पुणे-करोनाबाधित, संशयित रुग्णांचे तातडीने निदान व्हावे या दृष्टीने उपयुक्त ठरणारी रॅपिड अँटिजेन किट महापालिकेला प्राप्त झाले आहेत. त्यानुसार बुधवारपासून टप्प्याटप्प्याने या किटद्वारे नागरिकांची तपासणी करण्यात येणार आहे. यामुळे पाऊण तासात रुग्णाचा अहवाल प्राप्त होणार असून करोना संसर्ग रोखण्यासही त्यामुळे मदत होणार आहे. सध्या महापालिके ने एक लाख किटची खरेदी के ली असून त्याद्वारे एक लाख नागरिकांची तपासणी होणार आहे.

शहरातील करोनाबाधित आणि संशयित रुग्णांची संख्या वाढत आहे. बाधितांची संख्या गेल्या काही दिवसांपासून नियमितपणे पाचशेच्या पुढे गेली आहे. करोना संसर्ग रोखण्यासाठी महापालिके कडून विविध स्तरावर प्रतिबंधात्मक उपाययोजना करण्यात येत आहेत. त्या दृष्टीने चाचण्यांची संख्या वाढविण्यासाठी रॅपिड अँटिजेन किटची खरेदी करण्यास स्थायी समितीने मान्यता दिली होती. या प्रस्तावाला मान्यता मिळाल्यानंतर सोमवारी महापालिके ला एक लाख किट प्राप्त झाले आहेत. या किटद्वारे नागरिकांची तपासणी करण्यात येईल. या किटद्वारे तपासणी के ल्यानंतर पाऊण तासात त्याबाबतचा अहवाल प्राप्त होणार आहे.

त्यामुळे करोनाबाधितांचे वेळेवर निदान करता येणे शक्य होणार असल्याचा दावा आरोग्य विभागाकडून करण्यात आला आहे. अँटिजेन चाचणीमुळे करोनाबाबतचे शहरातील चित्र बदलण्याची शक्यता आहे. करोना स्वॅब चाचण्यांसाठी मोठय़ा प्रमाणावर राष्ट्रीय विषाणू विज्ञान संस्था, ससून रुग्णालय प्रयोगशाळा आणि खासगी प्रयोगशाळा यांच्यावर अवलंबून राहावे लागत होते. अँटिजेन चाचण्या सुरू के ल्याने हे अवलंबित्व कमी होईल. एवढेच नव्हे तर स्वॅब चाचणीसाठी नमुने दिल्यानंतर त्याचा अहवाल प्राप्त होईपर्यंत किमान एक दिवसाचा वेळ जातो. करोना बाबत भीतीमुळे हा वेळ नागरिकांना तणावामध्ये घालवावा लागतो. अँटिजेन चाचणीसाठी नमुने दिल्यानंतर अल्पावधीतच त्याचा अहवाल प्राप्त होणार आहे. त्यामुळे सर्वार्थानेच अँटिजेन चाचणी महत्त्वाची ठरेल, असे महापालिका आयुक्त शेखर गायकवाड यांनी सांगितले.दरम्यान, बुधवारपासून टप्प्याटप्प्याने या किटचा वापर सुरू होणार आहे. जास्त संसर्ग असलेल्या ठिकाणी त्याचा पहिल्या टप्प्यात वापर करण्यात येईल. किट वापरासंदर्भात आरोग्य विभागातील कर्मचाऱ्यांना प्रशिक्षण दिले जाणार असून गुरुवार-शुक्रवारपासून पूर्ण क्षमतेने वापर करण्याचे नियोजन करण्यात आले आहे, अशी माहिती आरोग्य प्रमुख डॉ. रामचंद्र हंकारे यांनी दिली.

