अभयारण्यात येणाऱ्या या गावांनी आपल्या प्रलंबित राहिलेल्या पुनर्वसनाच्या प्रश्नावरून मतदानावर बहिष्कार घालण्याचा निर्णय जाहीर केला होता.

या निर्णयावर ठाम राहिल्याने या मतदान केंद्रावर अखेर पर्यंत शुकशुकाट होता.

याबाबत या तीन गावातील ग्रामस्थांनी माहिती दिली. आमच्यावर आजपर्यंत सत्तेवर असलेल्या सर्वच शासनाने अन्याय केला आहे. युती शासनाने आमच्या प्रश्नावर तोडगा काढला असला तरी घेतलेला निर्णय जाहीर न केल्यामुळे आम्ही आजही या ठिकाणी खितपत पडून आहोत. सन 1894 मध्ये चांदोली अभयारण्याची निर्मिती झाली आहे. सन 2004 मध्ये या अभयारण्याला राष्ट्रीय उद्यान म्हणून दर्जा देण्यात आल्यानंतर या तीन गावातील अनेक गोष्टीवर बंदी आली आहे.

कोयना अभयारण्य व चांदोली अभयारण्य मिळून शासनाने सह्याद्री व्याघ्रप्रकल्प निर्माण केला आहे. यामुळे तिन्ही गावातील जनता विकासापासून कोसो दूर होवून मागास राहिल्याने तसेच मागण्या मान्य न झाल्याने मतदानावर बहिष्कार टाकल्याचे प्रकाश चाळके , संजय पवार , रवी डांगरे , शिवाजी चाळके , अंकुश पवार , पांडुरंग डांगरे आदी ग्रामस्थांनी नमूद केले.

मुंबई – विधानसभा निवडणुकीसाठी राज्यभरात मतदान पार पडत आहे. अनेक ठिकाणी दिग्गज नेते, कलाकार मंडळी मतदानाचा हक्क बजावित आहे. काही भागात ईव्हीएमबाबतच्या तक्रारी येत आहे. महाराष्ट्र काँग्रेसने निवडणूक आयोगाकडे तब्बल २२१ तक्रारी केल्या आहेत. अनेक ठिकाणी ईव्हीएम बंद पडण्याचे प्रकार घडले आहेत.

अचलपूर – १, ऐरोली – १, अकोला पूर्व – १, अकोला पश्चिम -६, अकोट -३, आंबेगाव – १, अमरावती -४, अंधेरी पश्चिम -१, अणुशक्तीनगर – १, औरंगाबाद -१३, औसा – १, बाळापूर – ३, भोकर – ५, बोरिवली – १, बुलढाणा – २, भायखळा – १, चांदिवली – ३, चंद्रपूर – ४, चिखली – १, चिमूर -१, चोपडा -१, कुलाबा -१, धुळे शहर – १, दिंडोशी -३, गडचिरोली – १, घाटकोपर – २, गोरेगाव – २, कोल्हापूर उत्तर – ६, कोल्हापूर दक्षिण -२, कर्जत जामखेड – ३, जालना -४, हिंगणघाट -२, जामनेर -१, जोगेश्वरी पूर्व – २, कराड उत्तर – १, कसबा पेठ – २, करवीर -१, खामगाव -२, किणवट -१, कोपरी पाचपाखाडी -१, कुर्ला १ अशा प्रकारे राज्यभरात ईव्हीएमबाबत काँग्रेसने निवडणूक आयोगाकडे तक्रारी नोंदविल्या आहेत.

तसेच पुण्यातील वडगाव शेरी मतदारसंघातील राष्ट्रवादी काँग्रेसचे उमेदवार सुनील टिंगरे आणि पिंपरी मतदारसंघातील राष्ट्रवादी काँग्रेसचे उमेदवार अण्णा बनसोडे यांना मतदान केल्याचे सध्या व्हिडीओ सोशल मीडियामध्ये व्हायरल होतोय. मतदान केंद्रावरील सुरक्षा व्यवस्थेविषयी प्रश्नचिन्ह निर्माण झाले. मतदान करतानाचे व्हिडिओ व्हायरल होऊ नयेत यासाठी निवडणूक आयोगाने यापूर्वीच वेगवेगळ्या उपाययोजना केल्या आहेत. मतदान करताना मोबाईल जवळ बाळगण्यासदेखील बंदी घातली आहे. परंतु असे असूनही काही अतिउत्साही कार्यकर्त्यांनी मोबाईलमध्ये आपण मतदान करतानाचे हे व्हिडिओ शूट करून ते सोशल मीडियावर व्हायरल केले आहेत.

अनेक मतदान केंद्रांवर पोलिसांनीही मोबाईल बंदी घातली आहे. परंतु काही अति उत्साही कार्यकर्ते पोलिसांची नजर चुकवून मोबाईल मतदान केंद्राच्या आत घेऊन जात आहेत. यातून या मोबाईल बंदीचा फारसा फायदा झाला नसल्याचे चित्र काही ठिकाणी दिसून येत आहे.

