मुंबई: कॉंग्रेस नेते खा राहुल गांधी यांना धक्काबुक्कीचे महाराष्ट्रातही तीव्र पडसाद उमटले आहेत. या धक्काबुक्कीच्या निषेधार्थ काँग्रेसने मुंबईसह राज्यात जोरदार निदर्शने केली. काँग्रेस कार्यकर्त्यांनी या घटनेवर संताप व्यक्त करत ठिकठिकाणी टायर जाळून जाळत यूपी सरकारचा निषेध नोंदवला आहे.

राहुल गांधी यांना धक्काबुक्की झाल्याचं कळताच काँग्रेसचे प्रदेशाध्यक्ष बाळासाहेब थोरात यांच्या नेतृत्वाखाली काँग्रेसने मंत्रालयाजवळील महात्मा गांधींच्या पुतळ्याखाली निदर्शने केली. यावेळी केंद्र सरकार आणि उत्तर प्रदेश सरकारविरोधात जोरदार घोषणा देण्यात आल्या. या आंदोलनात माजी मुख्यमंत्री पृथ्वीराज चव्हाण, वैद्यकीय शिक्षण मंत्री अमित देशमुख, वस्त्रोद्योग मंत्री अस्लम शेख, माजी मंत्री नसीम खान, मुंबई कॉंग्रेसचे अध्यक्ष एकनाथ गायकवाड, आमदार झिशान सिद्दीकी आदीं सहभागी झाले होते.

यावेळी बाळासाहेब थोरात आणि पृथ्वीराज चव्हाण यांनी उत्तर प्रदेशातील योगी आदित्यनाथ सरकार बरखास्त करून उत्तर प्रदेशात राष्ट्रपती राजवट लागू करण्याची मागणी केली. हाथरस येथील घटनेला योगी सरकारच जबाबदार आहे. त्यामुळे हे सरकार बरखास्त केलं पाहिजे, असं सांगतानाच अत्याचार पीडित मुलीचा अंत्यविधी झाला नाही, तर उत्तर प्रदेश सरकारने त्या मुलीला जाळले आहे, असा संताप बाळासाहेब थोरात यांनी व्यक्त केला. तर, उत्तर प्रदेशात जंगल राज सुरू असून हे गेल्या काही दिवसांपासूनच्या घटनांवरून सिद्ध होत आहे. त्यामुळे योगी सरकार विनाविलंब बरखास्त केलं पाहिजे, अशी मागणी पृथ्वीराज चव्हाण यांनी केली. राहुल गांधी यांनी कोणत्याही कायद्याचं उल्लंघन केलेलं नसताना त्यांना धक्काबुक्की होणं ही अत्यंत दुर्देवी घटना असल्याचंही चव्हाण यांनी म्हटलं आहे.

मुंबई दि. 1 : जवळपास सहा महिन्यांपासून राज्यातील सिनेमागृहे व नाट्यगृहे बंद आहेत. येणाऱ्या काळात सिनेमागृहे व नाट्यगृहे सुरु करताना नागरिकांच्या सुरक्षेला सर्वोच्च प्राधान्य दिले जाईल.  लॉकडाऊननंतर सिनेमागृहे उघडताना सिनेमागृहात प्रेक्षक येण्यासाठी हा काळ महत्त्वाचा आहे. राज्यातील सिनेमागृहे आणि नाट्यगृहे सुरु करण्याबाबत शासन सकारात्मक असून याबाबत आपण मुख्यमंत्री उद्धव ठाकरे, उपमुख्यमंत्री अजित पवार आणि महसूलमंत्री बाळासाहेब थोरात यांच्याशी चर्चा करणार असल्याचे सांस्कृतिक कार्यमंत्री अमित देशमुख यांनी थिएटर्स ओनर्सना चर्चेदरम्यान सांगितले.

सांस्कृतिक कार्यमंत्री अमित देशमुख यांच्या अध्यक्षतेखाली मल्टिप्लेक्स स्क्रिन ओनर्स आणि सिंगल स्क्रीन ओनर्स, थिएटर ओनर्स, फिल्म स्टुडिओ ओनर्स असोसिएशनसमवेत सह्याद्री अतिथीगृह येथे बैठक आयोजित करण्यात आली. या बैठकीला दादासाहेब फाळके चित्रनगरीच्या व्यवस्थापकीय संचालिका मनिषा वर्मा, सह व्यवस्थापकीय संचालिका आंचल गोयल, सांस्कृतिक कार्य विभागाचे उपसचिव विलास थोरात यांच्यासह मल्टिप्लेक्स, सिंगल स्क्रीन, थिएटर आणि फिल्म स्टुडिओचे ओनर्स उपस्थित होते.

