मुंबई, दि. १२ : भारतीय निवडणूक कायद्यांनुसार, मतदारांची नावे केंद्रीकृत स्वरूपात समाविष्ट किंवा वगळण्याची कोणतीही तरतूद नाही. लोकप्रतिनिधित्व अधिनियम, १९५० व मतदार नोंदणी नियम, १९६० नुसार, मतदारयादी मतदानकेंद्रनिहाय तयार करण्यात येते. राज्यभरातील २८८ मतदार नोंदणी अधिकाऱ्यांनी (EROs) ही यादी जवळपास एक लाख मतदान केंद्रस्तरीय अधिकारी (BLOs) यांच्या मदतीने क्षेत्रीय पडताळणी करून तयार केली. या प्रक्रियेत सर्व मान्यताप्राप्त राजकीय पक्षांशी, सतत माहितीची देवाणघेवाण केली जाते. आक्षेप घेण्यासाठी आणि अपील करण्यासाठी भरपूर संधीही दिली जाते. मतदारयादीत नावांची भर घालणे किंवा वगळणे याबाबत काही अतिशयोक्त दावे करण्यात आले असल्याचे मुख्य निवडणूक अधिकारी, महाराष्ट्र राज्य यांनी कळविले आहे.
महाराष्ट्र विधानसभेच्या निवडणुकांबाबत प्रसारमाध्यमांमध्ये प्रसिद्ध लेखाच्या अनुषंगाने, काही बाबी स्पष्ट करणे आवश्यक असल्याचेही मुख्य निवडणूक अधिकारी कार्यालय, महाराष्ट्र राज्य यांनी कळविले आहे.

ऑगस्ट २०२४ मध्ये, विधानसभा निवडणुकांपूर्वी, विशेष संक्षिप्त पुनरिक्षण करण्यात आले आणि एक लाखाच्या आसपास असलेल्या प्रत्येक मतदान केंद्रासाठी प्रारूप व अंतिम मतदार यादींच्या (सॉफ्ट आणि हार्ड कॉपी) प्रती सर्व मान्यताप्राप्त पक्षांना प्रदान करण्यात आल्या होत्या.

महाराष्ट्रातील मतदारसंख्येच्या वाढीबाबत लेखातील माहिती दिशाभूल करणारी आहे. वास्तविक माहिती पुढीलप्रमाणे आहे :
• २०१९ च्या विधानसभा निवडणुकांपासून २०२४ च्या लोकसभा निवडणुकांदरम्यान १.३९ कोटी नावांची भर पडली, तर १.०७ कोटी नावांची वजाबाकी झाली. त्यामुळे एकूण निव्वळ वाढ ३२.२५ लाख मतदारांची झाली.
• २०२४ लोकसभा ते २०२४ विधानसभा निवडणुका या काळात ४८.८२ लाख नवीन नावे जोडली गेली, आणि ८ लाख वगळली गेली. त्यामुळे निव्वळ वाढ ४०.८१ लाख इतकी होती. त्यात १८ ते २९ वयोगटातील २६ लाखांहून अधिक नवमतदार होते.
• एकूण भर (Gross Addition) ही २०१९ ते लोकसभा २०२४ मध्ये १.३९ कोटी, आणि लोकसभा २०२४ ते विधानसभा २०२४ मध्ये ४८.८२ लाख इतकी होती.

मतदारांची संख्या प्रक्षेपित प्रौढ लोकसंख्येपेक्षा अधिक का आहे यासंदर्भातही स्पष्टीकरण आवश्यक असून कोणतेही आकडेवारीचे साधन हे केवळ सांख्यिकीय अंदाजासाठी असते. मतदार नोंदणी ही प्रत्यक्ष फॉर्म्स, क्षेत्रीय पडताळणी, आणि कायद्याने ठरवलेल्या प्रक्रियेनुसार निर्णय घेऊन केली जाते. ही प्रक्रिया संपूर्ण पारदर्शक असते आणि सर्व मान्यताप्राप्त पक्षांशी यामध्ये सातत्याने समन्वय साधला जातो.

