पुणे-आदित्य ठाकरे गणपती विसर्जनासाठी पुण्यामध्ये दाखल झाले आहेत. त्यावेळी तरुणींचा गराडा त्यांच्याभोवती पडला आहे. अनेकजण त्यांच्यासोबत फोटो घेण्यासाठी प्रयत्न करत आहेत. जमलेल्या तरुणी ‘आदित्य आदित्य’ म्हणत जल्लोष करत आहेत. दरम्यान, आज गणेशोत्सव विसर्जन मिरवणूक आहे. मी आज राजकारणावर काही बोलणार नाही. पण महाराष्ट्रातील आजचे राजकारण खूप वाईट आहे. ते राज्यासाठी , विकासासाठी नक्कीच चांगले नाही. लोकांना राजकारणाचा कंटाळा येईल इतके आजचे वाईट राजकारण होत आहे. राजकारण खालच्या पातळीवर आले आहे. त्याचा स्तर वरती आणण्याचा आम्ही प्रयत्न करत आहोत. नीलम ताई, चंद्रकांत दादा, दादा भेटले, राजकारण विषयी काही झाले नाही. उत्सवी वातावरण आहे. त्यामुळे राजकीय विषय नको, अशी प्रतिक्रिया आदित्य ठाकरेंनी दिली आहे.

पुणे -विसर्जनाच्या मिरवणुकांमध्ये फक्त सर्वसामान्यच नाही, तर राजकीय नेतेही सहभागी होत आहेत. एकीकडे राज्यात संघर्ष सुरु असताना मिरवणुकीत मात्र नेते एकत्र येताना दिसत आहे. असंच काहीसं चित्र पुण्यात आदित्य ठाकरे आणि चंद्रकांत पाटील आमने-सामने आल्यानंतर पहायला मिळालं.
शिवसेना नेते आदित्य ठाकरे पुण्यात असून त्यांनी दगडूशेठ गणपतीचं दर्शन घेत आरती केली. दुसरीकडे भाजपा नेते चंद्रकांत पाटीलदेखील पुण्यात असून यावेळी त्यांनी गणपतीचं दर्शन घेतलं.दरम्यान पुण्यातील मानाचा पहिला कसबा गणपतीच्या विसर्जन मिरवणुकीला सुरुवात होणार होती तेव्हा आदित्य ठाकरे तिथे पोहोचले. यावेळी चंद्रकांत पाटील तिथेच उपस्थित होते. आदित्य ठाकरे गर्दीतून मार्ग काढत पालखीजवळ आले असता, चंद्रकांत पाटील यांनी त्यांना आधी दर्शन घेऊन येण्यास सांगितलं.आदित्य ठाकरे दर्शन घेऊन आले तेव्हा पालखी मार्गस्थ होण्याच्या मार्गावर होती. चंद्रकांत पाटील आणि इतर जण आदित्य ठाकरेंची वाट पाहत थांबले होते. आदित्य ठाकरे येताच विसर्जनाला सुरुवात झाली. दरम्यान, यावेळी चंद्रकांत पाटील आणि आदित्य ठाकरे एकमेकांशी बोलतानाही दिसले.

पुणे : खडकवासला धरणसाखळी प्रकल्पातील चारही धरणांच्या परिसरात पाऊस परतला आहे. त्यामुळे खडकवासला धरणातून मुठा नदीत रात्री उशीराने पाणी सोडण्यास सुरूवात करण्यात आली. हवामान विभागाने जिल्ह्याला मध्यम ते मुसळधार पावसाचा पिवळा इशारा दिला आहे.खडकवासला धरणाच्या सांडव्यावरून मुठा नदी पात्रामध्ये सुरू असणारा ८५६ क्युसेक्स विसर्ग वाढवून रात्री. १२:०० वा. १,७१२ क्यूसेक्स करण्यात येत आहे. असेखडकवासला, पानशेत व वरसगाव प्रकल्प सहाय्यक अभियंता, श्रेणी १-यो.स.भंडलकर यांनी कळविले आहे..नदी पात्रात जनावरे,वाहने असल्यास ती तात्काळ हलविण्यात यावीत असेही त्यांनी म्हटले आहे .

