पुणे : राष्ट्रीय पुस्तक न्यासातर्फे (नॅशनल बुक ट्रस्ट) १६ ते २४ डिसेंबर दरम्यान फर्ग्युसन महाविद्यालयाच्या मैदानावर पुणे पुस्तक महोत्सवाचे आयोजन करण्यात आले आहे. या महोत्सवाच्या पूर्वदिनी गरवारे महाविद्यालय ते फर्ग्युसन महाविद्यालयादरम्यान ज्ञान सरिता ग्रंथ दिंडी काढण्यात आली. ढोल-ताशा, टाळ मृदुंगाच्या साथीने झालेल्या या ग्रंथदिंडीमध्ये पुणे शहर, जिल्ह्यातील ३० महाविद्यालयांतील विद्यार्थी उत्स्फूर्तपणे सहभागी झाले.

गरवारे महाविद्यालयाच्या मैदानावर ज्येष्ठ साहित्यिक डॉ. श्रीपाल सबनीस यांनी संविधानाच्या प्रास्ताविकेचे वाचन केल्यावर पोलिस आयुक्त रितेश कुमार यांनी ग्रंथदिंडीला झेंडा दाखवला. राष्ट्रीय पुस्तक न्यासाचे अध्यक्ष मिलिंद मराठे, राष्ट्रीय पुस्तक न्यासाचे संचालक युवराज मलिक, महोत्सवाचे संयोजक राजेश पांडे, सावित्रीबाई फुले पुणे विद्यापीठाचे प्र-कुलगुरू डॉ. पराग काळकर, ज्येष्ठ साहित्यिक श्याम भुर्के, ज्येष्ठ साहित्यिका श्यामा घोणसे, बागेश्री मंठाळकर, प्रसेनजित फडणवीस, डॉ. सुनील भंडगे, सावित्रीबाई फुले पुणे विद्यापीठाच्या राष्ट्रीय सेवा योजना विभागाचे संचालक डॉ. सदानंद भोसले या वेळी उपस्थित होते.

ज्ञानसरिता दिंडीमध्ये ढोलताशा आणि टाळ मृदुंगाचा गजर करत पारंपरिक वेशभूषेतील विद्यार्थ्यांनी ग्रंथ असलेल्या पालख्या खांद्यावर घेतल्या होत्या. तसेच वाचनाचे महत्त्व, महापुरुषांचे विचार सांगणारे फलक विद्यार्थ्यांनी हातात घेतले होते. महर्षी वाल्मिकी, महानुभाव संप्रदाय, वारकरी संप्रदाय, छत्रपती शिवाजी महाराज, धर्मवीर संभाजी महाराज, लहुजी वस्ताद साळवे, पुण्यश्लोक अहिल्यादेवी होळकर, महादजी शिंदे, क्रांतिवीर उमाजि नाईक, महात्मा फुले, क्रांतीज्योती सावित्रीबाई फुले, क्रांतिवीर चाफेकर, क्रांतिवीर वासुदेव बळवंत फडके, लोकमान्य टिळक, स्वातंत्र्यवीर सावरकर, कर्मवीर भाऊराव पाटील, भारतरत्न डॉ. बाबासाहेब आंबेडकर, लोकशाहीर अण्णा भाऊ साठे आणि संविधान दिंडी यांचा समावेश होता.

