मुंबई. अभिनेता सुशांत सिंह राजपूतच्या आत्महत्याप्रकरणात त्याची मैत्रीण रिया चक्रवर्तीला चौकशीसाठी पोलिसांनी बोलवले होते. चौकशीदरम्यान रियाने आपल्या जबाबात सांगितले की, 6 जूनपासून ती सुशांतसोबत त्याच्या घरी राहत होती. परंतू, काही दिवसानंतर सुशांतने एकटे राहण्याचे कारण सांगत, तिला तिच्या घरी जाण्यास सांगितले.

सुशांतच्या आत्महत्या प्रकरणी अभिनेत्री रिया चक्रवर्तीची काल(ता.18) जवळपास 11 तास पोलिसांकडून चौकशी करण्यात आली होती. सकाळी 11 च्या सुमारास वांद्रे पोलिसात दाखल झालेल्या रियाचा जबाब रात्री जवळपास 10 वाजता संपला. सुशांतच्या आत्महत्या प्रकरणात आतापर्यंत पोलिसांनी त्याचे कर्मचारी, निकटवर्तीयांसह 13 जणांचे जबाब नोंदवले आहेत. आपल्या जबाबात रिया चक्रवर्तीने म्हटले की, ‘माझी सुशांतसोबत 2013 मध्ये ओळख झाली. त्यावेळी सुशांत ‘शुद्ध देसी रोमान्स’ चित्रपट करत होता, तर मी ‘मेरे डॅडी की मारुती’ सिनेमा करत होते. या दोन्ही चित्रपटाचे सेट जवळ-जवळ असल्याने आमची त्या ठिकाणी भेट झाली. त्यानंतर आमची मैत्री झाली आणि वेगवेगळ्या पार्टीमध्ये अनेक भेटी झाल्या. यानंतर आम्ही एकमेकांचे नंबर घेतले आणि अधून मधून भेटू लागलो. तेव्हा सुशांत आधीच रिलेशनशिपमध्ये होता.’

पुढे रियाने सांगितले की, ‘2017-2018 च्या दरम्यान आम्ही रिलेशनशिपमध्ये आलो. सुशांत खूप विचारी होती. त्याच्या मनात सतत काही ना काही विचार चालत असायचा. पण, त्या तो कधीच त्याबाबत कोणाला सांगायचा नाही. त्याला काही टेंशन आल्यास तो एकांतवासात जायचा किंवा पुण्यातील त्याच्या फार्म हाऊसवर जाऊन राहायचा. तो सतत तणावात असायचा. त्यानंतर तो डॉक्टरकडे गेला आणि तेव्हापासून त्याचे डिप्रेशनचे औषध सुरू झाले. पण, मागील काही काळापासून त्याने औषध घेणे बंद केले होते.’

‘6 जूनपासून मी त्याच्यासोबत त्याच्या घरी होते. त्यावेळी तो पुन्हा डिप्रेशनमध्ये गेला आणि त्याने एकटे राहण्याचे कारण सांगून, मला घरी जाण्यास सांगितले. मला वाटलं त्याला काही दिवस एकट्यात राहायचे असेल, म्हणून मी त्याच्या घरुन माझ्या घरी राहायला गेले. त्यानंतर थेट 14 जूनला त्याने आत्महत्या केल्याची बातमी कानावर पडली आणि धक्का बसला. तो इतके टोकाचे पाऊल उचलेल, असे मला कधीच वाटले नव्हते,’ अशी माहिती रियाने पोलिसांच्या जबाबात दिली आहे.

अनेकांचे जबाब नोंदवले आहेत

मुंबई पोलिसांसाठी सुशांतने आत्महत्या केलेल्या ठिकाणाचा पंचनामा आणि त्याच्या जवळील लोकांचा जबाबत खूप महत्वाचा होता. कारण, यांच्याच माहित्याच्या आधारे सुशांतच्या आत्महत्येचे नेमके कारण समोर येऊ शकते. पोलिसांनी सुशांतसोबत त्याच्याच घरात राहणाऱ्या क्रिएटिव मॅनेजर सिद्धार्थ पीठानी, सामान आणणारे दीपेश सावंत, दोन कुक आणि चाबी बनवणाऱ्या व्यक्तीसोबतच सुशांतचे वडील केके सिंह आणि दोन्ही बहिणींचा जबाब नोंदवला आहे.

सुशांतचा मित्र मेहश शेट्टीचा जबाब घेतला

पोलिसांनी सुशांतचा खास मित्र आणि अभिनेता महेश शेट्टीचाही जबाब नोंदवला आहे. आत्महत्येच्या आदल्या रात्री सुशांतने महेशला कॉल केला होता, पण त्याने रिसीव्ह केला नव्हता. रात्री 1 वाजता महेश सुशांतचा कॉल रिसीव्ह करुन शकला नाही, त्यानंतर त्याने सकाळी 12 वाजता सुशांतला कॉल केला, पण तोपर्यंत उशीर झाला होता.

