मुंबई, दि.१६ : राज्यातील कोरोनाबाधित रुग्णांची एकूण संख्या ३० हजार ७०६ झाली आहे. आज  १६०६ नवीन रुग्णांचे निदान झाले आहे. राज्यात आज  ५२४ कोरोनाबाधित रुग्णांना घरी सोडण्यात आले असून आतापर्यंत राज्यभरात ७०८८ रुग्ण बरे झाले आहेत. राज्यात सध्या २२ हजार ४७९ रुग्णांवर उपचार सुरू असल्याचे आरोग्यमंत्री राजेश टोपे यांनी आज सांगितले.

आजपर्यंत पाठविण्यात आलेल्या २ लाख ६१ हजार ७८३ नमुन्यांपैकी २ लाख ३१ हजार ०७१ जणांचे प्रयोगशाळा नमुने करोना करता निगेटिव्ह आले आहेत तर ३० हजार ७०६ जण पॉझिटिव्ह आले आहेत. राज्यात ३ लाख ३४ हजार ५५८ लोक होम क्वारंटाईनमध्ये असून १७ हजार ४८ लोक संस्थात्मक क्वारंटाईनमध्ये आहेत.

राज्यात ६७ करोना बाधित रुग्णांच्या मृत्यूची नोंद आज झाली आहे. त्यापैकी २२ मृत्यू हे गेल्या २४ तासातील आहेत तर उर्वरित मृत्यू हे १४ एप्रिल ते १४ मे या कालावधीतील आहेत. आज झालेल्या मृत्यूपैकी मुंबई मधील ४१,  पुण्यात ७, ठाणे शहरात ७, औरंगाबाद शहरात ५, जळगावमध्ये  ३, मीरा भाईंदरमध्ये २, नाशिक शहरात १ तर  सोलापूर शहरामध्ये  १ मृत्यू झाला आहे.

आज नोंद झालेल्या मृत्यूंपैकी ४७ पुरुष तर २० महिला आहेत. आज झालेल्या ६७ मृत्यूंपैकी ६० वर्षे किंवा त्यावरील ३८ रुग्ण आहेत तर २५ रुग्ण हे वय वर्षे ४० ते ५९ या वयोगटातील आहेत. तर ४ जण ४० वर्षांखालील आहे. या ६७ रुग्णांपैकी ४४ जणांमध्ये (६६ टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत.

राज्यातील जिल्हा व मनपानिहाय रुग्णांचा आतापर्यंतचा तपशील: (कंसात मृत्यूंची आकडेवारी)

मुंबई महानगरपालिका:  १८,५५५ (६९६)

ठाणे: २०५ (३)

ठाणे मनपा: १४१६ (१८)

नवी मुंबई मनपा: १२८२ (१४)

कल्याण डोंबिवली मनपा: ५०२ (६)

उल्हासनगर मनपा: १००

भिवंडी निजामपूर मनपा: ४६ (२)

मीरा भाईंदर मनपा: २८३ (४)

पालघर: ५० (२)

वसई विरार मनपा: ३४० (११)

रायगड: २१८ (२)

पनवेल मनपा: १९६ (१०)

*ठाणे मंडळ एकूण: २३,२०९ (७६८)*

नाशिक: १०२

नाशिक मनपा: ६६ (१)

मालेगाव मनपा:  ६६७ (३४)

अहमदनगर: ५६ (३)

अहमदनगर मनपा: १६

धुळे: १० (३)

धुळे मनपा: ६७ (५)

जळगाव: १९३ (२६)

जळगाव मनपा: ५७ (४)

नंदूरबार: २२ (२)

नाशिक मंडळ एकूण: १२५६ (७८)

पुणे: १८९ (५)

पुणे मनपा: ३३०२ (१७९)

पिंपरी चिंचवड मनपा: १५६ (४)

सोलापूर: ९ (१)

सोलापूर मनपा: ३६२ (२१)

सातारा: १३१ (२)

पुणे मंडळ एकूण: ४१४९ (२१२)

कोल्हापूर: २१ (१)

कोल्हापूर मनपा: ६

सांगली: ३८

सांगली मिरज कुपवाड मनपा: ७ (१)