बालवाचकांची दिंडी
लोकसेवा ई स्कूलच्या विद्यार्थ्यांनी “चला चला रे वाचू आपण पुस्तक, ज्ञाना पुढे होऊ नतमस्तक” असा संदेश देत बालभारती ते फर्ग्युसन महाविद्यालय या मार्गावर बाल साहित्य दिंडी काढण्यात आली. साहित्य अकादमी पुरस्कारप्राप्त साहित्यिक ल. म. कडू, राजीव तांबे, कवयत्री डॉ. संगीता बर्वे, श्यामची आई चित्रपटातील बालकलाकार शर्व गाडगीळ, बालसाहित्यिक (लेखिका) आराध्या नंदकर, पुणे पुस्तक प्रदर्शनाचे मुख्य संयोजक राजेश पांडे, राष्ट्रीय पुस्तक ज्ञासाचे युवराज मलिक, किशोर मासिकाचे संपादक किरण केंद्रे, ईस्कूलच्या मुख्याध्यापिका चैत्राली जैन, संवाद पुणेचे सुनील महाजन या वेळी उपस्थित होते. रंगीबेरंगी फुगे सोडून बालदिंडीचा प्रारंभ झाला. ढोल -लेझीम पथक, पालखी, महाराष्ट्राची महान संत परंपरा, ऐतिहासिक व्यक्तिरेखांच्या वेषभूषेतील मुले, कॉमिक वर्ल्ड, मोराल स्टोरीज, विविध राज्यातील पारंपारिक वेषभूषेतील बाल कलाकार, ऑटो बिओगर्गिस, नो आबाऊट पोएट, रामायणातील वेषभूषेतील कलाकार असे सुमारे पाचशे शालेय विद्यार्थी बालदिंडीमध्ये सहभागी झाले.
सध्याच्या धकाधकीच्या आणि धावपळीच्या काळात स्थिर, शाश्वत जीवन जगता यावे यासाठी वाचन आवश्यक आहे, असे मत कडू यांनी मांडले. पुस्तके समाजाला आणि जीवनाला जोडतात. त्यामुळे मुलांना पुस्तके वाचनाची गोडी लावणे आवश्यक असून दिंडीतील वारकरी पुणे पुस्तक प्रदर्शनाचे ब्रँण्ड अम्बेसिडर असल्याचे मलिक म्हणाले.

पुणे –

हडपसर, मुंढवा, केशवनगर व मांजरी या भागात प्रचंड वाहतूक कोंडी झाली असून हडपसरकर नागरिकांच्या दैनंदिन जीवनात प्रवास करतांना तासनतास आपला वेळ ट्रॅफिकमध्ये वाया घालवावा लागत आहे. प्रशासनाला याबाबत वारंवार सूचना देऊनही प्रशासन याबाबत कोणताही ठोस असा निर्णय घेत नसल्यामुळे आज महात्मा फुले चौक, मुंढवा येथे शिवसेनेचे शहरप्रमुख प्रमोद नाना भानगिरे यांच्या नेतृत्वाखाली हजारो शिवसैनिक व स्थानिक नागरिकांच्या उपस्थितीत रस्ता रोको आंदोलन करण्यात आले.

मुंढव्यातील महात्मा फुले चौकापासून ते छत्रपती शिवाजी महाराज चौक व रेणुकामाता मंदिर, केशवनगर या रस्त्यावर सद्याच्या घडीला खुप मोठ्या प्रमाणात वाहतूक कोंडी होत आहे. दररोज नागरिकांना वाहतूक कोंडीच्या समस्येला सामोरे जावे लागत आहे. म्हणूनच येथील वाहतूक व्यवस्थेचे सुरळीत नियोजन करण्यासाठी, महानगरपालिकेने केशवनगर ते मांजरी पर्यंत जिथे उड्डाणपूल आहे तिथे अंडरपास करावा तसेच येथील अतिक्रमण काढून रस्त्याचे रुंदीकरण करण्यात यावे या मागणी साठी आज महात्मा फुले चौक, मुंढवा येथे रस्ता रोको आंदोलन करण्यात आले.

रस्ता रोको केल्यानंतर काही शिवसैनिकांनी आंदोलनस्थळी एक रुग्णवाहिका आणून कश्याप्रकारे या वाहतूक कोंडीमध्ये एखाद्या रुग्णाचे प्राण जाऊ शकतात, याचा जिवंत देखावा प्रशासनाला दाखवून दिला. तसेच आंदोलनस्थळी बोलताना, शिवसेनेचे शहरप्रमुख प्रमोद नाना भानगिरे म्हणाले की “येथील स्थानिक नागरिकांना गेल्या अनेक वर्षांपासून मोठ्या प्रमाणात वाहतूक कोंडीला सामोरे जावे लागत असून संपूर्ण हडपसर हे वाहतूक कोंडीच्या विळख्यात सापडले आहे, पुणे महानगरपालिकेच्या प्रशासनाला यासंबंधी निवेदन देवूनही, प्रशासन याविषयी वाहतूक कोंडी टाळण्यासाठी कोणतेही नियोजन करत नाही. त्यामुळे पुढील आठ दिवसात केशवनगर मांजरीचा अंडरपास करण्याचा निर्णय महानगरपालिकेच्या बैठकीत घेण्यात आला नाही, तर आयुक्तांच्या कक्षाला टाळे ठोकू” अशा पद्धतीचा इशारा दिला.