आर्थिक भार होणार हलका

करोनाच्या स्वॅब चाचणीसाठी खासगी प्रयोगशाळांना २५०० रुपये एवढे शुल्क निश्चित करण्यात आले आहे. अँटिजेन चाचणीची किं मत ४५० रुपये एवढी असून त्यावर अल्प प्रमाणात जीएसटी लागणार आहे. म्हणजेच चाचणीचे शुल्क काही हजारांवरून काहीशे रुपये एवढे कमी होणार आहे. त्यामुळे वेळेबरोबरच आर्थिक भारही हलका होणार असल्याचे महापालिका आयुक्त शेखर गायकवाड यांनी सांगितले.

पुणे-मराठी सिने नाट्य सृष्टीतील लॉबी,फसवेगिरी याबाबत चर्चा घडू लागली असताना महापालिकेच्या नाट्यगृहांचे खाजगीकरण करण्याचा डाव आखला जातो आहे . या पूर्वीच महापालिका नाट्यगृहे ठराविक धेंडांच्या नावे तारखा ठेऊन त्यांचा काळाबाजार होत असल्याच्या चर्चा अनेकदा झडल्या आहेत या सर्व पार्श्वभूमीवर आता नाट्यगृहांचे खासगीकरण करण्याचा घाट घातला जातोय .नाट्यगृहंचे खाजगीकरणकरू नये, अशी मागणी विरोधी पक्षनेत्या दीपाली प्रदीप धुमाळ यांनी केली आहे. नाट्यगृह हे महापालिकेचे उत्पन्न वाढविण्याचे साधन किंवा माध्यम नाही. ही पुणेकरांना सांस्कृतिक कार्यक्रम देण्याची सेवा आहे. प्रशासनाला उत्पन्न वाढविण्याची इच्छा असेल तर अनेक विभाग आहेत. त्या विभागाची वसुली करण्याकडे लक्ष द्यावे. असेही त्यांनी म्हटले आहे.

नाट्यगृहांच्या खासगीकरणाच्या निर्णयामुळे सांस्कृतिक वसा जोपासलेल्या तसेच सांस्कृतिक क्षेत्रात हयात घालविलेल्या कलावंतांचा अपमान आहे. त्यामुळे आमचा नाट्यगृहांच्या खाजगिकरणाला विरोध असल्याचे विरोधी पक्षनेत्या धुमाळ यांनी सांगितले.

त्या संदर्भात त्यांनी नाराजी दर्शविणारे पत्र महापौर मुरलीधर मोहोळ आणि महापालिका आयुक्त शेखर गायकवाड यांना दिले आहे.नाट्यगृहांच्या खाजगिकरणामुळे महापालिकेचे अस्तित्व संपून ठेकेदाराला महत्त्व प्राप्त होईल. त्यामुळे मनमानी कारभार सुरू होईल. स्थानिक नाट्य संस्था आणि कलावंतांना नाट्यगृहांत कार्यक्रम राबविण्यासाठी सध्याची सोयीस्कर पध्दत बंद होईल.

साफसफाई किंवा इतर गोष्टी खाजगी संस्थांकडून नीट सांभाळल्या गेल्या नाहीत तर त्यांना जाब कोण विचारणार? नाट्यगृहांच्या विकासासाठी पुणे महापालिकेला लक्ष घालावे लागणार असेल तर खाजगिकरण करण्याचा हा कुटील डाव का? असे अनेक सवाल दीपाली धुमाळ यांनी उपस्थित केले आहेत.

पुणे– तळजाई येथे होऊ घातलेल्या आणि राजकीय वर्चस्वाच्या वादात सापडलेल्या जैववैविध्य पार्कबाबत आज राज्याच्या उपमुख्यमंत्र्यांनी आपल्या पक्षाच्या प्रतिनिधींसह सर्व पक्षीय प्रतिनिधी आणि अधिकारी यांची संयुक्त बैठक घेतली . या बैठकीत त्यांनी स्थायी समिती, मुख्य सभा यांची मान्यता अगोदर घ्या आणि नंतर काही समस्या निर्माण होत असतील तर आपल्यापर्यंत घेऊन या असे सांगितले. दरम्यान आपला विरोध प्रकल्पाला नसून त्यासाठी होत असलेली वृक्ष तोड आणि बेकायदा बाबी यास असल्याचे राष्ट्रवादीचे नेते सुभाष जगताप यांनी पुन्हा स्पष्ट केले आहे. 