मतदारयाद्यांचे पुनरिक्षण करताना प्रत्येक राजकीय पक्षाने बूथ लेव्हल एजंट (BLA) नेमलेले असतात. भारतीय राष्ट्रीय काँग्रेसने महाराष्ट्रात २८,४२१ बीएलए नियुक्त केले होते. निवडणुकीचे निकाल लागेपर्यंत या एजंटांकडून किंवा भारतीय राष्ट्रीय काँग्रेसच्या उमेदवारांकडून कोणतीही गंभीर तक्रार प्राप्त झालेली नाही. ही बाब निवडणुकीनंतरच उपस्थित केली गेली आहे.

मतदार याद्यांचे वाटप :
मतदार यादी दरवर्षी सहभागात्मक पद्धतीने पुनरिक्षणाद्वारे अद्ययावत केली जाते. या प्रक्रियेत प्रारूप आणि अंतिम स्वरूपातील यादी सर्व मान्यताप्राप्त पक्षांना विनामूल्य दिली जाते. हीच प्रक्रिया २००९, २०१४, २०१९ आणि २०२४ मध्येही राबवण्यात आली होती आणि यादी पक्षांना देण्यात आली होती.
२०२४ च्या विधानसभा निवडणुकीसाठी वापरण्यात आलेली संपूर्ण मतदारयादी आयोगाच्या वेबसाइटवर सार्वजनिकरित्या डाउनलोडसाठी उपलब्ध आहे.
मतदार नोंदणी नियम १९६० च्या नियम ३३ नुसार कोणतीही व्यक्ती, संबंधित जिल्हा निवडणूक अधिकाऱ्याकडे अर्ज करून निर्धारित शुल्क भरून मतदारयादीची प्रत मिळवू शकतो.

भारतीय राष्ट्रीय काँग्रेसने (INC) नोव्हेंबर २०२४ मध्ये झालेल्या विधानसभा निवडणुकांनंतरही अशाच स्वरूपाचे मुद्दे उपस्थित केले होते. निवडणूक आयोगाने दि. २४ डिसेंबर २०२४ रोजी यावर सविस्तर उत्तर दिले आहे. त्या उत्तराची प्रत आयोगाच्या वेबसाइटवर उपलब्ध आहे.
(खाली लिंक दिली आहे) https://www.eci.gov.in/eci-backend/public/api/download?url=LMAhAK6sOPBp%2FNFF0iRfXbEB1EVSLT41NNLRjYNJJP1KivrUxbfqkDatmHy12e%2FzPKLkuiExxOKadAHYzWQYgrziMWVM9RdSa49qKKjiLLCWX%2FdIawdRjv6WA2GoknYcyLIzu4lIXP3VRXySBy%2F%2Bwg%3D%3D

अहमदाबाद:
एअर इंडियाचे बोईंग ७८७ ड्रीमलायनर विमान गुरुवारी दुपारी अहमदाबादमध्ये उड्डाण केल्यानंतर दोन मिनिटांनी कोसळले. या अपघातात गुजरातचे माजी मुख्यमंत्री विजय रुपाणी आणि १२ क्रू मेंबर्ससह २४१ जणांचा मृत्यू झाला.
पंतप्रधान मोदी अहमदाबादला पोहोचले आहेत. ते प्रथम घटनास्थळी जातील. त्यानंतर ते रुग्णालयात जाऊन पीडितांना भेटतील. मृतांच्या नातेवाईकांनाही भेटतील.

उपायुक्त कानन देसाई यांनी रात्री उशिरा सांगितले की, २६५ मृतदेह सिटी सिव्हिल हॉस्पिटलमध्ये पोहोचले आहेत. यामध्ये २४१ प्रवासी, ४ एमबीबीएस विद्यार्थी आणि एका डॉक्टरच्या पत्नीचा समावेश आहे. उर्वरित मृतदेहांची ओळख पटवण्याचे काम सुरू आहे.

खरं तर, आग लागताच विमान २.५ किमी अंतरावर असलेल्या बीजे मेडिकल आणि सिव्हिल हॉस्पिटलच्या इमारतीवर आदळले. अहमदाबाद सिव्हिल हॉस्पिटलचे डॉक्टर या इमारतीत राहतात. अपघाताच्या वेळी इमारतीत ५० ते ६० डॉक्टर उपस्थित होते, त्यापैकी १५ हून अधिक जखमी झाले आहेत.