सिंधुदुर्ग: ७

रत्नागिरी: ९१ (३)

कोल्हापूर मंडळ एकूण: १७३ (५)

औरंगाबाद:९७

औरंगाबाद मनपा: ७७६ (२५)

जालना: २१

हिंगोली: ६६

परभणी: ५ (१)

परभणी मनपा: १

औरंगाबाद मंडळ एकूण: ९६६ (२६)

लातूर: ३३ (१)

लातूर मनपा: ०

उस्मानाबाद: ७

बीड: १

नांदेड: ५

नांदेड मनपा: ५४ (४)

लातूर मंडळ एकूण: १०१ (५)

अकोला: १९ (१)

अकोला मनपा: २१७ (१३)

अमरावती: ६ (२)

अमरावती मनपा: ९६ (११)

यवतमाळ: ९९

बुलढाणा: २६ (१)

वाशिम: ३

अकोला मंडळ एकूण: ४६६ (२८)

नागपूर: २

नागपूर मनपा: ३५० (२)

वर्धा: २ (१)

भंडारा: १

गोंदिया: १

चंद्रपूर: १

चंद्रपूर मनपा: ४

गडचिरोली: ०

नागपूर मंडळ एकूण: ३६१ (३)

इतर राज्ये: ४१ (१०)

एकूण:  ३० हजार ७०६  (११३५)

(टीप – आय सी एम आर पोर्टलवर दर्शविलेल्या बृहन्मुंबई महानगरपालिका क्षेत्रातील  दिनांक ७ मे २०२० पासूनच्या २३६ रुग्णांचा समावेश रिकॉन्सिलिएशन अभावी वरील तक्त्यामध्ये करण्यात आलेला नाही.ही माहिती केंद्र सरकारच्या आय. सी. एम. आर. पोर्टलवर मान्यताप्राप्त प्रयोगशाळांनी भरलेल्या कोविड१९ बाधित रुग्णांच्या आकडेवारीनुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)

राज्यातील ज्या भागात रुग्णांचे क्लस्टर सापडले आहेत त्या ठिकाणी केंद्र सरकारच्या मार्गदर्शनानुसार क्लस्टर कंटेनमेंट कृतियोजना अंमलात आणण्यात येत आहे. राज्यात सध्या १५१६ कंटेनमेंट झोन क्रियाशील असून आज एकूण १४ हजार ४३४ सर्वेक्षण पथकांनी  काम केले असून त्यांनी ६०.९३  लाख  लोकसंख्येचे सर्वेक्षण केलेले आहे.

यवतमाळ –
वसंतराव नाईक शासकीय वैद्यकीय महाविद्यालयाच्या आयसोलेशन वार्डमध्ये भरती असलेल्या व सुरवातीला पॉझेटिव्ह रिपोर्ट्स आलेले 38 लोक, 14 दिवसाच्या कालावधीनंतर उपचारामुळे पूर्णपणे बरे झाले आहेत. त्यामुळे त्यांना सुट्टी देण्यात आली आहे. या 38 पैकी 3 जणांना संस्थात्मक विलागिकरण कक्षात ठेवण्यात येणार असून उर्वरित 35 जण गृह विलागिकरणात राहणार आहे. जिल्ह्यात आता एक्टिव पॉझिटिव्हची संख्या 45 वरून 7 वर आली आहे. विशेष म्हणजे 24, 25 आणि 26 एप्रिल या दरम्यान सर्वात जास्त पॉझिटिव्ह रुग्णांच्या संख्येत भर पडली. त्यानंतर रुग्ण वाढीचा वेग कमी झाला असला तरी एक-दोन, एक-दोन पॉझिटिव्ह रुग्ण येणे सुरू होते. त्यामुळे जिल्ह्याचा एकूण आकडा पाहता पाहता 98 वर गेला होता. यापैकी तब्बल 91 जणांना बरे करण्यात आरोग्य विभागाला लक्षणीय यश आले आहे.
यवतमाळ जिल्ह्यसाठी ही अतिशय दिलासादायक बातमी असून जिल्ह्याचे पालकमंत्री संजय राठोड यांनी सर्व जिल्हा प्रशासन, पोलिस प्रशासन आणि आरोग्य विभागाचे मनःपूर्वक अभिनंदन केले आहे.
सुरवातीला केवळ यवतमाळ शहरात कोरोनाबाधित रुग्ण आढळले होते, मात्र नंतर नेर आणि उमरखेड़ (मौजा धानोरा) येथे पॉझेटिव्ह रुग्ण आल्याने चिंतेत भर पडली. उमरखेड़ येथील पॉझेटिव्ह रुग्णाच्या संपर्कात आलेल्या सर्व हाय रिस्क व लो रिस्क अशा 68 लोकांचे नमूने तपासनिसाठी पाठविले. हे सर्व रिपोर्ट्स नेगेटिव्ह आले आहे. तसेच नेर येथील हाय रिस्क व लो रिस्क अशा 76 जणांचे रिपोर्ट्स तपासनिसाठी पाठवले असता यापैकी 3 जणांचे रिपोर्ट पॉझिटिव्ह तर 73 रिपोर्ट्स नेगेटिव्ह आल्याचे आरोग्य विभागाने कळविले आहे.
उमरखेड़, महागाव, नेर आणि सर्व यवतमाळ जिल्ह्यसाठी ही अतिशय समाधानाची बाब आहे.