सांस्कृतिक कार्यमंत्री श्री. देशमुख म्हणाले, कोविड-19 च्या पार्श्वभूमीवर मार्च महिन्यात नागरिकांच्या सुरक्षिततेला प्राधान्य देत राज्य शासनाने राज्यातील सिनेमागृहे (सिंगल स्क्रीन, मल्टिप्लेक्स, नाट्यगृहे, फिल्म स्टुडिओ) बंद करण्याचा निर्णय घेतला. सध्या राज्यात अनलॉक-5 चा टप्पा सुरु आहे. राज्य शासनाने जारी केलेल्या नव्या मार्गदर्शक तत्वानुसार हॉटेल, रेस्टॉरंट, बार सुरु करण्यास परवानगी देण्यात आली आहे. मात्र सिनेमागृहे व नाट्यगृहे मात्र बंद राहणार आहेत. दसरा, दिवाळी, नाताळ या काळात अनेक सिनेमे प्रदर्शित होत असतात त्यामुळे याच काळात सिनेमागृहांमध्ये प्रेक्षकांची गर्दी होत असते. सिनेमागृहांमध्ये येणाऱ्या नागरिकांच्या सुरक्षेला प्राधान्य देत सिनेमागृहे सुरु कशी करता येतील याबाबत आपण मुख्यमंत्री उद्धव ठाकरे, उपमुख्यमंत्री अजित पवार आणि महसूल मंत्री बाळासाहेब थोरात यांच्याशी चर्चा करणार आहोत, असेही श्री. देशमुख यांनी सांगितले.

थिएटर्स मालकांना वेगवेगळया समस्या, अडचणींना सामोरे जावे लागते. गेल्या सहा महिन्यांपासून थिएटर्स बंद असल्याने थिएटर्स मालकांचे प्रचंड नुकसान झाले आहे. त्यामुळे येणाऱ्या सहा महिन्यांच्या कालावधीत त्यांना येत असलेल्या समस्यांचे निराकरण करण्यावर भर देण्यात येईल. थिएटर्स सुरु राहण्याबाबतचे लायसन्स, वेगवेगळया परवानग्या यासारखे विषय प्राधान्याने सोडविण्यावर भर देण्यात येईल असे सांगून सांस्कृतिक कार्यमंत्री श्री. देशमुख यांनी  थिएटर्स ओनर्स यांना आश्वस्त केले.

थिएटर्स ओनर्स यांनी यावेळी बंद पडत असलेले सिंगल स्क्रिन थिएटर्स, सिंगल स्क्रिन थिएटर्स चालविताना येत असलेल्या अडचणी, थिएटर्स सुरु राहण्याबाबत देण्यात येणारे लायसेन्स, वीज बिल, मालमत्ता कर, विविध परवाने याबाबत येत असलेल्या समस्या मांडल्या.

बैठकीला सिंगल स्क्रिन ओनर्सपैकी उदय टॉकीजचे नितीन दातार, सेंट्रल सिनेमाचे शरद जोशी, कस्तुरबा सिनेमाचे निमिश सोमय्या, न्यू शिरीनचे विराफ वच्छा, आशा सिनेमाचे तेजस करंदीकर तर मल्टिप्लेक्स असोसिएशन ऑफ इंडियाचे दिपक अशेर, मल्टिप्लेक्स स्क्रिन ओनर्सचे आयनॉक्सचे अलोक टंडन, पीव्हीआरचे कमल ग्वानचंदानी, सिनेपॉलिसचे देवांद संपत, कार्निव्हलचे कुणाल सोहनी, सिटी प्राईडचे प्रकाश चाफलकर, युएफओचे कपिल अग्रवाल, राहुल हसकर, राम निधानी आदी उपस्थित होते.

नवी दिल्ली, : राष्ट्रीय पोषण अभियानाअंतर्गत तृतीय ‘पोषण माह’ या विशेष मोहिमेच्या उत्कृष्ट अंमलबजावणीसाठी महाराष्ट्र देशात अव्वल ठरले आहे.

केंद्रीय महिला व बालविकास मंत्रालयाने मंगळवारी तृतीय ‘पोषण माह’ या विशेष मोहीम कार्यक्रमाच्या समारोपाचे आयोजन दूरदृश्य प्रणालीच्या माध्यमातून केले. या कार्यक्रमात केंद्रीय महिला व बाल विकास राज्यमंत्री देबश्री चौधरी, केंद्रीय महिला व बाल विकास सचिव राम मोहन मिश्रा, विविध राज्यातील महिला व बालविकास मंत्री, वरिष्ठ अधिकारी तसेच अभियान राबविणाऱ्या विविध अशासकीय संस्था उपस्थित होत्या.