 ते म्हणाले,’ आज अजित दादांनी तळजाई बाबत माहिती घेतली  तेथील १०८ एकर जागा , सुप्रीम कोर्टाचे आदेश, प्रशासनाचे म्हणणे , आणि सर्वपक्षीय प्रतिनिधींचे मत त्यांनी ऐकून घेतले.आणि या प्रकल्पास मुख्य सभेची मान्यता नसल्याचे निदर्शनास आणून देताच , अगोदर महापालिकेच्या स्थायी समितीची हवे तर मुख्य सभेची मान्यता घ्या ,सर्व जन एकत्रित बसून पुण्याच्या हिताचा ,पुण्याला एक चांगला प्रकल्प द्या असेच निर्देश अजितदादांनी दिल्याचे सुभाष जगताप यांनी सांगितले. माझे तर असे म्हणणे आहे कि , राज्य सरकार जोपर्यंत हि जागा पार्कची आहे डोंगर माथा डोंगर उतार आहे ,कि बीडीपी झोनची आहे याबाबत निर्णय घेऊन तो घोषित करीत नाही तोवर प्रशासन मुख्य सभेत प्रस्तावच ठेऊ शकत नाही . येथे वृक्ष तोड करणे, बेकायदेशीर मार्गाने प्रकल्प रेटून नेणे यास आपला विरोध आहे.महापालिकेने राबविलेल्या  सोलर प्रकल्पांची अगोदर माहिती घ्यावी नंतर येथे कशा पद्धतीने कोणी हा प्रकल्प राबवावा याबाबत निर्णय घ्यावा असा टोला हि जगताप यांनी मारला.

पुणे- तळजाई चे जंगल हे नैसर्गिकरीत्या जंगलाच राहू द्यात ,ते मानवनिर्मित उद्यान बनवू नका हि पर्यावरणप्रेमी यांची मागणी असून तिच्याशी आपण सहमत असल्याने तीच मागणी आज आपण राज्याचे उपमुख्यमंत्री अजितदादा पवार  यांच्यापुढे मांडल्याचे या भागातील भाजपचे नगरसेवक महेश वाबळे यांनी सांगितले . आज पुण्याच्या विधान भवनात उपमुख्यमंत्री यांनी तळजाई येथील नियोजित जैववैविध्यपार्क च्या संदर्भात मते आजमाविण्यासाठी स्थानिक लोकप्रतिनिधी आणि अधिकारी यांची बैठक घेतली या बैठकीस भाजपच्या आमदार माधुरी मिसाळ आणि नगरसेवक महेश वाबळे ,स्थायी समिती अध्यक्ष हेमंत रासने तसेच अन्य पक्षांचे प्रतिनिधी उपस्थित होते.

१०८ एकर जागेवर जैववैविध्य पार्क उभारण्याच्या प्रकल्पाचे कॉंग्रेसचे माजी उपमहापौर आणि ज्येष्ठ नेते ,सध्याचे महापालिकेतील कॉंग्रेसचे गटनेते आबा बागुल यांनी जोरदार प्रयत्न सुरु केले आहेत . त्यादृष्टीने सदू शिंदे स्टेडीअम चे उद्घाटन हि पूर्वीच संपन्न झाले . आणि नंतर सोलर प्रकल्प आणि बांबू उद्यानाचे काम सुरु होताच त्यास विरोध सुरु झाला . आणि हा संपूर्ण प्रकल्प वादाच्या भोवऱ्यात सापडला . या प्रकल्पास अधिकृत मान्यता नसल्याची भूमिका आज भाजपच्या वतीने मांडण्यात आली .या प्रकल्पाच्या अनुषंगाने वृक्षतोड आणि काँक्रीटीकरण वाढणार असल्याचा आरोप करण्यात आला . यामुळे उपमुख्यमंत्री यांनी सर्वांनी एकत्रित येऊन सहमतीने पुण्याला चांगला प्रकल्प देता येईल अशा पद्धतीने अगोदर स्थायी समिती हवे तर मुख्य सभा यांची मान्यता घेऊन नंतर आपणाकडे प्रकल्प घेऊन या असे सांगितल्याचे वाबळे यांनी सांगितले.SHOW LESS