येथील आमदार, खासदार, प्रशासन यांना या समस्येविषयी वारंवार, निवेदन, पत्रे, सूचना देवूनही त्यांच्याकडून या प्रश्नावर काहीच मार्ग निघत नाही. दरम्यान या परिसरात असणाऱ्या IT कंपन्या या ट्रॅफिकच्या त्रासाला कंटाळून स्थलांतरित करण्याच्या विचारात आहेत. त्यामुळे येथील नागरिकांना खुप मोठ्या प्रमाणात फटका पोहचू शकतो. आणि म्हणून येणाऱ्या भविष्याची जाण ठेऊन लोकप्रतिनिधी व प्रशासना विरोधी आज शिवसेनेचे शहरप्रमुख प्रमोद नाना भानगिरे यांच्याकडून रस्तारोको आंदोलन करण्यात आले. यावेळी हजारो शिवसैनिक व हडपसर भागातील शेकडो स्थानिक नागरिक या आंदोलनात सहभागी होते. व प्रशासनाविरोधी घोषणाबाजी करण्यात आली . यावेळी महापालिका उपायुक्त श्री. काटकर यांनी आंदोलन स्थळी भेट देऊन, शिवसेना शहरप्रमुख प्रमोद नाना भानगिरे यांनी मागणी केलेल्या प्रश्नावर, तातडीचे बैठक घेण्यासंबंधी निर्देशित केल्यानंतर रस्ता रोको आंदोलन मागे घेण्यात आले.

या आंदोलनात शिवसेना शहरप्रमुख प्रमोद नाना भानगिरे, जिल्हाप्रमुख उल्हासभाऊ तुपे, शहर प्रवक्ते, अभिजित बोराटे, उपजिल्हाप्रमुख अमर घुले, उपशहर प्रमुख विकी माने, संतोष राजपूत, लक्ष्मण आरडे, शहर उपसंघटक दिपक कुडाळ, शहर संघटक खन्नासिंग कल्याणी, युवासेना हडपसर विधानसभा उपाध्यक्ष सुमित बोबडे, विभागप्रमुख प्रकाश लाकडे, विभागप्रमुख स्वप्नील गायकवाड हडपसर-केशवनगर विभागप्रमुख अक्षय तारू, हडपसर महिला आघाडी अध्यक्ष निशीगंधा थोरात, युवतीसेना शहराध्यक्ष सलोनीताई गुंजाळ आणि हजारो शिवसैनिक व हडपसर परिसरातील स्थानिक नागरिक उपस्थित होते.

अभियंत्यांच्या कार्यशाळेत मुख्य अभियंता राजेंद्र पवार यांचे निर्देश

पुणे: पुणे परिमंडलामध्ये छतावरील सौर ऊर्जेचे लघु व उच्चदाबाच्या घरगुती, वाणिज्यिक, औद्योगिक व इतर वर्गवारीमध्ये आतापर्यंत २८६ मेगावॅट क्षमतेचे १२ हजार ३९७ प्रकल्प कार्यान्वित झाले आहेत. वीजग्राहकांचा सौर ऊर्जेच्या माध्यमातून ऊर्जा संवर्धनाला चांगला प्रतिसाद मिळत आहे. त्यामुळे सौर ऊर्जा प्रकल्प कार्यान्वित करण्यासाठी ‘इज ऑफ लिव्हिंग’नुसार (राहणीमान सुलभता) आणखी तत्पर सेवा देण्यात यावी असे निर्देश मुख्य अभियंता श्री. राजेंद्र पवार यांनी गुरुवारी (दि. १४) दिले.