महाराष्ट्रातून महिला व बालविकास विभागाच्या सचिव आय.ए. कुंदन आणि एकात्मिक बालविकास सेवा आयुक्त इंदरा मालो उपस्थित होत्या.

7 ते 30 सप्टेंबर दरम्यान तृतीय ‘पोषण माह’ विशेष मोहीम देशभर राबविण्यात आली. या अंतर्गत अतितीव्र कुपोषित बालकांचा शोध घेणे, त्यांना योग्य पोषण मिळेल याचे नियोजन करणे, स्तनदा मातांमध्ये स्तनपानाविषयी जनजागृती करणे, जन्मापासून ते 1000 दिवसांपर्यंत अधिक पोषक आहाराबद्दल सांगणे, तसेच महिला आणि बालकांमधील एनिमीया कमी करण्याच्या उपायांवर विशेष लक्ष केंद्रीत करण्यात आले होते.

पोषण माह अंतर्गत सर्वाधिक उपक्रम राबविणारे महाराष्ट्र हे देशात प्रथम क्रमांकाचे राज्य ठरले. कोविड-19 च्या विपरीत परिस्थितीमध्येही सर्व दिशानिर्देशांचे पालन करून राज्य शासनाने तृतीय पोषण माह मोहीम उत्कृष्टपणे राबविली आहे.

महाराष्ट्राने अशा केल्या उपाययोजना

या विशेष मोहिमेमध्ये राज्य शासनाने अतितीव्र कुपोषित बालकांची छाननी केली. त्यांना सुक्ष्म 45 पोषण आहार प्रदान करण्यात आले. अंगणवाडी सेविकांना देण्यात आलेल्या मोबाईलच्या माध्यमातून बालकांचे वजन, उंची नोंदविण्यात आली. घरोघरी जाऊन योग्य प्रकारे काळजी घेण्याबाबत पालकांना जागरूक करण्यात आले. यासह गरोदर तसेच स्तनदा मातांचा आहार, त्यांचे लसीकरण  आरोग्य विभागाच्या सहायाने करण्यात आले. महिलांमध्ये आंतर बाह्य स्वच्छतेबाबत माहिती देण्यात आली, त्यांना काही समस्या असल्यास त्यांचे

समुपदेशन करण्यात आले. न्यट्री किचन गार्डन ही परिकल्पना महाराष्ट्राने दोन वर्षापूर्वीच सुरू केली असून यातंर्गत आतापर्यंत 10 हजार न्यट्री किचन गार्डन महाराष्ट्रात असल्याची माहितीही दूरदृश्यप्रणालीद्वारे आयोजित कार्यक्रमात श्रीमती कुंदन यांनी दिली.

केंद्र शासनाच्या डॅशबोर्डमध्ये सर्वाधिक कार्यक्रमांच्या नोंदी महाराष्ट्राने केल्या आहेत. या डॅशबोर्डमध्ये राज्याने 5 कोटी 38 लाख 12 हजार 326 नोंदी केल्या असून देशात महाराष्ट्र प्रथम ठरले आहे. तर उत्तर प्रदेश दुसऱ्या क्रमांकावर आहे. पोषण माह दरम्यान सर्वाधिक सहभागी तामिळनाडू मधून सहभागी झाले तर या गटात महाराष्ट्राला दुसरा क्रमांक मिळाला आहे. महिला व बालविकास मंत्री यशोमती ठाकूर आणि मंत्री मंडळातील इतर सदस्यांचे मार्गदर्शन यासह काटेकोर नियोजन, अंमलबजावणी, लोकांचा तसेच अंगणवाडी सेविका, शासनाचे इतर विभाग यांचा सक्रीय सहभाग यामुळे हे यश प्राप्त करता आले अशी भावना महिला व बालविकास खात्याच्या सचिव आय.ए. कुंदन तसेच एकात्मिक बालविकास सेवा आयुक्त इंदरा मालो यांनी वेबीनार

मध्ये व्यक्त केल्या.

मुंबई : वन्यजीव सप्ताहाच्या माध्यमातून वन्यजीव संरक्षण आणि संवर्धनाप्रति येणारी सजगता, जाग ही केवळ सप्ताह साजरा करण्यापुरती मर्यादित न ठेवता ती आयुष्यभरासाठी जपूया असे आवाहन मुख्यमंत्री उद्धव ठाकरे यांनी केले आहे.

राज्यात १ ऑक्टोबर ते ७ ऑक्टोबर या काळात वन्यजीव सप्ताह साजरा करण्यात येतो. यानिमित्ताने मुख्यमंत्र्यांनी राज्यातील जनतेला, वन्यजीव प्रेमींना शुभेच्छा दिल्या आहेत.