शहराला टेमघर, वरसगाव, पानशेत आणि खडकवासला या धरणांमधून पाणीपुरवठा केला जातो. सध्या चारही धरणांत मिळून एकूण २९.०८ अब्ज घनफूट (टीएमसी) म्हणजेच ९९.७७ टक्के पाणीसाठा जमा झाला आहे. चारही धरणांत पावसाला सुरूवात झाल्याने खडकवासला धरण रात्री १०० टक्के भरले. त्यामुळे रात्री ११ वाजता ४२८ क्युसेक वेगाने धरणातून मुठा नदीत पाणी सोडण्यात आले.तो नंतर वाढवूनवाढवून रात्री. १२:०० वा. १,७१२ क्यूसेक्स करण्यात आला पावसाचे प्रमाण पाहून धरणातून सुरू असलेल्या पाण्याचा विसर्ग कमी-जास्त केला जाणार असल्याचे जलसंपदा विभागाकडून सांगण्यात आले.

दरम्यान, गणेश विसर्जनासाठी मुठा नदीपात्रात पाणी सोडण्याचे नियोजन केले नसल्याचे जलसंपदा विभागाकडून बुधवारी सांगण्यात आले होते. मात्र, धरणांच्या परिसरात पाऊस सुरू असल्याने खडकवासला धरण पूर्ण क्षमतेने भरले. परिणामी या धरणातून नदीत पाण्याचा विसर्ग सुरू करण्यात आला आहे. त्यामुळे मानाच्या गणपतींसह इतर गणेश मंडळांना महापालिकेकडून तयार करण्यात आलेल्या कृत्रिम हौदांसह नदीतही श्रींचे विसर्जन करता येणार आहे.

पुणे – पुणे शहरातील गणेशोत्सव विसर्जन मिरवणूक विलंब न होता वेळेत संपविण्यासाठी पोलिसांचा प्रयत्न नक्की असेल.विसर्जन मिरवणुकीमध्ये जास्त वेळ खंड पडू नये किंवा रेंगाळू नये याकडे पोलिसांचे विशेष लक्ष असेल, असे पोलिस आयुक्त अमिताभ गुप्ता यांनी गुरुवारी सांगितले. तसेच स्पीकरबाबत, आवाजाच्या मर्यादेच्या उल्लंघनाबाबत सर्वोच्च न्यायालयाने दिलेल्या आदेशाचे पालन करणे आवश्‍यक आहे, नागरीकांची तक्रार आल्यास कडक कारवाई केली जाईल, असेही गुप्ता यांनी स्पष्ट केले.मिरवणुक सोहळ्यादरम्यान कोणताही अनुचित प्रकार घडू नये यासाठी 8000 पोलीस कर्मचारी, 1200 CCT, SRPF आणि होमगार्डच्या अतिरिक्त कंपन्यांसह स्वयंसेवक तैनात करण्यात येणार आहेत.

विसर्जन मिरवणुक सोहळ्यातील बंदोबस्ताची माहिती पोलिस आयुक्त अमिताभ गुप्ता यांनी पत्रकार परिषदेत दिली. यावेळी अतिरीक्त पोलिस आयुक्त राजेंद्र डहाळे, वाहतुक शाखेचे पोलिस उपायुक्त राहुल श्रीरामे, विशेष शाखेचे पोलिस उपायुक्त आर. राजा उपस्थित होते. कोरोनामुळे विसर्जन मिरवणुक झाली नव्हती. दोन वर्षाच्या खंडानंतर यंदाचा गणेशोत्सव चांगल्या पद्धतीने पार पडला. अनंत चतुर्दशी दिवशी (ता. 9) शुक्रवारी सकाळी दहा वाजता प्रथेप्रमाणे महात्मा फुले मंडईतील लोकमान्य टिळक पुतळ्यापासून मुख्य विसर्जन मिरवणुकीस सुरुवात होईल. विसर्जन मिरवणुक शांततेत व सुरळीत पार पडावी, यासाठी चोख बंदोबस्त ठेवला असल्याची माहिती गुप्ता यांनी दिली.

गुप्ता म्हणाले, ‘विसर्जन मिरवणूकीत रात्री बारा वाजेपर्यंत स्पीकर वापरण्यास परवानगी देण्यात आली आहे. आवाजाबाबत सर्वोच्च न्यायालयाने दिलेल्या आदेशाचे पालन मंडळांनी करावे. उच्चक्षमतेचे स्पीकर किंवा आवाजाच्या पातळीची मर्यादा ओलांडल्यास आणि नागरीकांनी तक्रार आल्यास संबंधितांवर कडक कारवाई केली जाईल. विसर्जन मिरवणूक लवकर आटोपण्यासाठी प्रयत्न करण्यात येणार आहे. मिरवणुकीत कायदा-सुव्यवस्थेचा प्रश्‍न निर्माण झाल्यास त्वरीत कारवाई केली जाईल. संभाव्य घातपाती कारवायांच्या पार्श्वभूमीवर संवेदनशील ठिकाणांवर बंदोबस्त ठेवण्यात येणार आहे. दागिने, मोबाइल हिसकावणे, छेड काढणे असे प्रकार रोखण्यासाठी साध्या वेशातील पोलिसांची पथके गस्त घालणार आहेत.