नागपूर, 16 मे-
असंख्य वर्षांची परंपरा असलेली पंढरीच्या वारीची परंपरा खंडित होणार नाही. पण, त्याचवेळी कोरोनाच्या संकटात आवश्यक असलेली सर्व ती खबरदारी घेण्यात येईल, असा सूर आज माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांच्यासोबत झालेल्या चर्चेतून निघाला.
वारकरी प्रतिनिधींशी झालेल्या या संवादात प्रदेश भाजपाचे अध्यक्ष चंद्रकांतदादा पाटील, श्री संत ज्ञानेश्वर महाराज संस्थान आळंदीचे अ‍ॅड. विकास ढगे पाटील, दिंडी संघटनेचे राणा महाराज वासकर, संत तुकाराम महाराज संस्थान देहूचे माणिक महाराज मोरे, विशाल महाराज मोरे, संत सोपानकाका संस्थान, सासवडचे श्रीकांत गोसावी, संत एकनाथ महाराज पालखी सोहोळ्याचे रघुनाथबुवा पालखीवाले, संत निवृत्तीनाथ महाराज संस्थानचे संजय महाराज धोंडगे, संत आदिशक्ती मुक्ताबाई संस्थानचे रवींद्र भैयासाहेब पाटील, संत नामदेव महाराज संस्थानचे बळीरामजी महाराज सोळंके, श्री विठ्ठल-रूख्मिणी मंदिर समिती, पंढरपूरचे गहिनीनाथ महाराज औसेकर, विश्वस्त प्रकाश महाराज जवंजाळ, शिवाजी महाराज मोरे, आचार्य तुषार भोसले आणि फेसबुक दिंडीचे स्वप्नील मोरे इत्यादी सहभागी झाले होते.
आगामी वारीच्या नियोजन आणि वारकरी संप्रदायाच्या भावना यासंदर्भात ही चर्चा व्हीडिओ कॉन्फरन्सिंगच्या मदतीने झाली. यावेळी बोलताना देवेंद्र फडणवीस म्हणाले की, गेल्या असंख्य वर्षांची परंपरा खंडित न होऊ देता, पण, कोरोनाबाबत योग्य ती खबरदारी घेत, वारकर्‍यांची काळजी घेत ही परंपरा पुढे नेण्याचा जो संकल्प आपण सर्वांनी केला आहे, तीच आम्हा सर्वांची सुद्धा भावना आहे. सरकारकडेही त्याचा पाठपुरावा करण्यात येईल. या संकटकाळात समाजाला सोबत घेत, समाजाला जागे करण्याचे काम वारकरी संप्रदाय मोठ्या प्रमाणात करीत आहे. आपली वारकरी परंपरा किती मोठी आहे, याचेच प्रत्यंतर यातून येते. मला आनंद आहे की, कोरोनाचे संकट असले तरी वारीची परंपरा खंडित होणार नाही. वारकरी प्रतिनिधींनी तीन प्रस्ताव सरकारला दिले आहेत आणि या कठीण काळात सर्वांनी सहकार्य करण्याचे आश्वासन सुद्धा दिले आहे.