पर्यावरण रक्षणासाठी कटिबद्धता

वन्यजीव म्हणजे केवळ वाघ नाही तर वाघ केवळ एक प्रतीक असल्याचे सांगून मुख्यमंत्री म्हणाले, ज्या जंगलात वाघ असतो ते जंगल पूर्ण असते. जंगल पूर्ण असणे हे जीवसृष्टीचे एक मोठे जीवनचक्र आहे. त्याचे रक्षण करणे, त्याबद्दल जाग आणण्यासाठी या सप्ताहाचे महत्त्व अधिक आहे. वन्यजीव आणि पर्यावरण रक्षणाची हीच जाग जपत या शासनाने अनेक महत्त्वाचे निर्णय घेतले असल्याचेही मुख्यमंत्री म्हणाले. मुंबईत जवळपास ८०० चौ.कि.मी चे आरेचे जंगल आरक्षित करण्याचा प्रस्ताव त्याच उद्देशाने आणल्याचे व हे जंगल आरक्षित करण्यात येत असल्याचे मुख्यमंत्री म्हणाले.

महाराष्ट्राला संपन्न जैवविविधता

राष्ट्रीय उद्याने अनेक ठिकाणी आहेत परंतु  मुंबई महानगरात शहराच्या मधोमध वसलेले संजय गांधी राष्ट्रीय उद्यान असे जंगल आहे जिथे निसर्गत: वन्यजीव, पशुपक्षी, कीडे, फुलपाखरं आणि असंख्य जीवजंतू आहेत. जीवसृष्टीचे चक्र पूर्ण करणारे  हे  जंगल  आहे, शासन त्याचे रक्षण करण्यासाठी कटिबद्ध असल्याचे मुख्यमंत्री म्हणाले. महाराष्ट्राला विपुल जैवविविधता लाभल्याचे सांगताना त्यांनी  ७२० कि.मी च्या समुद्र किनारी भागातील  जीवसृष्टी जपायलाही शासनाचे प्राधान्य असल्याचे  स्पष्ट केले.

केवळ औपचारिकता नको

असे सप्ताह किंवा दिन साजरे करताना त्यातील औपचारिकता काढून टाकून ते मनापासून साजरे झाले तर आयुष्याला ए‍क वेगळी कलाटणी आणि दिशा मिळेल असा विश्वास मुख्यमंत्र्यांनी व्यक्त केला. ते म्हणाले, वन्यप्राण्यांसोबत असलेले आपले सहजीवन, त्यांचे आपल्या आयुष्यातील अस्तित्व आपण मनापासून स्वीकारणे आवश्यक आहे.

लॉकडाऊन काळात अनेक गोष्टी आपल्याला दिसून आल्या… गाड्या, यंत्रांच्या खडखडाटात कधीही ऐकू न येणारी पक्षांची किलबिल आपल्याला ऐकू येऊ लागली, कधीही न दिसणाऱ्या चिमण्या दिसून येऊ लागल्या. आपण आपल्या घराच्या गच्चीत किंवा गॅलरीत गेलो तर आपली नजर दूरपर्यंत जाऊ लागली, कारण मधले प्रदूषण नाहीसे झाले, अशी अनेक उदाहरणेही मुख्यमंत्र्यांनी यावेळी बोलतांना दिली.

सहजीवन गरजेचे

माझे कुटुंब- माझी जबाबदारी हे अभियान राज्यभर राबविण्यास सुरुवात केल्याचे सांगताना मुख्यमंत्री श्री. ठाकरे यांनी म्हटले की, कुटुंब सुरक्षित तर आपला समाज सुरक्षित राहणार आहे. याच पद्धतीने आपल्या कुटुंबाचा एक भाग असलेल्या परंतु वनात राहात असलेल्या, जीवसृष्टीत राहात असलेल्या आपल्या या जीवनसाथींचे संरक्षण करणे अत्यावश्यक आहे. संपन्न पर्यावरणासाठी ते महत्त्वाचे आहे. त्यामुळे वन्यजीव आणि पर्यावरण रक्षणाप्रति या सप्ताहाच्या निमित्ताने येणारी जाग केवळ एका सप्ताहापुरती मर्यादित न ठेवता आयुष्यभरासाठी जपूया, सजग राहून सहजीवनातून आपल्या आयुष्यातील आनंद वाढविण्यासाठी कटिबद्ध होऊया असेही ते म्हणाले.