राष्ट्रीय ऊर्जा संवर्धन दिनानिमित्त रास्तापेठ येथील सर मोक्षगुंड विश्वेश्वरय्या बहुउद्देशीय सभागृहात मंडल, विभाग व उपविभाग कार्यालयात छतावरील सौर ऊर्जा प्रकल्पांच्या उभारणीसाठी प्रत्यक्ष कार्यवाही करणाऱ्या ९७ अभियंत्यांची एक दिवसीय कार्यशाळा झाली. यावेळी मुख्य अभियंता श्री. पवार बोलत होते. कार्यकारी अभियंता श्री. धनराज बिक्कड, प्रणाली विश्लेषक श्री. बाळकृष्ण पाटील, व्याख्याते डॉ. नीलेश रोहणकर, डॉ. संतोष पाटणी यांची यावेळी उपस्थिती होती. यावेळी ऊर्जा संवर्धनाची शपथ घेण्यात आली.  

मुख्य अभियंता श्री. राजेंद्र पवार म्हणाले की, पारंपरिक वीजनिर्मितीचे प्रामुख्याने कोळसा, वायू व इतर इंधन साठे मर्यादित झाले आहेत. संपुष्टात येणाऱ्या या नैसर्गिक इंधनामुळे ऊर्जा संवर्धन ही काळाची गरज आहे. त्यासोबतच अपारंपरिक ऊर्जा निर्मितीला चालना देणे अतिशय महत्वाचे आहे. पुणे परिमंडलामध्ये छतावरील सौर ऊर्जा प्रकल्प कार्यान्वित करण्यासाठी गेल्या वर्षभरापासून वेग देण्यात आला आहे. छतावरील सौर प्रकल्प उभारणीसाठी ग्राहकाने अर्ज केल्यापासून प्रकल्प कार्यान्वित होईपर्यंत संबंधित अधिकाऱ्यांनी तत्पर सेवा द्यावी. काही अडचणी आल्यास त्यासंबंधी ग्राहकांना योग्य माहिती द्यावी असे आवाहन श्री. पवार यांनी केले.

या कार्यशाळेत डॉ. संतोष पाटणी यांनी छतावरील सौर ऊर्जा प्रकल्प उभारणीची प्रक्रिया आणि डॉ. नीलेश रोहणकर यांनी सौर धोरण या विषयावर इत्यंभूत माहिती दिली. त्यानंतर प्रश्नोत्तराच्या तासात तांत्रिक व प्रशासकीय मार्गदर्शन करण्यात आले. या कार्यशाळेत उपविभाग कार्यालयप्रमुख अतिरिक्त कार्यकारी अभियंते, उपकार्यकारी अभियंते, सहायक अभियंते व कनिष्ठ अभियंते सहभागी झाले होते.