मेट्रोच्या पुलामुळे देखाव्यांची उंची मोजली जाणार

खंडुजीबाबा चौकातील मेट्रो पुलामुळे मिरवणुकीतील देखाव्यांची उंची फुटांपेक्षा कमी असावी, असे आवाहन पोलिसांकडून करण्यात आले आहे. गुरुवारी ( सप्टेंबर) मध्यरात्रीपासून विसर्जन मिरवणूकीत मंडळाचे रथ विसर्जन मार्गावर दाखल होतात. देखाव्यांची उंची पोलिसांकडून मोजण्यात येणार आहे. त्यामुळे खंडुजीबाबा चौकातील मेट्रो पुलाच्या परिसरात गोंधळाची परिस्थिती निर्माण होणार नाही, असे अतिरिक्त पोलीस आयुक्त राजेंद्र डहाळे यांनी नमूद केले.

असा असेल मुख्य मिरवणुकीसाठी पोलिसांचा बंदोबस्त

– अतिरीक्त पोलिस आयुक्‍त – 4

– पोलिस उपायुक्त – 10

– सहाय्यक पोलिस आयुक्त – 21

– वरिष्ठ पोलिस निरीक्षक – 55

– पोलिस उपनिरिक्षक/सहाय्यक पोलिस निरीक्षक – 379

– पोलिस कर्मचारी – 4 हजार 579

बंदोबस्तासाठी बाहेरुन बोलाविण्यात आलेले अधिकारी कर्मचारी

– सहाय्यक पोलिस आयुक्‍त – 4

– वरिष्ठ पोलिस निरीक्षक – 10

– सहाय्यक पोलिस निरीक्षक/पोलिस उपनिरीक्षक – 50

– पोलिस कर्मचारी – 250

– एसआरपीएफ कंपन्या – 02

– गृहरक्षक दल – 259

अनंत चतुर्दशी दिवशी (ता.9) गणेश विसर्जन होणारी मंडळे/घरगुती गणपती

– सार्वजनिक गणेशोत्सव मंडळे – 2 हजार 969

– घरगुती गणपती – 2 लाख 22 हजार 977

आत्तापर्यंत झालेले गणेश विसर्जन सद्यस्थिती

– 1 ते 7 सप्टेंबर पर्यंत गणेश विसर्जन झालेली सार्वजनिक मंडळे – 333

– 1 ते 7 सप्टेंबर पर्यंत विसर्जन झालेले घरगुती गणपती – दोन लाख 4 हजार 653

विसर्जन मिरणुकीतील पोलिस बंदोबस्ताची वैशिष्ट्ये

– विसर्जन मिरवणुकीचे पोलिसांकडून ड्रोन कॅमेऱ्याद्वारे चित्रीकरण

– विसर्जन मार्गावर ठिकठिकाणी सीसीटीव्ही कॅमेऱ्यांची नजर

– गर्दीच्या ठिकाणी वृद्ध, महिला, बालकांवर विशेष लक्ष

– चोरी, छेडछाड टाळण्यासाठी पोलिसांची विशेष पथके सक्रीय

– विसर्जन मार्गावर नागरिकांसाठी मदत केंद्र

इथे साधा संपर्क

– संशयास्पद व्यक्ती किंवा वस्तु आढळल्यास त्वरीत संपर्क साधा – 112 ( पोलिस नियंत्रण कक्ष)

– अग्निशामक दल – 101

यंदाच्या वर्षी महापालिका प्रशासक विक्रम कुमार यांच्या हस्ते गणेश विसर्जन मिरवणुकीला प्रारंभ होणार असून, शुक्रवारी सकाळी ९.३० वाजता महात्मा फुले मंडई येथे असणाऱ्या लोकमान्य टिळक यांच्या पुतळ्यास विक्रम कुमार पुष्पहार अर्पण करतील आणि त्यानंतर विसर्जन मिरवणूकीस सकाळी १० वाजता सुरुवात होणार आहे. शहरातील सगळ्या घाटांवर सुरक्षेसाठी लाईफ गार्ड उपस्थितीत असणार असून, घरगुती गणपती विसर्जनासाठी शहरात फिरते हौद असणार उपलब्ध करून देण्यात आले आहे. याशिवाय सार्वजनिक स्वच्छतागृहे, फिरती शौचालयांची उभारणीदेखील करण्यात आली आहे.

