डॉ. अमित कामले यांनी वडिलांप्रती कृतज्ञतापूर्वक लिहीलेल्या

‘मेरे पापा’ या आल्बमचे व ‘जयदीप’ या चरित्र ग्रंथाचे प्रकाशन

• ‘मेरे पापा’ गाण्याला प्रसिद्ध गायक एसपी बालसुब्रह्मण्यम यांचा स्वर

• जयदीप चरित्रग्रंथाचे ज्येष्ठ पार्श्वगायिका उषा मंगेशकर यांच्या हस्ते प्रकाशन

पुणे – ख्रिस्त शिकवण भक्तिसंगीत उद्योगातील नामवंत व्यक्तीमत्त्व व संगीतकार तसेच ग्लोरीफाय ख्राईस्टचे संस्थापक व संचालक डॉ. अमित कामले यांच्या ‘मेरे पापा’ या आल्बमचे तसेच त्यांचे वडील डॉ. दीपक कामले यांच्यावरील ‘जयदीप’ या चरित्र ग्रंथाचे प्रकाशन आज येथे झाले. डॉ. दीपक कामले यांच्या ६६ व्या वाढदिवसाचे औचित्य साधून अमित यांनी स्वतः लिहीलेला व संगीतबद्ध केलेला ‘मेरे पापा’ हा आल्बम गीत वडिलांना अर्पण केला. या गीतांना प्रसिद्ध गायक एसपी बालसुब्रह्मण्यम यांनी स्वर दिला आहे.

यासंदर्भात बोलताना डॉ. अमित म्हणाले, “एसपी बालसुब्रह्मण्यम सरांसारख्या महान गायकाने माझ्या रचना गाणे माझ्यासाठी गौरवास्पद आहे. मी त्यांचा खूप मोठा चाहता आहे. त्यांनी या आल्बममधील गाणी अत्यंत प्रेमाने व भावमधुर गायली आहेत. मेरे पापा हा आल्बम म्हणजे माझे वडील डॉ. दीपक कामले यांच्याप्रती माझ्या कृतज्ञतेचे प्रतिक आहे.”

या गाण्यांचे चित्रण मिरजेच्या वॉनलेस हॉस्पिटलच्या रम्य परिसरात झाले असून त्यानिमित्त डॉ. दीपक व डॉ. अमित हे पिता-पुत्र प्रथमच पडद्यावर एकत्र दिसणार आहेत. ‘मेरे पापा’ आल्बम हृदयस्पर्शी गीत अत्यंत मधुर संगीताने नटला असून श्रोत्यांच्या मनाला नक्कीच भिडणारा आहे.

वडील डॉ. दीपक कामले यांचा आजचा वाढदिवस अधिक संस्मरणीय करण्यासाठी डॉ. अमित यांनी त्यांना आणखी एक भावपूर्ण भेट दिली आहे. डॉ. दीपक कामले यांच्या जयदीप या चरित्र ग्रंथाचे प्रकाशनही आज प्रसिद्ध ज्येष्ठ पार्श्वगायिका उषा मंगेशकर यांच्या हस्ते व्हर्च्युअल पद्धतीने झाले. ‘जयदीप’ हे शीर्षक अत्यंत अर्थपूर्ण असून त्यात अमित यांच्या आई जया व वडील दीपक यांच्या नावाचा सुरेख संगम आहे. पुस्तकात डॉ. दीपक यांच्या बालपणातील कहाण्या, त्यांचे शालेय जीवन, वैद्यकीय महाविद्यालयातील शिक्षण व मिरजेतील वॉनलेस हॉस्पिटलचे संचालक बनण्यापर्यंतचा प्रवास वर्णन केला असून त्याद्वारे त्यांच्या सुवर्णमयी व्यक्तीमत्त्वाची ओळख करुन दिली आहे.

डॉ. अमित यांनी यानिमित्त पत्नी पोर्णिमा व कन्या अद्विता यांच्याप्रतीही त्यांनी केलेल्या मदतीबद्दल कृतज्ञता व्यक्त केली आहे.

हा आल्बम व पुस्तक दोन्ही नक्कीच यशस्वी ठरतील. ‘मेरे पापा’ या गाण्यातून श्रोत्यांना वडील व मुलातील भावस्पर्शी नात्याची अनुभूती मिळेल तर पुस्तकातून वाचकांना प्रेरणा मिळेल.