सनी जाधव,बबल्या कोठारी, सल्ल्या शेखची भाईगिरी मोडून काढणार

पुणे-खुनाच्या प्रयत्नातील गुन्हयात दोन महिन्या पासुन फरार असलेला सराईत गुंड सनी शंकर जाधव वय २६ वर्षे रा. चैत्रबन वसाहत गल्ली नंबर १०, माताजी सुपर मार्केट शेजारी अप्पर इंदिरानगर बिबवेवाडी याला पोलिसांनी जेरबंद केले आहे .या संदर्भात पोलिसांनी सांगितले कि,’दि.२५/१०/२०२३ रोजी बालाजीनगर येथील शिळीमकर पेट्रोल पंप जवळ फिर्यादी रा. अप्पर इंदिरानगर, बिबवेवाडी यांना जुन्या भांडणाच्या कारणावरुन भांडणात मध्यस्थी करतोस काय, जास्त शहाणा झालास का, याला मारून टाकू, याला आता संपवायचाच असे असे बोलून बबलू कोठारी, सल्या शेख सनी जाधव यांनी संगनमत करुन जिवे मारण्याच्या हेतुन कोयत्याने वार केले व हातातील कोयते, बांबू हवेत फिरवून आजूबाजूच्या लोकांसमोर आम्हीच इथले भाई आहोत. कोणी नडला तर त्याला तोडणारच असे जोरजोराने ओरडून दहशत केली व त्यानंतर ते सर्वजण गाडीवर बसून तेथून निघून गेले. त्याबाबत सहकारनगर पोलीस ठाणे येथे गुरनं २७७/२०२३ भादवि कलम ३०७,३२३,५०४, ५०६, आर्म अॅक्ट ४ (२५), मपोका कलम ३७(१) (३) सह १३५ क्रिमीनल अमेंडमेंट अॅक्ट कलम ३ व ७, मोका कायदा कलम ३(१) (ii),३(२), ३ (४) प्रमाणे गुन्हा दाखल आहे सदर गुन्हया मध्ये सनी जाधव हा गुन्हा झाले पासुन २ महिने फरार होता.
सहकारनगर पोलीस स्टेशन तपास पथकातील पोलीस अधिकारी व पोलीस अंमलदार असे सहकारनगर पोलीस ठाणे येथे हजर असताना मोक्का मध्ये पाहिजे असलेला टोळी प्रमुख सराईत गुन्हेगार सनी जाधव याचा शोध घेत असताना पोलीस अंमलदार अमोल पवार व निलेश शिवतरे यांना बातमीदारामार्फत बातमी मिळाली की सदर गुन्हयांत फरार असलेला आरोपी हा कात्रज येथे राजस सोसायटी चौकातील गणपती मंदिरा जवळ मित्र भेटण्यासाठी येणार म्हणुन वाट पाहत थांबला आहे अशी खात्रीशीर बातमी मिळाल्याने लागलीच पो उपनिरी. राहुल खंडाळे व अंमलदार यांची टीम तयार करुन बातमीचे ठिकाणी जावुन कारवाई करण्याचे तोंडी आदेश दिले त्यानुसार सदर ठिकाणी जावुन छापा टाकुन आरोपीस ताब्यात घेवुन नाव पत्ता विचारता त्याने त्याचे नाव सनी शंकर जाधव वय २६ वर्षे रा. चैत्रबन वसाहत गल्ली नंबर १०, माताजी सुपर मार्केट शेजारी अप्पर इंदिरानगर बिबवेवाडी पुणे असे सांगितले असुन त्याच्याकडे दाखल गुन्हयाच्या अनुशंगाने विश्वासात घेवुन चौकशी करता त्याने सदरचा गुन्हा हा त्याचे साथीदार बबलू कोठारी, सलमान शेख यांच्यासह केल्याचे कबुल केल्याने त्यास सदर गुन्हयात अटक करण्यात आली आहे.
सदर गुन्हयाचा अधिक तपास सहाय्यक पोलीस आयुक्त, स्वारगेट विभाग नारायण शिरगावकर हे करीत आहेत.
सदरची कामगीरी अपर पोलीस आयुक्त पश्चिम प्रादेशीक विभाग प्रविणकुमार पाटील पोलीस उपायुक्त परिमंडळ-२, श्रीमती स्मार्तना पाटील,सहा. पोलीस आयुक्त, स्वारगेट विभाग नारायण शिरगावकर वरिष्ठ पोलीस निरीक्षक सहकारनगर पोलीस स्टेशन सुरेंद्र माळाळे, पोलीस निरीक्षक (गुन्हे) संदीप देशमाने यांचे मार्गदर्शनाखाली पोलीस उपनिरीक्षक राहुल खंडाळे, सहा. पोउपनिरी बापु खुटवड, पोलीस अंमलदार अमोल पवार, निलेश शिवतरे, सुशांत फरांदे, महेश मंडलिक, भुजंग इंगळे, सागर सुतकर, बजरंग पवार, विशाल वाघ नवनाथ शिंदे, सागर कुंभार यांनी केली आहे.

नामदार चंद्रकांतदादा पाटील यांचा उपक्रम

पुणे-कोथरूड मधील नागरिकांना आपले विविध प्रकारचे शासकीय दाखले मिळणे आता आणखी सोपे आणि सहज होणार आहे. नामदार चंद्रकांतदादा पाटील यांनी विशेष पुढाकार घेतला असून, आपल्या कोथरुडमधील जनसंपर्क कार्यालयात मोफत ईसेवा केंद्र सुरू केले आहे. नामदार पाटील यांच्या या उपक्रमामुळे आर्थिक दुर्बलांना मोठा आधार मिळाला आहे.