अनंत चतुर्दशी दिवशी (ता.9) गणेश विसर्जन होणारी मंडळे/घरगुती गणपतींच्या संख्येत सार्वजनिक गणेशोत्सव मंडळांची संख्या 2 हजार 969 तर, घरगुती गणपती 2 लाख 22 हजार 977 इतके आहेत. आत्तापर्यंत 1 ते 7 सप्टेंबरपर्यंत गणेश विसर्जन झालेली सार्वजनिक मंडळे – 333 असून, 1 ते 7 सप्टेंबरपर्यंत विसर्जन झालेले घरगुती गणपतींची संख्या दोन लाख 4 हजार 653 इतकी आहे.

पुणे-महाराष्ट्रातील पारंपारिक सणांची महती आणि माहती दृकश्राव्य तसेच नृत्य व संगीत या द्वारे सादर करणारा विलोभनीय कार्यक्रम ३४ व्या पुणे फेस्टिव्हलमध्ये, बालगंधर्व रंगमंदिर येथे संपन्न झाला. कालच्या संस्कारांना आजच्या तांत्रिक माध्यमाद्वारे उद्याच्या पिढीपर्यंत पोहोचविणारी ही कलाकृती होती.

स्वरांश एंटरटेंमेंट निर्मित व प्रभा एंटरप्राइजेस संयोजित- महाराष्ट्रची सणयात्रा आपल्याला भगवान राम-कृष्ण, ज्ञानोबा-तुकोबा, छत्रपती शिवाजी महाराज अशा अनेक कालखंडांची सैर करून त्या कालखंडाशी आणि परंपरेशी एकरूप करते. ही यात्रा निसर्गाचे महत्व सांगते तसेच स्त्रीपूजेचे. ह्या कार्यक्रमाचे वैशिष्ट्य म्हणजे आपल्या मराठी सणांवर आधारित सुमधुर गाणी, नेत्रदीपक नृत्य, माहितीपर संहिता, आणि ह्या सगळ्या धाग्याची एक सुरेल वीण असलेला नाट्यमय सूत्र-संचलन.

नूतन वर्षारंभ म्हणजे गुढी पाडव्यापासून सुरु होणारी ही यात्रा, पुढे रामनवमी, अक्षय्य तृतिया, मंगळागौर, गणेशोत्सव, नवरात्री, दिवाळी, बुद्ध पौर्णिमा, शिवजयंती ते अगदी महिला दिन अशा व इतर अनेक सण-समारंभांना स्पर्श करत महाराष्ट्राचे नखशिखांत दर्शन घडवून आणते. गाण्यांना आणि सणांना अनुसरून केलेले पोशाख, कार्यक्रमाला साजेशी रंगमंच सजावट आपल्याला केवळ कार्यक्रमाच्या कालावधीपुरते नाही तर पुढे देखील त्या भावविश्वात रमवून ठेवते.

याची संकल्पना व दिग्दर्शन शैलेश लेले यांची असून, संहिता व सूत्र संचालन रवींद्र खरे यांनी केली आहे. याचे सर्जनशील दिग्दर्शन कौस्तुभ देशपांडे यांनी केले असून गायक प्रणाली काळे, हरिष वांगीकर, मोहित थत्ते, श्रुती देवस्थळी, केदार जोग, सिद्धिदा गोडबोले हे आहेत. ऋतुजा पवार, प्रसाद ओझरकर, सिद्धांत हिंगमिरे, गौरी देशपांडे यांनी नृत्य सादर करून कार्यक्रम अधिक दर्जेदार बनवला.

ध्वनी योजना प्रशांत उरुणकर यांची असून नेपथ्य उपेंद्र इंगळीकर, प्रकाश योजना: तेजस देवधर व शुभम परदेशी आणि प्रोजेक्शन गणेश धुमाळ यांची आहे.

पुणे-युवा व नवोदित कलाकारांसाठी पुणे फेस्टीव्हलमध्ये दरवर्षी ‘इंद्रधनू’ या कार्यक्रमांचे आयोजन केले जाते. ३४व्या पुणे फेस्टिव्हलमध्ये बुधवार दि. ७ सप्टे. रोजी सायं. पंडित जवाहरलाल नेहरू सांस्कृतिक भवन, पुणे  येथे झालेल्या इंद्रधनू कार्यक्रम संपन्न झाला. प्रेक्षकांचा मोठा प्रतिसाद यास मिळाला. यंदा या उपक्रमाचे २५वे वर्ष आहे. रवींद्र दुर्वे याचे संयोजन करीत आहे.