पुणे : “सूर्यदत्ता एज्युकेशन फाउंडेशनच्या वतीने उच्च शिक्षणासाठी (पदव्युत्तर अभ्यासक्रम) १०० विद्यार्थ्यांना १०० टक्के शिष्यवृत्ती दिली जाणार आहे. सावित्रीबाई फुले पुणे विद्यापीठाशी संलग्नित एमएस्सी (संगणकशास्त्र), एमकॉम, एमबीए, अखिल तंत्रशिक्षण महामंडळ संलग्नित पीजीडीएम आणि मास्टर इन फाईन आर्टस् व पदव्युत्तर डिप्लोमा (अर्धवेळ) या पाच अभ्यासक्रमांना प्रत्येकी २० याप्रमाणे १०० विद्यार्थ्यांना ही शिष्यवृत्ती मिळणार आहे, कोरोना संसर्गामुळे ओढवलेल्या आर्थिक संकटात विद्यार्थ्यांचे नुकसान होऊ नये, त्यांचे वर्ष वाया जाऊ नये, म्हणून सूर्यदत्ता ग्रुप ऑफ इन्स्टिट्यूटच्या एज्यु-सोशियो कनेक्ट & सीएसआर इनिशिएटिव्ह’ अंतर्गत ही शिष्यवृत्ती देण्यात येणार आहे. ३० सप्टेंबरपर्यंत विद्यार्थ्यांनी अर्ज करायचा आहे,” अशी माहिती संस्थेचे संस्थापक अध्यक्ष प्रा. डॉ. संजय चोरडिया यांनी पत्रकार परिषदेत दिली. प्रसंगी ‘सूर्यदत्ता’चे मुख्य कार्यकारी अधिकारी प्रा. डॉ. शैलेश कासांडे, कार्यकारी संचालक प्रा. सुनील धाडीवाल, प्राचार्य अजित शिंदे, विभागप्रमुख मंदार दिवाने आदी उपस्थित होते.
प्रा. डॉ. संजय चोरडिया म्हणाले, “कोरोनामुळे देशभरात लॉकडाऊन लागले. त्याचा मोठा आर्थिक फटका सर्वच स्तरातील लोकांना बसला. शिक्षण क्षेत्रावर त्याचा विपरीत परिणाम झाला आहे. आर्थिक संकट ओढावल्याने अनेकांनी यंदाच्या वर्षाकरिता उच्च शिक्षणासाठी प्रवेश घेण्याचे टाळण्याचा विचार करत आहेत. शिकण्याची इच्छा असूनही केवळ आर्थिक परिस्थितीमुळे त्यांच्या शिक्षणात खंड पडू नये, या विचारातून सामाजिक बांधिलकीच्या भावनेतून ही शिष्यवृत्ती देण्याचा निर्णय आम्ही संस्थेच्या पदाधिकाऱ्यांच्या बैठकीत घेतला. एमएस्सी (संगणकशास्त्र), एमकॉम, एमबीए, पीजीडीएम आणि मास्टर इन फाईन आर्टस्, पदव्युत्तर डिप्लोमा (अर्धवेळ) हे सगळे अभ्यासक्रम व्यवसायाभिमुख आणि रोजगाराभिमुख आहेत. त्यामुळे हे अभ्यासक्रम पूर्ण करून विद्यार्थी चांगली नोकरी मिळवू शकतात किंवा स्वतःचा व्यवसाय उभारू शकतात. आर्थिक परिस्थितीमुळे विद्यार्थ्यांचे वर्ष वाया जाऊन विद्यार्थी व पालकामध्ये नैराश्याची भावना येऊ नये, हाही यामागील उद्देश आहे. सूर्यदत्ता ग्रुप ऑफ इन्स्टिट्यूट दर्जेदार, संशोधनात्मक शिक्षण, सर्वांगीण विकास आणि तज्ज्ञ व्यवस्थापन असलेली शिक्षण संस्था म्हणून ओळखली जाते. सोबतच सामाजिक जागरूकता जपत विविध उपक्रम संस्थेत राबवले जातात.”
“या अभ्यासक्रमांचे शुल्क साधारणपणे ३० हजार ते २.५० लाख इतके आहे. १०० विद्यार्थ्यांचे एकत्रित शुल्क साधारणपणे एक ते दीड कोटी इतके असणार आहे. या प्रत्यक्ष व अप्रत्यक्ष परिणाम झालेल्या नोकरदारांच्या मुलांसाठी, नोकरी गेलेल्यांच्या मुलांकरिता, हमाल पंचायत, स्वच्छ संस्था, बांधकाम मजूर, अल्प उत्त्पन्न गटातील नागरिकांच्या मुलांना या शिष्यवृत्तीचा लाभ घेता येईल. यासह कोरोनामध्ये फ्रंटलाईनवर काम करणारे सर्व कोरोना वॉरियर्सची मुले, डॉक्टर्स, नर्सेस, पोलीस, शहीद जवान यांची मुले, अनाथ मुलांसह आर्थिक मागास वर्गातील कोणत्याही मुलाला या शिष्यवृत्तीचा लाभ घेता येईल. विद्यार्थी सहायक समिती, पुणे विद्यार्थी गृह, पुणे श्रमिक पत्रकार संघ, जनसेवा फाउंडेशन, लीला पुनावाला फाउंडेशन यांसारख्या संस्थांकडून आलेल्या शिफारशींचा विचार शिष्यवृत्तीसाठी केला जाणार आहे. समाजातील विविध संस्थांना अशा गरजू विद्यार्थ्यांना आमच्यापर्यंत पोहोचवण्याचे आवाहन करत आहोत.” असेही डॉ. संजय चोरडिया यांनी सांगितले.
प्रा. डॉ. शैलेश कासंडे म्हणाले, “या शिष्यवृत्ती योजनेत अर्ज करण्याची अंतिम तारीख ३० सप्टेंबर २०२० अशी आहे. विविध संस्थांकडून आलेल्या, तसेच ऑनलाईन स्वरूपात आलेल्या अर्जाची तज्ज्ञ समितीकडून छाननी करून उमेदवारांची निवड केली जाणार आहे. अधिक माहिती व नमुना अर्ज www.suryadatta.org या संकेतस्थळावर उपलब्ध आहे. ८९५६९३२४००/ ९७६३२६६८२९ यावर संपर्क साधावा.”
——————————-पत्रकार पांडुरंग रायकर यांच्या मुलाचाशैक्षणिक खर्च ‘सूर्यदत्ता’ करणार

