पुणे-कोरोना विषाणू प्रादुर्भाव लढा हा वेगळा आहे. या शतकातील ही वेगळीच घटना आहे. या लढ्यातील योद्ध्यांचे मनोबल वाढविण्याच्या दृष्टीने भारत सरकारच्या रक्षा मंत्रालयाने या माध्यमातून केलेला सन्मान नक्कीच मनोबल वाढविणारा असल्याचे प्रतिपादन येथे महापालिका आयुक्त शेखर गायकवाड यांनी केले .

करोना विषाणू प्रादुर्भाव विरोधात यशस्वी लढा देणाऱ्या पुणे महापालिकेस भारत सरकारच्या संरक्षण मंत्रालयाच्या वतीने अर्थात भारतीय सैन्य दलाच्या वतीने सन्मानपूर्वक मानवंदना देण्यात आली.
पुणे मनपा अधिकारी, कर्मचारी संघटना, डॉक्टर्स, आरोग्यसेवक अशा विविध पातळीवर लढा देणारांचा सन्मान व मानवंदना देण्याचा गौरव सोहळा मनपाच्या प्रांगणातील महात्मा फुले यांच्या पूर्णाकृती पुतळ्याजवळ संपन्न झाला.
कार्यक्रमप्रसंगी प्रथमतः कोरोना विषाणू प्रादुर्भाव बाधित मुळे मृत झालेल्या व्यक्तींना उपस्थितांनी श्रद्धांजली अर्पित केली.
करोना विषाणू विरोधात लढणाऱ्या कर्मचाऱयांना भारतीय सैन्यदल मानवंदना देत असल्याचे चित्र स्वरूप याप्रसंगी महापौर मुरलीधर मोहोळ व मनपा आयुक्त शेखर गायकवाड यांना सन्मानार्थ प्रदान करण्यात आले. भारतीय सैन्य दलाच्या अधिकार्‍यांचे वतीने केक आणण्यात आला होता.
याप्रसंगी सफाई कर्मचारी व डॉ. संजीव वावरे यांच्या हस्ते केक कापून सैन्य दलाचे वतीने शुभेच्छा देण्यात आल्या. सैन्य दलाने याप्रसंगी उपस्थितांना मिठाईचे वाटप केले.
महापौर मुरलीधर मोहोळ यांनी ब्रिगेडियर कुलजीतसिंग यांना मनपा कॉफी टेबल बुक व मनपा आयुक्त शेखर गायकवाड यांनी पुस्तक भेट दिले. अतिरिक्त मनपा आयुक्त रुबल अग्रवाल यांनी ब्रिगेडियर कुलजीतसिंग यांना भारतीय राष्ट्रध्वज प्रदान केला.

याप्रसंगी मार्गदर्शन करताना सबएरिया पुणेचे चीफ स्टेशन कमांडर ब्रिगेडियर कुलजीतसिंग यांनी सांगितले की भारत सरकारच्या संरक्षण मंत्रालयाच्या वतीने नुकतेच जाहीर करण्यात आले की कोरोना विषाणू प्रादुर्भाव विरोधात देण्यात येत असलेला लढा अत्यंत महत्वपूर्ण आहे. या लढ्यात योगदान देणारे योद्धे, शासन यंत्रणा, स्थानिक स्वराज संस्थातील सफाई कर्मचारी, डॉक्टर्स, आरोग्य कर्मचारी, अधिकारी, पोलिस कर्मचारी यांचा लढा अतुलनीय आहे. या लढ्यातील योद्धय्यांचे मनोबल उंचावण्याचा दृष्टीने त्यांचा सन्मान करणे, मानवंदना देणे अत्यंत आवश्यक आहे. संपूर्ण भारतभर अशा कार्यक्रमांचे आयोजन करण्यात आले आहे.
देशावर संकटे आल्यावर धावून जाणे सैन्य दलाचे काम आहे. सैन्य दलाने लढा दिल्यावर नागरिकांनी सैन्य दलाची प्रशंसा केली व मनोबल वाढविले.
परंतु करोना विषाणू विरोधातील लढाई ही पूर्णपणे वेगळी आहे. जे लढत आहेत ते नागरिक आहेत. यामध्ये सफाई कर्मचारी, डॉक्टर्स, आरोग्य कर्मचारी, पोलीस कर्मचारी अशा विविध घटकांचा सहभाग आहे. पोलिस कर्मचारी घराबाहेर राहून लढत आहेत व आपले संरक्षण करीत आहेत. त्यामुळे अशा योद्ध्यांची प्रशंसा व मनोबल वाढविणे आमचे कर्तव्य आहे.
पुणे मनपाच्या कर्मचारी, अधिकारी यांची प्रशंसा करणे व मनोबल वाढविण्याची संधी पुणे मनपाने आम्हास दिल्याबद्धल त्यांनी आभार मानले.
या लढ्यात मनपाने सर्व स्तरावर प्रशंसनीय काम केलेले आहे. त्यामुळे त्यामुळे मनपाचे आम्ही कौतूक करीत आहोत. या लढ्यात भारतीय सैन्य दल आपल्या सोबत असल्याचे त्यांनी सांगितले. लवकरच या लढ्यात आपल्याला यश मिळेल.
या लढ्यातील मनपाच्या कार्यकर्तृत्वाला भारतीय संरक्षण मंत्रालयाच्या वतीने आम्ही सलामी देत असल्याचे त्यांनी सांगितले.

