पुणे, दि.10: जिल्हाधिकारी नवल किशोर राम व जिल्हा पोलीस अधीक्षक (ग्रामीण) संदीप पाटील यांनी आज दौंड येथील गोवा गल्ली व सिंधी गल्ली प्रतिबंधित क्षेत्राची पाहणी केली. तसेच कोरोना प्रतिबंधासाठी नगरपरिषदेच्या वतीने करण्यात आलेल्या उपाययोजनांची माहिती घेतली.

यावेळी विलगीकरण कक्ष, नागरिकांसाठी देण्यात आलेल्या सेवा- सुविधा, भोजन सुविधा याबाबतची सविस्तर माहिती जिल्हाधिकारी श्री. राम यांनी घेतली. तसेच येथील कोरोना परिस्थितीबाबत महसूल, पोलीस विभाग व वैद्यकीय अधिकाऱ्यांसोबत चर्चा केली.

श्री. राम म्हणाले, कोरोना नियंत्रणासाठी सोशल डिस्टनसिंगची व स्वच्छतेच्या खबरदारीची प्रभावी अंमलबजावणी करावी, तसेच कोरोना बाधितांच्या संख्येत वाढ होवू नये, यासाठी संबंधित अधिकाऱ्यांनी आवश्यक ती दक्षता घ्यावी. प्रतिबंधित क्षेत्रातील ज्येष्ठ नागरिक, उच्च रक्तदाब, श्वसनाचे विकार असणाऱ्या नागरिकांची माहिती अद्ययावत करुन त्यांच्या तपासणीवर भर देऊन अधिक काळजी घ्यावी, असे श्री. राम यांनी सांगितले. नागरिकांनी देखील स्वयंशिस्त पाळण्याबरोबरच मास्क, सॅनिटायझर, हॅन्ड ग्लोज चा वापर व सोशल डिस्टनसिंग पाळून कोरोनवर मात करावी, असे आवाहन श्री. राम यांनी नागरिकांना केले.

दौंड तालुक्यात आजपर्यंत आढळलेले संशयित रुग्ण, बाधित रुग्ण, स्वॅब टेस्टिंग, नागरिकांना उपलब्ध करून देण्यात आलेल्या सुविधा, कॉन्टॅक्ट ट्रेसिंग, सर्वेक्षण, जनजागृती अशा विविध स्वरूपाच्या करण्यात आलेल्या कामकाजविषयी त्यांनी माहिती घेतली.

यावेळी पोलीस उप अधीक्षक ऐश्वर्या शर्मा, उपविभागीय अधिकारी प्रमोद गायकवाड, तहसीलदार संजय पाटील, वैद्यकीय अधीक्षक डॉ. संग्राम डांगे व अन्य संबंधित विभागाचे अधिकारी, कर्मचारी उपस्थित होते.

पुणे विभागातील 8 हजार 198 कोरोना बाधित रुग्ण बरे होऊन घरी
विभागात कोरोना बाधित 13 हजार 28 रुग्ण
-विभागीय आयुक्त डॉ.दीपक म्हैसेकर