पत्रकार पांडुरंग रायकर यांचे कोरोनामुळे नुकतेच दुर्दैवी निधन झाले. त्यांना चार वर्षाचा मुलगा व अडीच वर्षांची मुलगी आहे. त्यांच्या मुलाचा दहावीपर्यंच्या शिक्षणाचा संपूर्ण खर्च सूर्यदत्ता एज्युकेशन फाउंडेशनच्या वतीने केला जाणार आहे. तो मुलगा जिथे शिकेल, ज्या शाळेत शिकेल तिथला संपूर्ण खर्च सूर्यदत्ता करणार असल्याचे डॉ. संजय चोरडिया म्हणाले. त्याचबरोबर पत्रकारांच्या मुलांना ही शिष्यवृत्ती मिळणार असून, त्यासाठी पुणे श्रमिक पत्रकार संघाच्या अध्यक्षांची शिफारस घेणे आवश्यक असल्याचे त्यांनी नमूद केले.

पुणे विभागातील 2 लाख 70 हजार 733 कोरोना बाधित रुग्ण बरे होऊन घरी गेले,
विभागात कोरोना बाधित 3 लाख 58 हजार 705 रुग्ण
-विभागीय आयुक्त सौरभ राव

पुणे,दि.18 :- पुणे विभागातील 2 लाख 70 हजार 733 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 3 लाख 58 हजार 705 झाली आहे. तर ॲक्टीव रुग्ण संख्या78 हजार 690 इतकी आहे. कोरोनाबाधीत एकुण 9 हजार 282 रुग्णांचा मृत्यू झाला असून मृत्यूचे प्रमाण 2.59 टक्के आहे. पुणे विभागामध्ये बऱ्या होणा-या रुग्णांचे प्रमाण 75.48 टक्के आहे, अशी माहिती विभागीय आयुक्त सौरभ राव यांनी दिली.

