पुणे: राज्याच्या हितासाठी विहिरींचे संरक्षण, संवर्धन व्हावे अशी मागणी आमदार सिद्धार्थ शिरोळे यांनी पर्यटनमंत्री आदित्य ठाकरे यांच्याकडे केली आहे.

गिरीप्रेमींसाठी किल्ले, गड भटकंतीसाठी खुले केले याबद्दल आभार मानण्यासाठी आमदार शिरोळे यांनी गिरीप्रेमी उमेश झिरपे आणि एव्हरेस्टवीर भूषण हर्षे यांच्यासमवेत पर्यटनमंत्री आदित्य ठाकरे यांची भेट घेतली. या भेटीत पर्यटन खात्याने प्रस्तावित केलेल्या जी.आर. मसुद्यात साहसी क्रीडा प्रकार आणि साहसी पर्यटन यात गल्लत करण्यात आली आहे.ती दूर करून साहसी क्रीडा प्रकार क्रीडा खात्याकडे ठेवावा आणि साहसी पर्यटन हा विषय पर्यटन खात्याकडे वर्ग करावा, असे आमदार शिरोळे यांनी पर्यटनमंत्री आदित्य ठाकरे यांना सांगितले. तसेच राज्यातील नदी संवर्धन, विहीरींचे सर्वेक्षण यावर सुमारे अर्धा तास चर्चा करण्यात आली. पुणे शाहर आणि राज्यातील अस्तित्वात असलेल्या विहीरींचे संरक्षण व्हावे, नवीन विहीरींचे संवर्धन याकरिता कायमस्वरूपी धोरण ठरवावे अशा मागणीचे निवेदन आमदार शिरोळे यांनी आदित्य ठाकरे यांना दिले.

नदीकाठी असलेल्या मंदिरांमधील निर्माल्याचे खत करण्यास सरकारने प्रोत्साहन द्यावे, त्यातून मंदिरांना उत्पन्न मिळेल आणि नदीत होणारे प्रदूषण टळेल. नदी आणि नदीकाठच्या जैववैविध्य ठेव्याचे जतन होईल. मंदिरातील निर्माल्याचे खत पवित्र भावनेने शेतकरी घेतील, असेही निवेदन आमदार शिरोळे यांनी दिले. यावर विचार करण्याचे आश्वासन आदित्य ठाकरे यांनी दिले.

पुणे-शहरातील पूर्व भागातील पाणीपुरवठ्याचा प्रश्‍न सोडविण्याच्या दृष्टीने उपयुक्त ठरणार्‍या भामा-आसखेड योजनेचे काम पूर्णत्वास आले असून, लवकरच राज्याचे माजी मु‘यमंत्री आणि विधानसभेतील विरोधी पक्षनेते देवेंद्र फडणवीस यांच्या शुभ हस्ते आणि भाजपचे प्रदेशाध्यक्ष चंद्रकांतदादा पाटील यांच्या अध्यक्षतेखाली या योजनेचे लोकार्पण करण्यात येणार असल्याची माहिती भाजपचे शहर अध्यक्ष आणि माजी आमदार जगदीश मुळीक यांनी आज प्रसिद्धीपत्रकाद्वारे दिली.
महापौर मुरलीधर मोहोळ, उपमहापौर सरस्वती शेंडगे, स्थायी समितीचे अध्यक्ष हेमंत रासने, सभागृह नेते धीरज घाटे, नगरसेवक योगेश मुळीक, सुनिता गलांडे, संदीप जर्‍हाड, राहुल भंडारे, शितल शिंदे, ऐश्‍वर्या जाधव, मुक्ता जगताप, स्वीकृत नगरसेवक आशाताई जगताप, विशाल साळी, सामाजिक कार्यकर्ते महेश गलांडे, ज्ञानेश्‍वर शिंदे, मोहन शिंदे सरकार, अरविंद गोरे, आशुतोष जाधवयांच्या समवेत आज भाजपचे शहर अध्यक्ष जगदीश मुळीक यांनी भामा-आसखेड प्रकल्पाला भेट देऊन पाहाणी केली.
मुळीक पुढे म्हणाले, ‘राजकीय अडथळे, पुनर्वसनाचा तिढा, न्यायालयातील दावे यामुळे या योजनेचे काम रेंगाळले. परंतु त्यासाठी राष्ट्रवादी कॉंग‘ेस पक्षातील लोकप्रतिनिधींमध्ये नसलेली एकवाक्यता आणि त्यांनी उभा केलेला शहरी-ग‘ामीण वाद कारणीभूत आहे. मात्र देवेंद्र ङ्गडणवीस यांनी वेळोवेळी झालेल्या बैठकांमध्ये घेतलेल्या निर्णयांमुळे प्रकल्पग‘स्तांचे समाधान करता आले, तसेच करंजविहिरे, आळंदी, कुरूळी, वाकी-वाडा या प्रकल्पांमुळे बाधित गावांमध्ये पुणे महापालिकेला विकासकामे करता आली. त्यामुळे पूर्व भागातील नागरिकांना पाणी मिळण्याचा मार्ग मोकळा झाला आहे. आता पाणी या कुरूळी येथील जलशुद्धीकरण केंद्रापर्यंत पोहोचले असून केळवाडीतील ८० मीटर जलवाहिनीचे काम पुढील आठ दिवसांत काम पूर्ण होणार आहे. त्यानंतर आठवड्याभरात पाणीपुरवठा करण्यासाठी आवश्यक असणार्‍या चाचण्या घेण्यात येतील. त्यामुळे वडगावशेरीकरांचे पाण्याचे स्वप्न पूर्ण होणार आहे.’

