पुणे दि. 6 :  जिल्ह्याच्या व राज्याच्या विविध भागातून मजुरांचे पायी चालत जावून होणारे स्थलांतर रोखण्यासाठी पुणे जिल्हा प्रशासनाकडून विविध उपाय करण्यात येत आहेत. शिरुर तालुक्यात अशाप्रकारचे एकूण तीन ठिकाणी निवारागृहे स्थापन करण्यात आली आहेत. अशाच उपाययोजनांतर्गत वाशिम जिल्ह्यातील मानोरा तालुक्यातील  38 मजुरांना दिनांक 1 एप्रिल 2020 रोजी थांबविण्यात आले होते. या व्यक्तींची मौजे कोरेगाव भिमा येथे अल अमीन कॉलेजवरती राहण्याची, जेवण्याची व्यवस्था निवारागृहात करण्यात आली होती. तसेच त्यांची नियमित वैद्यकीय तपासणी करण्यात आली होती. राज्य शासनाने स्थलांतरित मजुरांना त्यांच्या मूळ गावी जाण्याची प्रक्रिया निश्चित करुन दिल्यानंतर वाशिम जिल्हाधिकारी यांची पूर्वपरवानगी घेवून त्यांना दिनांक 4 मे रोजी त्यांच्या मूळ गावी पाठवून देण्यात आले आहे. या सर्व व्यक्तींना दिनांक 5 मे 2020 रोजी सुखरुप त्यांच्या घरी पोहचविण्यात आले. शिरूर तालुक्यात अशाप्रकारचे एकूण तीन ठिकाणी निवारागृहे स्थापन करण्यात आली आहेत. ही प्रक्रिया जिल्हाधिकारी नवल किशोर रामम यांच्या मार्गदर्शनाखाली पुण्याचे उपविभागीय अधिकारी संतोषकुमार देशमुख,  शिरूरच्या तहसिलदार लैला शेख यांनी पार पाडली.

‘आयसीएआय’तर्फे ‘लॉकडाऊन : नवी पहाट’वर लाईव्ह वेबिनार

पुणे : “लॉकडाऊननंतर अनेक समस्याना सामोरे जावे लागणार असले, तरी एक नवी पहाट आपली वाट पाहत आहे. या आव्हानात्मक स्थितीत मोठ्या संधी उपलब्ध होण्याची शक्यता आहे. जागतिक स्तरावरील अनेक गुंतवणूकदार भारताकडे पर्याय म्हणून पाहत आहेत. चीनमधून अनेक उद्योगांनी काढता पाय घेतल्याने या उद्योगांना आपल्याकडे येण्याचा पर्याय आहे. अशावेळी सेवा क्षेत्रासह तंत्रज्ञानाधारीत स्टार्टअप्सना मोठ्या संधी निर्माण होणार आहेत. ‘बी इंडियन बाय इंडियन’ या दृष्टीकोनातून भारतीय अर्थव्यवस्थेला नक्कीच चालना मिळेल,” असे प्रतिपादन विधानसभेचे विरोधी पक्षनेते देवेंद्र फडणवीस यांनी केले.

दि इन्स्टिट्युट ऑफ चार्टर्ड अकाऊंटंटस ऑफ इंडिया (आयसीएआय) पुणे शाखेच्या वतीने ‘लॉकडाऊन : नवी पहाट’वर आयोजित वेबिनारमध्ये सनदी लेखापालांशी देवेंद्र फडणवीस यांनी संवाद साधला. महाराष्ट्र हौसिंग डेव्हलपमेंट कॉर्पोरेशनचे सहअध्यक्ष राजेंद्र मिरगणे, ज्येष्ठ सनदी लेखापाल सीए डॉ. एस. बी. झावरे, ‘आयसीएआय’च्या पुणे शाखेचे अध्यक्ष सीए अभिषेक धामणे, उपाध्यक्ष सीए समीर लड्डा, सचिव-खजिनदार सीए काशिनाथ पठारे, वेस्टर्न इंडिया रिजनल कौन्सिलचे खजिनदार सीए आनंद जाखोटीया, सीए यशवंत कासार आदींनी या वेबिनारमध्ये सहभाग घेतला.