पुणे जिल्हा
पुणे जिल्हयातील कोरोना बाधीत एकूण 2 लाख 40 हजार 423 रुग्णांपैकी 1 लाख 92 हजार 771 रुग्ण बरे होवून घरी गेले आहेत. ॲक्टीव रुग्ण संख्या 42 हजार 312 आहे. कोरोनाबाधित एकूण 5 हजार 340 रुग्णांचा मृत्यू झाला आहे. मृत्यूचे प्रमाण 2.22 टक्के इतके आहे तर बरे होणा-या रुग्णांचे प्रमाण 80.18 टक्के आहे.
सातारा जिल्हा
सातारा जिल्हयातील कोरोना बाधीत एकूण27 हजार 363 रुग्णांपैकी 17 हजार 777 रुग्ण बरे होवून घरी गेले आहेत. ॲक्टीव रुग्ण संख्या 8 हजार 803 आहे. कोरोनाबाधित एकूण 783 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 27 हजार 21 रुग्णांपैकी 18 हजार 632 रुग्ण बरे होवून घरी गेले आहेत. ॲक्टीव रुग्ण संख्या 7 हजार 396 आहे. कोरोनाबाधित एकूण 993 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 26 हजार 681 रुग्णांपैकी 16 हजार 191 रुग्ण बरे होवून घरी गेले आहेत. ॲक्टीव रुग्ण संख्या 9 हजार 486 आहे. कोरोनाबाधित एकूण 1 हजार 4 रुग्णांचा मृत्यू झाला आहे.
कोल्हापूर जिल्हा
कोल्हापूर जिल्हयातील कोरोना बाधीत एकूण 37 हजार 217 रुग्णांपैकी 25 हजार 362 रुग्ण बरे होवून घरी गेले आहेत. ॲक्टीव रुग्ण संख्या 10 हजार 693 आहे. कोरोनाबाधित एकूण 1 हजार 162 रुग्णांचा मृत्यू झाला आहे.
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 7 हजार 859 ने वाढ झाली आहे. यामध्ये पुणे जिल्ह्यात4 हजार 571, सातारा जिल्ह्यात 915, सोलापूर जिल्ह्यात 631, सांगली जिल्ह्यात 1 हजार 28 तर कोल्हापूर जिल्ह्यात 714 अशी रुग्ण संख्येमध्ये वाढ झालेली आहे.
पुणे विभागातील सर्व्हेक्षण
आजपर्यत विभागामध्ये एकुण 15 लाख 73 हजार 157 नमून्याचा तपासणी अहवाल प्राप्त झाला. प्राप्त अहवालांपैकी 3 लाख 58 हजार 705 नमून्यांचा अहवाल सकारात्मक (पॉझिटिव्ह) आहे.

( टिप :- दि. 17 सप्टेंबर 2020 रोजी रात्री 9.00 वा. पर्यंतच्या आकडेवारीनुसार )

पॅरिस येथे रंगणार रोलँगॅरोस वाईल्डकार्ड स्पर्धा
पुणे, 18 सप्टेंबर: ग्रँडस्लॅम टेनिस स्पर्धेत खेळणे हे जगातील प्रत्येक टेनिसपटूचे स्वप्न असते. पुण्याच्या वैष्णवी आडकरसाठी येत्या 2ऑक्टोबरपासून पॅरिस येथे रंगणाऱ्या ज्युनिअर फ्रेंच ओपन 2020(रोलँगॅरोस)वाईल्ड कार्ड स्पर्धेत खेळणे ही अशीच एक स्वप्नपूर्ती असेल. ही स्पर्धा पॅरिस येथे येत्या 2 ऑक्टोबर पासून रंगणार आहे
वयाच्या सहाव्या वर्षी टेनिसमध्ये पाऊल ठेवणाऱ्या वैष्णवी आडकर हिने स्थानिक पातळीवर तसेच, राज्य, राष्ट्रीय स्तरावर आपली प्रगती कायम राखली. यंदा होणाऱ्या फ्रेंच ओपन ज्युनिअर वाईल्ड कार्ड स्पर्धेसाठी तिची निवड होणे हा योगायोग नव्हता. दिल्लीत झालेल्या रोलँगॅरोस ज्युनिअर 2020(18 वर्षाखालील) स्पर्धेत विजेतेपद पटकावून तिने हा मान मिळविला. या स्पर्धेतील विजयामुळे फ्रेंच ओपन ज्युनियर मुख्य ड्रॉ स्पर्धेत तिचे स्थान निश्चित होईल. 
कोरोना महामारीमुळे टेनिसच्या संपुर्ण मौसमावरपरिणाम झाला असताना फ्रेंच ओपन स्पर्धेसाठीचे आयोजन आणि त्यासाठी आपली निवड होणे ही केवळ 16 वर्षीय वैष्णवी साठी सुवर्णसंधीच ठरली आहे. वैष्णवी आडकर ही अभिनव विद्यालय इंग्लिश मिडीयम हायस्कूलची विद्यर्थिनी असून बाऊन्स टेनिस अकादमीत पुण्यातील गुणवान प्रशिक्षक केदार शहा यांच्या मार्गदर्शनाखाली सराव करते. 
आज पार पडलेल्या एक विशेष कार्यक्रमात बाऊन्स टेनिस अकादमी आणि अखिल भारतीय टेनिस संघटनेचे नवनिर्वाचित सहसचिव सुंदर अय्यर यांच्या हस्ते वैष्णवी आडकरचा खास गौरव करण्यात आला.   