स्थायी समितीचे अध्यक्ष हेमंत रासने म्हणाले, ‘या योजनेसाठी ४४७ कोटी ६० लाख रुपयांची प्रकल्पीय मान्यता घेण्यात आली होती. आजपर्यंत केंद्र सरकारने १७१ कोटी सात लाख रुपये, राज्य सरकारने ६८ कोटी ४० लाख रुपये आणि पुणे महापालिकेने ११२ कोटी ४९ लाख रुपये उपलब्ध करून दिले आहेत. योगेश मुळीक स्थायी समितीचे अध्यक्ष असताना प्रकल्पग‘स्तांच्या पुनर्वसनासाठी पुणे महापालिकेने ८० कोटी रुपयांचा निधी आणि १०५ कोटी रुपये विविध कामांसाठी उपलब्ध करून दिले. प्रकल्प पूर्ण होण्याच्या कालावधीत सत्ताधारी पक्ष बदलले तरी सुद्धा ८० टक्क्यांहून अधिक निधीची तरतूद भाजप सत्तेत असताना झाली आहे.’
भाजपचे शहराध्यक्ष जगदीश मुळीक यांच्या सातत्यपूर्ण पाठपुराव्यामुळे भामा-आसखेडचा प्रकल्प पूर्ण होत आहे. या प्रकल्पातून दरवर्षी २.८ टीएमसी (अब्ज घनङ्गूट) पाणी मिळणार आहे. त्यामुळे कळस, संगमवाडी, येरवडा, लोहगाव, धानोरी, कल्याणीनगर, वडगावशेरी, खराडी, चंदननगर या भागाचा २०४१ पर्यंतचा पाण्याचा प्रश्‍न मिटणार असून, या भागातील नागरिकांची टँकरमाफियांच्या कचाट्यातून सुटका होणार आहे. नागरिकांना नियमित, पुरेसा, शुद्ध पाणीपुरवठा होणार असून, या भागाचा पाणीप्रश्‍न कायमस्वरुपी मार्गी लागणार आहे.’