पुणे-महाराष्ट्राच्या 288 आणि हरियाणाच्या 90 विधानसभा जागांसाठी मतदान सुरु आहे. मुख्यमंत्री देवेंद्र फडणवीस, संघप्रमुख मोहन भागवत आणि केंद्रीय मंत्री नितीन गडकरी यांनी नागपूरमध्ये मतदान केले. हरियाणाचे मुख्यमंत्री मनोहर खट्टर कर्नाळ येथे सायकलवरून मतदान करण्यासाठी पोहोचले. संध्याकाळी 6 वाजेपर्यंत महाराष्ट्रात 55% आणि हरियाणात 62% मतदान झाले.

या निवडणुकीत अनेक दिग्गजांची प्रतिष्ठा पणाला लागलेली आहे. विधानसभा निवडणुकीपूर्वी अनेकांनी पक्षांतर केले होते. या पक्षांतराचा त्यांना फायदा होणार की फटका बसणार हे 24 ऑक्टोबर रोजी कळणार आहे.

Live Updates…

मतदान टक्केवारी  -5pm पर्यंत – जिल्हाधिकारी कार्यालय पुणे यांच्याकडून प्राप्त -पुढीलप्रमाणे

Poll % on suvidha @5pm
जुन्नर – 60.07
आंबेगाव – 63
खेड.39
शिरूर -58.81
दौंड- 61.15
इंदापूर -4.25
बारामती -64.06
पुरंदर -57.6
भोर -59.65
मावळ -64.36
चिंचवड -51.33
पिंपरी -42.67
भोसरी -52.52
वडगाव शेरी-41.08
शिवाजीनगर – 39.2
कोथरूड -43.23
खडकवासला-49.5
पर्वती–45.07
हडपसर  -48.84
पुणे कँटोमेंट -38.14
कसबा 36.08

मतदान टक्केवारी

खासदार संजय काकडे यांचे आवाहन
पुणे-डॉ. बाबासाहेब आंबेडकर यांनी लिहिलेल्या राज्यघटनेनं आपल्या सर्वांना मतदानाचा मूलभूत अधिकार दिला आहे. लोकांनी निवडून दिलेले लोकप्रतिनिधी देशाचे व राज्याचे सरकार बनवतात. त्यामुळे मतदानाचा अधिकार हा अतिशय महत्त्वाचा आहे. राज्यघटनेनं दिलेल्या इतक्या महत्वपूर्ण अधिकाराची पायमल्ली होऊ म्हणून सर्वांनी मतदानाचा अधिकार बजवावा, असे आवाहन संजय काकडे यांनी आज केले.
खासदार संजय काकडे व त्यांच्या पत्नी उषा काकडे यांनी आज एसएनडीटी महाविद्यालय येथे मतदानाचा अधिकार बजावला.

बारामतीत पवार कुटुंबियांनी एकत्र येत मतदानाचा हक्क बजावीला. आंबेगाव तालुक्यात माजी विधानसभा अध्यक्ष दिलीप वळसे पाटील यांनी त्यांच्या कुुंटुंबियांसोबत मतदान केले. माजी खासदार शिवाजीराव आढळराव पाटील, आमदार सुरेश गोरे, माजी आमदार दिलीप मोहिते, आमदार राहुल कुल, यांनीही सपत्नीक मतदान केंद्रावर येत मतदानाचा हक्क बजावीला.

जिल्ह्यात काही ठिकाणी इव्हीएम मशीन मध्ये बिघाड झाला. खेड आळंदी विधानसभा मतदार संघात वाकी बुद्रुक गावातील गारगोटे शिवार येथील मतदान २२९ क्रमांकाच्या मतदान केंद्रात इव्हीएम मध्ये बिघाड झाल्याने मतदान तब्बल एक तास उशीरा सुरू झाले. यामुळे सकाळीच मतदान करण्यास आलेले अनेक नागरिक मतदान न करताच परत गेले. आंबेगाव तालुक्यातील भीमाशंकर येथील मतदान केंद्रातील मशीन बंद पडले. नवीन मशीन येण्यास उशीर झाल्याने तो पर्यंत मतदान थांबले होते.

धुळ्यात माजी आमदार अनिल गोटेंवर हल्याचा प्रयत्न

नाशिकमध्ये दोन्ही हात नसलेल्या शेतकऱ्याने केले मतदान. हात नसल्यामुळे पायाला लावली शाई.

एटापली तालुक्यात पुरसुलगोंदी येथील मतदान केंद्रावर पायी जातांना भोवळ येऊन पडल्याने एका शिक्षकाचा मृत्यू

काँग्रेस माजी मुख्यमंत्री सुशीलकुमार शिंदे यांनी सहकुटुंब केले मतदान.

क्रिकेटपटू सचिन तेंडूलकरने बजावला मतदानाचा हक्क.