१६ ते 25  वर्षे वयोगटातील युवा कलाकारांना व्यासपीठ मिळवून देणाऱ्या या कार्यक्रमात यंदा २०० हून अधिक युवा कलाकारांनी सहभाग घेतला. शास्त्रीय गायन, शास्त्रीय नृत्यामध्ये ; कथक, भरतनाट्यम, मोहिनीअट्टम, कथकली, कुचीपुडी व ओडिसी नृत्य तसेच तबला, बासरी, हार्मोनियम, गिटार, व्हायोलीन, सतार, सरोद, कीबोर्ड वादन, सिंथेसायझर, गंधर्व गायन, नकला, एकपात्री  प्रयोग, पोवाडे, भावगीत, भक्तीगीत, चित्रपट गीते, सुगम संगीत, पाश्चिमात्य नृत्य अशा वैविध्यपूर्ण कला प्रकारांनी सारे भवन भारून गेले होते. प्रारंभी इंद्रधनू कार्यक्रमाचे संयोजक रवींद्र दुर्वे यांनी सर्वांचे स्वागत केले व युवा कलाकारांना शुभेचा दिल्या आणि कौतुक केले.

पुणे फेस्टिव्हलचे मुख्यप्रायोजक कोहिनूर ग्रुप असून उपप्रायोजक जमनालाल बजाज फाउंडेशन, नॅशनल एग को-ऑर्डिनेशन कमिटी, सिस्का आणि सहप्रायोजक भारत फोर्ज व पंचशील आहेत. इंद्रधनूचे प्रयोजक मराठी बांधकाम व्यावसयिक संघटना व गेरा डेवलपमेंट प्रा.लि हे आहेत.

पुणे – ३४व्या पुणे फेस्टिवल अंतर्गत आयोजित करण्यात आलेल्या ‘व्हॉईस ऑफ पुणे फेस्टिवल’ हिंदी सुगम संगीत / चित्रपट गीत स्पर्धेच्या अंतिम फेरीमध्ये राज्याच्या विविध भागातून आलेल्या तरूणांपासून चाळीशी ओलंडलेल्या महिला आणि पुरुषांनी सादर केलेल्या एकापेक्षा एक सरस गीतांनी रासिकांना तृप्त केले. तरुणाई बरोबरच चाळीशी ओलांडलेल्या महिला आणि पुरुष स्पर्धकांच्या उत्साहाने रसिक भारावून गेले.

पुणे फेस्टिवल अंतर्गत ‘व्हॉईस ऑफ पुणे फेस्टिवल’ अशी हिंदी सुगम संगीत / चित्रपट गीत स्पर्धा  गेले ८ वर्षे भरविली जाते.यंदाचे ९वे वर्षे आहे. १५ ते ४० आणि ४१ व पुढील वयोगटातील महिला व पुरूष अशा ४ गटात ही स्पर्धा घेतली जाते. शनिवार दि. २७ ऑगस्ट व रविवार दि. २८ ऑगस्ट असे २ दिवस सकाळी १० पासून संध्याकाळी ७ पर्यंत कराओके ट्र्ँक्सवर या स्पर्धांची प्रथम फेरी हार्मनी स्टुडिओ, डेक्कन येथे घेतली गेली. यंदाच्या  वर्षी ४ ही वयोगटात मिळून १६० स्पर्धकांनी भाग घेतला होता. यंदाचे वर्षी ही नेहमीप्रमाणे नगर, मुंबई, व बीड अशा ठिकाणांहून स्पर्धक आले होते.

 संगीत विशारद, पं. किरण परळीकर, डॉ. विद्याताई गोखले, संगीत विशारद सौ. सीमाताई येवलेकर व झी सारेगमपचा प्रथम विजेता व आजचा नामवंत गायक मंगेश बोरगांवकर अशा ४ शास्त्रीय संगीत विशारद व तसेच सुगम संगीतामधील तज्ञ परिक्षकांनी परिक्षण केले.