पुणे दि. 10 :- पुणे विभागातील 8 हजार 198 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 13 हजार 28 झाली आहे. तर ॲक्टीव रुग्ण 4 हजार 221 आहे. विभागात कोरोनाबाधीत एकुण 609 रुग्णांचा मृत्यू झाला आहे. तसेच 277 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बऱ्या होणा-या रुग्णांचे प्रमाण 62.93 टक्के आहे, अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 10 हजार 81 बाधीत रुग्ण असून कोरोना बाधित 6 हजार 380 रुग्ण बरे होवून घरी गेले आहेत. ॲक्टीव रुग्ण संख्या 3 हजार 259 आहे. कोरोनाबाधित एकूण 442 रुग्णांचा मृत्यू झाला आहे. तसेच 250 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये ब-या होणा-या रुग्णांचे प्रमाण 63.29 टक्के आहे.
कालच्या बाधीत रुग्णांच्या संख्येच्या तुलनेत पुणे विभागात बाधीत रुग्णांच्या संख्येमध्ये एकूण 366 ने वाढ झाली आहे. यामध्ये पुणे जिल्ह्यात 230, सातारा जिल्ह्यात 20, सोलापूर जिल्ह्यात 107, सांगली जिल्ह्यात 04 तर कोल्हापूर जिल्ह्यात 5 अशी रुग्ण संख्येमध्ये वाढ झालेली आहे.
सातारा जिल्हयातील 669 कोरोना बाधीत रुग्ण असून 401 बाधित रुग्ण बरे होवून घरी गेले आहेत. ॲक्टीव रुग्ण संख्या 240 आहे. कोरोनाबाधित एकूण 28 रुग्णांचा मृत्यू झाला आहे.
सोलापूर जिल्हयातील 1 हजार 410 कोरोना बाधीत रुग्ण असून 792 बाधित रुग्ण बरे होवून घरी गेले आहेत. ॲक्टीव रुग्ण संख्या 493 आहे. कोरोना बाधित एकूण 125 रुग्णांचा मृत्यू झाला आहे.
सांगली जिल्हयातील 176 कोरोना बाधीत रुग्ण असून 97 बाधित रुग्ण बरे होवून घरी गेले आहेत. ॲक्टीव रुग्ण संख्या 73 आहे. कोरोना बाधित एकूण 6 रुग्णांचा मृत्यू झाला आहे.
कोल्हापूर जिल्हयातील 692 कोरोना बाधीत रुग्ण असून 528 बाधित रुग्ण बरे होवून घरी गेले आहेत. ॲक्टीव रुग्ण संख्या 156 आहे. कोरोना बाधित एकूण 8 रुग्णांचा मृत्यू झाला आहे.
आजपर्यत विभागामध्ये एकुण 1 लाख 5 हजार 552 नमूने तपासणीसाठी पाठविण्यात आले होते, त्यापैकी 1 लाख 1 हजार 575 नमुन्यांचा अहवाल प्राप्त झाला आहे. तर 3 हजार 977 नमून्यांचा अहवाल प्रतीक्षेत आहे. प्राप्त अहवालांपैकी 88 हजार 345 नमून्यांचा अहवाल निगेटीव्ह असून 13 हजार 28 चा अहवाल पॉझिटिव्ह आहे.(टिप : – दि. 10 जून 2020 रोजी दुपारी 3.00 वा.पर्यंतच्या आकडेवारीनुसार)

पुणे दि. 10: कोरोनाच्या वाढत्या संसर्गाच्या पार्श्वभूमीवर पुणे शहराबरोबरच जिल्हयातील ग्रामीण भागातील रुग्णांच्या नमुना तपासणी करणाऱ्या शासकीय व खाजगी प्रयोगशाळांनी कोविड-19 ची नमुना तपासणीची क्षमता वाढविण्यावर भर द्यावा अशा, सूचना विभागीय आयुक्त डॉ.दीपक म्हैसेकर यांनी आज दिल्या.
राष्ट्रीय विषाणू विज्ञान संस्था पुणे येथे विभागीय आयुक्त डॉ. म्हैसेकर यांनी भेट देवून कोरोना विषाणू संसर्ग प्रतिबंधात्मक उपाययोजनाबाबत संस्थेच्या डॉक्टरांसमवेत आढावा बैठक घेतली. त्यावेळी ते बोलत होते. यावेळी राष्ट्रीय विषाणू विज्ञान संस्थेच्या संचालिका डॉ.प्रिया ॲब्राहम, शीतज्वर विभागाच्या विभागप्रमुख डॉ. वर्षा पोतदार, वैज्ञानिक डॉ. मनोहर चौधरी, डॉ. सुमित भारद्वाज यावेळी उपस्थित होते.
विभागीय आयुक्त डॉ.दीपक म्हैसेकर म्हणाले, जिल्हयातील वाढत्या कोरोना संसर्गाच्या पार्श्वभूमीवर खासगी आणि शासकीय प्रयोगशाळांमध्ये मोठया प्रमाणात कोविड-19 नमुना तपासणीसाठी येत असतात त्या नमुना तपासणीचा रिपोर्ट वेळेत प्राप्त होण्यासाठी सर्वांनी प्रयोगशाळांची क्षमता वाढविण्यावर भर द्यावा. तसेच नमुना तपासणीचे काम करत असतांना योग्य ती दक्षता घेतली गेली पाहिजे. प्रयोगशाळांसाठी पुरेसे मनुष्यबळ, आवश्यक ते वैद्यकीय साहित्य कमी पडत असल्यास तातडीने जिल्हा प्रशासनाकडे याबाबत प्रस्ताव सादर करावेत. आपणास आवश्यक त्या सोयी सुविधा पुरविण्याकरीता प्रशासन सहकार्य करेल, असेही श्री. म्हैसेकर यांनी सांगितले आणि आतापर्यंत करण्यात आलेल्या नमुना तपासणीबाबतची माहिती घेतली.
राष्ट्रीय विषाणू विज्ञान संस्थेतील कोविड-19 ची नमुना तपासणी करणाऱ्या प्रयोगशाळेची पहाणी डॉ.म्हैसेकर यांनी केली. यावेळी वैद्यकीय अधिकारी, कर्मचारी उपस्थित होते.

