पुणे : पुणे तिथे काय उणे म्हणतात खरे .. पण कधी कधी ऐकाव ते नवलच जणू ..वाटावं अशी बातमी आज सकाळ पासून फिरतेय , ती म्हणजे .. समोरून आले चोर: अन पोलीसंनीच ठोकली धूम … .. पोलिसांना बघून चोराने पळून जाणं काहीस सामान्य असताना पुण्यात मात्र चक्क चोर बघून पोलिसच पळून गेल्याची घटना घडलेली आहे. या घटनेचे सीसीटीव्ही फुटेज समोर आले असून त्यात चोरांना बघून धूम ठोकणारे पोलीस कर्मचारी कैद झाले आहेत.पुणे पोलिसांच्या इभ्रतीला धक्का पोहोचविणारी हि घटना आहे. त्यामुळे याबाबत तातडीने पोलीस आयुक्तांनी चौकशी करून खरे काय ते जाहीर करायला हवे .

पुण्यातल्या औंध भागामध्ये सिद्धार्थ नगर भागातील शैलेश टॉवर सोसायटीमध्ये ही घटना घडली. सोसायटीमध्ये काल रात्री तीनच्या सुमारास चोर शिरले. त्यांनी बंद केलेल्या चार फ्लॅटचे कुलूप तोडले आणि पाचव्या फ्लॅटमध्ये चोरी करण्याचा प्रयत्न सुरू असताना नागरिकांनी तातडीने पोलिसांना फोन करून घटनास्थळी येण्याची विनंती केली. यावेळी काही मिनिटात पोलीस सोसायटी बाहेर दाखल झाले. मात्र समोरून चोर आल्याचे बघून पोलीसच पळून गेले आहेत.विशेष म्हणजे चोरांच्या हातातील हत्यार बघून दुचाकी चालवणारा पोलीस आपल्या साथीदार पोलिसालाही तिथेच सोडून पळाला आहे. पोलिसांची ही हालचाल सीसीटीव्हीमध्ये कैद झाली दुसरीकडे चोरांनाही सोसायटीत राहणाऱ्या लोकांचा आरडाओरडा ऐकू आल्याने त्यांनी पळ काढला. मात्र चोरांच्या आधी ज्या प्रवेशद्वारातून पोलीस निघून गेले किंवा पळाली. त्यात प्रवेशद्वारातून यांच्या नंतर कळाले त्यामुळे पकडण्याची संधी असूनही पोलिसांनी घटनेकडे दुर्लक्ष केले की अजुन काही कारण होते हे समजले नाही.

दरम्यान, यातले चार फ्लॅट बंद असल्याने मोठा ऐवज चोरीला गेला नाही. पण एका फ्लॅटमधील एलईडी टीव्ही नेण्यास चोर यशस्वी झाले. संकटाच्यावेळी तारणहार असलेले पोलीस जर पळून जात असतील तर नागरिकांनी कोणावर विश्वास ठेवायचा असा प्रश्न आता स्थानिक विचारत आहेत.या घटनेची दखल आता चतुःशृंगी पोलिसांनी घेतली असून संबंधित पोलिसांचा अहवाल आयुक्तांकडे पाठवण्यात आला आहे.

पुणे : “शालेय वयातील मुले कादंबरीसारखा साहित्य प्रकार लिहिताहेत, ही आनंदाची गोष्ट आहे. एवढ्या कमी वयात सर्जनशीलतेचे, प्रगल्भतेचे दर्शन आपल्या लेखनातून तन्वीसारखे युवा लेखक घडवतात, तेव्हा त्यांच्यातील आत्मविश्वास पाहून हुरूप येतो. तन्वीने आपल्या अंतर्मनातील विचारांना सुंदर पद्धतीने शब्दबद्ध केले आहे. तिचे लेखन कौतुकास्पद आणि नव्या पिढीला लिहिण्यास उद्युक्त करणारे आहे,” असे प्रतिपादन राज्याच्या शालेय शिक्षण विभागाचे संचालक दत्तात्रय जगताप यांनी केले.
तन्वी निमजे लिखित अभिषेक टाईपसेटर्स अँड पब्लिशर्स प्रकाशित ‘ऍस्ट्रो ऑफ अवर्स’ पुस्तकाच्या प्रकाशनावेळी जगताप बोलत होते. मंगळवारी नवी पेठेतील पत्रकारभवन येथे झालेल्या या कार्यक्रमाला इंडियन बँकेचे विभागीय व्यवस्थापक मनीष कुमार, उपविभागीय व्यवस्थापक राजीव रंजन, सह-महाव्यवस्थापक रणजित सिंग, वरिष्ठ व्यवस्थापक वजाहत अली व तन्वीचे वडील सह-महाव्यवस्थापक प्रकाश निमजे, आई ज्योती निमजे, प्रकाशक मंगेश वाडेकर आदी उपस्थित होते.

