पुणे :  दसरा, दिवाळी हे सण जवळ येत आहेत, या सणांच्या पार्श्वभूमीवर भारतात चिनी वस्तू स्वस्तात विकून भारतीय बाजारपेठ काबीज करण्याचा चीनचा कुटील डाव आहे. चीनचा हा कुटील डाव उधळून लावून पंतप्रधान नरेंद्र मोदीजी यांच्या ‘आत्मनिर्भर भारत’ मोहिमेला बळ द्या, असे आवाहन भाजप चिटणीस सुनील माने यांनी आज व्यापारी महासंघाला केले. व्यापारी महासंघाचे अध्यक्ष फत्तेचंद रांका यांना त्याबाबतचे पत्र दिले. यावेळी त्यांच्यासोबत भाजपा पुणे व्यापारी आघाडीचे अध्यक्ष महेंद्र व्यास उपस्थित होते.सुनील माने म्हणाले, लोकसंख्येचा विचार करता जगात भारताचा चीननंतर दुसरा क्रमांक लागतो. म्हणूनच व्यापाराच्या दृष्टीने भारत ही एक मोठी बाजारपेठ उपलब्ध होऊ शकते. सण उत्सवांच्या पार्श्वभूमीवर भारतात लोक मोठ्या प्रमाणावर खरेदी करतात.याचाच फायदा घेऊन चीन आपल्या वस्तूंची भारतात स्वस्तात विक्री करते. तुलनेने चायनीज वस्तू स्वस्त असल्याने ग्राहकांचा या वस्तू खरेदी करण्यावर भर असतो. मात्र अशा वस्तू स्वस्तात विकून चीनचा भारतीय बाजारपेठ काबीज करण्याचा कुटील डाव आहे. सातत्याने भारताविरुद्ध भूमिका घेऊन चीन भारतावर दबाव टाकण्याचा प्रयत्न करते, सीमेवर चीन वारंवार भारतीय सैन्याच्या कुरापती काढत आहे. त्याला भारतीय लष्कर चोख प्रत्युत्तर देत आहे. मात्र चीन मधून येणाऱ्या वस्तूंवर बहिष्कार घालून आपण ही आपली जबाबदारी पार पाडली पाहिजे. देशाचे पंतप्रधान मा. नरेंद्र मोदीजी यांनी देशाची अर्थव्यवस्था मजबूत करण्यासाठी ‘ आत्मनिर्भर भारत’ हा नारा दिला आहे. याप्रमाणे आपण भारतीय बनावटीच्या वस्तू विकण्यास प्राधान्य दिल्यास, देशातील पैसा देशातच राहील. या पैशाचा वापर आपल्याला देशातील पायाभूत सुविधा मजबूत करण्यासाठी होईल. म्हणूनच मोदीजींच्या प्रयत्नांना बळ देण्यासाठी आपण चिनी बनावटीच्या वस्तू विकण्यावर बहिष्कार घातला पाहिजे. व्यापारी महासंघाचे अध्यक्ष फत्तेचंद रांका यांनी या आवाहनाला सकारात्मक प्रतिसाद देत. देशहितासाठी चिनी वस्तूंची कमीत कमी विक्री करण्याचा प्रयत्न करण्याचे आश्वासन दिले.

पुणे विभागातील 4 लाख 13 हजार 88 कोरोना बाधित रुग्ण बरे होऊन घरी
विभागात कोरोना बाधित 4 लाख 75 हजार 166 रुग्ण-विभागीय आयुक्त सौरभ राव

पुणे,दि.13 :- पुणे विभागातील 4 लाख 13 हजार 88 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 4 लाख 75 हजार 166 झाली आहे. तर ॲक्टीव रुग्ण संख्या 49 हजार 250 इतकी आहे. कोरोनाबाधीत एकुण 12 हजार 828 रुग्णांचा मृत्यू झाला असून मृत्यूचे प्रमाण 2.70 टक्के आहे. पुणे विभागामध्ये बऱ्या होणा-या रुग्णांचे प्रमाण 86.94 टक्के आहे, अशी माहिती विभागीय आयुक्त सौरभ राव यांनी दिली.

