महाराष्ट्र शासनाने काही नियम आणि अटी पाळून लॉकडाऊन ५.० मध्ये चित्रपट, मालिका आणि
वेबसिरीजच्या चित्रीकरणासाठी परवानगी दिल्यामुळे बऱ्याच प्रॉडक्शन हाऊसने त्यांच्या प्री-प्रॉडक्शनच्या कामाला आणि, निर्मात्यांनी शूटिंगला सुरुवात केली आहे आणि यामध्ये गुन्हेगारीवर आधारित ‘बॉम्बे डे’ या आगामी वेब सिरिजचं नाव प्रथम स्थानावर आहे.
भरत सुनंदा लिखित आणि दिग्दर्शित ‘बॉम्बे डे’ या वेब सिरिज चा मुहूर्त सोहळा नुकताच नितिन चंद्रकांत देसाई यांच्या ‘एन. डी. फिल्म स्टुडिओ’ येथे संपन्न झाला. नितीन चंद्रकांत देसाई हे प्रमुख पाहुणे म्हणून उपस्थित राहून त्यांच्या हस्ते चित्रीकरणाचा शुभारंभ झाला.
1 फाईव्हफिल्म्स प्रॉडक्शन्स निर्मित ‘बॉम्बे डे’ ही गुन्हेगारीवर आधारित वेब सिरीज सत्य घटनेपासून प्रेरित आहे. ही गोष्ट आहे मुंबईमधल्या एका मोठ्या अंडरवर्ल्ड डॉनची, ज्याचा एन्काऊंटर विजय साळसकर यांनी केला होता. त्या काळात विजय साळसकर यांनी बऱ्याच कुख्यात गुंडाचे एन्काऊंटर केले होते, पण हा एन्काऊंटर मुंबई मधला सर्वात मोठा एन्काऊंटर ठरला. त्यांना कोणी मदत केली? नक्की कोण कोण यामध्ये सहभागी होते? यात कोणत्या राजकारण्याचा संबंध होता का? यांसारख्या अनेक प्रश्नांची उत्तरं
वेब सिरिजच्या माध्यमातून मिळणार आहेत.असा दावा करण्यात आहे.
या वेब सीरिजमधून अनुपम खेर, जूही चावला, अनिकेत विश्वासराव, इक्बाल खान, शक्ती कपूर, आणि संदीपा धार हे विविध व्यक्तिरेखा साकारणार आहेत . प्रसाद पांचाळ हे कार्यकारी निर्माते आहेत तर धरम सावलानी हे लाईन प्रोड्यूसर आहेत आणि चारू खाबडे या मार्केटिंग आणि इंटिग्रेशनच्या प्रमुख आहेत. ही वेब सिरीज नोव्हेंबरमध्ये ओटीटी प्लॅटफॉर्मवर प्रदर्शित होणार आहे.