शासनाने कोकणाच्या तोंडाला पाने पुसली
दापोली, मंडणगड येथील भागांची केली पाहणी
दापोली, दि.८:- निसर्ग वादळाच्या तडाख्याने कोकणची मोठी हानी झाली असून कोकणाला खऱ्या अर्थाने ताकद देण्याची आवश्यकता आहे. वादळाच्या तडाख्यामुळे येथील व्यवसाय, बागा, आंबा, नारळ, सुपारी,काजूंच्या बागा पूर्णपणे उद्ध्वस्त झाल्या आहेत. त्यामुळे कोकणातील उद्ध्वस्त झाडांना राष्ट्रीय महामार्गाच्या हद्दीत आलेल्या झाडांप्रमाणे मदत देण्यात यावी तसेच वादळामुळे उद्ध्वस्त झालेल्या प्रत्येक घराच्या मदतीत (स्टॅंडर्ड नॉर्म) प्रमाणित नियमांमध्ये तीन पटींची भर राज्य शासनाने घालून पूर्ण उद्ध्वस्त झालेल्या घरांना प्रत्येकी सुमारे तीन लाख रुपये आर्थिक मतद देण्यात यावी अशी आग्रही मागणी विधान परिषदेचे विरोधी पक्ष नेते प्रवीण दरेकर यांनी आज केली. तसेच शासनाने कोकणाला दिलेली मदत ही अत्यंत तुटपुंजी आहे. तुटपुंजी मदत देऊन शासनाने कोकणाच्या तोंडाला पाने पुसली आहेत. ही मदत उभारी देण्यासाठी काही कामाची नाही. याकरिता शासनाने कोकणाला जास्तीत जास्त वाढीव मदत द्यावी अशी मागणीही विरोधी पक्ष नेते दरेकर यांनी आज केली.
निर्सग चक्रिवादळाचा मोठा फटका रत्नागिरी जिल्ह्याला बसला आहे. जिल्ह्यातील मंडणगड, दोपोली तालुक्यांचे या चक्रिवादळात प्रचंड नुकसान झाले आहे. त्याची पाहणी करण्यासाठी विधानपरिषदेचे विरोधी पक्ष नेते प्रविण दरेकर यांनी आज रत्नागिरीचा दौरा केला. या दौऱ्यात आमदार भाई गिरकर, आमदार प्रसाद लाड, भाजपचे मुख्य प्रवक्ते माधव भंडारी माजी आमदार विजय नातू यांच्यासह जिल्हा उपाध्यक्ष केदार साठे, तालुकाप्रमुख मकरंद म्हादलेकर, श्रीराम इदाते, स्मिता जावकर, उदय जावकर, जया साळवी, इकबाल परकार आदी उपस्थित होते.उपस्थित होते. याप्रसंगी श्री.दरेकर यांनी दापोली तहसीलदार कार्यालय येथे शासकीय अधिका-यांसमवेत बैठक घेतली याप्रसंगी महसूल, पोलिस, कृषी, वैद्यकीय व विद्युत वितरणचे अधिकारी उपस्थित होते. या बैठकीत त्यांनी चक्रिवादळाच्या नुकसानीचा सविस्तर आढावा घेतला. या बैठीनंतर त्यांनी पत्रकारांशी संवाद साधला.
पत्रकारांशी संवाद साधताना श्री.दरेकर म्हणाले,निसर्ग वादळाच्या तडाख्याने उद्ध्वस्त झालेले एक झाड पुढील पंधरा ते वीस वर्षे उत्पन्न देणार होतं. हे झाड कोसळल्याने सुमारे १५ वर्षाचे नुकसान झाले आहे. त्यामुळे ज्या पद्धतीने कोल्हापुरात मदत करण्यात आली, त्याच धर्तीवर जनावर, झाड, घर यांचे नुकसान लक्षात घेऊन तशी मदत कोकणात देखील करावी. प्रत्येक आंब्याला किंवा झाडाला जसा आपल्या (नॅशनल हायवे) राष्ट्रीय महामार्ग हद्दीत झाड गेल्यानंतर भविष्यात पंधरा वर्षे ते झाड काय उत्पन्न देणारे होतं त्याचा आधारित मदत केली जाते त्याच प्रमाणे निसर्ग चक्रिवादळामुळे कोसळलेल्या झाडांना मदत द्यावी. तसेच या भागातील लाखो घरे पूर्णपणे उदध्वस्त झाली आहेत, त्या उद्ध्वस्त झालेल्या घरांसाठी स्टॅंडर्ड नॉर्म प्रमाणे रुपये ९० हजार देऊन चालणार नाही. तर त्या ठिकाणी प्रत्येक घराच्या मदतीत स्टॅंडर्ड नॉर्ममध्ये तीन पटींची अधिक भर राज्य शासनाने घालावी. पूर्ण उद्ध्वस्त झालेल्या घरांना प्रत्येकी सुमारे तीन लाख रुपये देण्यात यावे. त्यांचा अंतर्भाव पंतप्रधान आवास योजनेमध्ये होणे अपेक्षित असल्याने कोकणाला जी मदत देण्याची आवश्यकता आहे याबाबत अधिकाऱ्यांशी बैठक घेऊन इथले जनजीवन सुरळीत करण्यासाठी युद्धपातळीवर प्रयत्न करण्याच्या सूचना देण्यात आल्या आहेत. यासाठी जिल्हा प्रशासनाकडून जी मदत लागेल ती आम्ही मिळवून देऊ. तसेच राज्य शासनामार्फत जी तातडीची मदत द्यायची आहे ती मदतीसाठी आम्ही आग्रही राहू पण येथील नागरिकांचे विस्कळित झालेले जनजीवन लवकरात लवकर सुरळीत करावे अशी विनंतीही सरकाराला करण्यात येणार असल्याचे दरेकर यांनी स्पष्ट केले.