ब्रिगेडियर कुलजीतसिंग यांनी मनपा आयुक्त शेखर गायकवाड यांना मानवंदना दिली. मनपा आयुक्त गायकवाड यांनी मनोगत व्यक्त करताना सांगितले की, १८९० ते १९१३ या कालावधीत प्लेग साथीचे रोगाने थैमान घातले होते त्यावेळी काही प्रमाणात उपचार व सावधानता यावर आधारित लढा देण्यात आला होता.
कोरोना विषाणू प्रादुर्भाव लढा हा वेगळा आहे. या शतकातील ही वेगळीच घटना आहे. या लढ्यातील योद्ध्यांचे मनोबल वाढविण्याच्या दृष्टीने भारत सरकारच्या रक्षा मंत्रालयाने या माध्यमातून केलेला सन्मान नक्कीच मनोबल वाढविणारा असल्याचे सांगितले.

महापौर मुरलीधर मोहोळ यांनी मनोगत व्यक्त करताना सांगितले की, “भारत सरकारच्या संरक्षण मंत्रालयाच्या वतीने कोरोना विरोधात लढणाऱ्या योद्धय्यांचे आभार मानण्याकरिता व त्यांचे खऱ्या अर्थाने मनोबल उंचावण्याकरिता केलेला सन्मान व दिलेली मानवंदना मनोबल उंचावण्यासारखी आहे. या कार्यक्रमाकरिता स्वतः ब्रिगेडियर कुलजीतसिंग यांनी उपस्थित राहून आमचे मनोबल वाढविले आहे. मनपाचे वतीने त्यांचे मनःपूर्वक आभार व स्वागत करीत असल्याचे त्यांनी सांगितले.
महापौर मुरलीधर मोहोळ यांनी सांगितले की, “भारतीय सैन्य सीमेवर दिवस रात्र लढा देत आहेत व देशवासीयांचे संरक्षण करीत आहेत. या लढ्याबद्धल संरक्षण मंत्रालयाने व्यक्त केलेल्या भावनेबद्धल आम्हीही सलामी देत आहोत.”

अतिरिक्त मनपा आयुक्त रुबल अग्रवाल यांनी प्रास्ताविक केले व सूत्रसंचालन सुरक्षा अधिकारी नितीन केंजळे यांनी केले व आभार प्रदर्शन अतिरिक्त मनपा आयुक्त शंतनू गोयल यांनी केले.
कार्यक्रमास अधिकारी, कर्मचारी तसेच मनपा कर्मचारी संघटनेचे पदाधिकारी उपस्थित होते.

नागपूर दि 3 –  लॉकडाउनमुळे नागपूर विभागात  वेगवेगळ्या निवारागृहात  असलेल्या 977 नागरिकांना घेऊन आज नागपूर ते लखनऊ  विशेष  श्रमिक स्पेशल रेल्वे  गाडी क्रमांक 01902 रात्रौ 7.30 वाजता रवाना झाली.

पालकमंत्री डॉ नितीन राऊत यांनी  आपल्या गावी परत जात असल्याबद्दल सर्व नागरिकांना शुभेच्छा दिल्या व टाळ्या वाजवून या विशेष गाडीला रवाना केले.