महेशचा जबाब यासाठी महत्वाचा आहे, कारण महेश सुशांत आणि रियाचा कॉमन फ्रेंड होता. रिया आणि सुशांतचे नाते कसे होते, हे जाणून घेणे पोलिसांसाठी महत्वाचे आहे. पोलिसांनी सुशांतच्या डॉक्टरांचाही जबाब नोंदवला आहे, ज्यांच्याकडे सुशांत आपल्या डिप्रेशनचा उपचार करण्यासाठी जात होता. यासोबतच पोलिसांनी सुशांत्या शेवटच्या चित्रपटाचे डायरेक्टर मुकेश छाबराचाही जबाब नोंदवला आहे. छाबरासोबत 7 तास पोलिसांनी चौकशी केली, पण छाबराने सांगितल्याप्रमाणे, त्याला सुशांत डिप्रेशनमध्ये असल्याची माहिती नव्हती.

मुंबई. सुशांतसिंह राजपूतच्या आत्महत्येनंतर पूर्ण देशभरात बॉलीवूडच्या गटबाजीची चर्चा सुरू आहे. बॉलीवूडमध्ये असलेला वर्चस्ववाद आणि गटबाजीमुळे सुशांतने आत्महत्या केली, असे सर्वांना वाटू लागले आहे. मात्र अजून त्याच्या आत्महत्येमागील कारण स्पष्ट झाले नाही.

दिग्दर्शक शेखर कपूर यांच्या ‘पानी’ चित्रपटानंतर झाली वादाला सुरुवात

इंडस्ट्रीमध्ये मोठे पंडित मानले जाणारे यशराज, साजिद नाडियादवाला आणि धर्मा यांनी टॅलेंट मॅनेजमेंटची सुरुवात केली आहे. ते ज्यांना लाँच करतात त्यांच्यासोबत तीन चित्रपटांचा करार होतो. त्यानंतर कलाकार कोणत्याही नवीन बॅनरसोबत काम करू शकत नाही. हा करार लिखित स्वरूपात असताे. याचा उद्देश क्षमता असलेल्या कलाकाराला आपल्यापर्यंत मर्यादित ठेवणे हा आहे. यासाठी रणवीरसिंह, अर्जुन कपूर, भूमी पेडणेकर आणि अनुष्का शर्मासारखे मोठे कलाकार येतात. ज्यांनी त्यांच्या करिअरची सुरुवात ही यशराजसोबत केली. यशराजने सुशांतसोबतही तीन चित्रपटांचा करार केला होता. यामध्ये‘ब्योमकेश बक्शी’, ‘शुद्ध देसी रोमान्स’ आणि शेखर कपूरच्या ‘पानी’चा समावेश होता. या पूर्ण प्रकरणात पानी या चित्रपटापासून गडबड सुरू झाली. शेखर कपूर सुरुवातीला हा चित्रपट हॉलीवूडसाठी बनवत होते. नंतर भारतात बनवण्याचा निर्णय घेतला. चित्रपटाचे बजेट वाढत गेले आणि शेवटी यशराज यांच्याकडून हात काढून घेण्यात आले. येथेच सुशांत आणि यशराज यांचे संबंध बिघडले.