पुणे- किती दिवस पुणेकरांना सारसबाग ,पेशवे बाग दाखविणार ..निसर्गाचे जतन करून ,कोणतीही हानी न करता तळजाईवर सुरु झालेल्या जैववैविध्य प्रकल्पातील सदु शिंदे स्टेडीयम चे तर उद्घाटन झाले पण पुढील कामाला राजकीय श्रेयवादातून विरोध   सुरु झाला आणि या प्रकल्पाला ग्रहण लागले. बरे झाले आज खुद्द उपमुख्यमंत्री अजितदादा यांनी या प्रकल्पाला जणू पाठिंबाच दिला . आज त्यांनी स्थानिक प्रतीनिधी अधिकारी यांच्याशी चर्चा केली .आणि स्थायी समिती आवश्यक वाटले तर मुख्य सभेची मंजुरी घ्या आणि नंतर काही अडचण आली तर माझ्याकडे या असे हि सांगितले. असा दावा आज महापालिकेतील गटनेते आबा बागुल यांनी मायमराठी शी बोलताना केला. पहा आबा बागुल काय म्हणाले …. 

नेमका काय आहे हा प्रकल्प यावर बोलताना ते म्हणाले ,शहराची फुफ्फुसे असलेल्या टेकड्या आणि त्यावरील जैववैविध्य यांचे संरक्षण व संवर्धन करण्यासाठी माझ्या संकल्पनेतून एक सूक्ष्म आराखडा तयार करण्यात आला आहे. त्यानुसार पहिल्या टप्प्यात सुमारे ५ एकर जागेवर कै. सदू शिंदे क्रिकेट स्टेडियम साकारण्यात आले आहे. या स्टेडियमचे वैशिष्ट्य म्हणजे त्याच्या उभारणीत सिमेंट आणि काँक्रीटचा वापर टाळून स्थानिक पातळीवर मिळणार्‍या दगड, मातीचा वापर केला आहे. त्यामुळे हे स्टेडीयम पूर्णपणे पर्यावरणपूरक  आहे. त्याचबरोबर    बांबू उद्यान, नक्षत्र गार्डन ,सोलर रूफ पॅनल  पार्किंग या प्रकल्पांचेही   भूमिपूजन झालेले  असून कामे सुरु आहेत. 30वर्ष मी राजकारण आणि समाजकारणात कार्यरत आहे. अनेक पथदर्शी प्रकल्प माझ्या कारकिर्दीत शहरात साकारले आहेत.  शहराच्या फुफ्फुसांपैकी महत्वाची असलेल्या तळजाई टेकडीच्या जतनासाठी, संवर्धनासाठी प्रयत्न सुरू आहेत.त्यानुसार सुमारे १०७ एकर क्षेत्रावर आणि महापालिकेच्या ताब्यात असलेल्या डोंगर माथा, डोंगर उताराच्या जागेवर  जैववैविध्य उद्यान साकारले जात आहे. मात्र    त्यासाठी कोणत्याही वृक्षाला इजा न पोहोचविता आणि पर्यावरणाला बाधा न आणता पर्यावरणपूरक प्रकल्पांची उभारणी कायद्यातील तरतुदीनुसारच होत आहे. प्रकल्पाच्या क्षेत्रात वाहनांचा वापर टाळण्यासाठी स्वतंत्र वाहनतळ असणार आहे. तेथेच सौर ऊर्जा प्रकल्प  उभारण्यात येणार आहे. तेथून सर्वत्र सौर ऊर्जेचा वापर करण्यात येणार आहे. ३०० किलोवॉट वीजनिर्मिती होणार असून वाहनतळात अंदाजे १४४ चारचाकी, २०१ दुचाकी , १०० सायकल आणि दोन बस पार्क होतील अशी क्षमता आहे.या सोलर रूफ पार्किंग येथे नागरिकांनी वाहने लावायची आणि तिथून व्यायामासाठी, फिरण्यासाठी जावे असे नियोजन वन्यजीव अधिवासाच्या संरक्षणासाठी आहे. नक्षत्र उद्यान, बांबू उद्यान, रानमेवा उद्यान, मसाल्याच्या वनस्पतींचे उद्यान, वनौषधी उद्यान, पुष्प उद्यान आणि सुगंधी वनस्पतींचे उद्यान असे सात संकल्पनाधारित उद्याने हे प्रमुख वैशिष्ट्य आहे. त्यात नक्षत्र आणि बांबू उद्यान, सोलाररुफ पार्किंग  याचे काम सुरु होत आहे. या प्रकल्पांच्या विकासकामांना आणि टेकडीवरील झाडांना कै. वसंतराव बागुल उद्यान येथे सुरु केलेल्या देशातील पहिल्या ग्रे वॉटर प्रक्रिया प्रकल्पातून दररोज  पाच लाख लिटर पाण्याचा वापर होत आहे. सांडपाण्यावर प्रक्रिया करून पिण्यायोग्य असलेल्या या पाण्यामुळे आता तळजाई टेकडी वर्षभर हिरवीगार राहणार आहे. शिवाय पिण्याच्या पाण्याची बचतही  होत आहे.