मुंबई –येत्या 5 ऑक्टोबरपासून राज्यातील रेस्टॉरंट व बार पुन्हा सुरू होणार आहेत. त्याचबरोबर राज्यातील प्रवासी वाहतूक पूर्वपदावर आणण्यासाठी राज्यांतर्गत

रेल्वे सुरू करण्याचा निर्णयही सरकारनं घेतला आहे. मुंबईतील डबेवाल्यांनाही राज्य सरकारनं दिलासा दिला आहे.

गेल्या काही दिवसांपासून राज्यात करोनाचा प्रार्दुभाव वाढत असल्यानं राज्य सरकारनं काही निर्बंध कायम ठेवले होते. मात्र, ऑक्टोबरपासून अनेक गोष्टींवरील निर्बंध उठवण्याचा निर्णय घेण्यात आला आहे. राज्य सरकारनं यासंदर्भातील आदेश जारी केला आहे. गेल्या काही दिवसांपासून रेस्टॉरंट सुरू करण्याची मागणी होत होती. त्यासंदर्भात राज्य सरकारनं महत्त्वाचा निर्णय घेतला आहे. 5 ऑक्टोबरपासून राज्यातील रेस्टॉरंट व बार सुरू करण्यास परवानगी देण्यात आली आहे. मात्र, एकूण क्षमतेच्या 50 टक्के ग्राहकांनाच प्रवेश देण्याचं बंधन सरकारन घातलं आहे.

मुंबई महानगर प्रदेशाअंतर्गत येणार्‍या अनावश्यक वस्तूंचं उत्पादन करणार्‍या उद्योगांना उत्पादन सुरू करण्यास परवानगी देण्यात आली आहे. राज्य सरकारनं राज्यांतर्गत रेल्वे प्रवासी वाहतूक सुरू करण्यास परवानगी दिली आहे. राज्य व केंद्र सरकारनं दिलेल्या करोनाविषयक मार्गदर्शक सूचनांचं पालन करून ही रेल्वे सेवा तात्काळ सुरू करण्याचे आदेश राज्य सरकारनं दिले आहेत.

प्रवाशांची वाढती मागणी लक्षात घेऊन व कोविड मार्गदर्शक सूचना लक्षात घेऊन मुंबई महानगर प्रदेशातील लोकल रेल्वे गाड्यांच्या फेर्‍या वाढवण्यात येणार आहेत. विशेष म्हणजे राज्य सरकारनं मुंबईतील डबेवाल्यांना लोकलमधून प्रवास करण्यास परवानगी दिली आहे. मुंबई महानगर प्रदेशात अर्थात एमएमआर विभागात डबेवाल्यांना रेल्वेतून प्रवास करण्यात येणार असून, त्यासाठी मुंबई पोलीस आयुक्त कार्यालयाकडून क्यूआर कोड देण्यात येणार आहे.

शाळा बंदच – दरम्यान, राज्यात शाळा आणि कॉलेजेस 31 ऑक्टोबरपर्यंत बंद राहणार असून ऑनलाईन पद्धतीनं शिक्षण सुरू राहणार आहे.

मुंबई, दि. ३० : राज्यात दररोज बरे कोरोनामुक्त होणाऱ्यांची संख्या १९ हजारांच्या पुढे असून सलग तिसऱ्यांदा नवीन रुग्ण कमी संख्येने नोंदविले गेले आहेत. त्यामुळे दिवसेंदिवस राज्यात उपचाराखाली असलेल्या ॲक्टिव्ह रुग्णांची संख्या कमीकमी होत आहे. आज दिवसभरात १८ हजार ३१७ नविन रुग्णांची नोंद झाली असून १९ हजार १६३ रुग्णांना घरी सोडण्यात आले. राज्याच्या रुग्ण बरे होण्याच्या प्रमाणात वाढ होत असून आज ७८.६१ टक्के नोंद झाली आहे. आतापर्यंत १० लाख ८८ हजार ३२२ रुग्ण बरे झाले आहेत. सध्या २ लाख ५९ हजार ३३ रुग्णांवर उपचार सुरू आहेत.

आजपर्यंत पाठविण्यात आलेल्या ६७ लाख ८५ हजार २०५ नमुन्यांपैकी १३ लाख ८४ हजार ४४६ नमुने पॉझिटिव्ह (२०.४० टक्के) आले आहेत. राज्यात  २१ लाख  ६१ हजार ४४८ लोक होम क्वारंटाईनमध्ये आहेत. सध्या २९ हजार १७८ लोक संस्थात्मक क्वारंटाईनमध्ये आहेत. राज्यात आज ४८१ करोनाबाधित रुग्णांच्या मृत्यूंची नोंद झाली असून सध्या राज्यातील मृत्यूदर २.६५ टक्के एवढा आहे, असे आरोग्यमंत्री राजेश टोपे यांनी  सांगितले