नागपुरातील सेवाकार्यांना भेटी
देवेंद्र फडणवीस यांनी आज नागपुरात भारतीय जनता पार्टीतर्फे सुरू असलेल्या विविध सेवाकार्यांना भेटी दिल्या. दक्षिण-पश्चिम नागपूर मतदारसंघात सोमलवाडा, मनिषनगर, दक्षिण नागपूर मतदारसंघात सक्करदरा, उत्तर नागपूर मतदारसंघात प्रल्हाद लॉन टेकानाका येथे त्यांनी भेटी देऊन कार्यकर्त्यांशी चर्चा केली आणि सेवाकार्याची माहिती जाणून घेतली. गेल्या महिन्याहून अधिक काळापासून कार्यकर्ते हे काम करीत असल्याबद्दल त्यांनी कौतूकही केले.
या दौर्‍यात आमदार प्रा. अनिल सोले, मिलिंद माने, आ. मोहन मते, रामदास आंबटकर, अविनाश ठाकरे, किशोर वानखेडे, विशाखा मोहोड, जयश्री वाडिभस्मे, मुन्ना यादव, वनिता दांडेकर, आशीष पाठक, बंडु राऊत, देवेंद्र दस्तुरे, विक्की कुकरेजा, प्रभाकरराव येवले, सुरेंद्र यादव त्यांच्यासोबत होते.

नवी दिल्ली. स्वावलंबनाचा अर्थ जगापासून वेगळे व्हा असे मुळीच नाही. सोबतच, पत्रकार परिषदेच्या चौथ्या टप्प्यात पायाभूत सुधारणांवर भर दिला जात असल्याचे अर्थमंत्री निर्मला सीतारमण म्हणाल्या आहेत. कोरोना आणि लॉकडाउनच्या संकटातून अर्थव्यवस्थेला चालना देण्यासाठी घोषित करण्यात आलेल्या 20 लाख कोटींच्या पॅकेजचा तपशील अर्थमंत्री निर्मला सीतारमण देत आहेत. गेल्या तीन दिवसांत अर्थमंत्र्यांनी 20 लाख कोटींपैकी 18 लाख कोटींचे विश्लेषण आणि ब्रेक-अप सांगितले. त्याच्या शेवटच्या टप्प्यात उर्वरीत 2 लाख कोटींचे पॅकेज कुठे खर्च केले जाणार याची माहिती निर्मला सीतारमण यांनी दिली.

मुंबई दिनांक १६- महाराष्ट्राची जीवनवाहिनी म्हणून ज्या एस.टी बस कडे पाहिले जाते त्या एस.टी बसेसही स्थलांतरीत मजुर आणि कामगारांच्या मदतीला धावून आल्या आहेत. आतापर्यंत ११ हजार ३७९ बसेसद्वारे सुमारे १ लाख ४१ हजार ७९८ स्थलांतरीत मजुरांना त्यांच्या राज्यात जाण्यासाठी महाराष्ट्राच्या सीमेपर्यंत बसची सोय उपलब्ध करून देण्यात आली आहे.  आतापर्यंत आपल्या लाल परीने मध्यप्रदेश, तेलंगणा, गुजरात, छत्तीसगड, कर्नाटक यासारख्या राज्यांच्या सीमेपर्यंत धावून स्थलांतरीत कामगारांना त्यांच्या घरी जाण्यास मदत केली आहे.

यातील काही स्थलांतरीत मजुरांनी पुढच्या प्रवासासाठी श्रमिक रेल्वे सेवेचा ही लाभ घेतला आहे.  महाराष्ट्र राज्य मार्ग परिवहन महामंडळाच्या बसेसच्या माध्यमातून जसे इतर राज्यातील स्थलांतरीत मजुर आणि कामगारांना त्यांच्या राज्याच्या सीमेपर्यंत पोहोचवले जात आहे तसेच इतर राज्यात अडकलेल्या महाराष्ट्रातील लोकांना राज्यात आणण्याचे ही काम केले जात आहे.