 सूर, ताल, प्रेक्षकांचा प्रतिसाद, व सादरीकरण अशा प्रमाणे विभागून गूण दिले गेले. १६० स्पर्धेकांमधून एकूण ३० स्पर्धक अंतिम फेरीसाठी निवडले गेले. अंतीम फेरी दि. ७ सप्टेंबर रोजी सायंकाळी ५.३० वा. यशवंतराव चव्हाण नाट्यगृहामध्ये वाद्यवृदांसहित संपन्न झाली. पुणे फेस्टिवलचे अध्यक्ष सुरेश कलमाडी यांच्या हस्ते दीप प्रज्वलन करून या स्पर्धेच्या अंतिम फेरीला प्रारंभ झाला. यावेळी या स्पर्धेच्या संयोजक अॅड. अनुराधा भारती, प्रसिद्ध मराठी चित्रपट निर्माते व या स्पर्धेचे बक्षीस प्रायोजक निलेश नवलाखा, हाँटेल राजेशाहीचे निलेश दमीष्टे, परीक्षक मंगेश बोरगावकर, पं. किरण परळीकर आणि अतुल गोंजारी उपस्थित होते.

प्रत्येक गटात पहिला, दुसरा व तिसरा अशी ३ व उत्तेजनार्थ ४ अशी एकूण १६ बक्षिसे देण्यात आली व  या १६ स्पर्धकांमधून सर्वोत्तम सादरीकरणासाठी ‘व्हॉईस ऑफ पुणे फेस्टिवल’(महिला) व ‘व्हॉईस ऑफ पुणे फेस्टिवल’ (पुरुष) अशी २ विशेष बक्षिसे देण्यात आली. या कार्यक्रमासाठी प्रमुख पाहुणे म्हणून प्रसिद्ध मराठी व हिंदी चित्रपट अभिनेते प्रसन्न केतकर हे उपस्थित होते. बक्षीस वितरण पुणे फेस्टिवलचे उपाध्यक्ष कृष्णकुमार गोयल, प्रसन्न केतकर, अॅड. अनुराधा भारती यांच्या हस्ते करण्यात आले.

या कार्यक्रमा अंतर्गत ‘स्वतंत्र थिएटरस’ तर्फे स्व. दिलीप कुमार यांना श्रद्दांजली म्हणून त्यांच्यावर चित्रीत असलेल्या गाण्यांच्या मेडलीवर डान्स सादर करण्यात आला.

कार्यक्रमाचे सुत्र संचालन अॅड. अनुराधा भारती व उमेद पाटील यांनी केले.

विजेत्यांची नावे

४० वयोगटाखाली महिला

प्रथम पारितोषिक – डाँ.अनघा गुमास्ते,

द्वितीय पारितोषिक – प्रणीती परबत,

तृतीय पारितोषिक – प्रतीक्षा डुडे,

उत्तेजनार्थ – सुझी मँथ्यू

४० वयोगटावरील महिला

प्रथम पारितोषिक-किशोरी तांबोळी

द्वितीय पारीतोषिक-रोशन शेख

तृतीय पारितोषिक-जिना शहा,

उत्तेजनार्थ-दुर्गा नगरकर

४० वयोगटाखालील पुरूष

प्रथम पारितोषिक- राहुल दुधवडे

द्वितीय पारितोषिक- अजिंक्य देशपांडे,

तृतीय पारितोषिक- अमेय तळणीकर

उत्तेजनार्थ- प्रतिक चोखंदरे

४० वयोगटावरील पुरूष

प्रथम पारितोषिक- डॉ. अजय नितुरकर,

द्वितीय पारितोषिक -प्रमोद शेजवलकर,

तृतीय पारितोषिक- विजय खापेकर

उत्तेजनार्थ- निरंजन मागीकर

सर्वोत्तम सादरीकरण

‘व्हॉईस ऑफ पुणे फेस्टिवल’(महिला)- रोशन शेख

‘व्हॉईस ऑफ पुणे फेस्टिवल’ (पुरुष)- राहुल दुधवडे

पुणे – सध्या ताणतणाव वाढत आहेत. आपल्यासाठी मोबाइल आला पण त्यानेही वाढवले फक्त टेन्शनच ! कोणाचा मोबाईल आला तरी टेन्शन अन   नाही आला तरी टेन्शन……नेटवर्कच नाहेचे. त्यात सोशल मिडिया नावाच्या एक नवा प्रकार लोकप्रिय झालाय पण त्यावरही आलेले अनेक संदेश टेन्शन वाढवण्यात भरच टाकत असतात. एकूण काय तर कितीही सोयी सुविधा असल्या तरी रोजच्या जीवनातले टेन्शन कमी होण्याऐवजी वाढतच आहे. हे टेन्शन कमी करण्याचा एकमेव अन बिना खर्चाचा एकमेव मार्ग म्हणजे हसणे…..हसणे हा जसा आनंद देणारा आहे तसाच तो मनाची मशगत करून आयुष्य निरामय करणार प्रकार आहे. हसणे ही केवळ एक प्रक्रिया नाही तर तो शास्त्रिय (सायन्टेफिक) प्रकार आहे, अशा शब्दात रोजच्या जीवनात हसण्याचे महत्व आज

