मुख्याध्यापक, शिक्षक यांच्याकडूनही सूचना घेणार

मुंबई दि. २२: शालेय शैक्षणीक वर्ष सुरु झाल्यानंतर विविध ऑनलाईन माध्यमांचे पायलट प्रॉजेक्ट सुरु करण्याचे निर्देश मुख्यमंत्री उद्धव ठाकरे यांनी दिले होते. त्याप्रमाणे आज त्यांनी जिओ टीव्ही तसेच गुगल मीटद्वारे कशाप्रकारे ऑनलाईन वर्ग भरवता येतो त्याचे प्रात्यक्षिक पाहिले व विद्यार्थ्यांशी संवाद साधला. येत्या काही दिवसांत शिक्षक आमदार तसेच निवडक मुख्याध्यापक, शिक्षक यांना देखील हे सादरीकरण करून त्यांच्याकडून सुचना मागवाव्यात असेही मुख्यमंत्र्यांनी आज सांगितले. शालेय शिक्षण विभागाची व्हिसी आज त्यांनी घेतली त्यावेळी विभागाच्या मंत्री वर्षा गायकवाड देखील उपस्थित होत्या.

यावेळी मुख्यमंत्र्यांनी पहिली ते बारावी पर्यंतचा शैक्षणिक अभ्यासक्रम हा इलेक्ट्रॉनिक पद्धतीने असल्याने त्याची सर्व उपकरणांवर कॉम्पॅटिबिलिटी असावी तसेच तो सहजरीत्या ऑफलाईन देखील उपलब्ध झाला पाहिजे हे पाहण्यास सांगितले. यावेळी त्यांनी गुगल मीट वरील एक ऑनलाईन वर्गाचे देखील प्रात्यक्षिक पाहिले. विद्यार्थ्यांना कुठल्याही तांत्रिक अडचणी येऊ देता कामा नये तसेच त्या आल्यास त्यांचे त्वरित निराकरण करणारी यंत्रणा हवी असेही ते म्हणाले.

जिओ टीव्ही वर प्रायोगिक तत्वावर दहावी आणि बारावीसाठी दोन वाहिन्या तयार करण्यात आल्या आहेत. तसेच या टीव्ही वर पहिली ते बारावी असे स्वतंत्र ५ वाहिन्यांचे सुधा नियोजन आहे असे सांगण्यात आले. दूरदर्शनकडे देखील दिवसाला ४ ते ५ तास शैक्षणिक तास आयोजित करण्याचे नियोजन आहे असे यावेळी शालेय शिक्षण मंत्री वर्षा गायकवाड यांनी सांगितले.

१०, १२ वी निकालाची प्रक्रिया वेगाने सुरु

यावेळी महाराष्ट्र राज्य माध्यमिक व उच्च माध्यमिक शिक्षण बोर्डाच्या अध्यक्षा शकुंतला काळे यांनी सांगितले की, यंदा मार्च २० च्या दहावी परीक्षेसाठी १७ लाख ६५ हजार ८९८ आणि बारावीसाठी १५ लाख ५ हजार २७ विद्यार्थी बसले होते. बारावीचे सर्व पेपर्स कोरोनामुळे लॉकडाऊनपूर्वी संपले होते मात्र दहावीचा केवळ भूगोलाचा पेपर होऊ शकला नव्हता. मात्र आता निकाल लावण्यासाठी वेगाने प्रक्रिया सुरु असून जुलै १५ पर्यंत बारावीचा आणि जुलै अखेरीपर्यंत दहावीचा निकाल लावूत असे सांगितले. ९७ टक्के उत्तरपत्रिका या कोरोना काळात परीक्षकांकडून जमा करण्यात आल्या असून स्कॅनिंग ही वेगाने सुरु आहे. अशी माहिती दिली.

११ वी प्रवेश प्रक्रिया व्यवस्थित राबवा.

दहावीच्या निकालानंतर सुमारे दीड महिना अकरावीची प्रवेश प्रक्रिया चालेल. या वर्षापासून ऑनलाईन पोर्टलमध्येही आवश्यक ते बदल करण्यात येत आहेत. विद्यार्थ्यांना ऑनलाईन शुल्क भरणे, डिजिटल पुस्तिका, मोबाईल एप अशा सुविधा देण्यात येत आहेत. १ जुलैपासून महाविद्यालयांचे नोंदणी सत्र सुरु होईल अशी माहिती यावेळी विभागाने दिली.

