पुणे-सर्वोच्च न्यायालयाच्या आदेशामुळे सोपान बागेजवळ असलेल्या डोबरवाडी च्या १०३ घरांवर बुलडोझर फिरल्याचे स्पष्ट  असले तरीही आता या मागे महापालिकेतील एका अधिकाऱ्याचे कारस्थान  असल्याचा आरोप होवू लागला आहे. तो खरा आहे कि खोटा याचे स्पष्टीकरण अद्याप झालेले नाही  ,महापालिकेने दिलेल्या   चुकीच्या(?) माहिती मुळे सुप्रीम कोर्टाने येथील २१ घरे पाडून सुमारे ३९ गुंठे जागा रिकामी करून देण्याचा आदेश दिल्याचे सांगण्यात येते आहे .महापालिकेचे एक अधिकारी यांनी पूर्वी   हि झोपडपट्टी घोषित असल्याचे सांगितले होते ,मात्र  दुसरे एक अधिकारी या पदावर आले आणि त्यांनी  हि झोपडपट्टी घोषित नसल्याचे  सांगितले. हि झोपडपट्टी घोषित -अघोषित वादात अडकली आणि नंतर त्यांच्या अघोषित असल्याच्या या माहितीवर विसंबूनच न्यायालयाने येथील प्रकरणात निर्णय दिल्याचे सांगण्यात येते .आणि हि जागा कोणी एक बिल्डर विकसित करेल असेही बोलले जाते आहे.असेही सांगण्यात येते कि ,न्यायालयाच्या आदेशात २१ घरे असाच उल्लेख आहे . कारण जेव्हा  जागामालकाने खटला दाखल केला तेव्हा येथे केवळ २१ घरे होती पण पुढे ४० वर्षात कुटुंबे वाढली तशी त्याची १०३ घरे झाली .हि झोपडपट्टी घोषित नव्हती तर येथे महापालिकेच्या अंदाजपत्रकातून तरतुदी करून विकासकामे कशी केली गेली ? असा सवाल हि यामुळे उपस्थित होतो आहे .केवळ सर्वोच्च  न्यायालयात या सर्व बाबी स्पष्टपणे न मांडल्यामुळे न्यायालयाची धारणा वेगळी झाली आणि या खटल्याचा निकाल तसा झाला असे बोलले जाते आहे.या सर्व बाबींची आता घरे पाडल्यानंतर चौकशी होईल किंवा नाही हे मात्र अनिश्चित आहे.

चाळीस वर्षांपासून हा खटला  सुरू होता. तो जागामालकाने जिंकल्याने सोपानबाग, डोबरवाडी येथील घरांवर पोलिस बंदोबस्तात सोमवारी कारवाई करण्यात आली. या वेळी क्रेनच्या साह्याने घरे जमीनदोस्त करण्यात आली. किरकोळ अपवाद वगळता कारवाई शांततेत झाली.सुप्रीम कोर्टाच्या आदेशानुसार, वानवडी पोलिस ठाणे हद्दीतील डोबरवाडी सर्व्हे नं. ६६ अ येथील वस्तीवर पोलिस बंदोबस्तात कारवाई करून घरे जमीनदोस्त करण्यात आली. या वेळी वस्तीतील महिला व नागरिकांनी रस्त्यावर उतरून आंदोलन करून विरोध करण्याचा प्रयत्न केला. या वेळी विरोध करणाऱ्या पाच महिलांना पोलिसांनी ताब्यात घेतले. मात्र बहुतांश नागरिकांनी न्यायालयाच्या निर्णयाचा सन्मान करून घरे रिकामी करून देण्यास सहकार्य केले. सायंकाळी पाऊस आल्याने कारवाई थांबवण्यात आली. दुसऱ्या दिवशी पुन्हा कारवाई होणार असल्याचे पोलिसांकडून सांगण्यात आले आहे. या वेळी वानवडी पोलिस व शहर पोलिस अशा शंभरहून अधिक पोलिसांच्या उपस्थितीत कारवाई करण्यात आली. या वेळी सहायक पोलिस आयुक्त सर्जेराव बाबर, वानवडी पोलिस ठाण्याचे वरिष्ठ पोलिस निरीक्षक क्रांतिकुमार पाटील, न्यायालयाचे अंमलबजावणी अधिकारी गणेश बधे यांनी ही कारवाई केली.