 ३४ व्या पुणे फेस्टिव्हलमध्ये हयासदान फाऊंडेशनने हास्योत्सव एकपात्रींचा हा कार्यक्रम आयोजित केला होता. बालगंधर्व रंगमंदीरात झालेल्या या कार्यक्रमात पुणे फेस्टिव्हलचे अध्यक्ष सुरेश कलमाडी यांनी कार्यक्रम आयोजित करणा-या मकरंद टिल्लू, मंजिरी धामणकर,  चैताली माजगावकर – भंडारी, दिलीप हल्याळ आणि महेंद्र गणपुले या हास्यवीरांचा सन्मान केला आणि कार्यक्रमाचा आनंदही घेतला. यावेळी फेस्टिव्हलचे उपाध्यक्ष कृष्णकुमार गोयल, मुख्यसंयोजक डॉ. सतीश देसाई, सांस्कृतिक कार्यक्रम प्रमुख मोहन टिल्लू, श्रीकांत कांबळे. यावेळी उपस्थित होते. बाहेर जोरात पाऊस कोसळत असतानाही बालगंधर्व रंगमंदीरात हास्यप्रेमीनी गर्दी करून हास्याची कारंजी उडवली.

कार्यक्रमासाठी कलमाडींची एन्ट्री झाल्यावर सर्व कलाकारांनी त्यांना व्यासपीठावर आमंत्रित करून त्यांचे विविध हास्य प्रकारांनी स्वागत केले. पुणे फेस्टिव्हमध्ये सतरा वर्षापूर्वी कलमाडी यांनी एकपात्री कलाकारांना संधी दिल्यामुळे आज महाराष्ट्रातील सर्व एकपात्री कलाकार एकत्र आले आहे असे नमूद केले. कार्यक्रम सादर करणारी चैताली माजगावकर – भंडारी हीने पुणे फेस्टिव्हलमध्ये झालेली पहिली हास्यकलाकार स्पर्धा जिंकल्यानंतर तिने एकपात्री कलाकार म्हणून करीयर करण्याचा निर्णय घेतला अशी महिती मोहन टिल्लू यांनी दिली.

कार्यक्रमाची सुरूवात मकरंद टिल्लू यांनी पापड असो की माणसं पावसळ्यात कोमजतातच, पण कार्यक्रमाला गर्दी महत्वाची नसते तर दर्दी महत्वाचे असतात असे सांगून पहिलीच टाळी घेतली, हसणे हा केवळ एक प्रकार नाही तर हसणे हा शास्त्रशुद्ध (सायन्टेफिक) प्रकार असल्याचे सांगितले. मंजिरी धामणकर यांनी सूत्रसंचलनाची सूत्रे घेतानाच ‘तुम्हारे घर कि शान न जाती की रूदबा कम हो जाता, जो गुस्से कहाँ तुमने वो हसके कह जाता.’असा शेर ऐकवत सुरूवात केली. हास्य ही फक्त माणसालच मिळालेली दैवी देणगी असल्याचे स्पष्ट करताना प्राण्यांना कधी हसताना बघितले का ? जर प्राणीही हसू शकले असते तर…? असा मिश्किल प्रश्न केला. त्यानंतर त्यांनी काही किस्से सांगितले.

आपल्या सनी बरोबर चैताली माजगावकर हिने थेट प्रक्षागृहातून एन्ट्री केली. तिने रामदास पाध्येंसारखी शब्दभ्रम ही कला अवगत केली आहे. सनी सोबत तिने गप्पा मारल्या अन सर्वांनाच पाध्येंच्या बोलक्या बाहुल्यांची आठवण झाली. त्यात तिने सनीच्या तोंडी घातलेले बीपी म्हणजे काय ? बी पी म्हणजे बावळटपणा अन सीए म्हणजे कम्प्लिट आराम या कोट्यांनी हसण्याचे फवारे वाढायला लागले. यानंतर फेस्टिव्हलचे मुख्य संयोजक डॉ. सतीश देसाई यांनी त्यांच्या प्रदीर्घ कारकिर्दीत मदर टेरेसा, नरेंद्र मोदी, अमिताबबच्चन, दिलीपकुमार, हेमामालिनी ते ललिता पवार यांच्यापर्यंत अनेकांचे त्यांनी घेतलेले अनुभव सांगून आपण अशा माणसांकडून काय शिकायचे अन कसे शिकायचे हे नमूद केले.