दत्तात्रय जगताप म्हणाले, “दहावी-बारावीच्या दडपणात अनेकदा मुले गुंतून जातात. मात्र, तन्वीने त्यातून स्वतःला वेळ देत ‘ऍस्ट्रो ऑफ अवर्स’ कादंबरी लिहून पूर्ण केली. तिच्यातील लेखन प्रतिभा अचंबित करणारी आहे. काव्य, भावभावना अतिशय ओघवत्या शैलीत तिने उतरवल्या आहेत. इतर मुलांनीही यातून प्रेरणा घेत साहित्यकृती निर्माण कराव्यात.”
मनीष कुमार म्हणाले, “तन्वीला लहानपानापासून पाहत आहे. तिच्यातील बुद्धिमत्ता आणि क्रयशीलता, सतत काहीतरी नाविन्यपूर्ण करण्याची तिची उर्मी वाखाणण्याजोगी आहे. अवघ्या १८ व्या वर्षी तिची कादंबरी प्रकाशित होत आहे, ही तिच्यासाठी मोठी गोष्ट आहे.” तन्वी निमसे म्हणाले, “लहानपणापासूनच वाचन करत होते. त्यातून लिखाणाची आवड जडली. दहावीनंतर सर्व पुस्तक लिहून काढले. पहिले पुस्तक प्रकाशित होताना आनंद वाटतो आहे.”
मंगेश वाडेकर यांनीही मनोगत व्यक्त केले. सतीश गेजगे यांनी सूत्रसंचालन केले. प्रकाश निमसे यांनी आभार मानले.

पुणे- येथील नगरसेवक महेश लडकत यांचे आज दीर्घ आजाराने निधन झाले. ते 53 वर्षे वयाचे होते. पतित पावन सारख्या संघटनेतुन सामाजिक कार्याला सुरुवात करणाऱ्या लडकत यांची भाजपा मधील एक शांत,मनमिळाऊ व्यक्तिमत्व अशीच ओळख होती.त्यांच्या मागे पत्नी, मुलगी, 2 भाऊ ,1 बहिण असा परिवार आहे.

गेली काही दिवसांपासुन ते आजारी होते, रुग्णालयात उपचार सुरु असताना आज त्यांची प्राणज्योत अखेर मालवली .महापालिका शिक्षण मंडळ , तसेच शहर सुधारणा समितिवर अध्यक्ष म्हणून त्यांनी काम केले होते . उद्दम सहकारी बैंकेचे ते विद्यमान अध्यक्ष होते. नवी पेठ येथे राहणाऱ्या लड़कतांना माननारा वर्ग सर्व पक्षात आहे. त्यांच्या अशा अकाली निधनाने हळहळ व्यक्त होत आहे.

नवी पेठ ,लोकमान्य नगर दत्तवाडी, भागातील नगरसेवक महेश लडकत यांचा 37 वर्षांचा सामाजिक आणि राजकीय जीवन प्रवासाचा त्यांचा आलेख वाखणण्याजोगा आहे. .