पुणे – फसवणूक व अपहाराच्या गुन्हामध्ये अटक न करण्यासाठी एका वृद्ध नागरीकाकडुन 70 लाख रुपये खाल्ले. शिवाय सुमारे दीड कोटीचा त्याचा फ्लैट बळकाविला, त्यानंतरही त्याला अटक करून टेम्भा मिरवीणाऱ्या पी आय रौफ शेख ला पोलिस आयुक्तांनी,आणि उपायुक्त संभाजी कदम यांनी चौकशी करून जेल चा रस्ता दाखविला, या प्रकरणी खडकी पोलिस ठाण्यात मंगळवारी रात्री गुन्हा दाखल करण्यात आला. त्यानंतर खडकी पोलिसांनी शेख यास मंगळवारी रात्री उशिरा अटक केली.पुणे शहर पोलीस दलातील एका वरिष्ठ पोलीस निरीक्षकाला अटक करण्यात आल्याने मोठी खळबळ उडाली आहे. सध्या हा पी आय विशेष शाखेत कार्यरत होता.

पोलिसातील माहितीनुसार, यातील तक्रारदार यांच्यावर 2017 मध्ये बंडगार्डन पोलीस ठाण्यात फसवणूकीचा गुन्हा दाखल आहे. या गुन्ह्यात त्यांना अटक झाली नव्हती.या गुन्ह्याचा तपास सायबर व आर्थिक गुन्हे शाखेकडे होता. तो गुन्हा वरिष्ठांच्या आदेशानुसार रौफ शेख यांच्याकडे तपासासाठी देण्यात आला होता. मात्र यावेळी रौफ शेख यांनी या गुन्ह्यातील आरोपी आणि आताचे तक्रारदारास अटक न करण्यासाठी त्यांच्याकडून 70 लाख रुपये आणि खडकी परिसरातील जवळपास दीड कोटी रुपयांचा फ्लॅट मागितला. त्यांनी पैसे घेतले आणि फ्लॅटचा ताबा देखील घेतला. मात्र त्यांनतर देखील तक्रारदारास रौफ शेख यांनी अटक केली. तक्रारदार अटक झाले. त्यांना न्यायालयीन कोठडी मिळाली. यानंतर दोन महिन्यांनी त्यांना जामीन मिळाला.

त्यानंतर हे तक्रारदार थेट पोलीस आयुक्त डॉ के. व्यंकटेशम यांच्याकडे गेले आणि त्यांनी दोन पाणी अर्ज लिहून सर्व हकीकत सांगितली. त्यावेळी आयुक्तांनी तात्काळ रौफ शेख यांच्या चौकशीचे आदेश दिले. सायबर व आर्थिक गुन्हे शाखेचे पोलीस उपायुक्त संभाजी कदम यांचायकडे ही अर्ज चौकशी गेल्या 4 महिन्यापासून सुरू होती. त्यानुसार त्यांनी 70 लाख आणि फ्लॅट घेतल्याचे निष्पन्न झाले. त्यानुसार रौफ शेख यांच्यावर गुन्हा दाखल करून त्यांना अटक करण्यात आली आहे.
दरम्यान या घटनेमुळे पोलीस दलात मोठी खळबळ उडाली आहे.