श्री.दरेकर यांनी सांगितले की, रत्नागिरी दौऱ्या दरम्यान निसर्ग चक्रिवादळाने प्रभावित झालेल्या वेगवेगळ्या गावांमध्ये जाऊन आढावा घेण्यात आला. हे करताना केवळ नाममात्र दौरा करून लोकांशी बोलायचे फोटो काढायचे आणि निघुन जायचे या दृष्टीने आम्ही आलो नाहीत. तर,कोकणाला निसर्ग वादळाने झोडपले असून येथील गावे उध्वस्त केली आहेत त्यासंदर्भात पाहणी करण्यासाठी आम्ही आलो आहोत.
वादळामुळे झालेल्या नुकसानाची पाहणी करण्यासाठी आम्ही एकत्रित फिरण्याऐवजी आमदार व भाजपा नेत्यांच्या नेतृत्वाखाली तीन ते चार लोकांचे पथक तयार करून अधिकाधिक गावांची पाहणी करून आढावा घेण्यात आला आहे. अशाप्रकारे जास्तीजास्त गावांपर्यंत पोहोचण्याचा आम्ही प्रयत्न करित आहोत, त्यामुळे मोठ्या प्रमाणावर गावकऱ्यांशी चर्चा करून वस्तुस्थिती समोर येईल. परिस्थितीचे गांभीर्य लक्षात आल्यावर या बांधवांना आणखी ताकदीने मदत करण्यात येईल. तसेच कोकणाला जास्तीत जास्त आर्थक मदत मिळवूनच देऊ व त्यासाठी शेवटपर्यंत पाठपुरावा करु असेही दरेकर यांनी ठामपणे सांगितले.
निसर्ग वादळाच्या तडाख्याने बाधित झालेल्या नुकसाग्रस्तांसाठी ७५ कोटींची घोषणा करण्यात आली ती अत्यंत तुटपुंजी आहे. रायगडला १०० कोटी देण्यात आले आहेत पण त्यापेक्षाही जास्त नुकसान रत्नागिरी आणि सिंधुदुर्ग जिल्ह्याचे झाले आहे. त्यामुळे २५ आणि ७५ कोटींची मदत दाढेलाही पुरणार नाही अशी टीका करताना श्री दरेकर म्हणाले, चक्रिवादळाच्या तडाख्यात अनेक गावांचे नुकसान झालं आहे आणि जे अधिक प्रमाणात ग्रासले आहेत त्यामध्ये हरणे, तांझ, अंजर्ली या गावांची पाहणी करण्यात आली. त्याचबरोबर आमदार भाई गिरकर यांनी लाटघर,करंजगाव, तामसतीर्थ या गावांची पाहणी केली . तर आमदार प्रसाद लाड यांनी मुरुड, पालंदे या गावांना भेटी दिल्या. त्यानंतर आमची तीन पथके मंडणगडला एकत्रित येऊन तेथील परिस्थितीतचा आढावा घेण्यात आला. विरोधी पक्षाचा हा दौरा म्हणजे केवळ दिखावा करायचा नाही. तर या ठिकाणच्या वादळग्रस्त लोकांना दिलासा तात्काळ देण्याची आवश्यकता आहे तो देण्याचा प्रयत्न करणार असल्याचे श्री दरेकर यांनी स्पष्ट केले.
भारतीय जनता पक्षाच्या वतीने मोठ्या प्रमाणावर सेवा कार्य करण्याता येत आहे. कोकणातील लोकांना घरांचे पत्रे, कौल ,अन्नधान्य त्याचबरोबर दिव्यांची व्यवस्था उद्या पर्यंत पोहोचणार आहे. तहसीलदार नुकसानीच्या खर्चाचा अधिकृत आकडा घेऊन आमच्या स्वयंसेवी कार्यकर्त्यांच्या माध्यमातून सेवाकार्य मोठ्याप्रमाणावर करून इथल्या जनतेला दिलासा देण्याचा प्रयत्न सुरू आहे. निसर्ग चक्रिवादळ आले तेव्हा विरोधी पक्ष नेत्या या नात्याने सर्वप्रथम अलिबाग रायगड येऊन तेथील परिस्थितीचा आढावा घेतला. येथील परिस्थितीची तीव्रता लक्षात आल्यावर सरकारचे लक्ष वेधलं. त्यामुळे दुसऱ्याच दिवशी राज्याच्या मुख्यमंत्र्यांना अलिबागला यावे लागले. अशाप्रकारे विरोधी पक्ष म्हणून या विषयाचं गांभीर्य लक्षात घेत कोकणसाठी आवश्यक उपाययोजनांची आग्रही मागणी करतोय. या मागणीची पूर्तता व्हावी म्हणून आमचे सात ते आठ आमदार या ठिकाणच्या तालुक्यांमध्ये ठाण मांडून बसणार आहेत. अशाप्रकारे कोकणवासीयांना दिलासा देण्याचा प्रयत्न दौऱ्याच्या माध्यमातून राहणार असल्याचे श्री दरेकर यांनी स्पष्ट केले.