मुंबई , पुणे, नागपूर, औरंगाबाद, अमरावती , नाशिक या विभागांमध्ये ही प्रक्रिया ऑनलाईन चालणार असून इतरत्र व ग्रामीण भागात ऑफलाईन प्रक्रिया चालेल. या प्रक्रिया व्यवस्थित चालतील असे पाहण्याचे निर्देशही मुख्यमंत्र्यांनी यावेळी दिले.
0000

मुंबई, दि. २२ – मुंबईतील वर्सोवा येथील शासकीय मत्स्यव्यवसाय प्रशिक्षण केंद्राच्या वतीने देण्यात येणाऱ्या सागरी मत्स्यव्यवसाय नौकानयन, सागरी इंजिन देखभाल आणि परिचालन प्रशिक्षण वर्गासाठी प्रवेश घेण्याची अंतिम तारीख ३० जून २०२० पर्यंत वाढविण्यात आली आहे.

मत्स्यव्यवसाय व सागरी मासेमारीचा विकास आणि विस्तार होण्याच्या दृष्टिकोनातून मत्स्यव्यवसायातील इच्छुक प्रशिक्षणार्थीसाठी शासकीय मत्स्य व्यवसाय प्रशिक्षण केंद्राच्या वतीने सहा महिन्याचे प्रशिक्षण दिले जाते. त्याअनुषंगाने २०१९ – २० या चालू वर्षातील प्रशिक्षण वर्ग दिनांक ०१ जुलै २०२० ते ३१ डिसेंबर २०२० या कालावधीत होणार आहे.  या प्रशिक्षण कार्यक्रमासाठी अर्ज मागविण्याची मुदत वाढविण्यात येत असून दिनांक ३०/०६/२०२० पर्यंत पात्र व इच्छुक प्रशिक्षणार्थींनी पुढील पत्यावर अर्ज पाठवावेत अर्ज पाठविण्याचा पत्ता- शासकीय मत्स्यव्यवसाय प्रशिक्षण केंद्र, पांडुरंग रामले मार्ग,तेरे गल्ली,वर्सोवा मुंबई –  ६१ या पत्त्यावर अथवा ftomumbai@gmail.com   या ईमेल वर  ३० जून २०२० पर्यंत सादर करावेत.

·         ही सुविधा देणारी देशातील पहिली बँक

·         जगभरातील मान्यताप्राप्त कॉलेज व विद्यापिठे यांच्यासाठी उपलब्ध

·         पूर्णतः डिजिटल प्रक्रिया

मुंबई: आयसीआयसीआय बँकेने ग्राहकांना स्वतःला किंवा त्यांच्या मुलांना, भावंडांना व नातवंडांना जगभरातील मान्यताप्राप्त कॉलेजमध्ये किंवा विद्यापीठांमध्ये उच्च शिक्षण घेण्यासाठी 1 कोटी रुपयांपर्यंत शैक्षणिक कर्ज मिळावे, यासाठी इन्स्टंट सँक्शन लेटर देणारी सुविधा आज जाहीर केली आहे. ‘इन्स्टा एज्युकेशन लोन’ नावाने असणारी ही पहिलीवहिली सुविधा लाखो पूर्व-मान्यताप्राप्त ग्राहकांना बँकेकडे असलेल्या त्यांच्या फिक्स्ड डिपॉझिटवर पूर्णतः डिजिटल पद्धतीने शैक्षणिक कर्ज देणार आहे. प्रवेशाची खातरजमा करण्यासाठी ग्राहकांना शैक्षणिक संस्थेमध्ये सँक्शन लेटर सादर करता येऊ शकते.

ग्राहकांना बँकेच्या इंटरनेट बँकिंग सुविधेचा वापर करून स्वतःचे सँक्शन लेटर स्वतःच तयार करण्याची सेवा दिली जाणार असल्याने ‘इन्स्टा एज्युकेशन लोन’ सुविधा ग्राहकांसाठी कमालीची सोयीस्कर ठरणार आहे. साधारतः ग्राहकांना शैक्षणिक कर्जाचे सँक्शन लेटर मिळण्यासाठी काही दिवसांचा कालावधी लागतो. तसेच, या सुविधेमुळे, बँकेच्या शाखेत जाण्याचा आणि सगळी कागदपत्रे सादर करण्याचा ग्राहकांचा त्रासही वाचणार आहे.