पुणे दि.9:- कोरोना विषाणुच्या अनुषंगाने ज्या परिसरात नव्याने कोविड-19 चे बाधीत रुग्ण आढळून येतील त्या भागात तात्काळ प्रतिबंधित क्षेत्र घोषित करावे, असे निर्देश जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष नवल किशोर राम यांनी दिले.
आपत्ती व्यवस्थापन कायदा 2005 मधील कलम 25 अन्वये जिल्हा आपत्ती व्यवस्थापन प्राधिकरणाची स्थापना करण्यात आलेली आहे. या त्यातील पोटकलम २(अ) नुसार जिल्हाधिकारी हे उक्त प्राधिकरणाचे पदसिध्द अध्यक्ष आहेत.
राज्य शासनाने कोरोना विषाणूचा प्रादुर्भाव रोखण्यासाठी राज्यात साथरोग प्रतिबंधात्मक कायदा 1897 दिनांक 12 मार्च 2020 पासून लागू करुन 2,3 व 4 मधील तरतुदीची अंमलबजावणीसाठी अधिसूचना निर्गमित केलेली आहे. तसेच ज्या परिसरात नव्याने कोविड-19 ये बाधीत रुग्ण आढळून येतील. त्या भागात तात्काळ प्रतिबंधित क्षेत्र घोषित करण्याबाबत निर्देशित करण्यात आलेले आहे.
सद्यस्थितीत पुणे जिल्हयात उपविभागीय अधिकारी तथा इन्सिडंट कमांडर यांचे मार्फत कोरोना विषाणू बाधित भागात प्रतिबंधित क्षेत्र किंवा सुक्षम प्रतिबंधित क्षेत्र घोषित करण्यात येत आहे. प्रतिबंधित क्षेत्र घोषित करताना परिसरात 1 किंवा 2 रुग्ण आढळले असताना संपूर्ण परिसर प्रतिबंधित क्षेत्र घोषित करण्यात घेत आहे. त्यामुळे त्या परिसरातील उद्योग व औद्योगिक आस्थापना देखील बंद करण्यात येत आहेत असे निदर्शनास येत आहे.
तरी सर्व उपविभागीय अधिकारी तथा इन्सिडंट कमांडर यांना सूचित करण्यात येते की, त्यांच्या कार्यक्षेत्रात प्रतिबंधित क्षेत्र घोषित करताना 1 किंवा 2 रुग्ण आढळून आल्यास त्या परिसरातील उद्योग व औद्योगिक आस्थापना बंद करण्यात येऊ नयेत. सोसायटी मध्ये रुग्ण आढळला असल्यास, सोसायटी मधील परिसर प्रतिबंधित क्षेत्र घोषित करण्यात यावा, परंतू सोसायटी जवळील स्वतंत्र उद्योग व औद्योगिक आस्थापना बंद करू नयेत.
उद्योग व औद्योगिक आस्थापनेमध्ये 1 किंवा 2 रुग्ण आढळल्यास, रुग्णाच्या संपर्कात आलेल्या कर्मचाऱ्यांचे कॉन्टॅक ट्रेसिंग करुन आरोग्य तपासणी करण्यात यावी. सर्व उद्योग व औद्योगिक आस्थापना बंद करण्यात येऊ नये, तसेच रुग्ण आढळून आलेल्या परिसरातील उद्योग व औद्योगिक आस्थापना स्थानिक परिस्थिती विचारात घेऊन, कोरोना विषाणू प्रतिबंधक उपाययोजनांच्या अनुषंगाने बंद करणे आवश्यक असल्यास, याबाबत जिल्हाधिकारी यांची पूर्व परवानगी घेण्यात यावी. त्यानंतरच तो परिसर प्रतिबंधित क्षेत्र म्हणून घोषित करावा, असेही जिल्हाधिकारी राम यांनी आदेशीत केले आहे.
००००