विमलताई गरवारे शाळेत शिक्षण आणि गरवारे कॉलेज ऑफ कॉमर्स मधून पदवी आणि पदव्युत्तर शिक्षण घेत असताना १९८३ सालापासून पतितपावन संघटनेच्या माध्यमातून कामाचा त्यांचा आलेख सतत लक्षवेधी राहिला..पुणे विद्यापीठ प्रतिनिधी म्हणून काम करण्याची मिळालेली संधी पतितपावन संघटनेचा शहर युवक प्रमुख आणि त्यातून सार्वजनिक जीवनात जीवनातल्या प्रश्नांना सोडवण्याचे आलेली जाण. 90 च्या दशकात देशात निर्माण झालेल्या अभूतपूर्व वातावरणात देशात सत्ताबदल झाला पाहिजे हा विचार प्रवाह जोरात वाहत असताना देशाला अटल बिहारी वाजपेयी सारख्या पंतप्रधानची गरज आहे हे पाहून संघ परिवाराचे अनेक कार्यकर्ते भारतीय जनता पक्षात काम करू लागले आणि त्याच प्रवाहात महेश लडकत सामाजिक चळवळीच्या मुशीतून तयार होऊन भारतीय जनता पार्टीमध्ये आपकी बार अटलबिहारी असे म्हणत पुणे शहर भारतीय जनता युवा मोर्चाचे सरचिटणीस झाले होते .
युवा मोर्चाच्या माध्यमातून केलेली विविध आंदोलने असो किंवा आयोजित क्रीडा स्पर्धा, आरोग्य शिबीर, रक्तदान शिबीर,कामे केली. त्यामुळे भारतीय जनता युवा मोर्चा खऱ्या अर्थाने पक्षाची ताकद बनली याच कामाची दखल घेत लडकत यांना महाराष्ट्र प्रदेश युवा मोर्चाचे उपाध्यक्ष पद बहाल करण्यात आले. या काळात विद्यमान मुख्यमंत्री श्री देवेंद्र फडणीस आणि विधान परिषदेतील विरोधी पक्षनेते धंनजय मुंडे देखील प्रदेश युवा मोर्चाचे उपाध्यक्ष होते .
पक्ष संघटनेतील आणि एकूण सामाजिक कामाच्या आधारावर पक्षाने 2007 ते 2009 या काळात पुणे महानगरपालिकेच्या शिक्षण मंडळाच्या अध्यक्षपदाच्या काळात भाजपचा पहिला शिक्षण मंडळ अध्यक्ष म्हणून कौतुकास्पदकाम केलं त्यांच्या काळात सुरू झालेल्या क्रीडा प्रबोधिनीतून तयार झालेले अनेक विद्यार्थी आज क्रीडाक्षेत्रात यशस्वी होत आहेत . 2017 मध्ये पहिल्यांदा नगरसेवक पदी निवडून आल्यानंतर शहर सुधारणा समितीचे अध्यक्षपद दिले व या माध्यमातून त्यांनी आणि येवलेवाडी विकास आराखडा, एसटी एमटीआर *प्रकल्पास चालना, विकास आराखडयात ओढ्या लगत असलेल्या बांधकामावर असलेले निर्बंध उठविण्यास मंजुरी या सारखी कामे करून घेत त्यांनी आपल्या कार्यकुशलतेची ओळख पटवून दिली. जनतेच्या समस्या सोडविणारा कर्तव्य दक्ष पक्षातील सहकाऱ्यांचा विश्वासू असे महेश लडकत खासदार गिरीश बापट यांचे विश्वासू म्हणून त्यांना ओळखले जात .

पुणे- चार वर्षात १०० कोटीची उधळण करूनही बीआरटी पाहणीचे नाटक बंद करा ; स्वारगेट- कात्रज बीआरटी मार्ग त्वरित चालू करा, अन्यथा मार्ग काढून टाका’, अशी मागणी करीत सोमवारी (दि.२८) राष्ट्रवादी काँग्रेस पक्ष पर्वती मतदार संघाच्या वतीने महापौर मुरलीधर मोहोळ यांच्या बीआरटी पाहणी दौऱ्याच्या वेळी तीव्र निदर्शने करण्यात आली.यावेळेस दत्तवाडी पोलीस स्टेशनच्या पोलिसांनी हस्तक्षेप करून कार्यकर्त्यांना ताब्यात घेऊन दत्तवाडी पोलीस स्टेशन येथे स्थानबद्ध केले.त्यानंतर तातडीने महापौरांनी 1 जानेवारी पासून स्वारगेट ते कात्रज या सातारा रस्त्यावरील बीआरटी सुरु करत असल्याचे प्रसिद्धीपत्रक माध्यमांना पाठविले.