यावेळी बोलताना 16 वर्षाखालील गटातील भारताची अव्व्ल क्रमांकाची टेनिसपटू आणि आयटीएफ क्रमवारीत सध्या 675स्थानावर असलेल्या वैष्णवी आडकर हिने सांगितले की, रोलँगॅरोस स्पर्धेतील टेनिस कोर्टवर खेळण्यास मी उत्सुक असून आंतरराष्ट्रीय स्तरावर देशाचे प्रतिनिधित्व करण्याचे माझे बालपणापासून बाळगलेले एक स्वप्न आता पूर्ण होत आहे. तसेच, खेळाबरोबरच तंदरुस्तीकडे खास लक्ष देत असल्याचे सांगून ती म्हणाली की, आंतरराष्ट्रीय स्तरावर चांगली कामगिरी करण्यासाठी तंदरुस्तीला पर्याय नाही.
आपल्या टेनिस खेळात झालेल्या प्रगतीबद्दल वैष्णवी हिने आपले प्रशिक्षक केदार शहा यांचे आभार व्यक्त करताना ती म्हणाली की, माझ्या चुका आणि कच्चे दुवे काढून टाकणे आणि माझ्या बलस्थानांवर लक्ष्य केंद्रित करणे यासाठी केदार शहा सर मला नेहमीच मदत करतात. प्रत्यक्ष सामन्यात विजय मिळविण्यासाठी त्यांचा मला उपयोग होतो.   
माझ्या अभिनव विद्यालय इंग्लिश मिडीयम हायस्कूल या शाळेने सैदव मला प्रोत्साहन व पाठिंबा दिला आहे. यामुळे अभ्यास आणि खेळ यांचा योग्य समन्वय साधण्यास मला फार मदत झाली. तसेच, माझ्या या वाटचालीत माझे कुटुंबीय आणि सर्व प्रशिक्षक यांचा मोलाचा वाटा आहे. प्रशिक्षक केदार शहा, अनिकेत वाकणकर आणि मंदार वाकणकर(पहिले प्रशिक्षक)यांनी मला वेळोवेळी मार्गदर्शन केले आणि एक चांगला खेळाडू होण्यासाठी नेहमीच प्रोत्साहित केले. त्यांच्या मार्गदर्शनाशिवाय मी टेनिस खेळूच शकले नसते असे मला वाटते. 

टेनिसमधील वैष्णवीची वाटचाल उत्तम प्रकारे चालू असल्याचे सांगून प्रशिक्षक केदार शहा म्हणाले की, तिचा खेळ पहिल्यापासून आक्रमक आहे. तिचे फटके ओघवते असतात आणि ती चेंडू जोरदार फाटकावते. 12 वर्षापर्यंत तिची वाटचाल अपेक्षित प्रकारे नसली तरी वयाबरोबर ती अधिक प्रगल्भ होत जाईल आणि वरच्या स्तरावर अधिक चांगली कामगिरी करू शकेल. आंतरराष्ट्रीय स्तरावर महिलांच्या टेनिसमध्ये ताकदवान फटके आणि उत्तम तंदरुसती हे यशासाठी आवश्यक घटक असून उच्च दर्जाची तंदरुस्ती राखता आल्यास वैष्णवीला त्या स्तरावर यश मिळू शकेल. 