नव्या सेवेविषयी बोलताना, आयसीआयसीआय बँकेचे अनसिक्युअर्ड अॅसेट्सचे प्रमुख सुदीप्त रॉय यांनी सांगितले, “महत्त्वाकांक्षा बाळगलेल्या लाखो विद्यार्थ्यांची स्वप्ने पूर्ण करण्यासाठी आम्ही सातत्याने करत असलेल्या प्रयत्नांचा भाग म्हणून, ग्राहकांनी बँकेत ठेवलेल्या फिक्स्ड डिपॉझिटवर शैक्षणिक कर्ज घेण्यासाठी इस्टंट मंजुरी देऊन सँक्शन लेटर देताना आम्हाला अतिशय आनंद होतो आहे. विद्यार्थ्यांना कोणतीही आर्थिक चिंता न करता कॉलेज किंवा विद्यापीठाची प्रवेशाची प्रक्रिया पूर्ण करता येऊ शकते. कोणतेही पेपरवर्क न करता, डिजिटल सुविधेच्या मदतीने विद्यार्थ्यां व पालकांना या सुविधेचा लाभ घेता येऊ शकतो. या सुविधेमुळे, सँक्शन लेटर मिळण्यासाठी लागणारा कालावधी काही दिवसांवरून काही मिनिटांपर्यंत कमी होणार आहे. ग्राहकांना उच्च शिक्षणासाठी आवश्यक असलेली रक्कम उभी करण्यासाठी फिक्स्ड डिपॉझिट किंवा अन्य गुंतवणूक मोडीवा लागणार नसल्याने ही सुविधा त्यांच्यासाठी अतिशय सोयीची ठरणार आहे, असा विश्वास आहे”

‘इन्स्टा एज्युकेशन लोन’ची काही प्रमुख वैशिष्ट्ये पुढे दिली आहेत:

·         इन्स्टंट  मंजुरी: ग्राहकांना बँकेच्या शाखेत न जाता, तातडीने ईमेलद्वारे सँक्शन लेटर मिळेल.

·         लवचिकता: ग्राहकांना त्यांची मुले, भावंडे, नातवंडे किंवा स्वतः यांच्यासाठी, बँकेकडे असलेल्या फिक्स्ड डिपॉझिटच्या 90% पर्यंतच्या रकमेच्या कर्जासाठी अर्ज करता येऊ शकतो.

·         कर्जाची वैविध्यपूर्ण रक्कम: आंतरराष्ट्रीय संस्थेमध्ये प्रवेश घेण्यास इच्छुक असलेल्या विद्यार्थ्यांसाठी 10 लाख रुपये ते 1 कोटी रुपये या दरम्यान कर्ज उपलब्ध आहे. देशातील संस्थेमध्ये प्रवेश घेण्यास इच्छुक असलेल्या विद्यार्थ्यांसाठी 10 लाख रुपये ते 50 लाख रुपये या दरम्यान कर्ज उपलब्ध आहे.

·         अर्ज करणे सुलभ: ग्राहकांना बँकेच्या इंटरनेट बँकिंग सुविधेद्वारे कर्जाची रक्कम व 10 वर्षांपर्यंतचा परतफेडीचा कालावधी सहजपणे निवडता येऊ शकतो.

·         करविषयक फायदे: ‘इन्स्टा एज्युकेशन लोन’च्या रकमेवर 8 वर्षांपर्यंत भरलेले संपूर्ण व्याज प्राप्तिकर अधिनियम, 1961 च्या कलम 80ई अंतर्गत वार्षिक करपात्र उत्पन्नातून कर वजावटीस पात्र आहे.

ग्राहकांनी पुढील काही टप्पे पूर्ण केल्यावर त्यांना मंजुरी मिळवता येऊ शकते:

1.   लॉग इन: ग्राहकांना बँकेच्या इंटरनेट बँकिंग सुविधेवर लॉग इन करता येईल आणि पूर्व-मंजुरी मिळालेली ऑफर पाहता येईल.