जालना जिल्हा दुपारी 3-00 पर्यंत मतदान टक्केवारी

परतूर –48.76 घनसावंगी – 53.63 जालना- 42.19 बदनापूर – 53.50 भोकरदन- 53.35 एकूण- 50.29 टक्के

पुणे जिल्हा दुपारी 3 वाजेपर्यंची आकडेवारी

जुन्नर- 49.03

आंबेगाव- 52.54

खेड – 48.53

शिरुर-44.86

दौंड – 49.2

इंदापूर- 52.27

बारामती -52.2

पुरंदर -46.4

भोर -48.76

मावळ -53.6

चिंचवड -35.79

पिंपरी -31.28

भोसरी -40.35

वडगावशेरी -32.07

शिवाजीनगर – 28.76

कोथरुड -35.32

खडकवासला -37.75

पर्वती -33.06

हडपसर -41.16

पुणे कॅंटोन्मेट -27.72

कसबा- 26.33

पुणे एकूण- 41 %

बुलडाणा जिल्हा दुपारी ३ वाजेपर्यंत आकडेवारी

21 मलकापूर – ४३.९७ 22 बुलडाणा – ४२.०९ 23 चिखली – ४६.२७ 24 सिंदखेड राजा – ४५.६६ 25 मेहकर – ४७.७१ 26 खामगांव- ४८.१९ 27 जळगांव जामोद – ४५.७७ एकूण – ४५.६५

नंदुरबार जिल्ह्यातील दुपारी 3 वाजेपर्यंची आकडेवारी

अक्कलकुवा 52.13 शहादा 51.62 नंदुरबार 40.83 नवापूर 58.03 एकूण 50.26

यवतमाळ जिल्हा : सकाळी 7 ते 11 वाजेपर्यंत मतदानाची आकडेवारी

वणी – 19.36 टक्के

राळेगाव – 18.63 टक्के

यवतमाळ – 14.6 टक्के

दिग्रस – 21.82 टक्के

आर्णि – 18.82 टक्के

पुसद – 20.41 टक्के

उमरखेड – 18.93 टक्के

जिल्ह्याची सरासरी – 18.79 टक्के

> कोथरुड विधानसभा मतदारसंघातील 07.00 वा. ते 11.00 वा. दरम्यान 14.44% मतदान झाले आहे.

> परंडा तालुक्यातील कांदलगाव येथे मतदान केंद्र क्र.358 मध्ये व्होटिंग मशीन बंद. अद्याप एकही मतदान झाले नाही.

> पुणे जिल्ह्यातील 21 विधानसभा मतदारसंघात पहिल्या दोन तासांत 5.65 टक्के मतदान झाले, अशी माहिती जिल्हाधिकारी नवल किशोर राम यांनी दिली.

> वाळूज येथील मदर तेरेसा विद्यालयातील मतदान केंद्रावरील 2 EVM मशीन बंद पडल्याने धावपळ.

अकोला : सकाळी ९ वा. पर्यंतचे मतदान

२८- अकोट- ५.२७%

२९- बाळापूर- ५.०९%

३०- अकोला पश्चिम- ४.४९%

३१- अकोला पूर्व- ५.१९%

३२- मूर्तिजापूर- ५.०४%

> आज सकाळी 7.30 वाजता ज्येष्ठ सामाजिक कार्यकर्ते डॉ. अभय बंग व डॉ. राणी बंग यांनी धानोरा तालुक्यातील चातगाव येथे मतदानाचा हक्क बजावला. मतदान हा आपला अधिकार आणि कर्तव्य आहे. प्रत्येकाने जरूर मतदान करा असे आवाहन त्यांनी यावेळी केले.

> लातूर जिल्ह्यात काल राञीपासून संततधार पाऊस. यंदाच्या पावसाळ्यातील पहिलाच मोठा पाऊस. जळकोट तालुक्यात नद्यांना पूर. काही ठिकाणी मतदानकेंद्रात जाण्यासाठी अडचणी. मात्र सर्वत्र मतदान सुरळीत असल्याची निवडणूक निर्णय अधिकाऱ्यांची माहिती. भर पावसातही सकाळपासून मतदानाला सुरूवात. माञ वेग कमी.

> स्वाभिमानी पक्षाचे वरूड मोर्शी मतदारसंघाचे उमेदवार देवेंद्र भुयार यांचे गाडीवर आज सकाळी हल्ला. गाडी पेटवण्यात आली.

> राज्यमंत्री अतुल सावे यांनी औरंगाबादमध्ये सहकुटुंब बजावला मतदानाचा हक्क.

> नागपूरमध्ये सरसंघचालक मोहन भागवत यांनी केले मतदान.

> बारामती : माजी उपमुख्यमंत्री अजित पवार यांनी सपत्नीक काडेवाडीत बजावला मतदानाचा हक्क.

> साताऱ्यात उदयनराजे भोसले यांनी बजावला मतदानाचा हक्क.

> विधानसभा अध्यक्ष हरिभाऊ बागडे यांनी चितेगावमध्ये केले मतदान.