पुणे :- भारत निवडणूक आयोगाच्या आदेशानुसार शिक्षक व पदवीधर सार्वत्रिक निवडणूक -2020 चा कार्यक्रम जाहीर करण्यात आला आहे. त्याअनुषंगाने आदर्श आचारसंहिता जाहीर करण्यात आली असून निवडणूक कामकाजाकरीता पुणे येथे तक्रार निवारण व नियंत्रण कक्ष स्थापन करण्यात आले असल्याची माहिती जिल्हाधिकारी तथा जिल्हा निवडणूक अधिकारी डॉ.राजेश देशमुख यांनी दिली.
विभाग स्तरावरील पाच जिल्हयासाठी तक्रार निवारण कक्ष व नियंत्रण कक्ष पुणे विभागीय आयुक्त कार्यालय येथे स्थापन करण्यात आलेला आहे. या कक्षामध्ये तक्रारींचे निरसन करण्यासाठी दोन दुरध्वनी बसविण्यात आलेले असून दूरध्वनी क्रमांक 020-26361050, 020-26362627 हे व इ-मेल आयडी punegtelection2020@gmail.com असा आहे. तसेच पुणे जिल्ह्यासाठी तक्रार निवारण कक्ष व नियंत्रण कक्ष जिल्हाधिकारी कार्यालय, बी विंग, दुसरा मजला, उपजिल्हाधिकारी भूसंपादन क्र.17 यांचे कार्यालय येथे स्थापन करण्यात आलेला आहे. या कक्षामध्ये तक्रारींचे निरसन करण्यासाठी तीन दुरध्वनी बसविण्यात आले असून दुरध्वनी क्रमांक 020-26137233, 020-26137234, 020-26137235 हे व ई-मेल आयडी tgelection2020@gmail.com असा आहे.

पुणे विभागातील 4 लाख 85 हजार 879 कोरोना बाधित रुग्ण बरे होऊन घरी
विभागात कोरोना बाधित 5 लाख 15 हजार 764 रुग्ण
-विभागीय आयुक्त सौरभ राव
पुणे :- पुणे विभागातील 4 लाख 85 हजार 879 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 5 लाख 15 हजार 764 झाली आहे. तर ॲक्टीव रुग्ण संख्या 15 हजार 352 इतकी आहे. कोरोनाबाधीत एकुण 14 हजार 533 रुग्णांचा मृत्यू झाला असून मृत्यूचे प्रमाण 2.82 टक्के आहे. पुणे विभागामध्ये बऱ्या होणा-या रुग्णांचे प्रमाण 94.21 टक्के आहे, अशी माहिती विभागीय आयुक्त सौरभ राव यांनी दिली.
पुणे जिल्हा
पुणे जिल्हयातील कोरोना बाधीत एकूण 3 लाख 30 हजार 112 रुग्णांपैकी 3 लाख 12 हजार 690 रुग्ण बरे होवून घरी गेले आहेत. ॲक्टीव रुग्ण 9 हजार 373 आहेत. कोरोनाबाधित एकूण 8 हजार 49 रुग्णांचा मृत्यू झाला आहे. मृत्यूचे प्रमाण 2.44 टक्के इतके आहे तर बरे होणा-या रुग्णांचे प्रमाण 94.72 टक्के आहे.
सातारा जिल्हा
सातारा जिल्हयातील कोरोना बाधीत एकूण 48 हजार 471 रुग्णांपैकी 44 हजार 386 रुग्ण बरे होवून घरी गेले आहेत. ॲक्टीव रुग्ण संख्या 2 हजार 456 आहे. कोरोनाबाधित एकूण 1 हजार 629 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 42 हजार 560 रुग्णांपैकी 38 हजार 837 रुग्ण बरे होवून घरी गेले आहेत. ॲक्टीव रुग्ण संख्या 2 हजार 199 आहे. कोरोनाबाधित एकूण 1 हजार 524 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 45 हजार 984 रुग्णांपैकी 43 हजार 660 रुग्ण बरे होवून घरी गेले आहेत. ॲक्टीव रुग्ण संख्या 653 आहे. कोरोनाबाधित एकूण 1 हजार 671 रुग्णांचा मृत्यू झाला आहे
कोल्हापूर जिल्हा
कोल्हापूर जिल्हयातील कोरोना बाधीत एकूण 48 हजार 637 रुग्णांपैकी 46 हजार 306 रुग्ण बरे होवून घरी गेले आहेत. ॲक्टीव रुग्ण संख्या 671 आहे. कोरोनाबाधित एकूण 1 हजार 660 रुग्णांचा मृत्यू झाला आहे.
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 1 हजार 77 ने वाढ झाली आहे. यामध्ये पुणे जिल्ह्यात 622, सातारा जिल्ह्यात 175, सोलापूर जिल्ह्यात 185, सांगली जिल्ह्यात 71 तर कोल्हापूर जिल्ह्यात 24 अशी रुग्ण संख्येमध्ये वाढ झालेली आहे.
कालच्या रुग्णसंख्येमध्ये बऱ्या होणा-या रुग्णांचे प्रमाण –
पुणे विभागामध्ये बऱ्या होणाऱ्या एकूण 1 हजार 342 रुग्णांमध्ये पुणे जिल्हयामध्ये 873 ,सातारा जिल्हयामध्ये 211, सोलापूर जिल्हयामध्ये 126, सांगली जिल्हयामध्ये 91 व कोल्हापूर जिल्हयामध्ये 41 अशा रुग्णांचा समावेश आहे.
पुणे विभागातील सर्व्हेक्षण
आजपर्यत विभागामध्ये एकुण 25 लाख 63 हजार 644 नमून्यांचा तपासणी अहवाल प्राप्त झाला. प्राप्त अहवालांपैकी 5 लाख 15 हजार 764 नमून्यांचा अहवाल सकारात्मक (पॉझिटिव्ह) आहे.
( टिप :- दि. 12 नोव्हेंबर 2020 रोजी रात्री 9.00 वा. पर्यंतच्या आकडेवारीनुसार )