2.   कर्जाबाबत तपशील देणे: त्यांनी कर्जाची रक्कम, परतफेडीचा कालावधी, कॉलेज किंवा विद्यापीठाचे नाव व अभ्यासासाठी येणारा खर्च असा तपशील देणे गरजेचे आहे. कॅल्क्युलेटर आपोआप इक्विटेड मंथली इन्स्टॉलमेंटची (ईएमआय) माहिती देईल.

3.   विद्यार्थ्याचा तपशील देणे: ग्राहकांनी विद्यार्थ्याचे नाव, जन्मतारीख व विद्यार्थ्याशी असलेले नाते अशी माहिती द्यावी. तसेच, त्यांनी अंतिम ऑफर पाहून घ्यावी, अटी व शर्ती मान्य कराव्यात आणि त्यांच्या नोंदणीकृत मोबाइलवर आलेल्या वन टाइम पासवर्डद्वारे (ओटीपी) ऑथेंटिकेट करावे. त्यानंतर, प्रक्रिया शुल्क मिळाल्यानंतर लगेचच सँक्शन लेटर तयार केले जाईल.

4.   सँक्शन लेटर मिळवणे: निश्चित केलेल्या रिलेशनशिप मॅनेजरची माहिती आणि हंगामी सँक्शन लेटर नोंदणीकृत ईमेल आयडीवर पाठवले जाईल.

कर्जाचे अंतिम वितरण होण्यासाठी ग्राहकांनी सँक्शन लेटर असलेल्या ईमेलमध्ये नमूद केलेल्या रिलेशनशिप मॅनेजरशी संपर्क साधणे आवश्यक आहे. प्रवेशाचे पत्र, वित्तीय कागदपत्र व स्वाक्षरी अशी आवश्यक कागदपत्रे प्राप्त केल्यानंतर बँक शैक्षणिक संस्थांना कर्ज वितरित करेल. ग्राहकांनी आयसीआयसीआय बँकेच्या जवळच्या शाखेत जाऊन कागदपत्रे सादर करावीत.

मुंबई दि.२० :राज्यात कोरोनाच्या आक्रमणापासून आजतागायत १ हजारावर पोलिसांना कोरोनाची लागण झाली असून ,पोलिसांवर हल्ला होण्याच्या २७५ घटना घडल्या आहेत तर कोविडसंदर्भात अत्यावश्यक सेवेसाठी ५ लाख ६१० पास पोलिसांमार्फत देण्यात आले आहेत. ६ लाख २६ हजार व्यक्तींना क्वारंटाईन करण्यात आले आहे.अशी माहिती गृहमंत्री अनिल देशमुख यांनी दिली.

राज्यात लॉकडाऊनच्या म्हणजे दि.२२ मार्च ते २१ जून या कालावधीत कलम १८८ नुसार १ लाख ३३ हजार ७३० गुन्हे नोंद झाले असून २७ हजार ४४६ व्यक्तींना अटक करण्यात आली आहे. विविध गुन्ह्यांसाठी ८ कोटी ४१ लाख ३२ हजार ४६१ रुपयांचा दंड आकारण्यात आला आहे.

पोलिसांवर हल्ला होण्याच्या घटना – २७५ (८५४ व्यक्ती ताब्यात)

१०० नंबरवर आलेले फोन – १ लाख ०४ हजार ०४०

राज्यात एकूण क्वारंटाईन केलेल्या व्यक्ती – ६ लाख २६ हजार ३५३

अवैध वाहतूक करणाऱ्या वाहनांवर दाखल गुन्हे – १३३५

जप्त केलेली वाहने – ८३ हजार ९७०

परदेशी नागरिकांवर व्हिसा उल्लंघनाचे नोंदवलेले गुन्हे – १५

कोरोना विषाणूचा प्रादुर्भाव रोखताना मृत्युमुखी पडलेले पोलीस – ४८

(मुंबईतील ३१ पोलीस व १ अधिकारी असे एकूण ३२, पुणे ३, सोलापूर शहर २, नाशिक ग्रामीण ३, एटीएस १, मुंबई रेल्वे २, ठाणे ग्रामीण २, जळगाव ग्रामीण१,पालघर १)