दिलीप हल्याळ यांनी करोनाचा चॅप्टर सर्वांनी विसरून जावा यासाठी आपण बंपर लाफ्टर घेऊन आलो आहे असे सांगून पहिल्या वाक्यापासून रसिकांची दाद मिळवली. अनेक विनोद रोजच्या जीवनात आपल्या आजूबाजूला घडत असतात. ते कसे टिपायचे याचे रोजच्या जीवनातील अनेक दाखले त्यांनी दिले. एक ज्येष्ठ नागरीकांचा मोबाईल फोनबद्दलचा अनुभव कथन केला. वय वाढले की म्हतारपण येतेच पण त्यांना म्हतारे म्हणू नका कारण ते महा…तारे असतात असा संदेश देत एखादे मूल दत्तक घेण्याऐवजी आजीआजोबांना दत्तक घ्या असे सांगून सर्वांनाच एका वास्तव्याची जाणिव करून दिली. हिंदी चित्रपटातील गाणी कशी आणि किती निरर्थक असतात याचे अनेक दाखले महेंद्र गणपुले यांनी दिले. तसेच विविध प्रकारचे तोंडाने आवाज काढून दाखवले.

पुणे, दि. 8 – जागतिक फिजिओथेरपी दिनाचे औचित्य साधून डेक्कन एज्युकेशन सोसायटीच्या (डीईएस) ब्रिजलाल जिंदाल कॉलेज ऑफ फिजिओथेरपीच्या बाह्यरुग्ण विभागाचे (ओपीडी) उद्घाटन भारतरत्न अटलबिहारी वाजपेयी वैद्यकीय महाविद्यालयाचे अधिष्ठाता डॉ. आशिष बंगींवार यांच्या हस्ते फर्ग्युसन महाविद्यालयाच्या आवारात करण्यात आले.
डीईएसच्या परिषद आणि नियामक मंडळाचे अध्यक्ष डॉ. शरद कुंटे कार्यक्रमाच्या अध्यक्षस्थानी होते. दहशतवाद विरोधी पथकाचे (एटीएस) पोलिस अधीक्षक तुषार दोशी, डीईएसचे उपाध्यक्ष महेश आठवले, कार्यवाह धनंजय कुलकर्णी, महाविद्यालय व्यवस्थापन समितीचे अध्यक्ष डॉ. शरद आगरखेडकर, प्राचार्या स्नेहल जोशी यांची प्रमुख उपस्थिती होती.

सांधेदुखी, हाडांची दुखणी, श्वसनाचे विकार, मेंदूचे विकार, लहान मुलांचे आजार आणि सर्वसाधारण शरीर स्वास्थ्यासाठी आवश्यक असणारे फिजिओथेरपीचे अद्ययावत उपचार याठिकाणी उपलब्ध असणार आहेत. समाजातील सर्व आर्थिक स्तरातील रुग्णांना परवडतील असे किफायतशीर दर आकारण्यात येणार आहेत. सकाळी 9 ते सायंकाळी 7 ही ओपीडीची वेळ आहे.

आरोग्याची देखभाल मोठ्या रुग्णालयांच्या आवाक्याबाहेर जात असताना, अशा प्रकारच्या बाह्यरुग्ण विभागांची उपयुक्तता अधिक आहे. आरोग्याबाबत लहान मुलांमध्ये जनजागृती करणे आवश्यक आहे. असे मत डॉ. बंगींवार यांनी व्यक्त केले. समाज माध्यमे आणि सायबर क्क्राइम या संदर्भात दोशी यांनी विद्यार्थ्यांना माहिती दिली.
कुंटे म्हणाले, ‘‘हे ओपीडी केंद्र समाजसेवेचे नवे दालन ठरेल. परंपरा आणि इतिहासाला सुसंगत अत्युत्तम गुणवत्तेचे, अधिकाधिक रोजगार निर्मिती करणारे आणि समाजसेवेची संधी देणारे शिक्षण देण्यासाठी डीईएस कटिबद्ध आहे.’’ हर्षदा सोनवणे यांनी सूत्रसंचालन आणि रेणुका नाईक यांनी आभार प्रदर्शन केले.