फ्लाईट क्रमांक AI-171 अहमदाबादहून लंडनला जात होती. विमानात एकूण २३० प्रवासी होते, ज्यात १६९ भारतीय, ५३ ब्रिटिश, ७ पोर्तुगीज आणि एक कॅनेडियन नागरिक होता. यामध्ये १०३ पुरुष, ११४ महिला, ११ मुले आणि २ नवजात बालकांचा समावेश होता. उर्वरित १२ क्रू मेंबर्स होते.

गृहमंत्री अमित शहा म्हणाले की, मृतदेहांची ओळख पटविण्यासाठी १००० हून अधिक डीएनए चाचण्या केल्या जातील. गुजरातमध्ये इतक्या मोठ्या संख्येने चाचण्या करण्याची क्षमता आहे.

६२५ फुटांवरून ४७५ फूट प्रतिमिनिट वेगाने…
अहमदाबादहून लंडनला जाणाऱ्या विमानाचे दोन्ही इंजिन बंद पडल्यामुळे ६२५ फूट उंचीवर उडणारे विमान ४७५ फूट प्रतिमिनिट वेगाने खाली कोसळले. अहमदाबाद ते लंडनदरम्यान प्रवासासाठी सुमारे नऊ तासांचा अवधी लाग
मात्र, आपत्कालीन परिस्थितीचा विचार करता विमान १२ तास उडू शकेल एवढे इंधन होते. सुमारे एक लाख २६ हजार ९०७ लिटर इंधन होते. इंधन जास्त असल्याने मृतांची संख्या वाढली आहे.
दरम्यान अमेरिकेचे वाहतूक सचिव शॉन डफी यांनी भारतातील एअर इंडिया विमान अपघाताबद्दल दुःख व्यक्त केले आहे. सोशल मीडिया प्लॅटफॉर्म X वर पोस्ट करताना त्यांनी म्हटले आहे की भारतातील अपघातामुळे आम्हाला खूप दुःख झाले आहे…आम्ही अपघाताच्या चौकशीत भारताला मदत करण्यासाठी राष्ट्रीय वाहतूक सुरक्षा मंडळासोबत काम करत आहोत. फेडरल एव्हिएशन अॅडमिनिस्ट्रेशनचे तपासकर्ते अपघातस्थळी तैनात आहेत.पुढे त्यांनी ट्विटमध्ये म्हटले आहे की, प्रवास करणाऱ्या प्रवाशांची सुरक्षितता सुनिश्चित करण्यासाठी आवश्यक डेटा मिळविण्यासाठी आम्ही अतिरिक्त संसाधने पाठवण्यास तयार आहोत. FAA ने तपासाचा भाग म्हणून आवश्यक माहितीची पडताळणी करण्यासाठी बोईंग आणि GE ला आधीच नियुक्त केले आहे. NTSB तपासाचे नेतृत्व करत असल्याने, आम्ही कोणत्याही सुरक्षा शिफारसी लागू करण्यास मागेपुढे पाहणार नाही. आम्ही तथ्यांचे पालन करू आणि सुरक्षिततेला प्राधान्य देऊ. असे त्यांनी ट्विटमध्ये म्हटले आहे.

अहमदाबाद विमानतळावरून ‘बोइंग ड्रीमलायनर ७८७’ विमानाने दुपारी एक वाजून ३७ मिनिटांनी उड्डाण केले. उड्डाण झाल्यावर काही सेकंदातच वैमानिकाला बिघाड झाल्याचे लक्षात आले. एक वाजून ३८ मिनिटांनी विमान कोसळले.

विमान विमानतळाच्या तीन ते चार किलोमीटर परिसरात असतानाच ते कोसळले. यावेळी विमानाने ६२५ फुटांची उंची गाठली होती. मात्र, विमानाचे दोन्ही इंजिन बंद पडल्याने एक मिनिटाच्या आतच विमान कोसळले.