गृहनिर्माण क्षेत्रातील समस्या, रोजगारसंधी आणि अर्थव्यवस्था यावर चर्चा करताना देवेंद्र फडणवीस म्हणाले, “या स्थितीवर मात करण्यासाठी मार्गही आपल्याला शोधावे लागणार आहेत. केवळ व्यवसाय सुरू होणे, याला आपले प्राधान्य नको, तर आर्थिक गतिविधी पूर्ण ताकदीने सुरू होतील, याचा विचार करावा लागणार आहे. यासाठीचे नवे मार्ग आणि नियमावली आपल्याला तयार करावे लागतील. ई-लर्निंग, नवीन डिजिटल बाजारपेठ, घरातून काम करणे, नवीन व्यावसायिक परिस्थिती, नवीन गुंतवणूक संधी इत्यादी अनेक बाबी स्वीकाराव्या लागतील. नवीन जीवनपद्धती स्वीकारत कोरोनासोबत जगण्याची सवय आपल्याला करावी लागेल. स्थानिक पातळीवर आपल्याला उत्पादन आणि नवनिर्मिती करावी लागणार आहे. जेणेकरून आयात निर्बंधित होईल. बांधकाम क्षेत्रासह कृषी, पर्यटन, शिक्षण आदी क्षेत्रात आपल्याला आमूलाग्र बदल करावे लागतील. सरकार, बँका आणि उद्योग यांच्या एकत्रित प्रयत्नांतूनच अर्थव्यवस्था बळकट होईल.”

राजेंद्र मिरगणे म्हणाले, “कृषीनंतर बांधकाम क्षेत्रात सर्वाधिक रोजगार निर्मिती होते. मात्र आधी जागतिक मंदी आणि आता लॉकडाऊन यामुळे या क्षेत्राचे कंबरडे मोडले आहे. यातून बाहेर पडायचे असेल, तर आपल्याला अल्प उत्पन्न आणि आर्थिक मागास वर्गातील लोकांसाठी घरांची निर्मिती करणे गरजेचे आहे. करांमध्ये सवलती मिळाव्यात. प्रस्ताव लालफितीत अडकवून ठेवता कामा नयेत. जीएसटीतील सूट देण्यासह बांधकाम साहित्याचे दर निश्चित करावेत. सरकारकडून विकसकांना मिळणारा निधी लवकरात लवकर मिळणे आवश्यक आहे.”

सीए डॉ. एस. बी. झावरे म्हणाले, “लॉकडाऊनमुळे सर्वांनाच मोठा फटका बसला आहे. अर्थव्यवस्था पुन्हा पूर्वपदावर आणण्यासाठी प्रयत्न करणे गरजेचे आहे. त्यासाठी औद्योगिक क्षेत्र लवकर कार्यशील व्हावे.” सीए अभिषेक धामणे यांनी प्रास्ताविक केले. सीए समीर लड्डा यांनी वेबिनारचे सूत्रसंचालन केले. सीए काशीनाथ पठारे, सीए यशवंत कासार व सीए आनंद जाखोटीया यांनीही आपले विचार मांडले.