श्रमिक स्पेशल रेल्वे मध्ये  विभागातील 977 प्रवाशांमध्ये गडचिरोली 108, चंद्रपूर 289 , भंडारा 133, वर्धा 220, नागपूर 227  प्रवासी यांचा समावेश आहे

यावेळी रेल्वे मंडळ प्रबंधक सोमेश कुमार, अतिरिक्त डीआर एम मनोज तिवारी, वरिष्ठ मंडळ वाणिज्य प्रबंधक कृष्णाथ पाटील, वरिष्ठ मंडळ  सुरक्षा अधिकारी  आशुतोष पांडे, उपजिल्हाधिकारी अविनाश कातडे, अतिरिक्त महापालिका आयुक्त राम जोशी, उपविभागीय महसूल अधिकारी नीता पाखले चौधरी आदी अधिकारी  उपस्थित होते.

जिल्हा प्रशासनाकडून या प्रवासासाठी आवश्यक ती खबरदारी घेण्यात आली असून सोशल डिस्टन्सिंग पालन करून चोख व्यवस्था केली होती.

या ठिकाणी त्यांची आरोग्य विभागाकडून तपासणीही करण्यात आली. रेल्वेमध्ये पाठवण्यात येणाऱ्या प्रवाशांना सोशल डिस्टन्स पाळणे बंधनकारक करण्यात आले होते. प्रवाशांसाठी चालवण्यात येणारी ही  रेल्वे पूर्ण पणे सॅनिटाईज करण्यात आली असून  प्रत्येक प्रवाशाने चेहऱ्यावर मास्क किंवा रुमाल घातला असल्याची  खात्री करुन घेण्यात येत होती. प्रवाशांच्या जेवणाची आणि पिण्याच्या पाण्याची सोय करण्यात आली होती . तसेच सोबत सुके खाद्यपदार्थही देण्यात आले.

पुणे दि.3 : – पुण्यातील कोरोना बाधितांची वाढती संख्या व प्रशासनाच्या वतीने सुरु असलेल्या उपाययोजनांबाबत मुख्यमंत्री उद्धव ठाकरे व मुख्य सचिव अजोय मेहता यांनी पुणे जिल्हयासह सांगली, सातारा, सोलापूर आणि कोल्हापूर या पाचही जिल्हयातील कोरोना बाधित रुग्णांची संख्या, या संख्येत झालेली वाढ, गंभीर रुग्णांची स्थिती, मृत रुग्णांची माहिती व प्रशासन करीत असलेल्या उपाययोजना, शासनाकडून आवश्यक असलेली मदत, ग्रीन झोन क्षेत्रातील उद्योग सुरू करणेबाबतची माहिती, व्हीडीओ कॉन्फरन्सिंगद्वारे आढावा घेतला. यावेळी विभागीय आयुक्त डॉ.दीपक म्हैसेकर यांनी पुणे विभागाची सविस्तर माहिती दिली.

विभागीय आयुक्त कार्यालयात या व्हीडीओ कॉन्फरन्सिंगवेळी पुणे शहर पोलीस आयुक्त डॉ.के.वेंकटेशम, जिल्हाधिकारी नवल किशोर राम, पुणे महानगरपालिका आयुक्त शेखर गायकवाड, पिंपरी-चिंचवड महानगरपालिका आयुक्त श्रावण हर्डीकर, पिंपरी-चिंचवडचे पोलीस आयुक्त संदीप बिष्णोई, जिल्हा पोलीस अधिक्षक संदीप पाटील, पुणे जिल्हा परिषदेचे मुख्य कार्यकारी अधिकारी आयुष प्रसाद, निवासी उपजिल्हाधिकारी डॉ.जयश्री कटारे, पोलीस उपायुक्त मितेश गट्टे यांच्यासह इतर विभागांचे प्रमुख अधिकारी उपस्थित होते.