आज निदान झालेले १४,९७६ नवीन रुग्ण आणि नोंद झालेले ४३० मृत्यू यांचा तपशील असा (कंसात आज नोंद झालेले मृत्यू) : मुंबई मनपा-२६५४ (४६), ठाणे- ३२० (८), ठाणे मनपा-४७३ (३६), नवी  मुंबई मनपा-४५२ (४), कल्याण डोंबिवली मनपा-५२७ (११), उल्हासनगर मनपा-४० (१), भिवंडी निजामपूर मनपा-३१ (४), मीरा भाईंदर मनपा-२३९ (९), पालघर-१७१ (१२), वसई-विरार मनपा-२४२ (३०), रायगड-३३६ (७), पनवेल मनपा-२५८ (१), नाशिक-४६५ (६), नाशिक मनपा-८९३ (१५), मालेगाव मनपा-३३ (१), अहमदनगर-६३९ (७), अहमदनगर मनपा-१२५ (५), धुळे-६१, धुळे मनपा-६६, जळगाव-२५३ (१), जळगाव मनपा-१०६, नंदूरबार-४० (१), पुणे- ११७९ (२१), पुणे मनपा-१३७० (२८), पिंपरी चिंचवड मनपा-७१२ (३१), सोलापूर-३६८ (५), सोलापूर मनपा-६४, सातारा-६०१ (२९), कोल्हापूर-३३९ (१५), कोल्हापूर मनपा-९१ (५), सांगली-४११ (१८), सांगली  मिरज कुपवाड मनपा-१४९ (५), सिंधुदूर्ग-५४ (२), रत्नागिरी-११७ (१३), औरंगाबाद-१२७ (७),औरंगाबाद मनपा-१९६ (१), जालना-१३४, हिंगोली-२८, परभणी-६२ (७), परभणी मनपा-२६ (१), लातूर-११६ (७), लातूर मनपा-९३ (१), उस्मानाबाद-२५६ (११), बीड-२१४ (३), नांदेड-१३६ (७), नांदेड मनपा-७१ (१), अकोला-२२ (५), अकोला मनपा-५२ (३), अमरावती-८३ (१), अमरावती मनपा-९७, यवतमाळ-१६२ (३), बुलढाणा-२४३ (९), वाशिम-१५० (९), नागपूर-३१३ (९), नागपूर मनपा-१०३८ (१४), वर्धा-१२७, भंडारा-१५५ (१), गोंदिया-१७७ (२), चंद्रपूर-२२५ (१), चंद्रपूर मनपा-१४३, गडचिरोली-६९, इतर राज्य-२३ (१).

राज्यातील जिल्हानिहाय ॲक्टिव्ह रुग्णांचा तपशील                         

मुंबई: बाधित रुग्ण- (२,०५,२६८) बरे झालेले रुग्ण- (१,६९,२६८), मृत्यू- (८९२९), इतर कारणांमुळे झालेले मृत्यू-(४०८), ॲक्टिव्ह रुग्ण- (२६,६६३)

ठाणे: बाधित रुग्ण- (१,८७,३७९), बरे झालेले रुग्ण- (१,५२,९८४), मृत्यू (४८९६), इतर कारणांमुळे झालेले मृत्यू-(१), ॲक्टिव्ह रुग्ण- (२९,४९८)

पालघर: बाधित रुग्ण- (३७,०६९), बरे झालेले रुग्ण- (२९,५४१), मृत्यू- (८७१), इतर कारणांमुळे झालेले मृत्यू-(०), ॲक्टिव्ह रुग्ण- (६६५७)

रायगड: बाधित रुग्ण- (५१,३८७), बरे झालेले रुग्ण-(४२,८८८), मृत्यू- (११५५), इतर कारणांमुळे झालेले मृत्यू-(२), ॲक्टिव्ह रुग्ण- (७३४२)

रत्नागिरी: बाधित रुग्ण- (८४३६), बरे झालेले रुग्ण- (६०५७), मृत्यू- (२७८), इतर कारणांमुळे झालेले मृत्यू-(०), ॲक्टिव्ह रुग्ण- (२१०१)

सिंधुदुर्ग: बाधित रुग्ण- (३९०२), बरे झालेले रुग्ण- (२५१४), मृत्यू- (८४), इतर कारणांमुळे झालेले मृत्यू-(०), ॲक्टिव्ह रुग्ण- (१३०४)

पुणे: बाधित रुग्ण- (२,९३,०६४), बरे झालेले रुग्ण- (२,२९,९५२), मृत्यू- (५८१३), इतर कारणांमुळे झालेले मृत्यू-(१), ॲक्टिव्ह रुग्ण- (५७,२९८)