नवी दिल्ली. देशात अनलॉक-१ ला ७ दिवस पूर्ण झाले आहेत. ७५ दिवसांनंतर सोमवारपासून हॉटेल, रेस्टोरंट, शॉपिंग सेंटर, आर्थिक कारभारासह धार्मिक विधी सुरू होतील. केंद्राचे दिशानिर्देश मिळताच दिल्ली, गुजरातसह १७ राज्ये-केंद्रशासित प्रदेशांत सोमवारी कंटेनमेंट झोनबाहेरील मॉल सुरू होतील. महाराष्ट्रात अद्याप मॉल उघडण्यास परवानगी नाही. केरळात मंगळवारी मॉल उघडतील.

९ राज्यांनी मॉल सुरू करण्याबाबत निर्णय घेतलेला नाही. ७ राज्ये-केंद्रशासित प्रदेशांत जूनमध्ये मॉल बंदच राहतील. पूजा-उपासना होत असलेली ८२० स्मारके सोमवारपासून सुरू करण्याची घोषणा सांस्कृतिक मंत्रालयाने केली. सर्वाधिक १११ स्मारके यूपीत सुरू होतील, तर कर्नाटकात ७५, महाराष्ट्रात ६५, मध्य प्रदेशात ६०, गुजरातेत ७७ स्मारक स्थळे सुरू होतील. या स्थळावर पूजा-उपासनेसाठी संख्या निर्धारित राहील व मास्क आवश्यक राहील. देशात पुरातत्व विभाग ३६९१ स्मारके-स्थळांचे संरक्षण करतो.

या राज्यांतील मॉल सुरू होणार

शॉपिंग सेंटर्स असोसिएशनचे अध्यक्ष अमिताभ तनेजा यांच्या मते, सोमवारपासून आंध्र प्रदेश, मध्य प्रदेश, आसाम, बिहार, चंदिगड, दिल्ली, गोवा, गुजरात, प. बंगाल, उत्तराखंड, यूपी, तेलंगण, राजस्थान, पंजाब, पुद्दुचेरी, कर्नाटक व हरियाणातील मॉल सुरू होतील. पंजाबमध्ये मॉलसाठी टोकन पद्धत लागू राहणार आहे.