पुणे कॅन्टोनमेंट हॉस्पीटलसाठी आवश्यकतेनुसार निधी उपलब्ध करून देणार
पुणे, दिनांक ३- पुणे कॅन्टोनमेंट क्षेत्रातील मोदीखाना व महानगरपालिका क्षेत्रातील कोरोना रुग्ण आढळलेल्या प्रतिबंधित क्षेत्रातील उपाययोजना व आरोग्य सुविधाबाबत जिल्हाधिकारी नवल किशोर राम यांनी पाहणी केली. प्रतिबंधित क्षेत्रात पॉझिटिव्ह रुग्णांच्या संपर्कात आलेल्या किमान वीस नागरिकांची कोरोना चाचणी करण्यात यावी तसेच या आरोग्य तपासणीतून कोणताही व्यक्ती सुटणार नाही याची दक्षता घेण्याच्या सूचना जिल्हाधिकारी राम यांनी दिल्या. तसेच पुणे कॅन्टोनमेंट हॉस्पीटलसाठी साधनसामुग्री व अन्य बाबींसाठी निधीची आवश्यकता असेल तर निधी उपलब्ध करून देण्यात येईल, असेही त्यांनी सांगितले.
पुणे कॅन्टोनमेंट क्षेत्रातील मोदीखाना व लगतच्या महानगरपालिका क्षेत्रातील कोरोना रुग्ण आढळलेल्या हे दोन्ही क्षेत्र प्रतिबंधित केले आहेत. येथे महानगरपालिका व जिल्हा प्रशासनासोबतच पुणे कॅन्टोनमेंटच्या वतीने विविध उपाययोजना करून कोरोना बाधित रुग्णांच्या संपर्कात आलेले नागरिक शोधण्यात येत आहेत. यासोबतच येथील नागरिकांची आरोग्य तपासणी, नागरिकांना मुलभूत सुविधा पुरविण्याबाबत उपाययोजना केल्या जात आहेत. या सर्व उपाययोजना व आरोग्य सुविधाबाबतची पाहणी व येथील नागरिकांशी जिल्हाधिकारी राम यांनी संवाद साधला. यावेळी पुणे कॅन्टोनमेंटचे स्टेशन कमांडर बिगेडीयर कुलजित सिंग, पुणे कॅन्टोमेंटचे मुख्य कार्यकारी अधिकारी अमित कुमार, जिल्हा शल्य चिकित्सक डॉ. अशोक नांदापूरकर, डीसीपी सरदेशपांडे, डॉ. गायकवाड आदी उपस्थित होते.
जिल्हाधिकारी राम म्हणाले, पुणे कॅन्टोनमेंट हॉस्पीटलसाठी यापूर्वी अडीच कोटी रुपयांचा निधी देण्यात आला आहे. कोरोनाच्या प्रतिबंधासाठी साधनसामुग्री व अन्य बाबींसाठी आवश्यक निधी उपलब्ध करून देण्यात येईल. तसेच प्रतिबंधित क्षेत्रातील प्रत्येकाने मास्कचा वापर करणे आवश्यक आहे, पुणे कॅन्टोनमेंट व पुणे महानगरपालिकेने आवश्यकतेप्रमाणे मास्कचा पुरवठा तसेच जीवनावश्यक वस्तूंचा पूरवठा घरपोहोच करण्याबाबतही त्यांनी सूचना केल्या. घरोघरी जाऊन नागरिकांचे आरोग्यकविषयक सर्वेक्षण करण्यावत यावे, डॉक्टारांनी आवश्यतक ती खबरदारी घेवून रुग्णांची वैद्यकीय तपासणी करावी, वैद्यकीय तपासणीच्या कामात कोणत्याही प्रकारची दिरंगाई खपवून घेतली जाणार नसल्याचेही त्यांनी स्पष्ट केले.
जिल्हाधिकारी राम यांनी या प्रतिबंधित क्षेत्रातील शौचालयांचा वापर, वैयक्तिक स्वच्छता ठेवा, मास्कचा वापर, निर्जंतूकीकरण आदी विषयाबांबत नागरिकांशी संवाद साधत परिसराची पाहणी केली. यावेळी पुणे कॅन्टोनमेंट, पुणे महानगरपालिका तसेच प्रशासनातील अधिकारी उपस्थित होते.

पुणे, दिनांक ३- देशभरात कोरोनाचा संसर्ग वाढतो आहे.संसर्ग वाढू नये यासाठी देशभरात लॉकडाऊन आहे. याकाळात सगळे घरी आहेत. मात्र पोलीस, आरोग्य कर्मचारी आणि सफाई कर्मचारी, माध्यमांचे प्रतिनिधी नित्यनेमाने आपली सेवा देत आहेत. खऱ्या अर्थाने ते कोरोना यौद्धा आहेत. दरम्यान त्यांच्या सन्मानासाठी भारतीय सैन्य दलाने आज संपूर्ण देशभरात आकाशातून पुष्पवृष्टी करत कोरोना यौद्धांचा सन्मान केला. काश्मीरपासून कन्याकुमारीपर्यंत भारतीय सैन्य दलाच्या विशेष विमानाने पुष्पवृष्टी केली. पुण्यातही कोरोनावर उपचार करणा-या रुग्णालयावर देखील पुष्पवृष्टी करण्यात आली. पोलीस, आरोग्य यंत्रणा आणि सफाई कर्मचाऱ्यांचे मनोधैर्य वाढविण्यासाठी भारतीय सैन्य दलाने हा विशेष उपक्रम राबविला असल्याचे मेजर जनरल नवनीत कुमार यांनी व्यक्त केले. तर कोरोनाचा संसर्ग रोखण्यासाठी सतत कार्यरत असलेले विभागीय आयुक्त डॉ. दीपक म्हैसेकर यांचा त्यांनी विशेष गौरव केला.