मुंबई दि. १८ जून – मुंबईच्या उपनगरातील विविध खासगी रुग्णालयांकडून कोरोनोच्या रुग्णांची लयलूट सुरु असुन त्यांना विनाकारण लाखोंची बिले आकारली जात आहेत. त्यामुळे आता मुंबई महापालिकेने याची दखल घेऊन रुग्णांना वेठीस धरणा-या खासगी रुग्णायांवर तातडीने कारवाई करावी व कोरोनाच्या रुग्णांवर वेळेत योग्य उपचार होतील याची दक्षता घ्यावी अश्या सूचना विधानपरिषदेचे विरोधी पक्षनेते प्रविण दरेकर यांनी आज दिल्या.
कोरोनाच्या पार्श्वभुमीवर आणि पावसाळयातील कामकाजासंदर्भात चर्चा करण्यासाठी संबंधित खात्यातील अधिकाऱ्यांसमवेत कांदिवली पश्चिम येथे महानगर पालिका परिमंडळ- ७ चे उप-आयुक्त शंकरवार यांच्या दालनात विरोधी पक्ष नेते दरेकर यांच्या प्रमुख उपस्थितीत बैठक झाली. यावेळी पालिकेच्या अधिका-यांनी दरेकर यांना पालिका परिमंडळामधील कोरोनाच्या सद्य स्थितीची माहिती दिली. तसेच कोरोना रोखण्यासाठी सुरु असलेल्या सध्याच्या उपाययोजनांचीही माहिती दिली.
यावेळी बोलताना दरेकर यांनी सांगितले की, खाजगी रुग्णालयांवर महापालिकेचे नियंत्रण राहिलेले नाही. कोरोनाच्या प्रत्येक रुग्णावर महात्मा फुले जनआरोग्य योजनेंतर्गत उपचार करण्यात येतील अशी भूमिका राज्य सरकार घेत आहे. तर दुसरीकडे मात्र खाजगी रुग्णालये कोरोनाच्या रुग्णांकडून एक लाखा पासून १५ लाखापर्यंतची बिले आकारात आहेत. रुग्णाच्या नातेवाईकांकडून लाखो रुपयांची लूट करित आहेत. यावर दुर्दैवाने महापालिका यंत्रणेचे कुठेही नियंत्रण दिसत नाही. पश्चिम उपनगरात ही परिस्थिती गंभीर आहे, त्यामुळे ही अवाजवी लूट महापालिकेने तात्काळ रोखावी तसेच रुग्णांकडून अवास्तव बिले आकारणा-या खाजगी रुग्णालयांवर तातडीने कारवाई करण्याची सूचना विरोधी पक्ष नेते दरेकर यांनी दिल्या.
महापालिकेकेडे आवश्यक आरोग्य यंत्रणा उपलब्ध नसल्यामुळे व रुग्णांवर वेळेत उपचार होत नसल्यामुळे रुग्णांना नाईलाजास्तव खासगी रुग्णालयांकडे उपचारासाठी जावे लागत आहे हे गंभीर असल्याचेही दरेकर यांनी नमुद केले.
यावेळी या कार्यालयात तयार केलेल्या कोविड नियंत्रण केंद्राचीही विरोधी पक्ष नेते प्रविण दरेकर यांनी पाहणी केली व तेथील नियोजनाचा आढावा घेतला.
पावसाळ्याच्या पूर्वी पोयसर- दहिसर नदीची सफाई तसेच छोटे नाले व मोठे नाले यांची सफाई, त्याचप्रमाणे ज्या भागात पाणी तुंबत आहे, त्यासंदर्भातला आढावा पालिका अधिका-यांकडून घेतला. पावसाळ्यापूर्वीची कामांची दखल शीघ्र गतीने घ्यावी अशा सूचना प्रविण दरेकर यांनी दिल्या.
या बैठकीला आर उत्तर विभागाचे पालिका आयुक्त संध्या नांदेडकर, आर मध्य विभागाचे पालिका आयुक्त कापसे, आर दक्षिण विभागाचे पालिका आयुक्त संजय कु-हाडे, विभागीय वैदयकीय अधिकारी डॉ. मदन तसेच प्रत्येक विभागाचे वैदयकीय अधिकारी, मध्यवर्ती यंत्रणेचे कार्यकारी अभियंता एसडब्ल्यूडी,सहाय्यक अभियंता(परिरक्षण), भाजपचे जिल्हा अध्यक्ष गणेश खणकर, प्रभाग समिती अध्यक्षा प्रितम पंडागळे, नगरसेविका आसावरी पाटील, नगरसेविका सुनिता यादव, माजी नगरसेवक प्रकाश दरेकर यांच्यासह महापालिकेचे अधिकारी उपस्थित होते.

मुंबई, दि.१८: राज्यातील रुग्ण वाढीचा वेग कमी होत असून रुग्ण दुप्पट होण्याचा कालावधी वाढत आहे. सध्या हा कालावधी सुमारे २६ दिवसांवर गेला आहे. राज्याचा रुग्ण बरे होण्याचा दर ५०.४९ टक्के एवढा आहे. राज्यात आज  १६७२ रुग्णांना घरी सोडण्यात आले असून एकूण संख्या ६० हजार ८३८ झाली आहे. दरम्यान, आज कोरोनाच्या ३७५२ नवीन रुग्णांचे निदान झाले असून सध्या राज्यात ५३ हजार ९०१ रुग्णांवर (ॲक्टीव्ह) उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

राज्यात सध्या ५८ शासकीय आणि ४३ खाजगी अशा एकूण १०१ प्रयोगशाळा कोरोना निदानासाठी कार्यरत आहेत. आजपर्यंत पाठविण्यात आलेल्या ७ लाख १७ हजार ६८३  नमुन्यांपैकी  १ लाख २० हजार  ५०४  नमुने पॉझिटिव्ह (१६.९३ टक्के) आले आहेत. राज्यात ५ लाख  ८१ हजार  ६५० लोक होम क्वारंटाईनमध्ये आहेत. राज्यात २२०३ संस्थात्मक क्वारंटाईन सुविधांमध्ये  ९२ हजार १४१ खाटा उपलब्ध असून सध्या २६ हजार ७४० लोक संस्थात्मक क्वारंटाईनमध्ये आहेत.

राज्यात १०० कोरोना बाधित रुग्णांच्या मृत्यूची नोंद आज झाली आहे. आज नोंद झालेल्या मृत्यूंपैकी आरोग्यमंडळ निहाय मृत्यू असे: ठाणे-९९ (मुंबई ६७, भिवंडी २७, ठाणे ४, वसई-विरार १), नागपूर-१ (नागपूर मनपा १).