या राज्यांत निर्णय नाही : हिमाचल प्रदेश, अरुणाचल प्रदेश, छत्तीसगड, जम्मू-कश्मीर, नागालँड, मिझोराम, सिक्कीम आणि त्रिपुरा राज्य.

या राज्यांत ३० जूनपर्यंत बंद राहतील मॉल : महाराष्ट्र, झारखंड, मणिपूर, मेघालय, ओडिशा, तामिळनाडू, दमण-दीव या राज्यांत या महिन्यात मॉल बंद राहतील.

केंद्र सरकारची एसओपी : एसीचे तापमान २४ अंशांपेक्षा कमी ठेवता येणार नाही, मंदिरात घंटा वाजवण्यास बंदी

हॉटेल : डिजिटल पेमेंट होईल : स्पर्शाविना चेक-इन आणि चेक-आऊटची व्यवस्था करावी लागेल. खोल्यात ठेवण्यापूर्वी सर्व सामान निर्जंतुक केले जाईल.

मॉल : एसी २४ ते ३० अंश, आर्द्रता ४० ते ७० % ठेवावी लागेल. एलिव्हेटरवर मर्यादित संख्या निश्चित करावी लागेल. फूड कोर्टमधील निम्मी आसने रिकामी राहतील.

– मास्कविना पूजास्थळी प्रवेश नाही. मूर्ती-ग्रंथांना स्पर्श करता येणार नाही. घंटा वाजवण्यावर बंदी. बसून पूजा करण्यासाठी घरातून चटई न्यावी लागेल. प्रसाद, तीर्थ शिंपडण्यावर बंदी.

रेस्तराँमध्ये बसून खाण्याऐवजी टेक अवेला उत्तेजन. होम डिलिव्हरी करणारे पार्सल दारात ठेवतील. त्यांच्या प्रवेशाच्या वेळी थर्मल स्क्रीनिंग केली जाईल.

मुंबई, दि. ७ : 15 मे 2020 पासून ग्राहकांना घरपोच मद्यविक्री सेवा देण्यात येत आहे. 15 मे 2020 ते 7 जून 2020 या काळात 10 लाख 78 हजार 121 ग्राहकांना घरपोच मद्यविक्री करण्यात आली. आज दिवसभरात 68 हजार 442 ग्राहकांना घरपोच मद्यविक्री सेवा देण्यात आली. यापैकी मुंबई शहर आणि मुंबई उपनगरात 39 हजार 473 ग्राहकांना घरपोच मद्यविक्री सेवा देण्यात आल्याची माहिती राज्य उत्पादन शुल्क आयुक्त कांतीलाल उमाप यांनी दिली.

मद्यविक्रीसाठी सशर्त मंजुरी दिल्यानंतर, राज्यात एकूण 10,791 किरकोळ मद्य विक्री अनुज्ञप्ती पैकी 7,710 अनुज्ञप्ती सुरू आहेत. राज्य शासनाने 3 मे, 2020 पासुन लॉकडाऊन कालावधीत सीलबंद मद्यविक्री सुरु करण्याबाबत मार्गदर्शक तत्वे जारी केलेली आहे. राज्यात दि.15-05-2020 पासून घरपोच मद्यविक्री योजनाअंमलात आली असून ग्राहकांना घरपोच मद्यविक्री सेवा देण्यात येत आहे. राज्य उत्पादन शुल्क विभागाने तयार केलेल्या https://aaplesarkar.mahaonline.gov.in या संकेतस्थलावरऑनलाईन मद्यसेवन परवाना प्राप्त करण्याची सुविधा उपलब्ध केली आहे. 1 मे 2020 ते 31 मे 2020 या काळात 1 लाख 20 हजार 547 ग्राहकांनी मद्यसेवन परवाने मिळवण्यासाठी अर्ज केले होते; यापैकी 1 लाख 10 हजार 763 ग्राहकांना परवाने मंजूर करण्यात आले आहे.