श्रमिक रेल्वेने २ लाखाहून अधिक मजुर आपल्या राज्यात परतले

महाराष्ट्रात अडकलेल्या स्थलांतरीत मजुरांना त्यांच्या राज्यात पाठवण्यासाठी सुरु केलेल्या श्रमिक रेल्वे सेवेच्या माध्यमातून आतापर्यंत १९१ रेल्वेगाड्यातून २ लाख ४५ हजार ०६० स्थलांतरीत कामगारांना सुखरूप त्यांच्या राज्यात पोहोचवण्यात आले आहे. परराज्यातील कामगारांना त्यांच्या राज्यात  सकुशल पाठविण्यासाठी मुख्यमंत्री सहाय्यता निधीतून त्यांच्या तिकिटासाठी ५४ कोटी ७५ लाख रुपयांचा निधी उपलब्ध करून दिला गेला आहे.

तुम्ही आहात तिथेच थांबा, तुम्हाला तुमच्या राज्यात सुखरूप पाठविण्याची व्यवस्था करण्यात येत आहे अशी ग्वाही मुख्यमंत्री श्री. ठाकरे यांनी वारंवार दिली होती.  आता ही व्यवस्था गतीने काम करत असून त्यामुळे इतर राज्यातील स्थलांतरीत कामगार आणि मजुरांना मोठा दिलासा मिळाला आहे.

रोज धावताहेत २५  रेल्वेगाड्या

कोविड १९ या विषाणुच्या प्रादुर्भावानंतर महाराष्ट्रात अडकलेल्या इतर राज्यातील कामगार आणि मजुरांना त्यांच्या गावी परतण्याची तीव्र इच्छा होती. त्यांची हीच इच्छा लक्षात घेऊन त्यांना सुखरूपपणे त्यांच्या राज्यात परतता यावे, त्यांचे हाल होऊ नयेत यासाठी विशेष रेल्वे गाड्या सोडण्याची मागणी मुख्यमंत्री उद्धव ठाकरे यांनी केंद्र सरकारकडे केली होती. त्यास केंद्र शासनाने सकारात्मक प्रतिसाद दिला आणि आता राज्याच्या विविध शहरातून परराज्यातील स्थलांरतीत मजुरांसाठी आणि कामगारांसाठी रोज २५ रेल्वे गाड्या धावत आहेत. बिहार, राजस्थान, उत्तरप्रदेश, कर्नाटक, मध्यप्रदेश, झारखंड, आंध्रपदेश, ओरिसा,  जम्मु  या राज्यातील मजुर आता या श्रमिक रेल्वेच्या माध्यमातून घरी परतू लागले आहेत. यात प्रामुख्याने उत्तरप्रदेश, बिहार आणि मध्यप्रदेशच्या स्थलांतरीत मजुरांची संख्या अधिक आहे.
…मुंबई दिनांक १६- महाराष्ट्राची जीवनवाहिनी म्हणून ज्या एस.टी बस कडे पाहिले जाते त्या एस.टी बसेसही स्थलांतरीत मजुर आणि कामगारांच्या मदतीला धावून आल्या आहेत. आतापर्यंत ११ हजार ३७९ बसेसद्वारे सुमारे १ लाख ४१ हजार ७९८ स्थलांतरीत मजुरांना त्यांच्या राज्यात जाण्यासाठी महाराष्ट्राच्या सीमेपर्यंत बसची सोय उपलब्ध करून देण्यात आली आहे.  आतापर्यंत आपल्या लाल परीने मध्यप्रदेश, तेलंगणा, गुजरात, छत्तीसगड, कर्नाटक यासारख्या राज्यांच्या सीमेपर्यंत धावून स्थलांतरीत कामगारांना त्यांच्या घरी जाण्यास मदत केली आहे.

यातील काही स्थलांतरीत मजुरांनी पुढच्या प्रवासासाठी श्रमिक रेल्वे सेवेचा ही लाभ घेतला आहे.  महाराष्ट्र राज्य मार्ग परिवहन महामंडळाच्या बसेसच्या माध्यमातून जसे इतर राज्यातील स्थलांतरीत मजुर आणि कामगारांना त्यांच्या राज्याच्या सीमेपर्यंत पोहोचवले जात आहे तसेच इतर राज्यात अडकलेल्या महाराष्ट्रातील लोकांना राज्यात आणण्याचे ही काम केले जात आहे.