पुणे : फिनलँडस्थित केम्पी इंडिया, नेक्स्टजन प्लाझ्मा आणि इंडियन इन्स्टिट्यूट ऑफ वेल्डिंग यांच्या संयुक्त विद्यमाने आयोजित ‘नॅशनल वुमेन वेल्डर कॉम्पिटिशन २०१९’ची विभागीय फेरी पुण्यात झाली. पिंपरी-चिंचवड येथील केम्पी रोबोटिक अप्लिकेशन सेंटरमध्ये पश्चिम विभागीय स्पर्धा पार पडली. या स्पर्धेत महाराष्ट्र, गुजरात आदी राज्यातून महिंद्रा अँड महिंद्रा, जीई, थरमॅक्स, आयनॉक्स इंडिया, ऍडोर वेल्डिंग, आरके दत्ता आदी कंपन्यातील महिला वेल्डर्सचा उत्स्फूर्त प्रतिसाद मिळाला. आयटीआय, डिप्लोमा होल्डर असलेल्या या महिला वेल्डिंग क्षेत्रात विविध कंपन्यात काम करीत आहेत. एसएमएडब्लू, जीएमएडब्लु, जीटीएडब्लु या तीन प्रकारात वेल्डिंगची प्रात्यक्षिके सादर करण्यात आली. यावेळी केम्पी इंडियाचे व्यवस्थापकीय संचालक रश्मीरंजन मोहपात्रा, नॅशनल सेल्स मैनेजर मृगेश सुतारिया, राहुल चिखले, नेक्सजन प्लाझ्माचे प्रतिनिधी उपस्थित होते.

विभागीय स्पर्धेतून तीन जणींची राष्ट्रीय स्तरावरील स्पर्धेसाठी निवड होणार आहे. स्पर्धेची अंतिम फेरी ६ डिसेंबर २०१९ रोजी चेन्नई येथे होणार आहे. स्पर्धेचे हे दुसरे वर्ष आहे. महिला वेल्डरांना प्रोत्साहन देण्यासाठी केम्पी इंडियाच्या पुढाकारातून ही स्पर्धा आयोजिली जाते.केंद्र सरकारच्या कौशल्य विकास अभियानांतर्गत केम्पी इंडिया अनेक राज्यांमध्ये काम करत असून, कौशल्य विकास प्रशिक्षण तळागाळातील लोकांपर्यंत पोहोचविण्याचा प्रयत्न करत आहे. त्याचबरोबर महिला सक्षमीकरण आणि रोबोटिक प्रशिक्षण यामध्येही केम्पी इंडिया काम करत आहे. यावेळी सहभागी स्पर्धकांना प्रमाणपत्र देऊन गौरविण्यात आले.

मृगेश सुतारीया म्हणाले, “वेल्डिंग हे महिलांचे क्षेत्र नाही असे बोलले जाते. मात्र, महिला अतिशय चांगल्या पद्धतीने या क्षेत्रात काम करत आहेत. त्यांना प्रोत्साहन मिळावे आणि नवीन मुलींनी संकोच न करता वेल्डिंगमध्ये काम करावे, यासाठी ही वेल्डिंग स्पर्धा गेल्या वर्षीपासून आयोजिली जात आहे. दोन्ही वर्षी अतिशय उदंड असा प्रतिसाद मिळाला आहे. ही एक महिला सक्षमीकरणाची चळवळ आहे. पुणे, दिल्ली, कोलकाता आणि चेन्नई येथे ही विभागीय स्पर्धा होत असून, त्याची अंतिम फेरी चेन्नईमध्ये होणार आहे.”

यावेळी स्पर्धक रसिका लोखंडे म्हणाल्या, गेल्या वर्षीही मी सहभागी झाले होते. या स्पर्धेतून एक वेगळी संधी आम्हा मुलींना मिळत आहे. उषा जाधव म्हणाल्या, स्पर्धेसाठी उपयुक्त प्रशिक्षण मिळाले असून, आमच्यातील कला दाखवण्याचे हे उत्तम व्यासपीठ आहे. वेल्डिंग हे मुलींचे क्षेत्र नसल्याचे बोलले जाते. मात्र, आम्हीही खूप चांगल्या पद्धतीने वेल्डिंगचे काम करू शकतो, हे सिद्ध करण्याची संधी मिळाल्याचे उर्मिला पालेकरने सांगितले. दर्शिका गांधी म्हणाल्या, महिलांसाठी ही एक संधी आहे. याने आम्हा महिलांचा आत्मविश्वास वाढेल.