पुणे- जिल्ह्याच्या व राज्याच्या विविध भागातून मजुरांचे पायी चालत जावून होणारे स्थलांतर रोखण्यासाठी पुणे जिल्हा प्रशासनाकडून विविध उपाय करण्यात येत आहेत. शिरुर तालुक्यात अशाप्रकारचे एकूण तीन ठिकाणी निवारागृहे स्थापन करण्यात आली आहेत. अशाच उपाययोजनांतर्गत वाशिम जिल्ह्यातील मानोरा तालुक्यातील
38 मजुरांना दिनांक 1 एप्रिल 2020 रोजी थांबविण्यात आले होते. या व्यक्तींची मौजे कोरेगाव भिमा येथे अल अमीन कॉलेजवरती राहण्याची, जेवण्याची व्यवस्था निवारागृहात करण्यात आली होती. तसेच त्यांची नियमित वैद्यकीय तपासणी करण्यात आली होती. राज्य शासनाने स्थलांतरित मजुरांना त्यांच्या मूळ गावी जाण्याची प्रक्रिया निश्चित करुन दिल्यानंतर वाशिम जिल्हाधिकारी यांची पूर्वपरवानगी घेवून त्यांना दिनांक 4 मे रोजी त्यांच्या मूळ गावी पाठवून देण्यात आले आहे. या सर्व व्यक्तींना दिनांक 5 मे 2020 रोजी सुखरुप त्यांच्या घरी पोहचविण्यात आले. शिरूर तालुक्यात अशाप्रकारचे एकूण तीन ठिकाणी निवारागृहे स्थापन करण्यात आली आहेत. ही प्रक्रिया जिल्हाधिकारी नवल किशोर राम यांच्या मार्गदर्शनाखाली पुण्याचे उपविभागीय अधिकारी संतोषकुमार देशमुख, शिरूरच्या तहसिलदार
लैला शेख यांनी पार पाडली.

पुणे- पुण्यातून आपापल्या गावी ,घराकडे जाणाऱ्या माजुरांच्याबाब्त जी काही कायदेशीर प्रक्रिया आहे ती लवकर पूर्ण करून त्यांना सुखरूप घरी जाऊ द्या ,त्यांच्या साठी रेल्वे तिकिटांचा खर्च आमचा पक्ष करणार आहे . सोनिया गांधी, बाळासाहेब थोरात यांनी कळविले तर आहेच पण राज्यमंत्री विश्वजित कदम यांच्या व शहर कॉंग्रेसच्या पुढाकारातून खर्चाची  सारी प्रक्रिया आम्ही तातडीने पार पाडू तुम्ही फक्त मजुरांची नावे, पत्ते, रेल्वे तिकिटांचा तपशील द्या म्हणजे आम्हालाही खर्च जमा करायला बरे … अशा शब्दात शहर कॉंग्रेसचे अध्यक्ष रमेश बागवे यांनी जिल्हाधिकारी  नवल  किशोर राम यांना  तातडीचे साकडे घातले .

माजी मंत्री बाळासाहेब शिवरकर यावेळी बागवे यांच्या समवेत उपस्थित होते. बागवे म्हणाले हे सारे तळागाळतळे मजूर आहेत . सुमारे दीड महिना त्यांनी काम नसताना अंगावर काढला आहे. कधी मदत झाली कधी नाही झाली . अशा अवस्थेत आता घरी परतण्यासाठी त्यांच्याकडून रेल्वे तिकिटांचे पैसे तर घेऊ नयेत पण घेणारच असाल तर आम्ही ते देऊ अशी घोषणा सोनिया गांधी यांनी केली आहे. श्रीमंत लोकांना आपण परदेशातून विमानाने भारतात आणले . मजुरांना कशाला खर्चात पाडायचे? केंद्र सरकारने याबाबत काहीही आस्था दाखविली नाही म्हणून कॉंग्रेसने पुढाकार घेऊन हि तयारी केली आहे. या प्रक्रियेस प्रारंभ करायचा म्हणून  जिल्हाधिकारी यांच्याकडे  रेल्वे आणि जाणाऱ्या मजुरांच्या तिकिटाच्या खर्चाच्या तपशिलाची मागणी केली आहे

पुणे. मराठा क्रांती मोर्चाचे समन्वयक शांताराम कुंजीर यांचे हृदयविकाराच्या तीव्र झटक्याने निधन मंगळवारी पहाटेच्या सुमारास निधन झाले आहे. त्यांच्या मागे पत्नी, एक मुलगा आणि मुलगी असा परिवार आहे. संभाजी ब्रिगेडचे कार्याध्यक्ष, मराठा क्रांती मोर्चा आणि किसान क्रांती मोर्चाचे समन्वयक कुंजीर यांच्यावर नुकतीच शस्त्रक्रिया पार पडली होती. जहांगीर रुग्णालयात त्यांच्यावर उपचार सुरू होते. मुंढवा येथील स्मशानभूमीत त्यांच्यावर अंत्यसंस्कार करण्यात आले आहेत.