पुणे जिल्हा
पुणे जिल्हयातील कोरोना बाधीत एकूण 3 लाख 7 हजार 852 रुग्णांपैकी 2 लाख 71 हजार 652 रुग्ण बरे होवून घरी गेले आहेत. ॲक्टीव रुग्ण 29 हजार 107 आहेत. कोरोनाबाधित एकूण 7 हजार 93 रुग्णांचा मृत्यू झाला आहे. मृत्यूचे प्रमाण 2.30 टक्के इतके आहे तर बरे होणा-या रुग्णांचे प्रमाण 88.24 टक्के आहे.

सातारा जिल्हा
सातारा जिल्हयातील कोरोना बाधीत एकूण 41 हजार 834 रुग्णांपैकी 33 हजार 871 रुग्ण बरे होवून घरी गेले आहेत. ॲक्टीव रुग्ण संख्या 6 हजार 589 आहे. कोरोनाबाधित एकूण 1 हजार 374 रुग्णांचा मृत्यू झाला आहे.

सोलापूर जिल्हा
सोलापूर जिल्हयातील कोरोना बाधीत एकूण 37 हजार 98 रुग्णांपैकी 30 हजार 519 रुग्ण बरे होवून घरी गेले आहेत. ॲक्टीव रुग्ण संख्या 5 हजार 305 आहे. कोरोनाबाधित एकूण 1 हजार 274 रुग्णांचा मृत्यू झाला आहे.

सांगली जिल्हा
सांगली जिल्हयातील कोरोना बाधीत एकूण 41 हजार 469 रुग्णांपैकी 35 हजार 892 रुग्ण बरे होवून घरी गेले आहेत. ॲक्टीव रुग्ण संख्या 4 हजार 48 आहे. कोरोनाबाधित एकूण 1 हजार 529 रुग्णांचा मृत्यू झाला आहे.

कोल्हापूर जिल्हा
कोल्हापूर जिल्हयातील कोरोना बाधीत एकूण 46 हजार 913 रुग्णांपैकी 41 हजार 154 रुग्ण बरे होवून घरी गेले आहेत. ॲक्टीव रुग्ण संख्या 4 हजार 201 आहे. कोरोनाबाधित एकूण 1 हजार 558 रुग्णांचा मृत्यू झाला आहे.

कालच्या रुग्णसंख्येच्या तुलनेत आज झालेली वाढ –
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 1 हजार 825 ने वाढ झाली आहे. यामध्ये पुणे जिल्ह्यात 988, सातारा जिल्ह्यात 223, सोलापूर जिल्ह्यात 251, सांगली जिल्ह्यात 298 तर कोल्हापूर जिल्ह्यात 65 अशी रुग्ण संख्येमध्ये वाढ झालेली आहे.

कालच्या रुग्णसंख्येमध्ये बऱ्या होणा-या रुग्णांचे प्रमाण –
पुणे विभागामध्ये बऱ्या होणाऱ्या एकूण 4 हजार 593 रुग्णांमध्ये पुणे जिल्हयामध्ये 3 हजार 126 ,सातारा जिल्हयामध्ये 338, सोलापूर जिल्हयामध्ये 237, सांगली जिल्हयामध्ये 509 व कोल्हापूर जिल्हयामध्ये 383 रुग्णांचा समावेश आहे.

पुणे विभागातील सर्व्हेक्षण
आजपर्यत विभागामध्ये एकुण 21 लाख 32 हजार 787 नमून्यांचा तपासणी अहवाल प्राप्त झाला. प्राप्त अहवालांपैकी 4 लाख 75 हजार 166 नमून्यांचा अहवाल सकारात्मक (पॉझिटिव्ह) आहे.

( टिप :- दि. 12 ऑक्टोबर 2020 रोजी रात्री 9.00 वा. पर्यंतच्या आकडेवारीनुसार )

• अग्निशमनाची अद्ययावत सुसज्ज यंत्रणा, दोन फायरब्रिगेडच्या गाड्या

पुणे : जम्बो कोविड रुग्णालयातील अग्निशमन यंत्रणा अद्ययावत सुविधांनी सुसज्ज असून, रविवारी रुग्णालयाच्या परिसरात झालेले स्पार्किंग अवघ्या एका मिनीटच्या आत नियंत्रित यश आले, असल्याची माहिती तेथील अग्निशमन यंत्रणांनी दिली. शिवाजीनगर येथील अभियांत्रिकी महाविद्यालयाच्या मैदानावर कोरोनाबाधीत रुग्णांच्या उपचारांसाठी अद्ययावत सुविधांनी सुसज्ज कोविड रुग्णालय उभारण्यात आले आहे. रुग्णालयाच्या परिसरात प्रशासकीय कार्यालय आहे. कार्यालयाच्या बाहेरील काँम्प्रेसरमधील तापमान वाढले. त्यामुळे त्यातील रबरी आवरण वितळू लागले. त्यातून बाहेर धूर येऊ लागला. याच टप्प्यावर तातडीने जवळच असलेल्या सिलिंडरमधील कार्बनडाय आँक्साइड फवारून ते स्पार्किंग नियंत्रणात आणले.