पुणे मॉन्सून अश्वशर्यतीं हंगाम 2019

पुणे: पुणे मॉन्सून अश्वशर्यतीं हंगाम 2019 या स्पर्धेत  द ऍक्वागार्ड चॅम्पियनशिप आरडब्ल्यूआयटीसी लिमिटेड गोल्ड कप(ग्रेड 2)  या शर्यतीत ब्रॉंक्स या घोड्याने 2000 मीटर या अंतरावरच्या या मुख्य शर्यतीमध्ये चमकदार कामगिरी करत विजय मिळवला.

रॉयल वेस्टर्न इंडिया टर्फ क्लब (आरडब्लूआयटीसी) येथे सुरु असलेल्या या स्पर्धेतील  द ऍक्वागार्ड चॅम्पियनशिप आरडब्ल्यूआयटीसी लिमिटेड गोल्ड कप(ग्रेड2 )  या लढतीत जे.एम.लाइव्हस्टोक प्रायव्हेट लिमिटेडचे प्रतिनिधी जयदेव एम मोदी यांच्या मालकीच्या ब्रॉंक्स या घोड्याने 2 मिनिट 03 सेकंद व 824 मिनीसेकंद वेळ नोंदवत अव्वल क्रमांक पटकावला. याचा नीरज रावळ हा जॉकी होता, तर नोशेर कामा ट्रेनर होता.

सविस्तर निकाल:   द ऍक्वागार्ड चॅम्पियनशिप आरडब्ल्यूआयटीसी लिमिटेड गोल्ड कप(ग्रेड 2)
विजेता:  ब्रॉंक्स, उपविजेता: रईस. 

पुणे : “मधुमेहासारख्या आजाराने संपूर्ण जग त्रस्त आहे. आयुर्वेदातील उपचारपद्धती जगाला मधुमेहासारख्या आजारांपासून मुक्त करण्यासाठी उपयुक्त आहेत. त्यामुळे अधिकाधिक देशांनी, लोकांनी आयुर्वेदाला आपलेसे केले पाहिजे. त्यासाठी आयुर्वेद जागतिक स्तरावर पोहोचण्याची गरज आहे,” असे मत आयुर्वेदाचार्य व केशायुर्वेदाचे संस्थापक डॉ. हरीश पाटणकर यांनी व्यक्त केले.

जागतिक स्तरावर आयुर्वेदाचा प्रसार-प्रचार व्हावा, यासाठी नाशिक येथील महाराष्ट्र आरोग्य विज्ञान विज्ञापीठ (एमयुएचएस), नेदरलँड येथील प्रेमदानी आयुर्वेदा महाविद्यालय आणि नेदरलँडमधील भारतीय दूतावास यांच्या संयुक्त विद्यमाने नेदरलँड येथे आयोजित दोन दिवसीय तिसऱ्या आंतराष्ट्रीय आयुर्वेद परिषदेत डॉ. पाटणकर बोलत होते. यावेळी डॉ. पाटणकर व डॉ. गायत्री पांडव यांना ‘इंडो-डच आयुर्वेद आयकॉन २०१९’ हा पुरस्कार प्रदान करण्यात आला. प्रेमदानी आयुर्वेदा महाविद्यालय आणि गांधी सेंटर (इंडियन नेदरलँड्सच्या एम्बेसीची सांस्कृतिक शाखा), डेनहॅग नेदरलँड येथे भरविण्यात आलेल्या परिषदेचे उद्धाटन महाराष्ट्र आरोग्य विज्ञान विद्यापीठाचे कुलसचिव डॉ. कालिदास चव्हाण, महर्षी आयुर्वेद हॉलंडचे गिरीशजी मोमाया, प्रेमदानी आयुर्वेद महाविद्यालयाचे डॉ. एटियन प्रेमदानी, नेदरलँड येथील भारतीय दूतावसाच्या डॉ. निर्मला शर्मा, डॉ. मिलिंद जानी, व्यंकट जोशी यांच्या हस्ते करण्यात आले. प्रसंगी आयुर्वेद स्मरणिकेचे प्रकाशनही झाले.