कोरोना बाधित पोलीस – ११६ पोलीस अधिकारी व ९०० पोलीस कर्मचारी

राज्यातील एकूण रिलिफ कँप -९८ (सुमारे ३ हजार २६६ लोकांची व्यवस्था)

उच्च तंत्र शिक्षण मंत्री उदय सामंत यांची माहिती

मुंबई,दि.२२ : राज्य सामायिक प्रवेश परीक्षा कक्षाच्या वतीने घेण्यात येणाऱ्या उच्च शिक्षण आणि तंत्र शिक्षण विभागाच्या विविध विषयांच्या प्रवेश परीक्षा पुढे ढकलण्यात आल्या आहेत अशी माहिती उच्च व तंत्र शिक्षण मंत्री उदय सामंत यांनी दिली.

श्री. सामंत म्हणाले, राज्य सामायिक प्रवेश परीक्षा कक्षाच्या (CET- सेल) माध्यमातून दरवर्षी उच्च शिक्षण आणि तंत्र शिक्षण विभागाच्या विविध विषयांच्या प्रवेश परीक्षा घेण्यात येतात. सध्या संपूर्ण देशात आणि महाराष्ट्रात कोविड- १९ चा वाढता प्रादुर्भाव लक्षात घेऊन या सर्व परीक्षा पुढे ढकलण्यात आल्या आहेत.

विद्यार्थी आणि पालकांकडून या प्रवेश परीक्षा पुढे ढकलण्याविषयी सातत्याने मागणी होत होती. विद्यार्थ्यांच्या आरोग्याच्या दृष्टीने हा निर्णय घेण्यात आला असून या सर्व परीक्षांच्या तारखा नव्याने जाहीर करण्यात येतील. असेही श्री. सामंत यांनी संगितले.

मुंबई, दि. २२: ‘वंदेभारत’ अभियानांतर्गत  विविध देशातून मुंबईत येणाऱ्या प्रवाशांचा ओघ सुरुच असून आतापर्यंत  १०५ विमानांनी तब्बल १६ हजार २३४ प्रवासी मुंबईत दाखल झाले आहेत. यामध्ये ६००९ मुंबईचे तर उर्वरित महाराष्ट्रातील ५३८९ आणि इतर राज्यातील ४८३६ प्रवासी आहेत. १ जुलैपर्यंत आणखी ४९ विमानांनी प्रवासी मुंबईत दाखल होणार आहेत.

आतापर्यंत ब्रिटन, सिंगापूर, फिलीपाईन्स, अमेरिका, बांगलादेश, मलेशिया, कुवेत, इथियोपिया, अफगाणिस्तान, ओमान, दक्षिण अफ्रिका, इंडोनेशिया, नेदरलँड, जपान, श्रीलंका, म्यानमार, टांझानिया, स्पेन, आर्यलँड, कतार, हाँगकाँग, कझाकीस्तान, मॉरिशियस, ब्राझील, थायलंड, केनिया, मियामी, व्हियतनाम, इटली, स्वीडन, इथोपिया, रोम, जर्मनी, दुबई, मालावी, वेस्ट इंडिज, नॉर्वे, कैरो, युक्रेन, रशिया, मादागास्कर, नायजेरिया, ऑस्ट्रेलिया अशा‍ विविध देशातून प्रवासी मुंबईत दाखल झाले आहेत.

मुंबईतील प्रवाशांची संस्थात्मक क्वारंटाईनची सुविधा विविध हॉटेल्समध्ये करण्यात आली आहे. इतर जिल्ह्यातील व राज्यातील प्रवाशांना त्यांच्या जिल्हा मुख्यालयी पाठवण्याची व्यवस्था जिल्हाधिकारी कार्यालय, मुंबई उपनगर यांच्यामार्फत करण्यात येत आहे. या प्रवाशांना त्यांच्या जिल्हा मुख्यालयी गेल्यानंतर संबंधित जिल्हाधिकारी आणि महानगरपालिका आयुक्तांमार्फत क्वारंटाईन केले जात आहे. 

इतर राज्यातील प्रवाशांचे वाहतूक पासेस संबंधित राज्याकडून प्राप्त होईपर्यंत त्यांना मुंबईत क्वारंटाईन सेंटरमध्ये ठेवण्यात येते व त्या प्रवाशांचा प्रवासी वाहतूक पास संबंधित राज्याकडून प्राप्त होताच त्यांना त्यांच्या राज्यात पाठविण्यात येत आहे.