ऑनलाईन मद्यसेवन परवाना घेताना येत असलेल्या सर्व तांत्रिक अडचणींची सुधारणा करण्यात आली असून आता इच्छुक व्यक्ती संगणक, लॅपटॉप, ॲड्रॉइड फोन, तसेच IOS प्रणालीव्दारे ऑनलाईन परवाने घेऊ शकतात. तसेच कोणाला ऑनलाईन परवाना घ्यायाचा नसेल तर राज्य उत्पादन शुल्क विभागाच्या सर्व अधीक्षक/निरीक्षक/दुय्यम निरीक्षकांच्या कार्यालयात दररोज मद्यसेवन परवाने Offline पध्दतीने सुध्दा उपलब्ध आहेत. सदर मद्यसेवन परवाने एक वर्षाकरिता रु.100/- किंवा आजीवन परवान्याकरिता रु.1,000/- एवढे शुल्क अदा करुन मिळू शकतात.

दि.24 मार्च, 2020 पासुन राज्यात लॉकडाऊन सुरु आहे.महाराष्ट्र राज्यात शेजारील राज्यांमधुन होणारी अवैध मद्य तस्करी रोखण्यासाठी सर्व विभागीय उप आयुक्त तसेच संबंधित अधीक्षकांनी नाकाबंदी केली असून 12 सीमा तपासणी नाक्यांवर विभागातील अधिकारी/कर्मचारी तैनात आहेत. दि.7 जून 2020 रोजी राज्यात 82 गुन्हे नोंदविण्यात आलेअसून 41 आरोपींना अटक करण्यात आली असून 17 लाख 34 हजार रूपये किंमतीचा एकूण मुद्देमाल जप्त करण्यात आला आहे.

दि.24 मार्च, 2020 पासून दि.7 जून 2020 पर्यंत लॉकडाऊन काळात राज्यात एकूण 7,452  गुन्हे नोंदविण्यात आले असून 3,450 आरोपींना अटक करण्यात आली आहे. 675 वाहने जप्त करण्यात आली असून 18 कोटी 99 लाख रुपये किंमतीचा एकूण मुद्देमाल जप्त करण्यात आला