या परिषदेत आयुर्वेदासंबंधी आरोग्य विज्ञान विद्यापीठ आणि प्रेमदानी आयुर्वेद महाविद्यालयात शैक्षणिक करार झाला. याअंतर्गत दोन्ही देशांमध्ये विद्यार्थी, प्राध्यापक, तज्ज्ञ मार्गदर्शकांचे आदान-प्रदान, प्रमाणपत्र अभ्यासक्रम राबविले जाणार आहे, असे डॉ. कालिदास चव्हाण यांनी सांगितले. डॉ. चव्हाण म्हणाले, “आयुर्वेदाला जागतिक स्तरावर कायदेशीर मान्यता मिळण्यात अनेकदा अडचणी येतात. त्यामुळे विद्यापीठांच्यामार्फत आयुर्वेदाचा प्रसार होणे ही काळाची गरज आहे. संबंधित देशातील विद्यापीठांच्या माध्यमातून आदानप्रदान झाल्यास आयुर्वेदाला जागतिक मान्यता मिळण्यास मदत होईल.”

डॉ. निर्मला शर्मा यांनी आयुर्वेदाचा इतिहास, पूर्वापारपासून वेगवेगळया देशातील विद्यापीठात आयुर्वेदात होत असलेले काम याबद्दल माहिती दिली. आयुर्वेदाची भारतातील नालंदा, तक्षशीलापासून चालत आलेली परंपरा संगितली. भारतातील आयुर्वेद विद्यापीठाच्या माध्यमातून जगभरातील विविध आयुर्वेद विद्यापीठात सुरु असलेले ज्ञानप्रसाराच्या कार्याविषयीही माहिती दिली.

या परिषदेत विविध देशांतून आलेल्या आयुर्वेद तज्ज्ञांनी आपले प्रबंध सादर करीत विचार मांडले. नेदरलँड येथे आयुर्वेदाचा प्रसार, आयुर्वेदामधील आहारशास्त्र उपचार पद्धती, नेत्ररोग, मधुमेह यासारख्या आजारावरील उपचार, आयुर्वेदातील सौंदर्यप्रसादन साधने, मूळव्याधसारख्या आजारावर उपचार, स्वयं रोगप्रतिकारक व्याधी आणि आयुर्वेद, श्वसन रोग आयुर्वेद उपचार पद्धतीची व्याप्ती, आयुर्वेदासमोरील जागतिक आव्हाने आदी विषयांवर व्याख्याने झाली.

‘केशायुर्वेद’च्या सदस्या डॉ. स्नेहल पाटणकर, डॉ. गायत्री पांडव, किशोर पांडव यांच्यासह वैद्य वैभव मेहता, वैद्य कुणाल कामठे यांनी त्यांचे प्रबंध सादर केले. वैद्य रश्मी वेद यांनी आयुर्वेदीय सौंदर्यप्रसाधन निर्मिती व महत्व कार्यशाळेच्या रुपात मांडले. नागपूरचे डॉ. तपस निखारे, जयपूरचे डॉ शरद पोर्टे, रायपूरचे डॉ. के. बी. श्रीनिवास राव, मुंबईचे डॉ. प्रियांका ठिगळे-रिसबुड शोधनिबंध सादर केले.

कोंढवा येथील महेश सांस्कृतिक भवनात झालेल्या या महोत्सवावेळी माहेश्वरी चॅरिटेबल फाउंडेशनचे अध्यक्ष धनराज राठी, सचिव संजय चांडक, कोषाध्यक्ष श्रीप्रकाश बागडी, सल्लागार हिरालाल मालू, संजय बिहानी, बालाप्रसाद बजाज, राजेंद्र भट्टड, मदनलाल भुतडा, हरी भुतडा, शामसुंदर कलंत्री, दिलीप धूत, संतोष लढ्ढा, विजयराज मुंदडा, भंवरलाल पुंगलिया, अशोक राठी, महेश सोमाणी, रामबिलास तापडिया यांच्यासह इतर पदाधिकारी व मान्यवर उपस्थित होते.

सचिव संजय चांडक म्हणाले, “गोवर्धन गिरिधारी यांच्या आठवणीतील पवित्र दिवस म्हणून अन्नकोट महोत्सव साजरा होतो. दरवर्षी माहेश्वरी समाजबांधव एकत्र येऊन दिवाळी स्नेहमेळावा व अन्नकोट महोत्सव साजरा करतात. माहेश्वरी चॅरिटेबल फाउंडेशनतर्फे पुण्यात औषधोपचार व अन्य कामांसाठी बाहेरून येणाऱ्या समाजबांधवांच्या सोयीसाठी शहराच्या मध्यवर्ती मुकुंदनगर या भागात अत्याधुनिक सोयीसुविधांनी युक्त सॅनेटोरियम, अतिथीगृह आणि बहुउद्देशीय प्रकल्पाचे भूमिपूजन करण्यात आले असून, लवकरच त्याचे लोकार्पण केले जाणार आहे.”