श्रमिक रेल्वेने २ लाखाहून अधिक मजुर आपल्या राज्यात परतले

महाराष्ट्रात अडकलेल्या स्थलांतरीत मजुरांना त्यांच्या राज्यात पाठवण्यासाठी सुरु केलेल्या श्रमिक रेल्वे सेवेच्या माध्यमातून आतापर्यंत १९१ रेल्वेगाड्यातून २ लाख ४५ हजार ०६० स्थलांतरीत कामगारांना सुखरूप त्यांच्या राज्यात पोहोचवण्यात आले आहे. परराज्यातील कामगारांना त्यांच्या राज्यात  सकुशल पाठविण्यासाठी मुख्यमंत्री सहाय्यता निधीतून त्यांच्या तिकिटासाठी ५४ कोटी ७५ लाख रुपयांचा निधी उपलब्ध करून दिला गेला आहे.

तुम्ही आहात तिथेच थांबा, तुम्हाला तुमच्या राज्यात सुखरूप पाठविण्याची व्यवस्था करण्यात येत आहे अशी ग्वाही मुख्यमंत्री श्री. ठाकरे यांनी वारंवार दिली होती.  आता ही व्यवस्था गतीने काम करत असून त्यामुळे इतर राज्यातील स्थलांतरीत कामगार आणि मजुरांना मोठा दिलासा मिळाला आहे.

रोज धावताहेत २५  रेल्वेगाड्या

कोविड १९ या विषाणुच्या प्रादुर्भावानंतर महाराष्ट्रात अडकलेल्या इतर राज्यातील कामगार आणि मजुरांना त्यांच्या गावी परतण्याची तीव्र इच्छा होती. त्यांची हीच इच्छा लक्षात घेऊन त्यांना सुखरूपपणे त्यांच्या राज्यात परतता यावे, त्यांचे हाल होऊ नयेत यासाठी विशेष रेल्वे गाड्या सोडण्याची मागणी मुख्यमंत्री उद्धव ठाकरे यांनी केंद्र सरकारकडे केली होती. त्यास केंद्र शासनाने सकारात्मक प्रतिसाद दिला आणि आता राज्याच्या विविध शहरातून परराज्यातील स्थलांरतीत मजुरांसाठी आणि कामगारांसाठी रोज २५ रेल्वे गाड्या धावत आहेत. बिहार, राजस्थान, उत्तरप्रदेश, कर्नाटक, मध्यप्रदेश, झारखंड, आंध्रपदेश, ओरिसा,  जम्मु  या राज्यातील मजुर आता या श्रमिक रेल्वेच्या माध्यमातून घरी परतू लागले आहेत. यात प्रामुख्याने उत्तरप्रदेश, बिहार आणि मध्यप्रदेशच्या स्थलांतरीत मजुरांची संख्या अधिक आहे.
…

गृहमंत्री अनिल देशमुख यांची माहिती

मुंबई, दि.१६ : लॉकडाऊन मुळे महाराष्ट्रात अडकून पडलेल्या परराज्यातील जवळपास दोन लाख ४५ हजार कामगारांची पाठवणी विशेष श्रमिक ट्रेनद्वारे त्यांच्या मूळ राज्यात करण्यात आली असल्याची माहिती गृहमंत्री अनिल देशमुख यांनी दिली आहे.

२२ मार्च पासून राज्यात लॉकडाऊन सुरू आहे.अनेक राज्यातील कुशल, अकुशल कामगार महाराष्ट्रात लॉकडाऊनने अडकून पडले होते. त्यांच्या विनंतीनुसार लॉकडाऊनच्या नियमांचे पालन करून १९१ ट्रेनने २ लाख ४५ हजार ०६० कामगार, मजूरांची पाठवणी त्यांच्या मूळ राज्यात करण्यात आली.