आज सोमवारी सकाळी महापौर मुरलीधर मोहोळ, पुणे मनपा आयुक्त विक्रमकुमार तसेच पीएमपीएल व्यवस्थापकीय संचालक राजेंद्र जगताप यांच्या उपस्थितीमध्ये बीआरटी वर पाहणी दौरा आयोजित केला होता. या दौऱ्याच्या वेळी राष्ट्रवादी काँग्रेस पक्ष पर्वती मतदार संघाचे अध्यक्ष नितीन कदम, दिलीप आरूंदेकर यांच्या नेतृत्वाखाली जोरदार निदर्शने करण्यात आली. यावेळी राष्ट्रवादीचे कार्यकर्ते हातात फलक घेऊन मोठ्या संख्येने सहभागी झाले होते. यावेळी ‘बीआरटी चालू करा, भ्रष्टाचाराशी चौकशी करा’ अशी घोषणाबाजी करण्यात आली. अचानक केलेल्या या निदर्शनांमुळे प्रशासनाची एकच धावपळ उडाली.

चार वर्षांमध्ये शंभर कोटी खर्च करून अद्यापिही स्वारगेट कात्रज बीआरटी सुरू झाली नाही. पुणे मनपा आयुक्त आणि पीएमपीएलचे महाव्यवस्थापक यांच्याकडे याबाबतची वारंवार मागणी करण्यात येत होती. एवढा खर्च करून बीआरटी डेडिकेटेड लेनमध्ये धावत नसेल तर बीआरटी मार्ग काढून टाका अशी भूमिका घेण्यात आली. मात्र प्रशासनाकडून काहीही पाऊल उचलण्यात आले नाही. अखेर आज आंदोलन करून राष्ट्रवादीने आपला निषेध व्यक्त केला.

पुणे विभागातील 5 लाख 35 हजार 744 कोरोना बाधित रुग्ण बरे होऊन घरी
विभागात कोरोना बाधित 5 लाख 60 हजार 717 रुग्ण
-विभागीय आयुक्त सौरभ राव

पुणे,दि.28 :- पुणे विभागातील 5 लाख 35 हजार 744 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 5 लाख 60 हजार 717 झाली आहे. तर ॲक्टीव रुग्ण संख्या 9 हजार 396 इतकी आहे. कोरोनाबाधीत एकुण 15 हजार 577 रुग्णांचा मृत्यू झाला असून मृत्यूचे प्रमाण 2.78 टक्के आहे. पुणे विभागामध्ये बऱ्या होणा-या रुग्णांचे प्रमाण 95.55 टक्के आहे, अशी माहिती विभागीय आयुक्त सौरभ राव यांनी दिली.