आज नोंद झालेल्या मृत्यूंपैकी ६६ पुरुष तर ३४ महिला आहेत. आज नोंद झालेल्या १०० मृत्यूपैकी ६० वर्षे किंवा त्यावरील ४५ रुग्ण आहेत तर ४६ रुग्ण हे वय वर्षे ४० ते ५९ या वयोगटातील आहेत. तर ९ जण ४० वर्षांखालील आहे. कोरोनामुळे राज्यात झालेल्या मृत्यूंची संख्या आता ५७५१ झाली आहे.

 राज्यातील जिल्हानिहाय ॲक्टिव्ह रुग्णांचा तपशील

मुंबई: बाधित रुग्ण- (६२,८७५), बरे झालेले रुग्ण- (३१,८५६), मृत्यू- (३३११), इतर कारणांमुळे झालेले मृत्यू-(८), ॲक्टिव्ह रुग्ण- (२७,७००)

ठाणे: बाधित रुग्ण- (२१,०९३), बरे झालेले रुग्ण- (८९८८), मृत्यू- (६७३), इतर कारणांमुळे झालेले मृत्यू-(१), ॲक्टिव्ह रुग्ण- (११,४३१)

पालघर: बाधित रुग्ण- (२८५३), बरे झालेले रुग्ण- (९६०), मृत्यू- (८२), इतर कारणांमुळे झालेले मृत्यू-(०), ॲक्टिव्ह रुग्ण- (१८१०)

रायगड: बाधित रुग्ण- (२१६६), बरे झालेले रुग्ण- (१४१२), मृत्यू- (८६), इतर कारणांमुळे झालेले मृत्यू-(२), ॲक्टिव्ह रुग्ण- (६६६)

रत्नागिरी:  बाधित रुग्ण- (४७२), बरे झालेले रुग्ण- (३१२), मृत्यू- (१८), इतर कारणांमुळे झालेले मृत्यू-(०), ॲक्टिव्ह रुग्ण- (१४२)

सिंधुदुर्ग: बाधित रुग्ण- (१६१), बरे झालेले रुग्ण- (९९), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (५९)

पुणे: बाधित रुग्ण- (१४,०००), बरे झालेले रुग्ण- (७५८५), मृत्यू- (६१०), इतर कारणांमुळे झालेले मृत्यू-(०), ॲक्टिव्ह रुग्ण- (५८०५)

सातारा:  बाधित रुग्ण- (७९१), बरे झालेले रुग्ण- (५०५), मृत्यू- (३४), इतर कारणांमुळे झालेले मृत्यू-(१), ॲक्टिव्ह रुग्ण- (२५१)

सांगली: बाधित रुग्ण- (२७३), बरे झालेले रुग्ण- (१४५), मृत्यू- (११), इतर कारणांमुळे झालेले मृत्यू-(०), ॲक्टिव्ह रुग्ण- (११७)

कोल्हापूर: बाधित रुग्ण- (७३६), बरे झालेले रुग्ण- (६४६), मृत्यू- (८), इतर कारणांमुळे झालेले मृत्यू-(०), ॲक्टिव्ह रुग्ण- (८२)

सोलापूर: बाधित रुग्ण- (२०६१), बरे झालेले रुग्ण- (८८०), मृत्यू- (१८४), इतर कारणांमुळे झालेले मृत्यू-(०), ॲक्टिव्ह रुग्ण- (९९७)

नाशिक: बाधित रुग्ण- (२३०६), बरे झालेले रुग्ण- (१३६८), मृत्यू- (१३४), इतर कारणांमुळे झालेले मृत्यू-(०), ॲक्टिव्ह रुग्ण- (८०४)

अहमदनगर: बाधित रुग्ण- (२५५), बरे झालेले रुग्ण- (१९८), मृत्यू- (१२), इतर कारणांमुळे झालेले मृत्यू-(०), ॲक्टिव्ह रुग्ण- (४५)

जळगाव: बाधित रुग्ण- (२०३१), बरे झालेले रुग्ण- (९२९), मृत्यू- (१७६), इतर कारणांमुळे झालेले मृत्यू-(०), ॲक्टिव्ह रुग्ण- (९२६)

नंदूरबार: बाधित रुग्ण- (७२), बरे झालेले रुग्ण- (३३), मृत्यू- (६), इतर कारणांमुळे झालेले मृत्यू-(०), ॲक्टिव्ह रुग्ण- (३३)

धुळे: बाधित रुग्ण- (४६६), बरे झालेले रुग्ण- (२७८), मृत्यू- (५१), इतर कारणांमुळे झालेले मृत्यू-(१), ॲक्टिव्ह रुग्ण- (१३६)