पश्चिम बंगाल व बिहार

पश्चिम बंगालमध्ये एकही ट्रेन गेली नव्हती व बिहारमध्ये काही तांत्रिक अडचणी होत्या. मा. खा.शरदचंद्र पवार व मुख्यमंत्री उद्धव ठाकरे यांनी व्यक्तीशः पश्चिम बंगालच्या मुख्यमंत्री ममता बॅनर्जी व बिहारचे मुख्यमंत्री नितीश कुमार यांना फोनद्वारे विनंती केली त्यानंतर त्यांनी परवानगी दिली. आजच दि. १६ रोजी सकाळी ८.१५ वाजता पश्चिम बंगाल साठी वांद्रे ते हावडा ही पहिली विशेष रेल्वे ट्रेन सोडण्यात आली. या दोन्ही राज्यांसाठी प्रत्येकी कमीत कमी दहा ट्रेन दररोज सोडण्याची गरज आहे. या परप्रांतीय कामगारांना पाठविण्याचा सर्व खर्च मुख्यमंत्री यांनी त्यांच्या मुख्यमंत्री सहायता निधीतून केला आहे. यासाठी एकूण ५४.७० कोटी रुपये त्यांनी संबंधित जिल्हाधिकाऱ्यांकडे वर्ग केले आहेत.

आज आपल्या राज्यात जवळपास ३८८४ शेल्टर असून यामध्ये ३ लाख ७१ हजार कामगार आहेत त्यांची खाण्यापिण्याची सर्व व्यवस्था राज्य शासन करत आहे.

१९१ विशेष श्रमिक ट्रेन

राज्याच्या विविध भागातून एक मे पासून १५ मे पर्यंत राज्यातील विविध स्टेशनवरून १९१ विशेष श्रमिक ट्रेनद्वारे या सर्वांना पाठविण्यात आले.

यात प्रामुख्याने उत्तर प्रदेश (११७), राजस्थान (९), बिहार (२६), कर्नाटक (३), मध्यप्रदेश (२१), जम्मू (२), ओरिसा (७), झारखंड (५), आंध्र प्रदेश (१) या नऊ राज्यांचा समावेश आहे.

भिवंडी ६, डहाणू १, कल्याण २, पनवेल १३, ठाणे ५, लोकमान्य टिळक टर्मिनस ३०, सीएसटी ३५, वसई रोड ७, पालघर ३, बोरिवली ९, वांद्रे टर्मिनस १८, अमरावती २, अहमदनगर २, मिरज ४, सातारा ४, पुणे १४, कोल्हापूर ९, नाशिक रोड ४, नंदुरबार ४, भुसावळ १, साईनगर शिर्डी २, जालना २, नागपूर ४, औरंगाबाद ६, नांदेड १, कुर्डूवाडी १, दौंड १ या स्टेशन वरून उपरोक्त श्रमिक विशेष ट्रेन सोडण्यात आल्या.

मुंबई, दि. 16 : स्पर्श गौरव सागरवेकर, वय वर्षे १२, गिरगावचा राहणारा,  खेळणीसाठी साठवलेले ३२५७ रुपये स्पर्शने मुख्यमंत्री सहायता निधीत जमा केले आणि बाल योद्धा म्हणून कोरोना विषाणूविरुद्धच्या लढ्यात आपला सहभाग नोंदवला. बालमनाला झालेला हा “मानवतेचा स्पर्श” मनाला खूप प्रोत्साहन देणारा, या युद्धाशी नेटाने लढण्यासाठी बळ देणारा असल्याचे मुख्यमंत्री उद्धव ठाकरे यांनी म्हटले आहे.

वाढदिवसाच्या निमित्ताने मिळालेल्या पैशातून स्पर्शने गरजूंना १०० किलो साखरेचे वाटप केल्याचेही त्याने कळवले आहे. अशी संस्कारक्षम मुले आणि त्यांना घडवणारे पालक यांचे कौतूक करावे तेवढे थोडेच आहे. या सहृदय मदतीबद्दल मी सर्वांचा मनापासून आभारी आहे, या बालभावनेला मला मनापासून सलाम करावा वाटतो, अशी प्रतिक्रिया मुख्यमंत्री उद्धव ठाकरे यांनी दिली आहे.