मुंबई, दि. ९ : राज्यात आज १६६३ रुग्णांना घरी सोडण्यात आले. आतापर्यंत घरी सोडण्यात आलेल्या रुग्णांची एकूण संख्या ४२ हजार ६३८ झाली आहे. दरम्यान, आज कोरोनाच्या २२५९ नवीन रुग्णांचे निदान झाले असून सध्या राज्यात ४४ हजार ८४९ रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

आजपर्यंत पाठविण्यात आलेल्या ५ लाख ७७ हजार ८११ नमुन्यांपैकी ९० हजार ७८७ नमुने पॉझिटिव्ह (१५.७१ टक्के) आले आहेत. राज्यात ५ लाख ६८ हजार ०७३ लोक होम क्वारंटाईनमध्ये आहेत. राज्यात संस्थात्मक  क्वारंटाईन सुविधांमध्ये ७५ हजार ९३० खाटा उपलब्ध असून सध्या २६ हजार ४७० लोक संस्थात्मक क्वारंटाईनमध्ये आहेत.

राज्यात आज १२० कोरोना बाधित रुग्णांच्या मृत्यूची नोंद झाली आहे. आज नोंद झालेल्या मृत्यूंपैकी आरोग्य मंडळ निहाय मृत्यू असे : ठाणे- ८३ (मुंबई ५८, ठाणे १३, मीरा-भाईंदर ६, पनवेल ३, नवी मुंबई १, वसई-विरार २), नाशिक- ३ (नाशिक ३), पुणे- १८ (पुणे १६, सोलापूर २), कोल्हापूर- १ (रत्नागिरी १),औरंगाबाद-१० (औरंगाबाद १०), अकोला -३ (अकोला २, अमरावती १), नागपूर-१ (नागपूर १), इतर राज्य-१ (मध्ये प्रदेशातील एका व्यक्तीचा मृत्यू नागपूरमध्ये झाला आहे.)

आज नोंद झालेल्या मृत्यूंपैकी ८० पुरुष तर ४० महिला आहेत. आज नोंद झालेल्या १२० मृत्यूपैकी ६० वर्षे किंवा त्यावरील ६२ रुग्ण आहेत तर ४७ रुग्ण हे वय वर्षे ४० ते ५९ या वयोगटातील आहेत. तर ११ जण ४० वर्षांखालील आहे. या १२० रुग्णांपैकी ९१ जणांमध्ये (७५.८ %)  मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत. कोरोनामुळे राज्यात झालेल्या मृत्यूंची संख्या आता ३२८९ झाली आहे.

आज नोंद झालेल्या एकूण मृत्यूपैकी ४९ मृत्यू हे मागील दोन दिवसांतील आहेत तर उर्वरित मृत्यू ११ मे ते ६ जून या कालावधीतील आहेत. या कालावधीतील ७१ मृत्यूंपैकी मुंबई ४५, ठाणे -११,मीरा भाईंदर -६, औरंगाबाद – ३, पनवेल -२, नाशिक -१, रत्नागिरी -१, वसई विरार -१ व इतर राज्यातील १ मृत्यू आहे.

जिल्हानिहाय ॲक्टिव्ह रुग्णांचा तपशील

मुंबई महानगरपालिका: बाधित रुग्ण- (५१,१००), बरे झालेले रुग्ण- (२२,९४३), मृत्यू- (१७६०), इतर कारणांमुळे झालेले मृत्यू-(६), ॲक्टिव्ह रुग्ण- (२६,३९१)

ठाणे: बाधित रुग्ण- (१४,०६३), बरे झालेले रुग्ण- (५२१८), मृत्यू- (३५५), इतर कारणांमुळे झालेले मृत्यू-(१), ॲक्टिव्ह रुग्ण- (८४८९)

पालघर: बाधित रुग्ण- (१६३६), बरे झालेले रुग्ण- (६०८), मृत्यू- (४३), इतर कारणांमुळे झालेले मृत्यू-(०), ॲक्टिव्ह रुग्ण- (९८५)

रायगड: बाधित रुग्ण- (१५००), बरे झालेले रुग्ण- (९२६), मृत्यू- (५८), इतर कारणांमुळे झालेले मृत्यू-(२), ॲक्टिव्ह रुग्ण- (५१४)