जम्बो रुग्णालयात अग्निशमन अद्ययावत सुविधा उपलब्ध करण्यात आली आहे. तेथे पुणे महापालिकेची एक अग्निशमनाची गाडी असून, पुणे महानगर प्रादेश विकास प्राधिकरणचीही (पीएमआरडीए) एक गाडी तैनात करण्यात आली आहे. या दोन्ही यंत्रणांचे प्रशिक्षित मनुष्यबळ तेथे उपलब्ध आहे. तसेच, दीपाली डिझाईन एक्सिबिट प्रायव्हेट लिमीटेड कंपनीनेही मनुष्यबळ आणि अग्निशमनाची पायाभूत सुविधा उपलब्ध करण्यात आली आहे.

या बद्दल माहिती देताना दीपाली डिझाईन एक्सिबिट प्रायव्हेट लिमीटेड कंपनीचे अग्निशमन यंत्रणा नियंत्रित करणारे सुनील घेणे म्हणाले, “कोविड रुग्णालयात जागोजागी अग्निशमनाची यंत्रणा बसविण्यात आली आहे. प्रत्येक काँम्प्रेसर, जनरेटर, अतीदक्षता विभाग, आँक्सिजन पाईपलाईन या प्रत्येक ठिकाणी अग्निशमन सिलिंडर ठेवण्यात आला आहे. यांची संख्या 192 आहे. तसेच, 27 ठिकाणी आग विझविण्यासाठी पाण्याची यंत्रणा उभारण्यात आली आहे. तीस फुटांपर्यंत उच्च दाबाने पाणी फवारून अत्यंत कमी वेळेत आग नियंत्रित करण्याची क्षमता येथील अग्निशमन यंत्रणेमध्ये आहे. जम्बो रुग्णालयाच्या परिसरात तीन लाख लिटर पाणी साठविले आहे. त्यातील दोन लाख लिटर पाणी टाक्यामध्ये असून, एक लाख लिटर पाणी अग्निशमन यंत्रणेतील जलवाहिन्यांमध्ये आहे.”

पीएमआरडीएचे मुख्य अग्निशमन अधिकारी देवेंद्र पोटफोडे म्हणाले, “अवघ्या एक ते दीड मिनटांमध्ये रविवारी झालेले स्पार्किंग नियंत्रणात आणले. त्यामुळे येथे कोणतीही मोठी दुर्घटना घडली नाही. रुग्णालयातील डॉक्टर, परिचारिका यांनाही अग्निशमनाचे शास्त्रशुद्ध प्रशिक्षण देण्यात आले आहे. त्यामुळे आपत्कालीन स्थितीत नेमके कोणी काय करायचे याचा समावेश या प्रशिक्षणात आहे.”

पुणे महापालिकेचे मुख्य अग्निशमन अधिकारी प्रशांत रणपिसे म्हणाले, “रुग्णालयातील सर्व तंबू अग्निरोधक आहेत. त्यामुळे हे तंबू पटकन आग पकडणार नाहीत, अशी व्यवस्था यात करण्यात आली आहे. तसेच, नॅशनल बिल्डिंग कोड आणि महाराष्ट्र फायर प्रिव्हेंशनल अँक्ट याच्या तरतूदींप्रमाणे सर्व यंत्रणा येथे सज्ज करण्यात आल्या आहेत. प्रिंकलर, डेटेक्टर, मॅन्यूल फॉल पाँइंट, हाड्रन्स अशा सुविधा येथे आहेत. एखाद्या इमारतीला ज्या-ज्या व्यवस्था केल्या जातात, त्या सर्व या ठिकाणी केल्या आहेत.”