फ्रेंच ओपनसाठी तिची तयारी चांगल्या प्रकारे सुरूअसल्याचे सांगून शहा पुढे म्हणाले की, आम्ही तिच्या तंदरुस्तीवर विशेष लक्ष दिले आहे. तसेच, क्ले कोर्टवर अधिक सराव करण्यावर भर दिला आहे. कोविड19 मुळे स्पर्धा होत नसल्याने प्रत्यक्ष सामने खेळण्याची तिची तयारी मात्र पुरेशी झालेली नाही. तरीही अतिशय आक्रमक  शैलीमुळे वैष्णवीला फ्रेंच ओपनमध्ये चांगली संधी आहे. मात्र त्यासाठी तिने दडपणाखाली चंगली कामगिरी करण्याची गरज आहे. 
बाऊन्स टेनिस अकादमी ही केदार शहा या च्या बाऊन्स स्पोर्ट्स अकादमीचाच एक भाग असून या ठिकाणी ज्युनिअर खेळाडूंप्रमाणेच प्रौढ खेळाडूंसाठीही प्रशिक्षण कार्यक्रम आयोजित केला जातो. असे सांगून ते म्हणाले की, या अकादमीत गेल्या सात वर्षात 6 राष्ट्रीय विजेते तयार झाले आहेत. तसेच, असंख्य आंतरराष्ट्रीय व राष्ट्रीय दर्जाचे टेनिसपटूही या अकादमीने दिले आहेत. अनुभवी प्रशिक्षक अनिकेत वाकणकर यांचा बाऊन्स टेनिस अकादमीच्या यशस्वी वाटचालीत आणि प्रशिक्षण कार्यक्रमात नेहमीच मोलाचा वाटा असतो. आंतरराष्ट्रीय स्तरावर टेनिसमध्ये उज्वल भवितव्य असणाऱ्या खेळाडूंमध्ये सिद्धांत बांठिया, ईश्वरी माथेरे, सालसा आहेर, अर्जुन गोहड, शिवानी इंगळे, आस्मि आडकर, देवांशी प्रभुदेसाई, कायरा चेतनानी, अमोघ दामले यांचा समावेश असल्याचे त्यांनी सांगितले.  

पुणे दि.18:- कर्मचारी राज्य बीमा निगम अस्पताल (इएसआयसी), बिबवेवाडी पुणे या ठिकाणचे कोविड केअर सेंटर (सीसीसी) स्थापन केलेले आहे. कोविड -19 च्या वाढत्या प्रादुर्भावाच्या पार्श्वभूमीवर या रुग्णालयाचे समर्पित कोविड आरोग्य केंद्र (डीसीएचसी) मध्ये रुपांतर करण्याकरीता हे रुग्णालय सर्व मनुष्यबळ व सुविधांसह कोविड-19 चे कालावधीपुरते अधिग्रहण करून जिल्हा परिषद पुणे यांचेकडे वर्ग करण्याचे आदेश जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ. राजेश देशमुख यांनी दिले आहेत.

            आपत्ती व्यवस्थापन कायदा 2005 मधील कलम 25 अन्वये जिल्हा आपत्ती व्यवस्थापन प्राधिकरणाची स्थापना करण्यात आलेली आहे व त्यातील पोट कलम 2 (अ) नुसार जिल्हाधिकारी तथा जिल्हादंडाधिकारी हे उक्त प्राधिकरणाचे पदसिद्ध अध्यक्ष आहेत राज्य शासनाने कोरोना विषाणूचा प्रादुर्भाव रोखण्यासाठी राज्यात साथरोग प्रतिबंधात्मक कायदा 1897 दिनांक 13 मार्च, 2020 पासून लागु करुन खंड 2, 3,4 मधील तरतुदीची अंमलबजावणीसाठी अधिसूचना निर्गमित केलेली आहे.

            कोविड -19 च्या वाढत्या प्रादुर्भावाच्या पार्श्वभूमीवर या रुग्णालयाचे समर्पित कोविड आरोग्य केंद्र (डीसीएचसी) मध्ये रुपांतर करण्याकरीता कर्मचारी राज्य बीमा निगम अस्पताल (इसीआयसी), बिबवेवाडी पुणे या ठिकाणचे कोविड केअर सेंटर (सीसीसी) रुग्णालय सर्व मनुष्यबळ व सुविधांसह कोविड-19 चे कालावधीपुरते मुख्य कार्यकारी अधिकारी, जिल्हा परिषद पुणे यांच्याकडे अधिग्रहीत करून वर्ग करण्यात येत आहे.