औरंगाबाद: बाधित रुग्ण- (३०६४), बरे झालेले रुग्ण- (१६७६), मृत्यू- (१६८), इतर कारणांमुळे झालेले मृत्यू-(०), ॲक्टिव्ह रुग्ण- (१२२०)

जालना: बाधित रुग्ण- (३१९), बरे झालेले रुग्ण- (२०१), मृत्यू- (१२), इतर कारणांमुळे झालेले मृत्यू-(०), ॲक्टिव्ह रुग्ण- (१०६)

बीड: बाधित रुग्ण- (८२), बरे झालेले रुग्ण- (५६), मृत्यू- (२), इतर कारणांमुळे झालेले मृत्यू-(०),ॲक्टिव्ह रुग्ण- (२४)

लातूर: बाधित रुग्ण- (२०१), बरे झालेले रुग्ण- (१२७), मृत्यू- (१३), इतर कारणांमुळे झालेले मृत्यू-(०), ॲक्टिव्ह रुग्ण- (६१)

परभणी: बाधित रुग्ण- (८३), बरे झालेले रुग्ण- (७३), मृत्यू- (४), इतर कारणांमुळे झालेले मृत्यू-(०), ॲक्टिव्ह रुग्ण- (६)

हिंगोली: बाधित रुग्ण- (२४३), बरे झालेले रुग्ण- (१९५), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (४७)

नांदेड: बाधित रुग्ण- (२६६), बरे झालेले रुग्ण (१६४), मृत्यू- (१२), इतर कारणांमुळे झालेले मृत्यू-(०), ॲक्टिव्ह रुग्ण- (९०)

उस्मानाबाद: बाधित रुग्ण- (१६१), बरे झालेले रुग्ण- (१२३), मृत्यू- (८), इतर कारणांमुळे झालेले मृत्यू-(०), ॲक्टिव्ह रुग्ण- (३०)

अमरावती: बाधित रुग्ण- (३८६), बरे झालेले रुग्ण- (२७३), मृत्यू- (२७), इतर कारणांमुळे झालेले मृत्यू-(०), ॲक्टिव्ह रुग्ण- (८६)

अकोला: बाधित रुग्ण- (११२६), बरे झालेले रुग्ण- (६७४), मृत्यू- (५६), इतर कारणांमुळे झालेले मृत्यू-(१), ॲक्टिव्ह रुग्ण- (३९५)

वाशिम: बाधित रुग्ण- (६६), बरे झालेले रुग्ण- (९), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (५४)

बुलढाणा: बाधित रुग्ण- (१४९), बरे झालेले रुग्ण- (९१), मृत्यू- (५), इतर कारणांमुळे झालेले मृत्यू-(०), ॲक्टिव्ह रुग्ण- (५३)

यवतमाळ: बाधित रुग्ण- (२१०), बरे झालेले रुग्ण- (१४२), मृत्यू- (५), इतर कारणांमुळे झालेले मृत्यू-(०), ॲक्टिव्ह रुग्ण- (६३)

नागपूर: बाधित रुग्ण- (११५४), बरे झालेले रुग्ण- (६५१), मृत्यू- (१३), इतर कारणांमुळे झालेले मृत्यू-(०), ॲक्टिव्ह रुग्ण- (४९०)

वर्धा: बाधित रुग्ण- (१४), बरे झालेले रुग्ण- (८), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (५)

भंडारा: बाधित रुग्ण- (५८), बरे झालेले रुग्ण- (४१), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (१७)

गोंदिया: बाधित रुग्ण- (१०१), बरे झालेले रुग्ण- (६९), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (३२)

चंद्रपूर:  बाधित रुग्ण- (५७), बरे झालेले रुग्ण- (३०), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (२७)

गडचिरोली: बाधित रुग्ण- (५१), बरे झालेले रुग्ण- (४१), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (९)

इतर राज्ये: बाधित रुग्ण- (१०२), बरे झालेले रुग्ण- (०), मृत्यू- (२०), इतर कारणांमुळे झालेले मृत्यू-(०), ॲक्टिव्ह रुग्ण- (८२)

एकूण: बाधित रुग्ण-(१,२०,५०४), बरे झालेले रुग्ण- (६०,८३८), मृत्यू- (५७५१), इतर कारणांमुळे झालेले मृत्यू-(१४),ॲक्टिव्ह रुग्ण-(५३,९०१)

(टीप- आयसीएमआर पोर्टलवर दर्शविलेल्या बृहन्मुंबई महानगरपालिका क्षेत्रातील दिनांक ७ मे २०२० पासूनच्या १७१ रुग्णांचा आणि ठाणे जिल्ह्यातील १४० रुग्णांचा समावेश रिकॉन्सिलिएशन अभावी वरील तक्त्यामध्ये करण्यात आलेला नाही. ही माहिती केंद्र सरकारच्या आय. सी. एम. आर .पोर्टलवर मान्यताप्राप्त प्रयोगशाळांनी भरलेल्या कोविड१९ बाधित रुग्णांच्या आकडेवारीनुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो. )      

९ मार्च २०२० रोजी राज्यातील पहिला कोरोना बाधित रुग्ण आढळला. त्यानंतर मागील सुमारे ३ महिन्याच्या काळात राज्यातील रुग्ण वाढीचा वेग (साप्ताहिक सरासरी) क्रमशः कमी होत असून रुग्ण दुप्पट होण्याचा कालावधी वाढताना दिसत आहे. यावरुन राज्यातील कोविड १९ प्रसाराचा वेग मंदावत असल्याचे स्पष्ट होते आहे.