आतापर्यंत मुख्यमंत्री सहायता निधीत ३३८.११ कोटी रुपयांची रक्कम जमा झाली आहे.

सढळ हाताने मदत करा

राज्य शासन आज अनेक पातळीवर कोरोना विषाणूविरुद्ध लढत आहे अशा परिस्थितीत मुख्यमंत्री सहायता निधीत देणगीची रक्कम जमा करून शासनाला सहकार्य करणारे सर्व हात अनमोल आहेत. ज्यांना मुख्यमंत्री सहायता निधीत रक्कम जमा करून या कामात सहभागी व्हायचे आहे त्यांच्यासाठी मदत जमा करण्याबाबतची माहिती खालीलप्रमाणे आहे.

इंग्रजीत-

Chief Minister’s Relief Fund-COVID 19
Savings Bank Account number 39239591720
State Bank of India,
Mumbai Main Branch,
Fort Mumbai 400023
Branch Code 00300
IFSC CODE- SBIN0000300

मराठीत-

मुख्यमंत्री  सहाय्यता निधी-कोविड 19
बँकेचे बचत खाते क्रमांक- 39239591720
स्टेट बँक ऑफ इंडिया,
मुंबई मुख्य शाखा, फोर्ट, मुंबई 400023
शाखा कोड 00300
आयएफएससी कोड SBIN0000300

सदर देणग्यांना आयकर अधिनियम 1961 च्या 80 (G) नुसार आयकर कपातीतून 100 टक्के सूट देण्यात येते. या खात्यात सढळ हाताने मदत करावी, असे आवाहन मुख्यमंत्र्यांनी केले आहे.

मुंबई. महाराष्ट्रात कोरोना संसर्गाचा सर्वाधिक फटका पोलिसांना बसला आहे. राज्यात आतापर्यंत 1 हजार 140 पोलिस कर्मचाऱ्यांना कोरोनाची लागण झाली. आज 32 वर्षीय पोलिस अमोल कुलकर्णी यांचा कोरोनामुळे मृत्यू झाला. कोरोनामुळे मृत्यू झालेले ते सर्वात कमी वयाचे पोलिस कर्मचारी आहेत. त्यांच्या पश्चात पत्नी व 3 वर्षाची मुलगी आहे..

बाथरूममध्ये सापडला अमोल कुलकर्णी यांचा मृतदेह

मुंबई पोलिसांकडून सांगण्यात आले की, 32 वर्षीय सहायक पोलिस निरीक्षक अमोल कुलकर्णी यांचा आज राहत्या घरी मृत्यू झाला. शनिवारी कोरोनाचा रिपोर्ट येण्यापूर्वीच त्या अधिकाऱ्याचा घराच्या बाथरुममध्ये मृत्यू झाला. पोलिस अधिकाऱ्याचा मृतदेह त्यांच्या बाथरूममधून ताब्यात घेण्यात आला आहे. मिळालेल्या माहितीनुसार 13 मे रोजी अधिकाऱ्याची कोरोना चाचणी घेण्यात आली होती.

लक्षणे न दिसल्यामुळे सतत ड्यूटीवर होते तैनात

मुंबई पोलिसांनुसार, पोलिस अधिकाऱ्यात कोरोनाचे कोणतेही लक्षण दिसले नसल्याने त्यांना ड्यूटीवर तैनात करण्यात आले होते. त्यांची ड्यूटी साहूनगर पोलिस ठाण्यात होती. हा परिसर धारावी भागात येतो. अमोल कुलकर्णी यांच्या पश्चात पत्नी व 3 वर्षाची मुलगी आहे.

मागील 24 तासांत 79 पोलिसांना कोरोनाची लागण

महाराष्ट्रात आतापर्यंत 1140 पोलिस कर्मचाऱ्यांना कोरोनाची लागण झाली आहे. यामध्ये 120 अधिकारी आणि 1020 कर्मचारी आहेत. मागील 24 तासांत 79 पोलिस कर्मचारी कोरोनाच्या विळख्यात आले आहेत. महाराष्ट्र पोलिसांनुसार, राज्यात कोरोनामुळे आतापर्यंत 11 पोलिस कर्मचाऱ्यांचा मृत्यू झाला आहे.