पुणे जिल्हा
पुणे जिल्हयातील कोरोना बाधीत एकूण 3 लाख 60 हजार 758 रुग्णांपैकी 3 लाख 44 हजार 912 रुग्ण बरे होवून घरी गेले आहेत. ॲक्टीव रुग्ण 7 हजार 161 आहे. कोरोनाबाधित एकूण 8 हजार 685 रुग्णांचा मृत्यू झाला आहे. मृत्यूचे प्रमाण 2.41 टक्के इतके आहे तर बरे होणा-या रुग्णांचे प्रमाण 95.61 टक्के आहे.
सातारा जिल्हा
सातारा जिल्हयातील कोरोना बाधीत एकूण 54 हजार 100 रुग्णांपैकी 51 हजार 524 रुग्ण बरे होवून घरी गेले आहेत. ॲक्टीव रुग्ण संख्या 820 आहे. कोरोनाबाधित एकूण 1 हजार 756 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 48 हजार 874 रुग्णांपैकी 45 हजार 13 रुग्ण बरे होवून घरी गेले आहेत. ॲक्टीव रुग्ण संख्या 1 हजार 153 आहे. कोरोनाबाधित एकूण 1 हजार 708 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 47 हजार 505 रुग्णांपैकी 45 हजार 588 रुग्ण बरे होवून घरी गेले आहेत. ॲक्टीव रुग्ण संख्या 189 आहे. कोरोनाबाधित एकूण 1 हजार 728 रुग्णांचा मृत्यू झाला आहे.
कोल्हापूर जिल्हा
कोल्हापूर जिल्हयातील कोरोना बाधीत एकूण 49 हजार 480 रुग्णांपैकी 47 हजार 707 रुग्ण बरे होवून घरी गेले आहेत. ॲक्टीव रुग्ण संख्या 73 आहे. कोरोनाबाधित एकूण 1 हजार 700 रुग्णांचा मृत्यू झाला आहे.
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये 771 ने वाढ झाली आहे. यामध्ये पुणे जिल्ह्यात 564 , सातारा जिल्ह्यात ९६, सोलापूर जिल्ह्यात 78, सांगली जिल्ह्यात 17 तर कोल्हापूर जिल्ह्यात 16 अशी रुग्ण संख्येमध्ये वाढ झालेली आहे.
कालच्या रुग्णसंख्येमध्ये बऱ्या होणा-या रुग्णांचे प्रमाण –
पुणे विभागामध्ये बऱ्या होणाऱ्या रुग्णांमध्ये एकूण 807 आहे. पुणे जिल्हयामध्ये 705, सातारा जिल्हयामध्ये 0, सोलापूर जिल्हयामध्ये 68, सांगली जिल्हयामध्ये 20 व कोल्हापूर जिल्हयामध्ये 14 रुग्णांचा समावेश आहे.
पुणे विभागातील सर्व्हेक्षण
आजपर्यत विभागामध्ये एकुण 32 लाख 60 हजार 972 नमून्यांचा तपासणी अहवाल प्राप्त झाला. प्राप्त अहवालांपैकी 5 लाख 60 हजार 717 नमून्यांचा अहवाल सकारात्मक (पॉझिटिव्ह) आहे.

( टिप :- दि. 27 डिसेंबर 2020 रोजी रात्री 9.00 वा. पर्यंतच्या आकडेवारीनुसार )

पुणे (प्रतिनिधी)स्वारगेट ते कात्रज चौकापर्यंतच्या गेल्या काही महिन्यांपासून रखडलेल्या बीआरटी मार्गातील बहुतांशी त्रुटी दूर झाल्या असून उरलेल्या बाबी येत्या तीन दिवसांत पूर्ण करणार आहोत. त्यामुळे स्वारगेट-कात्रज हा बीआरटी मार्ग येत्या १ जानेवारीपासून वाहतुकीसाठी खुला करण्यात येत आहे, अशी माहिती महापौर मुरलीधर मोहोळ यांनी दिली.

स्वारगेट ते कात्रज यादरम्यानच्या बीआरटी मार्गाची पाहणी महापौर मोहोळ यांनी महापालिका पदाधिकारी, अधिकारी यांच्या समवेत करुन या मार्गाचा ठिकठिकाणी प्रत्यक्ष भेटी देऊन सविस्तर आढावा घेतला. कामाच्या पाहणीनंतर महापौरांनी बीआरटी सुरु करण्याची घोषणा केली.

पाहणीवेळी आयुक्त विक्रम कुमार, काँग्रेसचे गटनेते आबा बागुल, पीएमपीएमएलचे अध्यक्ष राजेंद्र जगताप, नगरसेवक श्रीनाथ भिमाले, प्रवीण चोरबेले, गोपाळ चिंतल, महेश वाबळे, नगरसेविका वर्षा तापकीर, स्मिता वसते, मानसी देशपांडे, मनीषा कदम, राणी भोसले, अतिरिक्त आयुक्त कुणाल खेमणार, वाहतूक उपयुक्त राहुल श्रीरामे, पथ विभाग प्रमुख व्ही. जी. कुलकर्णी, विद्युतचे मुख्य अभियंता श्रीनिवास कंदुल, परिमंडळ १ च्या वाहतूकच्या वैशाली शिंदे आदी उपस्थित होते.