लोकनेते गोपीनाथ मुंडे यांच्या जयंतीचे औचित्य साधून भाजपा दक्षिण कोथरूड मंडल अध्यक्ष डॉ संदीप बुटाला, शहर सरचिटणीस पुनीत जोशी यांच्या उपस्थितीत ही सेवा कार्यान्वित करण्यात आली. यावेळी माजी नगरसेविका तथा कोथरुड मंडल महिला मोर्चा प्रभारी मंजुश्री खर्डेकर, भाजपा कोथरूड मंडल सरचिटणीस प्रा. अनुराधा एडके, गिरीश खत्री, दीपक पवार, उपाध्यक्ष हेमंत बोरकर , दिनेश माझिरे , शंतनू खिलारे, प्रदीप ज़ोरी, प्रभाग १३ अध्यक्ष ॲड. प्राची बगाटे, प्रभाग ११ चे अध्यक्ष अशुतोष वैशंपायन, युवा मोर्चा अध्यक्ष अमित तोरडमल, युवा मोर्चा सरचिटनीस कुणाल तोंडे, झोपडपट्टी आघाडी अध्यक्ष बाळासाहेब दांडेकर, महिला मोर्चा सरचिटनिस सौ केतकीताई कुलकर्णी, चिटणीस अभिजीत गाड़े, सौ निर्मला राइरिकर, जनार्दन क्षिरसागर, कैलास मोहोळ, विजय राठोड, स्वीकृत नगरसेवक बापु मेंगड़े, अद्वैत जोशी, राजेश राठौड़, राहुल देशपांडे, सौ. पूनम कारख़ानिस यांच्या सह भाजपचे सर्व पदाधिकारी उपस्थित होते.

केंद्र सरकारद्वारे तयार करण्यात आलेल्या राष्ट्रीय ई-गव्हर्नन्स योजने अंतर्गत, महाराष्ट्रात महा ई-सेवाकेंद्र म्हणून ओळखल्या जाणा-या सामान्य सेवा केंद्र योजना (सीएससी) स्थापन करण्यात आल्या आहेत. यालाच महा-ईसेवा केंद्र असेही म्हटले जाते. या केंद्रामधून राज्यातील नागरिकांना उत्पन्नाचा दाखला, रहिवासी दाखला, डेमेसाईल सर्टिफिकेट, जातीचा दाखला, नॉन क्रीमिलेअर यांसह विविध प्रकारचे दाखले आपल्या आवश्यकतेनुसार तात्काळ उपलब्ध होत असतात. यामुळे नागरिकांचा वेळही वाचतो. त्यासोबतच सरकार कार्यालयात मारावे लागणारे खेटे ही वाचतात.‌

नागरिकांना आपले विविध प्रकारचे दाखले मिळवण्यासाठी शासनाने निश्चित केलेल्या नियमानुसार शुल्क आकारुन सदर दाखले उपलब्ध करून दिले जातात. मात्र, अनेकांना हे दाखले मिळवताना मोठी काटकसर करावी लागते. आपल्याला उदरनिर्वाहासाठी मिळणाऱ्या तुटपुंज्या पगारातून काटकसर करुन पैसे जमा करावे लागतात. त्यानंतरच ईसेवा केंद्रात जाऊन दाखले मिळवावे लागतात.

त्यामुळे कोथरुडकरांची ही अडचण दूर करण्यासाठी नामदार चंद्रकांतदादा पाटील यांनी पुढाकार घेतला आहे. आपल्या कोथरुडमधील जनसंपर्क कार्यालयाच्या माध्यमातून मोफत महा ईसेवा केंद्र सुरू केले असून, या उपक्रमाचा आर्थिकदृष्ट्या दुर्बल कुटुंबातील व्यक्तींना मोठा आधार मिळाला आहे.

पुणे, दि. १४ : महात्मा ज्योतिबा फुले संशोधन व प्रशिक्षण संस्था (महाज्योती) मार्फत एमएचटी-सीईटी, जेईई, एनइएफटी-२०२५ साठी परीक्षा पूर्व प्रशिक्षण घेणा-या विद्यार्थ्यांना मोफत टॅबलेट व डाटा सिमकार्ड देण्याची योजना राबविण्यात येत असून पुणे जिल्ह्यातील परीक्षा पूर्व प्रशिक्षणाकरिता पात्र असणाऱ्या ९२ विद्यार्थ्यांना टॅबलेट व डाटा सिमकार्ड वाटपाच्या कार्यक्रमाचे आयोजन करण्यात आले.