पुणे- उपमुख्यमंत्री तथा जिल्हयाचे पालकमंत्री अजित पवार यांच्या अध्यक्षतेखाली कोरोना निर्मूलन आढावा बैठक घेण्यात आली . विभागीय आयुक्त कार्यालयातील या बैठकीस मुख्यमंत्री यांचे प्रधान सल्लागार अजोय मेहता, सार्वजनिक आरोग्य विभागाचे प्रधान सचिव डॉ.प्रदीपकुमार व्यास, वैद्यकीय शिक्षण, अन्न व औषध विभागाचे सचिव डॉ. संजय मुखर्जी,विभागीय आयुक्त डॉ. दीपक म्हैसेकर, ससून चे नियंत्रक एस. चोक्कलिंगम,जिल्हाधिकारी नवल किशोर राम, महापौर मुरलीधर मोहोळ, पुणे मनपा आयुक्त शेखर गायकवाड, पिंपरी चिंचवड मनपा आयुक्त श्रावण हर्डीकर उपस्थित होते. या बैठकीनंतर पत्रकारांनी महापौर मुरलीधर मोहोळ यांना या बैठकीत काय झाले याबाबत विचारले असता पहा नेमके ते काय म्हणाले …त्यांच्या शब्दात

पुणे- आर्थिक दुर्बल घटकांमधील विद्यार्थ्यांसाठी दिशादर्शक ठरलेल्या महापालिकेच्या राजीव गांधी ई – लर्निंग स्कुलने केंद्रीय माध्यमिक शिक्षण मंडळातर्फे (सीबीएसई) चालवण्यात येणारी महानगरपालिकेची इ लर्निंग शिक्षण देणारी देशातील पहिली शाळा ठरली आहे. काँग्रेस पक्षाचे गटनेते आबा बागुल यांच्या संकल्पनेतून साकारलेली हि शाळा आधुनिकतेची कास धरून गरीब व आर्थिक दृष्ट्या मागास असलेल्या विध्यार्थ्यांना दर्जेदार शिक्षण देऊन त्यांच्या उज्वल भविष्यासाठी सदैव प्रेरित करते. कोरोनाच्या पार्श्वभूमीवर २३ मार्च पासून संपूर्ण देशात लॉक डाउन करण्यात आले होते. कोरोनाचा प्रादुर्भाव रोखण्यासाठी   सर्व शाळा महाविद्यालये बंद करण्यात आली आहेत. राजीव गांधी इ लर्निंग स्कूलचा निकाल मार्च महिन्यात देण्यात येतो व नवीन वर्षाची शाळा १ एप्रिल पासून सुरु होते. परंतु कोरोनामुळे हे शक्य झाले नाही व मुलांचे एप्रिल महिन्यापासून शैक्षणिक नुकसान झाले. परंतु आता लॉक डाउन शिथिल करण्यात आले असून त्यामुळे शिक्षक व कर्मचारी शाळेवर येण्यास सुरुवात झालेली आहे. विद्यार्थ्यांचे शैक्षणिक नुकसान होऊ नये यासाठी काँग्रेस पक्षाचे गटनेते व ज्यांच्या संकल्पनेतून शाळा साकारली ते आबा बागुल यांच्या मार्गदर्शनाखाली राजीव