‘वंदे भारत’ अभियान केंद्रीय नागरी उड्डाण मंत्रालय, विदेश मंत्रालय व केंद्रीय गृह मंत्रालय यांच्या समन्वयाने महाराष्ट्र शासन यशस्वीरित्या पार पाडत आहे.

मुंबई, दि.२१ : कोरोनाच्या ३८७० नवीन रुग्णांचे निदान आज झाले असून सध्या राज्यात  ६० हजार १४७ रुग्णांवर (ॲक्टिव्ह) उपचार सुरू आहेत. राज्यात आज १५९१ रुग्णांना घरी सोडण्यात आले असून  एकूण संख्या ६५ हजार  ७४४ झाली आहे, अशी माहिती आरोग्यमंत्री राजेश टोपे यांनी आज दिली.

आजपर्यंत पाठविण्यात आलेल्या ७ लाख ७३ हजार ८६५ नमुन्यांपैकी १ लाख ३२ हजार ७५ नमुने पॉझिटिव्ह (१७.६ टक्के) आले आहेत. राज्यात ६ लाख ६६ हजार  ७१९ लोक होम क्वारंटाईनमध्ये आहेत. सध्या २६ हजार २८७ लोक संस्थात्मक क्वारंटाईनमध्ये आहेत.

राज्यात १७० करोना बाधित रुग्णांच्या मृत्यूची नोंद आज झाली आहे. त्यापैकी ६९ मृत्यू हे वर नमूद केल्याप्रमाणे मागील कालावधीतील आहेत. उर्वरित १०१ मृत्यूंपैकी आरोग्यमंडळ निहाय मृत्यू असे: ठाणे-७० (मुंबई ४१, ठाणे मनपा २९), नाशिक-८ (नाशिक ७, अहमदनगर १), पुणे-१४ (पुणे १४), औरंगाबाद-१ (औरंगाबाद १), लातूर-१ (लातूर १), अकोला-७ (अकोला ४, अणरावती १, बुलढाणा १, वाशिम १). कोरोनामुळे मुळे राज्यात झालेल्या मृत्यूंची संख्या आता ६१७० झाली आहे.

राज्यातील तपशील

मुंबई: बाधित रुग्ण- (६६,४८८), बरे झालेले रुग्ण- (३३,४९१), मृत्यू- (३६७१), इतर कारणांमुळे झालेले मृत्यू-(८), ॲक्टिव्ह रुग्ण- (२९,३१८)

ठाणे: बाधित रुग्ण- (२४,३८८), बरे झालेले रुग्ण- (९५७५), मृत्यू- (७१६), इतर कारणांमुळे झालेले मृत्यू-(१), ॲक्टिव्ह रुग्ण- (१४,०९६)

पालघर: बाधित रुग्ण- (३४५३), बरे झालेले रुग्ण- (१०४७), मृत्यू- (९०), इतर कारणांमुळे झालेले मृत्यू-(०), ॲक्टिव्ह रुग्ण- (२३१६)

रायगड: बाधित रुग्ण- (२५३०), बरे झालेले रुग्ण- (१५४१), मृत्यू- (९१), इतर कारणांमुळे झालेले मृत्यू-(२), ॲक्टिव्ह रुग्ण- (८९६)

रत्नागिरी:  बाधित रुग्ण- (५०१), बरे झालेले रुग्ण- (३३४), मृत्यू- (१७), इतर कारणांमुळे झालेले मृत्यू-(०), ॲक्टिव्ह रुग्ण- (१५०)

सिंधुदुर्ग: बाधित रुग्ण- (१६३), बरे झालेले रुग्ण- (१२६), मृत्यू- (४), इतर कारणांमुळे झालेले मृत्यू-(०), ॲक्टिव्ह रुग्ण- (३३)

पुणे: बाधित रुग्ण- (१५,८८१), बरे झालेले रुग्ण- (८६२२), मृत्यू- (६०१), इतर कारणांमुळे झालेले मृत्यू-(०), ॲक्टिव्ह रुग्ण- (६६५८)

सातारा:  बाधित रुग्ण- (८४०), बरे झालेले रुग्ण- (५८४), मृत्यू- (३८), इतर कारणांमुळे झालेले मृत्यू-(१), ॲक्टिव्ह रुग्ण- (२१७)