नाशिक: बाधित रुग्ण- (१६६०), बरे झालेले रुग्ण- (१०९४), मृत्यू- (९५), इतर कारणांमुळे झालेले मृत्यू-(०), ॲक्टिव्ह रुग्ण- (४७१)

अहमदनगर: बाधित रुग्ण- (२१०), बरे झालेले रुग्ण- (१२१), मृत्यू- (९), इतर कारणांमुळे झालेले मृत्यू-(०), ॲक्टिव्ह रुग्ण- (८०)

धुळे: बाधित रुग्ण- (२९०), बरे झालेले रुग्ण- (१२९), मृत्यू- (२५), इतर कारणांमुळे झालेले मृत्यू-(१), ॲक्टिव्ह रुग्ण- (१३५)

जळगाव: बाधित रुग्ण- (११४९), बरे झालेले रुग्ण- (५१६), मृत्यू- (११५), इतर कारणांमुळे झालेले मृत्यू-(०), ॲक्टिव्ह रुग्ण- (५१८)

नंदूरबार: बाधित रुग्ण- (४०), बरे झालेले रुग्ण- (२८), मृत्यू- (४), इतर कारणांमुळे झालेले मृत्यू-(०), ॲक्टिव्ह रुग्ण- (८)

पुणे: बाधित रुग्ण- (१०,०७३), बरे झालेले रुग्ण- (५९०३), मृत्यू- (४२९), इतर कारणांमुळे झालेले मृत्यू-(०), ॲक्टिव्ह रुग्ण- (३७४२)

सोलापूर: बाधित रुग्ण- (१४६८), बरे झालेले रुग्ण- (६२७), मृत्यू- (११२), इतर कारणांमुळे झालेले मृत्यू-(०), ॲक्टिव्ह रुग्ण- (७२९)

सातारा:  बाधित रुग्ण- (६५८), बरे झालेले रुग्ण- (३५९), मृत्यू- (२७), इतर कारणांमुळे झालेले मृत्यू-(०), ॲक्टिव्ह रुग्ण- (२७२)

कोल्हापूर: बाधित रुग्ण- (६७०), बरे झालेले रुग्ण- (४३०), मृत्यू- (८), इतर कारणांमुळे झालेले मृत्यू-(०), ॲक्टिव्ह रुग्ण- (२३२)

सांगली: बाधित रुग्ण- (१८०), बरे झालेले रुग्ण- (९५), मृत्यू- (४), इतर कारणांमुळे झालेले मृत्यू-(०), ॲक्टिव्ह रुग्ण- (८१)

सिंधुदुर्ग: बाधित रुग्ण- (१३०), बरे झालेले रुग्ण- (३१), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (९९)

रत्नागिरी:  बाधित रुग्ण- (३७८), बरे झालेले रुग्ण- (१८७), मृत्यू- (१४), इतर कारणांमुळे झालेले मृत्यू-(०), ॲक्टिव्ह रुग्ण- (१७७)

औरंगाबाद: बाधित रुग्ण- (२०८५), बरे झालेले रुग्ण- (१२७१), मृत्यू- (११०), इतर कारणांमुळे झालेले मृत्यू-(०), ॲक्टिव्ह रुग्ण- (७०४)

जालना: बाधित रुग्ण- (२०९), बरे झालेले रुग्ण- (१३१), मृत्यू- (५), इतर कारणांमुळे झालेले मृत्यू-(०), ॲक्टिव्ह रुग्ण- (७३)

हिंगोली: बाधित रुग्ण- (२१४), बरे झालेले रुग्ण- (१६८), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (४६)

परभणी: बाधित रुग्ण- (७८), बरे झालेले रुग्ण- (५०), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (२५)

लातूर: बाधित रुग्ण- (१३९), बरे झालेले रुग्ण- (११२), मृत्यू- (४), इतर कारणांमुळे झालेले मृत्यू-(०), ॲक्टिव्ह रुग्ण- (२३)

उस्मानाबाद: बाधित रुग्ण- (१२५), बरे झालेले रुग्ण- (७४), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (४८)

बीड: बाधित रुग्ण- (६३), बरे झालेले रुग्ण- (४६), मृत्यू- (१), इतर कारणांमुळे झालेले मृत्यू-(०),ॲक्टिव्ह रुग्ण- (१६)