गांधी इ लर्निंग मधील विध्यार्थ्यांना ऑनलाईन  शिकवण्यास १६ जून पासून सुरुवात करण्यात आली आहे. ज्युनियर केजी ते १० वी पर्यंतच्या विध्यार्थ्यांना एजुमित्र व दीक्षा अँपद्वारे ऑनलाईन पद्धतीने शिकवण्यात येते. वेळापत्रक तयार करून सर्व विध्यार्थ्यांना देण्यात आले असून प्रत्येक तासानुसार वेगेळापत्रकाप्रमाणे शिक्षक शालेय वेळेत विध्यार्थ्यांना  दर्जेदार ऑनलाईन शिक्षण देत आहेत. विशेष म्हणजे विध्यार्थी देखील मोठ्या उत्साहाने घरातच भरणाऱ्या ऑनलाईन शाळेचा आनंद घेत असून शाळेचा युनिफॉर्म परिधान करून न चुकता शिक्षण घेतात, अशी माहिती शाळेचे व्यवस्थापक अरुण कामठे व एफसीबा मोरे यांनी दिली

पुणे : छोड दो आंचल जमाना क्या कहेगा… ये राते ये मौसम नदी का किनारा… रिमझिम गिरे सावन…पिया बावरी पिया बावरी… मेरे मेहबूब कयामत होगी… पान खाये सैंयाँ हमारो… नीले नीले अंबर पर… मेरा कुछ सामान तुम्हारे पास पडा है… अशा एक से बढकर एक अवीट गीतांनी रंगलेल्या संगीत मैफलीतून कोरोना संकटात धैर्याने लढणाऱ्या कोरोना योद्ध्यांना अभिवादन करण्यात आले.

दि इन्स्टिट्यूट ऑफ चार्टर्ड अकाउंटंट्स ऑफ इंडिया (आयसीएआय) पुणे शाखा आणि वेस्टर्न इंडिया चार्टर्ड अकाऊंटंट स्टुडंट्स असोसिएशन (विकासा) पुणे शाखा यांच्या संयुक्त विद्यमाने सीए स्थापना दिवसाच्या निमित्ताने ‘एक संगीतमय शाम कोरोना वॉरीयर्स के नाम’ या लाईव्ह संगीत मैफिलीचे आयोजन केले होते. गायिका मधुरा दातार, गायक जितेंद्र अभ्यंकर यांच्या सुमधुर गायनाने अनेक मेलडी गीतांनी सजलेली मैफिल रंगली. सचिन जांभेकर (संवादिनी), अपूर्व द्रविड (तबला), अभिजित भदे (रिदम), सागर खांबे (साउंड) यांनी साथसंगत केली. ‘कजरारे कजरारे’ या सुमधुर गीताने मैफिलीची सांगता झाली.

सीए रेखा धामणकर, सीए महेश लुंकड यांनीही गीतांचे सादरीकरण केले. ‘आयसीएआय’चे उपाध्यक्ष सीए समीर लड्डा यांनी कार्यक्रमाचे संयोजन केले. सीए जगदीश धोंगडे यांनी निवेदन केले. सीए चंद्रशेखर चितळे, सीए श्रीकांत दंडवते आदीनी कोरोना योद्ध्यांप्रती कृतज्ञता व्यक्त केली.