विरोधी पक्ष नेते प्रवीण दरेकर
औरंगाबाद जिल्ह्यातील कोरोना परिस्थितीचा घेतला आढावा
औरंगाबाद :- कोरोनाच्या काळात राज्य सरकारने कोरोना पॉझिटिव्ह रुग्णांना महात्मा फुले जनारोग्य योजनेतंर्गंत समाविष्ट करण्यात येईल असा निर्णय घेतला होता .मात्र,प्रत्यक्षात तसे घडले नसून सर्व सामान्य गोरगरीब जनतेला लाखोंची अवाजवी बिल देऊन त्यांची लूट केली जात आहे. सर्वसामान्य जनतेवर अन्याय होत असून ज्या रुग्णांनी २५ हजार पासून १० लाख ते १५ लाख रक्कमेची बिल भरली आहेत त्यांच्या बिलांची (रिअम्बर्समेंट) परतफेड तातडीने व्हावी अशी स्पष्ट भूमिका विधान परिषदेचे विरोधी पक्ष नेते प्रवीण दरेकर यांनी मांडली. तसेच खाजगी रुग्णालयांमध्येही कोरोनाच्या रुग्णांकडून लूट करून जी बिले वसूल केली आहेत ती बिले राज्य शासनाने परत करावी यासाठी आम्ही टोकाचा आग्रह धरणार असून प्रसंगी आंदोलन करावे लागले तरीही रस्त्यावर उतरु असा जोरदार पवित्रा दरेकर यांनी आज औरंगाबाद मध्ये दिला.
कोरोनाच्या पार्श्‍वभूमीवर औरंगाबाद हे संवेदनशील शहर म्हणून समोर आहे. तरी,कोरोनाची परिस्थिती व उपाययोजना पुरेशा आहेत का, रूग्णालय उपलब्ध आहेत का, रुग्णालयांमध्ये व्हेंटिलेटर, ऑक्‍सिजन मनुष्यबळ आहे का याची तपशीलवार माहिती घेण्यासाठी श्री. दरेकर यांनी आज औरंगाबाद जिल्हाधिकारी कार्यालयात औरंगाबाद जिल्हाधिकारी, आयुक्त, वैद्यकीय अधिकारी यांच्याशी सविस्तर बैठक घेऊन चर्चा केली व आढावा घेतला.
त्यानंतर दरेकर यांनी पत्रकरांशी संवाद साधला. यावेळी माजी विधानसभा अध्यक्ष हरिभाऊ बागडे, राज्यसभा खासदार डॉ.भागवत कराड, माजी मंत्री अतुल सावे, आमदार प्रशांत बंब, प्रदेश प्रवक्ते शिरिष बराळकर, शहर जिल्हाध्यक्ष संजय केणेकर,ग्रामीण अध्यक्ष विजय अवताडे सरचिटणीस विजय औटी, अल्पसंख्याक उपाध्यक्ष इजाद देशमुख, जिल्हाउपाध्यक्ष संजय अंबाळे आदी पदाधिकारी उपस्थित होते.
दरेकर यांनी यावेळी कोरोनाच्या परिस्थितीमध्ये केंद्र सरकारने काय केले याचा लेखाजोखा आणि तपशीलवार आकडेवारी जाहीर केली. दरेकर म्हणाले की, कोरोनाचाप्रत्येक रुग्ण हा महात्मा फुले जन आरोग्य योजने मध्ये समाविष्ट केला जाईल असे राज्य सरकारने जाहीर केले होते. तरी खाजगी रुग्णालय अवाजवी पैसे आकारतात. त्या पार्श्वभूमीवर मुंबई शेकडो उदाहरणे देता येतील. मुंबईमधील बोरिवली येथे सलीम शेख नावाच्या कोरोना पॉझिटिव्ह रुग्णाला ९ लाख ६० हजार रुपयांचे बिल तर कांदिवली येथील रुग्णाला पावणे दोन लाखांचे बिल आकारण्यात आले. सामान्य लोक हे बिल भरू शकत नाहीत. ही परिस्थिती केवळ मुंबईत नसून ठाणे, नगर आणि औरंगाबाद येथेही निदर्शनास आली आले. हा सर्वसामान्यांवर केलेला अन्याय आहे. तरी, यापुढे जे खासगी रुग्णालयात जातील त्यांना तात्काळ जेथे ॲडमिट आहेत तेथे जन आरोग्य योजनेअंतर्गत उपचार करण्यात यावेत किंवा स्पेशल इंडिव्हिज्युअल केस म्हणून जन आरोग्य मध्ये सामावून घ्यावे, अशी मागणी शासनाकडे करणार असल्याचे श्री दरेकर यांनी स्पष्ट केले.
याप्रसंगी दरेकर यांनी सांगितले की, औरंगाबाद येथे मनुष्यबळाचा अभाव आहे. जाहिराती देऊनही डॉक्टर उपलब्ध होत नाही. मुंबईला डॉक्टरांना जास्त पैसे दिले जातात तरी यासाठी शासनाला प्रस्ताव पाठविण्याची सूचना दरेकर यांनी दिल्या.