३१ मार्च: रुग्ण वाढ दराची साप्ताहिक सरासरी १२ टक्के, रुग्ण दुपटीचा कालावधी ३.५ दिवस

३० एप्रिल: रुग्ण वाढ दराची साप्ताहिक सरासरी ७ टक्के,  रुग्ण दुपटीचा कालावधी १०.२ दिवस

३१ मे: रुग्ण वाढ दराची साप्ताहिक सरासरी ४ टक्के, रुग्ण दुपटीचा कालावधी २०.१ दिवस

१६ जून: रुग्ण वाढ दराची साप्ताहिक सरासरी ३ टक्के,  रुग्ण दुपटीचा कालावधी २५.९ दिवस

00000

मुंबई दि. 18 : लॉकडाउनच्या शिथिलीकरणानंतर आता राज्यात विविध उद्योगधंदे हळू हळू सुरू झाले आहेत. यासाठी परप्रांतीय कामगार राज्यात परत येत आहेत. त्या सर्व कामगारांची योग्य नोंद थर्मल तपासणी करण्यात येत आहे, अशी माहिती गृहमंत्री अनिल देशमुख यांनी दिली.

लॉकडाऊनच्या कालावधीमध्ये महाराष्ट्रातील परप्रांतीय कामगार वर्ग हा आपआपल्या राज्यात परत गेला होता. तो आता महाराष्ट्रात मोठ्या संख्येने परत येत आहे. मुंबई, पुणे, ठाणे, नवी मुंबई, रायगडसह राज्याच्या इतर भागातही दररोज जवळपास 15.50 हजार कामगार येत आहेत. यात दिवसेंदिवस वाढ होत आहे. या सर्व कामगारांची यादी संबंधित राज्यांकडून आपल्याकडे पाठवण्यात येते. त्या यादीनुसार आलेल्या सर्व कामगारांची नोंद, तसेच त्यांची थर्मल तपासणी करण्यात येते व त्यानंतर त्यांच्या हातावर होम क्वॉरंटाईन शिक्का मारून त्यांना राहण्याच्या ठिकाणी होम क्वॉरंटाईनसाठी पाठवण्यात येते. मुंबईमध्ये बेस्टमार्फत पाठवण्याची व्यवस्था देखील करण्यात आली आहे.

राज्यातील गोंदिया, नंदुरबार, कोल्हापूर, नागपूर, पुणे या ठिकाणी सध्या साधारणतः 4 ते 5 हजार तर मुंबई ठाणे नवी मुंबई भागात 11 ते 11.50 हजार परप्रांतीय कामगार दररोज येत आहेत. सध्या मर्यादित रेल्वे सुरू असल्याने ही संख्या कमी आहे, पण आपल्याकडील उद्योगधंदे व्यवसाय मोठ्या प्रमाणात सुरू झाल्यानंतर या संख्येत निश्चितच वाढ होईल. त्यावेळी देखील योग्य ती खबरदारी घेण्यात येईल असे श्री. देशमुख यांनी स्पष्ट केले.

मुंबई दि. 18-  यंदाचा गणेशोत्सव हा सामाजिक भान ठेवून व समाजोपयोगी कार्यक्रम राबवून साधेपणाने साजरा करावा आणि जगासमोर उत्सवाचा नवा आदर्श निर्माण करावा, असे आवाहन मुख्यमंत्री उद्धव ठाकरे यांनी गणेशोत्सव मंडळांना केले आहे.

आगामी गणेशोत्सवाच्या पार्श्वभूमीवर कायदा आणि सुव्यवस्थेचा मुख्यमंत्र्यांनी  व्हिडिओ कॉन्फरन्सिंगद्वारे आयोजित बैठकीत आढावा घेतला. बैठकीस उपमुख्यमंत्री अजित पवार, गृहमंत्री अनिल देशमुख, गृह राज्यमंत्री सतेज पाटील आणि शंभूराज देसाई, मुंबईच्या महापौर श्रीमती किशोरी पेडणेकर, खासदार, आमदारांसह मुख्य सचिव अजोय मेहता आदी उपस्थित होते.