१ पक्ष्यांची धडक २ इंजिनपर्यंत इंधन न पोहोचल्याने इंजिन बंद ?इंजिन बंद का पडले? हवाई वाहतूकतज्ज्ञांनी व्यक्त केलेली मते३ जास्तीचे इंधन ४ इंजिनला ऊर्जा न मिळाल्याने ?दोन हजार अंश सेल्सिअस तापमान? अपघातग्रस्त विमानात सुमारे १०० टन इंधन होते,विमान ४७५ फूट प्रतिमिनिट वेगाने कोसळले,इंधन व कोसळण्याचा वेग लक्षात घेता मोठा स्फोट झाला

स्फोटानंतर सुमारे दोन ते अडीच हजार डिग्री सेल्सिअस तापमानाची निर्मिती,या तापमानावर स्टील, अ‍ॅल्युमिनियम, काच वितळते,परिणामी मोठ्या प्रमाणात जीवितहानी

‘ब्लॅक बॉक्स’मधून कारणांचा शोध

विमान अपघाताच्या कारणांचा शोध घेताना ‘ब्लॅक बॉक्स’ची भूमिका सर्वांत महत्त्वाची ठरते. वैमानिकाने शेवटच्या सेकंदापर्यंत हवाई वाहतूक नियंत्रण कक्षाशी जो संपर्क साधला असतो, त्याचे सर्व ‘रेकॉर्डिंग’ या ‘ब्लॅक बॉक्स’मधील व्हॉइस रेकॉर्डरमध्ये झालेले असते. यात ‘फ्लाइट डेटा रेकॉर्डर’देखील असतो. त्यामुळे विमान अपघातग्रस्त होण्यापूर्वी कोणत्या उपकरणांचा वापर झाला, हेदेखील यातून समजते. यामुळे तांत्रिक बिघाडामुळे अपघात झाल्यास अपघाताचे नेमके कारण समजण्यास सोपे होते.

असा असतो ‘ब्लॅक बॉक्स’-टायटॅनियम धातूपासून निर्मिती.,रंगाने केशरीइंधन, वेग, उंची यांसारख्या ८० तांत्रिक बाबींची माहिती गोळा होते.
आग, पाणी यातही सुरक्षित राहू शकते.
३४०० अंश सेल्सिअस तापमान सहन करण्याची क्षमता.
समुद्रात २० हजार फूट खोलीतही सुरक्षित राहू शकते.

अ हमदाबाद-लंडन विमानाचा आज भीषण अपघात झाला आहे. सुमारे ८० ते ९० टन एवढे प्रचंड इंधन त्या विमानात भरलेले होते. यामुळे या विमानाचा स्फोटाचा व्हिडीओ पाहता कोणीही प्रवासी बचावला नसेल असे सांगितले जात होते.परंतू, या विमानातून एक प्रवासी सुखरुप बचावला आहे. हा एक चमत्कारच मानला जात आहे. हा प्रवासी एवढ्या मोठ्या स्फोटातही कसा वाचला, असा प्रश्न अनेकांना पडला आहे.

मीडिया रिपोर्टनुसार एअर इंडियाचे विमान जेव्हा बीजे मेडिकल कॉलेजच्या हॉस्टेलला आदळले तेव्हा तुटलेल्या भागातून हा प्रवासी ४२५ फुटांवरून खाली पडल्याचे सांगितले जात आहे. अहमदाबाद विमानतळापासून काही अंतरावरील मेघानीनगर परिसरात हे विमान कोसळले. कोसळण्यापूर्वी हे विमान हॉस्टेलच्या इमारतीला आदळले होते.

हा प्रवासी A11 या सीट नंबरवरून प्रवास करत होता. त्याला सध्या उपचारासाठी हॉस्पिटलला नेले असून त्याच्यावर उपचार सुरू आहेत.

माहितीनुसार, या भीषण अपघातात वाचलेल्या प्रवाशाचे नाव रमेश विश्वासकुमार असं आहे, ते ४० वर्षाचे मूळ भारतीय असलेले ब्रिटनचे नागरिक आहेत. या दुर्घटनेतून विश्वास रमेश वाचल्याने हा चमत्कारच मानला जात आहे. रमेश विश्वासकुमार यांचा एक व्हिडिओ सोशल मीडियावर व्हायरल होत आहे. अपघातातून बचावलेल्या रमेश यांच्यावर सध्या रुग्णालयात उपचार सुरू आहेत. अपघातातून बाहेर पडल्यानंतर त्यांनी काही लोकांशी संवाद साधला.

जेव्हा मी डोळे उघडले तेव्हा सगळीकडे मृतदेह होते. मला भीती वाटली. यानंतर मी उभा राहिलो आणि पळायला सुरुवात केली. उड्डाणानंतर सुमारे ३० सेकंदांनी मोठा आवाज झाला आणि नंतर विमान जमिनीवर आदळले. सर्व काही इतके वेगाने घडले की समजायला वेळच मिळाला नाही, असे रमेश यांनी म्हटले आहे. रमेशच्या छातीवर, डोळ्यांवर आणि पायांवर गंभीर जखमा झाल्या आहेत.