सातारा: बाधित रुग्ण- (३६,८१६), बरे झालेले रुग्ण- (२७,४५८), मृत्यू- (९३७), इतर कारणांमुळे झालेले मृत्यू-(२), ॲक्टिव्ह रुग्ण- (८४१९)

सांगली: बाधित रुग्ण- (३८,१७५), बरे झालेले रुग्ण- (२८,९४८), मृत्यू- (११७६), इतर कारणांमुळे झालेले मृत्यू-(०), ॲक्टिव्ह रुग्ण- (८०५१)

कोल्हापूर: बाधित रुग्ण- (४३,३६२), बरे झालेले रुग्ण- (३४,३००), मृत्यू- (१३४०), इतर कारणांमुळे झालेले मृत्यू-(०), ॲक्टिव्ह रुग्ण- (७७२२)

सोलापूर: बाधित रुग्ण- (३६,२१२), बरे झालेले रुग्ण- (२८,०४१), मृत्यू- (११४३), इतर कारणांमुळे झालेले मृत्यू-(१), ॲक्टिव्ह रुग्ण- (७०२७)

नाशिक: बाधित रुग्ण- (७६,१२४), बरे झालेले रुग्ण- (५९,६५४), मृत्यू- (१३००), इतर कारणांमुळे झालेले मृत्यू-(०), ॲक्टिव्ह रुग्ण- (१५,१७०)

अहमदनगर: बाधित रुग्ण- (४२,१८३), बरे झालेले रुग्ण- (३३,७६०), मृत्यू- (६८४), इतर कारणांमुळे झालेले मृत्यू-(०), ॲक्टिव्ह रुग्ण-(७७३९)

जळगाव: बाधित रुग्ण- (४७,६६१), बरे झालेले रुग्ण- (३९,९३०), मृत्यू- (१२४५), इतर कारणांमुळे झालेले मृत्यू-(०), ॲक्टिव्ह रुग्ण- (६४८६)

नंदूरबार: बाधित रुग्ण- (५३२८), बरे झालेले रुग्ण- (४४१०), मृत्यू- (१२०), इतर कारणांमुळे झालेले मृत्यू-(०), ॲक्टिव्ह रुग्ण- (७९८)

धुळे: बाधित रुग्ण- (१२,४४०), बरे झालेले रुग्ण- (११,३०९), मृत्यू- (३२९), इतर कारणांमुळे झालेले मृत्यू-(२), ॲक्टिव्ह रुग्ण- (८००)

औरंगाबाद: बाधित रुग्ण- (३६,०४६), बरे झालेले रुग्ण- (२५,४३६), मृत्यू- (८८९), इतर कारणांमुळे झालेले मृत्यू-(०), ॲक्टिव्ह रुग्ण- (९७२१)

जालना: बाधित रुग्ण-(७७६९), बरे झालेले रुग्ण- (५३७२), मृत्यू- (१८६), इतर कारणांमुळे झालेले मृत्यू-(०), ॲक्टिव्ह रुग्ण- (२२११)

बीड: बाधित रुग्ण- (१०,३९०), बरे झालेले रुग्ण- (७२६२), मृत्यू- (२७६), इतर कारणांमुळे झालेले मृत्यू-(०),ॲक्टिव्ह रुग्ण- (२८५२)

लातूर: बाधित रुग्ण- (१७,३८२), बरे झालेले रुग्ण- (१३,१७३), मृत्यू- (४८६), इतर कारणांमुळे झालेले मृत्यू-(०), ॲक्टिव्ह रुग्ण- (३७२३)

परभणी: बाधित रुग्ण- (५४३९), बरे झालेले रुग्ण- (३९७५), मृत्यू- (१९५), इतर कारणांमुळे झालेले मृत्यू-(०), ॲक्टिव्ह रुग्ण- (१२६९)

हिंगोली: बाधित रुग्ण- (३०४९), बरे झालेले रुग्ण- (२३८०), मृत्यू- (५७), इतर कारणांमुळे झालेले मृत्यू-(०), ॲक्टिव्ह रुग्ण- (६१२)

नांदेड: बाधित रुग्ण- (१५,९४०), बरे झालेले रुग्ण (९१४५), मृत्यू- (४००), इतर कारणांमुळे झालेले मृत्यू-(०), ॲक्टिव्ह रुग्ण- (६३९५)

उस्मानाबाद: बाधित रुग्ण- (१२,५१६), बरे झालेले रुग्ण- (८८९७), मृत्यू- (३६२), इतर कारणांमुळे झालेले मृत्यू-(०), ॲक्टिव्ह रुग्ण- (३२५७)