नांदेड: बाधित रुग्ण- (१७१), बरे झालेले रुग्ण- (११३), मृत्यू- (८), इतर कारणांमुळे झालेले मृत्यू-(०), ॲक्टिव्ह रुग्ण- (५०)

अकोला: बाधित रुग्ण- (८४८), बरे झालेले रुग्ण- (४४७), मृत्यू- (३८), इतर कारणांमुळे झालेले मृत्यू-(१), ॲक्टिव्ह रुग्ण- (३६२)

अमरावती: बाधित रुग्ण- (३०३), बरे झालेले रुग्ण- (२००), मृत्यू- (१९), इतर कारणांमुळे झालेले मृत्यू-(०), ॲक्टिव्ह रुग्ण- (८४)

यवतमाळ: बाधित रुग्ण- (१६४), बरे झालेले रुग्ण- (११६), मृत्यू- (२), इतर कारणांमुळे झालेले मृत्यू-(०), ॲक्टिव्ह रुग्ण- (४६)

बुलढाणा: बाधित रुग्ण- (९७), बरे झालेले रुग्ण- (५४), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (४०)

वाशिम: बाधित रुग्ण- (१२), बरे झालेले रुग्ण- (६), मृत्यू- (२), इतर कारणांमुळे झालेले मृत्यू-(०), ॲक्टिव्ह रुग्ण- (४)

नागपूर: बाधित रुग्ण- (७८८), बरे झालेले रुग्ण- (४७८), मृत्यू- (१२), इतर कारणांमुळे झालेले मृत्यू-(०), ॲक्टिव्ह रुग्ण- (२९८)

वर्धा: बाधित रुग्ण- (११), बरे झालेले रुग्ण- (७), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (३)

भंडारा: बाधित रुग्ण- (४२), बरे झालेले रुग्ण- (२४), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (१८)

गोंदिया: बाधित रुग्ण- (६८), बरे झालेले रुग्ण- (६७), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (१)

चंद्रपूर:  बाधित रुग्ण- (४२), बरे झालेले रुग्ण- (२६), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (१६)

गडचिरोली: बाधित रुग्ण- (४५), बरे झालेले रुग्ण- (३४), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (११)

इतर राज्ये: बाधित रुग्ण- (७८), बरे झालेले रुग्ण- (०), मृत्यू- (२०), इतर कारणांमुळे झालेले मृत्यू-(०), ॲक्टिव्ह रुग्ण- (५८)

एकूण:बाधित रुग्ण-(९०,७८७), बरे झालेले रुग्ण- (४२,६३८), मृत्यू- (३२८९),इतरकारणांमुळेझालेलेमृत्यू-(११),ॲक्टिव्ह रुग्ण-(४४,८४९)

(टीप–आयसी एम आर पोर्टलवर दर्शविलेल्या बृहन्मुंबई महानगरपालिका क्षेत्रातीलदिनांक७ मे २०२० पासूनच्या १६२ रुग्णांचा आणि ठाणे जिल्ह्यातील १४० रुग्णांचा समावेश रिकॉन्सिलिएशन अभावी वरील तक्त्यामध्ये करण्यात आलेला नाही. हीमाहिती केंद्र सरकारच्या आय. सी. एम. आर. पोर्टलवरमान्यताप्राप्त प्रयोगशाळांनी भरलेल्या कोविड१९ बाधित रुग्णांच्या आकडेवारीनुसार तयार करण्यात आलेली आहे. प्रयोगशाळाअहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)

राज्यातील ज्या भागात रुग्णांचे क्लस्टर सापडले आहेत त्या ठिकाणी केंद्र सरकारच्या मार्गदर्शनानुसार क्लस्टर कंटेनमेंट कृतियोजना अंमलात आणण्यात येत आहे. राज्यात सध्या कंटेनमेंट ३७५० झोन क्रियाशील असून आज एकूण १८ हजार ९९४ सर्वेक्षण पथकांनी  काम केले असून त्यांनी ६९.१६  लाख  लोकसंख्येचे सर्वेक्षण केलेले आहे.    