गुजरातच्या अहमदाबादमध्ये एअर इंडियाचे एक प्रवासी विमान कोसळले. मृत प्रवाशांत 4 केबिन क्रू व 3 प्रवासी अशा एकूण 7 मराठी प्रवाशांचाही समावेश आहे. विशेष म्हणजे क्रू सदस्या अपर्णा महाडिक ह्या उपमुख्यमंत्री अजित पवार यांच्या नेतृत्वातील सत्ताधारी राष्ट्रवादी काँग्रेसचे प्रदेशाध्यक्ष सुनील तटकरे यांच्या नातलग असल्याची माहिती समोर आली आहे.

यासंबंधीच्या माहितीनुसार, एअर इंडियाचे AI171 विमान अहमदाबादहून लंडनच्या दिशेने झेपावले होते. या विमानाने दुपारी 1 वाजून 38 मिनिटांनी उड्डाण केले. पण त्यानंतर 3-4 मिनिटांतच ते एका नागरी इमारतीवर कोसळले. विमान कोसळल्यानंतर त्यात एक मोठा स्फोट झाला. त्यामुळे या दुर्घटनेत शेकडो जणांचा बळी गेल्याची भीती व्यक्त केली जात आहे.

केबिन क्रू अपर्णा महाडिक तटकरेंच्या भाच्याच्या पत्नी

एअर इंडियाच्या माहितीनुसार, अपघातग्रस्त विमानात 242 प्रवासी होते. त्यात 12 क्रू मेंबर्स व 230 प्रवासी होते. 12 एक क्रू मेंबर असणाऱ्या अपर्णा महाडिक (कर्मचारी संख्या: 80008872) या खासदार सुनील तटकरे यांचा सख्खा भाचा अमोल यांच्या पत्नी आहेत. त्या एअर इंडियात सीनियर केबिन क्रू म्हणून कार्यरत होत्या. त्यांचे पती अमोल स्वतःही एअर इंडियामध्ये पायलट म्हणून कार्यरत आहेत. ते दोन तासांपूर्वी दिल्लीत लँड झालेत. त्यानंतर ते तत्काळ अहमदाबादला जाणार आहेत, असे महाडिक कुटुंबीयांनी सांगितले.

अपर्णा महाडिक यांच्याशिवाय महादेव पवार, आशा पवार, मयूर पाटील, मैथिली पाटील, दीपक पाठक, रोशणी सोंघरे या 6 मराठी प्रवाशांचाही या दुर्घटनेत बळी गेला आहे. पण त्यांची पुष्टी अद्याप झाली नाही. मैथिली पाटील (कर्मचारी संख्या: 80047429), दीपक पाठक (कर्मचारी संख्या: 81033187) व रोशणी सोंघरे (कर्मचारी संख्या: 80055146) हे तिघेजण अपर्णा महाडिक यांच्यासारखेच एअर इंडियाचे केबिन क्रू होते.

अहमदाबादमध्ये एअर इंडियाचे बोईंग ७८७ ड्रीमलायनर विमान कोसळले आहे. विमानातील सर्व २४२ जणांचा मृत्यू झाला आहे. गुजरात पोलिस आयुक्तांच्या हवाल्याने वृत्तसंस्था एपीने ही माहिती दिली.विमानात २३० प्रवासी होते. यामध्ये १६९ भारतीय, ५३ ब्रिटिश, ७ पोर्तुगीज आणि एका कॅनेडियन नागरिकाचा समावेश होता. उर्वरित १२ जण क्रू मेंबर्स होते.

अपघातस्थळी सापडलेले बहुतेक मृतदेह इतके जळालेले आहेत की त्यांची ओळख पटवणे अत्यंत कठीण आहे. डीएनए चाचणीनंतरच त्यांची ओळख पटवणे शक्य होईल.या अपघातात गुजरातचे माजी मुख्यमंत्री विजय रुपाणी यांचाही मृत्यू झाला. भाजपचे राज्यसभा खासदार परिमल नाथवानी यांनी एक्स वर ही माहिती दिली. तथापि, काही वेळाने त्यांनी त्यांची पोस्ट डिलीट केली.ज्या इमारतीला विमान धडकले त्या इमारतीत अहमदाबाद सिव्हिल हॉस्पिटलचे डॉक्टर राहतात. माहितीनुसार, १५ डॉक्टर जखमी झाले आहेत.