पुणे :-ॲड उमेश चंद्रशेखर मोरे या अपहृत वकिलाचा तपास शीघ्र गतीने करण्यात यावा या मागणीसाठी  राष्ट्रवादी काँग्रेस लीगल सेलचे  पुणे शहर अध्यक्ष अँड लक्ष्मण राणे, प्रदेश सरचिटणीस अँड पंडितराव कापरे, प्रदेश चिटणीस अँड समीर शेख आणि जेष्ठ वकील अँड सुभाष गायकवाड यांनी पुणे पोलिस आयुक्त अमिताभ गुप्ता याना  निवेदन दिले.या तपासासाठी पोलिसांची टीम बनवून तातडीने शोध कार्य करण्याचे आदेश अमिताभ गुप्ता यांनी दिले.    
ॲड उमेश चंद्रशेखर मोरे पुणे जिल्हा न्यायालय, पुणे परिसरातून दि १ ऑकटोबर  पासून बेपत्ता झालेले आहेत .अज्ञात व्यक्तींनी त्यांचे अपहरण केलेले असावे, असे त्यांच्या कुटुंबीयांचे म्हणणे आहे. त्यांचे बंधू प्रशांत मोरे  यांनी शिवाजी नगर पोलिस स्टेशन येथे तशी तक्रार दाखल केलेली आहे. तथापि बारा दिवस झाले तरी अद्याप ॲड. उमेश  मोरे यांचा थांगपत्ता लागलेला नाही. त्यांची गाडी शिवाजीनगर कोर्ट परिसर मध्ये आढळली  आहे. त्यांची पत्नी, वृद्ध आई- वडील, भाऊ सर्व चिंतेत आहेत.
 भर दिवसा त्यांचे कोर्ट परिसरातून बेपत्ता होणे वकिलांचे दृष्टीने अत्यंत चिंतेची व गंभीर  बाब झालेली आहे. म्हणून राष्ट्रवादी काँग्रेस पार्टी लिगल सेल, पुणे शहर तर्फे अध्यक्ष अँड लक्ष्मण राणे, प्रदेश सरचिटणीस अँड पंडितराव कापरे, प्रदेश चिटणीस अँड समीर शेख आणि जेष्ठ वकील अँड सुभाष गायकवाड यांनी सोमवारी दुपारी  दुपारी पुणे  पोलीस आयुक्त   यांची  भेट घेऊन ही  बाब त्यांचे निदर्शनास आणली व त्यांना जलद तपासाची  विनंती केली. तसे लेखी निवेदन दिले

पुणे, ता. १३ – श्रध्दावंत भाविकांसाठी देवालयाची दारे उघडी करता येत नसतील, तर झोपी गेलेल्या ढोंगी, भ‘ष्टाचारी महाविकास आघाडी सरकारने सत्तेतून पायउतार व्हावे, अशी मागणी पुणे शहर भाजपचे अध्यक्ष जगदीश मुळीक यांनी केली.
कुंभकर्णी निद्रेत असलेल्या महाआघाडी सरकारला जागे करण्यासाठी आज शहर भाजपने शहराध्यक्ष जगदीश मुळीक यांच्या नेतृत्वाखाली ग‘ामदेवता श्री तांबडी जोगेश्‍वरी मंदिरासमोर अभिवन आंदोलन केले. झोपी गेलेल्या कुंभकर्णरूपी सरकारला जाग आणण्यासाठी भजन, घंटानाद, शंखनाद करण्यात आला. या आंदोलनाच्या समारोप प्रसंगी मुळीक बोलत होते.
कोरोनामुळे बंद झालेले व्यवहार आता पूर्ववत सुरू होऊ लागले आहेत. परंतु गेल्या साडेसहा महिन्यांपासून बंद असलेली मंदिराचे दरवाजे उघडायला सरकार तयार नाही. त्यासाठी विविध राजकीय पक्ष, धार्मिक संस्था, भाविक सातत्याने मागणी करीत आहेत. परंतु सरकारला लोकभावना लक्षात येत नाही. त्यामुळे सरकारला जागे करण्यासाठी हे अभिनव आंदोलन केल्याचे मुळीक यांनी सांगितले.
यावेळी महापौर मुरलीधर मोहोळ, आमदार मुक्ताताई टिळक, उपमहापौर सरस्वती शेंडगे, स्थायी समितीचे अध्यक्ष हेमंत रासने, शहर सरचिटणीस राजेश पांडे, दत्ता खाडे, गणेश घोष, राजेश येनपुरे, दीपक पोटे, दीपक नागपुरे, संदीप लोणकर, महिला आघाडीच्या अध्यक्षा अर्चनाताई पाटील, युवा मोर्चाचे अध्यक्ष राघवेंद्र मानकर यांची प्रमुख उपस्थिती होती.