विभागीय आयुक्त कार्यालयात प्रांगणात सोशल डिस्टन्सिंग ठेवून भारतीय सैन्य दलाच्या वतीने आयोजित करण्यात आलेल्या या कार्यक्रमाला विभागीय आयुक्त डॉ. दीपक म्हैसेकर, मेजर जनरल नवनीत कुमार, कर्नल शर्मा, आर. एस. पाटीयाल आदींसह शासकीय अधिकारी, कर्मचारी उपस्थित होते.
मेजर जनरल नवनीत कुमार म्हणाले, कोरोनाच्या लढाईतील यौध्दांना बळ देणे हे आपले कर्तव्य असून पुणे विभागाच्या अंतर्गत येत असलेल्या 22 जिल्ह्यात हा उपक्रम राबविण्यात येत आहे. कोरोनाच्या या संकटात डॉक्टर्स, नर्स, सफाई कर्मचारी सतत कार्यरत आहेत, सोबतच लॉकडाऊनच्या काळात शासकीय यंत्रणेतील अधिकारी, कर्मचारी देखील अत्यंत समन्वयाने कार्य करत आहेत,या सेवा देणा-या कोरोना सैनिकांचा आम्हाला अभिमान आहे, त्यामुळे आजच्या या कार्यक्रमाचे आयोजन करण्यात आल्याचे त्यांनी स्पष्ट केले.
यावेळी विभागीय आयुक्त डॉ. दीपक म्हैसेकर यांनी भारतीय सैन्य दलाच्या या उप्रकमाबाबत आभार व्यक्त केले. यावेळी विभागीय आयुक्त डॉ.दीपक म्हैसेकर, उपायुक्त (महसूल) प्रताप जाधव,उपायुक्त ( सामान्य ) संजयसिंह चव्हाण,उपायुक्त जयंत पिंपळगावकर, अतिरिक्त जिल्हाधिकारी रुपाली आवळे, तहसिलदार मीनल भोसले, सहा.उप संचालक ( आरोग्य) आडकीकर, उपसंचालक खांडकेकर,तहसिलदार मनिषा देशपांडे, लेखा अधिकारी गणेश सस्ते, नायब तहसिलदार बाळासाहेब क्षिरसागर, स्वीय सहायक अनिकेत जोशी, स्वीय सहायक संजय भुकण, अर्चना फडणीस, लिपीक सचीन सांगडे, वाहनचालक बाळु खाडे, शिपाई गुलाब गिजरे शिपाई शरद टेकवडे यांचा विशेष सत्कार करण्यात आला.
यावेळी विविध विभागाचे प्रमुख अधिकारी, कर्मचारी उपस्थित होते.