अमरावती: बाधित रुग्ण- (१३,५४६), बरे झालेले रुग्ण- (१०,९९७), मृत्यू- (२७३), इतर कारणांमुळे झालेले मृत्यू-(०), ॲक्टिव्ह रुग्ण- (२२७६)

अकोला: बाधित रुग्ण- (७२२९), बरे झालेले रुग्ण- (४९१४), मृत्यू- (२३०), इतर कारणांमुळे झालेले मृत्यू-(१), ॲक्टिव्ह रुग्ण- (२०८४)

वाशिम: बाधित रुग्ण- (४३००), बरे झालेले रुग्ण- (३४५६), मृत्यू- (९२), इतर कारणांमुळे झालेले मृत्यू-(१), ॲक्टिव्ह रुग्ण- (७५१)

बुलढाणा: बाधित रुग्ण- (७७५७), बरे झालेले रुग्ण- (५२१२), मृत्यू- (१२२), इतर कारणांमुळे झालेले मृत्यू-(०), ॲक्टिव्ह रुग्ण- (२४२३)

यवतमाळ: बाधित रुग्ण- (८७९९), बरे झालेले रुग्ण- (६३५०), मृत्यू- (२१९), इतर कारणांमुळे झालेले मृत्यू-(०), ॲक्टिव्ह रुग्ण- (२२३०)

नागपूर: बाधित रुग्ण- (७७,९९९), बरे झालेले रुग्ण- (६१,९६०), मृत्यू- (२०३५), इतर कारणांमुळे झालेले मृत्यू-(९), ॲक्टिव्ह रुग्ण- (१३,९९५)

वर्धा: बाधित रुग्ण- (४२७६), बरे झालेले रुग्ण- (२७९२), मृत्यू- (६९), इतर कारणांमुळे झालेले मृत्यू-(१), ॲक्टिव्ह रुग्ण- (१४१४)

भंडारा: बाधित रुग्ण- (५७२३), बरे झालेले रुग्ण- (३९१०), मृत्यू- (१००), इतर कारणांमुळे झालेले मृत्यू-(०), ॲक्टिव्ह रुग्ण- (१७१३)

गोंदिया: बाधित रुग्ण- (७१८१), बरे झालेले रुग्ण- (४५७२), मृत्यू- (७२), इतर कारणांमुळे झालेले मृत्यू-(०), ॲक्टिव्ह रुग्ण- (२५३७)

चंद्रपूर:  बाधित रुग्ण- (१०,३९५), बरे झालेले रुग्ण- (५४९४), मृत्यू- (१४४), इतर कारणांमुळे झालेले मृत्यू-(०), ॲक्टिव्ह रुग्ण- (४७५७)

गडचिरोली: बाधित रुग्ण- (२३१७), बरे झालेले रुग्ण- (१५८३), मृत्यू- (१६), इतर कारणांमुळे झालेले मृत्यू-(०), ॲक्टिव्ह रुग्ण- (७१८)

इतर राज्ये: बाधित रुग्ण- (१५८७), बरे झालेले रुग्ण- (४२८), मृत्यू- (१३९), इतर कारणांमुळे झालेले मृत्यू-(०), ॲक्टिव्ह रुग्ण- (१०२०)

एकूण: बाधित रुग्ण-(१३,८४,४४६) बरे झालेले रुग्ण-(१०,८८,३२२),मृत्यू- (३६,६६२), इतर कारणांमुळे झालेले मृत्यू-(४२९),ॲक्टिव्ह रुग्ण-(२,५९,०३३)

(टीप: आज नोंद झालेल्या एकूण ४८१ मृत्यूंपैकी २३७ मृत्यू हे मागील ४८ तासातील तर ११५ मृत्यू हे मागील आठवडयातील आहेत. उर्वरित १२९ मृत्यू हे एक आठवडयापेक्षा अधिक कालावधीपूर्वीचे आहेत. हे १२९ मृत्यू  ठाणे -३७, पुणे -३५, नागपूर -८, नाशिक -७, कोल्हापूर -६, पालघर -६, सातारा -५, नांदेड -४, अकोला -३, बुलढाणा -३, परभणी -३, यवतमाळ -३, रत्नागिरी -२, सांगली -२, अहमदनगर -१, औरंगाबाद -१, रायगड -१ वाशिम – १ आणि मध्य प्रदेश -१ असे आहेत.  पोर्टलनुसार आकडेवारी अद्ययावत करण्याच्या प्रक्रियेमध्ये या सर्व मृत्यूंची नोंद आज घेण्यात आली आहे.ही माहिती केंद्र सरकारच्या आय. सी. एम. आर.पोर्टलवर मान्यताप्राप्त प्रयोगशाळांनी भरलेल्या कोरोनाबाधित रुग्णांच्या आकडेवारी नुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)