अखिल भारतीय मराठा महासंघातून त्यांनी आपल्या कामाची सुरुवात केली होती. पुणे जिल्हा सरचिटणीस पदी असताना त्यांनी अनेक आंदोलने मोर्चांमध्ये सक्रीय सहभाग नोंदवला. यानंतर त्यांनी मराठा सेवा संघ आणि बामसेफ अशा संस्थांसोबत काम केले. मग काही दिवसांनी संभाजी ब्रिगेडची जबाबदारी पार पाडली. मराठा आरक्षणासाठी शिवनेरीवर झालेल्या आंदोलनात त्यांचा सक्रीय सहभाग होता. या दरम्यान मुख्यमंत्र्यांच्या हेलिकॉप्टरवर दगडफेक झाली होती. याप्रकरणी त्यांच्यावर गुन्हा दाखल करण्यात आला होता. राज्यातील शेतकरी आंदोलनांमध्ये सुद्धा त्यांनी महत्वाची भूमिका बजावली होती. परस्परविरोधी लोकांशीही त्यांनी समन्वय साधत यशस्वी आंदोलने केली होती. त्यांच्या निधनाने सर्वत्र हळ-हळ व्यक्त केली जात आहे.

-जिल्हाधिकारी नवल किशोर राम
पुणे दि.5: कोरोनाच्या वाढत्या संसर्गाच्या पार्श्वभूमीवर तपासणी करणाऱ्या सर्व खासगी आणि शासकीय प्रयोगशाळांनी कोविड-19 ची सॅम्पल तपासणीची क्षमता वाढवावी अशी सूचना, जिल्हाधिकारी नवल किशोर राम यांनी आज दिली.
जिल्हाधिकारी कार्यालयात कोरोना विषाणू संसर्ग प्रतिबंधात्मक उपाययोजनाबाबत जिल्हाधिकारी श्री. राम यांच्या अध्यक्षतेखाली खासगी आणि शासकीय प्रयोगशाळांच्या डॉक्टरांसमवेत आढावा बैठक घेण्यात आली. यावेळी ते बोलत होते. यावेळी जिल्हा शल्यचिकित्सक डॉ. अशोक नांदापूरकर, आरोग्य उपसंचालक डॉ. संजय देशमुख उपस्थित होते.
जिल्हाधिकारी श्री. राम म्हणाले, जिल्हयातील वाढत्या कोरोना संसर्गाच्या पार्श्वभूमीवर खासगी आणि शासकीय प्रयोगशाळांमध्ये मोठया प्रमाणात कोविड-19 ची सॅम्पल तपासणीसाठी येत असतात. त्या सॅम्पल तपासणीचा अहवाल वेळेत प्राप्त होण्यासाठी सर्वांनी प्रयोगशाळांची क्षमता वाढविण्यावर भर द्यावा. तसेच प्रयोगशाळांसाठी पुरेसे मनुष्यबळ, आवश्यक असणाऱ्या मशिनरी, इतर साहित्य कमी पडत असल्यास तातडीने जिल्हा प्रशासनाकडे याबाबतचे प्रस्ताव सादर करावेत. आपणास आवश्यक त्या सोयी सुविधा पुरविण्याकरीता प्रशासन सहकार्य करेल, असेही श्री. राम यांनी सांगितले आणि आतापर्यंत करण्यात आलेल्या शॅम्पल तपासणीबाबतची माहिती जाणून घेतली.
यावेळी खासगी आणि शासकीय कोविड-19 ची सॅम्पल तपासणी करणाऱ्या प्रयोगशाळेचे वैद्यकीय अधिकारी उपस्थित होते.
००००