पुणे तसेच इतर बऱ्याच ठिकाणच्या गणेश मंडळांनी यावर्षी कोरोना विषाणूच्या पार्श्वभूमीवर हा उत्सव अत्यंत साधेपणाने साजरा करण्याबाबत निर्णय घेतलेला आहे, याबद्दल तसेच शासन जो निर्णय घेईल त्यास पूर्णपणे पाठिंबा आहे, अशी ग्वाही राज्यातील गणेश मंडळांनी दिल्याबद्दल मुख्यमंत्र्यांनी सर्वांचे आभार मानले. शिर्डी सिद्धिविनायक व या सारख्या संस्थांनी त्याचप्रमाणे गणेश मंडळांनी देखील मोठ्या प्रमाणात मुख्यमंत्री सहायता निधीसाठी मदत केली तसेच सामाजिक उपक्रम राबवले त्याबद्दलही मुख्यमंत्र्यांची सर्वांचे आभार मानले.

बैठकीत मार्गदर्शन करताना मुख्यमंत्री म्हणाले, कोरोनाचा धोका संपलेला नाही, गर्दी करता येणार नाही, मिरवणूका काढता येणार नाहीत.  कोरोना पार्श्वभूमीवर सर्व प्रकारची दक्षता, योग्य निर्णय घेऊनच अतिशय साधेपणाने हा उत्सव साजरा करावा लागेल.  ही साधेपणाची चौकट आपणा सर्वांना ठरवावी लागेल. आपण महाराष्ट्रात पुनश्च हरिओम करीत आहोत. प्रत्येक पाऊल हे सावधतेने टाकत आहोत. त्यामुळे हा उत्सव साजरा करताना देखील आपल्याला चौकटीत राहून उत्सव साजरा करावा लागेल. कोणत्याही परिस्थितीत परंपरा खंडित होणार नाही याची काळजी आपण घेऊ. पण उत्सव साजरा करताना सामाजिक भान ठेवावेच लागेल. संपूर्ण जगाला हेवा वाटेल असा गणेशोत्सव आपण साजरा करू. यासाठीचा कार्यक्रम निश्चित करून आपण हा सण साजरा करू असेही मुख्यमंत्री म्हणाले. गणेश मंडळांच्यामार्फत सामाजिक जनजागृती कशी केली जाईल याचा आपण विचार करू व हा उत्सव साजरा करू. यासाठी सर्वांनी सहकार्य करावे असे आवाहन मुख्यमंत्र्यांनी यावेळी केले.

आरोग्याची काळजी घ्यावी -उपमुख्यमंत्री

उपमुख्यमंत्री अजित पवार यावेळी मार्गदर्शन करताना म्हणाले, पुण्यातील गणेश मंडळांनी गणेशोत्सव साधेपणाने साजरा करण्याचा घेतलेला निर्णय स्वागतार्ह आहे. त्याचे सर्वांनी अनुकरण करावे. हजारो वर्षांची परंपरा असलेल्या वारीने देखील शासनाने केलेल्या आवाहनास प्रतिसाद दिला त्याबद्दल त्यांचेही उपमुख्यमंत्र्यांनी आभार मानले.

कोरोनाची समस्या जागतिक असून पुढील काळ कदाचित अधिक आव्हानात्मक असेल. त्यामुळे गर्दी होणार नाही याची काळजी घ्यावी आणि तसे नियोजन करावे. पुढील काळात आषाढी, दहिहंडी, स्वातंत्र्य दिन असे महत्त्वाचे सण-उत्सव आहेत. हे सण उत्सव साजरे करताना उत्साह कायम ठेवावा व घरातच थांबून ते साजरे करावेत. यासाठी जनजागृती आवश्यक आहे. पाऊस आणि कोरोना या दोन आव्हानांविरुद्ध लढाई आहे. सर्वांनीच आरोग्याची काळजी घ्यावी, असे आवाहनही उपमुख्यमंत्र्यांनी केले.

गणेशोत्सवासाठी पोलीस दल सज्ज: गृहमंत्री अनिल देशमुख

कोरोनाविरुद्धची लढाई गेल्या तीन महिन्यापासून सुरू आहे. आपले पोलीस थोडे थकले आहेत पण त्यांची हिंमत कायम आहे. परप्रांतीय कामगारांची वापसी, पावसाळा, कोरोना संक्रमण अशा अडचणी आहेत. पण शासन गणेशोत्सव साजरा करण्याबाबत ज्या काही सूचना देतील, त्याप्रमाणे कायदा व सुव्यवस्था राखण्यासाठी पोलीस दल सज्ज असल्याची निःसंदिग्ध ग्वाही गृहमंत्री अनिल देशमुख यांनी यावेळी दिली.