स्वारगेट-कात्रज बीआरटीच्या कामाची निविदा २०१६ साली काढण्यात आली होती. मात्र तांत्रिक अडचणी आल्याने २०१८ साली नव्याने ही प्रक्रिया राबवण्यात आली होती. मात्र आचारसंहिता आणि या रस्त्यावररील प्रमुख दोन उड्डाणपुलांची कामे, यामुळे बीआरटीच्या कामाला विलंब झाला. आता यातील बहुतांश त्रुटी दूर झाल्या असून उरलेली काही कामे ३१ डिसेंबरपर्यंत पूर्ण करण्यात येत आहेत. त्यामुळे हा मार्ग खुला करण्याचा मार्ग मोकळा झाला आहे.

आढावा घेतल्यानंतर महापौर मोहोळ म्हणाले, ‘तांत्रिक प्रक्रिया आणि विविध बाबींमुळे हे काम लांबले असले तरी आता त्यातील त्रुटी दूर केल्या आहेत. काम योग्यरित्या पूर्ण झाले असून १ जानेवारीपासून हा मार्ग खुला करण्यात येत आहे. या मार्गाचा फायदा या भागातील नागरिकांना उत्तमरीत्या होणार असून सार्वजनिक वाहतूक व्यवस्थेतून प्रवास करणाऱ्यांना यामुळे दिलासा मिळणार आहे’.

पुणे :’भारतातील इतर पुढारलेल्या धर्मांच्या तुलनेत मुस्लीम धर्मात साक्षरतेचे प्रमाण कमी असून समाजातील वंचित,मागास,अल्पसंख्य समुदायाला शिक्षणाची संधी उपलब्ध करून देण्याचे डॉ पी ए इनामदार यांचे कार्य हे अतुलनीय आहे’,असे उद्गार खासदार वंदना चव्हाण यांनी काढले.

महाराष्ट्र कॉस्मॉपॉलिटन एज्युकेशन सोसायटी आणि ‘प्रबोधन माध्यम’ यांच्या संयुक्त विद्यमाने देण्यात येणारे ‘डॉ. पी. ए. इनामदार सामाजिक कृतज्ञता सन्मान २०२०’ सोमवार २८ डिसेंबर रोजी सकाळी आझम कॅम्पस येथे झालेल्या कार्यक्रमात खासदार वंदना चव्हाण यांच्या हस्ते प्रदान करण्यात आले.या प्रसंगी खा.चव्हाण बोलत होत्या.संस्थेचे सचिव डॉ लतीफ मगदूम अध्यक्ष स्थानी होते.

माजी पोलिस अधिकारी सुरेश खोपडे, बीव्हीजी इंडिया लिमिटेड चे संस्थापक हणमंत गायकवाड , सामाजिक कार्यकर्ते जे के सराफ, अंधश्रध्दा निर्मूलन समितीच्या पुणे जिल्हा कार्याध्यक्ष नंदिनी जाधव, घटस्फोट रोखण्यासाठी समुपदेशनाचे काम करणारे अॅड. समीर शेख यांना ‘डॉ. पी. ए. इनामदार सामाजिक कृतज्ञता सन्मान’ प्रदान करून गौरविण्यात आले.सन्मान सोहळ्याचे हे बारावे वर्ष होते. हणमंत गायकवाड यांच्या वतीने रवी घाटे यांनी सन्मान स्वीकारला.

डॉ पी ए इनामदार यांच्यावरील पोस्टाच्या तिकिटाचे अनावरण यावेळी खासदार वंदना चव्हाण यांच्या हस्ते करण्यात आले.

महाराष्ट्र कॉस्मॉपॉलिटन एज्युकेशन सोसायटी ,आझम कॅम्पस परिवारातील उल्लेखनीय योगदानाबद्दल ‘डॉ. पी. ए. इनामदार कार्यक्षमता व गुणवत्ता सन्मान’ साठी प्रा.रणजित घोगले,डॉ. जालिस अहमद यांना गौरविण्यात आले. रोख रक्कम,सन्मानचिन्ह,शाल,पुष्पगुच्छ असे या सन्मानाचे स्वरूप आहे.

संयोजन समितीचे अध्यक्ष दीपक बीडकर यांनी प्रास्ताविक केले.नूरजहान शेख यांनी आभार मानले.