सांगली: बाधित रुग्ण- (२९३), बरे झालेले रुग्ण- (१६०), मृत्यू- (७), इतर कारणांमुळे झालेले मृत्यू-(०), ॲक्टिव्ह रुग्ण- (१२६)

कोल्हापूर: बाधित रुग्ण- (७४१), बरे झालेले रुग्ण- (६७०), मृत्यू- (८), इतर कारणांमुळे झालेले मृत्यू-(०), ॲक्टिव्ह रुग्ण- (६३)

सोलापूर: बाधित रुग्ण- (२२०५), बरे झालेले रुग्ण- (१०३०), मृत्यू- (१७२), इतर कारणांमुळे झालेले मृत्यू-(०), ॲक्टिव्ह रुग्ण- (१००३)

नाशिक: बाधित रुग्ण- (२७६२), बरे झालेले रुग्ण- (१५२६), मृत्यू- (१५२), इतर कारणांमुळे झालेले मृत्यू-(०), ॲक्टिव्ह रुग्ण- (१०८४)

अहमदनगर: बाधित रुग्ण- (२८०), बरे झालेले रुग्ण- (२०९), मृत्यू- (१२), इतर कारणांमुळे झालेले मृत्यू-(०), ॲक्टिव्ह रुग्ण- (५९)

जळगाव: बाधित रुग्ण- (२२५८), बरे झालेले रुग्ण- (११८७), मृत्यू- (१८२), इतर कारणांमुळे झालेले मृत्यू-(०), ॲक्टिव्ह रुग्ण- (८८९)

नंदूरबार: बाधित रुग्ण- (८३), बरे झालेले रुग्ण- (३६), मृत्यू- (५), इतर कारणांमुळे झालेले मृत्यू-(०), ॲक्टिव्ह रुग्ण- (४२)

धुळे: बाधित रुग्ण- (५००), बरे झालेले रुग्ण- (३२९), मृत्यू- (४६), इतर कारणांमुळे झालेले मृत्यू-(१), ॲक्टिव्ह रुग्ण- (१२४)

औरंगाबाद: बाधित रुग्ण- (३४००), बरे झालेले रुग्ण- (१८८०), मृत्यू- (१७४), इतर कारणांमुळे झालेले मृत्यू-(०), ॲक्टिव्ह रुग्ण- (१३४६)

जालना: बाधित रुग्ण- (३६५), बरे झालेले रुग्ण- (२३१), मृत्यू- (११), इतर कारणांमुळे झालेले मृत्यू-(०), ॲक्टिव्ह रुग्ण- (१२३)

बीड: बाधित रुग्ण- (९३), बरे झालेले रुग्ण- (६५), मृत्यू- (३), इतर कारणांमुळे झालेले मृत्यू-(०),ॲक्टिव्ह रुग्ण- (२५)

लातूर: बाधित रुग्ण- (२१७), बरे झालेले रुग्ण- (१३९), मृत्यू- (१२), इतर कारणांमुळे झालेले मृत्यू-(०), ॲक्टिव्ह रुग्ण- (६६)

परभणी: बाधित रुग्ण- (८५), बरे झालेले रुग्ण- (७४), मृत्यू- (४), इतर कारणांमुळे झालेले मृत्यू-(०), ॲक्टिव्ह रुग्ण- (७)

हिंगोली: बाधित रुग्ण- (२५२), बरे झालेले रुग्ण- (२१४), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (३७)

नांदेड: बाधित रुग्ण- (२८२), बरे झालेले रुग्ण (१७५), मृत्यू- (११), इतर कारणांमुळे झालेले मृत्यू-(०), ॲक्टिव्ह रुग्ण- (९६)

उस्मानाबाद: बाधित रुग्ण- (१७६), बरे झालेले रुग्ण- (१३०), मृत्यू- (६), इतर कारणांमुळे झालेले मृत्यू-(०), ॲक्टिव्ह रुग्ण- (४०)

अमरावती: बाधित रुग्ण- (४४१), बरे झालेले रुग्ण- (२७८), मृत्यू- (२२), इतर कारणांमुळे झालेले मृत्यू-(०), ॲक्टिव्ह रुग्ण- (१४१)