एअर इंडियाचे विमान क्रमांक AI-171 दुपारी १:३८ वाजता उड्डाण केले. ते दुपारी १:४० वाजता कोसळले.

मिळालेल्या माहितीनुसार, विमान विमानतळाच्या भिंतीजवळ आणि एअर कस्टम कार्गो ऑफिसजवळ कोसळले. विमान पडताच संपूर्ण परिसरात धुराचे लोट दिसले.
वैमानिकाने शेवटच्या क्षणी Mayday कॉल केला होता
विमानाचा वैमानिक सुमित सुब्बरवाल यांनी शेवटच्या क्षणी मेडेला कॉल केला होता. हा एक आंतरराष्ट्रीय आपत्कालीन कॉल आहे, जो विमान गंभीर संकटात असताना आणि आपत्कालीन मदतीची आवश्यकता असताना पायलट पाठवतो.मेडे हा शब्द फ्रेंच शब्द “m’aidez” पासून आला आहे, ज्याचा अर्थ “मला मदत करा” असा होतो. तो तीन वेळा बोलला जातो – “Mayday Mayday Mayday”
ज्या इमारतीवर विमान कोसळले त्या इमारतीत ५०-६० डॉक्टर होते
ज्या इमारतीवर एअर इंडियाचे विमान कोसळले ती इमारत इंटर्न डॉक्टरांसाठी वसतिगृह होती. मिळालेल्या माहितीनुसार, येथे ५० ते ६० इंटर्न डॉक्टर होते. सर्वांचा मृत्यू झाल्याची भीती आहे. निवासी डॉक्टर त्याच्या शेजारील ब्लॉकमध्ये राहत होते.

मुंबई, १२ जून २०२५ : अहमदाबाद विमानतळावर आज सकाळी एक गंभीर विमान अपघात घडला असून यात काही प्रवाशांचा दुर्दैवी मृत्यू झाला आहे, तर काही प्रवासी जखमी झाले आहेत. या पार्श्वभूमीवर महाराष्ट्र विधानपरिषदेच्या उपसभापती डॉ. नीलम गोऱ्हे यांनी केंद्रीय नागरी उड्डाण राज्यमंत्री मुरलीधर मोहोळ, मुख्यमंत्री देवेंद्र फडणवीस, उपमुख्यमंत्री एकनाथ शिंदे यांना पत्र लिहून मृतांना श्रद्धांजली व्यक्त केली आहें . जखमींना मदत दिली जात आहे ती महत्वाची आहे. त्याचसोबत पुणे व इतर गंतव्यस्थानांकडे प्रवास करणाऱ्या अडकलेल्या प्रवाशांसाठी तातडीने पर्यायी विशेष विमानसेवा वा इतर प्रवाससेवा उपलब्ध करून देण्याची विनंती केली आहे.

डॉ. गोऱ्हे यांनी आपल्या पत्रात नमूद केले आहे की, माहिती वाहिन्यांद्वारे असे स्पष्ट झाले आहे की अहमदाबाद येथून होणारी सर्व उड्डाणे तात्पुरती स्थगित करण्यात आली आहेत. त्यामुळे पुणे, मुंबई, नाशिक, छत्रपती संभाजीनगर यांसारख्या शहरांकडे जाण्याचे नियोजन असलेल्या प्रवाशांची मोठी गैरसोय झाली आहे.

या प्रवाशांमध्ये काहीजण आपत्कालीन वैयक्तिक, सामाजिक किंवा व्यवसायिक कारणांसाठी प्रवास करत होते, याचे भान ठेवून वडोदरा, सुरत अथवा जवळच्या इतर विमानतळांवरून विशेष उड्डाणांची व्यवस्था तातडीने करण्यात यावी, अशी त्यांनी मागणी केली आहे.

या निर्णयामुळे प्रवाशांना दिलासा मिळेल, वाहतूक व्यवस्था सुकर होईल आणि प्रशासनावरचा ताण कमी होईल, असेही त्या आपल्या पत्रात म्हणाल्या आहेत.