मान्यवरांनी केल्या उपयुक्त सूचना

मुख्य सचिव अजोय मेहता यांनी कोरोना नियंत्रित आहे पण धोका टळला नाही असे सांगून उत्सवाच्या वेळी एकत्रित येणे हे कोरोना परिस्थितीमध्ये घातक ठरेल. त्यामुळे अधिक काळजी घ्यावी, असे आवाहन केले. महापालिका आयुक्त इकबाल सिंह चहल यांनी गणेशोत्सवाच्या अनुषंगाने महानगरपालिकेच्या तयारीबाबतची सविस्तर माहिती दिली. त्याचप्रमाणे कायदा व सुव्यवस्था या संदर्भात राज्याचे पोलीस महासंचालक सुबोध जयस्वाल व मुंबई पोलीस आयुक्त परमबीर सिंह यांनी पोलीस दलाच्या तयारीची माहिती बैठकीत दिली. या बैठकीत बृहन्मुंबई सार्वजनिक गणेशोत्सव समितीचे अध्यक्ष अँड. नरेश दहिबावकर, सर्वश्री जयेंद्र साळगावकर, माजी आमदार विनोद घोसाळकर, दगडूशेठ हलवाई गणेश मंडळातर्फे अण्णासाहेब थोरात, बृहन्मुंबई गणेश मुर्तीकार संघाचे अध्यक्ष यांनीही अत्यंत महत्वाचा व उपयुक्त सूचना मांडल्या.

गृह विभागाचे अपर मुख्य सचिव संजय कुमार यांनी बैठकीच्या सुरुवातीला प्रस्तावना केली. कोरोना पार्श्वभूमीवर ही बैठक अत्यंत महत्त्वाची असून राज्यातील विविध मंडळांचे पदाधिकारी यात सामील झाले असल्याची माहिती दिली. तसेच बैठकीचे संचलन ही त्यांनी केले. प्रधान सचिव अमिताभ गुप्ता यांनी शेवटी सर्वांचे आभार व्यक्त केले. या बैठकीस राज्यभरातील गणेश मंडळाचे प्रतिनिधी, मूर्तिकार संघटनेचे प्रतिनिधी उपस्थित होते.

नवी दिल्ली : महाराष्ट्रातील 36 जिल्ह्यातील 455 जनऔषधी केंद्रांमध्ये सॅनिटरी नॅपकिन्स 1 रूपया प्रतिपॅड दराने उपलब्ध होत आहेत. देशभर कोविड-19 च्या वाढत्या संसर्गामुळे उद्भवलेली परिस्थिती लक्षात घेता सामाजिक जाणिवेतून केंद्रीय औषधीनिर्माण विभागाच्यावतीने प्रतिपॅड 1 रूपया दराने सॅनिटरी नॅपकिन्स उपलब्ध करून देण्यात आले येत आहेत.

महिलांच्या आरोग्याच्या दृष्टीने ‘स्वच्छ, स्वस्थ आणि सुविधा’ सुनिश्चित करण्यासाठी सॅनिटरी नॅपक्निसची किंमत कमी करण्याचे महत्त्वपूर्ण पाऊल उचलले आहे.  जनऔषधी  केंद्रामार्फत विक्री करण्यात येणारे पॅड हे पर्यावरणाला अनुकूल आहेत. या पॅडसाठी वापरण्यात येणारे साहित्य हे जैव-विघटनशील आहे. हे साहित्य ‘एएसटीएम डी-6954’ मानकांनुसार बनविण्यात आलेले आहे.

बाजार भावानुसार प्रति पॅड सॅनिटरी  नॅपकिन्सची किंमत 3 ते 8 रूपये आहे. बऱ्याच महिलांना ते परवडण्या सारखे नसते. त्यामुळेच प्रतिपॅड 1 रूपया दराने सॅनिटरी नॅपकिन्स उपलब्ध करून देण्याचा निर्णय केंद्र शासनाने घेतलेला आहे.

वर्तमानात कोविड-19 च्या कठीण काळात महाराष्ट्रातील सर्वच जिल्ह्यातील प्रधानमंत्री भारतीय जनऔषधी केंद्रे सुरू आहेत. या केंद्रामार्फत औषधे आणि जीवनावश्यक वस्तूंचा पुरवठा निरंतर केला जात आहे. या सर्व जनऔषधी केंद्रांमधून सॅनिटरी नॅपकिन्स 1 रूपये प्रतिपॅड दराने उपलब्ध करून दिले जात आहेत.

महाराष्ट्रातील  जिल्हानिहाय जनऔषधी केंद्र

अहमदनगर (08), अकोला (09), अमरावती (10) औरंगाबाद (12) बीड (24)भंडारा (01) बुलढाणा (19) चंद्रपूर (05) धुळे (05) गडचिरोली (01) गोंदिया (05) हिंगोली (04) जळगाव (12) जालना (27) कोल्हापूर (12) लातूर (47) मुंबई (01) मुंबईशहर (34) मुंबई उपनगर (03) नागपूर (09) नांदेड (17) नंदूरबार (02) नाशिक (16) उस्मानाबाद (12) पालघर  (12) परभणी (17) पुणे (24)रायगड (09)रत्नागिरी (01) सांगली (12) सातारा (15) सोलापूर (15) ठाणे (44) वर्धा (02) वाशिम (05) यवतमाळ (04)