पुणे शहरातील बंगले संस्कृती समाप्त पेन्शनरचे पुणे आता विसरून जायचे का?

पुणे- आज भाजपने बहुमताच्या आधारावर 6 मीटर चे सर्वच रस्ते ९ मीटर करणारी उपसूचना मंजूर करून ३२३ रस्ते रुंदीकरणाचा साधलेला डाव हा नियमबाह्य च असून या विरोधात आम्हाला आता कलम ४५१ नुसार राज्य सरकारकडे दाद मागावी लागेल असे कॉंग्रेसचे ज्येष्ठ नगरसेवक आबा बागुल यांनी ‘माय मराठी’ शी बोलताना सांगितले.

ते म्हणाले, शहरातील 6 मीटर रुंद असलेले रस्ते 9 मीटर करण्याचा घाट भाजपने घातला आहे.त्यामुळे पेन्शनरचे पुणे आता विसरून जायचं का? असा सवाल काँग्रेस पक्षाचे प्रदेश प्रतिनिधी आबा बागुल यांनी विचारला आहे.पुणे शहरातील नागरिकांनी भाजपला बहुमत दिले आहे.परंतु पुणेकरांच्या हिताचा विसर पडून बहुमताच्या जोरावर बांधकाम व्यावसायिकांच्या हितासाठी 6 मीटर रस्त्याचे 9 मीटर रस्ते करण्याचा निर्णय चुकीचा आहे. महाराष्ट्र मूनसिपल कॉर्पोशन ऍक्ट मधील कलम 210 नुसार महानगरपालिका अस्तित्वात असलेल्या रस्त्याचे मायनर मोडीफिकेशन करू शकते परंतु शहरातील 103 किमी असलेले 323 रस्त्यांचे मोडीफिकेशन करायचे असेल तर एमआरटीपी ऍक्ट मधील कलम 37 नुसार राज्य सरकारला हे मोडीफिकेशन करण्याचे अधिकार असताना सत्ताधारी भाजप बहुमताच्या जोरावर महाराष्ट्र टाऊन प्लॅनिंग ऍक्टचे उल्लंघन करून मनमानी कारभार सुरू आहे असे आबा बागुल म्हणाले.आजच्या निर्णयामुळे भाजपने महाराष्ट्र टाऊन प्लॅनिंग ऍक्टला पूर्णपणे छेद दिला आहे.यापुढे कलम 37 ची कारवाई करणे गरजेचे नाही असे भाजपला वाटते.ज्या पुणेकरांनी त्यांना बहुमत दिले त्या पुण्याची संस्कृती,पुणेरीपण, पेन्शनरचे पुणे,बंगले संस्कृती पूर्ण नष्ट करण्याचे काम आज भाजपाने केले आहे.आजचा दिवस पुणेकरांच्या आयुष्यभर लक्षात राहील.व इतिहासात त्याची काळा दिवस म्हणून नोंद होईल असे आबा बागुल म्हणाले,पुणे महानगरपालिकेच्या आयुक्तांनी नियमबहाय्य असलेला हा निर्णय बदलावा अन्यथा आम्हाला पुणेकरांच्या हितासाठी या निर्णयाविरुद्ध कलम 451 नुसार राज्य सरकारकडे दाद मागावी लागेल.असे काँग्रेस पक्षाच्यावतीने आबा बागुल म्हणाले

पुणे- शहरातील 6 मिटरचे ३२३ रस्ते ९ मीटरचे करवूनच घेणे हा तर डाव आहे कोथरूडच्या आमदार चंद्रकांतदादा यांचा या प्रस्तावाचे उगम स्थानच ते आहे ,३२३ च का ? असा प्रश्न उपस्थित झाल्यावर सर्वच रस्ते करू म्हणत पहिल्या टप्प्यात का होईनात हे ३२३ रस्ते रुंदीकरणात दाखवून कोणाचा कसा फायदा मिळवून द्यायचा हीच तर अंदर कि बात आहे असे सांगत …आपले म्हणणे थेट मांडले आहे महापालिकेतील कॉंग्रेसचे गटनेते अरविंद शिंदे यांनी ..नेमके त्यांनी काय म्हटले आहे ते ऐका त्यांच्याच शब्दात ….