खासदार एड वंदना चव्हाण म्हणाल्या,’राज्यकर्त्यांना,धोरणकर्त्यांना निर्णय घेण्यासाठी साक्षरतेचे प्रमाण हा निकष महत्वाचा असतो.भारतातील साक्षरतेचा अभ्यास केला तर इतर धर्मात साक्षरतेचे प्रमाण अधिक आहे. मुस्लीम धर्मात साक्षरतेचे प्रमाण कमी आहे.त्यामुळे वंचित,मागास आणि अल्पसंख्य समुदायाचे शिक्षण हे महत्वाचे काम असून डॉ पी ए इनामदार यांनी महाराष्ट्र कॉस्मोपोलिटन एज्युकेशन सोसायटीच्या माध्यमातून या समुदायाच्या शिक्षणाचे केलेले कार्य हे अतुलनीय आहे.या कॅम्पस मध्ये मुलींच्या शिक्षणासाठी पुढाकार घेतला जातो. विद्यार्थिनींची वाढती संख्या पाहून समाधान वाटते.

‘मागे पडलेले समुदाय प्रगतीकडे नेण्यासाठी,देशासमोरील प्रश्न सोडविण्यासाठी देशात पोषक वातावरण आणि संसदीय चर्चा आवश्यक असून केंद्र सरकार अधिवेशने रद्द करून ही चर्चाच टाळत आहे. या सरकारला प्रश्न विचारलेले आवडत नाहीत. जर कोणी प्रश्न विचारले तर त्याला देशद्रोही ठरवले जाते’,असेही त्या म्हणाल्या.

माजी पोलीस अधिकारी सुरेश खोपडे म्हणाले,’सद्य परिस्थितीत बोलत राहणे आणि प्रश्न विचारात राहणे आवश्यक आहे.चेहरे बदलण्यापेक्षा व्यवस्था बदलण्यासाठी प्रयत्न केले पाहिजेत. शिक्षणपद्धती कालबाह्य झाली असून तिला पर्याय देणे हे आव्हानात्मक काम असून ‘कुडाची शाळा’ या प्रकल्पातून आम्ही पर्याय देण्याचे काम करीत आहोत’.

नंदिनी जाधव म्हणाल्या,’अंधश्रद्धा निर्मूलनाचे काम ग्रामीण भागातच नव्हे तर शहरी भागातही करावे लागत आहे. शहरी भागातही बुवाबाजी,जात पंचायत आणि कौमार्य चाचणी सारख्या गोष्टी घडत आहे,हे अतिशय चिंताजनक आहे.

जे के सराफ,एड समीर शेख,रवी घाटे यांनीही मनोगत व्यक्त केले.कार्यक्रमाला अन्वर राजन,श्रीपाद ललवाणी,संदीप बर्वे,मंदार नामजोशी,डॉ मुश्ताक मुकादम,एस ए इनामदार आदी मान्यवर उपस्थित होते.

‘महाराष्ट्र कॉस्मापॉलिटन एज्युकेशन सोसायटी’चे अध्यक्ष डॉ.पी.ए.इनामदार यांच्या वाढदिवसानिमित्त दरवर्षी हे सन्मान दिले जातात. यावर्षी डॉ.पी. ए. इनामदार यांचा ७६ वा वाढदिवस असून, सन्मानाचे बारावे वर्ष होते .

पुरस्कारार्थी  

१. सुरेश खोपडे (निवृत्त आय पी एस अधिकारी )-लोकशाही अधिकारांसाठी संघर्ष करण्याबद्दल —

२. हनमंत गायकवाड –बी व्ही जी इंडिया लिमिटेड -१०८ रुग्णवाहिका सेवेद्वारे कोविड काळात राज्यात  वैद्यकीय सेवा दिल्याबद्दल …..  

३. नंदिनी जाधव (अंधश्रद्धा निर्मुलन समिती -१८८ महिलांच्या जटानिर्मुलनाबद्दल )….

४. जे के सराफ –प्लास्टिक असोसिएशन ,मराठा चेंबर,आणि ४ ट्रस्ट च्या माध्यामतून सामाजिक कार्य …….

५. एड समीर शेख –१००० घटस्फोट समुपदेशनातून रोखल्याबद्दल ….