पुणे -शहरामध्ये एचसीएमटीआर,कचऱ्याचा प्रश्न, रास्ता रुंदीकरण करण्यासाठी जागा संपादन करणे व पुणे शहरातील विविध प्रकल्प आणि  विकासाबाबत महाराष्ट्र प्रदेश काँग्रेसचे अध्यक्ष, महाराष्ट्र राज्याचे  महसूलमंत्री बाळासाहेब थोरात यांच्या सोबत काल पुणे महानगरपालिकेतील काँग्रेस पक्षाचे गटनेते आबा बागुल यांनी प्रदीर्घ चर्चा करत पुणे शहरात आरक्षित जागांच्या भूसंपादनासाठी  महापालिकेला जाचक अटींतून वगळण्याची मागणी केली.

सुमारे २००० किमी असलेल्या पुणे शहराच्या १९८७ व २०१७ च्या विकास आराखड्यामध्ये वापरात असलेली जागा(एझेस्टिंग लँड युझ ) व वापरण्यात येणारी जागा (प्रपोज लँड युझ ) असे वर्गीकरण असून वापरण्यात येणाऱ्या जागेचे भूसंपादन करणे अत्यंत गरजेचे आहे. महानगरपालिकेची आर्थिक परिस्थिती दिवसेंदिवस अतिशय कमकुवत होत असल्याने जागेचे भूसंपादन होत नाही. व टीडीआर चे दर कमी जास्त होत असताना महानगरपालिकेची भूसंपादन प्रक्रिया अतिशय संत गतीने होते. २०१३ च्या सुधारित कायद्यानुसार भूसंपादन करताना रोख रकमेकडे जमीन धारकाचा कल आहे. त्यामुळे भूसंपादनाला मोठी अडचण निर्माण होत असून नवीनभूसंपादन  कायद्यातील  अधिसूचने नुसार कलम 19 ची घोषणा करन्यापूर्वी महानगरपालिकेला संपादन मूल्याच्या 30% रक्कम मा. जिल्हाधिकारी यांच्याकडे जमा करावी लागते.ही रक्कम अंतिम निवाड़ा घोषित होईपर्यंत जिल्हाधिकारी यांच्याकडे अशीच पडून राहते व त्याचे कुठलेही व्याज महापालिकेला मिळत नाहीं.

या उलट कलम 19 ची घोषणा होताच अंतिम निवाड़ा घोषित होईपर्यंत, संपादन मूल्यावर वार्षिक 12 ते 15 % व्याज महापालिकेला अधिकचे भरावे लागते.

त्यामुळे सामान्य करदात्यांनी प्रमाणिकपने भरलेल्या करावर चालणाऱ्या महापालिकेवर करोडो रुपयांचा  आर्थिक भुरदंड पडत आहे. पुणे शहरातील  मोठे विकास प्रकल्प व प्रमुख रस्ते रुंदीकरण भूसंपादन प्रक्रियेमुळे  अडकून पडले आहेत. त्यामुळे महानगरपालिकेला हे प्रकल्प पूर्णत्वास नेण्यास अडचण निर्माण होत आहे.