            अटी व शर्ती पुढीलप्रमाणे : रुग्णालय हे श्रम एवं रोजगार मंत्रालय, भारत सरकार संलग्ण केंद्रिय महामंडळाचे नियंत्रणाखाली असलेला बाह्य रुग्ण विभाग तात्पुरत्या स्वरुपात जिल्हा परिषद पुणे यांच्या नियंत्रणाखाली देण्यात येत आहे. जिल्हा ग्रामीण विकास यंत्रणाचे प्रकल्प संचालक संभाजी लांगोरे यांची प्रशासक म्हणून नेमणूक करण्यात आली आहे. रुग्णालयामध्ये जिल्हा परिषदेमार्फत कोविड केअर सेंटर (सीसीसी) सुरू करण्यात आलेले आहे. हया रुग्णालयातील उपलब्ध 50 बेडस् पैकी 36 बेडस् करीता ऑक्सिजन पाईपलाईन उपलब्ध आहे. उर्वरित बेडस् करीता ऑक्सिजन सुविधा निर्माण करण्याकरीता ऑक्सिजन सिलींडर्सचा पुरवठा उपलब्ध करून घेण्यात यावा. या ठिकाणी समर्पित कोविड आरोग्य केंद्र (डीसीएचसी) सुरू करण्याकरीता ऑक्सिजन सिलींडर्स, व्यतिरिक्त एक्स-रे मशीन, इसीजी मशीन, अॅम्बुलन्स, टेक्नीशीयन, आवश्यक ते प्रमाणे डॉक्टर (एमडी आणि एमबीबीएस) इत्यादी सुविधा साथरोग संपल्यानंतर माघारी घेण्याच्या अधिन राहून एनएचएम मधून उपलब्ध करून देण्यात याव्यात. या डीसीएचसी मध्ये अनुभवी वैद्यकिय अधिक्षक/वैद्यकिय अधिकारी यांच्या नेमणूका करून कामकाज सुरळीत करावे.

            या आदेशाचे पालन न करणाऱ्या कोणतीही व्यक्ती अथवा संस्थेवर भारतीय दंड संहिता 1860 च्या कलम 188, आपत्ती व्यवस्थापन अधिनियम 2005 व साथ रोग नियंत्रण कायद्यातील तरतुदी प्रमाणे फौजदारी कारवाई करण्यात येईल, असेही जिल्हाधिकारी  तथा जिल्हा आपत्ती व्यवस्थापन प्राधिकरणाचे अध्यक्ष डॉ.राजेश देशमुख यांनी आदेशीत केले आहे.

पुणे मेट्रोसाठी राज्य शासनाचे सर्वतोपरी सहकार्य
पुणे दि.18: उपमुख्यमंत्री तथा जिल्ह्याचे पालकमंत्री अजित पवार यांनी आज पुणे मेट्रोच्या कामाचा आढावा घेतला. आज पहाटे सहा वाजता त्यांनी संत तुकाराम नगर स्टेशन येथे जावून प्रत्यक्ष कामाची पाहणी केली. मेट्रोच्या कामासाठी राज्य शासनाकडून सर्वतोपरी सहकार्य करण्यात येईल. मेट्रोच्या कामासाठी निधी कमी पडू दिला जाणार नाही, असे त्यांनी सांगितले.

उपमुख्यमंत्री अजित पवार यांनी आज पुणे व पिंपरी-चिंचवड मेट्रोचा आढावा घेतला. यावेळी महाराष्ट्र मेट्रो रेल कार्पोरेशनचे व्यवस्थापकीय संचालक ब्रिजेश दीक्षित यांच्यासह मेट्रोचे वरिष्ठ अधिकारी उपस्थित होते.
उपमुख्यमंत्री अजित पवार यांनी संत तुकाराम नगर ते पिंपरी (खराळवाडी) असा मेट्रोने त्यांनी प्रवास केला. पहाटे सहा वाजण्याच्या सुमारास फुगेवाडी येथून पाहणी दौ-यांला प्रारंभ केला. यावेळी अजित पवार यांनी मेट्रो चालकाच्या केबिनमधून पाहणी केली व कामकाजाचा आढावा घेतला. ब्रिजेश दीक्षित यांनी सादरीकरणाव्दारे माहिती दिली. सिव्हील कोर्ट,नळस्टॉप,लाकडी पूल व स्वारगेट येथील कामाचीही त्यांनी पाहणी केली तसेच आधुनिक पदधतीने बोगदा खोदकाम करणा-या नवीन मशिनचेही मेट्रोकामासाठी लोकार्पण करण्यात आले. यावेळी मेट्रोचे गौतम बि-हाडे, श्रीमती सरला कुलकर्णी यांनी सुरू असलेल्या कामकाजाबाबत माहिती दिली. यावेळी मेट्रोचे वरिष्ठ अधिकारी उपस्थित होते.