अकोला: बाधित रुग्ण- (११८८), बरे झालेले रुग्ण- (७५७), मृत्यू- (६३), इतर कारणांमुळे झालेले मृत्यू-(१), ॲक्टिव्ह रुग्ण- (३६७)

वाशिम: बाधित रुग्ण- (७१), बरे झालेले रुग्ण- (१६), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (५१)

बुलढाणा: बाधित रुग्ण- (१६०), बरे झालेले रुग्ण- (१०४), मृत्यू- (६), इतर कारणांमुळे झालेले मृत्यू-(०), ॲक्टिव्ह रुग्ण- (५०)

यवतमाळ: बाधित रुग्ण- (२३३), बरे झालेले रुग्ण- (१६१), मृत्यू- (७), इतर कारणांमुळे झालेले मृत्यू-(०), ॲक्टिव्ह रुग्ण- (६५)

नागपूर: बाधित रुग्ण- (१३२५), बरे झालेले रुग्ण- (८३३), मृत्यू- (१३), इतर कारणांमुळे झालेले मृत्यू-(०), ॲक्टिव्ह रुग्ण- (४७९)

वर्धा: बाधित रुग्ण- (१४), बरे झालेले रुग्ण- (११), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (२)

भंडारा: बाधित रुग्ण- (७५), बरे झालेले रुग्ण- (४९), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (२६)

गोंदिया: बाधित रुग्ण- (१०१), बरे झालेले रुग्ण- (६९), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (३२)

चंद्रपूर:  बाधित रुग्ण- (५८), बरे झालेले रुग्ण- (४४), मृत्यू- (०), इतर कारणांमुळे झालेले मृत्यू-(०), ॲक्टिव्ह रुग्ण- (१४)

गडचिरोली: बाधित रुग्ण- (५९), बरे झालेले रुग्ण- (४६), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (१२)

इतर राज्ये: बाधित रुग्ण- (११४), बरे झालेले रुग्ण- (०), मृत्यू- (२०), इतर कारणांमुळे झालेले मृत्यू-(०), ॲक्टिव्ह रुग्ण- (९४)

एकूण:बाधित रुग्ण-(१,३२,०७५),बरे झालेले रुग्ण- (६५,७४४),मृत्यू- (६१७०),इतर कारणांमुळे झालेले मृत्यू-(१४),ॲक्टिव्ह रुग्ण-(६०,१४७)

(टीप-मुंबईमहानगरपालिकेने आज कळविलेल्या ११० मृत्यूंपैकी ४१ मृत्यू हे मागील ४८ तासांतील असून ६९ मृत्यू हे १८ एप्रिल ते १८ जून २०२० या कालावधीतील आहेत.त्यामुळेहे ६९ मृत्यू दैनंदिन स्वरुपात न दाखविता प्रगतीपर आकडेवारीत समाविष्ट करण्यात आलेले आहेत.राज्यातीलमुंबई वगळता इतर सर्व जिल्हा/मनपाक्षेत्रातील मृत्यूंचे रिकॉन्सिलिएशन करण्यात आले आहे.यामध्येजिल्ह्यांकडून प्राप्त मृत्यू विषयक माहिती,राज्यस्तरावरउपलब्ध माहिती आणि कोविड१९ पोर्टलवरील माहिती यांची पडताळणी करुन मृत्यूंची संख्या निश्चित करण्यात आलेली आहे.याप्रक्रियेमुळे ठाणे,रायगडव पालघर या जिल्ह्यांच्या मृत्यूच्या आकडेवारीत बदल दिसून येत आहे.आयसीएमआरपोर्टलवर दर्शविलेल्या बृहन्मुंबई महानगरपालिका क्षेत्रातील दिनांक ७ मे २०२० पासूनच्या १२९ रुग्णांचा आणि ठाणे जिल्ह्यातील १४० रुग्णांचा समावेश रिकॉन्सिलिएशन अभावी वरील तक्त्यामध्ये करण्यात आलेला नाही.हीमाहिती केंद्रसरकारच्या आय.सी.एम.आर.पोर्टलवरमान्यताप्राप्त प्रयोगशाळांनी भरलेल्या कोविड१९बाधित रुग्णांच्या आकडेवारीनुसार तयार करण्यात आलेली आहे.प्रयोगशाळाअहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)