ज्याप्रमाणे महाराष्ट्र शासनाने पाटबंधारे खात्याला भूसंपादन करत असताना ३० टक्के आगाऊ रक्कम भरण्यावर सवलत दिली आहे. त्याप्रमाणे पुणे शहरात रस्ता रुंदीकरण करण्यासाठी व शहराच्या दृष्टीने महत्वाच्या प्रकल्पांसाठी आरक्षित जागेचे  भूसंपादन करत असताना सदर 30% रक्कम निवाड़ा घोषित होण्यापूर्वीच भरण्याच्या  जाचक अटीतून महापालिकेला वगळावे अशी मागणी आबा बागुल यांनी केली असून यासंदर्भात प्रस्ताव शासनाला पाठवा यावर तातडीने निर्णय घेण्याचे  ठामपणे आश्वासन महाराष्ट्राचे महसूलमंत्री बाळासाहेब थोरात यांनी दिले .   

पुणे, दि.12: कुष्ठरोग निर्मूलनासाठी नागरिकांना कुष्ठरोगाबाबत माहिती, शिक्षण देणे व सुसंवाद साधणे महत्वाचे असून यासाठी राबविण्यात येणाऱ्या सर्वेक्षण कार्यक्रमामध्ये लोकसहभागावर भर द्यावा, अशा सूचना जिल्हाधिकारी डॉ. राजेश देशमुख यांनी दिल्या.

प्राथमिक अवस्थेतील कुष्ठरोग शोधणे, निदान झालेल्या रुग्णांना मोफत औषधोपचार व विकृती प्रतिबंधासाठी डिसेंबर 2020 ते फेब्रुवारी 2021 अखेर सक्रिय कुष्ठरोग शोध व नियमित सर्वेक्षण करण्यात येणार आहे. यादृष्टीने जिल्हा समन्वय समितीची बैठक आज जिल्हाधिकारी डॉ. राजेश देशमुख यांच्या अध्यक्षतेखाली पार पडली. यावेळी आरोग्य सेवा(कुष्ठरोग) विभागाचे सहायक संचालक डॉ. हुकूमचंद पाटोळे तसेच सर्व समिती सदस्य उपस्थित होते.

यावेळी मागील वर्षी झालेल्या कामाची राज्य व जिल्हा पातळीची तुलनात्मक माहिती घेवून डॉ. देशमुख म्हणाले, वेळेत औषधोपचार घेतल्यास कुष्ठरोग हमखास बरा होतो. म्हणून प्राथमिक अवस्थेतच कुष्ठरुग्ण शोधून निदान झालेल्या रुग्णांना वेळेत औषधोपचार मिळवून द्यावेत. यामध्ये रुग्णाच्या सहवासितांची माहिती घेऊन त्यांची तपासणी व नोंदी अचूकपणे घ्याव्यात. याकामी अधिकारी व कर्मचाऱ्यांवर जबाबदारी निश्चित करुन झालेल्या कामाची माहिती प्रशासनाला सादर करावी. कुष्ठरोग निर्मुलन कार्यक्रम प्रभावीपणे राबविण्यासाठी सूक्ष्म नियोजन करावे तसेच याकामी सहभागी आशा व स्वयंसेवकांना तालुकानिहाय सविस्तर प्रशिक्षण द्यावे, असेही डॉ.देशमुख यांनी सांगितले.

या सर्वेक्षणांतर्गत ग्रामीण भागातील 31 लाख 22 हजार 233 तर शहरी भागातील 8 लाख 9 हजार 715 अशा एकूण 39 लाख 32 हजार 52 लोकसंख्येची तपासणी करण्यात येणार आहे. याकामी 1 हजार 579 आशा व स्त्री स्वयंसेविका तर 697 आरोग्यसेवक व पुरुष स्वयंसेवक यांच्या मार्फत तपासणी करण्यात येणार आहे अशी माहिती कुष्ठरोग विभागाचे सहायक संचालक डॉ हुकूमचंद पाटोळे यांनी यावेळी दिली.
0000