डॉ. बाबासाहेब आंबेडकर सामाजिक न्याय भवन, विश्रांतवाडी पुणे येथे आयोजित कार्यक्रमास इतर मागास बहुजन कल्याणचे सहायक संचालक विशाल लोंढे, समाजकल्याण निरीक्षक वैभव लव्हे, महाज्योती कार्यालयाचे विभागीय समन्वयक पल्लवी कडू उपस्थित होते. यावेळी ५५ विद्यार्थ्यांना टॅबलेट व सिमकार्डचे वाटप करण्यात आले.

याप्रसंगी श्री. लोंढे यांनी उपस्थित विद्यार्थ्यांना करिअर विषयी मार्गदर्शन केले. विद्यार्थ्यांनी आपली बलस्थाने ओळखून त्यानुसार पुढील करिअरचे क्षेत्र निवडून टॅबलेट व सिमकार्डचा वापर विद्यार्थ्यांनी त्यांच्या पुढील शैक्षणिक कामकाजासाठी करावा, असे सांगितले.

पुणे, दि.१४: साहित्यरत्न लोकशाहीर अण्णाभाऊ साठे विकास महामंडळामार्फत मातंग व तत्सम बारा पोटजाती या समाजातील विद्यार्थांसाठी राबविण्यात येणाऱ्या शैक्षणिक कर्ज योजनेचा लाभ घेण्याचे आवाहन करण्यात येत आहे.

साहित्यरत्न लोकशाहीर अण्णाभाऊ साठे विकास महामंडळामार्फत सन २०२३-२४ या आर्थिक वर्षापासून शैक्षणिक कर्ज योजना पूर्वरत सुरु करण्यात आली असून योजनेचा तपशील पुढीलप्रमाणे आहे. शैक्षणिक कर्ज योजनेअंतर्गत देशांतर्गत शिक्षणासाठी ३० लाख रुपये आणि परदेशातील शिक्षणासाठी ४० लाख रुपयांपर्यंत कर्जाची मर्यादा आहे. महामंडळाने शिफारस केलेल्या अर्जानुसार लाभार्थीनिहाय निधी राष्ट्रीय अनुसूचित जाती वित्त व विकास महामंडळाकडून कर्ज उपलब्ध करुन देण्यात येणार आहे. देशात व परदेशातील शिक्षणासाठी तीन लाखापर्यंत उत्पन्न मर्यादा आहे.

देशांतर्गत शिक्षणाकरीता महिलांसाठी ५.५ टक्के व पुरुषांसाठी ६ टक्के आणि परदेशातील शिक्षणाकरीता महिलासाठी ६.५ टक्के व पुरुषासाठी ७ टक्के व्याजदर आहे. कर्ज परतफेडीचा कालावधी दहा लाखापर्यतच्या कर्जाकरीता १० वर्ष तसेच दहा लाखापेक्षा अधिक कर्जाकरीता १२ वर्षे आहे. शिक्षण पूर्ण झाल्यानंतर ६ महिने अथवा नोकरी लागल्यानंतर यापैकी जे अगोदर होईल तेंव्हापासून कर्ज परतफेडीची सुरुवात करण्यात येणार आहे.

या योजनेअंतर्गत देण्यात येणाऱ्या शैक्षणिक कर्जासाठी असलेल्या अभ्यासक्रमांची यादी https://www.nsfdc.nic.in या संकेतस्थळावर उपलब्ध आहे. योजनेचा लाभ घेण्यासाठी महामंडळाचे जिल्हा कार्यालय, तळमजला, ए.विंग, डॉ. बाबासाहेब आंबेडकर सामाजिक न्याय भवन, स.क्र.१०३/१०४, मेन्टल कॉर्नर, विश्रांतवाडी पोलिस स्टेशन समोर, येरवडा, ४११ ००६ येथे प्रस्ताव सादर करावे, असे आवाहन जिल्हा व्यवस्थापक शिवाजी मांजरे यांनी केले आहे.