सामना वृत्तपत्रामधून विरोधी पक्षावर वारंवार टीका होते. याबाबत बोलताना दरेकर म्हणाले, संजय राऊत हे चर्चेत राहण्यासाठी काय बोलतील आणि काय अग्रलेख लिहितील याचा नेम नाही. ते कधी राज्यपालांवर टीका करतात नंतर तेच जाऊन राज्यपाल चांगले व्यक्तिमत्व आहेत सांगून त्यांचे कौतुक करतात व त्यांना नमस्कारही करतात. तसेच पंतप्रधान नरेंद्र मोदी यांच्यावर टीका करून त्यांचीही प्रशंसा करतात, त्यामुळे त्यांच्या बोलण्याकडे फार लक्ष देऊ नये.हा प्रकार केवळ लक्ष विचलित करण्यासाठी होत असल्याचेही त्यांनी सांगितले.
राज्यात आज कोरोनाग्रस्तांची संख्या वाढत असून मृत्यू दरही वाढतोय.रुग्णांचा कधी रुग्णवाहिका नसल्याने मृत्यू होतो, तर रुग्णालयाच्या दारात नेल्यावर ऑक्सिजन लावायला बेड नसल्याने मृत्यू होतो तर कधी व्हेंटिलेटर नसल्याने रुग्ण दगावतो. केवळ व्यवस्था उभी नाही म्हणून बऱ्याच अंशी मृत्यू झाल्याचे लक्षात येते. अशाप्रकारे,मुंबईतील वाढत्या कोरोना प्रादूर्भावला प्रशासनाचा हेळसांडपणा आणि निष्काळजीपणा कारणीभूत आहे. राज्य सरकार कोरोनाचे खरे आकडे लपवित असल्याचा आरोपही दरेकर यांनी केला. आकडे लपविण्याच्या नादात आज लोकांचे जीव जात आहेत. धारावीत आजही कोरोना रुग्णांची संख्या मोठ्या प्रमाणात आहे. पण सरकार कोरोनाच्या तपासणींची संख्या कमी करित आहेत, त्यामुळे बाधितांच्या संख्येत वाढ होत असल्याचेही त्यांनी स्पष्ट केले.
महाविकास सरकारमध्ये विसंवाद असून सरकारमधील तीन पक्षात एकमत नाही त्यांनी कधीही सामुदायिक बसून चर्चा केलेली नाही किंवा विरोधी पक्षाला विश्वासात घेतले नाही त्यामुळेच राज्यात ही कोरोनाची परिस्थिती अधिक गंभीर झाल्याचेही त्यांनी नमूद केले.
कोरोनाची परिस्थिती हाताळताना केंद्र सरकारने काय केली अशी ओरड होत असून त्यावर बोलताना दरेकर म्हणाले,पंतप्रधान मोदी यांच्या नेतृत्वाखाली देशाला एक खंबीर प्रधानमंत्री लाभला.कोरना सारखे संकट देशात आले असताना आज देश मोदींच्या शब्दावर आणि नेतृत्वावर विश्वास ठेवून ताकदीने उभा आहे. त्यांच्या नेतृत्वात हा देश या संकटातून बाहेर येईल. आत्मनिर्भर या संकल्पनेच्या माध्यमातून देश पुन्हा उभा राहील असा विश्वास त्यांनी व्यक्त केला.
देशातील आर्थिक व्यवस्थेच्या दृष्टिकोनातून उद्योग धंदा हा महत्त्वाचा मुद्दा आहे. म्हणूनच एमएसएमइ च्या माध्यमातून सूक्ष्म, मध्यम, लघु उद्योगांसाठी भरीव मदत करण्यात आली आहे. साधारणतः ३ लाख कोटींचे भांडवल उभे करण्यात आले असून ५० हजार कोटींची तरतूद केली आहे.त्यामुळे देशातील उद्योगधंदे सुरळीत करण्यासाठी एमएसएमइ च्या माध्यमातून उद्योगधंद्यांना मोठ्याप्रमाणावर दिलासा आणि आधार देण्यात आला आहे. छोटे उद्योगधंदे करणाऱ्यांना दहा हजार देण्यात येणार आहेत. अशाप्रकारे विविध उपाययोजना आखून अर्थव्यवस्थेचा गाडा सुरळीत करण्यासाठी व दिलासा देण्यासाठी जी काही गरज आहे ती मदत आणि दिलासा देण्याचे काम केंद्र सरकारने केल्याचेही श्री.दरेकर यांनी स्पष्ट केले.
पंतप्रधान नरेंद्र मोदी यांच्या दुसऱ्या कार्यकाळातील एक वर्षपूर्ती निमित्ताने पक्षाच्या सर्व सदस्यांनी पक्षाने केलेल्या कार्याची माहिती देण्यासाठी कार्यक्रम आखला आहे. त्याची माहितीही दरेकर यांनी यावेळी दिली. कोरोनाचा प्रभावी मुकाबला, प्रधानमंत्री गरीब कल्याण योजनेची यशस्वी अंमलबजावणी, आत्मनिर्भर भारतासाठी कल्पक उपाययोजना आणि देशातील अनेक दशकांच्या समस्या सोडविणारे ऐतिहासिक निर्णय हे या वर्षाचे वैशिष्ट्य आहे, असेही प्रविण दरेकर यांनी सांगितले.
घाटी रुग्णालयाची केली पाहणी
विधानपरिषदेचे विरोधी पक्ष नेते प्रविण दरेकर यांनी आज औरंगाबाद येथील घाटी रुग्णालयाला भेट दिली. रुग्णालयातील कोरोना सेंटरची पाहणी केली. तेथील वैदयकीय व्यवस्थेचा सविस्तर आढावा घेतला.