पुणे-पुण्याचे पोलीस आयुक्त म्हणून अमिताभ गुप्ता यांची नियुक्ती आली आहे. रात्री उशिरा या बदल्यांचे आदेश गृहविभागाने काढले आहेत. डॉ. के. व्यंकटेशम यांची विशेष अभियान महाराष्ट्र राज्याच्या प्रमुखपदी नियुक्ती करण्यात आली आहे.

पुणे शहराचे पोलीस आयुक्त डॉ. के. व्यंकटेशम यांनी ऑगस्ट २०१८ मध्ये सूत्रे हाती घेतली होती. तेव्हा पासून आजअखेर नागरिकांच्या  हिताच्या दृष्टीने अनेक उपक्रम राबवून, पोलीस आणि नागरिकांमध्ये संवाद वाढविण्याचे काम त्यांच्या या कार्यकाळात केले गेले आहे. तर आता डॉ. के. व्यंकटेशम यांचा कार्यकाळ पूर्ण झाल्याने त्यांच्या जागी अमिताभ गुप्ता यांची नियुक्ती करण्यात आली आहे.

पुणे ग्रामीण अधीक्षक पदी अभिनव देशमुख

पुणे ग्रामीण अधीक्षक संदीप पाटील यांची गडचिरोली मध्ये बदली झाल्यावर त्यांच्या जागी कोण येणार अशी चर्चा सुरू असताना. आज कोल्हापूर पोलीस अधीक्षक अभिनव देशमुख यांची पुणे ग्रामीण अधीक्षक पदी नियुक्ती करण्यात आली आहे.

 (सध्याचे पद व नव्या नियुक्तीचे ठिकाण)

विशेष पोलिस महानिरीक्षक-ब्रिजेशसिंह- बदली आदेशाधीन- विशेष पोलिस महानिरीक्षक प्रशासन मुंबई

मकरंद रानडे- बदली आदेशाधीन- गुन्हे अन्वेषण विभाग, पुणे

मोहितकुमार गर्ग- अतिरिक्त पोलिस अधीक्षक गडचिरोली- पोलिस अधीक्षक रत्नागिरी

विक्रम देशमाने- पोलिस उपायुक्त एटीएस- ठाणे ग्रामीण

राजेंद्र दाभाडे- पोलिस उपायुक्त गुन्हे विभाग मुंबई- पोलिस अधीक्षक सिंधुदर्ग

सचिन पाटील- समादेशक, एसआरपी, गट 11- पोलिस अधीक्षक नाशिक

मनोज पाटील- पोलिस अधीक्षक सोलापूर- पोलिस अधीक्षक नगर

अभिनव देशमुख- पोलिस अधीक्षक कोल्हापूर- पोलिस अधीक्षक पुणे

दीक्षितकुमार गेडाम- पोलिस अधीक्षक सिंधुदर्ग- पोलिस अधीक्षक सांगली

शैलेश बलकवडे- पोलिस अधीक्षक गडचिरोली- पोलिस अधीक्षक कोल्हापूर

विनायक देशमुख- सहायक पोलिस महानिरीक्षक, मुंबई- पोलिस अधीक्षक जालना

राजा रामास्वामी- पोलिस उपायुक्त, गुप्तवार्ता- पोलिस अधीक्षक बीड

प्रमोद शेवाळे- पोलिस उपायुक्त ठाणे- पोलिस अधीक्षक नांदेड

निखील पिंगळे- समादेशक एसआरपी, नागपूर- पोलिस अधीक्षक लातूर

अंकित गोयल- पोलिस उपायुक्त, परिमंडळ 10 मुंबई- पोलिस अधीक्षक गडचिरोली

डी. के. पाटील- पोलिस अधीक्षक बुलढाणा- पोलिस अधीक्षक यवतमाळ

अरविंद चावरिया-एसीबी, औरंगाबाद- पोलिस अधीक्षक बुलढाणा

विश्वा पानसरे – पोलिस अधीक्षक रेल्वे नागपूर- पोलिस अधीक्षक गोंदिया

अरविंद साळवे- पोलिस अधीक्षक भंडारा- पोलिस अधीक्षक चंद्रपूर

वसंत जाधव- पोलिस उपायुक्त शीघ्र कृती गल, मुंबई- पोलिस अधीक्षक भंडारा

राकेश कलासागर- सीआयडी- पोलिस अधीक्षक हिंगोली

जयंत मीना- बदली आदेशाधीन- पोलिस अधीक्षक परभणी