कोरोना योद्ध्यांना भारतीय सैन्यदलाची मानवंदना
पुणे, दिनांक ३- कोरोनाचा संसर्ग वाढू नये यासाठी देशभरात लॉकडाऊन घोषित करण्यात आले आहे. याकाळात सगळे घरी आहेत. मात्र पोलीस, आरोग्य कर्मचारी आणि सफाई कर्मचारी, माध्यमांचे प्रतिनिधी नित्य आपली सेवा देत आहेत. खऱ्या अर्थाने ते कोरोना योद्धे आहेत. दरम्यान, त्यांच्या सन्मानासाठी भारतीय सैन्य दलाने आज संपूर्ण देशभरात आकाशातून पुष्पवृष्टी करत कोरोना योद्ध्यांचा सन्मान केला. पोलीस, आरोग्य यंत्रणा आणि सफाई कर्मचाऱ्यांचे मनोधैर्य वाढविण्यासाठी भारतीय सैन्य दलाने हा विशेष उपक्रम राबविला असल्याचे सांगत कोरोनाच्या लढाईत भारतीय सैन्य दल आपल्या सोबत आहे. कोरोनाच्या लढाईत या कोरोना योद्ध्यांना बळ देणे आवश्यक असल्याचे मत मेजर जनरल नवनीत कुमार यांनी व्यक्त केले. तर कोरोनाचा संसर्ग रोखण्यासाठी सतत कार्यरत असलेले जिल्हाधिकारी नवल किशोर राम यांचा त्यांनी विशेष गौरव केला.
जिल्हाधिकारी कार्यालयात प्रांगणात सोशल डिस्टंसिंग ठेवून भारतीय सैन्य दलाच्या वतीने आयोजित करण्यात आलेल्या या कार्यक्रमाला जिल्हाधिकारी नवल किशोर राम, निवासी उपजिल्हाधिकारी डॉ. जयश्री कटारे, कर्नल शर्मा, आर. एस. पाटीयाल आदींसह शासकीय अधिकारी, कर्मचारी उपस्थित होते.
भारतीय सैन्य दलाच्या वतीने आयोजित करण्यात आलेल्या या उप्रकमाबददल आभार व्यक्त करून जिल्हाधिकारी राम म्हणाले, पुणे जिल्ह्यात कोरोनाचा पहिला रुग्ण सापडला तेव्हापासून भारतीय सैन्य दल प्रशासनासोबत समन्वय ठेवून आहे. जिल्ह्यात पूरस्थिती किंवा संकट आले त्यावेळी भारतीय सैन्य दल कायम प्रशासनासोबतच असते. आजच्या कोरोना संसर्गाच्या स्थितीत प्रशासनाला पाठबळ देण्याचे काम भारतीय सैन्य दलाने केले, कितीही कठीण परिस्थिती आली तरी त्यामध्ये हिंमत देण्याची भारतीय सैन्य दलाची परंपरा असल्याचे सांगत कोरोना संसर्ग रोखण्यासाठी कार्यरत असलेल्या प्रत्येकाचा हा सन्मान असल्याचेही जिल्हाधिकारी राम यांनी सांगितले.
यावेळी विविध विभागाचे प्रमुख अधिकारी, कर्मचारी उपस्थित होते.

-विभागीय आयुक्त डॉ.दीपक म्हैसेकर

पुणे दि.3 :- पुणे विभागातील 463 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 2 हजार 147 झाली आहे. तर ॲक्टीव रुग्ण 1 हजार 571 आहेत. विभागात कोरोनाबाधीत एकुण 113 रुग्णांचा मृत्यू झाला आहे. तसेच 72 रुग्ण गंभीर असून उर्वरीत निरीक्षणाखाली आहेत, अशी माहिती विभागीय आयुक्त डॉ.दीपक म्हैसेकर यांनी दिली.
विभागात 2 हजार 147 बाधित रुग्ण असून 113 रुग्णांचा मृत्यू झाला आहे. यापैकी पुणे जिल्हयात 1 हजार 912 बाधीत रुग्ण असून 103 रुग्णांचा मृत्यू झाला आहे. सातारा जिल्हयात 74 बाधीत रुग्ण असून 2 रुग्णांचा मृत्यू झाला आहे. सोलापूर जिल्हयात 114 बाधीत रुग्ण असून 6 रुग्णांचा मृत्यू झाला आहे. सांगली जिल्हयात 33 बाधीत रुग्ण असून 1 रुग्णाचा मृत्यू झाला आहे. कोल्हापूर जिल्हयात 14 बाधीत रुग्ण असून 1 रुग्णाचा मृत्यू झाला आहे.
आजपर्यत विभागामध्ये एकुण 22 हजार 604 नमूने तपासणीसाठी पाठविण्यात आले होते त्यापैकी 21 हजार 446 चा अहवाल प्राप्त झाला आहे. तर 1 हजार 125 नमून्यांचा अहवाल प्रतीक्षेत आहे. प्राप्त अहवालांपैकी 19 हजार 266 नमून्यांचा अहवाल निगेटीव्ह असून 2 हजार 147 चा अहवाल पॉझिटिव्ह आहे.
आजपर्यंत विभागामधील 71 लाख 46 हजार 385 घरांचे सर्वेक्षण पूर्ण करण्यात आले असून त्याअंतर्गत 2 कोटी 79 लाख 84 हजार 598 व्यक्तींची तपासणी केली आहे. त्यापैकी 1 हजार 624 व्यक्तींना अधिक तपासणीसाठी संदर्भीत करण्यात आले आहे.
0000