पुणे- पुणे मेट्रोपॉलिटन जिल्हा टेनिस संघटना व एमएसएलटीए यांच्या मान्यतेखाली आयोजित एमएसएलटीए योनेक्स सनराईज अखिल भारतीय मानांकन टॅलेंट सिरिज 14 वर्षाखालील टेनिस स्पर्धेत पहिल्या पात्रता फेरीत सूर्या काकडे, आयुश पुजारी, राजवीर पाडाळे या खेळाडूंनी आपापल्या प्रतिस्परध्यांचा पराभव करून करून आगेकूच केली.
श्री शिवछत्रपती क्रीडा संकुल, म्हाळुंगे बालेवाडी येथील टेनिस कोर्ट येथे आजपासून सुरु झालेल्या या स्पर्धेत 14वर्षाखालील मुलांच्या गटात पहिल्या पात्रता फेरीत आयुश पुजारी याने पार्थ काळेचा 9-6 असा तर, राजवीर पाडाळेने अथर्व जोशीचा 9-7 असा संघर्षपूर्ण पराभव करून आगेकूच केली. वेदांत दिक्षीत याने हृदय जैनवर 9-4 असा विजय मिळवला. सूर्या काकडेने निनाद पाटीलचा 9-0 असा सहज पराभव केला.
स्पर्धेचा सविस्तर निकाल: 14वर्षाखालील मुले: पहिली पात्रता फेरी:
वेदांत दिक्षीत वि.वि.हृदय जैन 9-4;
सूर्या काकडे वि.वि.निनाद पाटील 9-0;
प्रथमेश पाटील वि.वि.नीव कोठारी 9-2;
आयुश पुजारी वि.वि.पार्थ काळे 9-6;
राजवीर पाडाळे वि.वि.अथर्व जोशी 9-7.